مشاهدة النسخة كاملة : الطقاطيق والمونولوجات القديمة مكتوبة وروابط لها
Islam Eidrisha
07/01/2011, 16h26
بسم الله المعين نبدأ فيما يلي بتجميع نصوص الطقاطيق والمونولوجات القديمة وما شابهها مهداه لرائد السميعة الأستاذ الدكتور محمد الباز فقد كان طلبه أمرا وجب تنفيذه ولقد اعتمدت في كتابة هذه النصوص على السماع الحي من لسان المطرب لذا سأكتب إسم المطرب المأخوذ عنه النص في صدر الطقطوقة أتمنى أن يكون قد حالفني التوفيق وأن يكون هذا العمل مدعاة وأداة مساعدة لإقبال الناشئة على هذا الفن الراقي الأصيل.
1
ليلة ما جه في المنتزة
السلطانة منيرة المهدية
لحن : محمد القصبجي
ليلة ماجه فى المنتزه
يا دوب قعدنا والكاس فى إيدنا
وهف هف طلع النهار
بعت له وقلت له
تعالى تانى آيس وجانى
وهف هف طلع النهار
لما خطر من السعادة
ميل عليا وباس ايديا
وهف هف طلع النهار
شاف وردتين فوق وجنتين
واحده لمسها والتانيه باسها
وهف هف طلع النهار
أقولك إيه واعيدلك إيه
كلام فى سرك بعدين أقولك
وهف هف طلع النهار
آدي اللى كان جنب الريحان
والتمر حنه قال ننــه ننـه
وهف هف طلع النهار
الروابط
منيرة المهدية (http://www.sama3y.net/forum/showpost.php?p=31422&postcount=35)
Islam Eidrisha
07/01/2011, 16h36
2
حبك يا سيدي
السلطانة منيرة المهدية
حبك يا سيدي غطى ع الكل
ارحم فؤادي يكفاني ذل
النبى ترحم
قولوا لى إيه أحوال الحب
غير البكا وعذاب القلب
يارب توب عليا يارب
واقول أنا حرمت أحب
النبى ترحم
إيه اللي نابني من حبي
غير البكا وعذاب قلبي
وده شيء يحير ياربى
أنا دبت والله وإيه ذنبي
والنبي ترحم
الروابط
Islam Eidrisha
07/01/2011, 16h40
3
يا زهر البساتين
السلطانة منيرة المهدية
يازهر البساتين الشيلة بتلاتين
والصحبة بمليم والحزمة بعشرين
خلاقه عظيم
أنا جوه البستان غنى لي الكروان
والغصن اتمايل والفل يخايل
والورد أهو فتح والياسمين صبح
والزهر منور على بختي بدور
شوفولي ياريحان يا حارس يا أمين
من بعد البورصة أنا ابيع واتوصى
وإمتى سلامة ييجي بالسلامة
ويجينا الشاطر مجبور الخاطر
وحياة المرسي مركبنا حاترسي
نظرة يابوالعباس يا حامي المساكين
دي صحبة لمة من زهر الأمة
أنا وفقها مين حيفرقها
ربطتها متينة ودي أجمل زينة
ارشقها في صدرك كايد بها ضدك
تغنيك عن رتبة وكبشة نياشين
الروابط
Islam Eidrisha
07/01/2011, 16h46
4
تعالى يا شاطر
الست نعيمة المصرية
كلمات : بديع خيري
لحن : الشيخ زكريا أحمد
اسطوانات بوليفون
الست نعيمة المصرية
تعالى يا شاطر نروح القناطر
هاودني ودينك ما تكسر لي خاطر
هات القزازة واقعد لاعبني
دي المزة طازة والحال عاجبني
هنيني بخفتك واسقيني بذمتك
في قربك يا غالي أغني الليالي
كمل صفايا وانت مآنسني
حلفت عدايا إلا تعاكسني
إن لاموا وطولوا خليهم يفلفلوا
في يوم التصافي ما يسعد خلافي
يا روحي يا ست نعيمة
رضاك عليا ما دام أنوله
يتم ليا وصلك واطوله
أنا ديني وملتي إخلاصي ومحبتي
ده حبك عبادة وقربك سعادة
الروابط
Islam Eidrisha
07/01/2011, 16h50
5
يا ميت مسا
الست نعيمة المصرية
يا ميت مسا يا ميت مسا
على العيون الكويسة
الحلو ده ليه بيتعاجب
و العين بتغمز بالحاجب
شرب المدام منه واجب
والورد على خده اتنشا
يا ميت مسا
شغلت بالي يا مدلع
وانا بحبك متولع
أطلب وصالك تتمنع
ما تقول لي إيه بعد الخشا
يا ميت مسا
يا حلو قول لي إيه قصدك
الكل نظرة من فضلك
والله ان جافتني انت وأصلك
ده الحر طبعه الفرفشة
يا ميت مسا
يا حلو قول لي زعلان ليه
وفي المحبة تطلب إيه
بالوصل ده مش راضي ليه
تخلي روحي منعنشة
يا ميت مسا
الروابط
Islam Eidrisha
07/01/2011, 16h55
6
لك عليا لما تجيني
تبقى ليلة أبهه
الست نعيمة المصرية
لك عليا لما تجيني
تبقى ليله أبهه
ياجميل انت وغرامى
والوداد أسباب هيامى
والبعاد حرم منامى
ارحم إللي تحبها
فين ليالينا اللي راحت
دي عليها عيني ناحت
والدموع بالوجد باحت
ولا ليله نمتها
استمنى لو أقول
والنسيم يعمل رسول
بس خايفه للعزول
يحرم الروح أنسها
الغرام والحب دايم
ارحم القلب اللي هايم
غصباً عن كل لايم
تبقى عشرة لأختها
الروابط
Islam Eidrisha
07/01/2011, 17h01
7
يا أفندي ياللي ماشي
الست رتيبة أحمد
ألحان أحمد أفندي شريف
يا افندي ياللي ماشي شحتني للمولود
أبوه لسة ما جاشي والجودة م الموجود
يارب انت تخليه لي وتخليني علشانه
لما يكبر يالالاللي يمكن يفيد أوطانه
قدها وقدود الجودة م الموجود
أنا مصرية أربيه عارفة قانون التربية
أول شئ ينطق بيه حب الوطن والوطنية
قدها وقدود الجودة م الموجود
من جيبك يالله ناولني من فضلك شئ للواد
أتأخر أبوه يبهدلني قبل ما يفوت الميعاد
تبقى فضيحة بشهود الجودة م الموجود
النصر مكتوب في جبينه والفتح باين عليه
النبي حارسه وضمينه والخميسة بين عينيه
عين الحسود فيها عود الجودة م الموجود
الروابط
Islam Eidrisha
07/01/2011, 17h04
8
وعدي عليك
الست رتيبة أحمد
لحن : الشيخ زكريا أحمد
وعدي عليك ياللي بحبك
يقل نومك يحرق قلبك
أنام الليل وانت ف بالي
حبك كواني والله ماجاني
أحب أشوف طيف خيالك
إملى مدامي وعدي مرامي
كتر الأسية ليه ماتقولي
وإيش بعدهالك تاعبني وراك
الروابط
رتيبة أحمد (http://www.sama3y.net/forum/showpost.php?p=16398&postcount=7)
Islam Eidrisha
07/01/2011, 17h10
9
يانا يا امك
الست رتيبة أحمد
يانا يامك إيه قوللي رأيت
تختار مين تفضل في البيت
يانا يامك
واحده عجوزة وشابة صبية
جاز وسبرتو مايتفقوش
وانت عارفني أنا عصبية
لما اتخلق حلق حوش
أبقى رزيلة وهي سئيلة
واحده ضروري هتبقى قتيلة
لالالالا .. يانا يا امك
الوالدة المحترمة يا سيدي
عايزة تبطلني التواليت
إياك فاكرة أبويا صعيدي
لما اعجن واغسل في البيت
منتقداني على فستاني
اللي اكمامه لحد كيعاني
لالالالا .. يانا يا امك
حضرتها مش وش بيانو
وأنا مالي ما تجيب مزمار
اللي باضايقه يسد ودانه
كيفي أتن تن ليل ونهار
تكي تريكي حد شريكي
أنا حره ف رقصي ومزازيكي
لالالالا .. يانا يا امك
كان حق تجيبلها فلاحه
تعجن وتهز الغربال
وإن سمعت تنطيط وقباحة
تعمل طرشه طويلة البال
أنا م الليلة بقيت شعليلة
ماقدرش أستحمل دي الميلة
لالالالا .. يانا يا امك
الروابط
Islam Eidrisha
07/01/2011, 17h17
10
كله الا كده
لأ .. بس .. ارجع
الست رتيبة أحمد
كله الا كده لأ .. بس .. ارجع
دي خبطتين في الراس توجع..
حقه كله الا كده
من يوم ما عضتني العضه
ده كان نهار لم يتقضى
جابوا لي قال طاسة الخضة
وانا نايمة وسارحه وبتوجع
حقه كله الا كده
اعمل كباير واتبهرج
علي كيفي مين ده اللي يحرج
حل الرباط كده واتفرج
تلاقي مطرحها بيلمع
حقه كله الا كده
بزياده وحياتي علي قلبك
أوعى تبوسها أنا ف عرضك
لتطيب ودي من نار حبك
اللي بقى في قلبي مزرع
حقه كله الا كده
منك أروح فين آه ياني
دي العضة لسه مألماني
طب عض في دراعي التاني
بشويش ده إيه لأ .. بس .. ارجع
حقه كله الا كده
الروابط
Islam Eidrisha
07/01/2011, 17h22
11
عود ظريف القد
فرج الله أفندي بيضا
عود ظريف القد يا بو المشلح
يا دهب يلطم على المذبح
قلت لها بنية تعي لي نسبح
قالت ماسترجي البحر يابوي عالي
عود ظريف القد يابو اللفة
يا دهب يلطم على الشفة
قلت لها جارة تعي لي بخفة
قالت ماسترجي حولي يا خوي رجالي
عود ظريف القد يابو حنا
يا دهب يلطم على سنة
قلت لها بنية تعي لعنا
قالت ماسترجي خيي قبالي
عود ظريف القد يا بو موسى
يا دهب يلطم على روسه
قلت لها مايسة ع البال بوسة
قالت ماسترجي العرض يا خوي غالي
ماسترجي = ما استجري = أخاف
الروابط
Islam Eidrisha
07/01/2011, 17h27
12
سرير النوم
آسيا ندا
نوم يادي النوم
يا سرير النوم ديق يانا
سرير النوم ديق وردي
ماتحطش إيدك على خدي
آه يا أمه آه ياني
يا سرير النوم ديق يانا
سرير النوم ديق قرفة
ماتحطش إيدك ع الشفة
آه يا أمه آه ياني
يا سرير النوم ديق يانا
سرير النوم ديق عودي
ماتحطش ايدك على نهودي
آه يا أمه آه ياني
يا سرير النوم ديق يانا
سرير النوم ديق قطني
ماتحطش ايدك على بطني
آه يا أمه آه ياني
يا سرير النوم ديق يانا
الروابط
Islam Eidrisha
07/01/2011, 17h36
13
هاي خدود لو لاله
نرجس شوقي
هاي خدود لو لاله
اشلون عيون جتاله
يا يمة دشوفي هواي
سن الذهب يحلاله
سبحان الخلق وردة وعجنه ابنور
محبوبي ورد وخدوده من بلور
ماكو بالانس مثله ولا بالحور
اشحدة الكمر يدنالة
ما يتخايل اكبالة
يا يمه الولف بعيونه سابيني
ينشر بالزلف لمن يحاجيني
دليني الدرب لهواي وديني
خلي اكعد اكباله
و احرق قلب عذاله
محبوبي قمر و الشمس وجناته
اسمر و السمر ماتو بحسراته
بخدودة الحسن مكتوبة آياته
روحي و القلب ماله
وسط القلب تمثاله
لاله = فانوس
ماكو = مفيش
أشحده = ماحدش يقدر
الروابط
Islam Eidrisha
07/01/2011, 17h41
14
على إيه كده التقل ده
زكي أفندي مراد
ألحان : سيد درويش
على إيه كده التقل ده؟!
على إيه يا روحي البغددة
هو انت فاكرني بحبك
وارضى بتقلك وبصدك
بقى حوش واصحى لعقلك
على إيه يا روحي البغددة
حبيبي هجرني ليه يا ناس
وحبه أسرني وشرب الكاس
أجي أصالحه يقول لي ده شغل ناس
على إيه يا روحي البغددة
حبيتك والله ده شيء وصار
وحبك شغلني وعقلي احتار
ولما رأيت حبك هزار
على إيه ياخويا البغددة
الروابط
Islam Eidrisha
07/01/2011, 17h45
15
هاتيلي يامه عصفوري
زكي أفندي مراد
لحن : داود حسني
هاتيلي يامه عصفوري
ألاعبه وأوريه في أموري
أجيب له قرطم يتسلى
واحط له في بقه الفلة
واديله يشرب م القلة
وانتي حوالينا دوري
وتسمعيه لما يدندن
ويقول كلام خفه يجنن
واعمله قفطان من معدن
وانتي تتوهي في بحوري
واقول له سمعها حكاية
وتكون جرت من حداية
واقعده جنب مراية
وادي له شمعي وبنوري
أعلمه شرب الدخان
واعلقه في قلب الفستان
وجنب منهم غصن لبان
واهز طولي وطرطوري
أدوره جوة الموسكي
واديله يشرب م الويسكي
واعرفه ضحكي وهنكي
واجيب له تل من الغوري
عصفوري ده مافيش مثله
عن الطيور أعرف أكله
إن جه يشوفه ويرقص له
ووجوده يامه والله ضروري
عصفوري حلو ومدردح
وفي الكلام يعرف يردح
وان رحت به أعظم مطرح
تبقى عيونه عيون نوري
أنا أحبك يا العصفور
إنت الحليوة وإنت الغندور
والله أنا ف حبك معذور
أوام أوي وانسى بحوري
الروابط
Islam Eidrisha
07/01/2011, 17h49
16
إيه رأيك في خفافتي!؟
عبد اللطيف أفندي البنا
كروان مصر
إيه رأيك في خفافتي؟ .. إيه رأيك في لطافتي؟
مش خفة شربات؟ .. مش رقة ديليكات؟
إيه تسوى الجنيهات جنب البرلنتي
ده جمالي ماوردشي .. ومثالي ما صادفشي
حورية م الجنة .. هربانة بالعنية
للناس تتهنى .. لوصالي تتمنى
مش خفة شربات؟ .. مش رقة ديليكات؟
إيه تسوى الجنيهات جنب البرلنتي
بصوا لها وبصوا لي .. شوفوا طولها من طولي
يا جمالي ده هو .. لا أدم ولا حوا
جابوا مثالو .. وف وصفي ياما قالوا
مش خفة شربات؟ .. مش رقة ديليكات؟
إيه تسوى الجنيهات جنب البرلنتي
حبيبة بالمية ..تعجبني الحرية
يدوبوا ما اسألشي .. بوصالي ما اسمحشي
على نارهم خليهم .. بدلالي أكويهم
مش خفة شربات؟ .. مش رقة ديليكات؟
إيه تسوى الجنيهات جنب البرلنتي
من صغري ألا موضة .. لجمالي معهودة
عشاقي تتذلل .. عن تقلي ما اتحول
كده طبعي يا لطافة .. كده ذوقي يا خفافة
مش خفة شربات؟ .. مش رقة ديليكات؟
إيه تسوى الجنيهات جنب البرلنتي
الروابط
Islam Eidrisha
07/01/2011, 17h54
17
إرخي الستارة اللي ف ريحنا
عبد اللطيف أفندي البنا
كروان مصر
كلمات : يونس القاضي
ألحان : الشيخ زكريا أحمد
ارخي الستارة اللي ف ريحنا
أحسن جيرانك تجرحنا
يا مبسوطين يا مزقططين
يا مفرفشين أوي ياحنا
دلوقت انا بس اللي ارتحت
لا حد فوق ولا تحت
يعرفني جيت ولا روحت
ولا حدش يقدر يلمحنا
يا مبسوطين يا مزقططين
يا مفرفشين أوي ياحنا
قلبي بيطب أوي وخايفة
عندك شباك نواحي عطفة
اقفل ضرفة وافتح ضرفة
وقوم نغير مطرحنا
يا مبسوطين يا مزقططين
يا مفرفشين أوي ياحنا
قعدتنا هناك دي كانت غلطة
لو ان الكاس يتباس غلطة
خد لك شفطة واديني شفطة
حننام على إيه ما صحصحنا
يا مبسوطين يا مزقططين
يا مفرفشين أوي ياحنا
بزيادة أحسن راسي تلف
مش فاكر يوم ما قعدنا نسف
وشربت سكرت بقيت لام الف
وقفلنا الباب واتفلطحنا
يا مبسوطين يا مزقططين
يا مفرفشين أوي ياحنا
الروابط
Islam Eidrisha
07/01/2011, 17h57
18
لآخر لحظة أديني وياك
عبد اللطيف أفندي البنا
كروان مصر
لآخــــر لحـــظة أديني وياك
لما أشوف أخرتها معاك
بخاطرك بقى
ياللي تلومني ما حدّش جابرك
داري أمري أداري أمـــــرك
أنا و الله أحب أســـــــايرك
تعذرني بعديها وياك
بخاطرك بقى
تخلف ودي تلقاني عندك
تخلف وعدي أخلف وعدك
أنا والله ما احبش اعاندك
حتعلمني ازاي أنساك
بخاطرك بقى
الروابط
Islam Eidrisha
07/01/2011, 18h01
19
ما تخافشي عليا
أنا واحدة سجوريا
عبد اللطيف أفندي البنا
كروان مصر
ما تخافش عليا .. انا واحدة سجوريا
في العشق يا إنت .. واخدة البكالوريا
ما تخافش عليا
أقعد سهتانة .. قلبي مشغول بك
ولما تشعلل لهاليب نار حبك
أرخي الناموسية .. وانام لي شوية
واحبكها واشبكها
بمتين دبوس وأعض وأبوس
وانزل على صورتك .. حتتك بتتك
ما تخافش عليا
ليلة ما تجيني .. فوت جنب البيت
وانده تلاقيني .. في أوضة التواليت
مستنية م العصرية .. على شباكها حط الفاكهة
ما دام الباب من غير بواب
مين ده اللي يقول لك ظبطك ربطك
ماتخافش عليا
أنا لما استلطف .. ما يهمني بابا
بس انت اتعطف .. وتعالى امبابه
خدني ف دوكة .. جوة فلوكة
ونكركر ونهنكر
وف وقت صفاك العب وياك
لعبة على كيفك حطة يا بطة
ما تخافش عليا
الروابط
Islam Eidrisha
07/01/2011, 18h09
20
م البلكونة للشباك
عبد اللطيف أفندي البنا
كروان مصر
م البلكونة للشباك
مشغولة بك قاعدة استناك
لما تمر قلبي ينسر
وعزولي يصفر
اكمني اهواك
أشوف خيالك من بعيد
أفرح واقول نهاري سعيد
ومحبتك بقلبي تزيد
إن كنت قريب ولا بعيد
تسمح بقربك ليلة يا جميل
خلي العزول يصبح ذليل
يا ما قال كتير وقليل
وانا من حسنك برضو أميل
الروابط
Islam Eidrisha
07/01/2011, 18h12
21
وجننتيني يا بنت يا بيضة
عبد الحي أفندي حلمي
وجننتيني يابنت يا بيضة وجننتيني
شوفوا المحاسن شوف
جبتي النبيذ الاحمر وسكرتيني
جبتي النبيذ الأبيض وسكرتيني
يا بنت يا بيضة وجننتيني
طالعة من الحمام شبيه الخوخة
والمصة في الشفة دوا للدوخة
عود يازماني عود
لو كان معايا مال لاشتري طنطا
واعشق بنات الشام بالأونطة
لو كان معايا مال
قالوا لعين الشمس ما تحماشي
لاحسن غزال البر صابح ماشي
شوفوا المحاسن شوف
الروابط
يتبـــــع
د أنس البن
07/01/2011, 18h15
براوه عليك يا إسلام
جهد متميز ونشاط كبير وإنجاز معتبر
والحمد لله مفيش رقيب على المصنفات هنا
كنا روحنا فى ابو نكله:mdr:
طبعا انت ما تعرفش النكله ولا شوفتها :crazy:
أنا بأه اشتريت بيها قرطاس لب معتبر بمليم وبالتانى عسليه
:emrose:
Islam Eidrisha
08/01/2011, 06h52
ربنا يخليك لنا يا دكتور أنس يارافع همتنا
والله ما كان هذا إلا نقطة في بحر عطائكم
ورجاء خاص يا دكتور تخليك معانا واحدة واحدة
وتصحح لي لو أخطأت مانت برضو الأستاذ
والعين ماتعلاش عن الحاجب
Islam Eidrisha
08/01/2011, 07h05
22
على دينك ولا على ديني
عبد اللطيف أفندي البنا
بلبل الشرق
على دينك ولا على ديني
الهوى راميك وراميني
عندكشي دوا يا حكيم
الحب خلاني سقيم
قلبي لك أنا قلبي كليم
يا مين يداويك ويداويني
تسحرني بعيون حلوين
ومسافر وفايتني لمين
والله والله أحلف يمين
بعادك يا حبيبي يضنيني
اتمتع وافرح بجمالك
وادلع يا محلى دلالك
حبيتك وعشقت خصالك
كلامك حلو بيشجيني
الصابر كاد قلبي يا ناس
قال عاشق ولا ليش بيه خلاص
اتملك الهوى يا ناس
اللي جرحني يداويني
الروابط
Islam Eidrisha
08/01/2011, 07h10
23
انت من هنا .. وانا من هنا
عبد اللطيف أفندي البنا
انت من هنا وانا من هنا
ما دام ما صونتش حبنا
دي عين وصابت يا وعدنا
ما كانش طبعك بالشكل ده
كسرت خاطري وليه كده
شمت فيا كل العدا
وحرمت أهلي تيجي عندنا
دي عين وصابت يا وعدنا
طيرت نومي من العتاب
حلمك عليا ده القلب داب
خليت حياتي ذل وعذاب
الله يعوض صبرنا
دي عين وصابت يا وعدنا
الروابط
Islam Eidrisha
08/01/2011, 08h08
24
على عينك يا تاجر
عبد اللطيف أفندي البنا
كروان الشرق
على عينك يا تاجر
أنا خفة أنا دحة أنا حلوة
ومهري غالي يا شاطر
العيون غزلاني تجرح
والنهود رماني تسبي
والخدود تفاح تفرح
الحبيب يجني ويقطف
والعزول يهري وينكت
أهو فلفل أهو شطة أنا بطة
وعلى عينك يا تاجر
الحبيب يشكي ويبكي
والدموع مع ناري تهري
الوصال مطلوب في ظلي
والدلال طبعي ولازم
الحبيب يسكت ويصبر
على ناره على كيفي أده حالي
وعلى عينك يا تاجر
الروابط
Islam Eidrisha
08/01/2011, 08h22
25
يا حليلة يا حليلة
أهو وحده جاني الليلة
عبد اللطيف أفندي البنا
بلبل الشرق
هالله هالله يا سيدنا
يا حليلة يا حليلة
أهو وحده جاني الليلة
أبعتله مرسالي
ويقول له يا غزالي
من فضلك تعالى لي
ودواه وانا مالي
قبل المكاتبة من غير مناسبة
أهو وحده جاني الليلة
لما الليل اتمسى
محبوبي جه ومسى
وسهرنا في مؤانسة
وفرح ومجالسة
نساني قربه وفضلت جنبه
واهو وحده جاني الليلة
طول عمره يهواني
وليلتها هناني
وسقيته وسقاني
وزهاني ولهاني
وده مصدق الفجر شقشق
أهو وحده جاني الليلة
عشمني وودعني
وحلف لي يمتعني
من وصله يشبعني
من راح يمنعني
أهنى أزيده روحي في إيده
واهو وحده جاني الليلة
غصبا عنه يا روحي
الروابط
Islam Eidrisha
08/01/2011, 08h35
26
بعد العشا
السلطانة منيرة المهدية
ألحان : محمد القصبجي
بعد العشا
يحلى الهزار والفرفشة
يا حلو فاكر وادي القمر
زعلت من غير سبب
انسى اللي فات وتعالى بات
مستنظراك ليلة التلات بعد العشا
تلقى الحكاية موضبة
بإيدي قايدة الكهربا
واقعد معاك على هواك ولا فيش هناك
غيرنا وبلاش كتر الخشا
أوعى تسهيني بقى
واحنا في عز النغنغة
وتمد إيد وهزار يزيد عارفاك أكيد
إيدك تحب الزغزغة
الروابط
Islam Eidrisha
08/01/2011, 08h44
27
كلام في سرك
الآنسة نبوية غزال
كلام في سرك ما حد يدرى
ده بابا وافق وماما روخره
كلام في سرك
من يوم ما شوفتك وعرفتك
يا ما جه خطاب
ما اديتش كلمة وفضلتك
وبعت جواب
علشان تلحق تبعت ماما
تعتب تشفع خير في سلامة
ده بابا وافق وماما روخره
كلام في سرك
أول ما هلت يا حلوللي
شفتها حنيت
دخلت اغير على مهلي
في أوضة التواليت
وطلعت لهم زي القمرة
ورمشت لهم أول نظرة
ده بابا وافق وماما روخره
كلام في سرك
الروابط
Islam Eidrisha
08/01/2011, 08h53
28
قوم هات لي بدلة
الست نعيمة المصرية
قوم هات لي بدلة لازم تكون
لونها بديع توت عنخ أمون
الله عليها مالهاش مثيل
قوم اشتريها واعمل جميل
موضة جديدة تفصيل جميل
منظرها بهجة ف نور العيون
اضحك واهزر واعمل دلال
والبس وأخطر زي الغزال
ما دام حبيبي جاد بالوصال
فداه حياتي والروح تهون
أنا على كيفي ماليش شريك
وآدي فؤادي ما بين يديك
انت حبيبي انت المليك
انظر وشوف كل الفنون
ألبس واتغندر واطلع معاك
نروح الزمالك نقعد هناك
ناخد معانا ويسكي وكونياك
والحظ كله لازم يكون
الروابط
Islam Eidrisha
08/01/2011, 09h12
29
فرغ الهزار ما بقى الا الجد
الست نعيمة المصرية
فرغ الهزار ما بقى الا الجد
وكل شئ يا حبيبي له حد
فرغ الهزار
وعدتني إنك تخطبني
وليل ونهار راح تطلبني
ومن بابا راح تطلبني
قول لي ليلة أقابلك أقول له
مش قادرة عن حبي وذله
فرغ الهزار
أنول مرامي وتنول مرامك
واكيد حسادي وتكيد حسادك
ده الجواز يا حبيبي جنه
اعمل معروف أنا بتمنى
فرغ الهزار
أنا حبيتك حب شريف
لما لقيتك رقة ولطيف
ارحم فؤادي حرام عليك
يالله اخطبني أبوس إيديك
فرغ الهزار
اللي يلومني في غرامي
يارب يدوق ذلي وهيامي
حبيت وهو الحب حرام؟
يكفى بقى كتر الملام
فرغ الهزار
الحب قاسي والله عليا
إيه العمل رق شوية
سلمتك قلبي وروحي
أوعى تثبت فيا نوحي
فرغ الهزار
الروابط
auditt05
08/01/2011, 09h12
إسلام بك
هذه مساهمة منك (و طبعا الكتور أنس هيدخل معاك بتقله) للحفاظ على هذا التراث الذى أصبح على وشك الإندثار
عمل رائع أنتظرة على شوق من زمان
ملحوظة - هل عندك كتابى صالحة المصرية و حبيب زيدان, فإن لم يكن فكيف أوصلهم لك
Islam Eidrisha
08/01/2011, 16h32
شكرا يا دكتور محمد يا حبيبنا
تشجيعكم ومتابعتكم أكبر حافز على المواصلة والمداومة
وسعادتي لا توصف بأن يلقى العمل قبولا لديكم ولدى كل السميعة
أكيد الدكتور أنس هينزل بتقله بس هو قلقان حبتين من الرقابة :mdr:
ورجاء من الجميع من لديه تصويب أو إضافة معلومة جديدة أن يدلي بدلوه
وأنا في انتظار الكتاب يا رائد السميعة
Islam Eidrisha
08/01/2011, 16h45
30
لسة طالعة من البيضة
صالح أفندي عبد الحي
لسة طالعة من البيضة
وعاملة العصبة وغميزة
أقول إيه ياختي أميرة
والله بانت لبدتها
على البهلي ماشية من غير بيشة
تتغمز لي شمال ويمين
تقولش على راسها ريشة
ولا ماشية على عجين
تتدلع تتشخلع
ولسة طالعة من البيضة
الكاب محزق على جسمها
والشعر مقصوص على جرسون
والبدع ده من طبعها
واللي عشقها صبح مجنون
تتدلع تتشخلع
ولسة طالعة من البيضة
م الصبح بدري على شملا
وبعدها ع البون مارشيه
بتعمل لك كل عملة
خلتني أقول يا ناس بورريه
تتدلع تتشخلع
ولسة طالعة من البيضة
الدانس ده حتما ليلاتي
ترقص لي تانجو وشارلستون
مهما أقول ولا أهاتي
ده الرقص من ضمن الفنون
تتدلع تتشخلع
ولسة طالعة من البيضة
الروابط
Islam Eidrisha
08/01/2011, 17h02
31
وانا لسة نونو
الست رتيبة أحمد
كروانة مصر
وانا لسة نونو في الحب بونو
ده الحب دح دح والهجر كخ كخ
يا عزولي السح النح
أنا لسة نونو في الحب بونو
في البدع واخدة على عشرة
ولا ليش انا كاسر ولا كاسرة
الوصل أواصل واكيد العزول
وع اللي حاصل مقدرش أقول
يعني ليه كتر الملام؟
هو الحب يا ناس حرام؟!
