أنا العاشق

[Tarek Elemary]

أنا العاشق
========
أنا العاشق و حابس فى الضلوع شوقى


و أنا الجارى هواكى دم فى عروقى


و أنا المسكين يهون حالى على اللايمين


و ليلى حزين و صوتك فجرى و شروقى



قصاد عينى و تحرمنى العيون منِّك


على لسانى كلام يهرب و لوْ إنِّك


ساعات باشعر بإن عنيكى قاريانى


و قاصدة إنك تقيدى لهيبى من ضَنِك



و رغم القرب مش حاسس وصال بينَّا


و لو غبتى و فوتِّينى كأنى خرجت م الجنَّة


و لا قربك مريَّحنى و لا بُعدك مفرَّحنى


و لا الدنيا بقسوِتها بِتِدى للِّى يتمنَّى



و لما القلب يتألم أقولُّله خلاص بقى إنسى


يقولِّلى مسيرى أتعلم ألاقى لمركبى مرسى


دانا من غيرها دقاتى ما ليها لزوم


خلاص قلبى لها سلِّم و لو تُهْجر ولو تِقْسى



و إنتِ تقرَّبِينى يوم و و تسقينى البعاد أيام


و أنا ف يمك نسيت العوم وأنا اللى كنت قال عوَّام


و لو تعذيبى يرضيكى أنا موافق و لو بعيونى أفديكى


على جفونى ينام النوم و أنا سهران مع الأوهام



أناجى الليل و أحزانى و أملى ف رقتك باقى


و لو تِقْسِى هاقول تانى و أطَفِّى النار بأشواقى


أنا عندى يقين فِيكى و لو طالت خَطَاوينا


مسير الدنيا تِدِّينا و تبقى نَدِيمى و السَاقى



وأنا أملى من الدنيا أكون جنبك


تداوينى رموش عينك


يدَفِّينى حنان قُرْبِك


و لمسة إيد بتمسح كل


أحزانى أقول تانى


ما باشبع من هواكى يوم و لا قربك

[NAHID 76]

بسم الله الرحمن الرحيم
الثائر أستاذ طارق العمرى
والله كده العاشق راضى بقليله ومسامح
ومستحمل الجفا والبعاد
وعايش على امل
جميله المعنى وبها أبيات تعبيراتها فى غايه العذوبه والرقه ده من حيث مغزاها وما تهدف اليه أبياتك
ويخيل لي ان تمسكك باللغه خلى كام بيت كده الكلمه فيه مقلقله زى
ساعات حاسس ان عينيكى قاريانى
ولو كنا مثلا قلنا بالبلدى
ساعات حاسس ان عينيكى كشفانى
يا ترى تنفع
حلوه دى شوف اختك بتقول كلام كبير ازاى من نفسى :mdr:
جميله وواضحه
واللى أجمل من ده كله معاوده الكتابه وظهورك معنا زى زمان
تحياتى

[عفاف سليمان]

