المساعد الشخصي الرقمي

مشاهدة النسخة كاملة : ليه خيالك .. وأعمال أخرى

الصفحات : [1] 2
سمير حسين
09/04/2010, 23h11
ليه خيالك بينادينى .......... وانت مش عايز تجينى انت يعنى بتعاندنى .............. ولا بتزود حنينى ليه خيالك بينادينى افتكر أيام لقانا .............. لما كنت بتواعدنى والقمر سهران معانا .......... والحنين وياك واخدنى وافتكر لك ايه وايه ......... ياللى مش عايز تيجينى ليه خيالك بينادينى ........................ سمير
سمير حسين
17/04/2010, 18h56
كانت العضوية شرفية ..... دلوقتى أخدناها رسمية وبعد ما كنا بنتحايل ........ أدونا خلاص البهوية شكرا يا حبيبى يا سماعى .... الموقع ده أصله بتاعى با اتكلم واكتب أشعارى ..... أسعدنى وخفف أوجاعى عقبال الزوار يا حبايب ... تاخدوا العضوية فى سماعى
سمير حسين
18/04/2010, 11h13
قالولى البخت مايل .....طب أعمل ايه فى بختى غيرى مسوى الهوايل ... يا ناس ما تشوفو دوختى حاولت أروح واجرب .... لاقيتنى بضيع فى وقتى قلت اكتب شعر دارج ........ فشلت وقلتلها عدى أهى مرة كمان وراحت ...... والمرة الجاية تدى أهى دى كل الحكاية ...... لآ تجيب ولا بتودى
سمير حسين
18/04/2010, 11h45
عاد الربيع ..بنسماته الرقيقة الحالمة ... عاد الربيع بسلاسل شمسه الساطعة ... وتفتحت الزهور جميلة يانعة ...شدت الطيور وتغنت برؤية أليفها ... وتمايلت الأغصان .. مرحة .. فرحة بلقاء ربيعها ... انه ربيع الحب ... ربيع العمر .....
سمير حسين
21/04/2010, 11h11
على ضوء الشموع .. وبأنات الدموع .. ومثلما كتبت أشعارا فيك ... عن الرقة .. والوفاء ..أكتب الان من بين أحزانى فيك الرثاء ...... وانطلقت من بين الضلوع آهة شاهقة مزقت صمت الوجود .. فى ساعة من ساعات سهو الزمن لتعلن عن موعد الرحيل ..للأبد . تساقطت الدموع مودعة شمس الأمل .. ترثى نفسها فى زهرة بعثت بالأمس فى أوصالى نبض الحياة ..توقفت الشفاه عن الكلام بعد أن غابت همسات الرفيق ..أين أنت يا فاتنة الأمس القريب .. أين أنت يا من خفقت القلوب برحيلك عن الوجود ..ولكن .. سيظل صوتك فى أسماعنا .. ورقة الابتسامة فى عيوننا وجمال وجهك مرآتنا ..يا من فقدناك .. ولم نفقد روحك الطاهرة .... ستبقى صورتك فى دنيانا ساهرة ... بكت العيون ترثى فاتنة الأمس والرفيق ..رحلت عنى للآبد .. للأمد البعيد ...وصاحت الحشود الهائلة ..لا..لا ..لا أصدق أن الحبيبة راحلة ..ليتنى كنت البديل عنك فى الرحيل ..ولا أعيش وسط الظلال الشائكة .. لا ..لا .. لا تقولوا يارفاقى أن الحبيبة راحلة ... انها تحيى هناك فى عالم الخلود .. وأعزى نفسى بقول .. ان لم يكن حان الرحيل ... فسوف يأتى فى أى حين .. فحبيبتى هناك .. تعد الجنة لأاستقبال الوافدين........
سمير حسين
22/04/2010, 21h37
وقفت وحيدا بعد الغروب ..أسال الليل ... القمر ... النجوم أين الحب ؟ وأجابنى الليل .. ستجده هنا بين همساتى .. وصمتى بين دفئى .. وارتعاشى .. وأجابنى القمر ..ستجده هنا بين ضوئى وسحرى .. فى وجودى واختفائى ... فى عيون السهارى ....فى كل العيون .. فى كل الدمـوع .. وتساءلت .. الدموع ؟ وأجابنى نعم الدموع .. فما من عاشق محب الا وعرفت مقلتاه الدموع .. عند الفراق ... وعند اللقاء ...واذا بالزهور تسخـر لا .. لا تصدق أن الحب هو الدموع ..ستجده هنـا بين عطرى بين نسمـاتى . بين تفتحى وانطلاقى ..أروى ظمأ قلبك بعبيرى .. وامتع ناظـريك واعشق الحيـاة .. فالحب ينبت دائمــــا بين الزهور ..
سمير حسين
23/04/2010, 17h11
.. أنه صديقى الوفى .. كاتم أسرارى ..عايش أحلامى ..أبوح له بألامى .. ينطق بما أريـد قبل لسانى ..هو جـزء منى ... يتبـدل فى لحظات عند فرحى .. وعند جرحى ..بجانبى دائما لا يفارقنى يوقظنى من منامى .. يعيش معى لحظات الهامى ..يسرح بخيالى لما لا .. فهو كاتم أسرارى ..أحبه .. أعشقه .. دائما بجانبى .. تحت يدى ..عزيزى وحبيبى ..لك حبى وعرفانى بجميلك ..... لك كل الحب يا .. قلمى ...
سمير حسين
23/04/2010, 21h55
الأهلى ..حبايبى وأهلى
زعلنى الليلة قـوى
دا أنا كنت معشم نفسى
نكسب وبماتش قـوى
لكن وبكل جــدارة
الكورة كانت بتعاند
حتى ف كل الفولات
تطلع ف العالى قوى
زعلان ولكن عشمان
فى الأهلى يكون كسبان
الماتش الجاى أهو قرب
ورونا بقى ياجــدعان
وما زلت بقول وبردد
الأهلى حبايبى وأهلى
حتى ولو كان الخسران
سمير حسين
24/04/2010, 11h26
نمساوى ولا زمالك روحك حلوة ورياضية
عايشين على أرض بلدنا مصر الأمة العربية
لا زمالك ولا أهلاوى ولا حتى كمان نمساوى
دا كفاية خفة روحك وكأنك شور أهلاوى
روحك رياضية وعالية شكرا لأخويا النمساوى
سمير حسين
24/04/2010, 17h46
.. ارتعشت يدى وهى ممسكة بقلمى .. وأنا أجول بخاطرى فى كل الأشياء ..كلما هممت بالكتابة أحسست بيدى وكأنها مقيدة .. لم تعد لدى انطلاقة الفكر .. أشعر أن هناك حاجزا بينى وبين ما أريد .. ورغم هذا أرى من بعيـــد قبس من نور .. شعــاع من أمل .. فى أن أجد من تملأ فراغ قلبى وعقلى .. تيقظ عواطفى ومشاعـرى ..تهز أعماقى ووجـــدانى .. تداعب سهامها أوتار قلبى .. عندئذ .. سيكون قلمى .. صوتى ..ستحتضن الأوراق حروفى ..لن يهدأ خيـــالى ..سيحلق فى الأفق البعيد .. ليصـور لقلمى الحبيب قصتى .. قصة حبى .........
سمير حسين
24/04/2010, 18h29
..حبيبتى ..يا شاطىء الأمان .. يا أنشودة الفؤاد ..يا شمس الحيـــاة.. يا نجمـــة أمسياتى .. يا زهرة عمرى ..وربيع حياتى ..يا من سكنت بحبها وسحرها حنايا فؤادى ..
.. حبيبتى .. لماذا ترحلى بعيدا .. ألم تعرفى أن هنا قلبا لا تحلو حياة له .. الا بجــــانبك .. ألم تشعرى بأن من يعيش بحبــك .. ولك .. لا يستطيــع البعـــد عنك .. لا ترحلى .. أخــاف على قلبى .. أسمـــع أنينه يناجيك ..عينـاى لا تريان سوى صورتك فى وجوه الآخرين ..
.. حبيبتى .. لا ترحلى بعد اليــوم .. لن تروق لى أمسيــات بدونك .. فما أسعد لحظــات اللقاء ..هكذا أحببتك .. ليس ذنبى فعندما يحب قلبى يظل دائما .. رمزا للعشاق .....
سمير حسين
24/04/2010, 20h48
النـــــــــــاس كلها تسألنى
كل كلامك أشعــــــــــــــار
وكمــــان قـــــــاعد بتألف
طب أعمل أى حـــــــــوار
قلت سيبونى أتكلـــــــــــــم
فى الشعر وفى المضمون
مش حا أعمل زى اصحابى
قالوا عليا مجنــــــــــــــون
سامحونى يا أهل الشعـــر
على قد علامى با أقـــــول
دا كلام الشعـــــــر العامى
يدخل قلبـــــــك على طول
وأخــــــــــــيرا كل سلامى
لكل أصحاب القــــــــــــول
سمير حسين
26/04/2010, 11h16
العراق أرض المحبة والوفاق
هكذا كانت لنا أرض العراق
منـذ الأزل منـذ الوجـــــــود
أرض الصبا أرض المحبــة
أرض الجمال أرض الخلود
وف ليلة ضـــــــاع العراق
يارفاق تجمعوا أين الصمود ؟
وهكذا زاد العراق وحــــده
وبجنده ودماءه عن الشرف
عن عرضه عن الوجـــود
وأصبحت أرض المعارك
نارها أشد من نار البارود
وانتصر جنــدك يا عراق
فأنت رمز للعروبة ولم يزل
جنــــدك وحوش كالأسود
سلوى خزبك
26/04/2010, 15h50
قصيدة جميلة تجعلنا نحن الى ايام الوحد العربية التى اصبحت من الاحلام التى تذوب بمجرد الصحيان واجمل شىء ان مؤلفها مصرى . يارب دائما وبرضه اشوف قصائد من جنسيات عربية تنظم الاشعار فى دول عربية اخرى فالشعوب العربية ليس لها ذنب فى هذه الفرقة السياسية .... مع الشكر
سمير حسين
26/04/2010, 17h47
الأستاذة الفاضلة سلوى خزبك :
لسيادتكم جزيل الشكر لقراءتكم ما كتبته عن العراق وهـذا فضــل منك وكلنا عرب فى الهم سواء ولا يبقى سوى توحدنا فى الأشعار وفى الغناء الى أن يفرجها الكريم .. لك شكرى وتقديرى ..سمير
سمير حسين
26/04/2010, 18h37
الناس اتلمو عليــــــــا
وبقيت واقف محتار
ســألونى بتعمل ايــــه
قلت أنا با أكتب أشعار
قالولى دا شعرك هابط
نسانا حبك نـــــــــــار
قلت الرحمة يا اخوانا
وانا بافهم فى الأشعـار
دا كلامى كله أونطــه
وبهـرج ليل ونهـــــار
وكدبت عشان يسيبونى
أهرب من ضرب النار

:emrose:
سمير حسين
26/04/2010, 21h15
فجـأة لقيت وبدون انـذار .... جانى البرد بدون اخطار
غير حالى وبدل فكــرى ..... موش قادر أكتب أشعار
عقلى يقولى قــوم وارتاح ..... وبكره يعدلهـــا الفتاح
قلت أفكــر حبة واشوف ..... ولقيتنى ميت م الخوف
أمشى ازاى وأسيب أحبابى ...قلت أخلى الباب مفتوح
لكن خوفى لاعدى اصحابى..بكلامى وصوتى المبحوح
قلت أنــــام واشبع أحلام ..... وانسى البرد وكل آلامه
علشان أصبح واعى وصاحى
واكتب شعــــرى بكل وضوح
سمير حسين
27/04/2010, 13h50
بعد مشقة وبعد كفـــــاح ... بحمـد ربى البرد اهو راح
خـدت ليمون ويا عصـاير ...وقلت ياسيدى نام وارتاح
وجـانى الصبح هل هلاله ... سبحان الواحـــــد الفتاح
أجمل حاجة الصبر جميل ..واهدى اليكم أحلى صباح
سمير حسين
27/04/2010, 19h05
... المرأة الجميلة ليست طيبة دائمـــــا .. لكن المرأة الطيبة دائما جميلة ......

... ذاكرة المرأة قوية جدا .. لكن على النسيان ......

... امرأة أحبتنى وخدعتها ..وأخرى أحببتها وخدعتنى .. تلك هى العدالة ......


... جميلة ..ولا يربطها بذلك سوى اسمها .....
سمير حسين
27/04/2010, 19h52
تأملت النجوم ذات مساء ..لم أعثر على نجمى بينهم .. كان مكانه
خاليا ... جرفت الرياح أحب النجوم لقلبى .. غير عابئة بشوقى اليه .. صرت هائما فى بحر الذكريـــــات ..أجتر بخيالى قصتى معه .. وأنادى .. أين أنت يا نجمى الحبيب ..جرفتك الرياح ؟ ولا من مجيب ..أين أنت أين ضوئك ؟. أنشد لى لحن الحياة .. عد الىّ ..كفاى وحدة ..سر شقائى فى البعد عنك .. عـــدّ الىّ وأضىء بنورك ظلمتى ......
سمير حسين
27/04/2010, 20h14
كانت البـــداية فى الحكـاية ... ازاى أخش هذا المكان
فضلت أسأل والناس قالولى .. اكتب وابقى من الفرسان
حاولت مرة ومرة تانيــــة ... سألت عمدة بن الجمعان
قاللى الحكــــاية من البداية ...وفضلت هاجم كالرهوان
أول مشاركة كانت تقيـلة ... كنت خايف م الموجودين
هما أساتذة وانا شبل طالع .. وسّط عباقرة ومعروفين
ربك كرمنى وفضلت أكتب .. حتى المشاركة الأربعين
شكرا ياعمدة يا ابن جمعة ..هاشيل جميلك طول السنين
سمير حسين
28/04/2010, 09h08
مرة عازمنى واحد صاحبى .... عامل ليلة ف وسط الشارع
والشارع كان اسمه التونسى ... قلت أغنى وامتـــــع نفسى
جاى أغنى أول مــــــــــرة .... لسه بقــول : أول راح قــايم
واحـــد كان قـاعد يسمعنى .... هب وثـــار وضربنى بكرسى
قلت ياواد حاول من تانى ....لازم أعمـــــــل اللى ف نفسى
كلت كوارع ومافيش مانع.... يمكن ده اللى يصـــــلح حسى
شافنى أخوه التانى راح قايم .... فتح المطوة غرسها ف وشى
كل الناس اتلمـوا وضربوا .... قلت حــــاغير تانى وظيفتى
وبعد ما كنت ناوى اطلع مطرب .. قلت افتح لى معمل طرشى
سمير حسين
28/04/2010, 10h27
الأستاذ المحترم / الباشا قمر الزمان ..
شكرا جزيلا لكرم سيادتكم لهذا التعبير عما أكتبه وهذا شرف آخر لا أستحقه فالفضل لله أولا وجميع السادة مسؤلى المنتدى اللذين أعطونا الفرصة لننهل ونستمتع بما يحتويه هذا المنتدى الرائع وبقدر ما نملك نجتهد ونحاول .. لك شكرى وتقديرى .. سمير
سمير حسين
28/04/2010, 22h21
لسه دماغى مش مظبوطـة ...عايز أقوم أربطهـــا بفوطة

كل ما أقوم واحاول أكتب ... تطلع كلمــــــاتى مغلوطــه

فات كام يوم والبــرد تاعبنى ... احلف والناس بتكـــــدبنى

عايز اخف يا ناس واتحرك ... أحسن أنا حاسس بالدوخة

أكتب ت تطلعلى النـــــون ... يبقى المعنى مش مضمون

لازم اتعالج عشان أصحى ...وحا اقوم أعمل شاى ولمون
سمير حسين
29/04/2010, 08h23
سعر اللحمـــــة قايد نــــار .... وكل شوية يقولوا حترخص
حنحـــــارب رفع الأسعــــار .... قلت أصبر واتنيل واخلص
سألت العيلة وانا محتـــار .... تاكلوا بصارة ؟ تاكلوا خضار؟
قالوا جميعا وف صوت واحد ... روح هـــــات لنا أكلة ممبار
جنب حارتنا فتح جـــــــزار .... عامل يافطة كبــــيرة وكاتب
حانحطــــــــــــــــــــــم كل الأسعار
قلت دا راجل سعره مهاود .... وكسب الجولة من التجار
جبت اللحمة وكمان فشة .... وخدت تلاته كيلو ممبــــار
بعد يومين بقرا فى جريدة ....لاقيت الصـــــــــــــــورة
صورة مين ؟ صورة مين ؟ .... آه على فكرة دا الجــــزار
أتارى سيادته كان غشاش ... بيجيب حاجة مش معروفة
جايب لحمه ياناس مغشوشة ... لا هى جاموسى ولا أبقار
وجــــع المعدة بقى يألمنى .... كل شوية ليل ونهـــــــــــار
اتنين حكما كشفوا عليـــا .... بيشوفوا ايــــــــــه الأضرار
واحــــــــد فيهم قال للتانى ... صاحبك واكل نص حمــــــار
وآدى حكايتى مع الجـــزار ... وضريبة رفع الأسعـــــــــــــار
سمير حسين
29/04/2010, 11h45
عمى الباشا انا أقدر أقول ... ان كلامك مش معقـــــول
دى اللى يفكر حتى يقولها ... يبقى صحيح هو المخبول
حاشا لله دا أنت كبـــــــير ... وكلامـــــــك فرحنى كتير
كل كتابتى با اشوفك فيها ... ماهو طبعا بقى لك تأثير
شكـرا ليك ولكل الناس .... على كل هــــذا الاحساس
رأيك فيا دا فضل عظيم .... شجعنى وعملى أســـاس

