مجرد معايدة

[Tarek Elemary]

كل عام و إنتى ف أمان
كل عام و عنيكى بتوَّزع حنان
كل عام و إنت بحنانك
تغفرى عجزى اللى طال
توهمينى إنى ممكن
أهزم الأمر المحال
ألقى أجوبة السؤال
و أبقى عديت لإمتحان
كل عام و إنتى ف أمان
***
كل عام و شموعك الحلوة تقيد
كل عام عشاقك الأعداد تزيد
و الأمل بتوزعيه على كل دول
يخضَّر فى عيونهم و يرقص من بعيد
كل عام و كل يوم بيمر عيد
و إنت ست الكل و إحنا مش عبيد
مفتونين .. جايز
عاشقين .. ممكن
عمرنا يفديكى .. هوه ده الأكيد
بس رايتك تبقى عالية
و نبض حبك فى الوريد
كل عام و شموعك الحلوة تقيد

[عفاف سليمان]

السلام عليكم ورحمة الله وبركاته
حبيت اكون اول من يرد على هذه الكلمات الجميله
اولا
اهلا اهلا اهلا
بعودتك شاعرنا الاستاذ
طارق العمرىhttp://imgcash4.imageshack.us/Himg130/scaled.php?server=130&filename=89266200.gif&xsize=640&ysize=480
ثانيا
كلمات جميله جدا كعادتك فى كل انواع الشعر
العاطفى الثار الوطنى
نتمنى ان نرى المزيد من اشعارك التى تملء المنتدى
http://ahyaarab.net/images/173.gif
وقسم الشعراء جمالا فوق جمال
سعدت بعودتك اخى الكريمhttp://imgcash6.imageshack.us/Himg39/scaled.php?server=39&filename=1902d.gif&xsize=640&ysize=480
ونورت من جديد قسم الشعراء
ارجوا الا تبخل علينا بما تخطه يمينك
سلمت
http://ahyaarab.net/images/173.gif
تحياتى لك وللجميع بأرق واطيب الاوقات
اختك عفاف

[Tarek Elemary]

http://imgcash4.imageshack.us/Himg130/scaled.php?server=130&filename=89266200.gif&xsize=640&ysize=480


http://ahyaarab.net/images/173.gif
http://imgcash6.imageshack.us/Himg39/scaled.php?server=39&filename=1902d.gif&xsize=640&ysize=480
http://ahyaarab.net/images/173.gif

الأخت الرائعة عفاف سليمان
يسعدنى أن تكون عينيك أول متلقى لكلماتى و قلمك صاحب أول الردود
بستان الورد أنت و مدينة الدباديب !!!
سعدت بك و بكلماتك .... و دامت الأخوة

[Tarek Elemary]

كل أيامى و سنينى
اللى غلِّفهم حنينى
وردة نادية بين إيديَّا
طمنينى
جيت أقدمهم هدية
إوعى تانى تكسفينى

&&&

حاسَّة بيَّا
و المشاعر مستحيَّة
نظرة رايحة ... نظرة جاية
و العيون سارحانة فيكى
و الرسايل هيا هيا
طمنينى
و إقبلى سنينى هدية

&&&

مستحيل ...
صوتى مش واصل لقلبك
و الحنين ...
و الله ما جربته قبلك

&&&

بين عيونك جنتى
و السعادة ف دنيتى
ياللى قدرى إنك تكونى
نور طريقى و سكتى

[NAHID 76]

بسم الله الرحمن الرحيم
الشاعر الثائر طارق العمرى
يا هلا يا هلا نورت وشرفت أيه الحكايه هى بركات ليله النصف من شعبان حلوه قوى كده
كل عام وأنت وسطنا ومتسبناش أبدا ونتمتع بكلامك وأشعارك وتعليقاتك الخاصه بك
والله فرحانين والفرحه غطت على التعليق
وجودك بنا لوحده عيد
تحياتى

[Tarek Elemary]

إلمسى بإيدك إيديا ..... حِسى مرة باللِّى بيا
نفسى أشوف عطف ف عيونك ... يوم عَليا
ولا صوت ملهوف بيسأل
يغلبه الشوق مهما يتقل
ياللى صورتك ساكنة دايما بين عنيا
غمضى عيونك شوفينى
ضمى رمشك و إحضنينى
و أما تنزل دمعة منك
إغسلى بدمعك حنينى
داوى قلبى م الأسية
إلمسى بإيدك إيديَّا ..... حسِّى مرة باللِّى بيَّا
زيدى حسنك و الدلال
و إتقلى ... تقلك جمال
و إبعدينى و قربينى
و أسكنى دايما فى عينى
و جاوبى على مليون سؤال
دانتى فى الدنيا اللى ليَّا
و إلمسى بإيدك إيديا ..... حِسِّى دايماً باللى بيا
نفسى أشوف عطف ف عيونك ... يوم عَليا

