مســاعـدة

[جيهان ليبى]

انا معلمة تربيه موسيقيه بس قديمه شويه لكنى اعشق
الموسيقى استهوتنى البرامج الحديثه لكتابة النوت الموسيقيه
واود ان ادرس كل هذه البرامج بشكل اكاديمى ولا اعلم اروح
لمين فلو ان احد الأعضاء يستطيع ارشادى الى الطريق
اكون شاكره جدا انا من القاهره خريجة تربيه نوعيه
ــــــــــــــــــ



الأخت الفاضلة جيهان هـانم
نقلت المشاركة هنا للأخوة المختصون
ليتفضلوا بمساعدتك وإرشادك
تحــياتي
الريحاني

[عادل صموئيل]

الأخت الفاضلة جيهان
انا الموسيقار عادل صموئيل ارحب بكى فى المنتدى
وعلى فكرة انا موجه اول تربية موسيقية
اولا افضل برنامج لتدوين النوتة الموسيقية واللى انا بستعمله شخصيا هو انكور
وانا منزله هنا فى المنتدى فى قسم الدروس ومعاه شرح من اعدادى وافى جدا 100%
ممكن تنزلى البرنامج والشرح وانا تحت امرك فى اى سؤال
مع اطيب تحياتى

[swaifi73]

أستاذ عادل
1/كيف الوصول للصفحات التي شرحت فيها البرنامج
2/هل البرنامج يدعم الربع تون
3/وما هي طريقة تحميله من النت
4/وهل من أحد يساعدنا في برنامج أسبليوس وطريقة العمل به وطريقة تنزيله
هذا ولك وللأخوة أعضاء المنتدى جزيل الشكر

[جيهان ليبى]

الاستاذ الفاضل ا عادل اولا شكرا جزيلا للمنتدى على هذا الأهتمام بطلبات الأعضاء ثانيا تشرفت جدا بحضرتك وبما ان حضرتك موجه انا احاول عمل وسائل تعليميه بسيطه باستخدام برنامج الباور بوينت وحاليا استخدمه فى تدريس الماده لكن ينقصنى الخبره فى بعض البرامج لكى استطيع التحسين من ادائى فى العمل واريد دراسة كل برامج الكمبيوتر الخاصه بالصوت بعض الناس قالوا ان هذه الدراسه فى معهد السينما والبعض قال لى ان الجأ الى الكليه تربيه موسيقيه طبعا وانا لا اعلم الى اين اذهب واين افضل مكان استطيع فيه دراسة مثل هذه البرامج لأنى ارغب فى عمل دبلومه فى هذا المجال لو حضرتك تقدر تفدنى تكون مشكور على فكره انا من القاهره ولك كل الشكر والتقدير

[وسام اكرم]

الاخت العزيزة حيهان المحترمة
تحية طيبة
بناء على رغبتك حول كيفية تكوين (تراكات) على برامج التدوين الموسيقي ارفع اليك نوتة بسيطة لمقدمة اغنية (الف ليلة و ليلة) لكوكب الشرق.
أستعمل 3 مدارج لكتابة النوتة
1- المدرج الاعلى مخصص لايقاع 6/4 (دم- تك)
2- المدرج الوسط مخصص للبيانوا
3- المدرج الاسفل مخصص للكمان
ارجوا ملاحظة ان المازورات 7-12 يعزف فيها البيانوا فقط و بعدها يرجع العزف المشترك
أرجوا ان تكون الرسالة وصلت مع تحياتي
وسام اكرم

[وسام اكرم]

الاخ العزيز سويفي المحترم
يمكنك تحميل برنامج (انكور) من المنتدى على الرابط
http://www.sama3y.net/forum/showthread.php?t=52797 (http://www.sama3y.net/forum/showthread.php?t=52797)
البرنامج لايدعم الربع تون مع الاسف, و لكنه سهل جدا و قد قدم الاستاذ الفاضل عادل صمؤيل شرح وافي و دقيق حول كيفية استعماله. اذا اردت استعمال برنامج يدعم ارباع التون فعليك بتحميل برنامج سيبليس و سوف تجده على الرابط
http://www.sama3y.net/forum/showthread.php?t=57616 (http://www.sama3y.net/forum/showthread.php?t=57616)
و لكن يحتاج لى بعظ الصبر للتعلم كيفية استخدامه!
مع أطيب تحياتي
وسام اكرم