..... أهداء للأستاذ / الباشا قمر الزمان
سمير حسين
29/04/2010, 18h25
انت كمان يعجبنى كلامــك ... والعينة بينّة قدامـــــــــــك
انت كلامك شعـــر لوحـده ... بيورينى حسن مقامــــــك
كل ما تكتب أنا راح أكتب ... وكأنى قاعـــــد قدامــــــك
دنا با اكتب على قد حالاتى ... والبركة فيك وف أمثــالك
... مع خالص تحياتى ....
سمير حسين
30/04/2010, 00h56
واحنا صغـار وانا فى طفولتى
كنت بلاعب عـــــــزة قريبتى
طفلة جميلة مالهــــــــاش حيلة
كنت اضربها واسيبها وأجرى
تضحاك هى وساعـــات تبكى
لمــــا كبرنا شـــــوية شــــوية
وبـــــــــــدأت أفهم ايه مشكلتى
وقـدرت أعرف حبـــة بحبـــة
انى خــــلاص ودعت طفولتى
كبرت وبقت حلــوة ..عروسة
باسم الله م العين محـــــروسة
وان هيمان وبافـــــــكر فيهــــا
جه اعصار وضرب أرضيها
واللى كمان مزروع حواليهـا
راحت منى وبابكى عليهـــا
قوموا معايا نشوف أراضيها
وندور من بدرى عليهــــــــا
وآنادى بالصـــــــوت العالى
عودى ياعزة ............
لأ مش عزة
دى فلسطين والقدس وغـزة
د أنس البن
30/04/2010, 17h23
حلوه يا سى سمير
والفكره جيده
والأسلوب أكثر تمكنا
لأ .. تستاهل تاخد مواطن سماعى
مبروك ..... :emrose:
سمير حسين
30/04/2010, 18h45
الأستاذ الفاضل د / انس البن
..... تحياتى وسلامى لشخصكم الكريم ...
.. كان لرأى سيادتكم فيما أكتبه آثر عظيم فى نفسى .. وأثلج صدرى .. أشعرنى بسعادة بالغة .. لم لا فهذا التقدير ينم عن فيض كرمكم وعظيم أصلكم .. متعكم الله بالصحة .. وجعلكم سندا لنا ... ولا يسعنى سوى أن أقدم لسيادتكم عظيم شـكرى وامتنانى ..وأطيب تمنياتى .. وعظيم احترامى ... سمير
سمير حسين
01/05/2010, 00h56
نفسى أزورك من زمان
أشم ريحــة الورد فيكى
والسنابل والعيـــــــــدان
صوت وديع الصافى ... صافى
صــوت يخللى القلب دافى
صـــوت يرن ف كل ودن
تلاقى فيه كل القــــــــوافى
نفسى أزوك من زمان
.......
نفسى أسمع صــــوت حبيبتى
صوت ملاكى .. صوت فيروز
فيها بحة صـــوت ورقة
أغلى من كل الكنــــــــوز
دى علامة فوق جبـــالك
هى رمــــز من الرمــــوز
نفسى ازورك من زمان
.......
السلام كان رمز وطنــك
النهــــــارده مش طبيعى
ان حد يهد مجـــــــــــدك
بكرة والأيام ما بينــــــــا
شاهدة على وحدة وطنا
السلام من تانى يرجــع
والغنــــــــا يرن ف ودنا
نفسى ازوك من زمان
الباشاقمرزمان
01/05/2010, 02h54
السلام عليكم ورحمة الله وبركاته

من غير شعر ولا شعر منثور ...... مش قلت لك في عندك شئ مميز يا سي سمير ...... صدقتني ..... اهوه يا سيدي د.أنس أعطاك المواطنة عشان التميز مبروك ومليون مبروك

تحياتي
سمير حسين
01/05/2010, 07h58
وعليكم السلام ورحمة الله وبركاته
.. الله يبارك فى عمرك .وهذا شعور جميل من سيادتكم وهـــذه التهنئة منكم لها كل التقدير والعرفان بالجميل ...مع خالص الشكر
سمير حسين
01/05/2010, 17h13
واحشنا ياغالى واحشنا يا خال
ازاى الصحة وكيف لاحـوال
أرمى حمولك سيبهـــا على الله
كفــــــــــاك ربنا شر الأهـوال
واحشنا ياغالى واحشنا ياخال
......
والله واحشنـــــا وفين أراضيك
رد علينــــــــــــــــــا الله يخليك
دا أنت واحشنــــــــــــــــا
واللمة من غيرك وحشة
كل الناس بتنادى عليـــك
بتقولك ربنــــــــــا يشفيك
وحشنا يا غالى وحشنا ياخـال
......
كل كلامك ... كل غنـــــــاك
قــاعد لســــه بيستنـــــــــاك
مش انت اللى كتبت التوبـــة
وحليم غنى كتير ويــــــــــاك
وحشنا ياغالى واحشنا يا خال
......
بكـــــرة تعـــــــــــــــــــود
ونغنى ويــاك ع العـــــــود
وتسمعنا كمان أشعــــــارك
وحتحكيلنا عن أحــــــلامك
والله يا خال دا وحشنا كلامك
لازم بكره ياخالى تعــــــــود
يارب ... يارب
Egypt4eveR
01/05/2010, 17h32
واحشنا ياغالى واحشنا يا خال
ازاى الصحة وكيف لاحـوال
أرمى حمولك سيبهـــا على الله
كفــــــــــاك ربنا شر الأهـوال
واحشنا ياغالى واحشنا ياخال
......
والله واحشنـــــا وفين أراضيك
رد علينــــــــــــــــــا الله يخليك
دا أنت واحشنــــــــــــــــا
واللمة من غيرك وحشة
كل الناس بتنادى عليـــك
بتقولك ربنــــــــــا يشفيك
وحشنا يا غالى وحشنا ياخـال
......
كل كلامك ... كل غنـــــــاك
قــاعد لســــه بيستنـــــــــاك
مش انت اللى كتبت التوبـــة
وحليم غنى كتير ويــــــــــاك
وحشنا ياغالى واحشنا يا خال
......
بكـــــرة تعـــــــــــــــــــود
ونغنى ويــاك ع العـــــــود
وتسمعنا كمان أشعــــــارك
وحتحكيلنا عن أحــــــلامك
والله يا خال دا وحشنا كلامك
لازم بكره ياخالى تعــــــــود
يارب ... يارب


هل الدول مثل باقي المخلوقات تشيخ وتهرم فتموت بفعل مرور الزمن؟
بالطبع لا وإنما عمر الدول يتجدد بتجدد الأجيال فإذا كانت الأجيال التي تعيش في دولة ما من الدول حية وقوية نشيطة عاملة واعية عاشت الدولة ماعاشوا متمتعين بهذة الصفات لأن عمر الدولة يتجدد مع كل جيل. وأما إذا كانت هذة الأجيال ضعيفة كسولة متواكلة مهملة ماتت دولهم بموتهم لكي تعيش في غيرهم ممن يصلحون للحياة..! فالدولة لاتموت بذاتها إذ ليس فيها مايموت وإنما تموت بأهلها....
سمير حسين
02/05/2010, 13h25
حاجة غريبة بقيت محتـار
مش عارف ارتب أفكارى
ساعة كلام الّشعرياخـدنى
وساعات تانية اكتب أفكار
كل ما أقـول أصبر واتأنا
أرجع تانى للتيـــــــــــــار
....

كتبت رسالة للأبنـــــــــودى
على هيئة أبيات أشعــــــار
كنت ادعيله يطول عمره
ربنا عالم الأســــــــــــرار
جانى كلام معناه بيحـــــير
قلت انا لازم يعنى اتغــير ؟
وامشى انا برضه مع التيار
....
بعشق كل شىء فى بلادى
من بحـرى لجنوب الوادى
والأبنـودى دا ليا مثــــــال
كاتب كل تاريخ أجــــدادى
من أول أغانيه ... عدوية
لحد جواب القـط حـراجى
....
ألف سلامة وألف تحيـــــــة
لجميع شعراء العاميــــــــة
والفصحى وكتاب القصــة
وجميع شعراء الأغنيـــــــة
سمير حسين
02/05/2010, 22h25
سماح ... أرجوك سامحى
لازم تعودى وتروى عودى
وتطببى كل الجراح .....
أرجوك سامحى
صعبان عليا وحدتى ....
أنا هنا فى غربتى
الفكر سارح والهجر جارح
دا أنت طريقى وسكتى ...
أرجوك سامحى
الحق عندى .. دى غلطة منى
نسيت كلامك ونسيت هيامك
والبعد كان من قسمتى ....
ندمان وراجع أشفى المواجع ...
ادينى فرصة .. أرجوك سامحى
علشان أصلح غلطتى ........
فى حق نفسى .. ويارب تنسى
غدرى معاك وقسوتى .....
.... أرجوك سامحى ..
سمير حسين
04/05/2010, 00h59
الدنيا ساكته .. والكل نايم واحنا الحيارى.... سهرانين
فى ناس بتكتب ..وناس بتبحث على الجواهر والثمين
صاحبنا منهم ..عايش ما بينهم بيحبه كل العاشقين... فكر معانا . يمكن تقولى صاحبنا هو يبقى مين ؟
...تاريخ الصورة عام 1944
ابو يحيي
04/05/2010, 01h44
يمكن تقولى صاحبنا هو يبقى مين ؟

"صاحبنا يبقى عبد الحليم"
سمير حسين
04/05/2010, 13h07
فاكرين لما عملت الحفلـــــــــــــــة
لما عزمنى واحــــــــــــد صاحبى
يومها واحــــــــــــــد كالنى بمطوة
والتـــــــانى قــام وضربنى بكرسى
رحت البيت بعد ما خلصنـــــــــــــا
جه الدكتور الدكتور وعملى خياطة
ستــــــــة وعشرين غرزه ف وشى
بعد شوية جانى التــــــــــــــــــــانى
عملى جبيــــــــرة ف قصبة رجلى
وبقيت ماشى على عكــــــــــــــاز
والنضــــــــــــــــــارة خبت وشى
قلت حا أغنى تـــــــــــــانى ازاى
دا انا مش عارف راسى من رجلى
واحد قاللى عندى علاجك
وجاب السنجة ضربها ف كرشى
قلت حا ابطل اغنى خلاص
واسرح بكــــرة بحلة محشى
وانتظرونى يمكن أنفـــــــــــع
وان منفعتش امــــــــوت نفسى

... لسه كمان حعمل محاولة تانى ......
سمير حسين
04/05/2010, 14h33
..طار الحمام .. حط الحمام ..
والطرحة فرحة وزغرودة حلوة
وتبقى هى كبيرة المقام ... الفنانة أحلام ...
الألآتى
04/05/2010, 15h23
هههههههههههه .. إستنى لما أضحك الأول ياسمير

إنت فعلاً أشعارك دمها خفيف .. إذا سميناها أشعار يعنى ..

الوزن ناقص .. ممكن توزن بره

والقافية بعافية .. أظبطها

إنت محتاج تقرأ أشعار كثيرة ومن مختلف المدارس .. بس برضه دمك خفيف ..
صالح الحرباوي
04/05/2010, 15h42
حلو يا أخ سمير ... حلو
وفاكر أيضا انك فتحت محل طرشي ... ولا قفلته خلاص...:mdr:
واصل ... مع الاستماع لتوجيهات عمنا الالاتي
-----
ملاحظة، انت احتفلت بالعضوية ... ونسيت الاحتفال بالمواطنة ...;)
(بيني وبينك .... فيه اللي مسجل من زمان ... ولسة ماخذهاش)
سمير حسين
04/05/2010, 15h49
الأستاذ / الألآتى .. تحيات واحترامى ...
... شكرا لرأى سيادتكم .. رغم اننى شعرت ببعض الاحباط لأن ما أكتبه يكون وليد اللحظة .. وهى محاولات ولا أصنف نفسى على أننى شاعر....وعموما الملحوظة لها كل التقدير ....
سمير حسين
04/05/2010, 16h08
الأستاذ / صالح الحرباوى
...لسيادتكم عظيم شكرى وتقديرى .. وهذا شرف كبير لى أن أجد هذه الآراء المختلفة فيما أكتبه .. ولى وقفة مع نفسى حتى أسترد معنوياتى من جديد ...
الألآتى
04/05/2010, 17h42
الأستاذ / الألآتى .. تحيات واحترامى ...


... شكرا لرأى سيادتكم .. رغم اننى شعرت ببعض الاحباط لأن ما أكتبه يكون وليد اللحظة .. وهى محاولات ولا أصنف نفسى على أننى شاعر....وعموما الملحوظة لها كل التقدير ....


لا ياصديقى لا تُحبط ..

ماتكتبه هو بالفعل عبارة عن خواطر .. ولكنك تضعها فى شكل أبيات شعرية .. وهى ليست بشعر ..

كلنا لنا محاولات .. ولكنها ظلت مجرد محاولات .. وراحت لحالها ..

لكنى لاحظت أنك غزير الإنتاج .. وهذا مالفت نظرى إليك .. وأحببت أن أهديك النصيحة ..

ليتك تأخذ بها .. لعلنا نحصل فى النهاية على شاعر موهوب .. وخفيف الدم ..

يمكنك أن تبدأ من الأن .. طالماً الموهبة موجودة .. والرغبة فى التعلم متاحة ..
صالح الحرباوي
04/05/2010, 20h28
الأستاذ / صالح الحرباوى
...لسيادتكم عظيم شكرى وتقديرى .. وهذا شرف كبير لى أن أجد هذه الآراء المختلفة فيما أكتبه .. ولى وقفة مع نفسى حتى أسترد معنوياتى من جديد ...
أخي سمير ... أرجو أن لا تأخذ ملاحظاتنا على أنها إحباط لعزيمتك أو دعوة للتوقف ... بالعكس تماما
لولا اننا استشفينا فيك موهبة وتلقائية وسلاسة في التعبير لما سعينا لتوجيهك بغية صقل هذه الموهبة التي يفتقدها كثير ممن يكتبون ويتقنون قواعد الشعر الفصيح أو العامي ...
وأطمئنك بأنه هناك كثير من كبار أعضاء سماعي وأقطابه يشهدون لك بروحك الخفيفة وكلماتك الحلوة وأخلاقك النبيلة في التعامل ...
يا أخي .. التعلم والمثابرة سيأتيانك بنيجة طيبة ان شاء الله ...
ما تنساش تكتب لنا شيء عن المواطنة التي نهنئك بها ... :emrose:
سمير حسين
06/05/2010, 11h22
وحياتك عندى ....... قوللى وفهمنى ...
زعلك على عينى ...... ليه تغضب منى
واحلف دا كلامـك .. محفـــــوظ لمقامـــــك
عالى عندى وغالى ..طـب ليه تخاصمنى
.....
ما تقوللى بعادك ...... طول كـــده ليــــه
أنا راضى بعتابك ... ليه تسّوق فى دلالك
والا عشان عارف ان أنا مشتاقلك
و خصامـــــك ده مقدرش عليــه
...... يارب تكون الرسالة وصلت ...
الباشاقمرزمان
07/05/2010, 22h03
يا عم سمير

مسابقاتك حلوة في أسلوب عرضها ولكن لماذا لا تضعها ضمن مسابقة الصورة دي مين أنت حتتعب المشرفين كل يوم ينقلوا لك موضوعك لمكانه الصحيح وكدة حتخلي ناس كتير تشارك معاك وبرضه لنا لقاءات أخرى
حسن كشك
09/05/2010, 23h33
حلوه والله يا ابو سمره
سمير حسين
10/05/2010, 07h59
الأستاذ / حسن كشك تحياتى وشكرا لمجاملتك الرقيقة
محمد رمضان ماضي
11/05/2010, 19h34
بسم الله الرحمن الرحيم
حلو أخي سمير ، فيه تقدم أهوه ،
همسة :القافية لسة عايزة كمان تكة ،
الوزن ماليش دعوه بيه :mdr::emrose:
ليلتك سعيدة .
السلام عليكم ورحمة الله وبركاته
سمير حسين
11/05/2010, 20h08
.. الأستاذ محمد رمضان .. تحياتى وشكرى لسيادتكم ..وعايز أقول :
كان الــوزن ناقص
وظبطنا المــــــيزان
والقافية كانت واقعـة
اتعدلت من زمـــــان
أنا قلت أخش تـــانى
وأكتب وانا ف أمان
... هذا الكلام على سبيل الدعابة .. مع أطيب تحياتى ...
محمد رمضان ماضي
11/05/2010, 21h23
.. الأستاذ محمد رمضان .. تحياتى وشكرى لسيادتكم ..وعايز أقول :
كان الــوزن ناقص
وظبطنا المــــــيزان
والقافية كانت واقعـة
اتعدلت من زمـــــان
أنا قلت أخش تـــانى
وأكتب وانا ف أمان
... هذا الكلام على سبيل الدعابة .. مع أطيب تحياتى ...
أخي الحبيب سمير
ما جزاء الإحسان
إلا بمثله إحسان
القافية هنا تمام
لسه باقي الميزان
ههههههههه
الباشاقمرزمان
11/05/2010, 21h41
شوف
يا عم سمير بلا قافية لا قافية ولا ميزان
ده شغل الأساتذة كل واحد فيهم وزان
أناحسمع وبسمع عشان ربي خلألي ودان
بصراحة ياسميركل دة كان فين من زمان
ونفسي أشوف عمنا بشيرعياد هنا كمان
وحنتعلم انا وانت ونقول زدنا كمان وكمان
ده فيه ناس حلوة يعم قلما يجود بيها الزمان
الألآتى
12/05/2010, 07h13
أممممممم .. كده مظبوط

قافية ووزن ... حلو كده .. حاتخلينى أقرا أعمالك ياواد ياسمير .

دور لنا بقى على مواضيع حلوة وجديدة .. وإكتب فيها ..

