« سـيرة إبن عـبداللاه »

[على عبداللاه]

† سيرة إبن عبداللاه †




http://boything.jeeran.com/cloud-illustration.jpg







بكلمها


بغازل فيها أيامها


وبشرح ليها 100 عِله


بفهمها


فسرقتنى لأحلامها


وحطتنى فـ زمن ولىٌ



وصرختلى


قالتلى بصوت ملازمها


إخطفنى يابن عبداللاه


ما تخطفنى يابن عبداللاه


..


أنا لقيتنى


شايل سيفى ومعاى الرمح


دى قصدتنى


فأنا فـ حرب وصراع للصبح


دى حبيتنى


فعلشانها يهون الجرح


وإذا جتنى


يجينى معاها كل الفرح


..


ولا هاممنى


وشايفنى حاربت الزيف


وأيه يعنى


ما يظهرلى بقه الغضريف


وأنا ألاعبه


وأوريله إنى واد حريف


وأجيب أجله


على إيدى بحد السيف


..


لقيت نفسى


بحارب ناس من الأساطير


وأقتلهم


فيطلعلى راجل شرير


تحاربنى


معاه ارواح كتير مـ الطير


وأقاتلهم


بقوس وسلاح ملان مسامير


..


وعلشانها


حاربت وحوش


وجمعت الجِمال الحُمر


فدى عيونها


أسرت جيوش


من هنا لميت غمر


وولعت الطريق كله


بولاعتى


صبح كالجَمر


وبندهلك


والف وشوش


وفينك يا حبيبة العُمر


..


كما شايفنى


بحارب لجلها التنين


يصادفنى


وأنا قادر أشقه إتنين


ويوصفني


محارب صح درعي متين


دى قالتلى


كلام ما يروحش مـ الودنين


تعا إخطفنى


هيحصل بس أجيلك فين ؟!


..


لقيت ضحكه


بتتناغم تصحينى


وأنا فـ ربكه


قالتلى إصحى يا نور عينى


وباستنى


باستنى الصبح تراضينى


روح شغلك


ما تتأخرش وتجينى


صباح الخير



صباح الخير

...



وتوته توته

أيه رأيكم

ياترى أحكيلها الحدوته ؟

ياترى أقولها على الحلم ؟

يعنى ده بيعبر عن الحب

ولا علشان حلم

هيعبر عن الضعف

وإنى مش قادر أعمل ده فى الحقيقه

ولا قادر أحارب علشانها

خالص تحياتى

رجل لا يمتلك أى شئ

المنصوره فى 24 / 12 /2010

[ليلى ابو مدين]

شاعرنا الملهم
الأستاذ/علي عبد اللاه
يااااااااااااااه يا أستاذ علي سيرتك {سيرة ابن عبد اللاه }ما أجملها من سيرة ,لخصت فيها قصة عشق لانهائية....حُلم كل إنسان يتمنى أن يكون العاشق الشجاع ,والفارس المغوار في نظر معشوقته, الذي يمتشق سيفه دفاعاً عنها,
ولكن أنا عاتبة عليك...يا شاعرنا...قالت لك إخطفني .. فلماذا تقاعست عن ذلك ..كنت إخطفها حتى ولو في الحُلم.
وأيضاً ولعت الطريق كله بولاعة أكيد هذه سوبر ولاعة
هههههه ,
الله الله عليك يا شاعرنا تشبيهاتك جميلة ومعبرة وبليغة للغاية
والله على خيال الشاعر الهمام لما يعبر عن حبه بكلام ولا في الأحلام......كلام ولا أروع يهيم بالروح ويسمو بها الى عالم رحيب وفضاء واسع من الخيال والمتعة والجمال.
أكيد التعبير عن الحب ليس به ضعف وخصوصاً إذا كان بكلام جميل منظوم كقصيدتك يا شاعرنا الرومانسي جداً,
وأعتقد أن توقيعك....رجل لا يمتلك أي شيء....فيه كثير من التجني,فأنت تمتلك أهم شيء وهو إحساسك المرهف ومشاعرك الفياضة, وقلمك ,,والقلم أحياناً يكون أحد من السيف أو أرق من النسمة....فأنت تستطيع به أن تبني لنا صروح وقصور وتنقلنا بها من مكان الى مكان ,ومن زمان الى زمان آخر وتستطيع أن تهدم هذه الصروح في طرفة عين وإنتباهتها.
فقلمك هو سيفك وأنت الفارس المغوار في ميدان الشعر.
إذاً إعتقادي الجازم أنك رجل تمتلك كل شيء.
خالص تحياتي واحتراماتي
ليلى ابو مدين

[NAHID 76]

