الميه والهوا -- ليلى مراد [الأرشيف] - منتدى سماعي للطرب العربي الأصيل

مشاهدة النسخة كاملة : الميه والهوا -- ليلى مراد

صالح الحرباوي

09/05/2010, 13h38

.
.
إيه رأيكم ... نروح نتفسح لبعض الوقت على شاطئ الغرام في
مرسى مطروح ...
.
إيه رأيكم ... نقف قليلا عند صخرة ليلى (مراد) ونتأمل في أمواج البحر المتتالية ...
.
(نتأمل في إيه...... و لييه ؟؟؟) ...
آه ...... أنا جايلكم ...خلاص أهوه ...!
.
أنا متخيّل لي أنه هناك عروس بحر (جنية ف بحركم ..) ....:rolleyes:
مين يعرف .. ربما تخرج لنا من أعماق البحر !!.... قد يجوز نسمع صوت يشبه صوت القيثارة وهي تغني بأحب اتنين سوا - الميه والهوا ...
.
يالله .... ما تنسوش تجيبوا معاكم حبيبنا المايسترو أبو حسام يكمل معانا النزهة اللي بدأناها (هـنـــا (http://www.sama3y.net/forum/showthread.php?t=81850)) ...... وخلونا نحلم شويه ...
.
الميه والهوا
(باحب اثنين سوا)
.
كلمات: صالح جودت** ألحان: الموسيقار أحمد صدقي

بأحب اثنين ســوا .... يا هنايا في حبهــم
الميـه والـهــوا .... طول عمري جنبهــم
حكايتين في الهوى .... مكتوبه في قلبهم
دول للــعـلـيــل دوا ..... الميـه والـهــــوا
---
طــول عـمـري والهوا .... والميه سلــوتــي
ماقدرش ع النــوا .... عن روحي ومهجتــي
والبحـر اللي ارتــوى .... من نشـوة غنوتــي
غـنـّـى لـي في الهـوى .... الـمـيـه والهــــوا
---
(موال)
يا ساكنين مطروح
جنيٌــه ف بحركــم
الناس تجي وتروح
وانا عاشقه حيكم
---
يا ساكنيـن مطـروح .... جنيٌه في بحركــم
الناس تجي وتروح .... وانا عاشقه حيكـم
اثنين حبايب الروح .... شبكوني ف حبكم
حـبيـت لاثنين ســـوا .... الميـه والـهـــوا
---
.
.
(يتبع .... التعليقات والملاحظات والانطباعات)
.

(الملف أعلى جودة من الموجود في مثبت ليلى مراد....).

صالح الحرباوي

09/05/2010, 14h36

( التعليقات والملاحظات والإنطباعات - 1 )
.
الأستاذ عبد الحليم نصر ... هو منتج فيلم شاطئ الغرام ..
.
المنتج هو الشخص الذي يستثمر في الفيلم ... يعني يدفع الفلوس اللاّزمة لعمل الفيلم ...
( لو نجح الفيلم، يجني أرباحا كبيرة..... وإذا فشل الفيلم، يتخرب بيته ....:mad:)
غريب جدا الأستاذ نصر ... غريب
.
من الواضح أنه ضاغط جدا على المخرج هنري بركات والممثلين والشعراء والملحنين
وقاعد يصرف لهم الفلوس ببخل شديد (باللبيسة ...كما يقول إخواننا في مصر ..)
.
أنا حاسس أنه (منشّن) على مساحة ثلاث دقائق لكل أغنية ولا يريد سماع أي كلام ثاني ....
.
المخرج بركات .. مسكين .. سلم أمره لله وقال للجماعة .. اتصرفوا انتم شوفولكم حلّ معاه ..
(أنا زهقت من.. الراجل ده ..:mdr:) ..
.
طيّب يا أستاذ بركات .. ما تشغلش بالك .... ولا يهمك
يلزم أكثر من هذا بكثير حتى يعجز الثنائي العظيم صالح جودت وأحمد صدقي ....
.
تعالوا نشوف ما هو مطلوب منهم (حسب كراس الشروط والعقد) ...
.
مطلوب أغنية تعبر عن الفرحة والسعادة والنشوة في أجواء رائعة
على شاطئ مرسى مطروح الجميل ... وفي ثلاث دقائق بسّ ....ما فيش غيرهم
.
أنظروا ... كيف نسج الشاعر المبدع صالح جودت كلمات الأغنية ببراعة لا مثيل لها وجعل منها .. بسهولة و رومانسية عباراتها، باقة تُدخل
البهجة والسرور في قلب و وجدان كل من يستمع لها ...
.
أما عمنا الموسيقار المتألق أحمد صدقي ... ما نحته لهذه الكلمات من لحن ( لعلمكم أن الراحل أحمد صدقي نحات من الطراز العالمي)، يعتبر نموذج للبراعة والتمكن والذكاء والعبقرية الى حد يذهل له أي سميع متمكن وذواق ..
.
وإيه رأيك يا بركات باشا ... أساتذتنا (يرجّعولك كمان) 5 ثواني تديهم هدية للأستاذ نصر ..
يوفروا عليه بعض تكاليف الفيلم .....:mdr:
.
.
(يتبع .... التعليقات والملاحظات والانطباعات)
.
.