الوزن مظبوط ياماضى .. وإسمع الملف المرفق وإنت تتأكد ..
سمير حسين
12/05/2010, 07h29
..الأستاذ / الألآتى .. أجمل صباح .. وأرق تحية
.. شرف عظيم أن يكون هذا رأى سيادتكم .. بجد أنا سعيد فعلا وأتمنى معرفة رأيكم فى عيونك شوقتنى .. لسيادتكم منى جزيل الشكر والتقدير .... سمير
سمير حسين
12/05/2010, 20h23
.. اليوم .. بعد فراق طويل .. كان اللقـــــاء .. كم أثار فى نفسى الذكريات بعد أن أغلقت قلبى عليها .. لكن ها هى عادت من جديد
وعادت لىّ الحيـــــاة .. وذهبنا حيث كنا دائما .. هناك على حافة
النهر.. نهر الذكريات .. وألقت برأسها فوق صـدرى ... وكفيـنا تتعانقــان فى رفق وحنان.. وأضاء القمر وجههـــا .. يا لهــا من روعة .. القمر وجه وعينان .. رقة وعذوبـة .. ونجوم تتراقص
فرحة باللقاء .. حبيبتى .. هيا نتعاهد ..ألا نبتعــد .. ويكفى ما لقيناه من عذاب البعاد .. وهمهمت نتعاهد ..واقتربنا .. وتعاهدنا
... و .. وقعنا الوثيقة .....
سمير حسين
15/05/2010, 20h37
:emrose: * القصر المسحور*
.. يحكى أن أحد النبلاء فى بلاد الآندلس شّيد قصرا كبيرا وأطلق العامة على تلك التحفة الفنية النادرة ( القصر المسحور) ويروى أن من لم يزره فاته الكثير.. وعقدت العــزم .. وبجــناحى أخذت أطير.. أميال .. وأميال .. وعلى المدى البعيد رأيت الأضـــواء الباهرة والنجوم الســـاطعة ها هو ( القصر المسحور ) واقتربت حتى باب القصروسألت كبير الياوران هل تسمح لى بالدخول ؟
.. تفضل .. لقد سمح لك الأمير ويبلغك أن أبواب القصر مفتوحة
للجميع.. وأستقبلنى الأمير .. تفضل يا سمير ..يا للهول أنه سمو
الأمير ( سماعى للطرب الأصيل ). وبدأت تجوالى داخل القصر
الكبير . فى الواجهة ساحة جميلة مكتوب عليها ( ساحة الكنوز)
وحراسها يرفعون الينا كل ألوان الفنون .. ونحن مقدرين لكم هذا العمل الذى أثرى البشرية ... وهنا قاعة الموسيقى العربية ويقف
وسط القاعة المايسترو بعصاه يقود ويعزف أعذب الألحان. وهنا
.. الموسوعة الرشيدة وبها ضـوء جميل.... أنه ضوء كبيرها بعطائه الفياض وهداياه السخية.. وهنا مائدة الشعـراء وبشيرهــا العطّاء ننهل منه و منهم ما يقدموه لنا من عظيم الكلمات.. وهنــا
مغارة مرصعة بالنوادر... تزينها أعواد الريحان... ياللجمال
.. اذاعة سمعية من ذاك الأسد .. وأخرى مرئية.. معزوفة من الفنون الكلاسيكية والفنون الشعبية. .. ياله من قصر جميل ...
تحية واكبار لكل من فيه صغيرا أو كبير .. وصحوت وأنا أردد
ها أنا داخل القصرالكبير.. وأفقت ووجدتنى هنا فى هذا المكان
أنه ( سماعى للطرب الأصيل .. وأظنه ذلك القصر المسحور )
سيد عبده الصيرفي
18/05/2010, 09h01
الشكر الجزيل للأستاذ الفاضل سمير
لشعوره الطيب نحو منتدى سماعى الحبيب
فأنت الأن ممن يشاركون فى تكوين كنوز هذاالقصرالعريق
مع أطيب تمنياتى بطيب المقام بسماعى
جزاك الله كل خير
سمير حسين
22/05/2010, 00h32
يا سيدى مـــــالك
ســــــــايق دلالك
هـــــو انت يعنى
مافيش مثــــــالك
يا سيدى مــــالك
...
تتقل علينــــــــــا
ويطول بعــــادك
ياحبيبى قـــــرب
وتـــــعالى جنبى
قلبى وعنيــــــه
عاشقين جمـــالك
ياسيدى مــــــالك
...
الباشاقمرزمان
22/05/2010, 06h52
ايه الروقان ده يا عم سمير
سمير حسين
22/05/2010, 08h23
.. أستاذى الباشا .. تحياتى وسلامى .. وشكرا جزيلا ...
والله وحشتنا .. فى غيابك عننــــــا
أسأل علينا دايما .. ولا تقطع ودنـا
.. مع خالص تحياتى ..... سمير
سمير حسين
22/05/2010, 22h08
كنت با أحب واحـــــدة
بعدين قلشتهـــــــــــــــا
ونويت أحب تــــــــانى
من بعد ما سيبتهــــــــا
قلت أنقى واحــــــــــدة
ماتكونش زيهــــــــــــا
وكمـــــان تكون جميلة
ف طولها وعرضهــــا
...
فجأة جــــانى النصيب
وشفت شكلهــــــــــــــا
سميت وقلت نــــــاوى
أخش قلبهـــــــــــــــــا
سألت عن شــــارعهم
ورحت لآهلهــــــــــــا
أطلب ايديهـــــــا منهم
أنا أصلى با أحبهــــــا
خرجت عليا واحــــدة
وشفت وشهــــــــــــــا
طلعت حبيبتى القديمة
وياريتنى ما شوفتهـــا
وكانت ليلة ســــــوده
ما شوفتش زيهــــــــا
كلت العلقة المتينـــــة
وخلعت منهــــــــــــا
أصل حبيبتى القديمة
طلعت امهــــــــــــــا
الباشاقمرزمان
22/05/2010, 23h02
ايه ده يا عم سمير الحلاوة دي ...... سميها (( طلعت أمها )) على وزن حبيبة أمها

المهم يا عم سمير ممكن تحط شعرك في موضوع واحد عشان نقدر نتابعك ونتابع معاك
أكيد أخونا الآلاتي وكل من يتابعك بيتعب يدور وراك انت غاوي تشتيت ليه إعمل زي أخونا ممدوح
يارب قبل ما أموت تحقق لي الأمنية دي
الباشاقمرزمان
25/05/2010, 21h17
كلام حلو ..... ولذيذ
ومش حديلك الفرصة وأعلق ........... سلام
د أنس البن
27/05/2010, 06h28
ما أجمل أن يصير واقعا ما كنا نتصوره خيالا
فكرة جميله ولفته إبداعية طيبة تستحق منا جميعا أن نوجه الشكر والتحيه للأخ الصديق الأستاذ سمير حسين:emrose:
الباشاقمرزمان
28/05/2010, 02h30
ماشي يا عم سمير خلاص حتنافسنا في النثر كمان ....

على العموم حاقرصك عشان تتأكد إنك في الحقيقة مش الخيال والظن

فكرة جيدة منك يا عم سمير يارايق

لا خليني أقول عم سمير الكيلاني

:emrose::mdr::emrose:
سمير حسين
29/05/2010, 19h12
:emrose::emrose::emrose::emrose:
با أكتب رسالة لعمنــــــــا
سيدنا وحبيبنا دكتور أنس
اللى ف وجوده بالمنــتدى
نشعر جميعــــــــا بالونس
....
عمى وحبيبى ما أجمــلك
صاحب رســـــــــــــــالة
وكمان حضــــــــــــــارة
انشـــــــــــــــــــاد تلاقى
وكـــــــــــــــــلامه راقى
انسان وقور ورب العباد
صوّره فى صــورة ملك
....
يدينــا عبرة من الدروس
عن الأحبة والصحــــابة
ويشع بهجــة فى النفوس
....
دا غير ما يرفع من كنوز
أفـــــــــــلام قديمــــــــــة
حلــــــــوة وجميــــــــــلة
وكمـــــــان أغــــــــــانى
لكل رمــز من الرمــوز
....
عنده الكتير والخير وفير
ده غير حنان قلبه الكبير
ده أب لينــــــــــــــا
ماسك ايدينــــــــــــــــــا
خللى الطريق قدامنا نور
....
أدعى وأقـــــــــــــــول :
رب العبـــــــــاد اذا أراد
يحمى حبيبنا دكتور أنس
وينوله كل المــــــــــــراد
....
خليـل زيـدان
29/05/2010, 20h49
الله الله يابو سمـــير ياجمــــيل
تســــــلم الأيـــــــادي
فينـــك يا عمـــنا الجمـــيل د. أنـــس
تشـــوف جمــال أشعـــــار سمير الأمــير
تســـــتاهل وردة :emrose:
جابر الحسيني
29/05/2010, 22h51
تمام يا أستاذ سمير .. هذا هو الدكتور أنس

:emrose::emrose::emrose:
الباشاقمرزمان
29/05/2010, 23h10
ما شاء الله يا عم سمير قدرت ترسم بالكلمات الصورة اللى راسمها في خيالي عن د أنس

لكن من المؤكد لو تشرفت بمعرفته حتكون الصورة أحلى وأجمل مما في خيالي
د أنس البن
30/05/2010, 05h09
لا يسعنى أمام هذا الفيض من المشاعر الطيبه والتى تنم عن قلوب صافيه تحب فى الله ولله
لا يسعنى إلا أن أرفع أسمى آيات الشكر للأخ العزيز سمير حسين وللإخوة الأحباب خليل زيدان وجابر بخاطرى الحسينى والباشاقمر الزمان اللى بيفكرنى أسلوبه بصديق عزيز كان معانا فى سماعى وسابنا من زمان , أشكرهم جميعا على حسن ظنهم بالعبد لله الفقير الى مولاه ,:emrose:
وللأخ الباشاقمرالزمان أقول إنى خايف لو شافنى يغير رأيه كما كانت العرب تقول قديما أن تسمع بالمعيدى خير من أن تراه , خلينى ف خيالك كده أحسن , والحمد لله ساحة الخيال واسعه وممتده ورحبه ونقيه تماما , خليها كده أحسن:mdr:
ألف شكر يا أحباب وأذكركم بهذه الكلمات الطيبة التى تكلمتم بها فى حقى , أن تشهدوا بها لى أمام رب العالمين , ألسنة الخلق أقلام الحق , والله يحفظكم جميعا ولا حرمنا منكم .....:emrose:
الباشاقمرزمان
30/05/2010, 11h38
لا يسعنى أمام هذا الفيض من المشاعر الطيبه والتى تنم عن قلوب صافيه تحب فى الله ولله
لا يسعنى إلا أن أرفع أسمى آيات الشكر للأخ العزيز سمير حسين وللإخوة الأحباب خليل زيدان وجابر بخاطرى الحسينى والباشاقمر الزمان اللى بيفكرنى أسلوبه بصديق عزيز كان معانا فى سماعى وسابنا من زمان , أشكرهم جميعا على حسن ظنهم بالعبد لله الفقير الى مولاه ,:emrose:
وللأخ الباشاقمرالزمان أقول إنى خايف لو شافنى يغير رأيه كما كانت العرب تقول قديما أن تسمع بالمعيدى خير من أن تراه , خلينى ف خيالك كده أحسن , والحمد لله ساحة الخيال واسعه وممتده ورحبه ونقيه تماما , خليها كده أحسن:mdr:
ألف شكر يا أحباب وأذكركم بهذه الكلمات الطيبة التى تكلمتم بها فى حقى , أن تشهدوا بها لى أمام رب العالمين , ألسنة الخلق أقلام الحق , والله يحفظكم جميعا ولا حرمنا منكم .....:emrose:


أستاذي وصديقي الغالي / د أنس

الكلمة تلعب دور عندي في رسم صورة عن شخص ما وتنبئ عن طبيعة كل إنسان والحقيقة أنى ما عنيته هو أن أخونا سمير أتى بصفات أقل مما هو واضح عن شخصيتكم الكريمة فبالرغم من انكم قليلي الكلام لكن كثير العمل والفعل الايجابي دأووب في العمل هادئ الطباع كريم تستقبل الناس بترحاب شديد هذا بالطبع غير العلم الواسع وشغفك بكل ما هو قديم وأصيل هذا ما ذهبت إليه وشئ آخر هو الخجل أو الحياء ، ومن به الصفات لابد من التشرف به ومجالسته مكسب كبير وبعدين ايش جاب المعيدي للدكتور أنس هناك فرق يا دكتور.... ثم إذا كان صديقك القديم يشبهني في الاسلوب وذهب من زمااااااااان فنسأل الله أن يكون المانع خيرا وله السلامة فأرجوا اعتباري محله صديق عزيز أيضاً بس اختلف معه في شئ اني نشبة أو كما يقولون لزقة فمن يجد صحبتكم وصحبة الإخوة الطيبين يروح إزاي يجالس نافخ الكير.

شكرا لك أستاذي ولك منى خالص التقدير والاحترام :emrose:
سمير حسين
31/05/2010, 10h23
رسالة للأمـير امحمـد الزمنــطـر
ـــــــــــــ
ســـلامى لسمـــو الأمـــــــــــير
صــــاحب الفضـــل الكــــــــبير
لوجــودى فى القـصـر الجمــيل
ســمــاعى للطـــرب الأصــــيل
:emrose:
قـــــــالوا فـــى الــــــــــــتاريخ
كــان فـــيه زمــــــــــــــــــــــان
فـارس شجاع واســــمه عـنـتر
مـرت سـنين وظهــر الأمــــــير
عـاشـق الفـنون من كل لــــون
أســـتاذ امحـمـــــــد الزمنـطـــر
:emrose:
بنى له قصـر عــالى وجميـــــل
سمْاه باسـمه وبريشته رسمـــه
وعــمله متحف لكل جيــــــــــل
أفــتـح يا سمسم أكتب وحمّــــل
هنـــا ســماعى للطرب الأصـيل
:emrose:
ســؤالى لسمو الأمــــــــــــــــير
صـورتك جميلة على اليميــــن
ممكن تقولى ودتهــــــــــا فـين
سـيبهـــــــــــا ف مكانهـــــــــا
عــلـشـــــــان نشــــــــوفــــــك
والـرب حارس من كل عيـــــن
:emrose:
أجــــــمل تحية للأميـــــــــــــر
أستاذ أ محمــــــــــد الزمنطـــر
( سماعى للـــــطرب الأصيل )
خليـل زيـدان
31/05/2010, 14h09
ألف شكر يا أحباب وأذكركم بهذه الكلمات الطيبة التى تكلمتم بها فى حقى , أن تشهدوا بها لى أمام رب العالمين , ألسنة الخلق أقلام الحق , والله يحفظكم جميعا ولا حرمنا منكم .....:emrose:

أيهـــا الرجـــل الجمــيل
والإنســــان النبــيــل
كــلامك أبكـــاني
:emrose:
خليـل زيـدان
31/05/2010, 14h35
رسالة للأمـير امحمـد الزمنــطـر
ـــــــــــــ
ســـلامى لسمـــو الأمـــــــــــير
صــــاحب الفضـــل الكــــــــبير
لوجــودى فى القـصـر الجمــيل
ســمــاعى للطـــرب الأصــــيل
:emrose:
قـــــــالوا فـــى الــــــــــــتاريخ
كــان فـــيه زمــــــــــــــــــــــان
فـارس شجاع واســــمه عـنـتر
مـرت سـنين وظهــر الأمــــــير
عـاشـق الفـنون من كل لــــون
أســـتاذ امحـمـــــــد الزمنـطـــر
:emrose:
بنى له قصـر عــالى وجميـــــل
سمْاه باسـمه وبريشته رسمـــه
وعــمله متحف لكل جيــــــــــل
أفــتـح يا سمسم أكتب وحمّــــل
هنـــا ســماعى للطرب الأصـيل
:emrose:
ســؤالى لسمو الأمــــــــــــــــير
صـورتك جميلة على اليميــــن
ممكن تقولى ودتهــــــــــا فـين
سـيبهـــــــــــا ف مكانهـــــــــا
عــلـشـــــــان نشــــــــوفــــــك
والـرب حارس من كل عيـــــن
:emrose:
أجــــــمل تحية للأميـــــــــــــر
أستاذ أ محمــــــــــد الزمنطـــر
( سماعى للـــــطرب الأصيل )

ــــــــــــ
تســـلم الأيــــادي يا أ. سمـــير
سمير حسين
02/06/2010, 21h06
..... فرح حبيبتى ..
سمعت زغروته حـلوة
جــــــــــــــــــوه البيت
وكنت ف عـــــز نومى
لقيتنى فجـــأة صحيت
بصيت أشــــوف مين
زغرته عشانهــــــــــا
طلعت حبيبـــــــــــتى
مقدرتش أمسك دمعتى
وغصب عنى بكيــــت
سمير حسين
03/06/2010, 08h11
..ربنا على المفترى
ربِك يهْد المفـــــــــــــترى
أصمدى يا غزة وأصبرى
أرضك وعرضـــــك ديّن
فى رقاب الجميـــــــــــــع
وبكره تشوفى وتُنَضـــرى
وربك يهْــــــــــد المفترى
.....
مش ممكن يا غزة تفضلى
تحت رحمـــــــة عسكرى
لازم حاييجى اليـــــــــــوم
تقومى شامخــة وتنهضى
وأحلف يَمين إنك يا قــدس
لازم فى يوم تتحـــــررى
وربك يهْــــــــــد المفترى
......
الباشاقمرزمان
03/06/2010, 13h31
مية مية يا سمير يا ابو الوطنية
ويارب تزيد الروح الإسلامية
ومهما طال وطول أمد الاحتلال
حترجع لنا فلسطين والقدس عربية
سمير حسين
03/06/2010, 20h34
..الجن...
اللى يحضّر الجــــــــــن
لازم يصرفـــــــــــــــــه
أحسن ما يــــــــــلزق له
ويلاعبه ويخـــــــــــــوفه
باعدين تسيب مفاصـــله
ويغــــــــــــــــرْق الدنيا
ويشوف له حـــــد يِنََشفه
سمير حسين
04/06/2010, 20h59
.. الإحتلال ...
الصبر أصبح شىء مُحال
وتعبنا من طول الاحتمـال
ولإمتى يفضــــــل السؤال
اللى حيرنا وتعبنـــــــــــا
واللى بيمزق ضلوعنــــــا
إمتى حنزيل الاحتـــلال ؟
.....
سمير حسين
05/06/2010, 19h16
.... المواطنة ....
فَصْلت خلاص الجلابيـــــــة
وعملت من لونهـــــــا طاقية
من بعد ما كنت واحـد عادى
فى سماعى إًدونى الوطنيــة
.....
ورُوحت سجل الجماليــــــــة
دا مكانى وكنت أنا فيه ساكن
وطلبت أغَيْر بينــــــــــــــاتى
من عضو سمـــاعى لمواطن
....
عملولى الــــــــلازم ومشيت
طـوالى وروحت على البيت
وصحابى قالولى أعمل حفلة
وعملت الحفلــــــــــة وغنيت
.....
جلجلت وأنــــــا واقف أغنى
ضربونى وكمان سيحوا دمى
ديلى فى سنانى وجـــــــريت
وجـــــــــــوه سماعى أتخبيت
وهى توبـــــــة وحرمت أغنى
ما خلاص م العلقـــــة إتربيت
....
الباشاقمرزمان
05/06/2010, 19h34
ههههههههههه ما هو انت هنا في سماعي مش حتقدر تغني علينا يا شاطر

