يا أهل مصر ساعدوني (بخصوص الكيبورد - الاورج)

[smsywz]

أنا سمعت عن أورج شرقي جديد بيتباع في مصر ورخيص جداً إسمه أيوب
وبالتحديد إسمه
أعتقد صناعة صيني أو تركي،،،




كنت عايز أعرف بيتباع فين بالضبط في مصر وسعره كام
وطبعاً أنا مهتما اوي بالأورج ده عشان ميزانيتي محدودة أوي، ومش لاقي أورج شرقي أرخص منه، مش مهم عندي النوعية أو الأصوات، المهم عندي يكون شرقي ورخيص بس

[NAHID 76]

بسم الله الرحمن الرحيم
الفاضل
أول ما قرأت كلمه يا أهل مصر
تصورتك مش مصرى وأنك من بلد عربى شقيق
فتحت ملفك الشخصى لقيتك مصرى الجنسيه ومقيم فى مصر
أيه المشكله أذن
يكون من محافظه غير محافظه القاهره
يعنى من الدقهليه مثلا
يبقى تقول يا أهل القاهره
يا عيشين فى القاهره
لأننا كلنا من مصر
بس محفظات
أنت من أى محافظه
وعلى المقيمين خارج محافظته ومن سكان القاهره الكبرى
وسط البلد أو شبرا أو رمسيس أو الفجاله أو غيره لبوا النداء
تحياتى
نسيت أقول محتاج حاجه من الدقهليه
تحياتى

[عادل فؤاد رفاعى]

خلى بالك اوعى يكون صينى من النوع المضروب ;) :mdr:.

[الألآتى]

بعد البحث والتحرى .. وجدت أن حضرتك كتبت موضوعاً فى هذا الشأن بتاريخ 17 / 12 / 2009

هنا (http://www.sama3y.net/forum/showthread.php?t=75929)

وكنت تستبعد الأورج أيوب تماماً من قائمة إختياراتك ..

فلماذا أعدت إختيار نفس الأورج اليوم ؟

وهل لم تعثر على أورج مناسب برغم مرور حوالى سنة على الموضوع الأول ؟

سأجيب عليك ومن واقع العناوين والشركات التى وضعتها بنفسك فى ذات الموضوع

بالتأكيد هو صينى .. لأن هذا هو أسلوب الصين فى منتجاتها

متصورين إنهم لما يكتبوا ( أيوب ) على الأورج .. سينال الإعجاب من المصريين والعرب ..

المهم .. شوف ياسيدى

الأورج ده لن تجد له توكيل فى مصر .. ممكن تجده فى محلات بيع الألآت الموسيقية .. فى القاهرة

عندك محل عزيز بولس فى شارع عدلى .. وبابازيان فى شارع عدلى أيضاً .. إذا كان لسه موجود المحل

وعندك بيانو مرزوق فى شارع عبد الخالق ثروت

وممكن تسأل فى التوكيلات الخاصة بالأنواع الأخرى مثل :

شركة لوكاس فى شارع الذهبى من نبيل الوقاد مصر الجديدة

وتوكيل ياماها فى ميدان الإسماعيلية فى مصر الجديدة أيضاً

وعندك ياسيدى توكيل رولاند .. 19 شارع أبى حجر العسقلانى .. كلية البنات مصر الجديدة

وكمان توكيل كاسيو .. شارع محمد محمود .. باب اللوق

وعندك شركة ميتر فى القصر العينى ..