الحب كان مكتوب عليا
غصبا عني مش بإيديا
ده بابا مهنيني ومدلعني
وعريسي يجيني يفرحني
أفرح لما ييجي يجيني عندي
واللي يعاندني بعند على عنده
ساعة حبيبي ما يجيني البيت
يبوس في إيدي ويقول حبيت
أسوق دلالي عليه شوية
من صغري واخد العند ده غية
يا سلام سلم على لطافتي
دي الناس بتدوب في خفافتي
مادام جميلة والنبي حارس
ورتيبة حيلة تربية مدارس
الروابط
يتبـــع
17
إرخي الستارة اللي ف ريحنا
عبد اللطيف أفندي البنا
كروان مصر
كلمات : يونس القاضي
ألحان : الشيخ زكريا أحمد
ارخي الستارة اللي ف ريحنا
أحسن جيرانك تجرحنا
يا مبسوطين يا مزقططين
يا مفرفشين أوي ياحنا
دلوقت انا بس اللي ارتحت
لا حد فوق ولا تحت
يعرفني جيت ولا روحت
ولا حدش يقدر يلمحنا
يا مبسوطين يا مزقططين
يا مفرفشين أوي ياحنا
قلبي بيطب أوي وخايفة
عندك شباكنا واخد عطفة
اقفل ضرفة وافتح ضرفة
وقوم نغير مطرحنا
يا مبسوطين يا مزقططين
يا مفرفشين أوي ياحنا
قعدتنا هناك دي كانت غلطة
لو ان الكاس يتباس غلطة
خد لك شفطة واديني شفطة
حننام على إيه ما صحصحنا
يا مبسوطين يا مزقططين
يا مفرفشين أوي ياحنا
بزيادة أحسن راسي تلف
مش فاكر يوم ما قعدنا نسف
وشربت سكرت بقيت لملي
وقفلنا الباب واتفلطحنا
يا مبسوطين يا مزقططين
يا مفرفشين أوي ياحنا
مساء الورد
تحية محبة وتقدير للرائعين إسلام بك والدكتور أنس البن لجهودهم المتميزة
في تدوين هذه الطقاطيق .
يقول السيد منصور عبد المتعال وهو من كبار المهتمين بجمع نصوص
الأغاني والطقاطيق والأدوار والقصائد والموشحات وكل ما يتعلق بالغناء
والطرب ، في تعريفه لكلمة الطقاطيق مايلي :
"إن الغانيات من الفاتنات المتظرفات الفائقات في الجمال يقال لهن الطقاطيق
ثم توسع الناس وسموا أغانيهن المنسجمة الدقيقة التي تثير الشجن وتحرك في
القلوب الهوى بالطقاطيق ، وقد حرص الناس منذ القدم على سماع هذه الأغاني
وجعلوها أنس وزينة مجالسهم ، فلا يطيب مجلس غناء ولذة إجتماع وهناء إلا إذا
كانت هذه الأغاني عقد إجتماعهم وغاية أمانيهم ، ولا يكون للقلب لذة ولا طرب إلا
بتلك الأغاني"
هذا الإقتباس مأخوذ من كتاب السيد منصور عبد المتعال وهو بعنوان
طقاطيق الست توحيدة المغنية الشهيرة في الف ليلة وليلة
وسأقوم برفعه قريبا لكم مع الكتاب الذي إستفسر عنه رائد السميعة الدكتور
محمد الباز وهو بعنوان
مجموعة الاغانى الشرقية القديمة والحديثة لحبيب زيدان
وهو الكتاب الوحيد الذى يحوى بين دفتيه فنون الطرب جميعها من ادوار وطقاطيق وموشحات
وأرفق لكم من كتاب طقاطيق الست توحيدة نص كلمات طقطوقة إرخي الستارة اللي في ريحنا
لمقارنتها بالكلمات التي دونها صديقنا الجميل إسلام بك ... لكم محبتي وتقديري .
http://www.sama3y.net/forum/attachment.php?attachmentid=244130&stc=1&d=1294526446
Islam Eidrisha
09/01/2011, 06h49
كل الشكر والتقدير للدكتور منتصر
ونحن بانتظار كتاب حبيب زيدان على شوق ولهفة حتى وإن وجد الكتاب فلن يكون الاعتماد خالصا عليه في التدوين وإنما الأصل بما وصل إلينا من صوت المؤدي وإن كان هناك اختلاف بين المنطوق منه والمدون في الكتاب كما لاحظنا ذلك في طقطوقة ارخي الستارة فقد جاءت بعض كلمات عبد اللطيف أفندي مغايرة تماما لما ورد في النص ولم يكن هذا في النص الذي بين أيدينا وفقط ولكن تكرر هذا المنوال بين عديد المطربين بل كان هناك اختلاف في الكلمات بين مطرب وآخر لذا تعمدت ذكر اسم المطرب المأخوذ من لسانه الطقطوقة في العنوان.
أكرر شكري يا دكتور منتصر ودائما نحن بانتظار فيوضاتك الرائعة
Islam Eidrisha
09/01/2011, 07h08
32
خد لك يوم وانا ضامنة التاني
الآنسة مفيدة أحمد
خد لك يوم وانا ضامنة التاني
مش ممكن يا حبيبي تسلاني
خد لك يوم
تهجر تواصل على كيفك
النبي يا جميل
خبزاك وعجناك يا خي سيبك
ما بقتش تخيل
القصد أهو يوم
غضبت كام مرة يا عيني
هو انا راح اهون
ياما بكرة ترجع وتجيني
تعمل باردون
يا خي خد لك يوم
النبي لك يوم
الروابط
Islam Eidrisha
09/01/2011, 07h17
33
حرج عليا بابا
لحن وغناء الشيخ سيد درويش
حرج عليا بابا ما روحش السينما
واقابلك فين؟
أنا من رأيي تكاتبني
واجاوبك وتجاوبني
وفي أي يوم تطلبني
تلاقيني في غمضة عين
لوعندك رأي غير ده
إبديه ونشوف ده من ده
مالهوش لازمة البعاد ده
والنبي ده انا بين نارين
يارب انت يا قادر
يا جابر كل خاطر
ديم إخلاصنا للآخر
وحياة جد الحسين
الروابط
Islam Eidrisha
09/01/2011, 09h39
34
ما اخدشي غير اللي بحبه
الست نعيمة المصرية
بعيني شايفة وبودني سامعة
ما اخدشي غير اللي بحبه
مش عايزة اتجوز سيبوني
يا ناس حرام جننتوني
بقى كل ساعة تكايدوني
ما اخدشي غير اللي بحبه
ما اتجوزشي غصب عني
حبه يا نينة مجنني
محبوبي جميل حسنه فتني
ما اخدشي غير اللي بحبه
الروابط
Islam Eidrisha
09/01/2011, 09h51
35
يا سمبتيك خالص يا مهندم
الست رتيبة أحمد المشهورة
يا سمبتيك خالص يا مهندم
تجيش تزورني الليلة يا افندم
يا سمبتيك
أهون عليك أزعل واتأثر
أظني ما يليقشي
لو ان ميلة البخت تحسر
لكني معلهشي
أنا ليا عشم فيك
والهادي يهديك
اسمح بوصلك يالله يا افندم
يا سمبتيك
قالوا لي كل عاشق يتندم
ضحكت من جهلي
ياريتني كل ما كنت اتعلم
سمعت شور أهلي
ولا كنت ضحيت
ولا روحت ولا جيت
القسمة كده وانا حيلة يا افندم
يا سمبتيك
ما كانش يتعز الغالي كله
نهار ما تأمرني
كان اللي يعرف أبويا يقول له
وهو يعذرني
الحب كان فين
والحظ راح فين
يكونشي آن لي أوانه يا افندم
يا سمبتيك
الروابط
Islam Eidrisha
09/01/2011, 17h29
36
بالذمة قولولي يا افندية
الست رتيبة أحمد
كروانة مصر وسوريا
قولوا لي بالذمة يا افندية
الأجمل مين أنا ولا هي؟
أنا القمر ليلة اربعتاشر
إيش وصلها ليا فشر
هي عجوزة انا بنت اتناشر
قرارية لعبية فهلوية
شوفوا جمالي من جمالها
واحكمم والنبي وقولوا لها
قال في الدنيا مفيش مثالها
قرارية رتيبة لعبية فهلوية
جمال طبيعي من غير تواليت
حرة ف مشيي إن رحت ولا جيت
لما أحب أنا اقول حبيت
قرارية رتيبة لعبية فهلوية
اللي يشوفني ما ينساني
واللي يجالسني ما يسلاني
أنا اللي فيهم سعدني زماني
قراراية رتيبة لعبية فهلوية
بيحسدوني على جمالي
إكمني رقة ولا فيش مثالي
أسوق عليهم تقلي ودلالي
قرارية لعبية فهلوية
الروابط
Islam Eidrisha
11/01/2011, 09h58
37
ما تكلمنيش
الست رتيبة أحمد
كروانة مصر
ما تكلمنيش مادام بقول لك
خدني معاك مانتاش راضي
زهقت مني يحق لك
فاكر في ساعة العصرية
يا هل ترى إيه غيرك
ما كنت بتبوس في إيديا
سقت الدلال ليه يا غزال
يخونك العيش يا عنيا
سلمت لك قلبي وروحي
إكمني انا كنت مسالمة
رضيت بغلبك وبنوحي
ده انا كنت عاشقاك في الضلمة
كده تعملها مش تلايمها
ولا انت عامل بالعنية
حسي اتنبح رد عليا
دلوقت عامل مش سامع
حرام عليك رق شوية
ما كنت طول عمرك واقع
مهما لقيت ولا حبيت
أخرتها راح ترجع ليا
سيب ايدي وابعد من فضلك
قال يعني حياخدني ف دوكة
علشان ما شفت إني بحبك
حتسوق أمور البوليتيكا
والله ما اسيبك إيدي في إيدك
ولو تروح آخر الدنيا
بس ان ماكنتش تدايقني
وكل ساعة تهجرني
وكل ساعة تعذبني
مادام ما تستغناش عني
ليه بس عمال تكايدني
قرب جنبي وارحم قلبي
حرام عليك رق شوية
الروابط
الله عليك يا أسلام منتهى الروعة - اشكرك على جهدك الرائع وعلى نوادرك اللى مستحيل تتجمع فى مكان واحد غير منتدى سماعى
رجعتنا الى عشرينيات القرن الماضى ولكن ماذا يوجد من هذة الطقاطيق لدينا فى المنتدى بصوت مؤدية
ثانيا كيف قامت ام كلثوم بالغناء والطرب بشكل مختلف عن هذا العصر وهؤلاء العمالقة بهذا الاصرار
ثالثا اين القصبجى وزكريا من الحانهم للست مقابل ماقاموا بة مسبقا لسلطانة الطرب وغيرها (تعلموا القيم و الاصالة مع ثومة )
لك كل الشكر ياأسلام وفى انتظار المزيد
محمد ياسر-القاهرة
Islam Eidrisha
11/01/2011, 11h50
أخي الكريم محمد ياسر بل الشكر لك أنت على ذوقك الرفيع وتقديرك لفن الزمن الجميل
ونتمنى تفاعلك معنا في قسم الرواد الذي هو تاج ودرة سماعي العلياء
أولا : جميع الطقاطيق التي تم وسيتم كتابتها هي بالفعل موجودة بالمنتدى وقد ذكرت اسم المؤدي بعد عنوان الطقطوقة فعليك البحث حاليا في صفحته وستجدها مغناه وسوف أقوم بعون الله قريبا بعمل الروابط لتسهيل الوصول الدقيق.
ثانيا : لم تغرد أم كلثوم وحدها خارج السرب ولم تغني بطريقة مختلفة كما تفضلت وذكرت فقد كان لها من الحب جانب كبير في بداياتها عندما قامت بغناء طقطوقة الخلاعة والدلاعة مذهبي وأنا على كيفك وغيرهما وهذا لا يقلل من قيمة أم كلثوم وقامتها الشامخة في الغناء العربي.
ثالثا : أعتقد شخصيا أن ألحان الشيخ زكريا أحمد ومحمد القصبجي مع السلطانة والست رتيبة أحمد والست نعيمة لا تقل روعة وجمالا عما قاما بتلحينه للسيدة أم كلثوم.
رابعا : أكرر شكري ولك مني خالص تحياتي
Islam Eidrisha
11/01/2011, 12h30
38
الخلاعة والدلاعة مذهبي
الست أم كلثوم
كلمات : الشيخ يونس القاضي
ألحان : الدكتور أحمد صبري النجريدي
الخلاعة والدلاعة مذهبي
من زمان أهوى صفاها والنبي
لما يخطر حبي عندي بمشيته
تلقى قلبي له يميل من فرحته
شوف دلاله ولا قده وطلعته
تفرح القلب يا ناس كده والنبي
غاب وجاني شفت نوره وبهجته
والفؤاد نعنش وزادت فرحته
والزمان آنس منامي برجعته
تفرح القلب يا ناس كده والنبي
زارني ليلة والقمر باهي السنا
قاللي مين أحلى؟ القمر ولا أنا
والحبيب إن لاح جبينه ف حينا
يفرح القلب يا ناس كده والنبي
الغضب ده ليه على أهون سبب
وانت عارف الحب أحواله عجب
يا حبيبي ده الرضا بعد الغضب
يفرح القلب يا ناس كده والنبي
الروابط
أم كلثوم (http://www.sama3y.net/forum/showpost.php?p=2613&postcount=1)
أم كلثوم (http://www.sama3y.net/forum/showpost.php?p=2613&postcount=1)
اشكرك اخى اسلام على سرعة الاستجابة
معك الحق فى غناء الست لهذة الاغنية ولكن بالمقارنة لن تجد فيها مايخدش الحياء كأارخى الستارة او سرير النوم ....الخ
علاوة على ان ذلك كان فى بدايتها وليس فى أوجها كالسلطانة اللتى كانت تشكل الوزارة فى عوامتها من كبار الوزراء والمسئولين
اكرر لك كل الشكر على معلوملتك ودررك الثمينة اخى أسلام عسى ان اكون قد استطعت توضيح مقصدى بالنسبة للست وملحنيها العظماء اللتى معها كتبوا فى تاريخ عظماء الملحنين
من رق الحبيب الى هوصحيح واهل الهوى وغيرها
شكرا على اهتمامك وأأسف للاطالة
ومازلت فى انتظار باقى ماتجود بة من درر نحن فى احوج مايكون لها فى هذا الزمن اللذى نفتقد فية الآصالة فى جميع دروب الفن
[/QUOTE]
Islam Eidrisha
11/01/2011, 12h58
39
أنا على كيفك
أم كلثوم
كلمات : أحمد رامي
ألحان : أحمد صبري النجريدي
أنا على كيفك أنا على كيفك
ماقدرشي أبدا أخالفك
ده انا على كيفك
الحب كان لي على جبيني
مكتوب يا ربي عقبالك
والله بعدك على عيني
إمتى أنا افرح بوصالك
ده انا على كيفك
طلبت مني يا نور عيني
روحي واديني اديتهالك
بينك يا روح قلبي وبيني
دايما رضايا بأفعالك
ده انا على كيفك
تغضب أقول صلحه قريب
ما دام بيعرف إخلاصي
أوعى يا نور عيني تخيب
ظني ده أمرك على راسي
ده انا على كيفك
الروابط
أم كلثوم (http://www.sama3y.net/forum/showpost.php?p=2644&postcount=3)
[QUOTE=إســـلام;497962]39
أنا على كيفك
أم كلثوم
كلمات : أحمد رامي
ألحان : أحمد صبري النجريدي
:emrose: أخى الكريم أسلام :emrose:
:emrose:
أغانى جميله للست
وقد أستمعت لبعض الطقاطيق
للست نعيمه فوجدتهاجميله كما تفضلت وأشرت سابقا
منها ماخدش غير اللي بحبه و متخفش عليا
وتعجبنى جدا منذ فتره طويله طقطوقه
يا سمبتيك
للست رتيبه أحمد
وأن كنت غير متابعه لقسم الرواد
الا اننى منذ الان سوف أتابع لكى أحظي بهذه النوادر الرائعه
فكل ما تقدمه متميز في المنتدى ككل
فلك منى كل تقدير
:emrose:
Islam Eidrisha
12/01/2011, 07h08
أختي الكريمة ثومه
لكي كل الشكر والتقدير فلقد لخصتي في مشاركتك الهدف من كتابة النصوص التي بدأها أستاذنا الدكتور أنس بكتابة الأدوار والمواويل والقصائد والآن نكملها بالطقاطيق والمنولوجات فقد لا حظنا أنه من أهم أسباب ابتعاد الناس عن الضرب القديم هو عدم قدرتهم على استيعاب كثير من الكلمات نظرا لقدم الملفات وصوت خشخشة الإبرة -وإن كان صوت الخشخشة جزء لا يتجزأ من متعة الاستماع عندي شخصيا- لذا عزف كثير من الناس عن خوض هذا المخاض لأنه يحتاج لصبر ومثابرة لهذا جاء موضوع كتابة النصوص داعما وداعيا كل السميعة للاستمتاع بفن الستات والعوالم والأفندية والشيوخ والذي كان في طريقه للزوال كغيره من الفنون لولا منتدى سماعي
أهلا ومرحبا بالأخت ثومه معنا في قسم الرواد
وفي انتظار تفاعلك ومشاركاتك الجميلة
Islam Eidrisha
12/01/2011, 07h34
40
يا ست ليه المكايدة
أم كلثوم
كلمات : أحمد رامي
ألحان : أحمد صبري النجريدي
ياست ليه المكايدة
مش يكفى قلبي المناهدة
تكايديني لية حينوبك ايه
مفيش من التقل فايدة
حبيت أوي والأكادة
ما اقدرش احبك زيادة
وانا قادرة اقول حبك ينول
دة حبي فيكي عبادة
يا مامتي ده انتي هنايا
وادي انتي شايفة هوايا
يكفى دلال ده القلب مال
وبرضه قلبك معايا
يا ست البلد يا روحي يا أم كلثوم
أشكي لمين نار بعادك
والهجر لو كتر عذابك
إمتى الوصال لو فيه خيال
ده القب داب في غرامك
الروابط
أم كلثوم (http://www.sama3y.net/forum/showpost.php?p=2618&postcount=2)
Islam Eidrisha
12/01/2011, 07h50
41
لموا العشيرة واسمعوا ندائيا
الشيخ سلامة حجازي
لموا العشيرة واسمعوا ندائيا
يا نار قلبي والحبيب ما جانيا
اللي يريدك إيه يفيدك هجره
إنعم عليه بالوصل واكسب أجره
في شرع مين يستنظرك طول عمره
ده المبتلي بالوصل ياما يعاني
أفديك بروحي يا جميل لو ترحم
أديت جميل اللي بحاله يعلم
الروابط
الشيخ سلامة حجازي (http://www.sama3y.net/forum/showpost.php?p=463440&postcount=104)
Islam Eidrisha
12/01/2011, 08h17
42
توت عنخ أمون
السلطانة منيرة المهدية
ما يجبش زيي إن لف الكون
إحنا أبونا توت عنخ أمون
إسأل من التاريخ ينبيك
عن مجدنا وبعدين أماشيك
إنت تقول للناس حكاويك
إحنا أبونا توت عنخ أمون
ظهرت غرايب في الآثار
خلت جميع الناس تحتار
ووصفي كم حير أفكار
واحنا أبونا توت عنخ أمون
وعمر قلبي الخالي يرتاح إلا إن عادت ليلة الأفراح
واعمل سياسة السلم سلاح
واحنا أبونا توت عنخ أمون
بإيه تزيد انت عليا
وبلادي مهد الحرية
ومصر أم المدنية
واحنا أبونا توت عنخ أمون
الروابط
Islam Eidrisha
12/01/2011, 09h39
43
بصارة براجة
السلطانة منيرة المهدية
بصارة براجة بصارة براجة
بصارة تشوف البخت
يا مين يا صبايا ينده لي
واشوف له بخته ع الباهلي
عنده قضية شرعي وأهلي
أو مختلطة كله في البخت
لو يصدق فالك يا صبية
تبقي انتي الحلوة العربية
تبقي انتي منيرة المهدية
واتباهي بإنك مصرية
أعداكي كتير ومالكيش بخت
أنا منيرة المهدية
حب الوطن عندي غية
أفدي بلاد الحرية
بالروح وأهلي ومال البخت
كان فين ده كله اللي جرالك
الله يجازيهم عزالك
استعبدوا أهلك ورجالك
ودي قسمة يا بنتي وقلة بخت
من بعد العز اللي شوفتيه
يبعدوا عنك اللي تحبيه
اللي يأذيكي الله يأذيه
ويدوق المر وميلة البخت
الروابط
Islam Eidrisha
12/01/2011, 10h14
44
بنت الشلبية
السلطانة منيرة المهدية
بنت الشلبية حلوة لوزية
يحلى لي وصالك يا نور عينيا
لبست البني قلعت البني
ناوية تجنني منيرة المهدية
وحياة عنيكي ده انا أبوس إيديكي
وكعوب رجليكي وارضي عليا
لبست حلقها قلعت حلقها
ربي خلقها تتعزز فيا
الروابط
Islam Eidrisha
12/01/2011, 10h43
45
إشمعنى يا نخ الكوكايين كخ
السلطانة منيرة المهدية
لحن : الشيخ سيد درويش
إشمعنى يا نخ الكوكايين كخ ده أكل المخ
هلكنا اعمله على غيرنا جاي لي تطخ وجاي تبخ شطب
هو انت شريكنا حتى في مناخيرنا
إيش شربك إنت يا دورجي
المدعوقه دي وخنافتها
بتكلفني كوكايين كام في ليلتها
ياما راح قناطير جواها
من القزايز إياها
أنا صحه انا صحه
لا اله الا الله ها ها ها
راحت مورتو
العايز اهبل يا خواجه زنفل
يروح ابو زعبل و أبوها علشان تنشيقه
ولا خمسه جرام ولا عشره جرام
بيقضوا أخوك ده انا اشطب على ميت توريقة
مش غايته الجيب حاينفض إيه يعني
المخ ياكسد إيه يعني
نشمه أبيض يطلع أسود
ياما حكما وأجازجيه
ياما حانوتيه وتربيه
بقوا أغنيا على حس الكوكاينجيه
هي هي هي شوف الدنيا
الروابط
Islam Eidrisha
12/01/2011, 12h26
46
يا حنينة يا حنينة
عبد الحي أفندي حلمي
يا حنينة يا حنينة يا حنينة
يا قمر سلم على اللي يحبنا
قامت من النوم تعجن في العجين
لابسة الخواتم في الشمال وفي اليمين
تعى يابن العم لاحلف لك يمين
ما يخش الدار إلا انت وانا
قامت من النوم تنده لامها
يا علبة العطار ريحة فمها
يا بخت من زارها وضمها
يزيد على عمره تمانتاشر سنة
قايمة من النوم تنده يا لطيف
لا انا مجنونة ولا عقلي خفيف
طالبة من الله يديني عريس
أفرح به تمانتاشر سنة
يا حنينة يا حنينة يا حنينة
القمر في الشام وايش جابه هنا
الروابط
عبد الحي أفندي حلمي (http://www.sama3y.net/forum/showpost.php?p=498192&postcount=252)
Islam Eidrisha
13/01/2011, 08h22
47
يا كروان والنبي سلم
أم كلثوم
كلمات : أحمد رامي
ألحان : أحمد صبري النجريدي
يا كروان والنبي سلم
على الحبيب وابقى اتكلم
وقول له حبك متألم
من هجرك صبح في حال
يا كروان سلم
يا كروان قول واشجيني
يا حلو صوتك يحييني
خلي حبايبي تهنيني
وده كله غرام ودلال
يا كروان سلم
يا كروانة يا ست
يا كروان غني وطول
عن القمر لا تتحول
طول عمري عزالي تهول
وقلبي لك ميال
يا كروان سلم
يا كروان قول واتدلع
والله أنا قلبي مولع
إن طرت فوق إبقي اتطلع
وغني في حبي موال
يا كروان سلم
الروابط
أم كلثوم (http://www.sama3y.net/forum/showpost.php?p=2616&postcount=1)
Islam Eidrisha
13/01/2011, 10h40
48
أنا سايقة عليك النبي
بديعة مصابني
أنا سايقة عليك النبي
تزورني الليلة والنبي
شربت منك مر كتير
وصبرت أنا ع الهجر سنين
وانت قلبك ما بيرحمشي
ولا مرة تلين
مقدرشي على بعدك والنبي
ودي غلطة إنساها والنبي
ياما سهرت ليالي عليك
أدادي فيك وأبوس في إيديك
وكل ده وبرضو هتنساني
وتروح ما تجيش
مقدرشي على بعدك والنبي
ودي غلطة إنساها والنبي
الروابط
Islam Eidrisha
13/01/2011, 12h01
49
من جوة الشيش
أمال قرقر
من جوة الشيش من جوة الشيش
بشوف علي وحودة ودرويش
بس الشطارة ما بيشوفونيش
من برة الشيش وانا جوة الشيش
علي بسلامته بتاع عجلات
أنزوح وساكن في حارتنا
يركب عجلته وهات جرسات
ساعة ما بيحصل بيتنا
ويبص يلاقي الشيش مقفول
يضرب جرس ويغني يقول :
ياللي بدعتوا الأدب
والحشمة يا مبرقع
من كتر حبك كويت
القلب حيفرقع
يصعب عليا وما بيديش
بس الشطارة ما بيشوفونيش
من برة الشيش وانا جوة الشيش
وحودة بيفوت يتزحزح
من بدري بيدوم أشغاله
ولما يرجع م المدبح
بيلبس الطقم بحاله
ويعد يفرد في الجنيهات
ويبص فوق ويقول بثبات :
أنا اللي صوتي اندبح
والصبر فاض بيا
وجسمي طاب واستوى
والحلو مش ليا
يصعب عليا وما بيديش
بس الشطارة ما بيشوفونيش
من برة الشيش وانا جوة الشيش
والأسطى درويش النجار
كسيب وواد ملو هدومه
الصبح بيفوت والمنشار
فوق كتفه وف إيده قدومه
وفي المسا بالبالطو العال
بيفوت يروح راقع موال :
ياللي مسحت القديم
م القلب بالفارة
إمتى راح اكتب كتابك
وأعزم الحارة
يصعب عليا وما بيديش
بس الشطارة ما بيشوفونيش
من برة الشيش وانا جوة الشيش
الروابط
أمال قرقر (http://www.sama3y.net/forum/showpost.php?p=227803&postcount=2)
Islam Eidrisha
13/01/2011, 12h39
50
أسمر ملك روحي
السلطانة منيرة المهدية
(نسخة البيضافون)
لحن : محمد علي لعبة
أسمر ملك روحي
يا حبيبي
تعالى بالعجل
مسافر على
فين
وواخد مهجتي
يا حبيبي وياك
رايح على
فين
وواخد مهجتي
يا ضنايا وياك
لو كنت تعلم
بقلبي لاخدتني
يا حبيبي وياك
والله ان سلتك
عيوني قلبي لم
يا حبيبي يسلاك
يا نور عيني
اسم الله
تعالى بالعجل
الروابط
Islam Eidrisha
13/01/2011, 13h31
51
الواد ده ماله ومالي
الأسطى بهية المحلاوية
بيضافون كوبانية
الله هالله يا ست بهية يا محلاوية ياروحي
يا عيني ياسي توفيق
الواد ده ماله ومالي يا عين
الواد ده ماله ومالي بس
عزالي ظلموني
وأهلي تركوني
علشانك يا عيوني
وانت ما ترحمني
بيفوت يشغلني
محبوبي يجنني
من وصله يحرمني
علشان ما احبه انا
الواد ده ماله ومالي يا عين
الواد ده شاغل بالي ازاي؟
يا عيني ياسي ابراهيم يا سهلون يا روحي
يا تخت الملوك يا روحي
الروابط
بهية المحلاوية (http://www.sama3y.net/forum/showpost.php?p=161518&postcount=13)
Islam Eidrisha
15/01/2011, 13h44
52
حود من هنا تعالى عندنا
زكي أفندي مراد
حود من هنا تعالى عندنا
أنا وانت نحب بعضنا
جانا الفرح زال الترح
صدري انشرح إنت أنستنا
أنا أهواك وروحي فداك
وانا ما انساك لو طال بعدنا
إنت الحبيب اطفي اللهيب
ربي المجيب جمع شملنا
جود بالوصال يا حلو الخصال
كيد العزال وتعالى عندنا
مسي للسهر زدت في الفكر
وقلت يا قمر نور عندنا
يا حلو القوام بعدك حرام
ونملى المدام إنت وحشتنا
شوف يا غزال من كتر الدلال
صبحت خيال وحياة ربنا
حود من هنا تعالى عندنا
يالله انا وانت نحب بعضنا
جانا الفرح زال الترح
صدري انشرح إنت أنستنا
الروابط
الف شكر استاذ إسلام على المجهود الكبير في كتابة الطقاطيق والمونولوجات , وأرجو تعديل الخطأ الحاصل في اسم ملحن أسمر ملك روحي من محمد علي علبه إلى لعبه وشكرا .