وهنا مفيش ضرب وغلاوة ربنا هنا فيه ما هو أقصى من الضرب

لأن الضرب ده الشئ العادي كله بيضرب على آلة من الآلات

واللى ما بيعرفش زيي بيعرف ينقر على أي حاجة

بس هنا فيه تقريع وتقريظ وتغليظ

وده أكتر من الضرب

سلمت لنا يا لذيذ يارايق انت يا سمير
:mdr::emrose::mdr:
سمير حسين
08/06/2010, 12h20
.. ليلة امبارح ...
امبـــــــارح كنت ف حالة
ما يعلمها غير ربنـــــــا
الأهلى خسر الكـــــــــاس
واتحرق دمنـــــــــــــــــــا
....
كنت مهيــــــــــــــأ نفسى
وكاتب حاجة جــــــــديدة
علشان أفــــــــرح روحى
بعـــــــــــد المباراة بدقيقة
نسيت كل حاجـــــــــــــة
وكأنه كلام شخــــــابيط
ومسحتــــــــــــه بأستيكه
....
بطلت أشجع كـــــــــــورة
والبركة ف أبو تريكـــــــة
ضيع كبشة أجـــــــــــوان
ماشانا جنب الحيطـــــــة
وآدى جزاء اللى يشجــــع
فرقة تعـــــــلالى يا ويكه
.....
سمير حسين
09/06/2010, 11h26
... جزار وشاعر ...
قال لى أنا حقـــــــولك
آخر عمل ليــــــــــــــا
جــــزار وبا أكتب شعر
وبأوصف بحنيــــــــــة
معـــــــرفش جت إزاى
معـــــا إنى مش دارس
أنا قلت له الموهبــــــة
والرك ع ( الّّليْــــــا )
سمير حسين
10/06/2010, 15h34
... بالراحة علينا ...
ما أحبش الكـــــــــــــآبة
واللّت فى الكتـــــــــــابة
ولا أحب الفلسفـــــــــــة
واكتب بالارتجــــــــــالة
....
الوزن مش كفـــــــــاية
ناقص عشرين وقيــــة
واكتب قصـــــيدة تانية
سليمة ملــــيون ف مية
....
حا أكتب بالعـــــند فيهم
خمسين موضوع جـديد
وحا أخلى الصح فيهـم
والباقى أرميه بعـــــــيد
....
ما هى موهبة الكتـــابة
مش عند أى حـــــــــد
واللى يعيب عليهــــــا
يبقى وضع له حــــــد
.....
يا أخوانا ادونا فرصـة
نكتب عن أى حاجـــة
ولاّ المثل اللى قـــــــال
احنا ف بــــــــــلدنا لأ
ونسقف للخواجــــــه
سمير حسين
10/06/2010, 22h32
.. حبيبتى وحشة قوى ..
زهقــــان أنـــــــــا م الحب
وزهقــــــــــــــت من نفسى
حبيبتى وحْشَه قـــــــــــوى
وهى سبـــــــــــــب نحسى
....
لو جَـــــــه ف يوم عفريت
وشافهــــــــــا فى الضلمة
حيقـــــــــــولى ســـامحنى
أنا شوفتهــــــــــا أتخضيت
...
أنا تُبت على أيـــــــــــــدك
حرمت أبص عليهـــــــــــا
ودقنى أهى لــــــــــو جيت
دى شبه عفريت قـــــــريبى
ساكن معايـــــــــا فى البيت
.....
سمير حسين
13/06/2010, 14h53
.. شُفت منام ..
حِلْم ف عز نومـــــــــــه
وعيــــــــــــــونه نعسانه
حبيبته جاية عليــــــــــــه
وهى فرحــــــــــــــــــانه
قــــــــال فسر بقى حلمى
أنا قلت له خــــــــــــــير
بلاش تنـــــام ع الأرض
و ( الوزه ) عــــريانه
سمير حسين
13/06/2010, 21h44
.. البخت ..
قلت لهــــــا شوفى الودع
وقــــــــــوليلى على بختى
قالت نجمك جميــــــــــــل
ياختى عليـــــــــــه ياختى
...
الفْــــرح ف طريقك جاى
بُكـــــــــــــره يا دلــوقتى
سبع سنين عَــــــــــــــــدو
ولســـــــــــــــــــه مستنى
...
أصل الحيـــــــــــاة أبخات
تاخــــــــــد يا تدينــــــــــا
وأنا اللى شفته كفــــــــاية
ودى قسمـــــتى وبخـــــتى
...
سمير حسين
14/06/2010, 16h22
.. البخت من الخيال ..
عمرى مـــــــا أبص لإيد
ولا رقبـــــــة ولا رجلين
دى حاجة كنت كاتبهـــــا
وشايلهــــــــا من شهرين
....
عمرى كمان ما اتخيــــل
إنى أبص بعيــــــــــــــن
لحد ف ايده حاجــــــــه
فِــــــــــكرك وداك لفين
....
نَفسى عـزيزه وغاليــة
ولا أرمش بطـرفة عين
الحمـــــــــــد لله ع الستر
والفاتحـــــــــــة للحسين
....
سمير حسين
14/06/2010, 21h18
..صاحب بالعافية ..
عَمـــــــــال يلف ورايـــا
وكأنه ليـــــــــــــا صديق
وف كل حتــــــــــه يفتش
ويسيبنى بنشفـــان الرّيق
...
يسألنى ف كل حـــــاجة
وكأنه واحـــــــد صاحبى
وزهقت منــــــه خــلاص
تعبنى وقلــــــــقْ راحتى
...
عايز لى حل معــــــــــاه
يا إما يِعَزل هـــــــــــــــو
واكسر قلّـــــــــــــه وراه
يا إما يسيبنى ف حـــــالى
ويعتقنى لوجـــــــــــه الله
...
سمير حسين
15/06/2010, 12h37
..إنزل وتعالالى ..
وقْفتْ على ناصيتـــــــــــه
وناديت بصوت عــــــــالى
يا سيدى بص علينــــــــــا
إنزل وتعــــــــــــــــــالالى
رد الجَميل من فــــــــــوق
قال مهرى أنا غـــــــالى
...
ساعتها قلت المَثــــــــــــل
اللى سمعته زمــــــــــــان
طول عمـــــــــــرها الميْه
ما تطلع العـــــــــــــــالى
...
سمير حسين
15/06/2010, 19h41
.. عزومة ..
قال لى أنا حــا أعزمك
على أكلــــــــــة شرقية
وأدفع حسابها كمـــــان
آخــــــر كلام ليّــــــــا
ده نـــــــــدّروبوَفيـــــه
والحلو عسليـــــــــــــة
....
جَهــزت نفسى ورُحت
وآملى فى الليّـــــــــــة
لقيت عزومة البيـــــه
فــول وطعميـــــــــــة
....
سمير حسين
16/06/2010, 20h35
.. عتاب ..
شهرين ولا مــــــرة تكلمنى
قال يعنى عامل مخاصمنى
بتسوق فى دلالك وبتبــــعد
ما هو بُعدك دا اللى مجننى
...
زعلان من حــاجة ؟ فهمنى
دا جفــــــاك وبعادك يألمنى
أبعت مرسال أو حتى عتاب
وبأى طـــــــــــريقة تطمنى
...
الباشاقمرزمان
17/06/2010, 08h53
الكلام ده حلو وفيه شكل غنائي وكمان معمول على شكل رباعية وفيه جديد بالنسبة للمحتوى

سلام
سمير حسين
17/06/2010, 10h45
الأستاذ / الباشا .. تحياتى .. والله أنت الوحيد اللى بترفع من معنوياتى .. بس فيه حاجة غريبة مُش عارف أفسرها وهى إن الخواطر دائما تجينى أول ما أحط رأسى على المخدة عند النوم وأقوم أكتب وعلى فكرة لا أحفظ ما أكتبه وأنساه .. مطلوب من سيادتك تفسير ذلك بحكم أنك تقريبا المُحلل النفسى والفنى لى .. مع خالص تحياتى ...
سمير حسين
17/06/2010, 18h36
.. عمال أخس ..
الهدوم وسْعت عليّــــــــا
كل يوم عمــــــــال أخس
طول نهارى وليلى أفــكر
وإنت مالكـــيش أى حّس
....
من زمان أنا كنت حاسس
إنــــــك إنتِ مُش نصيبى
بس لازم تعـــــــــــــــرفى
إنى حبيـــــــتك إنتِ بس
....
سمير حسين
17/06/2010, 23h09
.. شكرا د . حسن .. :emrose::emrose::emrose:
د . حسن راجل كـــــــــــــريم
طلبت منـــــــــــــــه طلب مهم
غنوة حــــــــــــــلوة لعبد الحليم
رد بلبـــــــــــــــــاقة وبكل ذوق
عرفت إنه راجـــــــــــــل عظيم
....
شكـــــــــرا جزيلا ردك سؤالى
عن غنوة هى ( إحتار خيالى )
موجودة عندك وعشان خاطرنا
أرفع كلامها علشان دى ليهــــا
ذكرى جميلة عايشة فى بـــالى
....
سمير حسين
18/06/2010, 18h03
.. الفـــــول ..
اللى واكل الصبح فـــول
من طريقته يبــــان عليه
كل ما يسمع كلامـــــــك
ِيبُص لك فاتح عنيـــــــه
...
وان سألته إزى حـــالك
يمد رجله بدل إيديـــــه
وتلاقيه ممكن يقـــــولك
لو سمحت أنا إسمى إيه
...
سمير حسين
19/06/2010, 19h46
.. مُش عارف أنام ..
حالة غريبة عايش فيهــــــــــا
ممكن حد يفهمهـــــــــــــا لى ؟
عندى مخــــــدة جميلة وناعمة
كنت وارثها زمان من خـــالى
...
أول ماجى أنام وألمسهــــــــــا
آلاقى وحى الشعـــــــر نادانى
أقــوم فى الضلمة وأجيب قلمى
وأكتب كل ما ييجى على بالى
...
حاجة غريبة عايز أفهمهـــــا
هى جميلة لكن تعبــــــــــــانى
أفضل صاحى والنــاس نايمة
والأفكار تجــــرى فى دماغى
...
حد يقوللى لوجـــــــــــــــه الله
يعمل إيه لو كان فى مكـــــانى
وأى نصيحة تجيب مفعولهــــا
أشكر اللى كتبهـــــــــا عشانى
...
الباشاقمرزمان
20/06/2010, 09h44
طيب رد على الرسالة الخاصة عشان ارد على سؤالك والا انت مطنش:mad:
سمير حسين
20/06/2010, 21h09
.. يعجبنى كلامك ..
يا حبيبى بيعجبنى كلامـــك
وسحر عيونك وجمــــــالك
كل العشاق حسدونى عليك
من خفـــــة روحك ودلالك
...
أسمر وعنيك حـــلوة جميلة
ورموشك ساحرة وكحيلة
يا أسمرحبيتك وأنا عارف
إنى ف حبك ماليــاش حيلة
...
لو شفت عنيك رايحة وجاية
أقول دى وراها ملاغيـــــة
ما تبطل تشْغل أحبــــــــابك
وتخلى عواطفك يوم ليّـــــه
...
سمير حسين
21/06/2010, 08h30
.. خليل بك الريحانى ..شكرا ..
عم الريحانى له وضع تانى
عنده مغارة محــــــــــيرانى
قافل عليها من اللى فيهـــــا
أسرار قديمة مجننـــــــــانى
...
فنان له ريشة حلوة ورقيــقة
صور جميلة لنجوم كتـــيرة
فايزة وشادية وحليم ووردة
لمساته ساحرة وكمان دَقيقة
...
جوه المغارة أسرار جميــلة
أفلام أغانى صور قديمــــة
وكل صورة راسمها لوحــة
تلاقيها أجمل وليها قيمــــة
...
كلامى ده شوية عليـــــــــك
تسلم لنــــــــــا وتسلم إيديك
أسم الريحانى عزيز علينا
وبنشكرك وبندعى ليــــــك
...
سمير حسين
21/06/2010, 15h19
.. مدمن كاس..
ساعـــــــــــــدونى ياناس
وقعت ف أزمــــــــــــــــة
أنا واحــــــــــــــــد مدمن
وبحب الكــــــــــــــــــاس
ساعـــــــــــــدونى ياناس
...
غصــــــــــــــــــبن عنى
جت رجليـــــــــــــــــــــا
مُش قــــــــــــــادر أمسك
حاجـــــــــــــــــــة بأيديا
ساعــــــــــــدونى ياناس
...
أنتوا ياعــــــــــــــــــــالم
ساكتين كده ليــــــــــــــه
أنا مدمن كــــــــــــــــاس
وأخدت عليــــــــــــــــــه
ساعــــــــــــدونى ياناس
...
بينـــــــــــــــــــــــا نتفرج
ما تقوموا يانـــــــــــــــاس
أنا مدمن كــــــــــــــــورة
( وكاس ) عـــــــــــــــالم
ودا أجمل كـــــــــــــــــاس
...
خليـل زيـدان
21/06/2010, 19h23
.. خليل بك الريحانى ..شكرا ..
عم الريحانى له وضع تانى
عنده مغارة محــــــــــيرانى
قافل عليها من اللى فيهـــــا
أسرار قديمة مجننـــــــــانى
...
فنان له ريشة حلوة ورقيــقة
صور جميلة لنجوم كتـــيرة
فايزة وشادية وحليم ووردة
لمساته ساحرة وكمان دَقيقة
...
جوه المغارة أسرار جميــلة
أفلام أغانى صور قديمــــة
وكل صورة راسمها لوحــة
تلاقيها أجمل وليها قيمــــة
...
كلامى ده شوية عليـــــــــك
تسلم لنــــــــــا وتسلم إيديك
أسم الريحانى عزيز علينا
وبنشكرك وبندعى ليــــــك
...




أخي الحبيب ســــمير باشــــا
تسـلم الأيـادي على هـذا الكلام الجمـيل
ونحن دائماً ندعو لك بالتوفيق والتقدم
خـالص شكري ومحــبتي

بس فيه حاجة محيراني يا سمـرة .. انت عرفت المعلومات دي منين
مع إن المغـارة لم يرهـا أحـــد
:mdr:
سمير حسين
22/06/2010, 12h57
.. مداعبة لحبايبنا ..
قالوا خلاص جــــــدو معانا
ماضى من سنة ويــــــــــانا
ساب حبايبنا وجه حَدانــــا
وطار منهم فى خــــبر كانَ
...
جدو يا جدو يا أصغر جْــــد
جيت لنادينا نادى المجـــــد
بعــــــــد ما كنت رايح ليهم
جيت ومضيت للأهلى بجَـد
جدو يا جدو يا أصغر جْــد
...
الكورةعايزه رجوله بجــــد
وعمر نادينا ما يغصّب حد
على أنه يلعب لنادينـــــــــا
نادى الأهلى نادى المجـــد
...
مبروك ع الأهلى ياجــــدو
كل الحراس يتهــــــــــــدوا
الأجوان جايــــــــا بسرعة
وهاتو الحسابة وعْـــــــــدو
ومبروك ع الأهلى يا جـدو
...
محمد رمضان ماضي
23/06/2010, 13h17
الأستاذ / الباشا .. تحياتى .. والله أنت الوحيد اللى بترفع من معنوياتى .. بس فيه حاجة غريبة مُش عارف أفسرها وهى إن الخواطر دائما تجينى أول ما أحط رأسى على المخدة عند النوم وأقوم أكتب وعلى فكرة لا أحفظ ما أكتبه وأنساه .. مطلوب من سيادتك تفسير ذلك بحكم أنك تقريبا المُحلل النفسى والفنى لى .. مع خالص تحياتى ...
بسم الله الرحمن الرحيم
أخي الحبيب سمير وبعد إذن الباشا طبعا ً أرد ،
هذا الموضوع يحتاج إلى بحث من أحد علماء النفس ،
ولكن كل ما أقول هنا ، أن ثمة فرق بين مبدع حقيقي ،
لا يكتب إلا ما يحس ، وبين مقلد أو محترف يمتهن هذا ،
هي لحظة ما بين اليقظة والنوم ، غيبوبة ، يدار شريط الذكريات ، فيكون المؤثر ، فتهبط الفكرة ، لابد ان تدون وإلا ستنسى ، ولن تحفظ ، عزيزي ، كثيرا ما دونت أفكار تحت جنح الظلام ، ولم أذكرها حين أستيقظ ، إلا من خلال ما كتبت ،
أخي ضع الورق والقلم بجوارك وأكتب ، وهب صباحا ً ونقح ما كتبت ، هذا هو الإبداع الحقيقي .كن هاوي خير من محترف ،وكن محترف الصنعة والأدوات، ستصل سريعا ً إلى قلوب الناس.
تحياتي وإلى المزيد من الإبداع.
:emrose::emrose::emrose:
السلام عليكم ورحمة الله وبركاته.
سمير حسين
23/06/2010, 19h33
.. هاجرنى ..
حبيبى هاجــــــــــــــــرنى
بقـــــــــــــــــــــــاله سنين
بيقول مشغــــــــــــــــــول
مشغــــــــــــول مع مين ؟
...
ما يشوف لحكايته نهــــاية
ليه يعمل كـــــــــــده ويايا
مُش قادر أعيش من غيره
وإيه آخرة حبه معايـــــــا
...
راح أسيبك بقى لضميرك
والناس أهى شاهـــدة معايا
إن كان يرضيهم بعـــــــدك
وتزيد فى عذابى وأســــايا
...
سمير حسين
23/06/2010, 21h04
.. أخى العزيز .. شكرا لك ورأيك هذا أسعدنى جدا فشكرا لمتابعتك لما أكتبه وهذا شرف كبير لى .. مع أطيب تحياتى وشكرى وتقديرى لسيادتكم .
سمير حسين
24/06/2010, 17h39
.. يومياتى ..
قلت الليلة أنام فى هـــــــــدوء
من غير ما أكتب أى كـــــلام
لسه بحط دمــاغى وها انعس
خطرة فكرة قمت قـــــــــــوام
جبت الورقة وكمـــــــان قلمى
قلت أكتبها قبل ما انــــــــــام
....
دار فى دماغى شريط أحلامى
كنت با احب واحــــــدة زمان
رحت أطلب ايدها من ابـــوها
قال ما تقول لى حتــــدفع كام
قلت ياسيدى دى بيعة وشروة
سيبت القعــــــدة وقلت ســـلام
....
يظهر أن حكــــــــــــــاية حبى
مُش حقيقية دى كانت أوهـــــام
ادى حكــــــــــاية حبى الفاشلة
حكاية أول حب زمـــــــــــــان
ندمت وقمت قطعت الــــورقة
وقلت احسن لى وليكم أنــــــام
....
سمير حسين
24/06/2010, 20h05
.. سلام يا صاحبى ..
عمرى ما أنسى أعز أصحابى
كانت سهوة وفُقت قـــــــــوام
غصبن عنى الدنيــــــا خدتنى
من أحبابى وم الخـــــــــــلان
...
سيدى الباشا مقامك عــــــالى
وقمرك هَل علينـــــــــا وبان
دا أنت النــور اللى بيرشدنى
ونصايحك بتفيدنى كمــــــــان
...
شُفت نصايحـــك عملت إيـه
كل النـــاس عِرفتنى يا باشا
ودا عمرى ما كنت أحلم بيه
شكرا ليك ولك أحبـــــــــابى
ودا كل اللى قدرت عليــــه
...
سمير حسين
24/06/2010, 23h08
.. خلفية حلوة ..
خلفيــــــــة حــــــــــــــــلوة
زادت منتدانــــــــــــــا نور
سلاسل دهب نازلــــــــــــة
حــــــــــــــــــوالين سماعى
داير مايّـــــــــــــــــــــــدُور
....
الله ينور عليــــــــــــــــــــك
ياللى عاملهـــــــــــــــــــــــا
دى الصفحة بيضـــــــــــــــا
كــــــــــــــــأنها طبق بَنـْور
....
سمير حسين
25/06/2010, 15h53
..شكرا يا صديقى ..
لو أعــــــرف أسمك أناديلك
وف أى مكان ممكن أجيـلك
وأكتب لك شكــــر وأدعيلك
ما شاء الله عليك تسلم إيدك
...
الباشاقمرزمان
25/06/2010, 17h50
تسلم يا عم سمير على الكلام الحلو ده