[Tarek Elemary]

بسم الله الرحمن الرحيم
والله فرحانين والفرحه غطت على التعليق
وجودك بنا لوحده عيد
تحياتى


ست الكل ... و عقد الفل
أم الأصول و البدر بلا أفول ... و لو حاولنا نوفيكى حقك ... الكلام طبعا يطول
شرفت بك ... يا رب تكونى بصحة و عافية و هلت ليالى شعبان و رمضان عليكى و على الأسرة بالرحمة و المغفرة و رضا الرب و حب الناس
كل سنة و أنت متألقة وسط قلوب بك متعلقة
ودى و إحترامى

[عآشق ام كلثومّ]

عزيزيٌ قلبك بـ الفعل يحمل نبض آخر !!
نبض ينبض بـ حب صآدق و وفآء لآ حدود له ..



رأيت بين حروفك عشق جآرف وأبدي
حتماً أنت تعني لهآ الكثير ..!



كيف لآ !! وعشقك لهآ تخطى كل الحدود
بـ التأكيد هي تشعر بك وبـ مدى هذآ العشق !!



وقد تكون تحمل لك نفس المشآعر
فـ حبك صآدق وإخلآصك لم أرى مثله من قبل



فـ هو بـ الفعل نآدر !!

أسعدك البآري ولآ حرمنآ من فيض قلمك


تقديري لك ولـ رقة حروفك .


:emrose:

[مازن دحلان]

كلمات رائعة

واحساس راقي

دومت بخير

وتقبل تحيتي

[Tarek Elemary]

رأيت بين حروفك عشق جآرف وأبدي
حتماً أنت تعني لهآ الكثير ..!



كيف لآ !! وعشقك لهآ تخطى كل الحدود
بـ التأكيد هي تشعر بك وبـ مدى هذآ العشق !!


تقديري لك ولـ رقة حروفك .


:emrose:



سيدى الكريم .... أهلا بك فى صفحتى المتواضعة
شرفت بك أيما شرف ... و سعدتك بحروفك و كلماتك أيما سعادة
مثلك من يجعلى مثلى يحاول و يحاول حتى يتعلم و قد يجيد أحياناَ و لكنه لا يفقد الأمل
ودى و إحترامى

[Tarek Elemary]

كلمات رائعة
واحساس راقي
دومت بخير
وتقبل تحيتي

الرائع هو أنت و الراقى هو أنت يا صديقى
و لكن من فضلك عليك نزع الواو الزائدة فى دمت
ودى و إحترامى

[الباشاقمرزمان]

السلام عليكم ورحمة الله وبركاته

كلام جميل وكلام معقول وسلس وبديع

ده أكيد كلام شاعر جميل مبدع

تقبل تحياتي

[Tarek Elemary]

أنا غيرك ماليش سيرة


و عايش دنيتى ف حيرة


و قسوة قلبك الناسى


بيتلذذ بإحساسى


بنار الوجد و الغيرة



و مش عارف باحبك ليه


ولا ايه فات و هابكى عليه


نصيبى معاكى م الأول


عذاب مع سهد بيطَوِّلْ


و ليل بيطول و فكرى ماليه



يا نتصارح و نتصالح مع روحنا


و ننسى عذابنا و جروحنا


و نبدأ فى الهوى قصة


يزيد الشوق و يتوصى


يغنى العاشقين بوحنا



يا نتفارق بلا لوعة


بدون آهه و لا دمعة


يادوب هانشوفه حب و راح


و فات فى القلب باقى جراح


نقيد فى الذكرى كام شمعة

[Tarek Elemary]

عيونك شايفة كمّْ الحب ف عيونى
و قلبك حس كمّْ هوايا و جنونى
و بين إيدك و بين إيدى يدوب مترين
و مش قادر على لمسك بقالى سنين

عذابى و سلوتى قربك
و صوتك عشق للودنين
و أمد إيديا و أتردد
و كل شجاعتى تتبدد
و أخاف من قسوة اللايمين