Islam Eidrisha
16/01/2011, 07h49
بل أنت السباق دائما بالجهد والنوادر يا أبو حمد يا كريم
تم التصحيح وكل الشكر والتقدير على المتابعة الدقيقة
Islam Eidrisha
16/01/2011, 08h07
53
بلاش مناهدة طاوعيني
عبد اللطيف أفندي البنا
كروان مصر
بلاش مناهدة طاوعيني
إيه تاخدي لما تلاوعيني؟
بلاش مناهدة
من بعد حبك يا ضنايا
حللت بيعي وشرايا
سايسي أمورك ويايا
إن كنتي عايزة تعاشريني
بلاش مناهدة
ياريتني طاوعت قرايبي
ولا كنت سلمتك قلبي
تشحططيني وانا إيه ذنبي
وف نار عنادك تكويني
يخلصك كتر نواحي
واسهر وإنتي ترتاحي
وافضل كده سكران صاحي
وبنار عنادك تكويني
بلاش مناهدة
مين اللي قساكي عليا
هو ده شرط المدادية
ده انتي بقى بستين نية
وكم سنة بتحاوريني
بلاش مناهدة
يا روحي يا سي عبد اللطيف يا بنا
اه يا سي محمد افندي يا عمر
يا سلام يا سي سامي أفندي يا شوا
الروابط
Islam Eidrisha
16/01/2011, 09h03
54
راحت السكرة وجات الفكرة
عبد اللطيف أفندي البنا
بلبل الشرق
راحت السكرة وجات الفكرة
أسباب غرامي أصلها نظرة
الحب كواني البعد ضناني
هانني زماني ما فرحت مرة
ملكتي فؤادي أوعي ودادي
إنتي مرادي يا حلوة يا بطة
ليلي نهاري أهاتي من ناري
سمعني جاري بكي من برة
مسكين يابني
يا هووو اعذروني يا ناس فيدوني
ليه تلوموني دي نارهم حارة
إن شالله يا لايم تصبح هايم
والحب آلم قلبي له جمرة
حلوة جميلة عنيها كحيلة
بس بخيلة نخيلة ونظرة
الروابط
Islam Eidrisha
16/01/2011, 09h31
55
البلبل جاني يترجاني
عبد اللطيف أفندي البنا
كروان مصر
البلبل جاني يترجاني
إني ارجع لحبيبي تاني
غني لي واطرب يا حمام
زعلني وزعلت معاه
وانا قلبي مشغول بهواه
مش ممكن أبدا أسلاه
لو طالت بينا الأيام
قابلني محلصشي عتاب
والبلبل سيبنا وغاب
وقعدنا وبكل أداب
وبكينا وضحكنا قوام
يا بختي هو اللي بعتلي
صالحني والدنيا صفت لي
وعزولي كان غرضه قتلي
ولكنه ما نالشي مرامه
نده لي وجلس ف قبالي
قدم لي المدام وملا لي
وقال لي اتمتع بجمالي
الليلة ولا في الأحلام
الروابط
MUNIR MUNIRG
16/01/2011, 09h57
شكرا جزيلا أستاذ إســـلام على هذا المجهود الجبار في جمع هذه الدرر لقيمتها التاريخيه لتدوين مرحله هامه في تطوركلمات من بعض ما غناه روادنا.
وياريت لو تكرمت أنت أو أحد ألأعضاء فى تجميعها (طبعأ بعد ألإنتهاء منها) في PDF FILE
Islam Eidrisha
16/01/2011, 10h11
عمي الحبيب منير المنير دائما
شكرا على المتابعة وسعدت جدا أن نال هذا العمل المتواضع شرف القبول لديكم
ما زال أمامنا الكثير للإنتهاء من كتابة نصوص الطقاطيق وأصدقك القول بأن إحداها داومت على استماعها أسبوعا كاملا لمعرفة كلماتها ومنها ما هو محجوز عندي بسبب كلمة أو كلمتين.
شكرا أستاذي وأعدك بعمل ملف بي دي إف بعد كتابة أكبر عدد ممكن من الطقاطيق
Islam Eidrisha
16/01/2011, 10h57
56
يا دمنهوري يا دوا عيوني
محمد سالم العجوز (الكبير)
الله الله الله ع الدمنهوري
يا دمنهوري يا دوا عيوني
أقوم من نومي
تسبقني الدموع
أبكي على غزال
شرد مني وكان ملكي
أكلمه بالأسيه
لم يدور يشكي
يضحك ويلعب
ولما يختلي يبكي
الروابط
محمد سالم العجوز (http://www.sama3y.net/forum/showpost.php?p=162936&postcount=6)
Islam Eidrisha
16/01/2011, 11h22
57
قمرة يا قمرة يا أمورة
(نسخة الأوديون)
عبد الحي أفندي حلمي
هالله هالله ياسي عبد الحي افندي
قمرة يا قمرة يا أمورة
يا محني ديل العصفورة
وان كنت تايه عن بيتنا
بيتنا قصاده دحدورة
وان كنت تايه عن إسمي
إسمي أمينة المشهورة
وان كنت خايف من أبويا
أبويا عدى المنصورة
وان كنت خايف من أمي
أمي عليا ساتورة
وان كنت خايف من أختي
أختي تدخل لي الصورة
وان كنت خايف من جوزي
(أهلا وسهلا) :mdr:
حشاش وواكل داتورة
وان كنت خايف م البواب
أعمى ورجله مكسورة
يا دهوتي ياسي عبد الحي
الروابط
عبد الحي أفندي حلمي (http://www.sama3y.net/forum/showpost.php?p=431663&postcount=220)
Islam Eidrisha
16/01/2011, 11h57
58
شال الحمام حط الحمام
السيدة منيرة المهدية
سلطانة الفن
لحن : محمد القصبجي
شال الحمام حط الحمام
من مصر السعيدة للسودان
زغلول وقلبى مال إليه
أنده له لما احتاج إليه
يفهم لغة اللي تلاغيه
وأقول حميحم يا حمام
عشق الزغاليل غيتي
وحبهم من قسمتي
والناس كمان يا فرحتي
مالناش عوازل في الغرام
ييجي يإيدي أطوقه
وبين شفايفي أزققه
وبوسة واحدة تشبعه
ومع النديم يحلى المدام
البدر ينظر من سماه
ويحسدوه على علاه
وان كان يغيب ألعب معاه
شال الحمام حط الحمام
يحيا سعد باشا
الروابط
Islam Eidrisha
16/01/2011, 17h13
59
حزر فزر
عبد اللطيف أفندي البنا
بلبل الشرق
حزر فزر رح أقول لك إيه
شهر وجمعة وانا محكومة
عند القلعة جاتني عزومة
كتب كتاب جت ع الطبطاب
بابا سمح أروح الفرح
بكرة بالنفس تعالي بالتاكس
نركب نهرب نشرب نطرب
هو يزمر واحنا نهزر
حزر فزر رح أقول لك إيه
نفضل برة طول الليل
سوق من غمرة لقصر النيل
خدي وخدك قدي وقدك
فرش وغطا يا مقطقطة
ندخل في الجد لنهار الحد
نركب نهرب نشرب نطرب
هو يزمر واحنا نهزر
حزر فزر رح أقول لك إيه
متع نفسك باللي تريدك
في غير أنسك حاجة تفيدك؟
خليك صاحي ليلة صباحي
قول للشوفير بدال النفير
بوسة ترن والقلب يحن
نركب نهرب نشرب نطرب
هو يزمر واحنا نهزر
حزر فزر رح أقول لك إيه
الروابط
عبد اللطيف أفندي البنا
Islam Eidrisha
17/01/2011, 08h56
60
دندورمة يا عيني
السلطانة منيرة المهدية
دندورمة يا عيني دندورمة
وأنا ببيع الدندورمة
يا بنت ياللي على السطوح
عروسة ياللي ع السطوح
يا منيرة ياللي ع السطوح
وحياة ابوكي آدم ونوح
ضروري تاكلي دندورمة
يا بنت ياللي ع الكنبه
يا عروسة ياللي ع الكنبة
يا منيرة ياللي ع الكنبه
يا مزررة قميصك بجنيه
وان كان أبوكي عباس بيه
ضروري تاكلي دندورمة
يا بنت ياللي ع السرير
عروسة ياللي ع السرير
يا لابسة التوب الحرير
وان كان ابوكي سي خليل
انزلي كلي دندورمة
يا منيرة ياللي ع الكنبه
مهدية ياللي ع الكنبة
يا مزررة قميصك بجنيه
وان كان ابوكي محمود بيه
ضروري تاكلي دندورمة
يا عم سهلون يا خويا .. كتاكيتك
الروابط
Islam Eidrisha
17/01/2011, 09h45
61
وده كان لي فين؟
عبد اللطيف أفندي البنا
يا روحي يا سي محمد افندي يا عمر الله كمان يا سي سامي
وده كان لي فين يا ناس مخبي؟
مالك بتعشق مسكين يا قلبي
قالوا تحبك قلت اسألوها
قالوا جميلة قلت اعذروها
قالوا جميلة قلت سيبوها
تحكم وترسم في عبد ابوها
ومين رأيته ينصف محبه
تجرح لحاظه ويسبي صبه
وهو يضحك يا بخت قلبه
واحلف واقول لك سقمني حبه
في العشق والله راحت عقولنا
والحب يهجر يارب عينا
ووعده دايما إنه يواصلنا
عينيه هوت بي والذنب ذنبي
والأدهى من دي إنه يواعدني
واحب أقابله ألقاه يخالفني
والصبر والله يا ناس حالفني
والعشق هانني والوجد زادني
بالحب ياما راحت رجال
والحب صاحبه في قيل وقال
والحب كله فرقة وزوال
والأصل نظرة ألطف ياربي
الروابط
Islam Eidrisha
17/01/2011, 10h37
62
خد البزة واسكت
زكي أفندي مراد
خد البزة واسكت
خد البزة ونام
نينتك مصر يا ابني
إصحى عنها تنام
صوت الأم واجبة
بالروح تفديه لو حبة
العقل يا ابني وهبة
أوعى توافق الأخصام
الليلة افديها بمالك
ما تسوقش عليها دلالك
بخيرها هاتصون أحوالك
كيف النيل والإهرام
خليك عاقل يا عنيا
من فيضك حن عليا
إنت تحب الحرية
والإستقلال التام
إسكندرية بختك
أصل السودان كرامتك
إظهر في حبه شهامتك
دا تركه والله حرام
الخير احنا طلابه
ما يصونه إلا اصحابه
إحسب في الدنيا حسابه
وامشي خطوة لقدام
البزة = البدلة = والمقصود هنا البدلة العسكرية
الروابط
زكي أفندي مراد (http://www.sama3y.net/forum/showpost.php?p=382982&postcount=62)
Islam Eidrisha
17/01/2011, 10h53
63
خد البزة واسكت
اسطوانات ميشيان دور مسجل
الست نعيمة المصرية
خد البزة واسكت
خد البزة ونام
بكرة تعيش وتكبر
وتبقى تمام
فرفش يا ضنى امك
قوم رد عليا
في حضني أضمك
وارخي الناموسية
بكرة ييجي عمك
يديك العيدية
بس ما تعيطشي
خلي أبوك ينام
إن شالله أشوفك
في وسط الجدعان
ولا بس طربوشك
ونازل في الميدان
وتبذل مجهود
تخدم الأوطان
وتمجد بلادك
وتعز الإهرام
يا حلاوة يا ست نعيمة
الروابط
الست نعيمة المصرية (http://www.sama3y.net/forum/showpost.php?p=56184&postcount=23)
Islam Eidrisha
17/01/2011, 11h35
64
يا بلح زغلول
الست نعيمة المصرية
يا بلح زغلول
يا حليوة يا بلح
يا بلح زغلول
يا زرع بلدي
عليك يا وعدي
يا أصل سعدي
زغلول يا بلح
عليك أنادي
في كل نادي
إنت مرادي
زغلول يا بلح
الروابط
Islam Eidrisha
17/01/2011, 12h07
65
اللي ف سيرتي
عبد اللطيف أفندي البنا
بلبل الشرق
اللي ف سيرتي يا اخواتي
يحتار حيرتي
آه آه يانا ليلاتي وانا شرقانة
وحبيبي خايف لا يقولوا جانا
وعليها لايف وكلام يكتر
هنا يتنتر هنا يتبعتر
يملالي حارتي
اللي ف سيرتي
يحتار حيرتي
ياما شفت مرار وقضيت أيام
وانا ليلي نهار وازاي أنا انام
والعشق ده نار وعذاب وهيام
وضنا وغيرة وبكا وحيرة
مسك السيرة
على إيه ياختي
اللي ف سيرتي
يحتار حيرتي
ليه تاهمني والعقل عليه
ما تاه مني وسبوني عنيه
ليه ظالميني أنا إيه ذنبي
ياللي تلومني
أكبر مني واصغر مني
داخوا دوختي
اللي ف سيرتي
يحتار حيرتي
تعالى لي يا جميل واطفي لهيبي
أشكي لليل طول تعذيبي
ريح قلبي تعى يا حبي
من ورا جارتي
اللي ف سيرتي
يحتار حيرتي
الروابط
Islam Eidrisha
17/01/2011, 12h28
66
أوعى تكلمني بابا جاي ورايا
الست عزيزة المصرية
كلمات : يونس القاضي
لحن الشيخ : زكريا أحمد
أوعى تكلمني بابا جاي ورايا
ياخد باله مني ويزعل ويايا
فاهم .. أوعى تكلمني
يا روحي يا ست عزيزة
باردون يا عزيزي بابا راجل قاسي
على أبسط حاجة يجرح إحساسي
يا سلام لو شافني وياك وعرفني
كان يعمل غارة ويلم الحارة
بس ابعد عني ما توقفش معايا
وخليك مستني جنب الحوداية
واوعى تكلمني أهو جاي ورايا
أحسن لنا نهرب ونقوم بلطافة
قبل ما يلمحنا دي عنيه شوافة
خايفة لا يمسكنا وبعدين يهبشنا
واسمح لي أقول لك أختك خوافة
بس ابعد عني ما توقفش معايا
وخليك مستني جنب الحوداية
أوعى تكلمني أهو جاي ورايا
فيها إيه لو شوفته بالذوق وعرفته
وعرفت اصحابه وطويت معرفته
يمكن لو شافك ترضيه أوصافك
وان هوش حبة اقبل تهويشته
بس ابعد عني ما توقفش معايا
وخليك مستني جنب الحوداية
أوعى تكلمني أهو جاي ورايا
يا روحي يا ست عزيزة يا مصرية
ابعت لنا نينتك تبلف لنا نينتي
وان كان علي مهري أنا اجيب لك صيغتي
وابدلها بقشرة ولا حدش يدري
و نعيش في هناوة عيشة برلنتي
بس ابعد عني ما توقفش معايا
وخليك مستني جنب الحوداية
أوعى تكلمني أهو جاي ورايا
الروابط
عزيزة المصرية (http://www.sama3y.net/forum/showpost.php?p=382139&postcount=10)
Islam Eidrisha
17/01/2011, 12h50
67
على مين دوله يا جميل
الست فاطمة العراقية
هالله هالله يا ست فاطمة يا عراقية يا روحي
على مين دوله يا جميل
ما يخشوا عليا
قالوا لي الناس
على هجرك وشرب الكاس
و ده أمرك ما يخفاش
ده كلام ما يخش عليا
كنت فين امبارح
وانا عقلي عليك سارح
جاي عندي تقول أنا رايح
ده كلام ما يخش عليا
جفاني النوم
ومن أجلك ما باسمع لوم
يا حبيبي فضك من دول
رهقك ما يخش عليا
اسم الله يا عنيا
قول يا روحي
تملي يا مفرحانة
الروابط
فاطمة العراقية (http://www.sama3y.net/forum/showpost.php?p=427070&postcount=3)
Islam Eidrisha
18/01/2011, 07h50
68
خليك على عومي يا موج البحر
الست بهية المحلاوية
الله هالله يا سي توفيق
يا عيني يا ست بهية يا محلاوية
خليك على عومي يا موج البحر
ألبس بمبي واقلع بمبي
واخدك على جنبي واعدي البحر
ألبس قطني واقلع قطني
واخدك على بطني واعدي البحر
ألبس عودي واقلع عودي
اخده على نهودي واعدي البحر
أنا في عربية وحبيبي في عربية
أنزل الدهبية واعدي البحر
ألبس مصري واقلع مصري
واخدك على خصري واعدي البحر
على عومي على عومي يا موج البحر
الروابط
بهية المحلاوية (http://www.sama3y.net/forum/showpost.php?p=60630&postcount=5)
Islam Eidrisha
18/01/2011, 09h35
69
سيبوني يا ناس في حالي
الست هانم الصغيرة
سيبوني يا ناس في حالي
أروح مطرح ما اروح
ده غزالي وافق عزالي
وخلاني لوحدي بنوح
الليل طال يا تعذيبي
من هجران الحبيب
آه يا ناري محدش داري
وانا ف حالي بسوح وأنوح
مين غيري عشق واتهنى؟
وارتاح ويا الحبيب؟ كمان
آه يا كاسي محدش راسي
وانا بقاسي وقلبي جريح
وكم أبعت تراجي
ولم يقبل رجايا
أميل له وإيه أعمل له
وانا بسره ما اقدرش ابوح
الروابط
الست هانم الصغيرة (http://www.sama3y.net/forum/showthread.php?t=28833)
Islam Eidrisha
18/01/2011, 10h31
70
شوفته بعيني ما حدش قال لي
زكي أفندي مراد
شوفته بعيني ما حدش قال لي
بيحب والحب ظهر لي
كنت اهواه وروحي فداه
لقيته قليل الود وبان لي
وحياتك ما اقعدشي معاك
ولا اعرفك من هنا لهناك
وف حقي درياك درياك
للقاضي رايحة وشاكياك
وكمان عامل لي ولي وبتصلي
بكرة اعرف ده مين قساك
واللي عمل صحبة وياك
وانا قلبي ما بقاش يهواك
يا خسارة عشرتي وياك
بس اوعى ترجع تتذلل لي
ده انا زمان ياما كنت اهواك
ولا افتكر إني أسلاك
ما اتلاقيتشي مين قساك
وعقلك ما بقاش وياك
ولا انت باقي ولا انت مخلي
الروابط
Islam Eidrisha
18/01/2011, 11h01
71
بطلوا ده واسمعوا ده
عزيز عثمان
كلمات : بديع خيري
بطلوا ده واسمعوا ده
ياما لسة نشوف وياما
الغراب يا وقعة سودة
جوزوه أحلى يمامة
هي كانت فين عينيكي يا يمامة؟
لما دورتي بإيديكي ع الندامة
الصدامة اللمامة
إنتي عاجبك فيه جنانه؟
ولا لخبطته ف كيانه؟
ولا تعويجة سنانه؟
بطلوا ده واسمعوا ده
اترك البلبل يا خيبة القيافة
هي دي مش تبقى عيبة ع الظرافة؟
اللطافة الخفافة
كل ده يجرى عشانه؟
اللي لو خبى ف ودانه
جوز أرانب لم يبانوا
بطلوا ده واسمعوا ده
الروابط
عزيز عثمان (http://www.sama3y.net/forum/showpost.php?p=203500&postcount=17)
Islam Eidrisha
18/01/2011, 11h32
72
آنسونا وتعالوا لنا تمللي
عزيز عثمان
آنسونا وتعالوا لنا تمللي
وانا اسمعكم شغل اللاللي
فنان وحياة المتولي
عبد الوهاب شافني وقال لي
عن إذن سعادتك ما اقدرشي
أنا لارج وبلعب بالجنيهات
واملك م الدنيا سبع عمارات
أنا دمي خفيف زي الشربات
أنا حلو واموت في الحلويات
وغير الحلويات ما باكلشي
الأولة ربنا معجني بالخفة
والتانية بالبنكنوت بتغطى واتدفى
والتالتة يا لوعتي محروم من الخلفة
والرابعة فين الحكيم يوصف لنا وصفة
الأولة آه والتانية آه
الروابط
عزيز عثمان (http://www.sama3y.net/forum/showpost.php?p=220134&postcount=18)
Islam Eidrisha
18/01/2011, 12h08
73
يا ليل يا عين على تختي
عزيز عثمان
يا ليل يا عين على تختي
ويا ختي عليه عليه يا ختي
أشوف الويل على تختي
واقول يا ليل على بختي
يجي لي كرسي في دماغي
أنا وبختي
أخد قلمين على صداغي
أنا وبختي
يا ليلي كمان يا عيني كمان
هاتوا لكوا ودان حديد علشان
يقولوا كمان يا عيني كمان
يا سيدي كمان يا روحي
من حبك أولى بقربك
إسمح له لو يوم بوصلك
آه يا بس بس نو نو بقلبك
الروابط
عزيز عثمان (http://www.sama3y.net/forum/showpost.php?p=131658&postcount=8)
Islam Eidrisha
18/01/2011, 17h39
74
عيون حبيبي
عزيز عثمان
عيون حبيبي خضر وخضرضر
وخدود حبيبي حمر وحمرمر
وشعور حبيبي صفر وصفرفر
فرفر يا خويا فرفر
ساعة ما اشوفه فايت عليا
أقول ياريتني قبقاب في رجله
ولما إيده تلمس إيديا
سكينة حامية تدبح لي عجله
نهار ما شوفته
تعبان قرصني رقدني جمعة
ولما بوسته
ميل وعاصني من بقه دمعة
محتار في بختي
مسكين يا أختي
بس اعمل ايه
لهاليب سبرتو
والقلب مورتو
الروابط
عزيز عثمان (http://www.sama3y.net/forum/showpost.php?p=34167&postcount=4)
Islam Eidrisha
19/01/2011, 07h11
75
يا سيدي ازيك
عزيز عثمان
يا سيدي ازيك يا سيدي ازيك
عشت العمر ما شوفتش زيك
يا سيدي ان كنا غلطنا سامحنا
واعمل لنا خاطر وصالحنا
ليه بالهجر تطلع روحنا
ده انا يا جميل بني آدم زيك
يا سيدي ازيك يا روحي ازيك
من ورد الخد آه ياني
وجمال القد رباني
وان جيت للحق عاجباني
الروابط
عزيز عثمان (http://www.sama3y.net/forum/showpost.php?p=186640&postcount=15)
Islam Eidrisha
19/01/2011, 07h26
76
يا عينك يا جبايرك
السيدة منيرة المهدية
كروانة الشرق
يا عينك يا جبايرك
يا ناري من وحايدك
يا راجل بورريه
توهت فكري يا قاسي
شتت عقلي من راسي
تنوح وتشرح ما تهونشي عليا
أحن واصفح تصفر عليا
يا عينك يا جبايرك
يا راجل بورريه
فضلت تبكي يا قادر
حننت قلبي يا غادر
تموت وتحيا تتغزل فيا
وتقول لغيري يا باي عليا
يا عينك يا جبايرك
يا راجل بورريه
ضيعت بختي من أجلك
زعلت أهلي وفرحتك
تلوف بغيري تتنهد ليا
تلوف يا سيدي ولعبتوا عليا
يا عينك يا جبايرك
يا راجل بورريه
الله الله يا سي سامي
الروابط
Islam Eidrisha
19/01/2011, 07h45
77
من غمزة بس
السيدة منيرة المهدية
من غمزة بس
بالعين والحاجب
ضحكة ف لعبة
بقينا حبايب
من غمزة بس
بالعين والحاجب
مشي معايا
ومشيت معاه
على هوايا
وعلى هواه
طلبني أتكلم وياه
إزاي اخالفه
بانت لي عواطفه
من غمزة بس
بالعين والحاجب
يا سلام عليه
وعلى لطافته
عمري ما شفتش
زي خفافته
جميل وتعجبني قيافته
خدني بيته
خلاني حبيته
من غمزة بس
بالعين والحاجب
أما صدفة
لكن غريبة
من نظرة واحدة
بقينا حبيبة
قال لي يالله
نعمل أبيدة
أما نهزر
والحب مقدر
من غمزة بس
بالعين والحاجب
أسر فؤادي
حفظ ودادي
عرفت مرامه
وعرف مرامي
إمتى يا ناس
أنول مرامي
تبقى ليلة
أقول يا حليلة
من غمزة بس
بالعين والحاجب
الروابط
Islam Eidrisha
19/01/2011, 08h57
78
بونجور يا هانم
سيد أفندي شطا
بونجور يا هانم يا نور عينيه
أنا والله هايم ما تردي عليا
يالله بينا على النزهة
نركب سوا العربية
ضحكت وقالت ميرسي يا لافندي
عزولي فايت وحياتك عندي
بكرة أجيلك في العصرية
ضروري والنبي يا عينيه
الحلو جاني وفى بوعده
سمح زماني وبوست خده
ضحك ولعب هزار بأدب
وكل ده في العربية
حلوة حبيتك وسباني قدك
وحياة جمالك لاكتب كتابك
ليلة ف ليلة تهوني علينا
نبقى سوا ف عيشة هنية
الروابط
سيد أفندي شطا (http://www.sama3y.net/forum/showpost.php?p=119746&postcount=5)
Islam Eidrisha
19/01/2011, 09h31
79
خفيف الروح بيتعاجب
الشيخ سيد درويش
خفيف الروح بيتعاجب
برمش العين والحاجب
خفيف الروح
غمزني مرة بعيونه
لقيت الحب مضمونه
حرام ان كنت انا اخونه
وعشق الحلو من الواجب
خفيف الروح
الروابط
Islam Eidrisha
19/01/2011, 10h00
80
صاحبة دلال لابسة العقال
السيدة منيرة المهدية
كروانة الشرق
صاحبة دلال لابسة العقال
فوق الملاية
كيف العرب أنس وطرب
آه يا هنايا
معلوم أميل ده شئ جميل
يكيد عدايا
ابن القمر لحظه خطر
صاب لي حشايا
وصفة طبيب إن الحبيب
يكون معايا
ابن الكرام حلو الكلام
كله هدايا
سيب العزول خليه يقول
نلت منايا
لما أريد أعرف أكيد
كل عدايا
جاد الحبيب لافرح واطيب
أنسي معايا
مافيش كده في الملك ده
على هوايا
الروابط
Islam Eidrisha
20/01/2011, 08h51
81
صبرت ونولت
السيدة منيرة المهدية
كروانة مصر وسوريا
صبرت ونولت وطولت وقولت
افرحوا لي يا حبايب
سنين وايام وانا مسايساه
وياما ملام كتير سامعاه
وده حاله ان دام أنا صبري دواه
ونلت مرام متمنياه
افرحوا لي يا حبايب
ومين يقبل يعيش مظلوم
عزولي اسأل وبعدين لوم
زهور تدبل ودنيا هموم
من الأحزان أشوف لي يوم
افرحوا لي يا حبايب
أدادي فيه قليل وكتير
وده أتاريه يميل للغير
وماشي ليه قليل الخير
عملت عليه حيلة وتدبير
افرحوا لي يا حبايب
رأيت يا ناس حياتي عال
هنا وإيناس وراحة بال
هويت إحساس وذوق وكمال
وقده ان ماس ليا استقلال
افرحوا لي يا حبايب
الروابط
Islam Eidrisha
20/01/2011, 10h29
82
بقدوم فاروق وفوزية
محمد أفندي أنور
بقدوم فاروق وفوزية
نولتي يا مصر الحرية
يحيا الملك
يحيى الملك فؤاد الأول
مولى البلاد المصرية
ونوله كل آماله
وربي يحفظ أنجاله
ويكون في عيشة هنية
يحيا الملك
السعد جانا على أيامه
والله نولنا الحرية
الكرم شأن خصاله
شجاع ونادر أمثاله
يرعى الديار المصرية
يحيا الملك
يا رب إهلك أعدانا
وينصر لنا مولانا
ويكفينا شر السنة
ويدوم الفرح والهنا
بقدوم فاروق وفوزية
الروابط
محمد أفندي أنور (http://www.sama3y.net/forum/showpost.php?p=17421&postcount=1)
Islam Eidrisha
20/01/2011, 11h01
83
زوروني كل سنة مرة
أسطوانات ميشيان
زكي أفندي مراد
لحن : الشيخ سيد درويش
زوروني كل سنة مرة
حرام تنسوني بالمرة
أنا عملت إيه فيكم
تبكوني واشاكيكم
حرام تنسوني بالمرة
آه يا كبدي على اللي مالوش حد
طول عمره يقاسي الوجد
ودمع العين جري ع الخد
مسكين حاله بالمرة
أنا اللي في الهوى صياد
وجيت اصطاد وصادوني
جابوا الشبكة وعلى السنار
وتتغزل عيوني
جودوا لي بلثم أياديكم
وناجوني وانا أجيكم
أنا سايق النبي عليكم
حرام تنسوني بالمرة
الروابط
Islam Eidrisha
20/01/2011, 11h18
84
زوروني كل سنة مرة
حبيبة مسيكة
هالله هالله يا ملكة الطرب
زوروني بالسنة مرة
حرام تنسوني بالمرة
كبدي ع اللي مالوش حد
طول عمره يقاصي الوجد
وتجري دمعته ع الخد
مسكين حاله بالمرة
قولوا لي ع اللي قساكم
ونساكم وسلاكم
لا طول عمري ما أنساكم
حرام تنسوني بالمرة
أنا عملت إيه فيكم
تسيبوني وانا ساليكم
أنا طول عمري بداديكم
حرام تنسوني بالمرة
ياريت الحب لم رأيته
ولا شفته ولا لاهيته
بديع الحسن حبيته
كامل أوصافه بالمرة
حرام الهجر بالمرة
الروابط
Islam Eidrisha
20/01/2011, 11h43
85
كان عندي غزال
أمال قرقر
كان عندي غزال كعبه محني
وعيونه سودة وعسلية
سهاني يا ناس وهرب مني
ولا تمرت فيه التربية
هرب الخاين ولاهوش باين
كل عيشي وملحي وخلي بيا
خاين يا غزال ولا لكش أمان
خاين يا غزال خاين
سألت عليه ناس دلوني
قالوا لي ف مصر
ركبت القطر ومشي بيا
في صلاة العصر
أنا رحت ف مصر ولفيت
خاين يا غزال لم ربيت
بقى بالي مشغول
وانا ماشي بقول
يا ولاد الحلال
تايه مني غزال
كل عيشي وملحي وخلي بيا
خاين يا غزال ولا لكش أمان
خاين يا غزال خاين
سألت عليه أهل حارتنا
قالوا هرب
قالوا لي سافر راح طنطا
لشيخ العرب
أنا رحت ف طنطا ولفيت
دورت ما خليت ولا بيت
بقى بالي مشغول
وانا ماشي بقول
يا ولاد الحلال
تايه مني غزال
كل عيشي وملحي وخلي بيا
خاين يا غزال ولا لكش أمان
خاين يا غزال خاين
الروابط
Islam Eidrisha
20/01/2011, 12h39
86
انصفنا يابا ده احنا غلابة
أسطوانات ميشيان
الست نبوية شخلع
دور مسجل
انصفنا يابا ده احنا غلابة
حنشد فين ونحشش فين
دي بقت بمايتين الوقية
قطعوم نفسنا والله انوحسنا
ده ما هوش كوكايين
ولا هوش مورفين ده حمصمص
يا محافظة إنتي إتشطري انتي
على الخمامير دي سمومها كتير
سبرتو ف بنانير يقفلوها
بصي يا حكومة إنتي الملومة
الكيف يا بيه فصه بجنيه
ما نزلتوش ليه في التسعيرة
بطلوا الخمرة دي جهنم حمرة
لما الحساس خطفت دي الناس
هو الأساس الحساس ده
حيمنعونا وآدي الغفير
بشلن يا أمير
يشوف التعميرة ويلايمها
يا ناس قولوا لنا حتروح عقولنا
وآدي الشاويش يعمل درويش
ياخد البقشيش وينيمها
الروابط
نبوية شخلع (http://www.sama3y.net/forum/showthread.php?t=41643)
Islam Eidrisha
20/01/2011, 13h42
87
والنبي يامه تعذريني
السلطانة منيرة المهدية
والنبي يامه تعذريني واتأني عليا
حبي حبيبي شغلني
لا انا رايحة ولا جايه إلا بيه
آه يامه
رأيت حبي في الطريق يتمخطر
وعيونه سودة والخدود ورد احمر
طلبت وصله قال حاضر لما اسكر
والله ان ما جاني
لا انا رايحة ولا جايه إلا بيه
آه يامه
هالله هالله يا اسطى منيرة يا مهدية
رأيت حبي ماشي في المنشية
والخد زاهي والعيون عسلية
طلبت وصله قال حاضر يا عنيا
والله ان ما جاني
لا انا رايحة ولا جايه إلا بيه
آه يامه
رأيت حبي ماشي في الجزيرة
والخد زاهي والعيون كحيلة
طلبت وصله قال حاضر يا منيرة
والله ان ما جاني
لا انا رايحة ولا جايه إلا بيه
آه يامه
الروابط
Islam Eidrisha
20/01/2011, 18h00
88
والنبي لآيس وياك يا غزال
الست نعيمة المصرية
والنبي لآيس
وياك يا غزال
فضلت اسايس
فيك والعزال
خاينين ظالمين
واللي جرالي
ما كان ع البال
في محبتك أشرب
وياك يا جميل
واغني واطرب
على شط النيل
عزولي يسكت
يهري وينكت
من عزالي
ولا على بالي
خليك على كيفك
أنا ادوب يا نمايس
زيارة من طيفك
فيري جود فيري نايس
Very Good Very Nice
يا روحي
عزولي فيري باد Very Bad
ييجي يوم ينكاد
ويروق بالي
ويا غزالي
ضيقوا علينا ليه
و دي حرية
ويلوموني على إيه
وانا مصرية
الروابط
الست نعيمة المصرية (http://www.sama3y.net/forum/showpost.php?p=146092&postcount=28)
Islam Eidrisha
22/01/2011, 08h08
89
ما فيش لزوم إني أوضح
عبد اللطيف أفندي البنا
بلبل الشرق
ما فيش لزوم إني أوضح
ولا أبين ولا أشرح
يمكن يصادف يوم وافرح
مفيش لزوم
أنا عاشق وطبعي الصبر
الهوى عليا له أمر
عليا له نهي وأمر
أنا ما بنام الليل للفجر
أعد النجوم
يا لايم إن شالله تعشق
وتجرب وتدوق النار
ده العاشق مسكين محتار
أوعى تلوم
مسكين
حبيبي سافر وجاني
ونعنش قلبي وهناني
أنسه يدوم
إدلع وشوف مزاجك
وعزولي ماله ومالك
دي حياتي يا حبيبي علشانك
كده معلوم
الروابط
Islam Eidrisha
22/01/2011, 08h36
90
أنا لك وانت ليا
عبد اللطيف أفندي البنا
أنا لك وانت ليا
يا سيدي يا ابو العيون عسلية
يا منور شبه القمر ع الدنيا وعليا
يا عاشقين دلوني ع الحب إيه أعمل له
أحرم النوم جفوني ولا عدتش أميل له
أنا ما ابي بعدك يا حبيبي وما ابي الخالي بيلومني
وما يدروم حكم الهوى ده قاسي ع الناس وعليا
إن غاب حبيبي ساعة تتغير محاسني
وأخاف م الأشاعة للعزول يسمعني
آه ياربي بالمصطفى ده صاحب الشفاعة
تجمعني على محبوبي وترده إليا
لاصبر أنا على وعدي ولا افكر بحالي
ودموعي تجري على خدي واهو كله تسالي
هستنظر حبيب قلبي واعمله ليالي
وافرح به واغني وتردوم عليا
الروابط
Islam Eidrisha
22/01/2011, 09h58
91
البدوية البدوية
محمود أفندي البولاقي
البدوية البدوية
آه يا حالي ع البدوية
البدوية البدوية
آه يا حالي ع المصراوية
وقالت لي تعالى البيت
ياللي دبت وانسليت
قلت لها تكونيش في البيت
قالت لي ما تخافشي عليا
وقالت لي تعالى لوحدك نص الليل
قلت لها يا خوفي للجيران يدروا
ما بيضربوك ما تهونشي عليا
وقالت لي يا واد يا مصري
يا جدع يا مصري يا سيدي يا مصري
شيل ايدك من على خصري
إخواتي العشرة ليضربوك
ما تهونشي عليا
وقالت لي يا واد يا سامي
شيل ايدك من على حزامي
إخواتي العشرة قدامي
يضربوك ما تهونشي عليا
الروابط
محمود البولاقي (http://www.sama3y.net/forum/showpost.php?p=287963&postcount=14)
Islam Eidrisha
22/01/2011, 10h25
92
إيه العبارة
الست نرجس المهدية
لحن : الشيخ سيد درويش
إيه العبارة إيه العبارة
لسة ف إيدي حرق السيجارة
على إيه يا روحي على إيه يا سيدي
حتاخد ايه من حرق إيدي
وحياتي عندك ما تهزش ايدي
بزيادة قلبي فيه ميت شرارة
من ده الهزار لا بس فضك
تطيب ببوسة بوسها في عرضك
أنا أحبك أنا أودك
ريح فؤادي واطفي السيجارة
هالله هالله يا ست نرجس يا مهدية
وحياتي تسكت يا سلام وسلم
كده برضو يعجب؟ الحرق علم!