وان شاء الله حيكون ليك شأن بس ساعتها افتكرنا يا جميل .... تمنياتي بدوام التوفيق يا لذيذ يا رايق انت
سمير حسين
25/06/2010, 17h56
.. حبيتـَك يا سمارة ..
يا حبيبى يا نوارة الحــــــارة
حبيتك يا أسمر ياسمــــــــارة
وعنيك السود دول شغــــلونى
والقلب شبكته بسنـــــــــــــارة
....
أنا خايفــــة جيرانى يلومونى
لو شافوا صورتك فى عيونى
مُش عارفة أنا أعمل إيه فيهم
لو أمى وابويا جُم حـاسبونى
....
ياسمـــــــــارة والنبى تخطبنى
دا أنا خايفة أخــــــــويا يعذبنى
أنا قلت با أحبك وأنـــا عارفة
مُش ممكن تبعــــــــد وتسيبنى
....
سمير حسين
26/06/2010, 16h48
.. دعوة للمصالحة ..
صاحبنا قــــــــــاعد فى الدِرا
فى ركن جوه المَــــــــــندره
لو شافنى بعمل أى حاجــــة
بسرعة يعمــــــــــــل مشكله
...
ياعم سيبها على ربنــــــــــا
الأرض لينـــــــــا كلنــــــــا
تِساع كتـــــــير زى وزيك
وبلاش نعُض ف بعضنــــا
...
العيشَه حـــــلوة فى البراح
تعالى ننسى كل الجـــراح
وكل واحــــــــــد فينا يعمل
كل اللى جــــــواه بارتياح
...
سمير حسين
26/06/2010, 19h46
.. شكرا أخى العزيز :emrose::emrose::emrose:
شْعرك جمـــــــــيل قوى
يا أسمك إيــــــــــــــــــه
حبيــــــــــــــــت كلامك
يا ابن الايـــــــــــــــــــه
وكل ما أكتــــــــــــــــب
أستـــــــــــــــــــنى ردك
عشان تقــــولى رأيك إيه
سمير حسين
27/06/2010, 01h41
..عيونك حيرونى ..
صدقينى لون عــــــيونك
من جمالهم حيــــــــرونى
سهرونى الليــــل بطولـُـه
وطيرو النوم من جفـونى
...
غصب عنى لما أشوفهــم
من جمـــــالهم يسحرونى
أعمل إيه لو غيبتى يـوم
أكيـــــد ولازم يوحَشونى
...
طب ما ناخد عهد بينـــــا
ما حد يعرف سر عنـــــا
وان شافونا يوم لـُقانــــــا
نقول دى صدفــــــــــــــة
وغصب عنــــــــــــــــــــا
...
الباشاقمرزمان
28/06/2010, 17h20
الله الله الله ايه ده يا عمنا Egypt4eveR
ايه حكاية سمارة والحارة .... عايز اعرف السر
وعم سمير بيرد كمان بسمارة طيب استنوا علية شوية
سمير حسين
28/06/2010, 20h35
..طريق الحب ..
بالراحة عليــــــــــــــا شوية
عايز حَبــــــــــــــــــة حنية
سايق على طــول فى دلالك
شـَمْتّ الُعزال فيــــــــــــــا
...
أنت بتعمل كده ليــــــــــــــه
بُعـــــــــدك ما أقدرش عليه
عـــــــــــــايز يعنى تعذبنى
وآخــــــــــــــــرة كل دا إيه
...
طبعك أنا خدت عليـــــــــه
وطريقك أنــــــا حـا أمشيه
لو حتى لآخر الدنيـــــــــــا
دا نصيبى وأنا راضى بيـه
...
سمير حسين
29/06/2010, 21h41
.. مسير الحب ..
مسير الحب يجمعنــــــــــــا
ونرجع تـــــانى زى زمـان
يـمكن ننسى أوجـــــــــاعنا
ويبعدنا عن الحـــــــــرمان
...
قضيت أيــــــــامى وشبابى
بحبك حب مُش عـــــــادى
سافرت وسيبتنى وحـــــدى
أقاسى الوحـــــــدة وعذابى
...
نهـــــــــــارى وليلى أستنى
وآسى الُبعـــــــــــد والنسيان
أقول يمكن فى يوم يرجــــع
يقول لى سماح أنا الغلطــان
...
سمير حسين
30/06/2010, 22h29
.. الشاعر الكبير ..
كلام كــــــــــــــتير بتكتبه
بخط القــــــــــــــــــــــــــلم
لكن كتير حـــــــاسس بأنك
تعـــــــــــانى من لحظة ألم
خلانى أخـــــاف أقرا الكلام
اللى أنت كاتبــــــــــــــــــه
علشان دمــــــــــــــــــوعى
با أحس بيهــــــــــــــــــــا
نازلة مع حبر القـــــــــــلم
...
وانظـــــــــــــــــــــــــر إليك
واشوف عنيــــــــــــــــــــك
فى الصورة أقـــــــــــــــوى
من الوجــــــــــــع ومن الألم
ربك معاك يتمم شفـــــــــاك
وتبقى أقوى من الهــــــــرم
...
سمير حسين
01/07/2010, 19h19
أخبارك إيه يا سُكرة ..
قولى يا حـــــــــلوة ياسكرة
أخبــــــارك إيه يا هل ترى
فكرانى لسه ولا خــــلاص
كل اللى بينا راح وانطوى
...
أنا لسه فــــــــــــــاكر حبنا
من وانت لسه صُغــــــــيرة
عاملة الضفيرة ديل حصان
زى العــــــــــروسة منورة
...
يا هل ترى لساك فاكـــــرة
جـــــــــواب بَعتـّه من سنه
كتبت فيـــــــــــــه وقولتلك
إياك تنسى ياسُكــــــــــــرة
...
يا هل ترى وصَلك جوابى
واللى انكتب فيـــــه إتقرَى
ولا البعـــــاد خلاكى تنسى
كل اللى بينا يا سُكـــــــرة
...
الباشاقمرزمان
01/07/2010, 22h42
يا عم سمير انت عامل زي الجبنة الرومي كل ما تقدم أقصد تكتب بتحلو
سمير حسين
02/07/2010, 00h18
.. قصيدة الجبنة رومى ..
شَبهنى عمى بالجبنــــة رومى
خــلانى أصحى من عز نومى
وأحط روحى ف صنية فضة
وقرن فلفـــل أخضر ورومى
...
كلام له ريحــــــة لكن جميلة
قديمة لاكن برضـــك مريحة
جاى ف صفيحة مقفول عليها
للريحة تطلع تصبح فضيحـة
...
أنا جبنة رومى ياعم باشــــا ؟
والربع كـــــــــيلو منى ببلاشا
وعشان ما تنشف الجبنة لازم
أقوم ألفْ نفسى ف قماشــــة
...
سمير حسين
02/07/2010, 17h51
.. الغيرة ..
يا حبيبى سافرت ليــــــــه
وسيبتنى هنـــــــــــــــــــــا
هانت عليــــــــــك العِشرة
وأيام الهنــــــــــــــــــــــــا
...
طول عمرى بحـــبك أنت
واديك شايف وعـــــــارف
وف لحظة غـــــــــــيروك
وده منه كنت خــــــــــايف
...
إزاى تسمع كلامهـــــــــم
دا كاس الغيـــــــــــرة مُر
وقـــــــــــــــدروا يغيروك
بخاطرك وانت حُــــــــــر
...
أنا عمرى ما كنت قـــاسى
ولا قلت كلمة تجــــــــــرح
ولا عمر الغــــــــيرة كانت
ليها ف قلبى مطـــــــــــرح
...
لكن أعمل حســـــــــــــابك
لو جيت ترجع فى يـــــــوم
القـُرب ليك حيـــــــــــــبقى
أبعَد من النجـــــــــــــــــوم
...
سمير حسين
03/07/2010, 18h27
.. إزاى .. (1)
إزاى تشعر إنك إنســـــــان ؟
لما بتعطف ع الغلبـــــــــــان
لما الشر بيبعــــــــــــــد عنك
وبتزرع فى مكانه حنـــــــان
لما اللقمة تبقى ف إيـــــــــدك
وتحطها على طرف لســـــان
تحْرّم روحك م الميــــــــــــه
وتبلل ريق العطشــــــــــــان
لازم تعرف بعد دا كلـــــــــه
راح تصبح أعظم إنســـــــان
....
سمير حسين
03/07/2010, 21h50
.. إزاى .. ( 2 )

إزاى تعــــــرف إنك بتغير ؟
لما تشوف حــــــــــــد يكلمها
تلقى شرار العين بيطـــــــــير
وتبص يمينك وشمـــــــــــالك
مُش عارف ليــــك أى مَصير
لما تلاقى فكــــــــــرك رايح
وخيالك للشك أســــــــــــير
....
الباشاقمرزمان
04/07/2010, 12h24
صورة مين دي يا عم سمير ..... عايز تفهمنا ان انت عبد الحليم
وفيه تطور يا عم سمير إزاي معرفش يعني صار فيه فكر وشوية أحاسيس
وفيه حكم كمان ..... ومش حكمل .... سلام
سمير حسين
04/07/2010, 21h23
.. إزاى .. ( 3 )

إزاى تعرف إنك محـــروم ؟
لما ف بحر الحزن تعـــــــوم
لما حبيبك يبقى قصـــــــــادك
ولا قادر توصل له ف يــــوم
لما الحظ يقـــــــــــــرب منك
ويعدى لغيرك تـــــــــانى يوم
لما عنيك يخاصمهــــــا النوم
لما تشوف حبيبين قدامــــــك
ودموعك تنزل بالكــــــــــوم
على حـــالك تبكى يامحــروم
....
سمير حسين
05/07/2010, 13h25
.. أخيرا .. إزاى حبيت ..:emrose::emrose:
كنت راجــــــــــــــــــــع يومها
من مشوار طويــــــــــــــــــــل
كنت وحـــــــــدى ماشى أغنى
رغم إن الدنـيــــــــــــــــــــا ليل
الشـــــــــــــــــــوارع هُس هُس
والقمـــــــــــــــــــر واقف يبُص
والنجـــــــــــــوم حواليه بتبرق
تحـــــــــــــــــرسه من أى لص
....
شفت نور ف الليــــــــــلة دى
شــــــد قلبى من غير ما أحس
خللى روحى تحس بيـــــــــكى
وانت مـالكيــــــــــــش أى حس
شوفت صورتك ف القمــــــــــر
ومافيش نجـوم غيرك إنت بس
....
شفت ست الحسن فيـــــــــــها
الجمــــــــال اللى ف عنيهــا
السمار اللى ف جبينـــــــــــها
شدنى وقـــــــــــــــــربنى ليها
عهد منى ما أحب غـــــــيرها
عمرى كله وحيـــــــــاتى هما
أغلى حاجة أقــــــــــدمها ليها
....
مازن دحلان
05/07/2010, 16h01
جميا يا سمير موهبتك حلوة بس يكون احسن لو زدات عمق في التناول تطلع رائعة

تحياتي
سمير حسين
07/07/2010, 22h27
.. يا أبو سنه ..

يا أبو سنه دهب لـــــــــــولى
رموشك وعنيك شغلــــــــونى
خدونى من بين أحبــــــــــابى
وف بحـــر الأشواق ورمونى
يا أبو سنه دهب لــــــــــــولى
...
عشمان ف غرامك يا أصــيل
وبا أفكر فيك طول الليـــــــــل
ما تقرب وتحن عليــــــــــــنا
ولا عمرك تندم ياجميـــــــــل
يا أبو سنه دهب لـــــــــــولى
...
سمير حسين
09/07/2010, 15h21
.. لك يومين ..
لك يومين يا حــــــــلو غايب
هو ده طبع الحبــــــــــــــايب
والقمر والليل قــــــــــــــالولى
قلبك مالوش ف الحب نــايب
...
بختى ليـــــــــــــه ياربى كده
يشـَمتوا فيا العــــــــــــــــــــدَا
يبقى ظلم الحب ليـــــــــــــــا
يرضى مــــــــين بقى كل ده
...
سألت يا مــــــــــا عن مكانك
الكل قالوا دا راح زمــــــانك
وبكره تعــــــــرف لما ترجع
مين اشترَاك ومين اللى باعك
...
سمير حسين
09/07/2010, 17h25
رد ( EgPT4EVER )

باعت أقولك فهمنى قصـــدك
الكلام اللى أنت كاتبـــــــــــه
مُش مبين إيه مقاصـــــــــدك
يا تصارحنى بكل حــــــاجة
يا إما آسف حكون مخاصمك
...
لو إنت كاتبه عشان تحيـــة
ممكن أقولك حقك عليــــــه
ولو أنت قاصــــــد تـذم فيه
أرجوك كفاية وبلاش أزيه
...
بلاش تفكر ولا تحتـــــــــار
كلامى على سبيل الهـــــزار
عشان يكون ما بينا دايمـــــا
مجال كبير قوى للحــــــــوار
...
سمير حسين
09/07/2010, 18h53
.. زمــــــــــــان ..
أبكى عليـــــــــــــك يا شـّعر
ولا على نــــــــــــــــــاسى
فى الشعر ضاع البُنـــــــــا
وكان زمــــــــــــان راسِى
...
ما فيش خـــــــلاص معانى
ولا لـــــــــــــون لأى كلام
والفن أصبـــــــــــح شروة
الكيلو منهــــــــــــــــا بكام
...
إيه يا زمــــــــــان جرا لك
ما بقتش ليــــه معــــــــدول
حبــــــــــــــل الموَدة انقطع
وما عدش لينـــــــــا أصول
...
سمير حسين
09/07/2010, 20h58
.. نحاول ننسى ..
أخى وصديقى فـُـــــــــــــــلان
فى سائر الأزمـــــــــــــــــان
عايزين نعيش أحلامنــــــــــا
وبلاش حكاوى زمــــــــــــان
...
لا لـــــــــــــــوسى ولا أرتين
دى الناس خلاص نسيتهــــــا
قصة بقالهــــــــــــــــــا سنين
يارب سامحنا آمين آمين آمين
...
ربك حليم ستــــــــــــــــــــــار
وصّـــــــا لسابع جــــــــــــــار
واحنـا عباد وغلابَـــــــــــــــه
يكفينا شر النـــــــــــــــــــــــار
...
سمير حسين
10/07/2010, 17h39
.. الحب فين ..
عيـــــــــــــــــــــون جميلة
بس من غير وفـــــــــــــا
أحضان طــــــــــــــــويلة
بحس فيها بالجفـــــــــــــا
يا أهل الهـــــــــــــــــــوى
قولولى الحب فــــــــين ؟
هو حصل له ركـــــــــــود
ولا خـــــــــــلاص أختفى
...
سمير حسين
10/07/2010, 19h40
.. ندم ..
شـَكيت فى مصريتـــــك
وده شىء أكيـــــــد باين
وكل كـــــــلام حضرتك
على معـــــــــــدنك باين
بانـــــــدم على صحبتك
وسبحانه الــــــــــــــدايم
...
سمير حسين
10/07/2010, 19h56
.. توبة نصوحة ..
العبد لو ضل طريقـــــــــــه
وعمل خطايا و ذنــــــــوب
فرضاً عليـــــــــــه يتوقـَف
ويدْعى قـــــــــــوام ويتوب
ولوصعبه عليه ومـــــقدرش
يتعلم م النبى أيـــــــــــــوب
...
سمير حسين
11/07/2010, 12h11
.. فزورة للتفكير ..

أم الخـــــــــــلول يا أخوانـــــا
عنــــــــــــــــــــــــدها أولاد ؟
...
وأم أربعـــــــــــــــة وأربعين
عندها كــــــــــــــــــــام واد ؟
...
عايزين نفكر حبـــــــــــــــة
لبكرة ف نفس الميعــــــــــاد
...
سمير حسين
11/07/2010, 12h59
.. شكرا لأهلى وناسى ..

يارب دى حكمتـــــــــــــــــك
دايما مع المظلــــــــــــــــوم
شكــــــــــــــــرا على نعمتك
حببت فيا القــــــــــــــــــــوم
...
شكيت لأهلى ونـــــــــــاسى
ع اللى وجــــــــــــــع راسى
واللى مأثر فيـــــــــــــــــــــا
جرحـــــــــــــــــه لإحساسى
...
شكرا لأهل الـــــــــــــــــــدار
واللى حصـــــــــــــــل منهم
حقى رجع ليـــــــــــــــــــــا
والبركة فى كــــــــــــــبيرهم
...
ربنا يخليــــــــــــــــــــــــــــه
يبارك لنـــــــــــــا ف عمره
ويعينه ويقويــــــــــــــــــــــه
وكلنا بندعى ربنـــــــا يشفيه
...
محمد رمضان ماضي
11/07/2010, 18h20
.. شكرا لأهلى وناسى ..

يارب دى حكمتـــــــــــــــــك
دايما مع المظلــــــــــــــــوم
شكــــــــــــــــرا على نعمتك
حببت فيا القــــــــــــــــــــوم
...
شكيت لأهلى ونـــــــــــاسى
ع اللى وجــــــــــــــع راسى
واللى مأثر فيـــــــــــــــــــــا
جرحـــــــــــــــــه لإحساسى
...
شكرا لأهل الـــــــــــــــــــدار
واللى حصـــــــــــــــل منهم
حقى رجع ليـــــــــــــــــــــا
والبركة فى كــــــــــــــبيرهم
...
ربنا يخليــــــــــــــــــــــــــــه
يبارك لنـــــــــــــا ف عمره
ويعينه ويقويــــــــــــــــــــــه
وكلنا بندعى ربنـــــــا يشفيه
...

بسم الله الرحمن الرحيم
اللهم أميـــــــن،
اللهم تقبـــــــل.
أخي سمير فطنتك ، وحضور ذهنك مع سرعة بديهتك ،
تدل على موهبة حقيقية ، بارك الله لك ووفقك ،
أتمنى أن أرى عملا ً لك بالفصحى ،
فستكون أجمل .
تحياتي أخي سمير.
:emrose::emrose::emrose:
السلام عليكم ورحمة الله وبركاته.
سمير حسين
12/07/2010, 13h11
.. مثل قديم ..
ما يبـل ريقك يـــــا عطشان
زى مية قـُلـــــــــــــــــــتك
...
ولا غيرها إيـــــــــــــــــدك
يوم ها تمسح دمعتـــــــــــك
...
وزمان قالوها فى المثـــــــل
من قبلنـــــــــــــــــــــــــــــا
...
ما يحك ضهــــــــــــــــــرك
يـــــــــــــــــــــــــــا ابن آدم
غــــــــــير ضوافر حضرتك
...
سمير حسين
12/07/2010, 19h24
.. إلى حبيبنا د / أنس ..

