ودَّعت خوفى [الأرشيف] - منتدى سماعي للطرب العربي الأصيل

مشاهدة النسخة كاملة : ودَّعت خوفى

Tarek Elemary

09/11/2010, 09h14

ماعادش هواكى شئ يِمكِنى كِتمانُه

يا فرحة عمر عاش بِيدَارى أحزانُه

و بعد اليأس من ضِحْكة

و بَعد ما طالت السِكة

على شطك رجع قلبى لأوطانه

و لا عُمْرُه حِلِمْ يرجع

و لا كان يوم فى حُسْبِانه

و بعد الزيف و نار غِشه

و بعد الطير ما لَقَى عِشه

و داب من مُرْ هِجرَانه

و بعد ما حس بالفرحة

غيطان طارحة

مايقدر يوم يدارى الشوق

شواهده برضه بيبانو
***

ماعادش هواكى يتدارى

ما عادش هواكى شئ يِمْكِنى نُكرانه

لما بتشوفك عيونى

بتُحضُنِك تِقْفِل رِمُوشْها

خايفة عنِك يبعدونى

خايفة أى شئ يحوشها

يفضل الطيف كحل عينى

و أنت مالى عنيكى خوفها

مِ الهوى لما يشوفونى

ولا لما الناس تشوفها

بس أنا ودَّعت خوفى

حتى بصى حتى شوفى

قلبى بيدق بغرامك

صوتى بيردد كلامك

و إنتِ لسة عيونك الحلوة

بتهرب من كُسوفها

مستحيل هاتدارى حُبك

مستحيل الكلمة تهرب من حُرُوفها

و النهار أيه لو هِرب من صافى نُورُه

و الكتاب من غير سُطوره

يبقى عمرى بدون هواكِ

زى زهر بدون عطوره

زى كلمة بدون حروفها

و إنتِ لسة عيونك الحلوة

بتهرب من كسوفها

Tarek Elemary

13/11/2010, 08h14

الفراق مكتوب علينا و السفر دا بختِنا

مهما هاتدمع عنينا أو نِعَذِّب نَفسِنا

إحنا و الأشواق صحاب ... و العذاب

كفاية مش هايفيد عِتاب الفُراق دا بختنا

يا حبيبتى إنتِ روحى و إنتِ سرى و إنتِ بوحى

و الزمن ما ينسِّينيش أبداً جروحى

و إنتِ طول بُعدِك هِنا

الزمن بيزيدنى شوق ... حُب يجرى فى العروق

و الهوى عيِّشنى حلم و طار لفوق

و الفراق مكتوب علينا ... بس دا مِش ذَنبِنا

و مهما طال بينا البعاد ضحكتك عايشة ف خيالى

برضه هايزيد الوداد مهما هاتطول الليالى

زى ما فُراقنا قَدَر برضه أشواقنا قَدَر

قُولى مين قَبْلِى و قَبْلِك مرة ع المكتوب قِدِرْ

القدر مكتوب علينا و السفر دا بختنا

الخريف زى السفر ...

تدبل الأوراق و تسقط م الشجر ... والربيع هو اللقا

الربيع راح ييجى تانى بعدما يفوت الخطر

و الهوى يجدد شبابه و المطر

يغسل الأغصان و تخضَّرْ الفروع

و تحتها يحلى السهر

لما نتقابل و نبقى لبعضنا

عفاف سليمان

14/11/2010, 03h02

http://iraqnaa.com/ico/image2/f/n/0050.gif

اخى الكريم الشاعر الرقيق
(((الاستاذ طارق )))
اسمح لى اولا ان اهنئك على هذه الكلمات الجميله
وهذا ليس بجديد عليك
ولكن ايضا اسمح لى ببعض الملاحظات
هى مش ملاحظات هى اقتراح
كنت اتمنى ان تكون الاخيره هى الاولى
اى
الفراق مكتوب علينا و السفر دا بختِنا