أنا لغيرك ما اقدرش اسلم
مادام في إيدي باقي أمارة
ليلة وصالك بيزيد هزارك
حرقت قلبي بنار غرامك
ولحد إمتى تكويني نارك
وحياتي عندك دي ماهيش شطارة
الروابط
نرجس المهدية (http://www.sama3y.net/forum/showpost.php?p=123588&postcount=5)
auditt05
22/01/2011, 11h38
فى إعتقادى الشخصى أن العمل رقم واحد فى كل سماعى هو ما تقوم به يا إسلام و أقسم لك أن هذا كان حلم كنت معتقدا أنه بعيد المنال - شكرا يا إسلام
حفظ التراث يبدأ بالتوثيق
Islam Eidrisha
22/01/2011, 17h01
عفوا يا زعيم
أكاد أشعر بالضآلة وأنا أرد على مشاركتكم الجميلة
فوالله لولا ما جادت به أياديكم الكريمة من درر ونوادر وكنوز
ما كنت استمعت ولا استمتعت ولا تذوقت ولا كتبت فأنت الأصل يا دكتور محمد
وإن كان أحد أحق بالشكر فهو أنت يا دكتور يا معطاء
شكرا على هذا الكلام الجميل المشجع ولا أخفيك سرا فقد كنت في حاجة للتحفيز
بسبب ما حدث لأذني من حالة تخمة خشيت أن تصل إلى الملل من كثرة الاستماع المتتالي والمتوالي والمتكرر يوميا
شكري وامتناني يا زعيم السميعة
Islam Eidrisha
23/01/2011, 07h02
93
بكرة يا بنتي تدخلي دنيا
سيد أفندي مصطفى
بكرة يابنتي تدخلي دنيا
وتعرفي إيه واجبات الزوجة
إبقى اتغندري حطي كولونيا
لكن أوعي ماتمشيش عوجة
جوزك هو اولى بغندرتك
علشان مايرافقش عليكي
اتزيني وري له شطارتك
في البيت حبيه زي عنيكي
وإذا ربنا من عليكي
بالخلفة الحلوة ونعيمها
حطي دايما نصب عنيكي
للأمة بنسبة تعليمها
لما تلتين رجالتنا
يشتغلم بس في وظايف
إزاي تتقدم صناعتنا
وتجارتنا تكون هاي لايف
فهموا أولادكم يا اخواننا
العبرة ماهياش بوظيفة
كل حرفة تفيد أوطاننا
متى كانت حرة وشريفة
الروابط
سيد مصطفى (http://www.sama3y.net/forum/showpost.php?p=346425&postcount=45)
Islam Eidrisha
23/01/2011, 07h24
94
الحنة الحنة يا قطر الندى
عبد الحي أفندي حلمي
الحنة الحنة يا قطر الندى
شباك حبيبي يا عيني جلاب الهوى
عذابي في بعدك حرام عليك
جفتني يا قلبك وهاين عليك
تعالى اما أقول لك كلام الغرام
وأفرح لحسنك وأطلب مدام
أخدته في حضني ونمنا سوا
وبوسته وباسني يا عيني وآدي اللي الجرى
كمان ياسي عبد الحي
كمان والنبي واللي جرى
آه يا حبيبتي آه
جينا شربنا واتمتعنا
وآدي احنا سكرنا يالله بقى
الروابط
Islam Eidrisha
23/01/2011, 07h37
95
الحنة يا حنة يا قطر الندى
الأسطى بهية المحلاوية
أسطوانات أوديون
هالله هالله يا ست بهية
الحنة يا حنة يا قطر الندى
يا شباك حبيبي يا وعدي جلاب الهوى
لا احطك في جيبي يا حبيبي واتدور عليك
يا خوفي من امي يا قلبي لا تسأل عليك
حبيبي واحبه يا عمري ولا اهونشي عليه
لا احطك في عيني يا حبيبي واتكحل عليك
يا خوفي من اختي يا اختي لا تسأل عليه
حبيبي واحبه يا عمري ولا اهونشي عليه
الروابط
بهية المحلاوية (http://www.sama3y.net/forum/showpost.php?p=32680&postcount=1)
Islam Eidrisha
23/01/2011, 08h16
96
الوي الوي
عبد الحي أفندي حلمي
الوي الوي
يا حلالي من الله عشقك يا خي
خبط الهوى ع الباب
والله مالهم باب
قلت الحليوة أهو جالي
أتاري الهوى كداب
يا مغربي كداب
يتهز له كل عالي
هالله هالله يا سي محمد يا ابراهيم
الروابط
Islam Eidrisha
23/01/2011, 08h34
97
إيدي اليمين
عبد الحي أفندي حلمي
إيدي اليمين يا إيدي
وضربني عليها سيدي
وضربني بعصايته الفضة
خلاني ع الفرش اتنطا
وجابولي الحكيم من طنطا
يكشف على إيدي اليمين
يا محمد سيدي يا محمد
دول سافروم يوم الاتنين
صبح التلات يوحشوني
يا محمد سيدي يا محمد
الروابط
Islam Eidrisha
23/01/2011, 09h00
98
زفة العروسة
الأسطى بهية المحلاوية
أسطوانات أوديون
من فضلك يا أسطى بهية يا محلاوية زفي لنا العروسة يا حبيبتي
من فضلك يا سي توفيق اتجدعن يا روحي
اتمخطري يا حلوة يا زينة
يا فلة من جوة جنينة
يا عود قرنفل يا عروسة
الورد ضلل علينا
خطرت على ارضيات الماظ
يا عقد لولي حارس البزاز
يا خدها الاحمر غماز
يا ما انتي خفة وكريمة
اتمخطري وتعالي ل هنا
يا بنت سيدنا وسيدنا
يا بنت شيخ العلما
يا عاقلة وكاملة المعنى
اتمخطري وتعالي جنبي
يا حلوة بالبدلة البمبي
يا عود قرنفل يا الافندي
الورد ضلل علينا
العاشق في جمال النبي يصلي عليه
سعيد يا مسعد .. وعدي
الروابط
بهية المحلاوية (http://www.sama3y.net/forum/showpost.php?p=281820&postcount=24)
Islam Eidrisha
23/01/2011, 09h36
99
مصر الجديدة
السلطانة منيرة المهدية
بيضافون كومباني
الله هالله يا ست منيرة يا مهدية
مصر الجديدة هي الوحيدة
مصر
الحلو ساكن فيها ولكن
فيها جناين وأمور عديدة
مصر
لا ابني لي أوضة في وسط روضة
والبالطو موضة طالع جديدة
مصر
بونابرت فيها ربي حاميها
ل اللي يجيها يعمل مكيدة
مصر
واركب وزيزي لونه فيروزي
واشوف عزيزي وارجع وحيدة
مصر
وان جه غزالي يحلى وصالي
واقول لخالي ليلة سعيدة
مصر
الله يا سي ابراهيم
يا عيني يا سي ابراهيم .. يا سهلون
الروابط
Islam Eidrisha
23/01/2011, 17h17
100
مارش جلالة الملك فؤاد
حبيبة مسيكة
إسطوانات بيضافون
مارش جلالة الملك فؤاد
ملوك الملوك يدوم علاك
أمل الوجود هو رضاك
الله يزيدك في بهاك
للأمة في كل الدهور
في عز دايم وصفو تامم
مولانا يا صاحب الجلالة
يا من ضمنت لنا العدالة
رب الكرم رب البسالة
عصرك يفوق كل العصور
في علم زاهر ورقي باهر
يحيى الملك ويدوم صفاه
كرمك عظيم عم البلاد
واتمتعت فيه العباد
والسعد والخير في ازدياد
ومن عطاك فوتنا البدور
مافيش مثاله عزه وجلاله
يحيى الملك ويدوم صفاه
يعيش الملك فؤاد ملك مصر
الروابط
حبيبة مسيكة (http://www.sama3y.net/forum/showpost.php?p=339533&postcount=33)
Islam Eidrisha
24/01/2011, 07h36
101
أنا رأيت روحي ف بستان
السلطانة منيرة المهدية
أنا رأيت روحي ف بستان
كان وقتها الفجر يلالي
وكنت اشوف بين الأغصان
نور القمر يحكي غزالي
شميت انا ريحة الريحان
ما عرفت إيه اللي جرى لي
وبقيت كده زي السكران
وحدي خايف على حالي
الروابط
Islam Eidrisha
24/01/2011, 07h55
102
أنا رأيت روحي ف بستان
محمد أفندي العربي
أنا رأيت روحي ف بستان
كان وقتها البدر يلالي
وكنت اشوف بين الأغصان
نور القمر يحكي غزالي
شميت انا ريحة الريحان
ما عرفت إيه اللي جرى لي
وبقيت كده زي السكران
لوحدي خايف على حالي
وكلما زادت الاشجان
رأيت خيال حاله كحالي
قرب عليا وحضني
من كتر شوقه جنني
اقول له لا بس يقول لي هس
خلاني غصب عني اهس
حققت تاني في الخيال
لقيته آيه في الجمال
طلبت منها الوصال
قالت أمرك يا غزال
حضنتني وحضنتها
وباستني وبوستها
مسكت انا في يدها
لقيت زعيقهم هزها
فتحت عيني أشوف حبيبي
لأن قلبه عليه يخاف
مددت عيني أشوف حبيبي
ما شفت انا غير اللحاف
الروابط
Islam Eidrisha
24/01/2011, 08h15
103
ماني يا يمة ماني
عبد الحي أفندي حلمي
ماني يا يمة وماني
عندي حبيبي ده هناني
يا بنتي قومي اتعشي
يا بابا ما اقدرش امشي
يا بنتي العريس ع الباب
يا بابا استنيله وامشي
شفت الحلوة ع السجرة
بعيون سود تحت الحضرة
افتحي فكري لما اقرى
عربي وتركي وتالياني
الروابط
Islam Eidrisha
24/01/2011, 08h34
104
سماح النوبة النبي يا جميل
الست فاطمة سري
إسطوانات أوديون
السيدة فاطمة سري
سماح النوبة النبي يا جميل
أنا قلت التوبة ما عنتش اميل
لغيرك أبدا
كنت افتكر إنك بتغير
وف نار غرامي كنت أسير
مهما عملت كتير وقليل
معلهشي النوبة النبي يا جميل
ما عنتش اميل لغيرك أبدا
عزولي قال لي إنك بتميل
لواحدة غيري ليه يا جميل
لما سألت ما لقيتشي دليل
معلهشي النوبة النبي يا جميل
ما عنتش اميل لغيرك أبدا
بحسب اني أقدر أسلاك
لقيت روحي بدوب في هواك
القلب لك وانا كلي فداك
معلهشي النوبة النبي يا جميل
ما عنتش اميل لغيرك أبدا
الروابط
فاطمة سري (http://www.sama3y.net/forum/showpost.php?p=219579&postcount=6)
Islam Eidrisha
24/01/2011, 09h12
105
أنا بس ساكتة لك
ح يجيلك يوم طول بالك
الست فاطمة سري
إسطوانات أوديون
السيدة فاطمة سري
أنا بس ساكتة لك
ح يجيلك يوم طول بالك
لما يروق عقلي وبالي
ح يجيلك يوم تترجاني
واشوف أنا ازاي تنساني
واسأل عليك طول بالك
بكرة فؤادك يتلوع
وأكيدك أوي أنا واتدلع
وتطلب الوصل أتمنع
واتقل عليك طول بالك
تعشق وتخطر يا غزالي
وآدي انت شوفت اللي جرى لي
في اللوم وفرحة عزالي
عاجبك كده؟! طول بالك
عزولي يفرح في بعادي
وقلبك ليه ينسى ودادي
ياروحي شمت الاعادي
ارحم بقى وخلي بالك
الروابط
فاطمة سري (http://www.sama3y.net/forum/showpost.php?p=297446&postcount=11)
Islam Eidrisha
24/01/2011, 09h43
106
ناس لها بخت
في الحب تتهنى
الست فاطمة سري
إسطوانات أوديون
السيدة فاطمة سري
ناس لها بخت في الحب تتهنى
وناس تعيش العمر تتمنى يوم تتهنى
يقولوا السعادة لها ناس بالعنية
وانا في الحب ما ارتحت ثانية
أشكي يقولوم كده الدنيا
بتفرح ناس وناس تتمنى
يوم تتهنى ويوم تتمنى
علي جبيني مكتوب حبه
روحي فداه والقلب عبده
يا هل ترى يسمح بقربه؟
ليلة اتهنى .. لا انا بتمنى!
يوم اتمنى ويوم اتهنى
مسيري أفرح يوم واتهنى
تبقى ناري يا ناس جنة
يا عزولي إبعد عنا
بقالي سنة وانا بتمنى
يوم اتهنى ويوم اتمنى
الروابط
فاطمة سري (http://www.sama3y.net/forum/showpost.php?p=431198&postcount=14)
عصمت النمر
24/01/2011, 15h03
تحية للصديق الدؤوب اسلام
يعمل فى صمت
جهد خارق فى الفهرسة للادوار والطقاطيق والمونولوجات
:emrose:
Islam Eidrisha
25/01/2011, 09h46
دكتور عصمت النمر
المتخصص في السمع والطرب والسلطنة
عندما تأتي منه هذه الكلمات الجميلة
من أحد قامات وهامات سماعي العالية
يكون لها مفعول السحر
شكرا يا أستاذ يا كبير
Islam Eidrisha
25/01/2011, 10h07
107
العزوبية طالت عليا
زكي أفندي مراد
العزوبية طالت عليا
قومي اخطبيلي حلوة وغنية
عروسة يا خاطبة متكونش مطالبة
هاتي العروسة وخدي الهدية
ما دام بتودي وتيجي عندي
الود ودي تاخدي الطاقية
بس اوعي يا اختي ما تكوني انتبهتي
ما شفت بختي في البنت دية
أنا عندى عفة في بنت خفة
عاوزة لها زفة صاحبة مالية
إملا لي إيدك وده وقت عيدك
ده حكم سيدك والحق عليا
من بحر فنك هاديني منك
واحدة وتروق ومستحية
تقعد قبالي واديها مالي
مالك ومالي ده العشق غية
إمتى أجيكي وابقى واليكي
وحياة عينيكي لا تبقى ليا
الروابط
Islam Eidrisha
25/01/2011, 10h23
108
مرة كنت ماشي
السلطانة منيرة المهدية
مرة كنت ماشي مع جميلة عنيها سود
تسبي كل من شافها بلون ورد الخدود
والقوام ده غصن حير سلطان القدود
آه يا ناري يا نار قلبي أنا بحب وادوب
تعى اما اقول لك ع اللي جرى لي
تعى اما اقول لك ع اللي صار
شبكني ف حبه وكنت خالي
كنت انام من غير أفكار
بوسته في خده والبوس حلى لي
بقينا ف ضحك وهزار
أنا كنت نايم بحلم لقيت حالي
بعدها طلع النهار
الروابط
عندي قناعة -ولو انها شخصية- أن الطرب العربي هو وحدة متكاملة: ليس هناك قديم وحديث. هو بناء واحد من أساسه إلى السقف. عمل جبار يقوم به أستاذنا الكريم إسلام مليء بالذرر والكلام الذي غاب عنا هذه الأيام التي اصبحت فيها الكلمة مجردة من أي احساس او مشاعر. موضوع شيق ومش عارفة ازاي اشكرك صراحة.
auditt05
25/01/2011, 11h07
برافـــــــــــــــــــــــــو
هو انت ابه ودانك خشب - الله يكون فى عونك
ارجوك استمر حيث يبدوا انه لا يستطيع احد ان يشاركك هذا العمل المضنى
و على فكرة انا مستفيد شخصيا جدا جدا جدا اى و الله
شكرا يا باسل
Islam Eidrisha
25/01/2011, 11h30
109
أهو ده اللي صار
حامد مرسي
أهو ده اللي صار وآدي اللي كان
ما لكش حق تلوم عليا
تلوم عليا ازاي يا سيدنا
وخير بلادنا ما هوش في إيدنا
قول لي عن أشياء تفيدنا
وبعدها ابقى لوم عليا
بدال ما يشمت فينا حاسد
إيدك في إيدي نقوم نجاهد
واحنا نبقى الكل واحد
والأيادي تكون قوية
مصر يا أم العجايب
سعدك أصيل والخصم عايب
خللي بالك م الحبايب
دوله أنصار القضية
الروابط
حامد مرسي (http://www.sama3y.net/forum/showpost.php?p=501263&postcount=31)
Islam Eidrisha
25/01/2011, 12h10
110
الحلو مخاصمني شاهدة يامه
الست بدرية سعادة
الست بدرية المشهورة النجمة
الحلو مخاصمني يا ست بدرية
الحلو مخاصمني شاهدة يامه
وحبه يجنني والأمر لله
مش راضي والله ما هو راضي
مش راضي يكلمني روحي له يامه
قابلني في الجيزة قصادي
نفسه عزيزة كلمته
قال لي ما نيش فاضي
روحي له يامه
من فضلك يا ست بدرية
امسك يا خواجة يوسف بعودك
جاب لي شريطة وقلعني
جاب لي شريطة ولبسني
جاب لي شريطة تعالى ل هنا
مص بالشفة موش راضي والله
جاب لي سلمية ولبسني
جاب لي سلمية وقلعني
جاب لي سلمية ضحك وقال لي
حبك يا عنية سكر وقال لي
حبك يا بدرية اصطلحنا يامه
الحلو مخاصمني شاهدة يامه
وده قصده يجنني والأمر لله
الروابط
بدرية سعادة (http://www.sama3y.net/forum/showpost.php?p=137956&postcount=3)
Islam Eidrisha
25/01/2011, 13h05
111
إن كنت شاريني ما تتقلشي
الست نرجس المهدية
الله هالله ياست نرجس يا مهدية .. سمعيني
إن كنت شاريني ما تتقلشي
أكتر من كده ما استحملشي
كل انا ما اتذلل واشكيله
يعملهم برضك ويخيله
من يوم ما عشقته وانا قتيله
يا قاسي ليه ما بترحمشي؟
مستكلف تبعت لي سلامك
وانا على قتلي ماشي كلامك
إن صالحتني أنا خدامك
وان فوتك بكرة ما تزعلشي
اسطوانات ميشيان
بزيادة عليا اللي قاسيته
في غرامك وده كله نسيته
أجرن اللي حسبته لقيته
وصحيح الحلو ما يكملشي
يا مشمت عزالي فيا
ولا ليا ذنب ولا أسية
لا هي روحي ما تصعبشي عليا؟!
لما تذلها ولا تسألشي
الروابط
نرجس المهدية (http://www.sama3y.net/forum/showpost.php?p=123593&postcount=6)
Islam Eidrisha
26/01/2011, 07h36
عندي قناعة -ولو انها شخصية- أن الطرب العربي هو وحدة متكاملة: ليس هناك قديم وحديث. هو بناء واحد من أساسه إلى السقف. عمل جبار يقوم به أستاذنا الكريم إسلام مليء بالذرر والكلام الذي غاب عنا هذه الأيام التي اصبحت فيها الكلمة مجردة من أي احساس او مشاعر. موضوع شيق ومش عارفة ازاي اشكرك صراحة.
كل الشكر والتقدير للأخت العزيزة سمر عاشقة الست أم كلثوم
على المتابعة وعلى تذوقها الراقي للطرب الأصيل
رحم الله أيام الكلمة الصافية العفوية التلقائية
زمااان في عصر الروقااان
شكري وتحياتي
Islam Eidrisha
26/01/2011, 07h48
برافـــــــــــــــــــــــــو
هو انت ابه ودانك خشب - الله يكون فى عونك
ارجوك استمر حيث يبدوا انه لا يستطيع احد ان يشاركك هذا العمل المضنى
و على فكرة انا مستفيد شخصيا جدا جدا جدا اى و الله
شكرا يا باسل
أستاذي ورائد السميعة الدكتور محمد الباز
بل الشكر الغير محدود لك على المتابعة والتشجيع
وفوق كل هذا إحساسك بما يبذل من جهد في هذا الصدد
التعب العصبي فيه يفوق تعب الأذن مرات ومرات
استخلاص الدر من بين أصوات الخشخشة
واستخلاص المعنى الدفين بين النبرات العتيقة الضاربة في القدم
Islam Eidrisha
26/01/2011, 08h05
112
يا شمعة العز قيدي
السلطانة منيرة المهدية
هالله هالله يا أسطى منيرة يا مهدية
يا شمعة العز قيدي
أنا اشتريتك بإيدي
أنا اشتريتك بمية
من مصر لاسكندرية
ياريس الدهبية
حود أنا اشوف حبيبي
أنا اشتريتك لروحي
تنظري سقمي ونوحي
يا حلاوة
الحب يا ما كان فضوحي
يفرج الناس عليا
الروابط
يا شمعة العز قيدي
أنا اشتريتك بإيدي
صباح الخير أستاذ إسلام نقلت مجموعة من القصائد واستمتعت بقراءتها ليلة البارحة فوجدتها منتقاة بشكل رهيب. كلام الأغاني لم يكن اعتباطيا او عابرا رغم شعبية بعض المقطوعات. فمثلا لما نشوف البيتين السابقين نلاحظ كيف أن الكاتب اشترى همه بايده وهو فاكر انه اشترى نور ينور له حياته. لكن اصبحت الشمعة صورة طبق الأصل عن حاله هو شخصيا: كلما ذبلت الشمعة ذبل معه جسمه ..... الله الله رائع جدا وزمان السلطنة اصبحنا ننوح عليه تاه منا في زمان الماديات.