لسه البشر هنا محتجـــــالك
والمكان ده عـــــاشق كلامك
والجميع عمال ينـــــــــــادى
إحنا مُش حِمل إبتعـــــــادك
...
قلبى م الحزن إنفطــــــــــــر
م الجــرح .. من شدة آلامك
صعب البعــــــــاد قوى علينا
ويارب ما يطول إنتظــــارك
...
هو ده بيتــــــــــــــك ودارك
كلنا أهلك ونـــــــــــــــــاسَك
الدمـــــــــوع وقفا ف عيونا
عايزة تقـــــرا عظمة تـُراثك
...
د أنس البن
13/07/2010, 07h16
.. إلى حبيبنا د / أنس ..

لسه البشر هنا محتجـــــالك
والمكان ده عـــــاشق كلامك
والجميع عمال ينـــــــــــادى
إحنا مُش حِمل إبتعـــــــادك
...
قلبى م الحزن إنفطــــــــــــر
م الجــرح .. من شدة آلامك
صعب البعــــــــاد قوى علينا
ويارب ما يطول إنتظــــارك
...
هو ده بيتــــــــــــــك ودارك
كلنا أهلك ونـــــــــــــــــاسَك
الدمـــــــــوع وقفا ف عيونا
عايزة تقـــــرا عظمة تـُراثك
...


الله يحفظك يا صديقى ويكرمك .. كلامك هذا كثير جدا على مثلى .. بارك الله فيك وأنا لم أفعل إلا واجبى الذى أشرف بالقيام به :emrose:
سمير حسين
13/07/2010, 16h27
.. أهلا بعودة د . أنس ..:emrose::emrose::emrose:

الليلة هَنــــــــــــــــا وسرور
من بعد ما عاد النــــــــــــور
كل الأحباب بيهنــــــــــــــوا
رجـــــــــوعك لينا يا دكتور
...
والله فِرحنـــــــــــــا عشانك
رجوعك تـــــــانى لمكانك
تكتب كل اللى نحبــــــــــه
واحنا القــــــــــراء أحبابك
...
سلامات ودُعانا أمانـــــــــة
دا غيابك كان له علامــــــة
حبك فى قلوبنا يا دكتـــــور
حمد الله وألف سلامـــــــــة
...
سمير حسين
13/07/2010, 20h10
.. حكمة ..
النفس لو تأمُــــــــــــــــرك
بالشر تبقى مُـــــــــــــــدان
والقلب لو يوم خِــــــــــــلى
م الحب يبقى شيطـــــــــان
والخلق لو كرهتـــــــــــك
راح يكــــــــــــرهك ربك
واللى الإله يكرهــــــــــــه
ما يحبـــــــــــه يوم إنسان
...
سمير حسين
13/07/2010, 22h26
.. أبو العريف ..

ياميت نـــــــدامه على اللى
ما لهوش فى الدنيــا حبيب
ده شخص سادى وغــاوى
لنفسه شقـــــــــــا وتعذيب
عليل ومحتـــــــــــــاج دوا
لكن غباؤه الشـــــــــــــديد
صور لنفســــــه المريضة
إنه يــــــــــــاعينى طبيب
...
سمير حسين
14/07/2010, 13h21
.. مَثل قديم ..
لسانك حصــــــــــــــــــــــانك
( بحظرك ) وأنت حــــــــــر
يا يكون كلامك عِـــــــــــــــدل
يا إمـا حتشــــــــــــــوف ذ ُل
كـــــلامك محسوب عليــــــك
يا يكون طريقك ســـــــــــالك
يا تشوف طريق المُــــــــــــر
...
سمير حسين
14/07/2010, 16h58
.. يارب ..
يا خالق الليل والنهـــــــــــار

وخالقنى ماشى فى اختبــــار

كـدب اللى قال ماليش إرادة

د أنا با أعبدك بالإختيــــــار
...
سمير حسين
14/07/2010, 20h20
.. سن القلم ..
لما أنقصف قلمى الرصاص
أصبح خـــــــــــــــــــلاص
إتيتمت كل الحــــــــــروف
حتى الورق لبس الحـــــداد
وقلبى صارت دمعتــــــــــه
ميْــــــــــــــــــــــــــه وزاد
أصل القـــــــــلم بالنسبة لى
زى الولد عــــــــزوة وسند
علشان كده لمـــــا انقصف
أنا حـــــــــــــــــــــزنى زاد
...
سمير حسين
14/07/2010, 22h50
.. يا هوى ..
أمرك عجيب يا هـــــــــــوى
خدت الحبــايب مننـــــــــــــا
شوقتنا عذبتنــــــــــــــــــــــا
ولا حد يعـــــــــرف لك دوا
أمرك عجيب يــا هــــــــوى
...
ما تقول لـنــــا يا هــــــــوى
فين الحبــــــــــــــــــــــــايب
مشيو وسابونا لوحـــــــــــدنا
والـفــــــــــــرْح غــــــــايب
أمرك عجيب يــا هــــــــوى
...
حرام عليك تعمل كـــــــــــده
وليه تسيبنا لوحــــــــــــــدنا
لا حدْ يوم يسأل علينــــــــــا
ولا إيد بتمسح دمعنــــــــــــا
أمرك عجيب يــا هـــــــــوى
...
سمير حسين
15/07/2010, 20h03
الليل والغربة ..
الليل ستـــــــــــــــــــــــــار
كاتم أســــــــــــــــــــــــرار
حُضن السهــــــــــــــــارىَ
والحيـــــــــــــــــــــــــارى
واللى دليله إحـتــــــــــــــار
الليــــــــــل
أشكي له همى ووحـــــدتى
فى غـــــــــــــــــــــــربتى
وأنا بين صحـابى ورفقتى
الغربة غــــــــــربة روح
مُش غربة سفر ومكــــان
الغربة لو تحتــــــــــــاج
ويهدك الحــــــــــــــرمان
لما الجـــــــــريح يصرخ
وما يلاقيش إنســــــــــان
يا غـــــــــــــربتى ....
يا وحـــــــــــــــدتى ....
الليل شريكى ف غـربتى
الليل ملاذى ف وحـــدتى
آه .. آه .. يا غــــربتى
...
سمير حسين
16/07/2010, 23h37
.. ليلة سقوط السيرفر ..:rolleyes:

صحيت من نومى بـــــدرى
وجرى على المنتــــــــــدى
لسه باكتــــــــــب ف أسمى
مافيش ولا الهـــــــــــــــوى
قلت الله ياســــــــــــــــــاتر
إيه اللى جَــــــــــــــــــــرىَ
يكونو شـــــــــــــالو أسمى
وعملو مجــــــــــــــــــزرة
وقالوا نشيل سمـــــــــــــير
أبو سمرة الســــــــــــــكرة
...
نزلت فى الشـــــــــــــوارع
أدَور على أى حـــــــــــــــد
يمكن يقـــــــــــــــدر يقوللى
على السبب بجـــــــــــــــــد
أكون كتبت حـــــــــــــــاجة
ومست أى حـــــــــــــــــد ؟
تعبت ورحت راجـــــــــــع
كلمنى صديق عــــــــــــزيز
من مُــــــــــــــــدة كان مسافر
قاللى إهدا ياسمــــــــــــرة
السيرفر هو اللى واقـــــــــع
...
بقيت أكلــــــــــــم فى نفسى
دا نحس إيه اللى جــــــــانى
أنا قلبى وقع ف رجـــــــــلى
وقلت راح مكــــــــــــــــانى
وخلاص حا أبطــــــل أكتب
ليكون حــــــــــــــد إشتكانى
وأخــــــــــــــيرا جت سليمة
ربنا ما يعودها تـــــــــــانى
...
الباشاقمرزمان
17/07/2010, 04h20
يا عم سمير كل يوم
بتزيد حلاوة يا وله
يـــــوم ورا يـــــوم
وانا أتابع بولــــــه
من الضحك أمـوت
أنا وكمان م الولوه
*****************
بس لسة ماعرفتـش
كم مرة انت حـبـيــت
وكم مرة أنت طبيـت
وخايف أجيلك البيت
والاقـــــي ليك صيت
انك لا رحت ولا جـيت
NAHID 76
17/07/2010, 05h15
بسم الله الرحمن الرحيم
السيد الفاضل سمير حسين
قرأت أشعارك ونثرك المتنوعه فى شتى المجالات والحالات وهذا سر جمالها وغزارتها
وفى الحقيقه أود لو أن أكتب كلمه أعبر فيها عن شعورنا بهذه الأعمال
ونشكرك على مجهودك وأثرائك لهذا القسم
طبعا أنا مش ناقده ولكنى أطرب لكل كلمه جميله وعمل موزون فلا تأخذ كلامى من زاويه النقد البحت ولكن من زاويه الأحساس الشخصى به
بالطبع لا نقدر أن نسميه شعرا بمفهوم كلمه شعر ولكن نستطيع أن نقول أنه أحساس جميل ورائع ومعبر فى أدب وجمال بعيدا عن الأبتذال
متنوع شامل فيه محاولات كثيره للتجويد
وهذا فى حد ذاته رائع
مشاعرك جياشه وفياضه وأحساسك عالى
يا ترى الأحساس العالى ده مش تعبك فى هذا الزمن :mdr:
دى كلمه للدعابه أعتراضيه
نرجع ونقول أحساس عالى متدفق
صادق متنوع
تلقائى
جميل وقعه على الأذن يترك بسمه جميله فى النفس وهذا ما نحتاجه فى هذه الايام الصعبه
أستمر سيدى الفاضل فأنت نموذج متفرد خاص بك وسمه من سماتك الشخصيه
وهذا فى حد ذاته وحده نجاح
نجحت فى أثبات شخصك عن طريق لون خاص بك بصرف النظر عن أى أعتبار
مبروك لقسم الأدب
وخاصه قسم تجارب شخصيه للأعضاء
ومبروك عليك جمال أحساسك الصادق الجميل
تحياتى
سمير حسين
17/07/2010, 07h09
.. بسم الله الرحمن الرحيم ..
الأستاذة الفاضلة / ناهد هانم ..كلماتك أسعدتنى جدا .. فشكرا لكِ على هذا الشرف الذى منحتينى إياه بقراءة سيادتكم لأفكارى وأحاسيسى التى أنقلها على الورق .. وأنا يا سيدتى مقتنع تماما برأيك الفنى وهذا التوجه منى لإننى كنت أريد أن يكون لى طابع خاص بى وإن أنتقدت بسببه فأنا أسميه حالة حيث أتفاعل مع أى حدث ولم أستطع التغيير فأرجو أن تتحملونى .. والشكر والتقدير والامتنان لهذه اللافته الكريمة بزيارتكم لموضوعى المتواضع ليه خيالك .. مع خالص تقديرى وإحترامى ..
NAHID 76
17/07/2010, 13h25
بسم الله الرحمن الرحيم
الأستاذ شاعر الفطره سمير حسين
وأحنا حنعيش معاك حالاتك كلها وتفاعلك معها
فحالك من حالنا أخى الكريم
وسوف نصل أن شاء الله لما تريد بالأستمرار والرغبه الصادقه
تحياتى
سمير حسين
17/07/2010, 19h19
.. أجازة من الكتابة ..

تعبت من الكتابــــــــــــــــــــة
أنا باكتب كل يــــــــــــــــــوم
قلت آعمل يوم أجـــــــــــازة
وأسيب النـــــــــــــــــاس تريح
وأقضْى الليلة نــــــــــــــــــوم
...
خـــــــــــــلاص هيئت روحى
وقمت من مكـــــــــــــــــــــانى
قلت أعَمل أى حاجــــــــــــــة
أسلى روحى بيهــــــــــــــــــــا
وأبقى أكتب وقت تـــــــــــانى
...
إحساس آخــــــــــــــــــر لذاذة
وأنا لسه جــــــــــــــــــاى أنام
جانى الهـــــــــــاجس بسرعة
قلت العزيمــــــــــــــــــــة فين
إياك تقــــــــــــــــــــوم وتكتب
أنت النهـــــارة ف أجــــــازة
...
...
NAHID 76
18/07/2010, 04h56
بسم الله الرحمن الرحيم
شاعر الفطره سمير حسين
مسموح بيوم واحد فقط للأجازه والا :mdr:
تحياتى
سمير حسين
18/07/2010, 05h05
.. بسم الله الرحمن الرحيم ..
.. سيدتى الفاضلة .. هذا كثير جدا علىّ ولقب شاعر الفطرة أسعدنى كثيرا وسيكون دافعا لى للمزيد .. وفى الحقيقة لم أكن بأجازة ولكنها حالة جديدة أن أكتب وأنا فى أجازة .. مع خالص شكرى وتقديرى لكم ولأستاذنا الفاضل د . أنس ..
سمير حسين
18/07/2010, 20h49
..إفترقنا ..
عشنا قصة حب حلـــــــــــوة
واحنا لسه صغـــــــــــــــيرين
هى جــــــــارتى وساكنة جنبى
وجـــــــــــــــوه قلبى من سنين
...
الحب يكبر واحنـــــــــــا نكبر
وعشنا أحـــــــــــــلام السنين
لمــــــــــــــا نبنى بيت صغير
يضم أجمــــــــــــــل عاشقين
...
وافترقنا فى يوم وليلــــــــــــــة
واتحرمنا م الحنـــــــــــــــــــين
والنجوم تسهر معانــــــــــــــــا
والقمر قـــــــــــــــــاعد حزين
...
فى شرع مين يفرقونــــــــــــــا
ويبعدونا .. بيقولولنـــــــــــا
أنتو لسه صغــــــــــــــــــيرين
...
آه .. يا عذاب المحــــــرومين
...
NAHID 76
19/07/2010, 06h54
بسم الله الرحمن الرحيم
شاعر الفطره الجميل سمير حسانين
اليوم أفترقنا جميله ووزنها مظبوط وسياقها صحيح ومتقدمه عن غيرها كثيرا فى كل شيئ
أحسنت سيدى
تحياتى
الباشاقمرزمان
19/07/2010, 09h09
ماشي ياعم سمير الدكتورة ناهد متابعاك وكلامي واضح من خلال ردها عليك

وشاعر الفطرة دي مش من فراغ

وزي ما قالت لك فيه تطور
وعايزة تلحين

سلام يا صاحبي
سمير حسين
19/07/2010, 10h25
.. بسم الله الرحمن الرحيم ..
أشعر كثيرا بالخجل بعد هذا الثناء من السيدة الفاضلة / ناهد والأستاذ / الباشا .. والشكر والتقدير لكم لأنكم أصحاب فضل كبير فى دفعى للأمام .. أصدق ما كتبته حقيقى هى .. إفترقنا .. لأنها ليست ( حالة ) بل تجربة ورغم أنها قصيرة لكنها أخذت وقت طويل فى كتابتها .. أحيانا أتعثر كثيرا عندما أحاول أن أخرج ما بعقلى وقلبى .. وبعد هذا التقدير من سيادتكم أقول الحمد لله التعب جاب نتيجة .. مع خالص تحياتى وشكرى ..
سمير حسين
19/07/2010, 18h42
.. معاناة الفراق ..
بعد الغــــــــــــــــــــــــــــروب
ماشى وحـــــــــدى فى الطريق
من غير صـــــــــــــــــــــــديق
ولا أى كلمة تـبــــــــــــل ريق
...
أدارى ع النـــــــــــاس دمعتى
وأخبى عنهم شـــــــــــــــكوتى
بعد الفراق عايش لوحــــــدى
وبين ضـــــــــــــــــــــــلوعى
خبيـــــــــــــت آلامى ومحنتى
...
حبيبتى إنتِ فــــــــــــــــرحتى
إنت طـــــــــــــــريقى وسكتى
خليكى واقفـــــــــة زى ما أنتِ
وزى ما ف يوم فرقــــــــــونا
حتعود لى تـــــــــــــانى دنيتى
...
سمير حسين
20/07/2010, 19h08
.. وحدتى ..

أنــــا قــلـــــــــــــــــــــت آه
من شدتى وحـــــــــــــــزنى
إتلموا عليا النــــــــــــــــاس
واحـــــــــــــد يقول دا اتجن
وواحـــد يقول م ( الكاس )
يا اخوانا ليـــــــــــــه الظلم
من غير دليــــــــــــل وياكم
دا أنـــــــــــــــــــــا قلت آه
علشــــــــــــان بقيت وحدى
وراحوا أعز النـــــــــــــاس
...
سمير حسين
21/07/2010, 09h20
.. الأستاذ الشاعر الكبير / طارق .. تحياتى وإعجابى وتقديرى لما تكتبه من أشعار تدخل القلب مباشرة .. كما أننى أعجبت ( باللواكن ) وأحترمها وأقدرها لأنها بالطبع فى مصلحتى وزاد إعجابى بسيادتكم كونك شاعر وتـُصقل فى مواهب الآخرين وهذا يدل على نقاء القلب والسريرة فشكر لك أستاذى وشرف لى صداقتك كما هو شرف لى رأيك فى بعض ما أكتب .. تقبل تحياتى وشكرى العميق وتمنياتى بموفور الصحة والسعادة ..
سمير حسين
21/07/2010, 10h42
.. ليـــــــــه ..
القلب لـــــــــــــــــو حَب
ليــــــــــــــــــــــه بيتغــــير
والحب أصـــــــــــــــــــــلاً
ليـــــــــــه زمــــانه قــُصيْر
أنـــــــــــــــا نفسى أشوف
الهوى الأبـــــــــــــــــــدى
وأعيش معـــــــــــــــــــــاه
بقية عمــــــــــرى الصُغير
...
سمير حسين
22/07/2010, 18h58
.. إحساس ..
أوقات كتـــــــــــــــــــــــــير
أحس بالإحبــــــــــــــــــــاط
وساعــــــــــات ألاقى سكتى
كلها مطبــــــــــــــــــــــــات
أعــــــــــــــــــــــــــدى نـُقره
أقع فى دحـــــــــــــــــــديره
ولــــــــــــــــــــــــــو نطـَقت
يطلبوا منى السكـــــــــــــات
...
سمير حسين
23/07/2010, 19h01
.. طمنى ..
ما سألتش ليه بعد غيــــــابك
ياحبيبى إيه اللى جـــرا لك
لا بتبعت كلمــــــة ولابتسأل
أخبارك إيه وكيف أحــوالك
...
أرجـــــــوك ريحنى وطمنى
ولا أنت نسيت كل كلامنــــا
وإذا كان قصدك تبعـــد عنى
راح فين العهد اللى ما بينــا
...
خليك على كيفك وانســــانى
مُش حا أسال أبداً فيك تـــانى
بكره الأيــــــام راح تثبت لك
عمرك ما تشوف زى حنــانى
...
سمير حسين
24/07/2010, 17h16
.. صاحب بيتنا ..

