قصائد مسموعة للشاعر الشعبي الكويتى فهد بورسلى ( إلقاء محمد المطيري )

[كويتى]

شاعر الكويت الشعبي

> فهد راشد ناصر بورسلي <


http://www.sama3y.net/forum/attachment.php?attachmentid=252340&stc=1&d=1301795724


كان رحمة الله عليه شاعر الكويت الشعبي الذي عبر عن غالبية
معانات الكويتيين بأشعاره الشعبيه مستشفاً جميع أشعاره من
يوميات حياة الرجل الكويتي في السابق

امتاز فهد بورسلي بإنتقاء البحور الشعرية السهلة الخفيفة المفهومه
لدى الجميع كي يرددها الصغير قبل الكبير وبالفعل قد حقق نجاحاً
لا حدوده له فكان شاعراً يجسد دولة بعد كتابته عن بعض
الأزمات.
ولد شاعرنا في عام 1918 وتوفي في 25/4/1960
له ديوان واحد فيه اكثر من مئة قصيدة و 6 زهيريات
وقامت ابنته الوحيده وسميه بجميع هذه القصائد الرائعه.
كما يعتبر اشعار فهد بورسلي المغناه هي ارث شعبي وجزء من
تاريخ الفن الكويتي ...

كان فهد بورسلي شاعراً شعبياً أكثر منه كشاعر نبطي ولكن
عندما قرأت له شعر " يوم ونيت " تأكدت أنه مبدع في كل شيئ يكتبه
هذه صورة بسيطة من حياة شاعرنا وإن شاء الله ستكون لنا
وقفة جديدة مع شاعرنا رحمة الله عليه .

مشاركتي عباره عن مجموعة من القصائد المسموعة لهذا الشاعر
المتميز ونسمعها بإلقاء الشاعر المرحوم باذن الله.

( محمد المطيري )

http://www.sama3y.net/forum/attachment.php?attachmentid=252339&d=1301795724

الذى أسر واستشهد ابان الغزو على بلدى الغالي الكويت .

وقد تميز الشاعر محمد المطيري رحمة الله عليه بالصوت

الدافئ الحنون المليئ بالشجن والعاطفة .

القصيدة الاولى بعنوان ( جــزا البارحه )

جزى البارحة جفنى عن النـوم : : جزى من غرابيل الزمانى

صبرت أمس مع قبل امس واليـوم : : وأشوف العشرتصفى ثمانى

عذاب على العشاق مقســـوم : : تولعت يـــــــوم الله بلانى

يلزم علىٌ الشــوق تلزوم : : وأنا يوم لزمته عصــانى

سجيم الهوى ما يسمع اللـــوم : : حنين الجفا ســد الأذانى

شريف على التكيات مخـــدوم : : ولا هو من الطرز الجبانى

طريح عن اللذات محــروم : : صوابه خطر بين المحـانى .

[كويتى]

القصيدة الثانية ( ياهل الشرق )


ياهل الشرق مروا بي على القيصريـه
عضـدوا لـي وتلقـون الأجـر والثـوابـي


وأطلبوا دختـر العشـاق يكـشـف علـيـه
بس يمسح على قلبي ويبري صوابي


ياغـريـب( ن ) لـفـانـا مـــن ديـــار مـديــه
الغـريـب لهلـه وأنــا عـلٌـى الـعـذابـي


كـود يرف لـ جـروح ( ن ) بالضمـايـر خفـيـه
من رفا جرح مسلم فاز يـوم الحسابـي


وهـقـونـي بـعـرفـه نـاقـلـيـن الـخـطـيـه
مثل ماوهق العطشان ضوح السرابـي


في عيونه سحر هاروت دمـث الشفيـه
اسحـرونـي وأنــا بيـنـي وبيـنـه حـجـابـي


أتـحــرى مــراحــه واتــحــرى مـجـيــه
واستخيـل البـروق إللـي بلـيـا سحـابـي


ياهل الشرق مروا بى على القيصريه
عضدوا لى وتلقون الاجر والثوابي .

[كويتى]

القصيدة الثالثة ( جــــار الزمــــان )