لكم مني اجمل تحية وسلام أسيتاذي الفنان
Islam Eidrisha
26/01/2011, 08h45
113
لحن الصنايعية
مطربة القطرين فتحية أحمد
كلمات : بديع خيري
لحن : الشيخ سيد درويش
اسطوانات ميشيان
الست فتحية أحمد
الحلوة دي قامت تعجن في البدرية
والديك بيدن كوكو كوكو في الفجرية
يالله بنا على باب الله يا صنايعية
يجعل صباحك صباح الخير يا اسطى عطية
صبح الصباح فتاح يا عليم
والجيب ما فيهشي ولا مليم
من في اليومين دول شاف تلطيم
زي الصنايعية المظاليم
الصبر أمره طال
وايش بعد وقف الحال
ياللي معاك المال
برضو الفقير له رب كريم
أولاد أوروبا ما بيناموش
عن الصنايع ما يونوش
الافرنجي دايما حلق حوش
والمصري جنبه بيطلع بوش
سبع صنايع في إيدينا
والهم جاير علينا
ياما شكينا وبكينا
يا أغنيا ليه ما تساعدوش
ما تشد حيلك يا بو صلاح
إضربها صرمة تعيش مرتاح
خللي اتكالك ع الفتاح
يالله بنا يالله الوقت راح
الشمس طلعت .. والملك لله
ما تشيل قدومك .. والعدة ويالله
اجري لرزقك .. خليها على الله
الروابط
فتحية أحمد (http://www.sama3y.net/forum/showpost.php?p=259914&postcount=102)
Islam Eidrisha
26/01/2011, 09h25
114
ع الجدع الاسمر يا حلاوة
الأسطى فريدة الاسكندرانية
فريدة الرقاصة
ع الجدع الاسمر يا حلاوة
بطرف منديله وغمزني
بطرف منديله بيحسبني
عيلة راح اجيله يحايلني
بالجنيه الاحمر يا حلاوة
بطرف محرمته وغمزني
بطرف محرمته بيحسبني
وارمح له يحايلني
بالجنيه الاحمر يا حلاوة
بزر طربوشه وغمزني
بزر طربوشه بيحسبني
عيلة راح ابوسه يحايلني
بالجنيه الاحمر يا حلاوة
هالله هالله يا روووحي
الروابط
فريدة الاسكندرانية (http://www.sama3y.net/forum/showpost.php?p=32888&postcount=3)
Islam Eidrisha
26/01/2011, 10h22
115
يا أمي ليه تبكي عليا
وانا مسافر الجهادية
الست نعيمة المصرية
يا أمي ليه تبكي عليا
وانا مسافر الجهادية
الفرقة صعبة يا مراري
والغربة ح تشعلل ناري
كتبوك بيادة ولا سوراي
ولا نفر في الطوبجية
قوليلي كلمة تشجعني
وخلي أهلي تودعني
وادعي لي ربي يرجعني
ومش ضروري البدلية
وبس ليه ح تطاوعي شفقتك
وتشتريني وتبيعي صيغتك
إذا انتصرت تقيمي رايتك
وتكوني أم الوطنية
صوت المدافع في الميدان
زي الكمانجة والعيدان
والحرب مخلوق للشجعان
والصيغة تلبسها ولية
نوم السراير للعاشق
أما احنا نومنا في خنادق
نعمل مخدتنا بنادق
فرش وغطا وبطانية
ساعة الخطر ننسى روحنا
نطوي العدو تحت جناحنا
نفدي وطننا بأرواحنا
وآدي أساس الوطنية
الروابط
نعيمة المصرية (http://www.sama3y.net/forum/showpost.php?p=165370&postcount=6)
Islam Eidrisha
26/01/2011, 11h17
116
على يوم ما خدوني الجهادية
الست نعيمة المصرية
اسطوانات بوليفون
الست نعيمة المشهورة
على يوم ما خدوني الجهادية
وقرايبي بيبكوا حواليا
يا عيني يا ست نعيمة الله هالله
شافوني لابس بدلة جهيدي
والبندقية شايلها في إيدي
أبويا قال عجبك يا سيدي
ما رضيتش تودي البدلية
الله الله يا عيني يا عيني
جابوا لي إبني اللي بيرضع
بوسته أنا وعيوني بتدمع
وقلت له يا ابني إسمع
واوعي تأثر في الحنية
وانا لسة بودع على مهلي
سمعت البوري بينده لي
نساني إبني وبقيت أهلي
خدمة وطني دي واجبة عليا
رحت البلوك أنا والشجعان
جبنا المهمات والكراخان
وطلعنا قاصدين للميدان
نعمل مناورة حربية
شافوني في القرطة مزقطط
وأمي اللي كانت بتعيط
دي واقفة فرحانة بتزغرط
وتقول لي تحيا الحرية
الروابط
نعيمة المصرية (http://www.sama3y.net/forum/showpost.php?p=280525&postcount=48)
Islam Eidrisha
26/01/2011, 12h04
117
يا نينة وصي شيخة الزار
زكي أفندي مراد
يا نينة وصي شيخة الزار
تدق لي دقة ع الطار
يا نينة يالله
هالله هالله يا منصوري .. يا سلطان الكمانجة .. آه يا حبيبي يا سامي
الاسياد يا نينة اللي عليا
مربطين والله إيديا
متهلوسة بهم طول الليل
طالبين إزار موضة وخمار
يا نينة يالله
يا نينة هاتي استنزل له
إكمني يا نينة أميل له
خلي عوازلنا يولوا
وافرح يا نينة ونبقى ف دار
يا نينة والله
وبخري لما اتشخلع
واهز قدي واتدلع
والعب الوسط وامتع
نفسي وقيد سبعة ومليار
يانينة يالله
هاتي يا نينة حزام خفة
أتهنى بيه واعمل زفة
والف به خمسين لفة
يا نينة وادعي جار الجار
يا نينة يالله
يا هيما
الله الله يا سي زكي
الله يخلي لك مراد يا ابو زكي
الروابط
زكي مراد (http://www.sama3y.net/forum/showpost.php?p=432861&postcount=117)
Islam Eidrisha
26/01/2011, 12h38
118
منديلي يا نينتي
عيشة ندا
هالله هالله يا عمري يا سي يعقوب انت والاسطى عيشة
منديلي آه يا نينتي
ده وقع في الحارة
منديلي ده وردي
أمسح به خدي
اللي احبه مكانشي منسي
ده أخد منديلي
بالذمة ما افوته أبدا
ده حبيبي وخسارة
منديلي آه ده قرفة
أمسح به بخفة
اللي احبه آه موضة خفة
ده أخد منديلي
بالذمة ما افوته أبدا
ده نديمي وخسارة
منديلي آه ده عودي
أمسح به نهودي
اللي أحبه عيوني يا نينتي
ده أخد منديلي
بالذمة ما افوته أبدا
ده حبيبي وخسارة
مفيش كده أبدا
الروابط
عائشة ندا (http://www.sama3y.net/forum/showpost.php?p=302263&postcount=2)
Islam Eidrisha
27/01/2011, 08h01
119
دلعني يا بابا شوية
الست ودودة المنيلاوية
دلعني يا بابا شوية
ده انت قليل الذرية
ما شفت م الخلفة غيري
وعرفت يا بابا خيري
ولأمتى أداري في أموري
وانت ما تشفقشي عليا
هات لي حبيبي اللي لقيته
بعد العشا جاي من بيته
آه ده لابس عباية حبيته
لا بس على راسه كوفية
أبيض ولحظه يشجيني
يادي الزمان به هنيني
العود في إيده يسليني
خفة عيونه عسلية
ما شفت قبله ولا بعده
وكنت من قبلة أواعده
إنسان خد عقلي بقده
شوفته خدتني الحنية
عيونه يا اخوانا كحيلة
وقيافته بالحق جميلة
وليلتي يا بابا طويلة
مالوش على قلبي جميلة
آه يا بابا قول له واترجاه
لأني عقلي والله معاه
إياك يقعدني وياه
ولا التقيش منه أسية
الروابط
ودودة المنيلاوية (http://www.sama3y.net/forum/showpost.php?p=32407&postcount=1)
Islam Eidrisha
27/01/2011, 08h44
120
طلعت يا محلى نورها
حبيبة مسيكة
لحن : الشيخ سيد درويش
طلعت يا محلى نورها شمس الشموسة
يالله بنا نملى ونحلب لبن الجاموسة
على بحر النيل يا صبايا من نهر الجنة
والقطرة منه بتشفي أمراضنا منا معلوم
لو كان في الدنيا سكر لا ندوب منها
ما نلاقي مياة أفيد من مية نيلنا
الحسن بالعالم كله نقطة من جودك
وزرار الجوري خطف لونه من خدودك
وبياض الزنبق أصله كله من زنودك
ياربي آه ياربي يهلك حسودك
آمين
لو كانت الحلوة بتسمح بزيارة
لا اخدها فسحة يا ماما على المنارة
واهديها عقد لولو وعشرين سوارة
ــــــــــــــــــــــــــــــــــــ زي الطيارة
الروابط
حبيبة مسيكة (http://www.sama3y.net/forum/showpost.php?p=69221&postcount=14)
Islam Eidrisha
27/01/2011, 10h24
121
يا خوجة البنات
محمد أفندي أنور
بيضافون كومباني
محمد أفندي أنور
يا خوجة البنات علمهم
ضرب الآلات ونغمهم
قلبي ميال لعشق الجمال
أصل الوصال خصايلهم
يا افندي يا خوجة النبي علمهم
ضمة العود ع النهود
شبه المولود في حضانهم
يا افندي يا خوجة النبي علمهم
رقة وجمال وفايقة الجمال
بس الدلال خصايلهم
يا افندي يا خوجة النبي علمهم
سمع القانون زودني شجون
وانا المفتون بجمالهم
يا افندي يا خوجة النبي علمهم
ودي بنت الناس ماسكة الكراس في إيدها
وايدها تنباس وخدودها
يا افندي يا خوجة النبي علمهم
الروابط
محمد أنور (http://www.sama3y.net/forum/showpost.php?p=253292&postcount=6)
مساء الخير أساتذتي الكرام،
بكل صراحة هذا الموضوع يتسم بمجموعة من الخصال التي احببت أن اقولها في حقه:
1- الموضوعية
2- الأمانة العلمية
3- الدقة في الإستماع والكتابة
4- التفاني في توثيق ما اصبح من الماضي.
وآسفة جدا على التطويل ولكن أحببت أن اقول كلمة حق في كل الملفات بمختلف مطربيها ومواضيعها.
Islam Eidrisha
17/02/2011, 08h35
122
بلادي بلادي
محمد أفندي بخيت
اللحن الخالد للشيخ سيد درويش
بلادي بلادي بلادي
لكي حبي وفؤادي
مصر يا زينة البلاد
أنتي غايتي والمراد
وعلى كل العباد
كم لنيلك من أيادي
الروابط
محمد بخيت (http://www.sama3y.net/forum/showpost.php?p=96450&postcount=4)
Islam Eidrisha
17/02/2011, 10h10
123
قوم يا مصري
الشيخ سيد درويش
قوم يا مصري مصر دايما بتناديك
خد بنصري نصري دين واجب عليك
يوم ما سعدي راح هدر قدام عنيك
عيد لي مجدي إللي ضيعته بإيديك
شوف جدودك في قبورهم ليل نهار
من جمودك كل عضمة بتستجار
فين أثارك يا اللي دنست الأثار
دول فاتوا لك مجد وانت فوت عار
هالله يا ابو محمد
شفت أي بلاد يا مصري في الجمال
تيجي زي بلادك اللي ترابها مال
نيلها جي السعد منه حلال زلال
كل حي يفوز برزقه وعيشته عال
يوم مبارك تم لك فيه السعود :)
حب جارك قبل ما تحب الوجود
إيه نصارى ومسلمين قال إيه ويهود
دي العبارة نسل واحد م الجدود
ليه يا مصري كل أحوالك عجب
تشكي فقرك وانت ماشي فوق دهب
مصر جنه طول ما فيها انت يا نيل
عمر إبنك لم يعيش أبدا ذليل
يوم مبارك تم لك فيه السعود :)
حب جارك قبل ما تحب الوجود
إيه نصارى ومسلمين قال إيه ويهود
دي العبارة نسل واحد م الجدود
الروابط
سيد درويش (http://www.sama3y.net/forum/showpost.php?p=332047&postcount=2)
Islam Eidrisha
17/02/2011, 11h01
124
سالمة يا سلامة
كلمات : بديع خيري
الشيخ سيد درويش
يا سالمة يا سلامة
روحنا وجينا بالسلامة
صفر يا وابور واربط عندك
نزلني في البلد دي
بلا أميركا بلا أوروبا
ما في شئ أحسن من بلدي
دي المركب اللي بتجيب
أحسن من اللي بتودي
يا اسطى بشندي
يا سـالمة يا سلامة
سلطة ما سلطة أهو كله مكسب
حوشنا اهو ملو إيدينا
شوفنا الحرب وشوفنا الضرب
وشوفنا الديناميت بعنينا
ربك واحد عمرك واحد
آدي احنا اهو روحنا وجينا
إيه خس علينا
يا سالمة يا سلامة
صلاة النبي ع الشخص منا
فرصة مية بلا قافية
اللي ف جيبه يتفنجر به
البركة في العين والعافية
هناخد ايه م العيشة غير الستر
يا شيخ خليها ماشية
دنيا فانية
يا سالمة يا سلامة
آه يا شيخ سيد يا دروييييش
الغربة أهي ياما بتوري
بتخلي الصنايعي بيرطن
مطرح ما يروح المصري
برضه طول عمره ذو تفنن
وحياة ربنا المعبود
وي آر فري جود
We ِAre Very Good
يا اسطى محمود
قدها وقدود
يا سالمة يا سلامة
الروابط
سيد درويش (http://www.sama3y.net/forum/showpost.php?p=332047&postcount=2)
Islam Eidrisha
17/02/2011, 12h18
125
يا مرحبا بك
الست حياة صبري
كلمات : بديع خيري
لحن : الشيخ سيد درويش
من أوبريت العشرة الطيبة
يا مرحبا بك يا مرحبا بك
آدى اللي نابنا وآدى اللي نابك
ما ضاجت إلا وفرجها سيدك
يا رب نجينا من المهالك
إيش جار علينا ياما خدعنا
لولا حزنبل لكنا ضعنا
إيدنا في إيدك طبل وزمر
لازم نكيدك يا حمص اخضر
دي العبودية راحت زمانها
وآدي الحريه هيئون أوانها
الروابط
سيد درويش وحياة صبري (http://www.sama3y.net/forum/showpost.php?p=507458&postcount=6)
Islam Eidrisha
17/02/2011, 13h04
126
مصرنا وطنا
كلمات ولحن الشيخ سيد درويش
اسطوانات ميشيان
نشيد وطني
مصرنا وطنا سعدها أملنا
كلنا جميعا للوطن ضحية
أجمعت قلوبنا هلالنا وصليبنا
أن تعيش مصر عيشة هنية
عزك حياتنا ذلك مماتنا
يا مصر بعدك مالناش سعادة
لولا اعتقادنا بوجود إلهنا
كنا عبدنا النيل عبادة
تعيش مصر حرة
حبك كفاية مالوش نهاية
كله مزايا من فضل ربي
مهما قاسينا مكتوب علينا
موت المجاهد من غير ذنب
روحنا فداكي مالناش سواكي
ربك معاكي في كل ساعة
وباتحادنا نبلغ مرادنا
ويد الله مع الجماعة
إحنا غايتنا نرفع رايتنا
أحرار خلقنا نأبى المذلة
يا عيشنا سعدا يا موتنا شهدا
يا نحيا أمة مستقلة
تعيش مصر حرة
تعيش مصر حرة
الروابط
سيد درويش (http://www.sama3y.net/forum/showthread.php?t=50342)
أستاذ إسلام دائما تبهرني ملفاتك جزاك الله خيرا. لقد اعطيتني نظرة جديدة للغناء العربي القديم واكتشفت انه غناء راقي بمعنى الكلمة وسباق إلى الإبداع. جزاك الله خيرا
Islam Eidrisha
27/02/2011, 12h31
نعم يا أخت سمر فهذا هو الفن الراقي الذي يكشف الحجب
طقاطيق وأناشيد كتبت ولحنت وتم غناؤها مما يقرب من مائة عام
ولكن لو أمعنا النظر فيها سنجدها تصف لنا حال الثورة المصرية المباركة الآن
Islam Eidrisha
27/02/2011, 13h05
127
إسحب كلمتك قوام بسرعة
الست نعيمة المصرية
اسطوانات هوموكورد
الست نعيمة المصرية
إسحب كلمتك قوام بسرعة
والا أفوتك وتني طالعة
اسحب كلمتك
كل ما اكلمك تطلع فيها
وإيه بقى أخرتها معاك
شوف لك طريقة وانهيها
والا أفوتك وتني طالعة
اسحب كلمتك
يا عيني يا ست نعيمة
هو انت عقلك لسة صغير؟
أقول لك إيه على هواك
من كلمة واحدة بتتغير
والنبي أفوتك وتني طالعة
اسحب كلمتك
هالله هالله يا ست نعيمة
ياعيني يا ست نعيمة
بتتقل ليه يا حبيبي عليا
أنا احبك ليه بس جفاك
ارحم بقلبك يا عنيا
والا أفوتك وتني طالعة
اسحب كلمتك
أنا عاوزة تجيني نفرح ليلة
أهيص أنا واقعد وياك
نشرب مدام سوا يا حليلة
وليه أفوتك يا سيدي يالله
اسحب كلمتك
الروابط
نعيمة المصرية (http://www.sama3y.net/forum/showpost.php?p=509629&postcount=65)
شوقي عبدالرحمن
06/03/2011, 20h13
اشكركم علي هدياكم الثمينة:emrose:
Islam Eidrisha
10/03/2011, 11h54
شكري الجزيل لك يا أخ شوقي
وأهلا ومرحبا بك في دوحة الفن الأصيل والطرب الراقي
Islam Eidrisha
10/03/2011, 12h22
128
برهوم يا برهوم
الست ودودة المنيلاوية
برهوم يا برهوم
يا ابو زيد هلال
تحت التاج التوب صغير
تركب عالي ليه أي والله
برهوم في الحارة
بيشرب سيجارة
دخلك يا سارة يا روحي
ساعة اسمحي لي يا حبيبتي
والله ما اسمح لك
لما تشور أهلك
في أول جهلك صغير
ترجع ترميني أي والله خايف ترميني
والله ما ارميكي
أنا شوقي فيكي
بوسة من القنون صغير
تحيي العليل أي والله
برهوم متهني
كفه متحني
حبه مجنني أي والله
برهوم حبيبي
خطف منديلي
منديلي ده حرير صغير
بده يلاغيني يا عيوني
برهوم في العالي
والعالي الله
لا ادبح جوز حمام صغير
واعزم خلق الله
تحت زراير التوب
ياريت تتمتع
ترائيني فين يا حبيبي
بالعين تتطلع أي والله خفة وتتطلع
برهوم في البستان
يقطف الرمان
والقليب فرحان صغير
يحيي العليل
برهوم في السطوح
والشاعر بينوح
والقليب مجروح صغير
جرح سكينة أي والله
برهوم في الحسين
في إيده وردتين
بوسة من الخدين صغير
تحيي العليل
الروابط
ودودة المنيلاوية (http://www.sama3y.net/forum/showpost.php?p=422384&postcount=10)
Islam Eidrisha
13/03/2011, 21h45
129
الأولة بانايوتي
الشيخ زكريا أحمد
الأولة بانايوتي سف المال
والتانية آه من مزمازيل باسكال
والتالتة أتاري القمار له حال
ورجعت تاني أقول
الأوله بانايوتي سف المال وجاب به قزاز
والتانية آه من مزمازيل باسكال عيونها لذاذ
والتالتة أتاري القمار له حال يذل عزاز
ورجعت تاني أقول
الأوله بانايوتي سف المال وجاب به قزاز ملاه سبرتو
والتانية آه من مزمازيل باسكال عيونها لذاذ واخوك مورتو
والتالتة أتاري القمار له حال يذل عزاز ياما سايرته
ورجعت تاني أقول
الأوله بانايوتي سف المال وجابه قزاز ملاه سبرتو وسماه روم
والتانية آه من مزمازيل باسكال عيونها لذاذ واخوك مورتو قوام بيعوم
والتالتة أتاري القمار له حال يذل عزاز ياما سايرته وبعت هدوم
الأوله بانايوتي سف المال وجابه قزاز ملاه سبرتو وسماه روم وصدقناه
والتانية آه من مزمازيل باسكال عيونها لذاذ واخوك مورتو قوام بيعوم على البيلي باه
والتالتة أتاري القمار له حال يذل عزاز ياما سايرته وبعت هدوم لاحول الله
بعد الكاتينة الدهب والدبوس الألماظ
صبحت سارح على كتافي بصفيحة جاز
الروابط
Islam Eidrisha
14/03/2011, 11h49
130
ح اتجن ياريت يا اخوانا
الشيخ زكريا أحمد
ح اتجن ياريت يا اخوانا ما روحتش لندن ولا باريز
دي بلاد تمدين ولطافة وذوق ونضافة وحاجة تغيظ
ما لقيتشي جدع متعافي وحافي وماشي يقشر خص
ولا شحط مشمرخ افندي معاه عود خلفة ونازل مص
ولا حد معاه لب اسمر وسوداني وهات يتقزقز
ولا عركة ف نص الليل دايرة والحلوة ساحبها بوليس
قدامها جدع متجرجر وشه معور قال ده عريس
والخلق ماهي بتتجوز واشمعنى احنا ما فيش تمييز
ولا واحد بيبيع حاجة يقول بريال وتاخدها بصاغ
يا اخوانا دي حتى الإبرة ناخدها بدوشة وقلب دماغ
والداهية ان احنا قلاشوة ونكتة وفالحين في التأويز
ولا واحدة في وش الفجر تبرطع مالية الدنيا صوات
قال إيه جوز خالة ام احمد سلفة اخوها السيد مات(ههههههه):mdr:
سبحانك ما اعظم شانك والله الموت ده مفيد ولذيذ
الروابط
Islam Eidrisha
14/03/2011, 11h56
131
بنت البلد
الشيخ زكريا أحمد
بنت البلد ياولد على كتاكيتها
بنت البلد ياولد على بطتها
على كتاكيتها وعلى بطتها
بنت البلد يا ولدي يا ولدي ما احلى قيافتها
هوليود على بدعها تحلف بعصبتها
ولا بنات لوندن رخرين يتلفوا لفتها
والفنانين في باريس تحسد ملايتها
لو تطولها أو تقصرها
أو تخنصرها أو تحبكها
تفتن الدنيا حسن منظرها
بنت البلد يا ولد لد
يا ولة يا ولة يا ولة على بنت البلد
الروابط
Islam Eidrisha
14/03/2011, 12h16
132
يا دين النبي يا محمد
الست بهية المحلاوية
اسطوانات أوديون
هالله هالله يا ست بهية يا محلاوية
يا عيني يا سي توفيق
يا دين النبي يا محمد
عذبتني يا حسين
ومحمد جاني بدري
بين الصباح والفجري
آه يا ربي صبر قلبي
على غيابك بالليل
ومحمد ع الصفصافة
يشرب مدام بلطافة
آه يا قلة الأنصافا
على طلوعك بالليل
يا دين النبي يا سي محمد
وبلاش خصام يا حسين
ومحمد بيديني
وحسين بيجيني
مكتوب على جبيني
سهر الليالي يا عين
هالله هالله يا شغل الجد يا سي توفيق
يا روحي مافيش كده أبدا
يا ست بهية يا محلاوية يا عمري
الروابط
بهية المحلاوية (http://www.sama3y.net/forum/showpost.php?p=382717&postcount=10)
Islam Eidrisha
14/03/2011, 12h47
133
يا ما احلى الفسحة ف راس البر
الست أمينة العراقية
يا ما احلى الفسحة يا عيني
يا عيني ف راس البر
والقمر بينور يا عيني
يا سيدي على موج البحر
ألحاظه تجرح في كل مطرح
أمشي وأشرح واشوف البدر
يا قلبي فضك م اللي غدر بك
قضيت عمرك كده في الصد
جاني يتعاجب عز الحبايب
والشوق غالب ولا فيش صبر
يا رب يسمح والقلب يفرح
ليلة ما يسمح ليلة القدر
قلبي تولع في جميل مدلع
حليوة مشخلع شبيه البدر
جاني يتعاجب عز الحبايب
والشوق غالب ولا فيش صبر
الروابط
أمينة العراقية (http://www.sama3y.net/forum/showpost.php?p=364029&postcount=14)
Islam Eidrisha
14/03/2011, 13h21
134
من حبك أولى بقربك *
الست أمينة العراقية
من حبك أولى بقربك
أنظر لي وارحم بقلبك
ولساني بيكرر اسمك
وعيوني ما فيهاش غير شكلك
انت هاجرني ولا هزار؟!