مهما هاتدمع عنينا أو نِعَذِّب نَفسِنا

إحنا و الأشواق صحاب ... و العذاب

كفاية مش هايفيد عِتاب الفُراق دا بختنا
وكان بعد كده تأتى هذه الكلمات بعد تكملة الاولى طبعا الى الاخر
كان يبقى
ماعادش هواكى شئ يِمكِنى كِتمانُه

يا فرحة عمر عاش بِيدَارى أحزانُه

و بعد اليأس من ضِحْكة

و بَعد ما طالت السِكة

على شطك رجع قلبى لأوطانه

يعنى دى بس مجرد وجهة نظرىhttp://iraqnaa.com/ico/image2/274.gif
انها بعد ما سافرت ....عادت اليك وعاد معها الطير لعشه والعصفور على غصنه يغنى ويغرد
وتفتحت الزهور ونثرت عبيرها على قلوبكم
وعاد الربيع وعاد ت الحياه بعد ما جفت منها ينابيع الحب والشوق والحرمان
استاذى
ارجوا الا تضايق من اقتراحىhttp://iraqnaa.com/ico/image2/191.gif
فانا اعلم ان ما كتبت اولا
هو ما جاء على خاطرك ورفعته هنا
والتالى جاء بعده
((السفر والفراق والقدر ))http://iraqnaa.com/ico/image/p006.gif
ارق تحياتى
اختك عفاف

Tarek Elemary

14/11/2010, 09h32

اخى الكريم الشاعر الرقيق
(((الاستاذ طارق )))
اسمح لى اولا ان اهنئك على هذه الكلمات الجميله
وهذا ليس بجديد عليك
ولكن ايضا اسمح لى ببعض الملاحظات
هى مش ملاحظات هى اقتراح
كنت اتمنى ان تكون الاخيره هى الاولى
اى
الفراق مكتوب علينا و السفر دا بختِنا

مهما هاتدمع عنينا أو نِعَذِّب نَفسِنا

إحنا و الأشواق صحاب ... و العذاب

كفاية مش هايفيد عِتاب الفُراق دا بختنا
وكان بعد كده تأتى هذه الكلمات بعد تكملة الاولى طبعا الى الاخر
كان يبقى
ماعادش هواكى شئ يِمكِنى كِتمانُه

يا فرحة عمر عاش بِيدَارى أحزانُه

و بعد اليأس من ضِحْكة

و بَعد ما طالت السِكة

على شطك رجع قلبى لأوطانه

يعنى دى بس مجرد وجهة نظرى
انها بعد ما سافرت ....عادت اليك وعاد معها الطير لعشه والعصفور على غصنه يغنى ويغرد
وتفتحت الزهور ونثرت عبيرها على قلوبكم
وعاد الربيع وعاد ت الحياه بعد ما جفت منها ينابيع الحب والشوق والحرمان
استاذى
ارجوا الا تضايق من اقتراحى
فانا اعلم ان ما كتبت اولا
هو ما جاء على خاطرك ورفعته هنا
والتالى جاء بعده
((السفر والفراق والقدر ))
ارق تحياتى

اختك عفاف

ست عفاف ...... يا ست عفاف .............. ممكن لحظة ............ بس خلينى أعرف أتكلم
العمل الول ليس له علاقة بالثانى خالص ...... خلاص .... دى حالة و دى حالة ثانية خالص و ليس هناك ترتيب أو تعقيب ...........ده أولاً
ثانيا يا ست الستات ........ مين قال إنى هازعل .... والله خالص
تعلمت من عمالقة الفن القدامى أن العمل أياً ما كان يكون ملك صاحبه حتى يخرج للعلن (النشر) فيصير ملك المتلقى (الناس) يفسرونه و يرونه كما يحلو لهم ............... و لهذا قيل المعنى فى بطن الشاعر أى المعنى الذى يخص الشاعر و يبقى لكل قارئ و متلقى تفسيراته و تذوقه وفق حالته و ثقافته و وجدانه