جار الزمان وشب بالقلب تنور
وقت الخطا مدبر ولافيه حيله

دمعي تحدر من على الخد منثور
دايم على الخدين يجري مسيله

ابات ليلي بالمصيبات مقهور
ليال ذقت الضيم ماهي بليلة

من ضيم وقت هدم الدور وقصور
ومنكف على العالم بجيشه وخيله

ركب الرديف وحولوا راعي الكور
وقاموا يروونه نفوس ثقيلة

لوكان له فضل على الناس مشهور
خلوه يوم انكف عنهم حصيله

لوكان ينطح له بما فات طابور
اليوم مسكين وحاله نحيله

محدن يقول اعليت ياليث ماجور
وقت تغير دار دور بديله

لاعاد شان الوقت والحظ مدبور
الليث وندخ والقطو رزذيله

الهر يفرس من حمامة وعصفور
ماتشتهي نفسه لزوم يجي له

من اول عند المناعير محقور
واليوم له يمنى عليهم طويله

كم واحد حر كريم ومنعور
يفرح بوجه الضيف عينه خليله

صابه زمان به تعاكيس وكدور
في حالة عقب المعزة ذليلة

ياحيف طاح وخاطره ظل مكسور
ماله صحيب صافي يشتكي له

عند الملازم يرجع الشور للثور
يفصل وله ربع رضوا بالفصيله

والحر شوره لوحكى فيه بالخور
ماشوف منهم واحد يصطفي له

كم ليث باتع من ردى الحظ ماسور
من شاف حاله قال واعزتي له

يغلي بقلبي من ردى الوقت ويفور
هم بجاشي ليت ربي يزيله

يوم الردي قد فاه والطيب مثبور
ووقت الخطا ساعف نفوس رذيله

قالوا بعض ناس على الطيب خايور
الكدش حطت بالخيول الاصيله

يامن يبرزلي ظلامه من النور
وقت تغير والمساعي قليلة

لويرجع اللى قد مضى ندي نذور
ومن الفرح كل يبرد غليله

جار الزمان وشب بالقلب تنور
وقت الخطا مدبر ولافيه حيله.

[كويتى]

القصيدة الرابعة


زهيرية ( تهل العين )


تـهـل العـيـن مــن فـرقــاه دمـعــي :: وانـــا مـنــلام لـيــه هـــل دمـعــي
ولـو وسـط الحشـا حـلـت اهـمـوم :: عـن الماكـول منهـا شـفـت منـعـي
وحاربـت الـكـرى ويــا المسـيـري :: سبـب منـهـو دا بالـجـوف مـزعـي
غـزال نـفـي هــوى غـيـه رمـانـي :: دعـا فـي القلـب مـن فرقـاه ملـعـي
صواب الزين وسط الجوف ماكـر :: برمحـه صابنـي وانـقـض درعــي
لـقـيـت الـبـيـر قـبـلــي وارديــنــه :: رجــال عرفـهـم فـاضـداد ربـعــي
نـويــت اروي ودا الفـيـحـان فـيــه :: روى غيري وانا اللي مات زرعي
انــا ماشـفـت غـيـري حــل قـبـلـي :: عجزت القلـب ذايـب ذوب خلعـي
عـلـيـه الـــدرب ســـدن ومـتـلـدي :: على غيري اشوف الـدرب سنعـي
انـــا يـاكـيـف مـاشــق الـهـدومــي :: واغضض بالنواجـد راس صبعـي
لاعـاد الحـظ مـيـت كـيـف اســوي :: وقلبـي بالهـوى والـشـوق طمـعـي
مــن الفـرقـا غــدى قلـبـي حـريـق :: بقلـب الضيـم مــن فـرقـاه فـرعـي
عسـى مــن لامـنـي بالـحـب يـبـلا :: بهـمـه زايــدن جـرحــه وطـلـعـي
انــا مــن لام فــي حــب الحبيـيـب :: غزا لـن كامـل ن زيـن ن وطبعـي
غزال ن صار همـه وسـط جوفـي :: سوات الـدود وسـط القلـب يسعـي
انـــا مـافــك مـنــه كــــود مــيــت :: عــن الـعـذال ربــي ســد سـمـعـي .

[كويتى]

القصيدة الرابعة



زهيرية ( تهل العين )





.. إستماع طيب :emrose:..

[كويتى]

القصيدة الخامسة


زهيرية ( خاطري ماطاب )


خاطري ما طاب من ذاك الفريج *** صد قلبي وأنا تابع هواه

كل يوم وأنا أدق الطريـــــج *** ماحدن قال لي واعزتاه

خبروني راعي الثوب الرجيج *** لايجيني ولاعيني تراه

أحمد ألله تهئ لي صديــــــج *** لوبجازيه ماأطلع من جزاه

يوم أنا بالهواء جرحي غميج *** قايد الريم يبخل في دواه

عاضنا بالغضى ضافي الدليج *** صافى الخد ياضي لي سناه

لامشى هايم فى الخصرالدجيج *** له ردوف تتله من وراه

جن عينه على قلبـــي تويــج *** مابدت سبته ترخص غلاه .


.. إستماع طيب :emrose:..