( ملحوظة ... ... نحن في دعوة موسيقية ... وهذا التعليق مجازي وفيه كثير من الخيال ....:cool:)

ashraf sedky

09/05/2010, 15h18

صالح الحرباوي

09/05/2010, 16h32

خالص شكرى ومودتى للاستاذ صالح---والاستاذ محمد الالاتى--للجهد المبذول فى شرح اغانى من الحان والدى الموسيقار احمد صدقى---واتمنى لكم التوفيق فى باقى الاغانى---تحياتى--اشرف صدقى
كل المحبة والتقدير لكم أستاذنا أشرف صدقي ...:emrose:
نحن سعداء بالتصدي لأعمال وإبداعات الموسيقار الراحل أحمد صدقي رحمه الله ... والذي أعطى الكثير للفن العربي الأصيل وأسعد أجيالا وأجيالا بالحانه الرائعة ... ونعدكم بمواصلة الإهتمام بمزيد من ألحانه التي سنعود إليها بين الحين والآخر ... ونشكركم على مروركم الكريم ..

صالح الحرباوي

09/05/2010, 17h33

( التعليقات والملاحظات والإنطباعات -2)
.
شيء مدهش ... أنا شخصيا كل مرة استمع لهذه الأغنية الرائعة أجد نفسي وانا بأتجول حول العالم ...
نعم في 2 دقيقة و 55 ثانية .... رحلة في 4 قارات ....
(من النمسا الى الارجنتين ثم كوبا ومصر) ....
.
الموسيقار أحمد صدقي يفتتح اللحن بآهات تؤديها ليلى مراد بطابع
المغنيات السوبرانو (Soprano) وكأنها تطير بنا الى دار الأوبرا في فيينا ..
وفي خلفية المقدمة الموسييقية أيضا .. يأخذنا اللحن على إيقاع وموسيقى التانجو الى ساحات ومقاهي بيونس آيرس لنشاهد الراقصين على ألحان كارلوس غارديل بحركات التانجو الرائعة، وبسرعة نجد أنفسنا في إحدى مقاهي هافانا نستمتع بفرقة (Buena vista) وهي تعزف إيقاعات الرومبا الجميلة ..
.
لكن عمنا صدقي يعود بنا بين المرحلة والأخرى، بجمله وإيقاعاته الشرقية الى ليالي القاهرة و الاسكندرية .. ويصل به الإبداع الى أن يتحدى زمن الأغنية المحدود بإهداءنا موّال في منتهى الروعة ..
.
.
ليلى مراد ... آآآآآآآه ... من ليلى مراد
لقد أعجزت لساني عن الكلام ...
لاحظوا المشهد الفريد (المستر سين ... بلغة السينيمائيين) وهي فوق الصخرة تغني و من وراءها امواج البحر تتمدد وترتمي على رمال الشاطئ وفي الافق مدينة مرسى مطروح ... هذا المشهد وهي تقول جنية فبحركم ... يجعلها حقيقة عروس البحر الساحرة التي تستمتع بالميه والهوا ...
.
.
طيب خلاص انا أستأذن الآن ...
عندي مشوار على ضفاف نهر السين في باريس
أنا حاسس أنه فيه حاجة حتخرج ....

(أترككم بصحبة المايسترو الالآتي ... )
ماتزعلش حبيبي أبو حسام ....
يمكن يخرجوا اثنين .... من الميّه.... ;)
.
(انتهى التعليق)
.

صالح الحرباوي

10/05/2010, 06h21

(المستر سين) الشهير ....
ليلى مراد تغني على الصخرة
.
http://www.sama3y.net/forum/attachment.php?attachmentid=204997&stc=1&d=1273472452

لمشاهدة فيديو الاغنية تفضلوا ... هــنــــــا (http://www.sama3y.net/forum/showpost.php?p=329817&postcount=8)

حسن كشك

10/05/2010, 06h56

الألآتى

10/05/2010, 11h38

بسم الله نبدأ فى تحليل أغنية ( الميه والهوا )

كلمات : صالح جودت

ألحان : أحمد صدقى

غناء : ليلى مراد

إختار عمنا أحمد صدقى مقام النهاوند ليبدأ به لحنه ..