وماتنساش فروع راديو شاك .. ممكن تلا قيه فيها

عايز حاجة تانى

[smsywz]

السيد الأستاذ المحترم الالاتي
أولاً أشكر حضرتك لذوقك وإفادتي دائماً
اللي جعلني أرجع لأيوب هو السعر لإن ثمن الأورج في مصر 1350 جنيه بالضبط وده أرخص أورج شرقي
في حين أن أورج كاسيو at-1 اللي متصنع بقاله 15 سنة ثمنه 2530 حنيه بالضبط (طبعاً مع احترام الجودة)
وأنا مجرد راجل هاوي كل اللي عايزه أورج للهواية بس يكون شرقي ورخيص
عشان كده كنت عايز حد مجربه يقولي رايه، لأني جربت واحد بالصدفة مش عارف كان بايظ ولا قديم ولا مستعمل ولا ماله، الزراير مش كانت سليمة، مش عرفت أصدر حكم عليه
بس ده كل الموضوع
أشتريه ولا لأ؟؟؟؟؟؟؟؟؟؟؟؟؟؟؟؟؟؟؟
أخيراً والله مش عارف أشكر حضرتك إزاي،،، إنسان كلك ذوق،،، وشكراً لاهتمامك
السلام عليكم ورحمة الله وبركاته

[الألآتى]

المشكلة ياصديقى أن العازف المحترف لن يفيدك .. لأنه لايعترف إلا بأورجات المحترفين

وهذه أسعارها ليست فى متناول الجميع .. حيث يبلغ مثلاً الأورج الإكستريم حوالى خمسة وثلاثون ألفاً

والأورج الأستوديو أكثر من عشرون ألفاً

فأنا بصراحة لا أستطيع نصحك وإرشادك للأورجات الرخيصة .. لأنى لم أستعملها

[مينا لبيب]

عزيزى كاتب الموضوع -وانا لا اعرف اسمك تحديدا اذا كان اسمك سمسم ام اسم اخر-
المهم.

انا اعمل بالتوزيع الموسيقى منذ فترة طويلة لذلك فالعزف على الكيبورد ( الاورج) هو احترافى الاساسى لذلك فانا اشتغلت وعزفت على كافة الاورجات الموجودة بالسوق ومن امثلتها ( الرولاند والياماها واكورج والكيترون والكاسيو وغيرها بكافة الاصدارات.. وبالطبع انا املك الان احد الاورجات الموسيقية الجيدة (Roland EM 50)

ولذلك ساعطيك نصيحة هامة جدا فى هذا الموضوع وهى :
اولا ان تمتنع عن شراء النوع المعروف باسم ايوب لانه من اسوا انواع الاورجات واردأها وهو لن يدوم معك طويلا
ثانيا: امامك الان عدة خيارات ان كنت تريد اورج شرقى متوسط السعر وجيد الاصوات فقم بشراء اورج مستعمل من النوع Roland EM 14 او Roland EM 40 فهى من افضل الاورجات الشرقية الموجودة وبالطبع لن تجد منها جديد وانما مستعمل ولكن باذن الله ستجدة فى حالة جيدة وسعره يتراوح ما بين (1700 الى 2000 جنية)

فليس هناك مشكلة ان تدفع 500 زيادة عن ثمن اورج ايوب , وستشترى اورج رولاند اعلى فى الجودة والاصوات وسيعيش معك فترة طويلة جدا .

تحياتى

مينا لبيب

موزع موسيقى

[elgien]

بسم الله الرحمن الرحيم

ليا طلبين عند سيادتكم

انا جبت اورج جيم wk 3 وهو مستعمل وليا فيه مشكلتين

الاولى انى عايز اعرف ازاى اغير التونات بالخفض او بالرفع

الثانية انى عايز اعرف اشغل الايقاع فى الاورج وكيفية تغييره


ارجو الرد وجزاكم الله كل خير

[محمود العيادى]

بعد البحث والتحرى .. وجدت أن حضرتك كتبت موضوعاً فى هذا الشأن بتاريخ 17 / 12 / 2009


هنا (http://www.sama3y.net/forum/showthread.php?t=75929)

وكنت تستبعد الأورج أيوب تماماً من قائمة إختياراتك ..

فلماذا أعدت إختيار نفس الأورج اليوم ؟

وهل لم تعثر على أورج مناسب برغم مرور حوالى سنة على الموضوع الأول ؟

سأجيب عليك ومن واقع العناوين والشركات التى وضعتها بنفسك فى ذات الموضوع

بالتأكيد هو صينى .. لأن هذا هو أسلوب الصين فى منتجاتها

متصورين إنهم لما يكتبوا ( أيوب ) على الأورج .. سينال الإعجاب من المصريين والعرب ..