شفت كتير وقليل م النــــــــاس
عمرى ما شفت الأحــــوال دى
واحد غاوى عذاب النــــــــاس
لسه فى كده فى الأيـــام دى ؟
جبنا الدِش بعــــــــــــــــد سنين
قلت حا أعلقه ع الحيطــــــــــه
شايل طبقى وطــــــالع السطح
شافنى عمل هيصة وزيطــــــه
فضلت أحايله وأنا قلقــــــــــان
والمذكور ما تـُقلش جبــــــــان
سابنى فى عز الشمس أوحوح
وده سابنى ورايح هربـــــــان
كرهت الدش وأيــــــــــــــامه
رجعت بطبقى زى مـــا رُحت
مقدرتش أعلقه فى مكانـــــــــه
وكتبت بأيدى ع الحيطـــــــــه
اللى حا يطلع م السكــــــــــان
حيلاقى العفريت قدامـــــــــــه
...
.. تجربة حقيقية عاشها واحد صاحبى ..
سمير حسين
29/07/2010, 17h53
.. عامل مُش شايف ..

زعــــلان قوى ليــــــــــــــــه
أنا مُش عـــــــــــــــــــــارف
تقابلنى وأبقى أنا قـُـــــــدامك
آخــــــرتها تعمل مُش شايف
...
خايف من إيـــــــه ما تفهمنى
كل ما أقابلك تهـــــــرب منى
م كفاية اللى قاسيته ف بُعـدك
حتى أنت كمان ناوى تظلمنى
...
يا خسارة إتغيرت ف طبعــك
أحلف لك أنا لسه با أحـبـــــك
طب حاول كده تسأل قلبـــــك
وحتعرف على مين حا يدلك
...
سمير حسين
03/08/2010, 18h34
.. آه ياهوى ..
مالك ومالى يـــــــــــــا هوى
شغلت قلبى سنين معــــــــاك
حــــــــــــــــيرتنى ودوبتنى
ولا قـــــــــادر ألاقى لك دوا
آه يا هوى
...
ليه يا هوى تنسى الأحبـــاب
ولا يوم تجينا لحد البـــــــاب
مكتوب علينــــــــــــا نعشقك
ولا يوم ترد علينا بجــــواب
آه يا هوى
...
بحــــــــــــــــــــــرك غويط
ومالوهش قـَـــــــــــــــــــرار
وتعبنــــــــا من كتر المشوار
والقلب من غدرك إحتــــــار
آه ياهوى
...
ياما قلوب شغلتهــــــــــــــــــا
وعيون كتير سهرتهــــــــــــا
الفرحة بعدت عننـــــــــــــــا
ودموعنا تشكى همنــــــــــــا
آه يا هوى
...
الباشاقمرزمان
03/08/2010, 21h09
آه منك يا سمير ومن الهوى
ده بحر غويط ومالـوش دوا
ماتيجي نتعلم العوم ســــوا
ياعدينا وطيرنا في الهــوى
يارجعنا ايد قــداِم وايد ورا
سمير حسين
04/08/2010, 17h46
..نداء للباشا قمر زمان ..
يا باشا فكرك جــــــــــــديد
وكمان جمـيــــــــل وشديد
شغلت النــــــــــاس بوليمة
حتوصل لحد العيــــــــــــيد
...

قادر تلم النـــــــــــــــــــاس
حواليك بفكــــــــــــــــــرتك
وبقينـــــــــــــا نجرى وراك
بجراير عملتــــــــــــــــــــك
...
أمال عزومتــــــــــــك فين ؟
واخد أجــــــــــــازة يومين ؟
على كل واحـــــــــــد غنوة
وأنت علـيــــــــــــــك إتنين
...
بُـكرة معـــــــــــادنا نشوف
شىء ما هوش مألـــــــــوف
نسمع عزومة الباشــــــــــــا
ومعادش فيهـــــــــــا كسوف
...
الباشاقمرزمان
04/08/2010, 19h35
ياعم سمير ايه الحلاوة دي والا يعني عشان وليمة

ياسيدي الولائم كتير بس يارب تتفتح نفسنا كدة

وشوف اذا استمريت على كلامك ده حتلاقي مني ولائم كتير

واديك شايف الأستاذ / سمير الجنحاني بدأ وولعها

وبكرة عمنا ابوحسام يشعللها

ويمكن نشوف سيادة الريس يضرمها

والأستاذ صلاح السويف يأججها

ويجي الأساتذة الشعراء ويزودوها إشعالاً وإضراماً وتأجيجاً

واستحمل بأة الولائم
سمير حسين
05/08/2010, 18h47
.. جواب ..
إمبارح جانى جــــــــــــواب
من بعد ما فاتنى وغـــــــاب
بيقول أرجـــــــوك تسامحنى
وافتح لغرامى البــــــــــــاب
...
أفتــــــــــــــح لك قلبى إزاى
هو اللى عملته شويــــــــــــة
فرجت عليــــــــــــــــا الناس
شـَمت العزال فيـــــــــــــــــا
...
وعايزنى أرجــــــع أسامحك
وأنسى عــــذابى من جرحك
اللى إنت جرحتـــــــــه لقلبى
علشان أنا قلت با أحبــــــــك
...
قلبى غضبـــــــــــــــــان منك
مُش عايز يسأل عنــــــــــــك
دا كفاية اللى أنت عملتــــــــه
ولا يُمكن تانى أحبــــــــــــك
...
سمير حسين
06/08/2010, 19h37
.. خاطرة ..
كــــــــــــــــان غصب عنى
نفتـــــــــرق من غير وداع
لما لاقيت الحــــــــــــــــــلم
ف لحظة منى ضـــــــــــاع
أنــــا كنت حــــــــــــــاسس
م البـــــداية ... بالنهــــــاية
علشان كـــــــــــــده قررت
أعيش وحـــــدى ف فراغ
...
سمير حسين
07/08/2010, 20h22
.. آخر ميعاد ..
فاتوا اليومين ياجمـيـــــــــــــل
ولســـــــــــــــــــه ما وصلتش
ولا نسيت عهدنــــــــــــــــــا
وع الصبر مقـــــــــــــــدرتش
...
قدروا الناس يخـــــــــــدعوك
عن قلبى ويبعــــــــــــــــــدوك
حتى العِشرة اللى بينــــــــــــا
نسيتهــــــــــــــــــــا وغيروك
...
قوللى بأمارة إيـــــــــــــــــــه
سايق دلالك ليـــــــــــــــــــــه
إنت نسيت عهــــــــــــــــد نا
اللى حلفنــــــــــــــــــــــاعليه
...
آخرتها إيه ويـــــــــــــــــــــاك
أنا بكره حا استنــــــــــــــــــاك
وان جيتنى فى معـــــــــــــادك
حا أنسى ليــــــــــــــالى أساك
...
سمير حسين
08/08/2010, 17h08
.. تقريبا النهارده عيد ميلادى ..
النهارده بالنسبه ليّـــــــــــــــــا
شىء حصل ومر عـــــــــــادى
ناس كتير زيى النهـــــــــــارده
شايلة الهمـــــــــــــــــــــــــــوم
وعـــــــــــــــــايشين ف وادى
...
وحـــــــــــدى قاعد ف خلوتى
ما بين همومى وشكـــــــــــوتى
لا سمعت مـــــــــــــــــرة رنتى
ولا حــــــــــــــــد قرب ناحيتى
...
سألت نفسى ؟ إيه اللى نــــابك
حزين وتشكى من طول عذابك
يا عم أنسى ... ما الكل ناسى
إن النهارده عيـــــــــــد ميلادك
...
الباشاقمرزمان
08/08/2010, 21h52
يا سيدي كل سنة وانت طيب واحنا مش ناسيين عيد ميلادك

بس احنا قلنا نتقل عليك شوية

عشان تطلع لنا حاجة جديدة
سمير حسين
09/08/2010, 17h51
.. خليك مسامح ..
التـُقل صنعة يا عمنـــــــــــــــا
فاكر زمان أيام ما كنت بتحبنا
وتفوت تسلم وتودنــــــــــــــــا
ولا يوم بعدت عننــــــــــــــــا
...
وكنت شايل همنـــــــــــــــــــا
تسأل علينا وتحبنـــــــــــــــــا
وف لحظة ليــــــه دا كله راح
ولقينا رُحنا لوحدنـــــــــــــــــا
...
إن كنت زعلان مننـــــــــــــا
حقك علينا كلنـــــــــــــــــــــا
خليك كبير ولازم تســــــامح
دا مسيرنا برضه لبعضنـــــا
..
الباشاقمرزمان
10/08/2010, 02h20
شوف يا عم سمير أي حاجة بتكتبها بأقرأها على طول ومتابعك

واذا احتاج الأمر بتلاقيني وبعدين انا عندي شغل عن شاعر كبير

عقبال ما اضيف شعرك لأشعاره ومش انا اللى متابعك بس فيه عيون تانية بتابعك

وعاملين زووم عليك وانت حر ... خلى بالك .... بعدين تقع .... حتلاقيهم جايين سانين السكاكين

وان تطورت برضه حتلاقيهم جايين بس سانين أسنان الأقلام

كل سنة وانت طيب
سمير حسين
10/08/2010, 16h18
.. هلال رمضان .. :emrose::emrose:
هل الهــــــــــــــــلال فى السما
فرح العبـــــــــــــاد فى الأرض
صوت الآذان ملحمــــــــــــــة
كله يقوم للفـَــــــــــــــــــــرض
...
هل الهــــــــــــــــلال فى السما
فرح البشر بضيـــــــــــــــــــاه
وف كل زاوية ومسجــــــــــــد
أصوات تنـــــــــــــــــــادى الله
...
إنصرنا يا ربنــــــــــــــــــــــا
على كل من يعادينـــــــــــــــا
قربنا من بعضنــــــــــــــــــــا
حبب عبادك فينــــــــــــــــــــا
...
أقبل صلاتنا وصومنــــــــــــا
والصدقة والحسنـــــــــــــــات
زيد الإيمان فى قلوبنــــــــــــا
والرحمـــــــــــــــة والبركات
...
:emrose:يــــــــــــــــــــــــــــــــــــــارب :emrose:
سمير حسين
11/08/2010, 17h51
.. شكرا لكم جميعا ..:emrose::emrose:
عيد الميلاد كان أحلى عيــــــد
وكأنه حالة مولود جـــــــــديد
كل الحبــــايب سألوا وباركوا
وقضيت ف يومهـا أحلى عيد
...
د حسن جاب سيمفونيــــــــــــة
خلطة جميلة عملهم هـــــــــدية
حليم وثومة وكلمـــــــــــة سمير
كان ليها أكبر أثر عليـــــــــــا
...
وعم باشا كلامه حـلـــــــــــــــو
رقيق وأحلى من البغـــــــــاشة
كلم حبايبه علشـــــــــان يجونى
وفى الحقيقة عمل إنتعــــــــاشة
...
مدام عفاف دى حكاية تانيــــــة
عملت لى زينة وورود كتــــيرة
خطوط جميلة وأشكال غريبـــة
رسومات بترقص ف كل ثانيـة
...
عم الريحــــــــانى ده شكل تانى
عمل لى حفلة مجننــــــــــــــانى
ما هو أصل أسمه بالنسبة ليــــا
غالى وهوعــارف معناة كلامى
...
أخونا ماضى ابن الحبــــــــايب
بجد شهم ورمز الرجـــــــــــولة
يارب يرجع كل اللى غـــــــايب
لأرضنـــــــــــــا أرض البطولة
...
الأخت ثومة بنت الســــــــــودان
النيل جمعنا واللون كمـــــــــــان
أنا أصلى منهم ولونى أسمـــــــر
وكأنى فعـــــــــــــــلا م السودان
...
آخر الكلام .. أجمـــــــــل سلام
لصديق جميل وآخـــــــــر تمام
بعت تهانى وأحــــــــــــلى كلام
شكرا جزيلا لأخــــــــويا إسلام
...
سمير حسين
12/08/2010, 17h23
.. فكرة ..
فكرة جـــــــــــــــــــديدة
جت على بــــــــــــــالى
من ساعتــــــــــــــــــين
الفكــــــــــــــــــر نادانى
قلت أنا حا أعمــــــــــل
حاجة جــــــــــــــــديدة
علشان بيهــــــــــــــــــا
أسلى صيـــــــــــــــامى
...
عزمت واحـــــــــــــد ع الفطار
كانت معرفتـة إنتحــــــــــــــــار
اللحمة كانت من نصيبـــــــــــه
وسابنى أقزقز ف االخيـــــــــــار
...
عفاف سليمان
12/08/2010, 19h22
.. شكرا لكم جميعا ..
عيد الميلاد كان أحلى عيــــــد
وكأنه حالة مولود جـــــــــديد
كل الحبــــايب سألوا وباركوا
وقضيت ف يومهـا أحلى عيد
...
د حسن جاب سيمفونيــــــــــــة
خلطة جميلة عملهم هـــــــــدية
حليم وثومة وكلمـــــــــــة سمير
كان ليها أكبر أثر عليـــــــــــا
...
وعم باشا كلامه حـلـــــــــــــــو
رقيق وأحلى من البغـــــــــاشة
كلم حبايبه علشـــــــــان يجونى
وفى الحقيقة عمل إنتعــــــــاشة
...
مدام عفاف دى حكاية تانيــــــة
عملت لى زينة وورود كتــــيرة
خطوط جميلة وأشكال غريبـــة
رسومات بترقص ف كل ثانيـة
...
عم الريحــــــــانى ده شكل تانى
عمل لى حفلة مجننــــــــــــــانى
ما هو أصل أسمه بالنسبة ليــــا
غالى وهوعــارف معناة كلامى
...
أخونا ماضى ابن الحبــــــــايب
بجد شهم ورمز الرجـــــــــــولة
يارب يرجع كل اللى غـــــــايب
لأرضنـــــــــــــا أرض البطولة
...
الأخت ثومة بنت الســــــــــودان
النيل جمعنا واللون كمـــــــــــان
أنا أصلى منهم ولونى أسمـــــــر
وكأنى فعـــــــــــــــلا م السودان
...
آخر الكلام .. أجمـــــــــل سلام
لصديق جميل وآخـــــــــر تمام
بعت تهانى وأحــــــــــــلى كلام
شكرا جزيلا لأخــــــــويا إسلام

...

اخى الكريم الاستاذ :emrose:سمير:emrose:

منذ فتره وانا اقرأ كل حين ما تكتب
ولكن اليوم لا استطيع الا ارد على هذه الكلمات الجميله
صوره رسمتها فى حب اهل سماعى:)
واسرتنا السماعيه الجميله
احييك على هذه الخاطره الجميله
وكل عيد وانت سعيد
ويارب دائما تمتعنا بكل جميل وجديد
فكلماتك خفيفه ولطيفه:crazy:
دمت لمحبيك ودمت لاسرتك الكبيره السماعيه
تحياتى
اختك عفاف
عفاف سليمان
12/08/2010, 19h30
.. فكرة ..
فكرة جـــــــــــــــــــديدة
جت على بــــــــــــــالى
من ساعتــــــــــــــــــين
الفكــــــــــــــــــر نادانى
قلت أنا حا أعمــــــــــل
حاجة جــــــــــــــــديدة
علشان بيهــــــــــــــــــا
أسلى صيـــــــــــــــامى
...
عزمت واحـــــــــــــد ع الفطار
كانت معرفتـة إنتحــــــــــــــــار
اللحوم كات من نصيبـــــــــــه
وسابنى أقزقز ف االخيـــــــــــار

...

يعنى نفهم من كده
اننا منعزمش حد ع الفطار السنه دى:o
اللحمه غليت ويا خوفى لا
نقزقز الخيار:mdr:
ههههههههههههههه
فكره حلو ه اخى الاستاذ سمير:crazy:
اسعدك الله بكل خير
ودائما الى اعمال جديده وخفيفه
و
رمضان كريم:emrose:
اختك عفاف
سمير حسين
12/08/2010, 20h33
الأستاذة / عفاف .. مروركم على بعض كتاباتى شرف لى وهذا يكفى .. شكرا لك من كل قلبى مع أطيب تمنياتى بقضاء أيام جميلة وحياة سعيدة ..
د.حسن
12/08/2010, 20h54
.. شكرا لكم جميعا ..:emrose::emrose:
د حسن جاب سيمفونيــــــــــــة
خلطة جميلة عملهم هـــــــــدية
حليم وثومة وكلمـــــــــــة سمير
كان ليها أكبر أثر عليـــــــــــا


دى كانت هدية متواضعة
لأخ غالى أكن له كل الإحترام

عزمت واحـــــــــــــد ع الفطار


كانت معرفتـة إنتحــــــــــــــــار
اللحوم كات من نصيبـــــــــــه
وسابنى أقزقز ف االخيـــــــــــار


إسمح لى أخى الغالى

حضرتك عزمت واحد (مُش نباتى)
إبقى خد بالك العزومة الجاية
:mdr:
مع تحياتى
سمير حسين
12/08/2010, 21h00
د . حسن .. مروركم زادنى شرفا .. كلماتكم الرقيقة وسام على صدرى .. بارك الله لك .. أسعدتنى جدا جدا ..
سمير حسين
13/08/2010, 10h40
.. صرخة ..
صرخـــــــــــــة يتيم كاتب
رسالة ع الـــــــــــــــورق
فكــــــــــــــــــــرنى بأمى
دمـــــــــــــــــــوعى سالت
دا قلبى لفراقها أتحـــــــرق
...
سمير حسين
13/08/2010, 18h20
.. قانع ..
ياللى بتـــــــــدور على شئ
يكون حلو وجميـــــــــــــــل
الدنيــــــــــــــــا فيها العجب
وعندى ألف دليــــــــــــــــل
الصحة والصُحبـــة كفــــاية
وبنت حلـــــــــــــــوة جميلة
تشفى قلبى العليـــــــــــــــــل
...
الباشاقمرزمان
14/08/2010, 00h16
مش قلت لك يا عم سمير فيه ناس متابعينك كتير

وخلي بالك لسة ناس تقيلة وسايبينك تقول اللى انت عايزه

بس لما حيلاقوا حاجات دسمة وافكار متطورة

غصب عنهم حيكلموا عشان انت اللى أنت اللى حتثيرهم

ان شاء الله يحصل تطور ولا تنسى كلام الشاعر طارق العمري

فيه كلام كبير جدا

كل سنة وانت طيب يا صاحبي
سمير حسين
14/08/2010, 16h21
.. خليك فاكرها ..
خليك فاكـــــــــرها دى عملتك
أنت أبتــــــــــــديت فى قسوتك
أنت اللــــــــــــــــــــــــى بعت
أنت اللــــــــــــــــــــــى خـُنت
أنت اللــــــــــــى ناسى محبتك
...
فاكرنى حــــا أنسى ملاوعتك
يا ما قلبى شــــــاف منك كتير
وكتير سامحتـــــــــــــــــــــك
ويا ما أيـــــــــــــــــــــــــــدى
كانت بتمسح دمعتـــــــــــــــك
...
تانى با أقولها خليك فاكـــرها
وأعمـــــــــــــــــــــــل حسابك
بعد اللى خـُنته .. أواللى خانك
مُش فارقة عنــــــــــــــــــــدى
ما تجيش تقـول لى دى غلطتك

...
با أحلف وأقـــــــــــــــــول لك
الذنب .. ذنبـــــــــــــــــــــــك
دا كفـــــــــــــــــــــــــاية عِندك
وفضلت أحبـــك لكن ف لحظة
كان لازم أبعــــــد وأنسى حبك

.. يظهر إنى تـَقلت فى الفطار ..
سمير حسين
15/08/2010, 10h33
.. رد العزومة ..
بعد العزومة إياهــــــــــــــا
قابلنى بالأحضــــــــــــــان
قاللى عزومة جميـــــــــــلة
وبعوده يارمضــــــــــــــان
فاضل عزومتك عنــــــدى
وبكره حـــــــــــــا تشرفنى
لقيته حـــــــــاجز لى مكان
فى مائــــــــــــــــدة رحمن
...
عفاف سليمان
15/08/2010, 18h44
.. رد العزومة ..