مقدمة موسيقية من النهاوند .. تصاحبها ليلى مراد بصوتها .. بطريقة الآهات ..

ومن أولها كده علشان مانختلفش .. إسمعوا ليلى مراد وهى تؤدى هذه الآهات

إسمعوا التقطيع فى صوتها .. إسمعوا التريللات ( الإهتزازات الصوتية )

تبدأ ليلى مراد الغناء و ( بحب إتنين سوا .. ياهنايا فى حبهم )

ولأول وهلة .. نعتقد أنها تحب شخصان .. ماهذا .. بتحب إتنين وكمان متهنيه فى حبهم .. غريبة وجديدة

لكننا نكتشف بعد لحظات أنها بتحب الميه والهوا .. كده ! .. طيب

الإيقاعات المستخدمة .. الواحدة الكبيرة والسنباطى

ننتقل للبياتى عند ( حكايتى فى الهوا .. مكتوبة فى قلبهم ) .. ويعود للنهاوند عند ( دول للعليل دوا .. الميه والهوا )

خلاص كده ؟ .. لأ .. مش خلاص .. لازم نتكلم شوية فى المذهب ..

شوفوا عمنا صدقى عمل إيه .. إسمعوا ليلى مراد وهى بتقول ( الميه والهوا .. طول عمرى جنبهم )

وبالتحديد عند كلمة ( الميه) .. عمنا صدقى إستعمل حرف المى بوسليك ( المى العادية ) بدلاً من المى بيمول

عارفين ليه ؟ .. الراجل بيلحن الكلام ياناس .. بيعبر عن الكلمة ..

شوفوا وهى بتقول ( الميه ) وكأنها نازله لتحت .. ولما تقول ( والهوا ) بتطلع لفوق .. شغل معلمين

نسمع لازمة موسيقية من العجم .. ومن نفس درجة النهاوند .. مافيش مشكلة ..

ده مينور .. وده ميجور .. يعنى ده سلم دو الصغير .. وده سلم دو الكبير .. عادى

وتغنى ليلى مراد من العجم ( طول عمرى والهوا .. والميه سلوتى )

لكنه يظهر .. ماقدرش يبعد عن النهاوند كتير .. فعاد سريعاً عند ( ماقدرش ع النوا .. عن روحى ومهجتى )

ونفس الأسلوب الذى إتبعه فى المذهب .. إنتقل للبياتى عند ( والبحر إللى إرتوى من نشوة غنوتى )

ويعود للنهاوند عند ( غنى لى فى الهوا .. الميه والهوا )

يصمت الإيقاع .. وتمهد الموسيقى للغناء الحر .. من مقام البياتى ..

وتغرد ليلى مراد ( ياساكنى مطروح .. جنيه فى بحركم ) من البياتى

ويدخل الإيقاع .. لتعيد نفس الكلام .. ( ياساكنى مطروح .. جنيه فى بحركم ) .. ولكن من مقام أخر

هو مقام النوا أثر .. وبالتحديد ( جنس الفرع ) للنوا أثر .

والنوا أثر .. تشعر فيه بطعم الحجاز .. لأنه الجنس الفرعى للمقام .

المهم .. عرفنا إنها غنت ( ياساكنى مطروح ) من النوا أثر .. نلاقيها بتغنى

( الناس تيجى وتروح .. وأنا عاشقه حيكم ) من الحجاز كار .. يادى الداهية ..

الأغنية كلها لا تتعدى الثلاث دقائق .. لكن عمنا أحمد صدقى يأبى إلا أن يتحفنا بعنقود مقامات شرقية وغربية على حد سواء

ونفس العودة الحميدة .. البياتى ثم النهاوند لينهى الأغنية ..

أبلتى ليلى مراد بقى .. حكاية لوحدها .. صوت متمكن .. ناعم .. حتة بسبوسة

بتغنى أى حاجة وكل حاجة .. ومهما الملحن يعمل .. هى وراه ومعاه .. مافيش مشاكل ..