[كويتى]

القصيدة السادسة

زهيرية ( ورا الليـــالي )


ورا الليالي فرقتنا وراها = جدامها واليوم حنا وراها
قلبي على ما به من الهم معذور = نار الغضا باقصى الضماير وراها
يا عين دمعج لو تعزز ولا هل = كفى دموعج لا قرايب ولاهل
وهلال عزج ما تبين ولاهل = يرزقج رزاق الطيور بسماها
ما قالوا الحساد فاهم وداري = حسبي عليهم ودهم في وداري
لازم عن المخلوق بيتي وداري = أيضا ولاني سالم من غثاها
لا شك شايم عن شماته وشاتي = ما لي مع المخلوق عنز وشاتي
أداري بعين الصد شاري وشاتي = واسفه عن حوالة ولا هي بلاها
ماني بكاره من تكلم ولا مي = حتى ولا في كار هاجر ولامي
في كار نفسي لين يذعذع ملا مي = درع على كتم السراير حشاها
اقول وظني لا تغير ولا مال = ولا يخيب الظن بالله ولا مال
جم بات فيها لاحلال ولا مال = واصبح من الدنيا حياضة ملاها
العين من خبط الدهر كم تراكم = خلت همومي بالضماير تراكم
أهل الوفا يا ليت عيني تراكم = ويحل قيد النفس همن فجاها
أنشد عن الوافين دايم وسايل = مالي مع الهافين دايم وسايل
ليل ونهار الدمع جاري وسايل = فرقا هل اللزمات حالي براها
معذور منهم من برى الحال وانفت = شكيت الدنيا من الضيم وانفت
قلبي ذبل من فرقا الأصحاب وانفت = اللي غدا واللي بعيد مداها
أسأل نجوم الليل وانشد وراهم = يا ليت قبل الموت حظي واراهم
طالت ليالي البعد ما ادري وراهم = ما لوم نفسي لي تزايد عناها
أنصي مداهيل الأصحاب وارد = مهموم هيهات اكسب الحال وارد
يا عونة الله كلما جيت وارد = ارجع و جيدي يابسه في ظماها
لوني من الأيام ناحل وبالي = من شوفهم تستر نفسي وبالي
هذا زمان حطه الله وبالي = ما دام ذا حظي فلا من فراها
ما لي ولايف شوف الأصحاب ولفي = هم جنة الصاحب هم الشمس والفي
ساعة ماأجيهم عقب الأسفار وألفي=أشوف نفسي وسط روض تناهى
يا طير خبرني بالأفراح أول = بالك تذكرني عن أيام أول
جان البخت عقب التفاريج أول = عيدت والأعلام كلن يراها
يا الله تجمعنا عساها قريبة = اللي بها واللي دياره غريبة
ما هم من اللي دوم زوله قريبه = الكل منهم قانع ما يراها.


.. إستماع طيب :emrose:..

[كويتى]

القصيدة السابعة


زهيرية ( نـــار الغضى )






.. إستماع طيب :emrose:..

[كويتى]

القصيدة الثامنة




( يابو عبيدان عزوني )







.. إستماع طيب :emrose:..

[كويتى]

القصيدة التاسعة



( الدار جـــارت )

الدار جارت ماعليها شافه
والحر فيها شايف معافه

بالك تكاثر صدها و إن صدت
عادتها عقب القبول أنكافه

دار لغير عيالها مشكوره
ولا إبنها تلعن أبو أسلافه

دار يعيش بها الغريب منعم
وتعيش فيها أم أحمد العجافه

دار أنا أوصفها عجوز شمطا
همازة مناعة حلافه

تغذي عيال الناس و تداويهم
وعيالها لعيونهم خطافه

آسف على الطيب تردى حاله
ولا الردي مامن عليه حسافه

مثل الحمامة فرخها في البيضة
عند طيرانه تنكره و تعافه

مادام ناشدته فالكن واحد
ذاب الشراع وضاعت الغرافه

هذا جزانا زين سوت فينا
خل الغرق مايوهل النزافه

نصبر غصب او طيب هذى القسمه
لونلحس التمر ورا الخصافه

أنا اعرفها زين مااستنكرها
اللى يوصفها تذيع أوصافه

هذا عذاري الجار ماينكرها
تسقي البعيد ولاترش إلحافه

حنا تقاطعنا و شنا نفوسنا
والزود خلانا على مهيافه

والحسد و البغضا و قل الرحمه
ماواحد فينا سعى بأنصافه

يالله دخيلك عقب ذيك النخوة
مامن من الواجب ولا طرافه

نجنى الثمر من كل علم ووافي
ولانجنى الثمره من الصفافه

من داخل الداخل وبار بجنسه
كلن على أكتافه يشيل إحتافه .




.. إستماع طيب :emrose:..

[ناصر التميمي]

.
.

قصائد جميلة جدا
نرجو المزيد.
.
.

[كويتى]

.
.

قصائد جميلة جدا
نرجو المزيد.
.
.

شكرا اخى الفاضل ناصر التميمي على تكرمك وتعطيرك لهذا الموضوع
والله سعدت بتواصلكم معي وبإذن الله ستكون لى مشاركات جديده وبمشاركة
اخوتي الافاضل .. فلك منى كل الشكر والتقدير :emrose:.