المهم .. شوف ياسيدى

الأورج ده لن تجد له توكيل فى مصر .. ممكن تجده فى محلات بيع الألآت الموسيقية .. فى القاهرة

عندك محل عزيز بولس فى شارع عدلى .. وبابازيان فى شارع عدلى أيضاً .. إذا كان لسه موجود المحل

وعندك بيانو مرزوق فى شارع عبد الخالق ثروت

وممكن تسأل فى التوكيلات الخاصة بالأنواع الأخرى مثل :

شركة لوكاس فى شارع الذهبى من نبيل الوقاد مصر الجديدة

وتوكيل ياماها فى ميدان الإسماعيلية فى مصر الجديدة أيضاً

وعندك ياسيدى توكيل رولاند .. 19 شارع أبى حجر العسقلانى .. كلية البنات مصر الجديدة

وكمان توكيل كاسيو .. شارع محمد محمود .. باب اللوق

وعندك شركة ميتر فى القصر العينى ..

وماتنساش فروع راديو شاك .. ممكن تلا قيه فيها


عايز حاجة تانى

ياعزيزي ابو حسام هات معاه من الاخر و قوله يخش علي المستعمل و يروح شارع محمد علي و يسأل عن واحد اسمه محمود عامر و هو متخصص في بيع الاورجات المستعمله استعمال فرق موسيقيه مع نصيحتي له بشراء الرولاند .

[الألآتى]

ياعزيزي ابو حسام هات معاه من الاخر و قوله يخش علي المستعمل و يروح شارع محمد علي و يسأل عن واحد اسمه محمود عامر و هو متخصص في بيع الاورجات المستعمله استعمال فرق موسيقيه مع نصيحتي له بشراء الرولاند .
طيب .. حاقول له يامحمود .. مانت قلت له أهو .. صباح الفل

[عفاف سليمان]

طيب .. حاقول له يامحمود .. مانت قلت له أهو .. صباح الفل

ولو انى مش بعزف
صباح الخير الاول
بس حبيت اشارك بالنصيحه لوجه الله تعالى
اياااااااااااااك
والصينى:chut:
واعمل بنصيحة
أ محمود:emrose:
وأ محمد الالاتى:emrose:
فهم خبره اكثر فى هذه المسائل
وربنا يوفقك ويرزقك باورج كويس وبحاله جيده ويعمل معك وتستفيد منه
ارق تحياتى للجميع:emrose:
اختكم عفاف

[smsywz]

انا وجدت فيديوهات لأورج أيوب
في ناس بتقول عن مميزات وفي ناس بتقول عن عيوب
قولت أحطها هنا للعلم بالشئ
وبشكر أوي كل من ساهم بالنصيحة في الموضوع ده

[smsywz]

أما الفيديو ده بيشرح فيه كيفية استخدام السلم العربي في الاورج
YouTube - Part4 Arabic Scale (http://www.youtube.com/watch?v=2S1TqhvGWVs&feature=player_embedded)

[smsywz]

أما الفيديو ده بيشرح فيه الايقاعات الموجودة في الاورج
YouTube - Part 6 Styles (http://www.youtube.com/watch?v=wynUnDxzyyc&feature=related)

[smsywz]

أما الفيديو ده لذاكرة الاغاني
والتأثيرات الخاصة بها
YouTube - Part7 Song Memory (http://www.youtube.com/watch?v=ncu7qd1FxIo)

[smsywz]

ود فيديو لصوت القانون
YouTube - Part7 Kanon (http://www.youtube.com/watch?v=xOqCoTDOFOs&feature=related)



وه لصوت العود
YouTube - Pa6 Oud (http://www.youtube.com/watch?v=WCKniDkeifc&feature=related)