أرجو أن أكون وُفقت فى هذا التحليل المتواضع .

samirjenhani

10/05/2010, 13h37

ده مينور .. وده ميجور .. يعنى ده سلم دو الصغير .. وده سلم دو الكبير .. عادى

وتغنى ليلى مراد من العجم ( طول عمرى والهوا .. والميه سلوتى )

لكنه يظهر .. ماقدرش يبعد عن النهاوند كتير .. فعاد سريعاً عند (

يا سلام يا أستاذنا متابعك جملة جملة و أنا أستمتع بالتحليل و الأغنية في نفس الوقت، ليه أستمتع;) لأني أنا المستمع هذه المرة و لست المحلل؟؟:mdr: كل التلويانات اللي جاءت في الاغنية لم تفاجاني لانها طبيعية مع النهاوند، لكن الماجور و المينور معا و على نفس الارتكاز هذا ليس سهلا لكن من الملحن أحمد صدقي كان ابداعا.أشكر هذا الثنائي الجميل: الحرباوي الألاتي على هذا العمل الجميل:emrose::emrose:

صالح الحرباوي

10/05/2010, 15h00

أخى المهندس صالح باشا الحرباوى

طبعاً يسعدنى ان ارى لك اى موضوع فأعدو للمشاركة فيه
فالكلمات لم تقل
جنيه فى بحركم
كما تسمعونها .... خطأً
لكنها تقول
دى النيه فى بحركم

.
اخي و صديقي العزيز ابو على هنا .. يا مرحبا ،، يا مرحبا .. :emrose:
نورت الموضوع والقسم بكله يا حسن باشا ...
.
في كلمة (جنيّة ..) انا اختلف معك .. استمع جيدا (و أفضل بالسماعات على الأذنين كما أفعل أنا للتثب بصفة ادق في نطقها) .. ثم ان السياق لا يتلائم مع (دي النية..)... وللتأكد هناك موقعين (ادخل عنوان الأغنية في جوجل يظهروا لك) وأنا بحثت فيهم و هما أيضا يكتبونها (جنية ف بحركم ..) .
على كل هذه فرصة للأعضاء لكي يدلوا بدلوهم .. وخصوصا شاعرنا الكبير بشير عياد وايضا الأستاذ أشرف صدقي ... يا حبذا لو يجد لنا وثائق عن الأغنية (الكلمات، نوطة اللحن ..) في أرشيف والده الموسيقار الراحل أحمد صدقي..

حسن كشك

10/05/2010, 18h46

اخى وحبيبى مهندس صالح باشا
جنيه .... و..دى النيه ... كان موضوع مناقشة وبحث
ادخل على هذا الرابط
هنا (http://www.sama3y.net/forum/showthread.php?t=38185)
وأقرأ المشاركات ارقام 5 و6 و8 و10

بشير عياد

10/05/2010, 23h01

أوّلاً أقولُ لأخي صالح :
الموضوع تحفة
وصفك ( فوق الوصف )
دخولك وسردك شيء غير معقول ، صفقت له كثيرا
ثانيًا :
أما الكلمة فهي " النيّة " ، يا ساكني مطروح ... النيّة ف بحركم
أي الأمل والمنى والحلم
الناس تيجي وتروح ( وينسون كلّ شيء )
وأنا عاشقة حيّكم
لكن يبدو أن عمّنا أحمد صدقي ودّ أن يريح ليلى من الدخول على اللام الشمسية ( النيّة ـ إننييه ) فأعطاها " دي " وكأنها مبتدأ بمعنى " هذه " ، لتتحول النية من مبتدأ إلى " بدل " ، ولذلك عندما أعادت ليلى ـ بعد الموّال ـ لم تقل " دي " ولكن قالت : النية ف بحركم ، فخالها الكثيرون " جنيّة " ، ومن الصعب وصف العاشقة المحبّة بالـ " جنيّة "
وللعلم
المعنى يمشي
( يعني ذائقتك في محلّها أخي صالح ، لا تقلق )
وكثيرون يقولونها هكذا ( وبإصرار )
وأتمنى أن يأتي الحسم من أوراق أخينا أشرف صدقي كما عوّدنا على " الفيس بوك "
وسوف أعلّق هنا ـ إنْ جدّ جديد ـ بعد الاستماع الكثير
تحياتي أخي صالح على أسلوبك المدهش واختيارك الرائع
وتحيّاتي لأخي أبو حسام الذي يشكّلُ مع أخيه سمير الجنحاني طائرًا خرافيًّا محلّقا بجناحي العلم والمعرفة ليعطينا مفاتيح التلقّي بدون فذلكة أو فهلوة أو غرور
وتحيّاتي للمشاكس الأبدي حسن كشك الذي لا يكف عن المناكفة وإثارة الأسئلة التي تثري أي موضوع يدخلُ فيه
وبصراحة شديدة ، أعربُ عن سعادتي بهذه الموجة العلمية الجادة في المنتدى ، وبالرغم من غموض الكثير من المفردات والمصطلحات ، إلا أنها ـ على الأقل ـ تعطي دروسًا مجانيّة على الملأ ، تفيد الباحثين والنقّاد ، وتعطي القادمين القدوة ، وأتمنى أن ينضمّ إلى جوقتكم سيادة الرئيس أخونا صلاح علاّم ، ففي جَعْبَتِهِ الكثير من التفاصيل وفي جيوبه الكثير من القنابل ، وفي يقيني أنّه لو انتبه لوجود مثل هذه المساجلات ، سيكون أوّل المنازلين .
تحيّاتي وأجمل أمنياتي .