عفاف سليمان

15/11/2010, 04h07

ست عفاف ...... يا ست عفاف .............. ممكن لحظة ............ بس خلينى أعرف أتكلم

العمل الول ليس له علاقة بالثانى خالص ...... خلاص .... دى حالة و دى حالة ثانية خالص و ليس هناك ترتيب أو تعقيب ...........ده أولاً
ثانيا يا ست الستات ........ مين قال إنى هازعل .... والله خالص

تعلمت من عمالقة الفن القدامى أن العمل أياً ما كان يكون ملك صاحبه حتى يخرج للعلن (النشر) فيصير ملك المتلقى (الناس) يفسرونه و يرونه كما يحلو لهم ............... و لهذا قيل المعنى فى بطن الشاعر أى المعنى الذى يخص الشاعر و يبقى لكل قارئ و متلقى تفسيراته و تذوقه وفق حالته و ثقافته و وجدانه

استاذى الشاعر الرقيق
:emrose:الاستاذ طارق
http://smiles.al-wed.com/smiles/13/i143852668_58049.gif
اولا
اود ان اشكرك
لتفهمك قصدى من وجهة نظرى
الان فهمت وعلمت ان لكل واحده منهن
حاله خاصه كما اوضحت
وفعلا الحقيقه تكمن فى بطن الشاعر
هو الذى يعرف لوحده ما المقصد من هذه الكلمات
ولمن كتبت ولاى مناسبه
واذكر الشاعر

مجدى النجار
فى اغنية
ميتحكيش عليها
http://smiles.al-wed.com/smiles/13/i143852668_58049.gif
زى الملايكه اما تشوفها وردايه تحلم تقطفها
وطبعا اللى يسمعها يظن انها لحبيبه
ولكن كان الشاعر وقت كتابتها كتبها لابنته
المولوده الجديده وهى وجهها برىء
مثل الملائكه
وايضا اغنيه وطنيه الكل ظن انها
اغنيه لمحبوبه
يعنى كما قلت حضرتك ان
الحقيقه تكمن
فى بطن الشاعر
http://smiles.al-wed.com/smiles/65/f4.gifتحياتى لك استاذى
والى المزيد من التألق
اختك عفاف

سعدالشرقاوى

17/11/2010, 16h41

الاخ الشاعر المحترم
الاستاذ/طارق العمرى
نصان فى غاية الروعة
ولاشك انها حالتان مختلفتان
وكلاهما ابداع
ولا املك الا ان اقول لكم
دمتم ودامت ابداعاتكم
وكل عام وانتم بخير

Tarek Elemary

21/11/2010, 11h15

يطول بُعدَك ... يا طول صَبرى
و من حُبَك ... أعِد الثانية من عُمرى
و شوقى لما يِغلِبنى ... عليك أجرى
و ألاقى سلوتى فى قربك ... و سحر عنيك
ولا باعرف ف يوم نسيان ... ولا نُكران
و لو طال الغياب مسافات
أقول مَرَّة .... و أصَبَّر نَفْسى بالجايات
و لَهَفى عليك
يخلينى عليك أجرى
***
يا قسوة قلبك الناسى ...
بيسقينى مرار كاسى ...
و لا باخْطُر على بالك
بكلمة ف لوعتى تواسى
و هُنت عليك
و بحر هواك بلا شطآن
و لا مرَاسى
و موجه العاتى كان قاسى
نَدَهْت عليك
و لا سْمِعت النِدا منى
و لا لبيت ... و هُنت عليك
و أيه يعنى ...
غريق من جملة العشاق
و كان باين عليه مشتاق
و سبته يكابد الأشواق
يا قسوة قلبك القاسى
و هُنت عليك
و بعد دا كله مش باملك
سوى الغفران ...
م أنا قلبى زرعته حنان
***