إرحم فؤادي ألا انا غيار
وقلبي ما يحملشي دلال
ده حبيبي ما يهونشي عليا
العزول فينا ياما قال
واحنا برضو على دي الحال
وقلبي ما يحملشي دلال
ده حبيبي ما يهونشي عليا
* هذا الطقطوقة يدرجها البعض في قالب الدور
ولكن طريقة الأداء هنا أقرب بشكل صارخ للطقطوقة وبعيدة تماما عن الدور
الروابط
أمينة العراقية (http://www.sama3y.net/forum/showpost.php?p=32950&postcount=3)
Islam Eidrisha
16/03/2011, 13h12
135
رهنت قلبي على حبك
السلطانة منيرة المهدية
رهنت قلبي على حبك
من غير فائدة
وطال عذابي من صدك
يكفى معاندة
إن كنت راضى بتعذيبي
إعدل هجرك
وأطفي ناري ولهيبي
وانسى حبك
واعلن جهادي على ودادي
واصون فؤادي
يكفى معاندة
كتير عليا إن روحي
وانت ناسيني
وكل يوم تسمع نوحي
ويا أنيني
وتشوف دموعي تثبت ولوعي
يحلى خضوعي
يكفى معاندة
حكمت روحي وذليتها
لاجل غرامي
غلطة وعارف أخرتها
كتر آلامي
قلبي سلاك خلي هواك
محفوظ معاك
يكفى معاندة
الروابط
Islam Eidrisha
17/03/2011, 13h34
136
على دول يامه
عبد اللطيف أفندي البنا
بيضافون كومباني
عبد اللطيف افندي البنا
كروان مصر
على دول يامه يامه على دول
ده حيلة وأسمر ياما يلوم يا خي
أنا وحبيبي في الشام وغزة
غير حبيبي ماهو لذة
في نص الليل أغمز له غمزة
أبيبهاين بيبداين *
يشد بشيلة كردي * الليلة
احبابي دول
أنا وحبيبي في الأوتيل
لينا عواطف ولنا ميل
مسكين عزولي اه شاف الويل
أبيبهاين بيبداين
يشد بشيلة كردي الليلة
احبابي دول
نخل بلدنا بلح وأمهات
مشي المدامة بالكاسات
محبوبي عندي الليلة بات
واسمعك الحركات
وحاجات والمحتاجات
احبابي دول
أنا وحبيبي جوة الجنينة
والورد ده ضلل علينا
روح يا عزولي من حوالينا
أبيبهاين بيبداين
يشد بشيلة كردي الليلة
احبابي دول
نخل بلدنا بلح وأمهات
مشي المدامة بالكاسات
خليك عندي الليلة بات
واسمعك الحركات
وحاجات ومحتاجات
احبابي دول
لفينا الشام كله
والشجر واللي في ضله
ما احلى هناك ورده وفله
وصاحبتك صاحبة حركات
وحاجات ومحتاجات
احبابي دول
يا روحي يا روحي
* أبيبهاين بيبداين يشد بشيلة كردي الليلة : (أعتقد أنها لغة كردية أو فارسية) من يعرف معناها فليترجمها وله جزيل الشكر
الروابط
Islam Eidrisha
20/03/2011, 08h09
137
اللي ما يعشق يتعلم
الأنسة سهام
الأنسة سهام
اللي ما يعشق يتعلم
قبل ما يرجع يتندم
اسأل مجرب
الحب عايز له قلب فايق
وفكر فاضي وبال رايق
ده اللي يشوف حيرة العاشق
في بعد حبه بيتألم
اسأل مجرب
اسمح لي أقول لك بصراحة
ده الحب أحواله فضاحة
يلزم له تدبير وفصاحة
لبكرة ترجع تتندم
اسأل مجرب
الحب ده صعب يا مستهتر
مهما تلوم تاني متقدر
مالوش كبير ولا صغير
اللي بيصبر يتقدم
اسأل مجرب
ياللي حبيبتك بتحبك
مين بس متهني زيك
مبسوط ومرتاح ولا قدك
مالكش حق تتكلم
اسأل مجرب
الروابط
الأنسة سهام (http://www.sama3y.net/forum/showpost.php?p=513440&postcount=31)
Islam Eidrisha
20/03/2011, 08h29
138
في شرع مين يفرق بريق الدهب
الأنسة سهام
كلمات : بديع خيري
لحن : الشيخ زكريا أحمد
في شرع مين يفرق بريق الدهب
ما بين قلوب المغرمين والأحبة
لما الفؤاد طايع لوحده اتوهب
للي اشتراه جاني وبادله المحبة
كان إمتى ينشري بالفلوس
ود العواطف والنفوس
عند الأصيل
يفنى الدهب ويزول غناه
أما الهوى الصادق فناه
شئ يستحيل
الروابط
الأنسة سهام (http://www.sama3y.net/forum/showpost.php?p=513304&postcount=27)
Islam Eidrisha
20/03/2011, 11h04
139
ياما قلت إمتى ح تتهني
الأنسة سهام الجميلة
كلمات : بديع خيري
لحن : الشيخ زكريا أحمد
ياما قلت إمتى ح تتهني
يا مهجتي يوم وتطيبي
آدي أعز ما تتمني
نولتيه واسعدني نصيبي
مين في الوجود أسعد مني
في قعدتي جنب حبيبي
الروض بيضحك حوالينا
وغصونه فوقنا بتتمايل
والورد بيداري علينا
من كلمة يفتنها القايل
ياما هو حلم لذيذ والعين
في اليقظة شايفاه مش في منام
إنت يا ربي مع الحبيبين
إللي اشتكوا ظلم اللوام
الروابط
الأنسة سهام (http://www.sama3y.net/forum/showpost.php?p=513306&postcount=28)
Islam Eidrisha
20/03/2011, 11h59
140
جوة الجنينة أنا وحدي
الأنسة سهام الجميلة
الأنسة سهام
جوة الجنينة أنا وحدي
أشكي نار وجدي
الحب ليه يخلف وعدي
أه يا وعدي
اطرب يا عصفور وغني
أنا اللي أفهم لغاك
والله راضيه الشكوى مني
وبعدها اشرح هواك
ليه بتبكي على إيه بتشكي؟
في قفص فضة حبستك
عن وليفك ما منعتك
أنا اللي أبكي صحيح
لأن قلبي جريح
ومنيتي صد عني
وانت حبيبك معاك
الجمال في الدنيا فتنة
بس يخلى م العيوب
واللي خاد ع الحب مرة
عمره ما يقدر يتوب
ده جمال البدر وحده
مش كفاية في الجمال
رقة المحبوب وطبعه
أحلى من أجمل لسان
خفة الروح واللطافة
صورة الحسن العجيب
أوعى تغويك المحاسن
والظواهر من قريب
حسن وجه اللي تحبه
بالزمان لازم يزول
أما أخلاقه الشريفة
يستحيل عنها يحول
الروابط
الأنسة سهام (http://www.sama3y.net/forum/showpost.php?p=456893&postcount=24)
Islam Eidrisha
26/03/2011, 12h40
141
من حقه يشقع ويخدر
حامد مرسي
من حقه يشقع ويخدر
وان لومته يقول لي ده مقدر
بعزق على الويسكي فلوسه أول باول
ورهنت صيغتي في ملبوسه ولا يتحول
راضية بذله قال وده كله
وكمان في الفارغة بيتصدر
وان لومته يقول لي ده مقدر
يا عيني يا سي حامد
إخيه مدلدل لي ودانه سكرة ياني
ما بيختشيش جنب جيرانه لما يهيني
سكران طينة وانا مسكينة
على روحه يفيد طبعك كدر
وان لومته يقول لي ده مقدر
ده انا شابة وف عز صبايا ميل بختي
يا ما هيأت له الكوباية قطعت يا اختي
خيبتي عليا ميلتي قوية
والنبي خايفة ل عقلي يوتر
وان لومته يقول لي ده مقدر
ده البخت صار يعمل كله والحال طول
وغلبت أقول له واعيد له ولا يتحول
يوم والتاني لما كواني
والدالعدي عمال يتبطر
وان لومته يقول لي ده مقدر
الروابط
حامد مرسي (http://www.sama3y.net/forum/showpost.php?p=281880&postcount=24)
Islam Eidrisha
26/03/2011, 13h00
142
يمامة حلوة
السلطانة منيرة المهدية
يمامة حلوة ومنين اجيبها
طارت يا نينة عند صاحبها
خدها البلبل وطار وياها
قصده يا نينة يعرف لغاها
تسهر وتجيني يإيدها تصحيني
تحلف بالدين ما باتت برة
شعرها يهفهف وعليا ترفرف
وانا بدي أعرف مطرح ما هيا
جم يخطبوها مني وياخدوها
ويسجلوها في الحقانية
البلبل خدها وطار وياها
بده يا نينة يعرف لغاها
هالله هالله يا سي سامي
الروابط
منيرة المهدية (http://www.sama3y.net/forum/showpost.php?p=257938&postcount=122)
Islam Eidrisha
27/03/2011, 07h50
143
أبوها راضي وانا راضي
سبيكة الطرب صالح أفندي عبد الحي
كلمات : يحيى محمد
لحن : الشيخ زكريا أحمد
صالح افندي عبد الحي
أبوها راضي وانا راضي
ومالك انت بقى ومالنا يا قاضي
البنت سن تلاتاشر
والوش قمر اربعتاشر
والجسم ماشاء الله راخر
ما يفوتشي من بيت القاضي
يا ست ابوكي برموكي
وفي الشوارع هبلوكي
وبالمناظر بهلوكي
والوالي عارف والقاضي
البنت بتشوف الزفة
تفرح وهي في اللفة
وتقول عريس اختي خفة
وتشيب على مجي القاضي
اكتب كتابها وطاوعني
واوعى يا قاضي تلاوعني
ولا انت عايز بقى يعني
دايما نشاكي ونقاضي
الله الله يا سامي افندي يا شوا
آه يا صاحب العمارة
عقبالنا زيك يا سامي افندي
الروابط
صالح عبد الحي (http://www.sama3y.net/forum/showpost.php?p=457095&postcount=142)
Islam Eidrisha
27/03/2011, 08h19
144
أنا حاسة
الست رتيبة أحمد
بيضافون كومباني
الست رتيبة أحمد
أنا حاسة وانا لسة
معرفشي الكخة من الدحة
بإني طالعة بنت بارعة ومآيسة
ألبس لك ألا موضة واللغوة افرنجية
واتغندر في الأوضة بعشرة لونجية
خمسة يلبسوني خمسة يسندوني
وان ضحكت يسموا لي
باسم الله والحارس الله م الفايقة
محسوبتك كده شاطرة وخفة مصرية
ووجودي ده نادرة لكن بإقتصادية
الضحكة ساكسونيا الخفة من الثانية
شمسها نور ع الدنيا
دلوعة أموعة ومكايدة
شملولة ورقيقة وزيي ما تلاقي
وتشوفني في دقيقة تتغير أخلاقي
على تقلي يحبوني دلوعة يسموني
وان غضبت يصالحوني
باسم الله والحارس الله بمسايسة
عشاقي يحبوني ويدوبوا في جمالي
والكل يعزوني إسألهم على حالي
ما صادفشي مثالي ما وردشي آه جمالي
وان غدرت يا دلالي
أمورة غندورة ومجالسة
الروابط
رتيبة أحمد (http://www.sama3y.net/forum/showpost.php?p=384544&postcount=33)
Islam Eidrisha
27/03/2011, 08h39
145
اللي ما يشتري يتفرج
الست رتيبة أحمد
اسطوانات أوديون
الست رتيبة أحمد
اللي ما يشتري يتفرج
الله الله يا سي عبد الحميد
يا عيني يا عيني يا سي سامي أفندي يا شوا
اللي ما يشتري يتفرج
مافيش عزول بينا يحرج
عادي يا رتيبة
شوفوا الجمال اللي يجنن
من بعدي قول الله يحنن
الروح خفيفة حلوة ووليفة
عيون نرجس وشعور تهوس
أوي أوي والنبي تهوس
قوام فتان ونهود رمان
يا ولد
والخصر نحيل نحيل الرمش تقيل
البطن قول مرمر وحرير
والسرة فصاية يا أمير
أما السيقان عمدان من نور
والجسم أنعم م البنور
الله الله يا توتو
يا رتيبة يا بنت انتي يا حلوة
كمان يا رتيبة
ورد الخدود زاهي وزاهر
والخال كمان فوقها ساحر
أنا قوامي يكيد عازل
ما شوفته أبدا على غيري
موزون أوي ميل حامل
تقله غرام كتر خيري
اللي يريد وصل يتقل
جيبه ومش ضامن يوصل
أنا بكيفي طول عمري
وامشي ع العشاق أمري
إلا حبيب قلبي يا ناس
ده حكمه على عيني و ع الراس
الله الله يا رتيبة انتي
ههههه
الروابط
رتيبة أحمد (http://www.sama3y.net/forum/showpost.php?p=119926&postcount=22)
Islam Eidrisha
30/03/2011, 12h16
146
على بلدي
السلطانة منيرة المهدية
هالله هالله يا ست منيرة
على بلدي بلد امي يا واد
على بلدي بلد حبي
أنا تضربني وانا إيه ذنبي
آه يا واخد روحي وعقلي
يا سلام الله
ما حط إيده على بطني
ما قلت له شيل إيدك حط ايدك
عين إيدك يا واد أنا بلدي
على بلدي بلد حبي
أنا تضربني وانا إيه ذنبي
آه يا واخد روحي وعقلي
وحط إيده على جنبي
ما قلت له شيل إيدك حط إيدك
عين إيدك يا واد أنا بلدي
الروابط
Islam Eidrisha
30/03/2011, 12h31
147
جانا الفرح جانا
السلطانة منيرة المهدية
جانا الفرح جانا
على كيد عدانا
أهلا يا اللي شاركتوني
وبمالكم ساعدتوني
إنتم إللي نفعتوني
دي الدنيا ماهيش سايعانا
زغرطوا يا اللي شاركتوني
وف وقت الفرح جيتوني
إنتم إللي نجدتوني
زغرطوا ربنا ويانا
جانا الفرح جانا
طقوا يا عدانا
يالله
زرغطوا ياللي فرحتوا لي
وف وقت الفرح جيتوني
إنتم إللي نجدتوني
زرغطوا ربنا ويانا
الروابط
Islam Eidrisha
30/03/2011, 12h54
148
قولوا لي قولوا لي
السلطانة منيرة المهدية
قولوا لي قولوا لي
ع البيضا ام لولي
والله ما أقوللك
ولا اجيلك لعندك
لما اشوف مين قال لك
على عرضي وطولي
الله
والنبي ما أقول لك
ولا اجيلك لعندك
لما اشوف مين قال لك
على سواد عيوني
الله
قولوا لي قولوا لي
ع الحلوة ام لولي
والنبي ما أقول لك
ولا اجيلك لعندك
لما اشوف مين قال لك
على حمار خدودي
الروابط
Islam Eidrisha
30/03/2011, 13h34
149
زي القمر
حامد مرسي
عقيلة راتب
حامد : اللي يا روحي في هواه
زي القمر في علاه
عقيلة : ده انا اجيك وقلبي
رهين الخوف
لكن أشاهدك أتهنى
أنزل إليك بفؤاد ملهوف
أدعي لربنا واتمنى
يستر غرامنا ما حد يشوف
ويبعد الأنظار عنا
الروابط
Islam Eidrisha
30/03/2011, 14h11
150
من حب في دنيته
حامد مرسي
عقيلة راتب
عقيلة : من حب في دنيته
يحلى له صفو الحياة
والعمر إيه بهجته
إلا ليالي هواه
إرجع لي يا صوت وناديه
واشرح لي إيه جدد نوحك
فرجني شكلك واوريني
حسنك وخفية روحك
حامد : كنت تبيت يا فؤادي تقول
بان لك حبيب في علم الغيب
وسمعت صوت منه مجهول
رديت نداه ولقيته وجيت
مشتاق لحب تعيش في هناه
يا لهفة اللي ما طالش مناه
أرتاح أنا ازاي من نوحي
وانام وانا طير في شباكك
ماشي ولا دريتشي بروحي
لما وصلت لشباكك
باني يا نور العين
انتي قولي لي فين
الروابط
Islam Eidrisha
30/03/2011, 14h39
151
شعبطني ولخبطني
أمال قرقر
حليوة يا بوي اللي جابلني
وجال لي بحبك وشغلني
جاد فيا النار وشعللني
من يومها بموت فيه وجتلني
شعبطني وخلبطتني
وخدعني وغلطني
وغيابه هيعبطني
حليوة يا بوي
عيونه زي عيون بجرة
ورجبته كي فرع الشجرة
إن زعج يرمحه جدامه
وان خانج يجتل بالعشرة
وعليه خلجات مافيهاش جطعات
ولهف عجلي وفداه روحي
النار في الجسم ولهلوبة
من شعر الراس للعرجوبة
وحبابي عينيا حتتخزج
واسودت زي الخروبة
من زعلي حطج وف خلجي بشج
والدنيا الواسعة ف عيني حج
الروابط
أمال قرقر (http://sama3y.net/forum/showpost.php?p=456633&postcount=9)
Islam Eidrisha
30/03/2011, 14h53
152
يا بتاع النعناع يا منعنع
فريدة الإسكندرانية
يا بتاع النعناع يا منعنع
لبسني عودي واديلك
نومة على نهودي واديلك
مالي واموالي واوهب لك
حوض من النعناع يا منعنع
لبسني مصري واديلك
نوم على قصري واديلك
مالي واموالي واوهب لك
حوض من النعناع يا منعنع
لبسني قطني واديلك
نوم على بطني واديلك
مالي واموالي واوهب لك
حوض من النعناع يا منعنع
هالله هالله يا روحي
الروابط
فريدة الإسكندرانية (http://www.sama3y.net/forum/showpost.php?p=9762&postcount=1)
Islam Eidrisha
31/03/2011, 14h34
153
حلوة العروسة
ثريا قدورة
عدلة جديدة يا اختي عليها
حلوة العروسة اسم الله عليها
قايمة من النوم آه يا جمالها
جابني لعيونها كتر دلالها
يا خفتها في مشيتها
يا حلاوتها في حركتها
حلوة العروسة اسم الله عليها
طالعة بتتشخلع في الفجرية
ماشية تتدلع شوية شوية
يا اختي عليها
يا كتاكيتها يا قطاقيطها
يا ننوسها يا خفافتها
حلوة العروسة اسم الله عليها
خصر نحيل وعيون كحيلة
جسم نحيل والإسم جميلة
والورد لونه من وجنتيها
والشهد أصله من شفتيها
حلوة العروسة اسم الله عليها
البلابل بينشدوا لها
والعوالي بيركعوا لها
والسحر أصله من عيونها
والرمش شاغل فوق جفونها
حلوة العروسة اسم الله عليها
عريسها خفة يا هناها
فرحتها تمت ونالت مناها
والقرايب هلهلوا لها
والغرايب زغرطوا لها
حلوة العروسة اسم الله عليها
الروابط
ثريا قدورة (http://www.sama3y.net/forum/showpost.php?p=117579&postcount=1)
Islam Eidrisha
31/03/2011, 14h44
154
وانا بجني الفل جرح إيدي
الحاجة زينب المنصورية
وانا بجني الفل جرح إيدي
ورضيت بالذل كده يا سيدي
على حرف الترعة تغني لي
تعالي لي يا بطة تعالي لي
وهاتي لي غدايا ف منديلي
ده رضاكي عليا يوم عيدي
وانا بجني الفل كده يا سيدي
شبه القمرة وتلالي
شبكتني عيونك يا غزالي
إمتى الزمان ده ح يصفى لي
يا اسمر يا سمرمر يا وحيدي
وانا بجني الفل كده يا سيدي
دوبت ف حبك مراسيلي
ولا حدش قادرك يحامي لي
ولا عارفة نهارى من ليلي
ولا بعرف رجلي من إيدي
وانا بجني الفل كده يا سيدي
أنا مش ممكن رح اسامحك
لازم تقاوحني وانا أقاوحك
ونشوف البحر لمين يضحك
أنا زهر الفل من عبيري
خنست بالكل كده يا سيدي
الروابط
زينب المنصورية (http://www.sama3y.net/forum/showpost.php?p=2896&postcount=1)
Islam Eidrisha
03/04/2011, 13h46
155
لبن حليب
حسن مبروك
الحاجة زينب المنصورية
اسطوانات بوليفون
حسن مبروك والحاجة زينب المنصورية
المنصورية : لبن حليب يهدى للحبيب
يروي القليب صباحه أبيض
مبروك : يا بنت يا بتاعة اللبن
وريني لبنك
المنصورية : لبني حلو وزي القشطة
الله عليه لو دوقته
مبروك : لو تسمحي تدي لي شفطه
أدوقه يا حلوة يا بطة
المنصورية : يا سلام على لبني شهدية
عاملاه بإيدي في البدرية
مبروك : رطلك بكام يا صبية
ياللي ما بين وصلك ليا
المنصورية : يا افندي عيب ده انا فلاحة
خلي كلامك بصراحة
مبروك : أنا اخليكي واحدة غنية
وبلاش يا روحي المنادية
المنصورية : يا راجل اعدل حرام عليك
فضك بقى ربنا يهديك
أنا شريفة حرة ونضيفة
ونفسي عفيفة وحياة عنيك
مبروك : أنا اعيشك عيشة ذواتي
وأاقول عليكي انتي مراتي
المنصورية : شوف لك واحدة من أمثالك
تبيع شرفها عشان مالك
أكون فقيرة ما يهمنيش
وبالشرف أعرف أعيش
مبروك : أنا لما شوفتك قوام عشقتك
ما اقدر أفارقك ما بيديش
المنصورية : على غيري دول وروح اعملهم
واللي ف بالك أنا مش منهم
مبروك : إن كنتي ترضي تتجوزيني
ونعيش سوا يا نور عيني
أكون ممنون يا نور العيون
أوعي يا روحي تفوتيني
المنصورية : ترجع تاني تقول كاني ماني
مبروك : ده انتي حبك صحيح كواني
المنصورية : وانت كمان حبك رماني
مبروك : قلوبنا جامعها سيدي وسيدك
وبالحلال نعيش في جنة
يالله بنا إيدي ف إيدك
دايما سوا نخدم بلادنا
المنصورية : عفة وأدبنا حرية
مطلوبة في كل الأديان
مبروك والمنصورية : إذا كان شرف بنت صبية
يفوق على خدمة الاوطان
الروابط
زينب المنصورية (http://www.sama3y.net/forum/showpost.php?p=381642&postcount=14)
Islam Eidrisha
04/04/2011, 11h59
156
شباك الحبايب
الست بديعة صادق
شباك الحبايب أهو نور وانفتح
والحلو اللي غايب ح نشوفوا لو سمح
والقلب اللي دايب اطمن وانشرح
شرف وعاد من غير معاد
يا قلبي عاد كيد العدا
والضرفتين ع الناحيتين
بالمشبكين أيوة كده
فاتت شهور ع البيت ندور
نسأل زهور نسأل شجر
ونقول يا باب رد الجواب
إمتى اللي غاب جاي م السفر
يا ضرفتين فين الإيدين
فين العينين ده احنا هنا
يا غصن بان إظهر وبان
أيام زمان ترجع لنا
الروابط
Islam Eidrisha
04/04/2011, 12h08
157
بعد كل ده
الست بديعة صادق
بعد كل ده ألتقيك كده
مين يقول كده؟
إنت في الأصل اللي جيتني
بالغرام عشمتني
واما حبيت والتقيتني
صاينة عهدك فوتني
الفؤاد بكيته والغرام مليته
بعد يوم وجفيته
والتقيك كده بعد كل ده
مين يقول كده؟
انت فاكر شوق حبيبك
راح يضيع من غير دوا
بكرة سهمك راح يصيبك
لما يرميك الهوى
واللي شوفته معاك من قساك
وهواك راح يكون له نهاية
والتقيك كده بعد كل ده
مين يقول كده؟
الروابط
Islam Eidrisha
04/04/2011, 12h39
158
شايف نفسك مين؟
الست بديعة صادق
شايف نفسك مين؟
سايق ع الكل دلالك
هو انت أجمل من مين
ده كتير في الدنيا مثالك
شايف نفسك مين؟
يا ما فيه دلال خفة وكمال
وع القلب أحلى من العسل
والحلو مش حلو الجمال
ده الحلو بالذوق اكتمل
بدلالك راضين
بجمالك هايمين
مش تعطف وتلين؟
شايف نفسك مين؟
ياريت تفكر في يوم وتقدر
وتخف حبة من الدلال
أنا كنت احبك وكنت اودك
يا خسارة ما كملش الجمال
شاريين مش بايعين
على هجرك صابرين
مش تعطف وتلين؟
شايف نفسك مين؟
الروابط
Islam Eidrisha
04/04/2011, 14h45
159
يا ما احلى جمالك يا عروسة
الست بديعة صادق
يا ما احلى جمالك يا عروسة
يا حلوة من العين محروسة
يا وردة في البستان يا حورية م الجنة
قوام ربيعك بان ل اللي هيتهنى
لكي وله غنيت يا ميت هنا وسرور
تملي عليه البيت يا حلوة نور على نور
في عين الحسود خمسة وخميسة
يا حلوة من العين محروسة
هلال سعادتك بان يا بدر ومنور
طالعة في غصن البان سبحان من صور
يا بهجة الأفراح الله يا ليل الله
ياما ليالي ملاح ما سكت لك وياه
في عين الحسود خمسة وخميسة
يا حلوة من العين محروسة
يدوم صفا الأوقات عقبال بكاريكم
عيشوا ف تبات ونبات واحنا حواليكم
في فرحكم على طول نتمتعوا به ان شا الله
وتكيدوا كل عزول ونزغرطوا لهم يا الله
في عين الحسود خمسة وخميسة
يا حلوة من العين محروسة
الروابط
Islam Eidrisha
05/04/2011, 14h02
160
أهلا يا عيدنا
الست بديعة صادق
أهلا يا عيدنا يا اللي مواعدنا
دايما تجينا زي النهاردة
هليت علينا بنور وزينة
والفرحة فاضت على المدينة
فاتت سنة مستنيين
بنعد لك وبنحسب لك
وقلوبنا كلها شوق وحنين
بتقول يا عيد إمتى نقابلك
وتنور بلادنا أهلا يا عيدنا
أيامك حلوة وبتجينا
وتمر كمان زي الأحلام
عقبال ما تعود تاني علينا
والعالم كله في خير وسلام
وتفرح بلادنا أهلا يا عيدنا
الروابط
Islam Eidrisha
05/04/2011, 14h13
161
ريحانة فتانة
الست بديعة صادق
ريحانة فتانة نشوانة بتغني
منظرها يسحرها وعبيرها بيهني
تتمايل وتخايل وتشاغل بجمالها
أوصفها ح تشوفها تعرفها بدلالها
الليل يغمرها بأفراحه
ونسيم البدر يغني لها
والروض يسعدها بصباحه
ويفيض النور يملى عنيها
لياليها بتجيها تلاقيها في الجنة
أحلامها قدامها ونغمها له رنة
الروابط
Islam Eidrisha
05/04/2011, 14h23
162
يا نينة شوفت من الشباك
الست عزيزة حلمي
يا نينة شفت من الشباك
جدع حليوة بيتمخطر
وعدي يا نينة
أفندي خفة وشكله جميل
زي القمر لما ينور
ملك فؤادي ومرادي
الله عليه
في مشيته رقة ومنظر
وعدي يا نينة
شاورت له بطرف المنديل
جاني وقال لي اصباح الخير
خفة جماله مافيش مثاله
الروح فداه
قلبي صبح في حبه أسير
وعدي يا نينة
أنا قلت له قلبي حبك
قال لي وانا أطلب قربك
إنت مرامي قصدي وغرامي
يا نور عينيا
مقدرش اعيش يوم في بعدك
وعدي يا نينة
ألبس هدومي واتعطر
وافرح بقربه واتمتع كمان مرة
يا اهل المحبة قرب الأحبة
حلو وجميل
أنا وحبيبي ندلع
وعدي يا نينة
الروابط
عزيزة (المصرية) حلمي (http://www.sama3y.net/forum/showpost.php?p=382140&postcount=9)
Islam Eidrisha
05/04/2011, 14h38
163
خلي الشباك يا نينة مفتوح
الست رتيبة أحمد
اسطوانات بوليفون
الست رتيبة أحمد
خلي الشباك يا نينة مفتوح
تيجي نسمة منه ترد الروح
فتحوا الضرف من تحت وفوق
حيلة انطلت على نينتي الذوق
لكن بقى من كتر الشوق
شافوك قصادي تيجي وتروح
الله الله يا ست رتيبة
شافوك وقالوا لأ ما تجيش
قفلوه يا وعدي ما بيديش
غافلتهم وواربت الشيش
وده كله خايفة لدمعي يبوح
بصيت ودولة متحاوطيني
واقف بتلبس وبتغني
ووقعوا فيك أكتر مني
من كتر غيرتي عملت نصوح
الله الله يا ست رتيبة
بدال ما نقعد كده ونخايل
ونكون كده على رأي القايل
حدد لي في يوم نتقابل
ولو أجيك من تاني سطوح
الروابط
رتيبة أحمد (http://www.sama3y.net/forum/showpost.php?p=375553&postcount=61)
Islam Eidrisha
07/04/2011, 13h55
164
هلي هالله
الشيخ سيد درويش
كلمات : بديع خيري
لحن وأداء : الشيخ سيد درويش
هلي هالله هلي هالله
قالت لي برامة
يادنيا زفت ملعونة
الموده إبن ملعونة
هيلانة جارية زربونة
بلاوي جوكة مسكندة
عجايب جوكة مسكجنة
هي هي هي هي هي
يادنجي دنجي بتهدمي
تعالي يابكيتة ألطمي
أحيه عليه أحيه عليه
م الغلب العيشة الزفت دي
أكل كادوة بلا زارة منا
م الخازوق اللي شعوطنا
الهدمة إخص ع الهدمة
جابلنا ضربة بالصرمة
عشماوي أهلك أسيادنا
ويخرب بيت اللي زعلنا
هي هي هي هي هي
سلام على ايام دنقلة
يارقص دلوكة منجلة
الله عليه الله عليه
يرحم أيام الحظ الحلوة دي
تجيه ضربة في عينو اللي
جابنا من السودان عالمصرو
المصرو أكلو بالهمه
ملوهية طظ في طعمه
الويكه دي مافيش زيه
هي هي هي هي هي
نجيبو بوظة ونشربي
لذيذة هالص يادين النبي
الله عليه الله عليه
أنا احب الحاجة الحلوة دي
الروابط
سيد درويش (http://www.sama3y.net/forum/showpost.php?p=280906&postcount=1)
MUNIR MUNIRG
07/04/2011, 14h43
شكرآ جزيلآ أستاذ إسلام على هذا المجهود الرائع الفريد الثمين والقيم.
وياريت لو تكرمت أنت أو أحد ألأعضاء ليجمع كل هذه الدرر لتكون في مجلد واحد pdf أو صوره مماثله .
Islam Eidrisha
08/04/2011, 18h42
عمي الغالي أستاذ منير
شكرا على المتابعة وطلباتك أوامر
بأمر الله سيكون لك ما طلبت عند الإنتهاء واكتمال الموضوع
ربما أقوم بعمل فهرس ليحل محل الكتاب في الوقت الحالي
فما زال أمامنا الكثير بفضل الله وعونه
أكرر لكم شكري وخالص تحياتي
Islam Eidrisha
10/04/2011, 18h20
165
أيام الهنا
الست بديعة صادق
أيام الهنا بتجمعها
وتجينا بعزم جديد
وليالي تفرح وشموعها
بتنور بلدنا يا عيد
أفراحك تجدد ذكرى
تسعدنا في يومنا وبكرة
يا مجد لبلادنا وبشرى
يا رمز انتصارنا يا عيد
يا عزة وهنا وأفراح
قضينا سنين في كفاح
وصبرنا وفجرك لاح
يا هدية أميرنا يا عيد
الروابط
Islam Eidrisha
13/04/2011, 14h28
166
عزيزي وحبيبي
الست بديعة صادق
عزيزي وحبيبي
من بعد التحية من قلبي وعينيا
أهديك السلام
واكتب لك جوابي بدموعي وعذابي
مش بس بكلام
عزيزي وحبيبي
مهما غبت عنك روحي جنب منك
بتهفهف عليك
واعمل ايه في حبك ليل نهار احبك
واتشوق إليك
بشوق الورد للميا يا روح الروح
كتبت إليك
وخليت قلبي وعينيا وانا كلي
جواب في إيديك
حبيبي ما انحرم منك تخليني
على بالك
وتكتب لي كتير عنك تطمني
على حالك
عزيزي وحبيبي
وحياتك تعالى ولا ابعت رسالة
في جناح الحمام
بستنى جوابك أوعي يطول غيابك
والسلام ختام
الروابط
Islam Eidrisha
14/04/2011, 18h07
167
ما كانش عشمي
الست بديعة صادق
ما كانش عشمي ولا كان ظني
تنسى ودادي وتبعد عني
يا اللي الفؤاد احتار في غرامك
بعدت ليه؟ إيه بان لك مني؟!
قلبي اللي هواك إحتار وياك
ومريض حاله في غرامك
لا اتهنى معاك وفرح برضاك
ولا قادر ينسى أيامك
وازاي جفيتني .. ما كانش عشمي
يا اللي نسيتني .. ما كانش عشمي
ياريت تقول لي وتطمني
ما كانش عشمي
ولا كان ظني
تبعد عني
خليتني شكيت من طول ما قاسيت
يا ناسيني وناسي ودادي
وانت اتهنيت وأنا اللي بكيت
من هجرانك وسهادي
يا اللي بعادك .. ما كانش عشمي
راح فين ودادك .. ما كانش عشمي
أحتار انا وانت متهني
ما كانش عشمي
ولا كان ظني
تبعد عني
الروابط
عادل محمد
14/04/2011, 22h17
صديقى الحبيب إسلام
مساء الفل
يا أخى هناك أدوار أداها مطربين محدثين - نسبيا - عباس البليدى ونور الهدى والست الأرستقراطية لور هانم وفتحبة أحمد وقنديل وطلب وكارم ولطفى بوشناق( المطرب الفحل )
بل ريقنا من حاجة منهم.