أنا العاشق


========
أنا العاشق و حابس فى الضلوع شوقى


و أنا الجارى هواكى دم فى عروقى


و أنا المسكين يهون حالى على اللايمين


و ليلى حزين و صوتك فجرى و شروقى



قصاد عينى و تحرمنى العيون منِّك


على لسانى كلام يهرب و لوْ إنِّك


ساعات باشعر بإن عنيكى قاريانى


و قاصدة إنك تقيدى لهيبى من ضَنِك



و رغم القرب مش حاسس وصال بينَّا


و لو غبتى و فوتِّينى كأنى خرجت م الجنَّة


و لا قربك مريَّحنى و لا بُعدك مفرَّحنى


و لا الدنيا بقسوِتها بِتِدى للِّى يتمنَّى



و لما القلب يتألم أقولُّله خلاص بقى إنسى


يقولِّلى مسيرى أتعلم ألاقى لمركبى مرسى


دانا من غيرها دقاتى ما ليها لزوم


خلاص قلبى لها سلِّم و لو تُهْجر ولو تِقْسى



و إنتِ تقرَّبِينى يوم و و تسقينى البعاد أيام


و أنا ف يمك نسيت العوم وأنا اللى كنت قال عوَّام


و لو تعذيبى يرضيكى أنا موافق و لو بعيونى أفديكى


على جفونى ينام النوم و أنا سهران مع الأوهام



أناجى الليل و أحزانى و أملى ف رقتك باقى


و لو تِقْسِى هاقول تانى و أطَفِّى النار بأشواقى


أنا عندى يقين فِيكى و لو طالت خَطَاوينا


مسير الدنيا تِدِّينا و تبقى نَدِيمى و السَاقى



وأنا أملى من الدنيا أكون جنبك


تداوينى رموش عينك


يدَفِّينى حنان قُرْبِك


و لمسة إيد بتمسح كل


أحزانى أقول تانى



ما باشبع من هواكى يوم و لا قربك

انا العاشق
اسمح لى بمداخله لك استاذى الشاعر
الرقيق الثائر
الاستاذ طارق
http://smiles.al-wed.com/smiles/13/i1708908_65141_4.gif
ولو انى عارفه مش هعرف اجارى
هذه الكلمات
الدسمه الجميله
انا صابره
انا صابره على شوقى ومهما يكون
هوايا جوايا فى ضلوعى كله شجون
تقرب ....بنا المسافات.... او تطول
لا عمرى يوم انا نسيتك ولا هيكون
انا صابرهhttp://smiles.al-wed.com/smiles/65/icon3r1.gif
باشواقى وكلى حنين
الاقى يوم هنا مرسى
لقلبى الحزين
وبعد ايام...... وبعد سنين
اكيد قلوبنا .......متفقين
على عهدى الهوى كنا
ولا زلنا ......متواعدين
يكون فى الحب دا غرامنا
ولا نسال فى لوم ...لايمين
ومهما قالوا يوم عنا
غرامنا مش لناس... تانين
اخى الكريم استاذى الشاعر الرقيق
الاستاذ طارق
http://smiles.al-wed.com/smiles/13/anyaflower334.gif
حاولت جاهده ان اكتب ردا على هذه الكلمات
لكن على قدى محاوله منى لجمال ورقة
هذه المشاعر النبيله
دمت اخى الكريم بخير وصحه وسعاده
وامنياتى لك بالتوفيق دائما
وان نرى ابداعاتك كسابق عهدنا بكhttp://smiles.al-wed.com/smiles/65/f4.gif
دمت لى وللجميع بخير
اختك عفاف

[Tarek Elemary]

بسم الله الرحمن الرحيم
الثائر أستاذ طارق العمرى
والله كده العاشق راضى بقليله ومسامح
ومستحمل الجفا والبعاد
وعايش على امل
جميله المعنى وبها أبيات تعبيراتها فى غايه العذوبه والرقه ده من حيث مغزاها وما تهدف اليه أبياتك
ويخيل لي ان تمسكك باللغه خلى كام بيت كده الكلمه فيه مقلقله زى
ساعات حاسس ان عينيكى قاريانى
ولو كنا مثلا قلنا بالبلدى
ساعات حاسس ان عينيكى كشفانى
يا ترى تنفع
حلوه دى شوف اختك بتقول كلام كبير ازاى من نفسى :mdr:
جميله وواضحه
واللى أجمل من ده كله معاوده الكتابه وظهورك معنا زى زمان
تحياتى


عذراً للتأخير سيدتى
مدام ناهد ست الستات و ست الهوانم و الأخت الراقية المشاعر و الحانية الكلمات
أشكر لك تواصلك الجميل و يسعدنى أن كلماتى أعجبتك و أنها أثارت فيك حاستك النقدية و جعلتك تقولين كلاماً كالعسل الأبيض
تحياتى

[Tarek Elemary]

انا العاشق




اسمح لى بمداخله لك استاذى الشاعر
الرقيق الثائر
الاستاذ طارق

ولو انى عارفه مش هعرف اجارى
هذه الكلمات
الدسمه الجميله
انا صابره
انا صابره على شوقى ومهما يكون
هوايا جوايا فى ضلوعى كله شجون
تقرب ....بنا المسافات.... او تطول
لا عمرى يوم انا نسيتك ولا هيكون
انا صابرهhttp://smiles.al-wed.com/smiles/65/icon3r1.gif
باشواقى وكلى حنين
الاقى يوم هنا مرسى
لقلبى الحزين
وبعد ايام...... وبعد سنين
اكيد قلوبنا .......متفقين
على عهدى الهوى كنا
ولا زلنا ......متواعدين
يكون فى الحب دا غرامنا
ولا نسال فى لوم ...لايمين
ومهما قالوا يوم عنا
غرامنا مش لناس... تانين
اخى الكريم استاذى الشاعر الرقيق
الاستاذ طارق

حاولت جاهده ان اكتب ردا على هذه الكلمات
لكن على قدى محاوله منى لجمال ورقة
هذه المشاعر النبيله
دمت اخى الكريم بخير وصحه وسعاده
وامنياتى لك بالتوفيق دائما
وان نرى ابداعاتك كسابق عهدنا بك
دمت لى وللجميع بخير

اختك عفاف


الشاعرة الكبيرة .... و العصفور الطنان و بائعة الورود ..... مدام عفاف

يا سيدتى مداخلة أيه و خاطرة أيه ..... دى ماشاء الله مكسرة الدنيا و لاقية إقبال غير عادى بعد نشرها منفرده
طبعا ده مش غيرة ولا حسد ...... ده حقد و الحمد لله :mdr::crazy:
يا سيدتى جميل أن يثير كلامى لديك مواطن الإبداع فيخرج منك ما يعجب الناس و يلقى الإستحسان
و هذا فى حد ذاته يرضى غرورى كمتذوق للشعر
و ربنا يوفق الجميع لما يحب و يرضى