يا خوفى عليك
ماهى الدنيا كدة دايرة
و كورة بين إيدين حايرة
دا يُحضنها و دا يحدِفها
و يرميها بقسوة لفوق
و ياما كتير تبات داين
و تصبح ف الهوى مديون
و بتعدى ... و كله يهون
سوى الظالم قلوب الناس
أو اللى يخون
مصيره ف يوم يبات محروق
بنار ياما حرق بيها
قلوب تانيين
و فاتهم ف الهوى تايهين
صحيح مساكين
***
مصيرك يوم
تقاسى لوعتى مرة
و تشعر بالحياة مُرة
و تتقلب ف ليل الشوق
و تشرب م الهوى و تدوق
ماهى دنيا و مش بتدوم
و لا تفضل بحالها يوم
و آه من قسوة اللوعة
و آه من آهة المظلوم
و هايصادف ف عُمرك يوم
ولما تحس نبض الحب ف عروقك
و ليل سهران على شوقك
و جمر اللهفة من تحتك
و من فوقك
أنا هابقى لهواك مَرْسَى
و لا هاجرح و لا ها اقسى
ما انا قلبى ملان غفران
أنا قلبى زرعته حنان

Tarek Elemary

01/12/2010, 06h12

نظرتك لما تشوفينى تقول كلام

عنيكى بترد السلام

كل لفتة تقوللى حاسة بالغرام

دوِّبوا قلبى اللى بيقوللك حرام

إرحمى القلب اللى بعنيكى إنشغل

كل حاجة فيكى بتقوللى حصل

و الخدود الوردى يكسيها الخجل

تدى قلبى ف الهوى ألفين أمل

ما تلاوعينيش .... ما تجاوبينيش

بس إوعى تسرقى منى الأمل

خلينى أعيش

و لو دا حلم سيبينى فيه

ما تصحينيش

سيبينى عايش فى الخيال

مهما ليل الحلم طال

أصلى لحظة أعيشها من غيرك

محال

و ما تساويش

ما تلاوعينيش ... ما تجاوبينيش

بس إوعى تسرقى منى الأمل

خلينى أعيش

فؤاد

01/12/2010, 09h00

ما تلاوعينيش .... ما تجاوبينيش

ب

ما تصحينيش

و ما تساويش

ما تلاوعينيش ... ما تجاوبينيش

دي بتذكرني بكلمات أغاني الست
ورده الجزائريه
في فترة السبعينات

(( مدريتوش ))
(( و معرفوش مقابلتوش آه ما شفتوش معشرتوش ))

الباشاقمرزمان

01/12/2010, 09h38

Tarek Elemary

20/12/2010, 08h41

أقول أبعد ... يعذبنى كتير بُعدى

و لما أوعد ...مانيش قادر على وعدى

و يتبدد ...هواك و العمر بيعدى

و فى عنيا الدموع سالت على خدى

و من شوقى و طول صدك دبل وردى

و ليه ترضى تفوتنى لنار الإنتظار وحدى

و أنا باهواك

و مالى هواك كيانى و ساكن الننى

و نوم الليل فى بعد عنيك مخاصمنى

أنا باسأل يا قاسى ليه بتحرمنى؟

من النظرة اللى تحيينى

من الهمسة تدفينى

من الأحلام تعشمنى

و تستبدلها بالقسوة و بالهجران

و لما عيونى بتقابلك تطير زوغان

و مش قادر أشوف ف عنيك

هروب منى

و لو ركزت فى عيونى

تلاقى ع المدى صورتك

بتحضنها مع جفونى

رموش عينى يا ريت قلبك

بقلبى يحس و يهاود

تعود البسمة من تانى

و تهدا الروح

و مُرْ الهَجْر يِنسانى

و تِشْفَى جروح

و برضه بالوصال هافضل

معاك مجروح

من العمر اللى فات قبلك

من الخوف إن أملى يروح