Islam Eidrisha
15/04/2011, 15h53
أستاذي وصديقي الحبيب
وحشتني والله يا دكتور عادل
تعرضت في هذا الموضوع للطقاطيق - وليست الأدوار- الضاربة في القدم نتيجة عدم القدرة على تمييز الكلمات لسواد عظيم من الناس بسبب قدم هذه التسجيلات والخشخشخة الطاغية على كثير من الملفات فيها لعل ذلك يكون مدعاة للإقبال على هذا الفن القديم الراقي وحفاظا عليه من الزوال والإندثار بالكتابة والتوثيق ولم أخرج عن قسم الرواد إلا في عدة طقاطيق للسيدة أم كلثوم في بداياتها أما بالنسبة للمطربين المحدثين -نسبيا- فاعذرني على جهلي بالعديد منها وعدم التعرض لها ولو حتى بالسماع إلا ما ندر وإن كنت أرى أنه من السهولة بمكان تمييز كلمات العديد من طقاطيق المطربين المحدثين إذا ما قورنت بقسم الرواد نتيجة التقدم النسبي في استخدام الموسيقى الكهربائية حينذاك.
ما رأيك أن نخصص الصفحة التالية كلها لحبيبك صالح أفندي عبد الحي؟
Islam Eidrisha
15/04/2011, 16h17
صفحة خاصة بالأفندي
168
يكون في علمك أنا مش فاضي
صالح أفندي عبد الحي
بيضافون كومباني
صالح افندي عبد الحي .. الشهير
يكون في علمك أنا مش فاضي
كل ساعة أعمل لك قاضي
يكون في علمك
أنا واخدك آه على ضرة
وان ما عجبك انتي حرة
يا جدع
على بيت ابوكي روحي تاني
وبلاش قولة كاني وماني
ده انا مش فاضي اعمل لك قاضي
يكون في علمك
إنتي جميلة وهي جميلة
أعمل لك ليلة وهي ليلة
طرفي معاكي ما بيدي حيلة
مافيش لزوم تعملي هليلة
ده انا مش فاضي اعمل لك قاضي
يكون في علمك
قعدتك برة ما ريحتيني
في وسط جيراني بهدلتيني
حرام عليكي وحياة عينيكي
أبوس إيديكي لإمتى اداديكي
ده انا مش فاضي اعمل لك قاضي
يكون في علمك
قلت لابوكي وقلت لاخوكي
ما امكنهومشي يرجعوكي
أشكي لمين يا مسلمين
أروح لمين خليكوا شاهدين
ده انا مش فاضي اعمل لك قاضي
يكون في علمك
إن عيشتي معاها تناقريها
وكل ساعة بتدايقيها
وتقولي هي عليكي فايزة
إيه فكرك إيه عايزة
ده انا مش فاضي اعمل لك قاضي
يكون في علمك
الروابط
Islam Eidrisha
15/04/2011, 16h31
169
إستني بس يا بنت الإيه
صالح أفندي عبد الحي
بيضافون كومباني
صالح افندي عبد الحي
كروان الشرق والغرب
إستني بس يا بنت الإيه
ح ادفع مهرك وحياة حبك
ولو يكون ألفين جنيه
تقلتي خالص عليا ليه؟
ده انا مغرم بك رقي بقلبك
عليكي من ده يا روحي بإيه؟
صبرك عليا وحياة عينيا
لبكرة تشوفي يا بنت الإيه
صحيح بحبك والحب نار
ده انا مش ناكر بس انا صابر
خليتي قلبي وعقلي احتار
بكرة تقوليلي دايما تجيني
واتقل عليكي يا بنت الإيه
تفاح خدودك والخال كمان
يا سلام سلم رح يتكلم
لأ والحنك خاتم سولومان
ده حرام عليكي أنا ابوس إيديكي
التقل يا اخوانا بس ليه؟
بس ان ما كنتش عاشق صحيح
كنت اسلاكي ده انا قصدي رضاكي
شوفتي القلب جريح
بعد القوام ده سيبي الكلام ده
هوستي عقلي يا بنت الإيه
الروابط
Islam Eidrisha
15/04/2011, 16h57
170
ليه يا بنفسج
صالح أفندي عبد الحي
كلمات: محمود بيرم التونسي
ألحان: رياض السنباطي
غناء: صالح عبد الحي
ليه يا بنفسج بتبهج وانت زهر حزين
والعين تتابعك وطبعك محتشم ورزين
ملفوف وزاهي يا ساهي لم تبوح للعين
بكلمة منك كأنك سر بين اتنين
حسنك بكونك بِلونك تبهج المقهور
واللي يزوره سميره في الظلام مستور
حطوك خميلة جميلة فوق صدور الغيد
تسمع وتسرق يا أزرق همسة التنهيد
اسمع وقول لي مين اللي قال معايا آه
بقولها واحدي لوحدي والأسى هواه
الروابط
عادل محمد
15/04/2011, 18h38
هى درة من درر عمنا بيرم
بقولها واحدى لوحدى
واحدى تعنى واغنى ، الحادى هو من يغنى للإبل أثناء السفر .170
ليه يا بنفسج
صالح أفندي عبد الحي
كلمات: محمود بيرم التونسي
ألحان: رياض السنباطي
غناء: صالح عبد الحي
ليه يا بنفسج بتبهج وانت زهر حزين
والعين تتابعك وطبعك محتشم ورزين
ملفوف وزاهي يا ساهي لم تبوح للعين
بكلمة منك كأنك سر بين اتنين
حسنك بكونك بِلونك تبهج المقهور
واللي يزوره سميره في الظلام مستور
حطوك خميلة جميلة فوق صدور الغيد
تسمع وتسرق يا أزرق همسة التنهيد
اسمع وقول لي مين اللي قال معايا آه
بقولها وحدي لوحدي والأسى هواه
الروابط
Islam Eidrisha
15/04/2011, 19h12
هكذا يستقيم المعنى
تم إضافة حرف الألف
ألف شكر يا دكتور عادل
إيدك بإيدنا يا سيدنا
Islam Eidrisha
16/04/2011, 15h02
171
إزاي تبيعني وانا أشتريك
صالح أفندي عبد الحي
لحن : إبراهيم فوزي
إزاي تبيعني وانا أشتريك
ده انا ادوس غرامي لو روحي فيك
دي إيه دي كانت سحابة فاتت
ما عمرهاش ح تعود يا خفيف
ومن دلالك عواطفي ماتت
وطلعنا زي الشتا م الصيف
وح ادوس غرامي لو روحي فيكي
إيه اللي نابني من كتر حبك
غير كل ساعة زقير ونقير
كنت الطبيب وخانك طبك
أنا احب وانت تميل للغير
وح ادوس غرامي لو روحي فيكي
الروابط
Islam Eidrisha
19/04/2011, 08h36
172
شبيكي لبيكي
صالح أفندي عبد الحي
كلمات : بديع خيري
لحن : الشيخ زكريا أحمد
شبيكي لبيكي عبد وملك إيديكي
في هواكي بيشاكي ولا يصعبش عليكي
شبيكي لبيكي
أنا اراهن بعنيا ومسوجر كسبانة
في الأصل انتي حورية م الجنة وهربانة
سهيتي رضوان وفتحتي الفردوس
مين قال دول أجفان ده النبل وده القوس
يا حواجبك يا عنيكي شبيكي لبيكي
أحلف لو لفينا الدنيا بزيهتها
على أحسنها جنينة لتقول لك وردتها
ما بقاش ليا وجود ومنين املى العين
بوجودك يا خدود أنا اروح منك فين
خدتيني في رجليكي شبيكي لبيكي
يا عيني يا سي صالح افندي يا عبد الحي
إنتي الشمس ضروري جبتيها وقلتي لها خدي حبة من نوري قومتي اتبرعتي لها
من يومها على طول وانتوا بقيتوا صحاب
تفتكرك وتقول سبحان الوهاب
أنا منك وإليكي شبيكي لبيكي
الروابط
Islam Eidrisha
21/04/2011, 11h41
173
ما تقوم م النوم يا حبيبي
صالح أفندي عبد الحي
اسطوانات كولومبيا
الأستاذ صالح عبد الحي
ما تقوم م النوم يا حبيبي
الصبح نور ع البستان
الليل بطوله وانا برعاك
سهران على راحتك وهناك
والفجر يطلع وانا وياك
الصبح نور ع البستان
ما تقوم م النوم يا حبيبي
الورد فتح ع الأغصان والطير غنى
والزهر بوجودك فرحان زيي اتهنى
وكل شئ في الكون ريان زي غرامنا
الصبح نور ع البستان
ما تقوم م النوم يا حبيبي
أشوف في حضنك أحلامي
وف رقتك سر غرامي
واعيش في حبك أيامي
الصبح نور ع البستان
ما تقوم م النوم يا حبيبي
الروابط
Islam Eidrisha
21/04/2011, 12h27
174
على خده يا ناس 100 وردة
صالح أفندي عبد الحي
على خده يا ناس ميت وردة
قاعدين حراس دي مناهدة
ومنين ينباس يا اخي ديه ده
يسمح لي قال نقعد سوا
أشكي له من نار الهوا
يتمنع ويقول لي ياريت
يتدلع من دلعه بكيت
ماهوش عارف بلوتي
ما داقش حبي ولا انكوى
يا اخي ديه ده
أنا قلت احبك والنبي
والحب ديني ومذهبي
يستعجب من دي الأقوال
ويتيه ده كله دلال
مش قادر احكم مهجتي
هو هوايا ومشربي
يا اخي ديه ده
يقول لي حاسب وجنتي
وأوعى تقطف وردتي
يتباعد عني وأدوب
والمهجة مش قادرة تتوب
يحرمني منه بصنعته
لكن بحبه يا قسمتي
يا اخي ديه ده
الروابط
Islam Eidrisha
21/04/2011, 12h37
175
بكالورية إيه يا ابو بكالوريا
صالح أفندي عبد الحي
صالح افندي عبد الحي
بكالورية إيه يا ابو بكالوريا
ده انا عندي بكالوريا ودبلوم
لكن تدور على جيبي
ما تلتقيش فيه ولا بستوم
في مصر ألفين بكالوريا
وألف دبلومة بايرين
يومي نلف بهم جمعة
وانظر على كل الدواوين
يمشوروونا ويمطوحونا ويمضيعونا
ويقولوا ده مش يومكوا اليوم
سبع شهادات في إيدينا
والبخت ده ضايع نلقاه فين
تعالى نفتح كوتشينه
ونداوى ده ونبين زين
دول غلبونا بيعلمونا ويسيبونا
نومهم صباحهم ألقاه توم
يا عيني يا سي صالح
بلاش طبيعة ولا كيميا
ولا شهادة ولا دياوله
ده احنا ف بلد نكتة وقافية
وليه بقه الغلب ده كله
ح تجوعونا ف بيت ابونا ماتفهمونا
وان كنتوا نايمين صح النوم
يا ليل
آه يا عيني
يا ليل
الله
الروابط
Islam Eidrisha
21/04/2011, 13h06
وما زلنا مع الأفندي
176
قدر ده وده
صالح أفندي عبد الحي
اسطوانات كولومبيا
الأستاذ صالح عبد الحي
قدر ده وده ياما ناس كمالة عدد
وان قلنا كده قالوا اطلعوا م البلد
بختك رزقك والناس أجناس
والحب اشكال والوان
وإيدين تنباس وإيدين تنداس
والبخت مالوهش أمان
إن كنت صريح العقل مليح
والحب جنان في جنان
إيش جاب ده لده قدر ده وده
وان قلنا كده قالوا اطلعوا م البلد
لو كان عندك ود وإخلاص
قلبك ما يساعش اتنين
لكن دلوقتي الموضة خلاص
قلبك يساع ألفين
والنكتة كمان تحلف أيمان
والكدب مالوش رجلين
تعشق ده وده والأشية ندى
وان قلنا كده قالوا اطلعوا م البلد
قلبك أصبح مرسح تمثيل
ياريت لي فيه بنوار
أبطال حبك تخطر وتميل
وتمثل فيه أدوار
والعشاق فيه من غير تشبيه
قاعدين نايمين على نار
والكل كده مالهومش ف ده
وان قلنا كده قالوا اطلعوا م البلد
الروابط
Islam Eidrisha
21/04/2011, 13h58
177
يا حلاوة الكاب على جسمك
صالح أفندي عبد الحي
يا حلاوة الكاب على جسمك
خلى قوامك بان وحسنك
حاجة جنتل عقلي اتبرجل
إيه أعمل في الكاب يا هانم
الكاب ده بلون شعرك
واحنا عبيدك وتحت أمرك
تهجري نخضع تأمري نخضع
تهجري نولع
ما دام جمالك حلو ودلالك
حاجة جنتل إيه أعمل
عقلي اتبرجل في الكاب يا هانم
العيون دي عيون غزال
والرقة حلوة ويا الدلال
الأمر أمرك مين يماثلك
وورد خدك وغصن قدك
حاجة جنتل إيه أعمل
عقلي اتبرجل في الكاب يا هانم
دي حورية مش إنسية
فداها تهون 100 أبعادية
يارب خلي الجمال تملي
يفوت عليا ده العشق غية
حاجة جنتل إيه أعمل
عقلي اتبرجل في الكاب يا هانم
الورد ده لون خدودها
وغصن البان يشبه عودها
مين ينولها مين يطولها
ميل وبتتمنى قرب وصالها
حاجة جنتل إيه أعمل
عقلي اتبرجل في الكاب يا هانم
الروابط
Islam Eidrisha
21/04/2011, 21h37
178
حبيبي هو
صالح أفندي عبد الحي
حبيبي هو عليا الآمر الناهي
ماهوش بإيدي البعاد والقرب والله
اللي ملك هو واللي حكم هو
اللي ملك وحكم وأمر وقدر آه هو
إذا أمرني حبيبي أمره يحييني
ولما ينهي الجميل نهيه على عيني
المحتكم هو والمقتدر هو
واللي الفؤاد يهواه آه هو
فتشت له عن شبيه في الحسن يتعاين
في الأرض ولا ف سما يارب مش باين
هو الجميل هو هو اللطيف هو
واللي أسر وبهر آه هو
حبيبي كل المحاسن والجمال منه
واللطف والظرف كله يتعرف عنه
عقلي أنا هو روحي أنا هو
هو الحياة هو آه هو
الروابط
Islam Eidrisha
26/04/2011, 09h25
179
رأيك إيه يا ام البيه
صالح أفندي عبد الحي
رأيك إيه يا ام البيه
عمك شنطح جالك ينطح
تدي له إيه
أدي له إيه غير كده تاني
هو انتوا سبكتوا على جناني
ما هو واخد حلقي وكرداني
ما خلالي حتى الدوكليه
يا هانم ما بيدك حيلة
إدي له ما هو الحيلة
يا تيزة خليكي تقيلة
من غيرك سماه البيه
والله صحيح الحق عليا
يا بنتي مية في المية
أدي له حتى حبابي عينيا
واللي تقولي يا بنتي عليه
شوفتي جارتنا بنت حارتنا
بتأيطنا وتورطنا
وتقول بكرة البيه يغالطنا
يعمل بيه على تيه على تيه
الله الله يا سي سامي
يا روحي
الله الله الله
يا ليل
ياروحي
الروابط
Islam Eidrisha
26/04/2011, 10h13
180
سينا يا سينا
صالح أفندي عبد الحي
كلمات : بيرم التونسي
لحن : أحمد صدقي
سينا يا سينا
أهديكي من قلبي تحية
يا سينا يا عزيزة عليا
يا اللي كنوزك مخفية
ولا تطولها الا إيدينا
سينا يا سينا .. مصرية
سينا سينا .. يا غنية
يا أرض ضاحكة لها سماها
ودك نجومها حارساها
وكل من داس بحماها
يرجع ونفسه محزونة
سينا يا سينا .. يا جميلة
سينا يا سينا .. يا حصينة
الروابط
Islam Eidrisha
28/04/2011, 09h08
181
أنا اعمل ايه؟!
صالح أفندي عبد الحي
أنا اعمل ايه ف وعدي ومكتوبي
إمتى بقى يجيني محبوبي
ما بنام الليل
حبيبي يا اخواننا غايب
بقاله يومين
والقلب من بعده دايب
أشكيه لمين؟
أما عجايب وغرايب
بعده ع العين
ما بنام الليل
آه يا عيني يا سي صالح
صدق وآمن يا عيوني
قلبي عندك
ألحاظ عيونك جرحوني
بورريه منك
خليت عوازلي ظلموني
كده من بعدك
ما بنام الليل
شايف دلالك يا حبيبي
ما تقول على إيه؟!
إنت السبب في تعذيبي
عملت لك ايه؟!
انت م الدنيا نصيبي
هات قلبي ساكن فين
ما بنام الليل
الروابط
Islam Eidrisha
28/04/2011, 10h14
182
أهون ما عندي
صالح أفندي عبد الحي
الست سنية حسنين
أسطوانات كولومبيا
الأستاذ صالح عبد الحي
والسيدة سنية حسنين
صالح : أهون ما عندي في وقت الضيقة
ده انا افتراقك عني دقيقة
مهما حاولتي ما يمكننيش
سنية : لكن أهي حكمت الايام
واحنا ضعاف إيه الحيلة؟
الصبر ياما يداوي آلام
وان طال ما فيش بعده وسيلة
صالح : ومنين يطيق الصبر فؤادي
وانا ضحية ولا لي جناية
ما لقيتش غيرك في الدنيا دي
يشفق ويعطف على بلوايا
إنتي عليا ساعة بكايا
سنية : إنت منايا إنت رضايا
صالح : وان بوحت مين يفضل ويايا
سنية : يفضل كرم ربك وكفاية
ما يقصدوش مظلوم ويخيب
صالح وسنية : حكم الزمان برضك له نهاية
وكل شئ قسمة ونصيب
الروابط
Islam Eidrisha
05/05/2011, 09h10
183
الدنيا بتضحك
صالح أفندي عبد الحي
الدنيا بتضحك حوالينا
والكون فرحان ح يطير بينا
والزهر اتبسم يا جماله
مستني حبيبه أهو جاله
أدي وردة تشرح له هواها
وادي فلة البلبل صحاها
تسمع أنغامه وألحانه
من صوته تعرف عنوانه
وتقوم تنده له تضحك وتشاغله
وتضمه إليها وعنيه ف عنيها
وتقول يا قلبي يا هنايا وحبي
الدنيا بتضحك حوالينا
يا نسيم الليل طير ع الجنة
ده نعيم الدنيا بيستنى
يسقينا هواه ويهنينا
وان قلنا كمان رح يسقينا
والنيل على قوله بيسبح
وفلوكته الحلوة بتتمرجح
وجناحها يميل ويبوس النيل
ويقول أهواك وأعيش وياك
والدنيا بتضحك حوالينا
الموجة الرايحة والجاية
بتميل واهي تمت فرحتهم
بيناجوا بعض بحنية
ويغنوا ويحكوم قصتهم
بالشط الأخضر والمية العنبر
والنيل على قوله بيسبح
وفلوكته الحلوة بتتمرجح
وجناحها يميل ويبوس النيل
ويقول أهواك وأعيش وياك
والدنيا بتضحك حوالينا
الروابط
Islam Eidrisha
05/05/2011, 09h38
184
زيك مافيش زيك
صالح أفندي عبد الحي
زيك مافيش زيك تبارك الخلاق
اللي وهب ضيك للحاير المشتاق
زيك مافيش زيك
أشاهد جمالك أسبح لربي
واحايل دلالك واصونك في قلبي
واشوق عينيا وامني الفؤاد
بصحبة هنية في ظل الوداد
عايش على ضيك
زيك مافيش زيك
أسامر خيالك واصبر آمالي
في نشوة جمالك تداعب خيالي
وقلبي يا قلبي أهاته دموع
حياته في جنبي حياة الشموع
عايش على ضيك
زيك مافيش زيك
فؤادي وهبته لحسنك يا غالي
ولوني هجرته في بعدك ليالي
وبدنيا جمالك إحتار الخيال
يا آية ومثالك ما شوفتش جمال
عايش على ضيك
زيك مافيش زيك
الروابط
Islam Eidrisha
05/05/2011, 10h49
185
أوعاك يا قلبي
صالح أفندي عبد الحي
أوعاك يا قلبي تقول مليت
مهما الزمان يعند وياك
إرضى وخلاص بجميع ما رأيت
ما دام كده اتخلقت دنياك
الحظ تديه للخايب
والحر فيها مالوش نايب
لو ان ده وده غرايب
كونها ما تنصفش حبايب
على قد ما بنغلب منها
برضو الأمل بيهونها
ما احلاها جنة وشايفينها
بس النيران بينا وبينها
آه يا ابو عزة
الروابط
Islam Eidrisha
05/05/2011, 14h35
وما زلنا مع الأفندي
186
خفيف خفيف
صالح أفندي عبد الحي
صالح إفندي عبد الحي
إسطوانات من غير خشخشة
خفيف خفيف ووراني المضروب
ليالي لون قرن الخروب
ياما وراني
لا ييجي بمسايسة ولا بخناقة
نهايته أنا مآيسة مهما اتشاقى
ده جوة قلبي مربع ونظرة منه تشبع
وكل ساعة وله ملعوب
ياما وراني
عجيبة يخاصمني من غير داعي
واقول له فهمني حب وراعي
يقول لي مالك بيا خلاص مافيش مراعية
غرامه وعد وكان مكتوب
ياما وراني
ياريته يتفضل كنت راضيته
لا سأله ولا بطل دفع ياريته
أبيع له حالي ومالي واعيش براحة بالي
وكون أقل من المحسوب
ياما وراني
أحاول انساه من فكري شوية
خياله ألقاه ما يفوتش عليا
ما دام أشاهد طيفه أعيش أموت على كيفه
وهو يوسف وانا يعقوب
ياما وراني
الروابط
Islam Eidrisha
07/05/2011, 17h46
187
النبي سيبك من الدلع
صالح أفندي عبد الحي
صالح أفندي عبد الحي
بلبل الشرق
اسطوانات من غير خشخشة
النبي سيبك من الدلع بلاش لوع
آه ده الهجر ده مالوش نفع
يا نور عينيا
النبي هجرك والبعاد مالوش دوا
يكفى عذابي في غرامك والهوى
ده كل ده لازمته إيه والقلب ده وحياتش ليه
وانتي كمان سايقة الدلال
يا نور عينيا
النبي قلبي في هواكي داب يا روحي
حتى الفؤاد والله انكوى من كتر نوحي
أقول لك إيه واعيد لك ايه في دي العذاب وانا ذنبي إيه
ده شئ كتير مافيش دقيقة
نامت عينيا
ياما قسيت يا لوعتي ياما جرالي
ماشوفتكيش مرة كدة ترقي لحالي
الهجر ليه عملت إيه وليه يا روحي قصدك ايه
هجر وبعاد ده شئ كتير
والله عليا
الروابط
Islam Eidrisha
07/05/2011, 18h01
188
طلبتها من الله ونولتها
صالح أفندي عبد الحي
صالح إفندي عبد الحي
اسطوانات من غير خشخشة
طلبتها من الله ونولتها
جاتني لعندي يا ناس اللي بحبها
جاتني لعندي يا ناس ورضيت عليا
قالت لي أحبك ادوب يا نور عينيا
كانت ليلة جميلة وساعة هنية
فيها القمر يا ناس يشبه لها
جاتني لعندي يا ناس ورقت لحالي
قالت لي إنت روحي وحياتي يا غزالي
وبعد كده أكواب المدام حلالي
والكاس دار قوام يا ناس في حبها
كانت ليلة جميلة ليلة سهرنا
حبيبتي معايا وعوازلي بعيد عنا
يارب بقى م الخصام تعبنا
أنا أدوب أوي يا ناس في حبها
جمال وشكل غزال حبيبتي الهانم
مغرم أنا يا ناس بحبها هايم
تقول لي بالتركي أفندم جانم
أتوه أنا قوام يا ناس من حسنها
الروابط
Islam Eidrisha
14/05/2011, 12h56
189
لابس جبة وقفطان
صالح أفندي عبد الحي
بيضافون كومباني
صالح افندي عبد الحي
كروان الشرق والغرب
لابس جبة وقفطان
وعامل لي بتاع نسوان
ما بقاش في الدنيا أمان
واقف في العتبة الخضرة
ولابس لي كاكولا خضرة
ومحزقها ومحندقها
وبتبرق زي الحضرة
وماسك لي في إيده كمان
سبحة حب الرمان
ما بقاش في الدنيا أمان
*** الكوبليه الثاني هنا منقوص وغير واضح تماما
أغلب الظن أنه شرخ بالأسطوانة
فآثرت تفاديه منعا لتضارب الكلمات
وان شاف قطقوطة جاية
من ماركة الافرنجية
يعمل غندور ويقول بونجور
باردون ميرسي ألا مور
ياخي دي ايه ده يا شيخ مهران
كل ده شغل بتنجان :mdr:
ما بقاش في الدنيا أمان
خليك موزون ما تميلشي
سماك السوء ما يفيدشي
امشي ف حالك تحفظ مالك
وتصون أهلك وعيالك
سيبك بلا شغل جنان
فضك من هلس زمان
ما بقاش في الدنيا أمان
الروابط
Islam Eidrisha
14/05/2011, 13h36
190
لابسة الشراب
صالح أفندي عبد الحي
لابسة الشراب لحم الهانم
والبيشة أرق من النسيم
خلت قلبي صبح هايم
من بعد ما كان في نعيم
البيشة ليل والوجه قمر
والغصن يميل ينهز السمر
والفم يضحك تبان سنان
تقولشي هي من الدرر
عقلي احتار ده العشق مرار
بس اعذروني
لحظ العيون جرح فؤادي
والروح تهون وانول مرادي
لامتى احايل فيها وادادي
قصدها نوحي وطول سهادي
أنا اعمل يا ناس بورريه
بس اعذروني
فوق الجمال أدب وعفة
والخد وردي بلون الشفة
والخصر أه ملفوف لفة
شبه الغزال ماشية بخفة
يا سلام سلم عقلي اتبرجل
بس اعذروني
جمال سبحان من صوره
اللي يعشقها الناس تعذره
قولوا لي إيه بس اعمله
الهجر والله ما استحمله
ما اقدرش اصهين ده شئ يجنن
بس اعذروني
آه يا قمر .. يا سامي .. يا ولاد الحلال
يا كتاكيتك يا قمر
الروابط
Islam Eidrisha
29/05/2011, 11h11
191
لحن الشيالين
شد الحزام على وسطك
الشيخ سيد درويش
شد الحزام على وسطك غيره ما يفيدك
لا بد عن يوم برضه يعدلها سيدك
إن كان شيل الحمول ضهرك يكيدك
أهون عليك يا حر من مدة إيدك
ما تـ يالله بينا انت وياه
ونستعان ع الشقا بالله
واهو اللي في القسمة جبناه
واللي ما فيش ان شالله ما جاه
ما دام بتلقى عيش وغموس
يهمك إيه تفضل موحوس
ما تحط راسك بين الروس
لا تقول لي ده خيار ولا فاقوس
ح اقول لك إيه واعيد لك ايه كله له آخر
دي خبطة جامدة وجات على عينك يا تاجر
يا وكستك دلوقتي لا وارد ولا صادر
يحلها ألفين حلال ربك قادر
قول لي ف عرض النبي يا حسين
رايحين نلقيها منين ومنين
والإش متجوز اتنين
يا دنيا روقي جاتك البين
شوفوا البخيل يفضل منحوس
ولو علقوا على بابه فانوس
فلوس دي إيه سكتر يا جاموس
هي السعادة في غنى النفوس
قرب شيلني شيل
عمر الشدة ما تطول
لا تقول لي كتير وقليل
بكره تهيص زي الأول
هيلا هيلا هيلا هيلا
هيلا هيلا هيلا ليصة
الروابط
Islam Eidrisha
29/05/2011, 11h40
192
لحن البرابرة
اشنجر دا مولينا
الشيخ سيد درويش
اشنجر دا مولينا
ياربي مسكا جينا
يا شيخ ده احنا
كفاية رضا ربك علينا
ياما بنقاسي يا بهوات
وياما الناس عايرونا
على خدمتنا للخواجات
والمدامة ولامونا
يهودي تركي ياباني
في أكل العيش يا إخواني
ما فيش مسلم ونصراني
هي هي هي هي هي .. يا ولد
هجرنا بلاد أبونا
ونخلاتنا وعيالنا
ياريت اللي جابونا
سابونا هناك في حالنا
يا هو حتى المزينين
وصبيانها لها نقابة
واحنا كوماندا بوابين
وليه نفضل كده غلابة
ماسونية بلشفية إيه
ما اهو احنا اللي خلقناها
ومنا فهموا معناها
هي هي هي هي هي .. يا ولد
يا ناس دي العبودية
دي ضد الإنسانية
ما دام ده شئ غريزي
يا هو فيكم وفيا
لإمتى بس يا اخوانا
ما بين يحيى وما يحياشي
يا أسيادنا اسمعوا منا
نصيحة كده ع الماشي
ما دام قلبك ما هو صافي
مسيرك تلعن الحافي
وتبقى جوقة ع الفاضي
هي هي هي هي هي .. يا بكوكة
الروابط
Islam Eidrisha
29/05/2011, 12h38
193
لحن الأعجام
إحنا يا افندم تجار الأعجام
الشيخ سيد درويش
إحنا يا افندم تجار الأعجام
حضرنا مشان جبتوا بضاعة تمام
بيعوا أنتيكات بيعوا مقويات
بيعوا منعنشات بيعوا مفرفشات حاجات محتاجات
من شان سواحين من شان سواحات
سجادة بساط عليه السلام
ما فيش واردات من بلاد أعجام
ما دام فيه حروبات سكات مقطوعات
ميرزاخان مسكين كان يكسب جنيهات
دلوقت أفندم مش لاقي لقمات
مش لاقي هدمات
فيه عنده منزول يسطل عشرة يوم
إذا كان دقوا طبول مش إصحى م النوم
إمسك حبة نشوق ضيعهم ميات
إمنع عكوسات إمنع تعكيسات
طلع لك عفاريت بتاع الستات
في واحد ساعات
شيش بيش دوسة جهار محبوسة جلبهار
فلتوا العيار يا بتوع مولد الفار
يطلعوم بالليل ولا بالنهار
لابسين لي طراطير مواجير ولا زيار
حمص لب فشار جاتكم نايبة عشار
تيجي سبع تمتار
الروابط
Islam Eidrisha
06/06/2011, 11h41
194
لحن الخطابين
تعا قول لي يا شيخ قندوفلي
الشيخ سيد درويش
تعا قول لي يا شيخ قندوفلي
لحسن عقلي بقى ترلاللي
النحل يا هوه ..
