mamduhd
22/10/2010, 19h39
السلام عليكم
طبعا بالصدفة اكتشفت ان اول امبارح هو ذكري الفنان العظيم " المظلوم " / محمد فوزي
فقلت مينفعش يعدي من غير ما اذكرة بأي شيء و في نفس الوقت الناس بتفتكر ناس اقل منة بكتير كل سنة ويمكن في السنة اكتر من مرة المهم الاغاني اللي في العنوان
كلها طبعا اغاني لمحمد فوزي احد مجددي الموسيقي في القرن العشرين :
محمد القصبجي – سيد درويش – محمد عبد الوهاب – و محمد فوزي
و للاسف معظم الناس تعتبرو ملحن عادي جدا و مطرب ذو امكانيات صوتية عادية
اولا اسلوبة في التلحين بإختصار شديد :
بالمناسبة هو جزء كبير من اغانية مكنش بيستخدم فيها اكثر من مقامين بالكتير و احيانا 3 مقامات
اذن مكنش من النوع اللي بيستعرض عضلاتة في التنقل مابين المقام الفلاني الي المقام العلاني و من ثم العودة الي المقام الاولاني عن طريق كوبري بالمقام اللي ثم يلمس المقام اللي و اللي و اللي ..... لا
لكن كان بيحدد مقام معين و يبني جملة علية تمتاز بحاجتين :
1 – الجمال
2 – التماسك
كانت جملتة " جميلة " جدا و " متماسكة " - و خصوصا الفواصل الموسيقية - بحيث تتماشي مع معاني الكلمات و تأثيرها و دي يشترك فيها مع استاذة – " القصبجي " –
و كان يبني الجملة علي اساس – زي المهندسين المدنيين – يحط الاساس و العمدان و بعدين يطلع علية
و الاساس هنا هو الايقاع فهو كان بيستخدم ايقاعات كتير و مختلفة و جميلة و مش شرط يكون هو اول من يستخدمها ثم يصوغ الجملة اللحنية و اذا قابلة اي معني يحتاج لتغيير المقام كان بيغيرة " بثلاثة " و سهولة غير عادية بحيث ان المستمع ميحسش بيها بس يحس ان في حاجة حلوة حصلت . و خلاص ,- لذلك دايما الناس تقول علية يتبع مبدأ السهل الممتنع -
و النتيجة تخرج اغاني رشيقة جدا – " يا مصطفي " – و اغاني فيها طرب – " ساكن في حي السيدة " –
و طبعا اغاني قيمة تستحق الاستماع و هي تعتبر امثلة حية علي تجديدة حتي لو كان فيها اغاني تحس انها خفيفة زيادة عن اللزوم الا انها تحمل قيمة موسيقية :
طير بينا يا قلبي , داري العيون , حبيبي و عنيا , شحات الغرام , تعب الهوي قلبي , مال القمر , تملي في قلبي , ليا عشم وياك يا جميل , يا جميل يالي هنا , الورد لة روايحة , اي و الله , الشوق و .... و ... القائمة تطول
و مننساش كمان ان تجديدة وصل كمان انة اول واحد يعمل اغاني للأطفال :
ذهب الليل و ماما زمانها جاية
اما بالنسبة لصوتة :
فهو دليل تاني علي ذكائة انة قدر يلحن لصوتة ما يناسبة لان فعلا صوتة كان عادي لكن بفهمة الجيد للتلحين قدر يطوع حنجرتة
و ياريت كلنا نسمع اغانية و نعرف مين محمد فوزي و بالمناسبة اغاني كتيرة من اغانية تصلح انها تتسمع دلوقتي و دة دليل عاشر علي عبقريتة
طبعا انا بعتذر علي اني كتبت بإختصار شديد عن واحد يحتاج كلام كتير
لكن عنصر المفاجأة مخلنيش اكون مستعد ...... و شكرا
طبعا بالصدفة اكتشفت ان اول امبارح هو ذكري الفنان العظيم " المظلوم " / محمد فوزي
فقلت مينفعش يعدي من غير ما اذكرة بأي شيء و في نفس الوقت الناس بتفتكر ناس اقل منة بكتير كل سنة ويمكن في السنة اكتر من مرة المهم الاغاني اللي في العنوان
كلها طبعا اغاني لمحمد فوزي احد مجددي الموسيقي في القرن العشرين :
محمد القصبجي – سيد درويش – محمد عبد الوهاب – و محمد فوزي
و للاسف معظم الناس تعتبرو ملحن عادي جدا و مطرب ذو امكانيات صوتية عادية
اولا اسلوبة في التلحين بإختصار شديد :
بالمناسبة هو جزء كبير من اغانية مكنش بيستخدم فيها اكثر من مقامين بالكتير و احيانا 3 مقامات
اذن مكنش من النوع اللي بيستعرض عضلاتة في التنقل مابين المقام الفلاني الي المقام العلاني و من ثم العودة الي المقام الاولاني عن طريق كوبري بالمقام اللي ثم يلمس المقام اللي و اللي و اللي ..... لا
لكن كان بيحدد مقام معين و يبني جملة علية تمتاز بحاجتين :
1 – الجمال
2 – التماسك
كانت جملتة " جميلة " جدا و " متماسكة " - و خصوصا الفواصل الموسيقية - بحيث تتماشي مع معاني الكلمات و تأثيرها و دي يشترك فيها مع استاذة – " القصبجي " –
و كان يبني الجملة علي اساس – زي المهندسين المدنيين – يحط الاساس و العمدان و بعدين يطلع علية
و الاساس هنا هو الايقاع فهو كان بيستخدم ايقاعات كتير و مختلفة و جميلة و مش شرط يكون هو اول من يستخدمها ثم يصوغ الجملة اللحنية و اذا قابلة اي معني يحتاج لتغيير المقام كان بيغيرة " بثلاثة " و سهولة غير عادية بحيث ان المستمع ميحسش بيها بس يحس ان في حاجة حلوة حصلت . و خلاص ,- لذلك دايما الناس تقول علية يتبع مبدأ السهل الممتنع -
و النتيجة تخرج اغاني رشيقة جدا – " يا مصطفي " – و اغاني فيها طرب – " ساكن في حي السيدة " –
و طبعا اغاني قيمة تستحق الاستماع و هي تعتبر امثلة حية علي تجديدة حتي لو كان فيها اغاني تحس انها خفيفة زيادة عن اللزوم الا انها تحمل قيمة موسيقية :
طير بينا يا قلبي , داري العيون , حبيبي و عنيا , شحات الغرام , تعب الهوي قلبي , مال القمر , تملي في قلبي , ليا عشم وياك يا جميل , يا جميل يالي هنا , الورد لة روايحة , اي و الله , الشوق و .... و ... القائمة تطول
و مننساش كمان ان تجديدة وصل كمان انة اول واحد يعمل اغاني للأطفال :
ذهب الليل و ماما زمانها جاية
اما بالنسبة لصوتة :
فهو دليل تاني علي ذكائة انة قدر يلحن لصوتة ما يناسبة لان فعلا صوتة كان عادي لكن بفهمة الجيد للتلحين قدر يطوع حنجرتة
و ياريت كلنا نسمع اغانية و نعرف مين محمد فوزي و بالمناسبة اغاني كتيرة من اغانية تصلح انها تتسمع دلوقتي و دة دليل عاشر علي عبقريتة
طبعا انا بعتذر علي اني كتبت بإختصار شديد عن واحد يحتاج كلام كتير
لكن عنصر المفاجأة مخلنيش اكون مستعد ...... و شكرا