سيادة الرئيس

11/05/2010, 12h49

يا سلام يا أستاذنا متابعك جملة جملة و أنا أستمتع بالتحليل و الأغنية في نفس الوقت، ليه أستمتع;) لأني أنا المستمع هذه المرة و لست المحلل؟؟:mdr: كل التلويانات اللي جاءت في الاغنية لم تفاجاني لانها طبيعية مع النهاوند، لكن الماجور و المينور معا و على نفس الارتكاز هذا ليس سهلا لكن من الملحن أحمد صدقي كان ابداعا.أشكر هذا الثنائي الجميل: الحرباوي الألاتي على هذا العمل الجميل:emrose::emrose:

بعد الشكر لعمي الآلاتي على تحليله الجامد

صح يا أستاذ سمير من أصعب الحالات التحويلية هى التي تتم من الأساس ( لحنا و أداء ) لكن ده ما يصعبش على صدقي و ليلى طبعا

يعني يا عم الآلاتي ما تستسهلهاش و ربنا يديه الصحة كان عدوية بيعملها ديما و على مقامات فيها ثلاثة أرباع التون في إرتجالاته

شكرا للجميع على ده موضوع

الباشاقمرزمان

11/05/2010, 13h05

بصراحة وبكل صراحة

أنا مستمتع بجد

ومش عارف أقول ايه
معنديش غير

السوبرانو ده

كلام جميــــــــــــــــــل وكلام معقووووووووول ما أقدرش أقول حاجة عنه

ربنا يسعدكم ويهنيكم زي ما بتسعدونا وتهنونا

:emrose::emrose:شكراً لكم:emrose::emrose:

سيادة الرئيس

11/05/2010, 14h02

عمنا الأستاذ صالح

طبعا حضرتك عارف الخباز ديما بيدور على عيشه و بعد الإستمتاع بكلام الآلاتي و سمير باشا

أشكر حضرتك على عرضك الراق و هذا ليس غريب كما عهدتك دائما رقيق و ذو ذوق راق

الألآتى

11/05/2010, 14h37

يعني يا عم الآلاتي ما تستسهلهاش و ربنا يديه الصحة كان عدوية بيعملها ديما و على مقامات فيها ثلاثة أرباع التون في إرتجالاته

شكرا للجميع على ده موضوع

زمان ياصلاح .. عندما كنت أعزف خلف المطربين .. كان ربنا يرزقنى أحياناً بمطرب من عينة عمنا عدوية ..

والمصيبة بقى .. لما ينوى يفقع موال .. موال إرتجالى .. لم تسمعه من قبل ..

ومانتش عارف هو حايروح فين بعد الراست مثلاً .. حايعمل نهاوند ولا سيكا .. ولا حجاز كار .. ولا سوزناك ..

والخيبة التقيلة .. لما يحود على طبقة جديدة .. أو يلعب على السيكا المقلوبة .. أو يليل من نهاوند الدوكاه بعد راست الدو .. لو ماكنتش مصحصح معاه .. وحاطط عينك فى وسط راسك .. وودانك مطرطقة .. حاتروح فى أبو نكله .

إمتحان شفوى يامبارك .. والنتيجة فورية ..

يعنى إحنا بنحلل الأغانى أنا وعم سمير .. وحضرتك طبعاً .. بنسمع الأغنية أكتر من مرة .. ونكرر الجملة اللحنية .. علشان نشوف الراجل الملحن ده راح فين وعمل إيه .. يعنى عندنا فرصة وبراحتنا

لكن على المسرح .. وفورى .. هى دى الحرفنة .. صباح الفللى

ملحوظة : محمود سعد من العينة دى .. كنت بخاف أشتغل وراه ..

سماعي

12/05/2010, 07h45

ashraf sedky

12/05/2010, 11h30

خالص شكرى ومودتى--لسيادتكم جميعا---بالمساهمه--فى التحليل او التعليق--على الاغنيه--وبمراجعه--الوثائق والنوت الموسيقيه--الخاص بأحمد صدقى--لم اجد للاسف مايفيد عن الكلمه المطلوبه--والاخ الصديق بشير عياد يعلم انى افضل ان اتكلم بالوثائق--لانها امانه القول--وحصل من قبل بينه وبينى---وتكلمت بالوثائق--اذا هذا الموضوع يعتمد على السمع---وبالمراجعه السمعيه--وجدتها (النيه )---والله اعلم--اكرر شكرى لحضراتكم جميعا---وانتظر شرحكم لباقى الاغانى--مثل (عش الهوى المهجور-لنجاه على)-(ياقلبى--فتحيه احمد)--(ياورد مالك من حسنك--شافيه احمد)------تحياتى ---اشرف صدقى

سمر

12/05/2010, 13h02

أخى المهندس صالح باشا الحرباوى

طبعاً يسعدنى ان ارى لك اى موضوع فأعدو للمشاركة فيه
أختيار جميل فى موجة الحر الحالية
لكن لى تصحيح
فالكلمات لم تقل
جنيه فى بحركم
كما تسمعونها .... خطأً
لكنها تقول
دى النيه فى بحركم
أى ان ليلى مراد لما تغنى لميه وهوا ... نيتها فى مرسى مطروح
وصلت

صراحة هذه الكلمة مش واضحة ولو ان كلا الوجهين يجوز حسب رايي المتواضع. فكلا الكلمتين عندها معنى روحي يؤدي الى التعلق بالمكان و اهله و هذا شائع في البلاد العربية. فالتعلق بالمكان يكون اما بسبب النية و تعني هنا ان نفسي مش بترتاح الى هنا ومن ناحية ثانية لو قلنا جنية فتعني ان اسيادي مش حبين يسكنوا الا في حيكم. والله اعلم و لاساتذتي الكرام واسع النظر

الألآتى

12/05/2010, 17h25

أشكر المايسترو ابو حسام والأستاذ صالح الحرباوي على هذا الشرح الجميل والتحليل الموسيقي الرائع ...
هذا بالضبط ما نطمح إليه من مواضيع و مشاركات راقية ومفيدة ... تخذم الفن العربي الأصيل
و تنفع كل الزائرين والأعضاء .. تلاميذ، طلاب، متخصصين وسميعة من كل الأجيال ..

بالتأكيد أخى محمد .. نحن فى حاجة لمثل هذه المواضيع .. فهى عبارة عن دروس ومحاضرات فى شكل مختلف .. يصل بسهولة ويسر للمتلقى ..

وأنتهز الفرصة لأشكر أخى وأستاذى المهندس صالح الحرباوى .. لمتابعته للقسم وإثراءه بالمواضيع المفيدة ومحاولته نفض التراب عن كسلى المعهود .

بشير عياد

12/05/2010, 17h40

أشكر المايسترو ابو حسام والأستاذ صالح الحرباوي على هذا الشرح الجميل والتحليل الموسيقي الرائع ...
هذا بالضبط ما نطمح إليه من مواضيع و مشاركات راقية ومفيدة ... تخذم الفن العربي الأصيل
و تنفع كل الزائرين والأعضاء .. تلاميذ، طلاب، متخصصين وسميعة من كل الأجيال ..

أشكر الأستاذ أشرف صدقي وكل الإخوة على مساهمتم ... وبالطبع أنا سعيد جدا بانضمام اخينا الشاعر والباحث بشير عياد
الذي اهتم بالحوار وتابعه .... ونحن نحتاج الى حضوره المتواصل واهتمامه بهذا القسم القيم .... ونتمنى المزيد من مشاركاته في شرح وتحليل كلمات الأغاني نظرا لمعرفته وخبرته في شعراء الأغنية العربية الكبار
صالح جودت -عبد الوهاب محمد - عبد الفتاح مصطفي - بيرم التونسي ... وغيرهم ..
شكرا ....
شكرًا لأخي محمّد زمنطر على مداخلته
ونحن بالفعل نشجّعُ هذا التوجّهَ في المنتدى ، بأنْ ننتقلَ إلى المناقشاتِ الجادةِ التي تقومُ على العلمِ والخبرةِ ، وأرجو من كلّ المتداخلينَ أن يظلَّ الحوارُ صادقًا ومبنيًّا على الاحترامِ المُتبادل .
وبصراحةٍ شديدةٍ لم أكن أعلمُ بما يقومُ بهِ أخونا سمير الجنحاني ، وبعدَ أن اكتشفتُ ملاحظةً قاسيةً في أغنية الراحلة عليّة " أتحدّاك لو يوم تنساني " ، أطلقتُ صرختي مستنجدًا بأهلِ العلمِ ليفتونا :
http://www.sama3y.net/forum/showthread.php?p=425346#post425346 (http://www.sama3y.net/forum/showthread.php?p=425346#post425346)
وكانَ التجاوبُ السريعُ الذي أذهلني من أخينا سمير ، وأثبتَ بالفعلِ أنَّ العلمَ هو الحكمُ والفيصلُ ، وكانت مناقشةً في غايةِ المتعةِ والثّراءِ من كلّ المتداخلين ( معندكش فكرة ) بدءًا من المشاركة 148 هنا :
http://www.sama3y.net/forum/showthread.php?t=81704&page=15 (http://www.sama3y.net/forum/showthread.php?t=81704&page=15)
ثم " أتحدّاك لو يوم تنساني " ، هنا :
http://www.sama3y.net/forum/showthread.php?t=81889 (http://www.sama3y.net/forum/showthread.php?t=81889)
وعندما جاءَ أخونا صالح الحرباوي بالقضيةِ الجديدةِ أسعدني أسلوبُهُ الرشيقُ المطرّزُ بخفّةِ دم غير عادية ( ليس فيها أي افتعال ) ، فكتبتُ له رسالةً خاصّةً إلى أنْ أعيدَ الاستماعَ ، ولكي لا يكونَ كلامي إطلاقًا للأعيرةِ الناريةِ الفارغةِ ، وبعد الاستماعِ كتبتُ مداخلتي ، وبالرغم من إدراكي أنَّ الكلمة " النيّة " ، إلا أنني التمستُ من العزيز الأخ الحبيب أشرف صدقي أن يسعفنا بوثيقةِ من مكتبةِ الجواهرجي الكبير أحمد صدقي ، حتى يكونَ كلامنا نظيفًا صحيحًا ، ولكي لا نتركَ أثرًا معيبًا يسيءُ إلى تراثنا وفنّنا .
وها هيَ الكوكبةُ تتكاملُ بانضمامِ سيادة الرئيس صلاح علاّم إلى فريقِ التحليل هنا ، وفي يقيني أنّ هذهِ النواةَ ستكونُ نموذجًا لما يجبُ أنْ نقدّمَ في منتدى رسالتُهُ الأولى هي الحفاظُ على التراثِ الأصيلِ للأمّة .
وبالطبعِ أضعُ قلمي تحتَ أمرِ كلّ الأشقّاءِ في المنتدى ، ولن أتأخّرَ أبدًا عن القيامِ بدوري ، فلم نأتِ هنا للنزهةِ أو الاستراحةِ ، وإنْ كنتُ أبدو مُقلاًّ فهذا لأنني آثرتُ أنْ أبتعدَ قليلاً عن مناطقِ المجاملاتِ والكلامِ العشوائي الذي يستنزفُ الوقتَ ويحرقُ الأعصابَ ويساوي المنتدى بمنتدياتِ المراهقينَ والمتسكّعينَ على شبكةِ الإنترنت .
تحيّاتي لكلّ الأصدقاءِ
وأدعو اللهُ أنْ يعيننا جميعًا في تقديمِ ما يليقُ بتراثِنا وحضارةِ أمّتِنا .

بشير عياد

12/05/2010, 17h45

حسن كشك

13/05/2010, 08h52

تعالوا نحتكم الى التسلسل لكلمات الاغنية
لنصل الى هل هى (دى النيه ) او ( جنيه )

باحب اتنين سوا ... ياهنايا فى حبهم
الميه والهوا ... طول عمرى جنبهم
***
حكايتى فى الهوى .... مكتوبه فى قلبهم
دول للعليل دوا ... الميه والهوا
***
طول عمرى والهوا ... والميه سلوتى
ما أقدرش عالنوى ... عن روحى ومهجتى
والبحر اللى ارتوى ... من نشوة غنوتى
غنالى فى الهوى ... الميه والهوا
ـــــــــــــــــ
ياساكنى مطروح .... دى النيه فى بحركم* موال
ياساكنى مطروح .... جنيه فى بحركم
ــــــــــــــــ
ياساكنى مطروح .... النيه فى بحركم* إستكمال
ـــــــــــــ
اتنين حبايب الروح ... شبكونى فى حبكم
حبيت الاتنين سوا .... الميه والهوى

أولا ناخد بالنا جداً من الفرق بين ( الهوى و الهوا )

نلاحظ ان كلمات الاغنية حتى قبل الموال لم تشر لأى مكان ... سواء مطروح أو أى مكان آخر فقد كانت مطلقه .. وتصلح لأى مكان فى أى بقعة ليست فى مصر فقط ... بل فى أى مكان فى العالم ...

ولأن كاتب الاغنية أراد لحبكة الفيلم أن يخصص المكان بالظبط ... فقد ارادها هكذا ... والتخصيص ... حتى لا يعم ... كانت الكلمه ....( ياساكنى مطروح .... دى النيه فى بحركم ) يعنى انا اقصد كل هذا على شاطئ مطروح فقط ... وليس أى مكان فى العالم .
لكن لو أخذنا كلمه ( ياساكنى مطروح ... جنيه فى بحركم ) لأصبحت جمله مقطوعه ليس لها معنى مقصود ... يعنى آيه ياساكنى مطروح .... جنيه فى بحركم .... وكما التراث الشعبى المصرى ... فأن الجنيه من المجهولات المخيفه المرعبة ... فهى التى تخطف السابحين وتغرقهم ... ( وليست الجنيه الجميله فى الافلام الامريكية والاوروبية الرومانسية ) وايضاً هناك فرق بين الجنية و (عروسة البحر) فى الموروث المصرى .... وفى ذلك الوقت المبكر ... كانت الجنيه ... من الاشياء التى تخوف بها الامهات ابنائها حتى لا يذهبوا الى البحور والترع والبحيرات ويسبحوا فيها بعيداً عن اهلهم فيغرقوا .... فكانت الام تقول لأبنائها (اوعوا تروحوا ناحية البحر احسن الجنيه تخطفكم ) ...
فهل اراد المؤلف بعد هذا الكلام الجميل الرائع عن الميه والهواء ... ان يخوف الناس من مطروح ومياهها ....طيب سؤال ببساطة شديدة ......آيه عرفكم ان ليلى مراد تغنى لشاطئ مطروح ... فلو اخذنا الكلام بمعنى ( جنيه فى بحركم ) فهى بذلك لم تقصد كل ماقالت عن مرسى مطروح .... بالعكس فى بذلك تقول ان كل الاماكن فى العالم جميله وساحره بمياهها وهوائها ... عدا مطروح .... لأن بحرها تسكنه جنيه .
ولما غنت ليلى مراد هذا المقطع كموال
قالت (دى النيه )
ولما استرسلت الغناء متماشياً مع اللحن قالت ( النيه ) بدون (دى) وهذا ظاهر جداً جداً فى ثانى اعادة
هذه وجهه نظر سمعيه سماعيه منطقية
ولكم ماترونه فيها

صالح الحرباوي

13/05/2010, 09h47

هذا توضيح أتاني من اخي العزيز د. حسن ...
على الخاصّ (لتواضعه الشديد وتجنبه للأضواء) وأستأذنه برفعه لتعّم الفائدة ...
(واستقطعت منه كلمات خاصّة بيني وبينه .. لا تهمّ السياق...;))
يضيف إيضاحات الى ما أورده سابقا أخواني حسن باشا كشك والأستاذ أشرف صدقي وشاعرنا بشيرعياد ......
رأيتم يا إخواننا ماذا فعلته بنا أغنية بِ 2:55 دقيقة ...
حلوة حكاية الجنية اللطيفة دي .. التي اختطفتنا وحلقت بنا الى نقاشات جميلة لم نكن ننتظرها .. :mdr:

حبيب قلبى الباشمهندس صالح

خالص التحية لإختياركم أغنية الميه والهوا فى الدعوة الموسيقية التى أتابعها ...................(....)
..............
المهم حضرتك كاتب ياساكنين مطروح وهى ياساكنى مطروح
وقبلها حكايتين فى الهوى وهى حكايتى فى الهوى
حاجة تانية تتسمع لكن ماتتكتبش
إسمع ياسيدى
ياساكنى مطروح دى النية ف بحركو
الناس تيجى وتروح وانا عاشقة حيكو
ودى طبعاً من صفات أهل السواحل عندنا
زى : بنحبوكو (أى قلب الميم واو)
وزى ماحضرتك عارف إسكندرية ومطروح
لتنين حبايب الروح عندنا
أعتذر للإطالة لكن قلت أفضفض معكم -------.. :mdr:
------------------------ ***** :mdr:

مع تحياتى