إيش تعمل ده الحال طول
أوعى تقول قف ده فلفل
قحو قحو ..
ده ما ليش بقشيش
سفلقة ولا فيش
وجواز وطلاق
راح كله فنيش
الخطابين يا مسلمين
متنيلين متخوزقين
سلقط ملقط يا شيخ بهلول
ما احناش لاقيين حق المنزول
شباننا في الايام دي محفلطين
ومقلوظين ومزبلحين
بيعشقم بعضيهم
ضربة تجيهم في كلاوهيم
آمين آمين
لابسين عياقات مش بنطلونات
دي شمازيتات حاطين وردات
ياحكومة بحق العيش والملح
أهو دول لازم ينطسوا عقاب
يرافقوا لهم نسوان قبحات
لايقولوا هباب ولا كتب كتاب
الناس دلوقتي خربت ذمتها
وبقت كاوتش .. السلعو
يطلقوا النسوان ستين طلقة
ويقولوا معلهش .. يا شيخ ولو
لا بيعرفوا شرع ونصب ورفع
وعيشة مرع وبامية وقرع
نازلين لهيط في قرنبيط
ويقولوا ف أخر الزمر طيط
يامصري قوم يكفاك ظريط
بحق يا حتة عبيط
بشواتنا وبهواتنا
بيجوزوا افرنجيات .. قحم قحم
واحنا نعقد لهم ألا مودة
بالسبع لغات .. شرم برم
كومسيه كومساه أن دي ترواه
البيلي بيلي باه الله الله
إشفع إركع حلم كلم
صعفص هات فص
ياشيخ قبقاب
بلا خطابين بلا دياولو
يا الله نشعر ف ابو زيد ودياب
كومسيه كومساه أن دي ترواه
البيلي بيلي باه الله الله
الروابط
Islam Eidrisha
06/06/2011, 12h04
195
لحن العربجية
أوعى يمينك .. أوعى شمالك
الشيخ سيد درويش
أوعى يمينك أوعى شمالك
أوعى الأزمة توقف حالك
أوعى وشك أوعى ضهرك
أوعى فوقك أوعى تحتك
أوعى لجيبك م الحرامية
واوعى لروحك م الحانوتية
أوعى الكوكايين يلحس مخك
أوعي م الموج ألا يطسك
أوعى م الروماتيزم ف رجلك
أوعى الجوزة تطير عقلك
يمينك شمالك أوعى
يا اللي ماشية خطوة خطوة
طالعة فيها عاملة حلوة
غطي إيدك غطي رجلك
غطي وشك غطي صدرك
إوعك تترقصي ف السكة
إوعي تقولي لي ألا فرانكة
إوعي تتغمزي بعنيكي
والناس ملمومين حواليكي
الراجل لو بصبص ليكي
إيه ذنبه دة الحق عليكي
يمينك شمالك أوعى
وردة وردة وردة وردة
يا افندي حودة حودة
يا الله وسع بلاش زحمة
إسمع اسمع مني كلمة
إن كنت صحيح بدك تخدم
مصر ام الدنيا وتتقدم
لا تقول نصراني ولا مسلم
ولا يهودي يا شيخ اتعلم
اللي أوطانهم تجمعهم
عمر الأديان ماتفرقهم
يمينك شمالك أوعى
الروابط
Islam Eidrisha
06/06/2011, 12h51
196
لحن الصعايدة
يا ولد عمي يا بوووي
الشيخ سيد درويش
أسطوانات ميشيان
لحن الصعايدة
الشيخ سيد درويش
يا ولد عمي .. يا بوووي
هات البازابورت ويا الله بنا
يا اسماعيل لا الوجت يفوت
غربة إيه دي مصر أولى بنا
بعدها ما بيحلى لنا الجوت
عهد الله وعهد الأنبيا
ما نقوتهاش ولا بالنبوت
هي السمكة تفوت الميا؟!
ده احنا من غير مصر نموت
يا ولد عمي .. يا بوووي
لفينا لما استكفينا
من جرجة لمالطة لمدراس
والله بركة اللي استعفينا
وخلصنا من وجع الراس
كل بلد أفقر م التانية
وحياة سيدك أبو العباس
لولا انت يا مصري في الدنيا
ما كنا نلاجي ولاد ناس
يا ولد عمي .. يا بوووي
ست سنين فايتين أولادنا
دوجنا الويل في أكل العيش
و ادي احنا راجعين لبلادنا
لو حكمت نلبس في الجيش
بعد ما كان الافرنجي بيرمح باه
والمصري بيزحف بشويش
حبة ف حبة بجينا سجوريا
وصاحبنا لا فيش ولا عليش
يا ولد عمي .. يا بوووي
الله لو كانوا الأغنيا
يتلموا ويمضوا لنا شيكات
والنبي تو ما عجدوا النية
تتفرج ع الفوريكات
وتعيش مصر ف عيشة هنية
دولة وتحكم ممتلكات
ما دام في قلوبهم حنية
ع الفجرا تحل البركات
يا ولد عمي .. يا بوووي
يا ولد عمي .. الحجني يا بوووي
الروابط
Islam Eidrisha
06/06/2011, 13h29
197
لحن الرشايدة
إوعك تصدقي
الشيخ سيد درويش
إوعك تصدقي إنك رايحة تلاقي
رشيدي حبشتقي زي محسوبك
ولو أني تقي ومن ضهر تقي
لكن حبرتقي فللي على ذوقك
ما تقربي عليا يوه اتلم شوية
ما اقدرش يا عنيا ع الحندقة دية
قال المزيكاتي عن لسان الحاتي
في غزل البنات القول الآتي
ما أحلى التلاقي عند من يلاقي
دهن في العتاقي بين الحموات
يا أم حسين جيف مي Give me بوستين
يا قرة عيني سيلفو بليه S'il vous plaît يا بطة
انتي يا قطقوطة أحلى من القوطة
شفتك المظبوطة ياما نفسي في لهطة لييهههط
يا اختي على بطتهم ده انا اموت في قيافتهم
يا حلاوة هيئتهم زي الطبلية
ما هذي اللطافة يا ذات الخفافة
مدعوقة الكنافة جنبك انتي
فيهم إيه يتعيب ده انا جسمي اتسيب
ما يكيفنا طيب يا اختي غير دوله
ضحكة ديليكاتي روحنا سبعة سباتي
أيتها الحموات ما ترقوا شوية
الروابط
د أنس البن
06/06/2011, 15h58
الله يعزك يا سى إسلام
مجهود كبير وتوثيق رائع ومهم جدا
أكثر الله من أمثالك
:emrose:
Islam Eidrisha
07/06/2011, 17h59
:emrose::emrose:
حبيبي وأستاذي دكتور أنس
أعزك الله ودمت لنا سندا وعونا وملهما
فأنت صاحب الشرارة الأولى وعلى دربك سرنا
:emrose::emrose:
Islam Eidrisha
15/06/2011, 18h31
198
لحن بائعة الورد
يا ورد يا فل وياسمين
الآنسة حياة صبري
كلمات : بديع خيري
لحن : الشيخ سيد درويش
يا ورد يا فل وياسمين
الله عليك يا تمر حنة
يا اللي عاوج لي طربوشك
فوق الجبين على سنجة عشرة
ما تحط لك حبة ياسمين
في عروة الجاكتة روخرة
قرب هنا فوت من هنا
خد وردة يا بيه خد فلة يا بيه
خد لك هديه لحبيبتك
م الورد دة زينة الجناين
تخليها تدوب في ريحتك
وتبقى من ضمن الزباين
قرب هنا فوت من هنا
خد وردة يا بيه خد فلة يا بيه
وحياة أبوك لم تكسفني
يا سلام يا ست حياة
ده انا إسمي نرجس
والله ان ما كنت تنفعني
لأقول عليك راجل مفلس
قرب هنا فوت من هنا
خد ورد يا بيه خد فلة يا بيه
الروابط
Islam Eidrisha
15/06/2011, 18h56
199
لحن المنزولجية
أبو عبدة قول لابو حمدة
الشيخ سيد درويش
اسطوانات أوديون
ألحان الشيخ سيد درويش
أبوعبده قول لابوحمدة
ينده كعبورة وحكورة
آدي ملك الجن
اللي له حاجة يحكي له عنها
يقلب له كيان أيمانها
من غير ما يون
بقى ده اسمه أصول محاسيبك دول
يفضلوا على طول من غير منزول
معناها بلا قافية ولا مؤاخذة
إتحفنا بلحسة تكون لذة
إش النبي أحسن حافضينك
سيد العارفين ينصر دينك
ما بيفلقناش ولا يفقعناش
إلا اللي عامل فلوطة
وياخد كوكايين
ماهو ده من ده بس ده منزول
شغل أوروبا أما ده وطني
حتى الدرمغة في الكيف بوريه
هي الأمزجة فيها باشا وبيه
خمرة ميت كوكايين ميت
ويسكي ميت منزول ميت
إختار لك موته وطنية
أحسن م الموتة الأفرنجية
يا حدقة ناكلها بدقة ناكلها ببصلة
أهي لقمة وبس تحشي المصارين
ربنا ما يخليه لنا م الجيب المنزول
اللي يفرقش أيوة الله أمين
وسكي ماوسكيش وحشيش ماحشيش
يا اخي ده مافيش زي دي تناغيش
خربت عمرت طلعت نزلت
كسبت خسرت فتحت قفلت
طظ في أبو مين الدنيا
طول ما انا موزون
وزنة سجوريا
الروابط
Islam Eidrisha
15/06/2011, 19h40
200
على قد الليل
الشيخ سيد درويش
الآنسة حياة صبري
سيد : على قد الليل ما يطول
مسترضي بسهرى ونوحي
في حبك يا اللي من أول
ما اشوفك تترد لي روحي
سنين وايام هايم فيكي
بزمارتي أصحيكي
طول ما انا وانتي في الدنيا دي
أفوت أهلي وأجدادي
أروح على فين وانتي قصادي
حياة : آآآه يا ترى يا ربي ده هو
ولا لأه حبوبي؟
سيد : يا عين الحبوب من جوه
يا سبب وعدي ومكتوبي
يا كتاكيتها
حياة : يا ننوسها
سيد : يا قطاقيطها
حياة : يا حنتوسها
سيد : أنا م النجمة في استنظارك
حياة : آديني نازلة
سيد : أما نهارك أبيض من طبق القشدة
حياة : أوعى يكون حد شايف طيفي
سيد : حطي في قلبك بطيخة صيفي
شفتي بتاكلني أنا في عرضك
خليها تسلم على خدك
حياة : يوه يا دين النبي تنك سايح
ما شبعتش من ليلة امبارح
سيد : ماتفكرنيش أما دي حقة
كانت ليلة في غاية الرقة
حياة : فاكر وانا حاطة إيديا
في بطاطك جبلي الترعة
على غفلة وملت عليه
ما جدرتش أقولك أوعى
سيد : قمت انا بصيت يمين وشمال
ساعة ما لقيت مفيش عزال
طبل طبلي كده كده كده كده
وزمر زمري كده كده كده كده
وشقلي بقلي وعنها ودغري
خدت لي بوسة لكن صنعة
حياة : من يومها عرفت الآخر
إنك مستعبط ساهي
إيش جولة المثل الساير
ياما تحت الساهي دواهي
سيد : آه عليها عيون ما تلتقيهاش
على منادمين بقة كده يا بلاش
حياة : عليه مناخير فشر النبجة
سيد : أما عودها قوام ما تلقى ده انا متبرجل
يا حدقة يا كتاكيتها يا حلاوتها
يا لطافتها يا قطاقيطها
إديني بوسة كمان بوسة
إديني بوسة يا كتكوتة
سيد : شفتي بتاكلني أنا في عرضك
خليها تسلم على خدك
حياة : يوه يا دين النبي تنك سايح
ما شبعتش من ليلة امبارح
سيد : ماتفكرنيش أما دي حقة
كانت ليلة في غاية الرقة
الروابط
Islam Eidrisha
16/06/2011, 12h35
201
لحن بائع السوداني
يا مقلي خالص على الصواني
الشيخ سيد درويش
الآنسة حياة صبري
سيد : يا مقلي خالص على الصواني
يا لوز بلادنا يا فول يا سوداني
الأفندية : الحمد لله اللي هادينا
لقينا في سكتنا تسالي
قرب يا مرقص وانتي يا أمينة
آدي بتاع الفول أهو قبالي
حياة : خد يا جدع يا بتاع الفول
بتبيع بكام تعى قرب قول
وريني فولة م اللي معاك
إخلص بس الناس شايفاك
سيد : اللي يعرف ابويا يقول له
تمللي المصري الناس باصين له
ده انا مش باسرق راح اخاف ليه
معايا سوداني وخدنا عليه
الأفندية : واحنا كمان واخدين على فولك
بحق اسمه من غير قطع قولك
اشمعنى هي يعني ترد عليها
علشان نتايه اسم النبي حولك
سيد : لا مؤاخذه حاكم العادة الجارية
الست قبله نشوف طلباتها
سوى تكون بيضة أو جارية
أهو الغرض نقضي واجباتها
حياة : برضه كلام بتقوله معقول
ده انت خسارة في بيعك الفول
قول لي بكام بتبيع الكيلة
والله باين لك صاحب عيلة
سيد : صاحب عيله وصاحب ذمة
معايا سوداني تحبه الأمة
مش بيقولوا إحنا بلادي فول
وأنا أكرم لي أبيع الفول
الأفندية : كده الحداقه براوة على دينك
ما دام بتشقى بعرق جبينك
خلص بقى للست البيعة
وشوفنا زي احنا ما شايفينك
سيد : أجيب بكام ولا انتي نسيتي
قوام يا ستي ألا ورايا بيتي
أنا خايف لتكوني نادهه لي
ونسيتي يا مصريه سوداني
الأفندية : لا ارجع اوعى تقول كدة تاني
بذمتي وديني وأيماني
مهما العوازل قالوا أو عادوا
عمر ابن مصر ما ينساك
أبدا أبدا يا سـوداني
مدد
الروابط
Islam Eidrisha
19/06/2011, 14h08
202
مصطفاكي بزياداكي
الشيخ سيد درويش
النهاردة بكرة بعده
إخنا يمسك أناضول
كدابين .. كدابين
مصطفاكي بزياداكي
زنقة رومي خانقه فوس
جوناريس تحت البواكي
ويا سجان الديوس
هربانين .. هربانين
في أتينا ما فيش دراخمة
عسكرية في هلاك
بس شاطرين ياكلوا لخمة
من كماليدس يخاف
معذورين .. معذورين
كسبتو كاني سبتو ماني
شوف مانولي مافيهشي حيل
كلموه باردون يوناني
خش إمسك دردنيل
كدابين .. كدابين
أنقرة عنده فرنسا
عنده طليان بلشفيك
إخنا فين يا إكسولانسا
جنب دول مسكين جريك
كسبتو مين
جينا يعمل جيش هجومي
أبيوناكي قرة حصار
أكسو .. سكتر برة .. إمشي رومي
تركي دول ناس في انتصار
مشهورين
الروابط
Islam Eidrisha
19/06/2011, 14h35
203
ده بأف مين اللي يألس؟
الست حياة صبري
الشيخ سيد درويش
ده بأف مين اللي يألس
على بنت مصر بأنهي وش
النبي يجري يتليس
ما طلع كلامه طز فش
النه النه .. هي هي هي
شغل البكش ده على أختي
مابقاش ينفعنا دلوقتي
المصرية كتر خيرها
في التربية سبقت غيرها
يا سيدي إنت
البنت تفضل محبوسة
قال جوة بيتها يكون أظبط
و اللي يقولوا عليه موسى
يمكن يكون فرعون وازرط
العفو العفو يا سلام
يا سلام يا اخوانا دي العبرة
ماهيش بجوة ولا برة
عمر الحرة ما تبقى عرة
وعمر العرة ما تبقى حرة
ياسيدي إنت
باردون يا افندي بالذمة
إيه بس عيب المصرية؟
الدنيا ضاقت بيك لما
ما تخدش غير افرنجية
إفهم و اعقل يا اهبل
يا اهبل ليه غيرنا يفرقنا؟
ما تخلي زيتنا في دقيقنا
المصرية تبيض وشك
الافرنجية عينها ف قرشك
ياسيدي إنت
هالله هالله يا ست حياة
اللي ما تكتبش وتقرى
الدجالين قالعين عينها
وتو ما تقع البقرة
مالحق ما تكتر سكاكينها
إخيه إخيه إخيه
تفوا ع الجهل ميت تفة
يا الله نكسر وراه شقفة
من تعليمنا أهلنا خايفة
واقعين ليه من قعر القفة
يا سيدي إنت
خليها دي حلقة ف ودنك
من قبل ما تقروا الفاتحة
أول كلام تقوليه لابنك
وطنك ما فيش زيه دحة
م النيل أمبوه حبوه
حبه يا نونو كده أكتر
من بابا وماما والسكر
منه التسه ومنه الممة
واوعك تنسى فرض الأمة
يا جدع انت
الروابط
Islam Eidrisha
19/06/2011, 14h53
204
يا حلاوة دي الصباحية (***)
الست رتيبة أحمد
الست عزيزة حلمي
اسطوانات من غير خشخشة
الست رتيبة أحمد
والست عزيزة حلمي
رتيبة : يا حلاوة دي الصباحية
والفسحة في البدرية
أنا عايزة اتمشى شوية
يا حلاوتي اسم الله عليا
بطة وألعب في المية
يا سلم لم لم يا عنيا
فتاح يا عليم يا رزاق يا كريم
مية من فوق نازلة بترش
مين المغفل ده الأعمى
اللي فتح على راسي الدش
عزيزة : معلهشي يا اختي ده الخدام
غلطان ومن فضلك سامحيه
خدام ده إيه يوه جتك لهوة!
وان كان مغفل ليه تقنيه؟
رتيبة : هو انا وسخة يا ام احمد؟!
لما انتي جاية تحميني :mdr:
بتدلقوا قرفكم من فوق
لما كده غرقتوني
عزيزة : يا ستي ده الحق عليا
دي والنبي دي مية نضيفة
رتيبة : نضيفة ايه يو يا دي الداهية
ما تحدفي لي كمان ليفة!! :mdr:
عزيزة : يالله بقى روحي لحالك
يا ولية انتي ولمي لسانك
رتيبة : ليه هو انا لسان امبابة
يا الده العدي حصوة في عينك
عزيزة : باين عليكي مرة شلقة
هتغجري لي في الحارة
رتيبة : شلقة ده إيه أيوة شلقة
ولازم اعمل لك غارة
يا فعيص النقارية
عزيزة : ما تسكتي بقى يا ولية
رتيبة: والله ما اسكت ولا اخلي
لازم أزفك ع البهلي
يا مدخششة يا مكرمشة
يا مدغششة يا مخربشة
يا مرة يا سقيلة يا سافانا
وجوزك قرعة وابو زنة
يا معورة يا منقرة
يا مشحبرة يا مكعورة
يا مخبلة يا مبهدلة
يا مهلهلة يا مهرولة
عزيزة : خيبتي وانتي بتردحي
ما تزقي عجلك روحي
رتيبة : لو تنزلي والله ل ارنك
واخلي ضهرك على بطنك
يا معصعصة يا مرصرصة
يا مقرفصة يا محمصة
عزيزة : يا ولية روحي بلاش علة
ل ادلق عليكي كمان قلة
رتيبة : يا دهوتىىى
الشاويش : جرى إيه يا ولية
ليه عاملة مظاهرة؟
رتيبة : يا شاويش الدورية
دي مصيبة حارة
الهانم ضربتني
من الشباك رقعتني
بكفوفها وزغدتني
وشدتني وعضتني
الشاويش : طيب مانا شايفك من بدري
والهانم قاعدة في رابع جات
إزاي هترقع في صداغك
هي طول إيدها عشر جصبات :mdr:
يا الله يا ولية ع الكراكون
لما افتح لك محضر ع الريق
رتيبة : محضر ده إيه روح اتنيل
ل افتح راسك زي الأبرق
يا شاويش ما تغيظنيش
أنا ما اديش ولا بقشيش
في التهويش ما تقوليش
يا ابو الريش ان شا الله تعيش
ده الكراكون احسن من بيتنا :mdr:
والمأمور جارنا في الحارة
يا هانم أنا رايحة وجاية
واحط لك ع القسم خسارة
يا مدغششة يا مكرمشة
بعد العشا يحلى الخناق والتفتشة
الروابط
*** فاصل من فن الردح البلدي الذي - ولله الفضل والمنة - قد أوشك على الإنقراض
Islam Eidrisha
21/06/2011, 14h01
205
فتان يا ورد الربيع
الشيخ مرسي الحريري
فتان يا ورد الربيع
والطير لحسنك شدى
بتميل بمنظر بديع
نشوان بقطر الندى
فتان يا ورد نشوان يا ورد
يا ورد الربيع
رويان بعطر الصباح
تبهي وشكلك عجب
والشمس فاردة الجناح
تبعت شعاعها دهب
يا ورد فيك جنتي
بنسى معاك شكوتي
حوزت الجمال يا ورد
والكل قال يا ورد
فتان يا ورد نشوان يا ورد
يا ورد الربيع
ما احلاك يا زينة الرياض
والحسن ليك استحى
أبيض وزاهي البياض
ملفوف بشمس الضحى
بخاف عليك م القدر
ليقطفوك م الشجر
صحبة في عود يا ورد
زاينة الوجود يا ورد
فتان يا ورد نشوان يا ورد
يا ورد الربيع
تسعد قلوب في الغرام
هايمة وضناها الهوى
حتى اللي قلبه فيه آلام
يلقى ف عبيرك دوا
تضحك تميل تأسره
منظر بهاك يسحره
تسبي العيون يا ورد
فوق الغصون يا ورد
فتان يا ورد نشوان يا ورد
يا ورد الربيع
الروابط
الشيخ مرسي الحريري (http://www.sama3y.net/forum/showpost.php?p=532726&postcount=25)
Islam Eidrisha
27/06/2011, 12h29
206
ما بين الشط والمية
الشيخ مرسي الحريري
ما بين الشط والمية
حبيب القلب ناداني
وقال لي بشوق وحنية
ح يرجع للهوى تاني
ما بين الشط والمية
لقيت الدنيا في وجوده
بقت أحلام
وشوفت الورد فوق عوده
جميل بسام
وعدني ووفى بوعوده
ونلت مرام
رأيت الخطوة في قدومه
نسيت الفكر وهمومه
وبانت فرحة ف عنيا
ساعتها لما ناداني
وقال لي بشوق وحنية
ح يرجع للهوى تاني
ما بين الشط والمية
أناجي الموج واغني له
وفرحي يزيد
وشوفت الموج بيهدي له
سلام الجيد
وقلت ياريت أعدي له
بعهد سعيد
وخفت الوقت يسرقنا
وبحر الشوق يفرقنا
سهيت والفكر فاض بيا
ودمعي احتار في أجفاني
وقال لي بشوق وحنية
ح يرجع للهوى تاني
ما بين الشط والمية
الروابط
مرسي الحريري (http://www.sama3y.net/forum/showpost.php?p=411731&postcount=14)
Islam Eidrisha
27/06/2011, 12h39
207
أنا وانت هنا
الست بديعة صادق
أنا وانت هنا والحب هنا
والجو جميل والدنيا هنا
أنا وانت
يا نعيم القلب ان كان له نصيب
وارتاح في هواه وبقى له حبيب
ح يقول بعنيه أنا وانت هنا
ويرد عليه أنا وانت هنا
والعين في العين دي النظرة تصيب
تسعد قلبين والحب طبيب
وأمل مالناش عن حبه غنى
أنا وانت
دنيا الأحباب من غير مواعيد
تجمع وتهني قريب وبعيد
ده يقول في هناه أنا وانت هنا
وده يحكي معاه أنا وانت هنا
واليوم ورا يوم ح يمر سعيد
والحب بنور والحب يزيد
واللحظة ف عمر الحب سنة
أنا وانت
الروابط
Islam Eidrisha
27/06/2011, 12h51
208
صدق اللي قال يا خال
الست بديعة صادق
صدق اللي قال يا خال خلي التوكال رسمال
تسعد وتتهنى
واقصد كريم حلال تتعدل الأحوال
والكون يصير جنة
قالوا منين ما تروح باب السما مفتوح
نادي وقول يا كريم
راح تلقى كل عسير بيقولوا يبقى يسير
بفضل رب رحيم
ومهما صبرك طال ح تحقق الآمال
وتنول ما تتمنى
الخالق الرزاق مقسم الأرزاق
على عباد الله
ولكل حي نصيب مكتوب في علم الغيب
والعلم عند الله
والسعد مش بالمال لكن براحة البال
تلقى الحياة جنة
الروابط
Islam Eidrisha
27/06/2011, 14h25
209
مشتاق يا حبيبي
الست بديعة صادق
مشتاق يا حبيبي كتير
مشتاق وحشاني عينيك
لو ليا جناح بيطير
كنت آجي واطير حواليك
مشتاق يا حبيبي
النسمة تمر عليا أبعت وياها سلام
أشواق مع ألف تحية أكتبها قبل ما انام
واستنى ترد يا روحي تبعت وتقول سلامات
ده جوابك دوا لجروحي ما كفايا عليا آهات
مشتاق يا حبيبي
وليالي ويا ليالي سهرانة أفكر فيك
والشوق دل لخيالي من ذكرى جمال لياليك
إبعت لي جواب طمني بكلمة ترد الروح
ده بعادك غصبا عني مشتاق يا حبيب الروح
مشتاق يا حبيبي
الروابط
Islam Eidrisha
27/06/2011, 14h40
210
من شوقي
الست بديعة صادق
من شوقي من الحيرة من الآهات
رضيت أشرح أنا للناس
غنوة حب بكل احساس
أغنيها أرددها أأكدها انا للناس
من شوقي
قضيت اسنين أنا والشوق
في نشوة ابطريق الحب
يسلينا يمشينا أمل غنوة
نرددها ولا نسمع كلام الناس
من شوقي
غنوة عاشت بقلبي وطول الليل أناجيها
وعن الحساد أخفيها
أخاف الواشي يوشيها
واخيرا أصبحت أوهام
من شوقي
الروابط
Islam Eidrisha
27/06/2011, 18h11
211
من غرامي مش هتسلم
الست بديعة صادق
من غرامي مش هتسلم
وبودادي أوعى تحلم
يا اللي ضيعت الأماني
مش ح اطاوع قلبي تاني
كنت أبني وانت تهدم
بكرة تندم على اللي فات
تقضي عمرك في الآهات
الندم ما يجيبش فايدة
غير دموع الذكريات
كنت أبني وانت تهدم
ياما بكرة تزيد دموعك
بكرة تندم ع اللي كان
افتكر حبي وغرورك
ياما ح تشوف م الزمان
كنت أبني وانت تهدم
فين عهودك ليا قول لي
فين كلامك اللي فات
شمعة الحب اللي قايدة
إنطفت والحب مات
كنت أبني وانت تهدم
الروابط
Islam Eidrisha
27/06/2011, 18h21
212
بعده وحشني
الست بديعة صادق
بعده وحشني وليه نسيني ما اعرفش ليه
ليه راح وسابني وخلى قلبي يسأل عليه
فين حبنا وفين دمعنا وليه ده كله يجرى ليه؟
طال هجره ليا والدمع يجري ف عينيا مشتاق إليه
أنا ذنبي إني حبيت شبابه من صغر سني وانا ذنبي إيه؟
فين حبنا وفين دمعنا وليه ده كله يجرى ليه؟
ده كل أملي إني أشوفه واسمع كلامه واحكي إليه
واقول له كلمة إني بحبه وقلبي دايما مشتاق إليه
وفين حبنا وفين دمعنا وليه ده كله يجرى ليه؟
الروابط
Islam Eidrisha
27/06/2011, 18h30
213
هداني مرة
الست بديعة صادق
هداني مرة منديل وطرحة
وكان لقانا عتاب وفرحة
سألت روحي عن سر حبي
لقيت جوابها منقوش بقلبي
حبيبي مالي عينيا حسنه
ده ورد غالي بيحلي غصنه
ده جنب بيتنا بلاقي بيته
يا ريت حبيبي يفوت ياريته
حبيبي نجمة في ليل حياتي
أعيش عليها واقول ليلاتي
بنظرة منه تطيب جروحي
وكلمة حلوة بترد روحي
الروابط
Powered by vBulletin Version 3.8.4
Copyright ©2000 - 2024, Jelsoft Enterprises Ltd