[عادل صموئيل]

الأخت الفااضلة جيهان
اهلا بكى فى المنتدى وانا قريت ردك بس انا مش فاهم احتياجك ايه بالتحديد
بمعنى ان الكمبيوتر فى اى مجال من المجالات له عشرات البرامج
يعنى بالنسبة لى انا خبير فى النوتة الموسيقية وبتعامل فى برامج التدوين الموسيقى للنوتة الموسيقية وبعد ماجربت كل البرامج استريحت على برنامج انكور وادخلت عليه تعديلات بحيث انه بيعطينى كل احتياجاتى ولو تتفضلى بدخول قسم طلبات النوت تلاقى ان ماخلتش اى احتياج فى التدوين ما عملته وبالذات فى تدوين الموسسقى الشرقية
ده بالنسبة لبرامج التدوين وانتى اتكلمتى عن عمل وسائل تعليمية وبرنامج انكور انتى لو استعملتيه ممكن تعملى منه اى تكوين موسيقى وتصورى الصفحة عن طريق print screen وهى موجودة على الكيبورد ناحية اليمين وبها تستطيعى تصوير الشاشة وماعليها ثم حفظها فى برنامج حفظ الصور وساعتها ممكن تحطى الصورى فى برنامج الباور بوينت ولو عايزة اى شرح انا تحت امرك .
اما بالنسبة لمعهد السينما طبعا فيه برامج بس مش برامج موسيقية ولكن برامج متطورة لتسجيل العزف الموسيقى وهى جزء من صناعة السينما يعنى ازاى تسجلى اصوات مختلفة على تراكات مختلفة ثم عمل مونتاج واضافة مؤثرات وما شابه
انتى قلتى انك عايزة تعملى دبلومة لكن فى ايه بالضبط يعنى فى اى مجال لأن زى ماقلت الكمبيوتر فيه ملايين البرامج ولمختلف التخصصات يعنى انا اقدر ارشدك او افيدك لما تحددى احتياجك بالتحديد
مع اطيب تحياتى وتحت امرك للمناقشة فى اى موضوع يعنى حتى المواضيع اللى مش تخصصاتى لكن ممكن على الاقل ارشدك تعملى ايه

[جيهان ليبى]

استاذى الفاضل المايستروا انا نفسى اتطور من خلال حاجتين اعشقهم الكمبيوتر والموسيقى مش بس التدوين اريد ان اتعلم كل برامج الكمبيوتر الخاصه بالموسيقى او بمعنى ادق تحويل الكمبيوتر الى استوديو صوت لا اعرف امكانيات هذا الأستوديو ممكن تصل الى اى مدى وهذا ما اريد تعلمه حضرتك مثلا استطعت تعلم برامج التدوين والتعديل عليها وهذا جزء مما اريده ...على فكره انا خريجة 1993 ودرسنا بعض هذه البرامج فى الكليه لكن كان الكمبيوتر لسه لم يتطور الى هذا الحد وعلشان كده عاوزه اعرف ما لا اعرفه فى هذا المجال واكدب على حضرتك لو قدرت احدد ما اريد معرفته لأنى زى ما ذكرت قبل هذا لا اعلم الى اى مدى تستطيع برامج الكمبيوتر افادتى فى مجالى ومعلش ان كنت برهق حضرتك بكثرة الأسئله بس بجد انا ما صدقت لقيت منتدى رائع زى ده عندى سؤال تانى لوتسمح ممكن ادخل ايقاعات فى انكور ولا لأ لك منى كل التقدير والأحترام وجزاك الله الف خير

[swaifi73]

أشكرك أستاذ أكرم
ولكن كان نفسي أحمل سبليوس 4 لأنه لدي شرح تفصيلي له
وحاولت تنزيله كثيرا ولكن بيطلب نسخ رقم أو كود معين ثم يفشل في تسطيبه