nasrnsar
19/05/2010, 18h56
الموسم
ابتدى الموسم..
وانتعش سوق الفراشه..والمخطوطات
اللافتات اتعلقت..وسط الشوارع ..وع المحطات
والسلامات ح تزيد..على القهاوى..وفى المدرجات
الصور ..ح تزين جداول الحصص..
وتزين التيشيرتات
وصور ح تقرا فى ضهرها ..بعض الايات
...
ابتدى الموسم..
وبلدنا راح تنقسم اكتر ماهى مقسومه
ويتحالف غاوى الكليبات مع الى بيسمع ثومه
لان الامور اصبحت مرسومه
الحبه دول مع ده ..لانه قريبهم
والحبه دول مع ده ..علشان جيوبهم
ودولا مش عايزين ده يسيبهم
والساحه مسمومه
...
ابتدى الموسم..
ووراه موسم جديد..وموسم جديد
وموسم السنادى شديد..شديد
على اللى ساكن برج عاجى ..
واللى نايم على سريره الجريد
فيه ناس من عهد الفراعنه ..وناس من عصر الرشيد
واللى راح ينجح اكيد..
اللىيجيب حق الغلابه..من روح شاكيد
....
كلمات..محمود صابر الخطيب
ابتدى الموسم..
وانتعش سوق الفراشه..والمخطوطات
اللافتات اتعلقت..وسط الشوارع ..وع المحطات
والسلامات ح تزيد..على القهاوى..وفى المدرجات
الصور ..ح تزين جداول الحصص..
وتزين التيشيرتات
وصور ح تقرا فى ضهرها ..بعض الايات
...
ابتدى الموسم..
وبلدنا راح تنقسم اكتر ماهى مقسومه
ويتحالف غاوى الكليبات مع الى بيسمع ثومه
لان الامور اصبحت مرسومه
الحبه دول مع ده ..لانه قريبهم
والحبه دول مع ده ..علشان جيوبهم
ودولا مش عايزين ده يسيبهم
والساحه مسمومه
...
ابتدى الموسم..
ووراه موسم جديد..وموسم جديد
وموسم السنادى شديد..شديد
على اللى ساكن برج عاجى ..
واللى نايم على سريره الجريد
فيه ناس من عهد الفراعنه ..وناس من عصر الرشيد
واللى راح ينجح اكيد..
اللىيجيب حق الغلابه..من روح شاكيد
....
كلمات..محمود صابر الخطيب