بيجمعنا المكان أحيان
و أشوف فى عنيكى كل حنان
و نظرة غيرة م التانيين

و ألف سؤال فى نظرتهم
عيونى بسرعة جاوبتهم
بنظرة شوق غلافها حنين
و موش ساكتين

مابين همسة و لوم لايم
و نظرتهم فراش حايم
و حتى الحيطة ليها عنين

و لا يهمك يا روح قلبى
و لا تدارى و لا تخبى
مادام أرواحنا متفاهمين

[Tarek Elemary]

غيابك طال و لسة الأمس متفارقين
و حالى حال و مش باصعب على اللايمين
بتفضحنى عيونى كتير
و كنت باظن سرى ف بير
لكن من صدق إحساسى
رسايل شوقى شالها الطير
و دقة قلبى مهما داريتها
برضة سامعها منى الغير
بتعزف لحن كله حنين
و حالى حال و مش باصعب على اللايمين

[Tarek Elemary]

أنا العاشق و حابس فى الضلوع شوقى


و أنا الجارى هواكى دم فى عروقى


و أنا المسكين يهون حالى على اللايمين


و ليلى حزين و إنتِ الصبح و شروقى



قصاد عينى و تحرمنى العيون منِّك


على لسانى كلام يهرب و لوْ إنِّك


ساعات باشعر بإن عنيكى قاريانى


و قاصدة إنك تقيدى لهيبى من ضَنِك



و رغم القرب مش حاسس وصال بينَّا


و لو غبتى و فوتِّينى كأنى خرجت م الجنَّة


و لا قربك مريَّحنى و لا بُعدك مفرَّحنى


و لا الدنيا بقسوِتها بِتِدى للِّى يتمنَّى



وأنا أملى من الدنيا أكون جنبك


تداوينى رموش عينك


يدَفِّينى حنان قُرْبِك


و لمسة إيد بتمسح كل


أحزانى أقول تانى

ما باشبع من هواكى يوم و لا قربك

[Tarek Elemary]

أنا العاشق و حابس فى الضلوع شوقى


و أنا الجارى هواكى دم فى عروقى


و أنا المسكين يهون حالى على اللايمين


و ليلى حزين و إنتِ الصبح و شروقى



قصاد عينى و تحرمنى العيون منِّك


على لسانى كلام يهرب و لوْ إنِّك


ساعات باشعر بإن عنيكى قاريانى


و قاصدة إنك تقيدى لهيبى من ضَنِك



و رغم القرب مش حاسس وصال بينَّا


و لو غبتى و فوتِّينى كأنى خرجت م الجنَّة


و لا قربك مريَّحنى و لا بُعدك مفرَّحنى


و لا الدنيا بقسوِتها بِتِدى للِّى يتمنَّى



وأنا أملى من الدنيا أكون جنبك


تداوينى رموش عينك


يدَفِّينى حنان قُرْبِك


و لمسة إيد بتمسح كل


أحزانى أقول تانى

ما باشبع من هواكى يوم و لا قربك

[سلوى خزبك]

و لا قربك مريَّحنى و لا بُعدك مفرَّحنى


و لا الدنيا بقسوِتها بِتِدى للِّى يتمنَّى

الشاعر الملهم الاستاذ طارق
عندما قرأت قصيدتك هذه تمنيت لة اننا فى العصر المطربين العظماء
حتى يلتقطوا هذه الكلمات ويلحنوها ويغنوها فتعيش بين الناس وتاخذ حقها من الشهرة
بدلا من اختبائها فى الادراج
ياسلام لو الفنان محمد قنديل كان عايش
لايمكن كانت تفوته
تحية ملؤها التقدير والاحترام
:emrose::emrose::emrose:

[ليلى ابو مدين]

بسم الله الرحمن الرحيم
الشاعر الملهم
الاستاذ طارق العمري
يا سلام على أحلى الكلام

أنا العاشق و حابس فى الضلوع شوقى


و أنا الجارى هواكى دم فى عروقى


و أنا المسكين يهون حالى على اللايمين


و ليلى حزين و إنتِ الصبح و شروقى


أبيات لا يمكن الا أن تكون نص غنائي راقي
مقطوعه شعريه غنائيه جميله كلماتها تدخل الى القلب
من أول وهله
تعبير بسيط عن لوعة العاشق الذي يناجي محبوبه
في أجمل صوره وأحلى الكلام
وفقك الله يا شاعرنا وسدد خطاك
مع خالص تحياتي واحتراماتي
ليلى ابو مدين
:emrose::emrose: