سماح يا ست الناس"أغنيه للأم" [الأرشيف] - منتدى سماعي للطرب العربي الأصيل

رافت المصرى

21/04/2010, 21h38

-
موال
امك و ابوك يا ولد
ابواب على الجنه
خاسر اذا خسرتهم
ما تفوتش ع الجنه
كاسب اذا كسبتهم
تلقا الحياه جنه
يكفى شرف ذكرهم
فى السنه و القرءان
دا للى ما يحفظ ابوه
و امه دا فيه جنه

000000000000
ضحكت عليا سنين
عمرى اللى كدابه
معرفش راحت فين
بيا السنين يا با
مشيت و ياما مشيت
ضليت كتير و غويت
و لما يا ابا صحيت
كان عمرى راح يابا

سامحنى يابا سماح
ارضالى و ادعى لى
من غير رضاكم راح
عمرى ف عذاب 000 ويلى
جاحد انا و حنان
انتم و مين غيرى
تدعوا له و تسامحوه
مهمن يكون يابا

سماح يا ست الناس
سامحينى سامحينى
مليت يا امى خلاص
م الغربه ردينى
ضمينى بين رمشين
الحب ضمينى
دفينى م الاحزان
دى الغربه دوابه
----------------------