بسم الله الرحمن الرحيم
الفاضل ابن عبد اللاه
مرحبا بفارسنا المغوار حتى ولو فى الأحلام
فالفارس دائما شيئ جميل ومرتبط دائما بالأساطير وجميل منك كل ما كتبت حتى لو كان حلم
الست ليلى عبرت عن ما يمكن أن يقال وبنترك بعد كده المجال للأكثر منا معرفه بأمور البيان من مفاهيم الشعر وأصوله
نشكرك على أحساسك الرائع وتفاعلك المستمر مع قسمنا الجميل
على فكره عندنا هنا فى الجماليه دقهليه أسرة عبد اللا وأنت من المنصوره هل هناك صله
تحياتى

[على عبداللاه]

شاعرنا الملهم

الأستاذ/علي عبد اللاه
يااااااااااااااه يا أستاذ علي سيرتك {سيرة ابن عبد اللاه }ما أجملها من سيرة ,لخصت فيها قصة عشق لانهائية....حُلم كل إنسان يتمنى أن يكون العاشق الشجاع ,والفارس المغوار في نظر معشوقته, الذي يمتشق سيفه دفاعاً عنها,
ولكن أنا عاتبة عليك...يا شاعرنا...قالت لك إخطفني .. فلماذا تقاعست عن ذلك ..كنت إخطفها حتى ولو في الحُلم.
وأيضاً ولعت الطريق كله بولاعة أكيد هذه سوبر ولاعة
هههههه ,
الله الله عليك يا شاعرنا تشبيهاتك جميلة ومعبرة وبليغة للغاية
والله على خيال الشاعر الهمام لما يعبر عن حبه بكلام ولا في الأحلام......كلام ولا أروع يهيم بالروح ويسمو بها الى عالم رحيب وفضاء واسع من الخيال والمتعة والجمال.
أكيد التعبير عن الحب ليس به ضعف وخصوصاً إذا كان بكلام جميل منظوم كقصيدتك يا شاعرنا الرومانسي جداً,
وأعتقد أن توقيعك....رجل لا يمتلك أي شيء....فيه كثير من التجني,فأنت تمتلك أهم شيء وهو إحساسك المرهف ومشاعرك الفياضة, وقلمك ,,والقلم أحياناً يكون أحد من السيف أو أرق من النسمة....فأنت تستطيع به أن تبني لنا صروح وقصور وتنقلنا بها من مكان الى مكان ,ومن زمان الى زمان آخر وتستطيع أن تهدم هذه الصروح في طرفة عين وإنتباهتها.
فقلمك هو سيفك وأنت الفارس المغوار في ميدان الشعر.
إذاً إعتقادي الجازم أنك رجل تمتلك كل شيء.
خالص تحياتي واحتراماتي

ليلى ابو مدين



أستاذه / ليلى أبو مدين
فى البدايه أسف على التأخر فى الرد لظروف النت وغصب عنى حقيقى التأخير ده وحقيقى ممتن جدا من رد حضرتك اللى أسعدنى سعاده لا توصف
وأنا بالفعل كان نفسى أخطفها لكن مكنتش اعرف هى فين علشان كده ولعت البلد كلها وانا بحارب علشانها وعلشان كده ولاعتى كانت سوبر
وصدقينى حضرتك تعبيرك إن التعبير عن الحب قوه مش ضعف هو تعبير كنت أتمنى سماعه من حد فى ثقافتك أهو على الأقل ألاقى حد يشاركنى الرأى ده
تعبير حضرتك عنى إنى شاعر رومانسى جدا بصراحه أسرنى مش لاقى رد يليق بحضرتك أرد بيه على الجمال اللى وصفتينى حضرتك بيه
وفى النهايه يا سيدتى أنا بالفعل رجل لا يمتلك أى شئ ولازلت على هذا المسمى وهو ليس تجنيا هى حقيقه بالفعل
خالص شكرى لما خطه قلمك
وخالص تحياتى لشخصكم الكريم

[على عبداللاه]

بسم الله الرحمن الرحيم
الفاضل ابن عبد اللاه
مرحبا بفارسنا المغوار حتى ولو فى الأحلام
فالفارس دائما شيئ جميل ومرتبط دائما بالأساطير وجميل منك كل ما كتبت حتى لو كان حلم
الست ليلى عبرت عن ما يمكن أن يقال وبنترك بعد كده المجال للأكثر منا معرفه بأمور البيان من مفاهيم الشعر وأصوله
نشكرك على أحساسك الرائع وتفاعلك المستمر مع قسمنا الجميل
على فكره عندنا هنا فى الجماليه دقهليه أسرة عبد اللا وأنت من المنصوره هل هناك صله
تحياتى

السيده الفاضله / NAHID 76
فعلا هناك رابطه بينى وبينهم
ولكنها بعيده نسبيا
ولكنهم من نفس الجنس (( عبداللاه )) الذى أنتمى إليه
أسعدنى مرور حضرتك جدا
وأنا اللى أشكر حضرتك
ونفسى جدا أطمن على الدكتور أنس