بعد العزومة إياهــــــــــــــا
قابلنى بالأحضــــــــــــــان
قاللى عزومة جميـــــــــــلة
وبعوده يارمضــــــــــــــان
فاضل عزومتك عنــــــدى
وبكره حـــــــــــــا تشرفنى
لقيته حـــــــــاجز لى مكان
فى مائــــــــــــــــدة رحمن

...

والله جميل استاذ سمير:emrose:
يعنى الواحد يعمل عزومه ويكلفها لشخص ما
ويوم ما يتعزم يعزمه على مائدة الرحمن:mdr:
يبقى بلاش نعزم حد احسن:eek:
كلمات جميله وخفيفه
الينا المزيد منها
وافكار كتير حلوه :o
تحياتى لك بارق واطيب واجمل الاوقات
اختك عفاف
سمير حسين
16/08/2010, 10h13
.. الأستاذة عفاف .. تحياتى لسيادتك .. وأشكر مروركم الكريم الذى يُضفى على موضوعاتى البهجة بتعليقاتكم الرقيقة ويُدخل فى نفسى السرور .. لك ِ كل الشكر .. ورمضان كريم ..
:emrose::emrose::emrose:
كلامك إنت الأجمـــــــــــل
يا كاملة الأوصـــــــــــاف
الشكر ليكِ كتـــــــــــــــــير
يا أختى العزيزة عفــــاف
...
سمير حسين
16/08/2010, 23h00
.. أهلاوى زعلان ..
ليلة صعبة علينــــــــــــــــا
وتقيلة على قلبنــــــــــــــــا
يوم ما الشبيبة غلبكــــــــوا
وحرقتم دمنـــــــــــــــــــــا
...
مُش لازم نقــــــــول العيب
فى الأرض والحكــــــــــام
لكن سبب الهزيمـــــــــــــة
كان من عنـــــــــــــــــــدنا
...
عملنــــــــــا ماتش ضعيف
وكان مُِش ع المستـــــــوى
دا يومهـــــا ما تسحـــرتش
ونمنـــــــــــا كلنـــــــــــــا
...
فرحتوا الزمالك فينــــــــــا
وعابوا على لعبنـــــــــــــا
وإحنا بصراحة كنـــــــــــا
لعيبة على قدنــــــــــــــــــا
...
عايزين منكم رجـــــــــولة
و الماتش على أرضنـــــــا
المكسب يبقى جــــــــــــامد
وتفتحوا نفسنـــــــــــــــــــا
...
سمير حسين
17/08/2010, 10h46
.. الجواز .. :rolleyes:

أول سنة فى الجـــــــــواز
أيام سعادة وصفــــــــــــو
...
تانى سنة منـــــــــــــــــه
صابنى العبط والسهــــــو
...
تالت سنة اتغيـــــــــــرت
جانى الخبل واللهـــــــــو
...
وبعد رابـــــــــــــــع سنة
مستنى ييجى العفـــــــــو
...
سمير حسين
18/08/2010, 00h49
.. يا قلبى إنسى ..
يــــــــــــــــــــا قلبى إنسى
وارْضىَ بنصيـبـــــــــــــك
دا اللى من بختــــــــــــــك
لازم يصيبــــــــــــــــــــك
يا قلبى إنسى
...
إياك تفكـــــــــــــــــــــــــر
فى الحب تــــــــــــــــــانى
ما خلاص نصيبـــــــــــــك
عدى ف ثــــــــــــــــــوانى
يا قلبى إنسى
...
إنت اللى عــــــــــــــــارف
إيه اللى نــــــــــــــــــــــابك
ما شفت منــــــــــــــــــــــه
غير طول عـــــــــــــــذابك
يا قلبى إنسى
...
هو أنت فـــــــــــــــــــــــاكر
إنه فاكـــــــــــــــــــــــــــرنا
أحلف وأقـــــــــــــــــــــــولك
دا حَب غيرنــــــــــــــــــــــا
يا قلبى إنسى
...
بلقيس الجنابي
18/08/2010, 19h50
رمضان كريم سيدي
كل عام وأنتم إلى الله أقرب

صدقا مررت سريعا فقط وأقولها لك"
ألوم نفسي على عدم درايتي لكل هذا الجمال تراث عربي حدوته مصرية
بحق ذكرتني بالحكواتي

ساعود لإقرأها من البداية بعد الإفطار طبعا
رمضان كريم يالطيب
عاشت ايدك :emrose:
محمد رمضان ماضي
18/08/2010, 20h06
.. فكرة ..

عزمت واحـــــــــــــد ع الفطار
كانت معرفتـة إنتحــــــــــــــــار
اللحمة كانت من نصيبـــــــــــه
وسابنى أقزقز ف االخيـــــــــــار
...

بسم الله الرحمن الرحيم
أخي سمير المرة القادمة
اعزم صاحبك دا وأعزم معاه صاحبك الأولاني،
وساعتها مش هتلاقي يا ولداه حتى الخيار.
:mdr:
تحياتي ومحبتي أخي سمير:emrose:
السلام عليكم ورحمة الله وبركاته.
سمير حسين
18/08/2010, 21h18
.. شكر وتقدير للشاعرة الكبيرة / بلقيس الجنابى ..:emrose:
:emrose: .................:emrose:
لما رأيتهـــــــا فى صفحتى
كـَتبـــــــــــت وحْيت كلمتى
قلبى إنشرح منهــــــــــــــا
وزادت فــــــــــــــــــرحتى
...
بنت الكــــــــــــــــــــــــرم
بنت الأصــــــــــــــــــــول
كلامها يُدخـُل فى العقــــول
ينور الضلمة اللى فيهـــــا
ويجْلى بالحب الصـــــــدور
...
الشـّعرهو دُنيتــــــــــــــــك
بنشوف ونقــــــرا رباعيتك
ياللى كتبتى عن المحبـــــة
فى قلوبنا زادت محبتــــــك
...
رمضان كريم ياستنــــــــــا
وجميل نشيله على رأسنــــا
الليلة دى أجمل ما فيهـــــــا
مرورك سيادتك عندنـــــــا
...
سمير حسين
19/08/2010, 15h40
.. أخلعينى .. حلويات بعد الإفطار ...

بتقوليلى زهقت منــــــــــك
شيل هــــدومك روح لأهلك
إستحالة العيشة بينـــــــــــا
ربنــــــــــــا يخلصنى منك
...
إنت ناسية لم كنتِ بتلومينى
وتقوليلى يا ابن خــــــــــالى
راح أشيلك ف نن عــــــينى
أتارى دا كــــــــان لؤم منك
عشان أحبــــــك وتتجوزينى
...
النهـــــــــــــــاردة بتشتكينى
وعايزه تجـــــرى وتسيبينى
والأكــــــــــــادة اللى تاعبنى
رافعة دعوى كمان عليـــــــا
عايزه إيه ! قال تخلــعينى
...
ليلى ابو مدين
19/08/2010, 17h18
بسم الله الرحمن الرحمن
أخي الكريم وشاعرنا الكبير
الاستاذ سمير حسين
أسعدك الله بكل خير
أناأول مره أدخل على صفحة "ليه خيالك..وأعمال أخرى"
والحقيقه فوجئت بأشعار غايه فى الرقه والبهجه
وأعجبنى جداً ما قرأت واسمح لي لم أمنع
نفسي من الضحك ابتهاجاً
وسعاده
متعك الله بالصحه واسعدك بكل خير
شاعرنا الكبير
:emrose:أختك ليلى ابو مدين:emrose:
سمير حسين
19/08/2010, 17h34
.. الأستاذة / ليلى أبو مدين .. كل عام وأنتم بخير .. زادنى شرفا أختى العزيزة ما قرأته عن كتاباتى وهذه شهادة من أخت كريمة .. لك شكرى وامتنانى ودعائى بدوام الصحة والسعادة والبهجة والسرور .. مع خالص تحياتى
سمير حسين
20/08/2010, 15h31
..الحنين فى الغربة ..
فكر معايا يا بلدينــــــــــــــــا
دى العشرة ما تهونش علينا
إحنا هنا الأتنين أغــــــراب
ما تحط إيدك فى إيدينــــــــا
...
إحنا هـنــا يا خوى متغربين
والموج حدَفنــا شمال ويمين
إيــــاك ناسينى إنا أبقى مين
أنا بلدياتك (حــــافظ أمين )
...
ما تيجى نرجع لبلادنـــــــــــا
والله وحشونا ولادنـــــــــــــــا
دى القعدة وسطيهم حلـــــــوة
يارب والنبى تجمعنــــــــــــا
...
بينى وبينك يا أخينــــــــــــــا
أرضنا غالية علينـــــــــــــــا
الشوج واخدنى لحد هنـــــاك
أسمع كلامى يالاك بينــــــــا
...
سمير حسين
20/08/2010, 21h11
.. زعلانه ليه ..
سألت عليها ما بتجيش ليــــه
قالولى واخده على خاطــــــرها
ما تقوللى زعلانه منى ف إيــه
تصارحنى وأنا آجى اصالحهـــا
...
أبويا بُكـــــــــره جاى لابوكى
وعمامى جـــــــــايين يشوفوكى
ويخطبك منــــــــــــــه عشانى
واخــــــــــواتى وامى يزفوكى
...
والنبى قوليلى زعلانة من إيه
دا يوم فرحنا أنا بااحلم بيــــه
والليلة حتكون صبــــــــــاحى
ودا اتفقنا أنا وانتِ عليــــــــه
...
حقك عليــــــــــــــــا ياجميلة
أنا عارف ان إنت الحِيلـــــة
ما تشمتيش فيا العُـــــــــــزال
وفرحينى أنـــــــــــــا والعيلة
...
بلقيس الجنابي
22/08/2010, 00h36
.. شكر وتقدير للشاعرة الكبيرة / بلقيس الجنابى ..:emrose:
:emrose: .................:emrose:
لما رأيتهـــــــا فى صفحتى
كـَتبـــــــــــت وحْيت كلمتى
قلبى إنشرح منهــــــــــــــا
وزادت فــــــــــــــــــرحتى
...
بنت الكــــــــــــــــــــــــرم
بنت الأصــــــــــــــــــــول
كلامها يُدخـُل فى العقــــول
ينور الضلمة اللى فيهـــــا
ويجْلى بالحب الصـــــــدور
...
الشـّعرهو دُنيتــــــــــــــــك
بنشوف ونقــــــرا رباعيتك
ياللى كتبتى عن المحبـــــة
فى قلوبنا زادت محبتــــــك
...
رمضان كريم ياستنــــــــــا
وجميل نشيله على رأسنــــا
الليلة دى أجمل ما فيهـــــــا
مرورك سيادتك عندنـــــــا
...



لافض فوك يالطيب
ألف شكر والله أسعدتني حقا

بارك الله فيك بارك الله فيك وجعلك من العايدين لمئة عام وزياده :emrose:
سمير حسين
22/08/2010, 14h37
.. رمضان ..
يا عبـــــــــــــــــــــــــــاد الله
وحـــــــــــــــــــــدوا الرحمن
نفحة م الإيمــــــــــــــــــــــان
زكاتنـــــــــــــــــــا والإحسان
فى ليالى رمضــــــــــــــــــان
...
المُصليين للإله ساجـــــــدين
لنعمته شاكــــــــــــــــــــرين
يطلبوا الغفـــــــــــــــــــــران
بُشرى للصـــــــــــــــــايمين
جَنـْـــــــــــــــــــــات الرحمن
...
يا عبــــــــــــــــــــــــــاد الله
أعملوا الخـــــــــــــــــــيرات
زودوا الحسنــــــــــــــــــات
تنــــــــــــــــــالوا م البركات
فى ليــــــــــــــــالى رمضان
...
سمير حسين
23/08/2010, 18h33
.. صدقينى ..
صــــــــــــدقينى غصب عنى
لمــــــــــا جيت أشكى وأقولك
ع اللى قلبى شـــــــــــافه منك
وبعمـــــــــــــــــــايلك خلتينى
غصب عنى بعـــــــدت عنك
...
صـــــــــــدقينى غصب عنى
قلت كلمة تجرحِـــــــــــــــك
إنسيها لى إنت عـــــــــــارفة
يا ما كنت با أخــــاف عليكى
يا ما قلبى كتير فرحِــــــــــك
...
هو يعنى حـــــــــــــــــلو ليكِ
تعملى معايا مــــــــــــا بدالك
واما تطلع كلمــــــــــــــة منى
أو حكاية قالوهـــــــــــــا عنى
تقوليلى روح لحــــــــــــــالك
...
النوبادى حا أعـــــــــديها لك
علشان العشرة اللى بينــــــــا
بس لازم تعمــــــــــل حسابك
أن رجعت تــــــــــــــانى تبعد
عمرى يوم ما حا أدق بـــابك
...
سمير حسين
24/08/2010, 20h27
.. راحة البال..
حاسس بحاجــــــــة غريبـــــــة
من نفسى واخــــــــــــــــــــدانى
معرفش إيه هيـــــــــــــــــــــــــه
لكن ملازمــــــــــــــــــــــــــانى
ولا دى حالة جـــــــــــــــــــديدة
بتهد فى كيــــــــــــــــــــــــــــانى
...
إحساس غريب بصراحــــــــــة
من مُـــــــــــــــــــــدة شـــاغلنى
ما بقتش أحس براحــــــــــــــــة
ولا شىء يطمنـــــــــــــــــــــــى
حتى عيونى صـــــــــــــــــاحية
والنوم هــــــــــــــــــــــرب منى
ياريت آلاقى وصفـــــــــــــــــة
تجيب اللى راح منــــــــــــــــى
...
سمير حسين
25/08/2010, 02h15
.. نهاية حب ..
عرفت الحقيقـــــــــــــــــــــــة
يا دوب من دقيقـــــــــــــــــــة
الناس لمحوك وشـــــــــــافوا
حاجات مش بريئـــــــــــــــة
...
بيحكوا عليك وقــــــــــــــالوا
إيه اللى جــــــــــــــــــــرا له
هو خـــــــــــــــــلاص نسينا
وإيه غير له حالـُــــــــــــــــه
...
اللى شـــــــــــــافوك حكوا لى
دلـــــــــــــــــوقتى وقـــالولى
إنسى .. دا حب غـــــــــيرك
مقدرتش أحـــــــــوش دموعى
...
وده شىء غصــــــــــب عنى
محــــــــــــــــدش أدرى منى
دا كان هو حيـــــــــــــــــاتى
وأكتر.. دا كان حتــــــه منى
...
سمير حسين
25/08/2010, 17h57
.. وحشتونى ..
والله بجــــــــــــــــــــد وحشتونى
والشوق فاض بيــــــــــا ورجعنى
غلاوتكم بالدنيــــــــــــا دى عندى
فى القلب مكانكم وعيـــــــــــــونى
والله بجد وحشتونى
...
إيه معنى الحب بعيـــــــــــــد عنكم
لما تغيب شمس الأحبــــــــــــــاب
وأنا مهما أقاسي وأشوف منـــــــكم
طيفكم عن بالى عمره ما غـــــاب
...
والنبى أيامكم وحشتنـــــــــــــــــــا
والدنيا دى من غــــــــيركم وحشة
راح أشيلكم تحت رمـــــوش عينى
وأحلفك ليكوا وأختم بالعشـــــــَرة
...
سمير حسين
27/08/2010, 19h23
..عودة سماعى ..

كأنى كنت بعيـــــــــــــــــــــــد
وراجــــــــــــــــــــــع م السفر
لابس هــــــــــــــــــــدوم العيد
فرحـــــــــــــــــــان بكل البشر
...
مع إنى ما ســــــــــــــــافرتش
وعنه ما بعـــــــــــــــــــــدتش
لكن غيـــــــــــــــــــــــابه كتير
خــــــــــــــــــــــلانى مقدرتش
...
تانى متعملهـــــــــــــــــــــاش
وتسيبنــــــــــــــــــــــــا نتحير
نسأل عليـــــــــــــــــــك وأنت
غايب ومتغنـــــــــــــــــــــــدر
لكن سمـــــاح النـــــــــــــوبة
والحق ع السيرفــــــــــــــــــر
...
سمير حسين
28/08/2010, 18h04
.. إكتمال البدر ..

كمــــــــــل الهـــــلال فى السمـــــــــا
نورنــــــــــــــــــــــــــا لـُه الفوانيس
وطلعنا لـُه فى الفضــــــــــــــــــــــــا
نسعـــــــــــــــــــــــــــد بأغلى ونيس
...
كمل الهــــــــــــــــــــــــلال فى السما
وبعــــوده يـــا ظهــــــــــــــــــــــوره
وف كل عام يــــــــــــــــــــــــــــارب
نفرح سوا بنـــــــــــــــــــــــــــــــوره
...
يـــــــاريت تكـــــــون السنـــــــــــــة
كلهــــــــــــــــــا رمضــــــــــــــــــان
دى الليلـــة واحـــــــــــده فيـــــــــه
بالعـُمــــــــــــــر وشهـــــــــــــــــوره
...
سمير حسين
02/09/2010, 22h57
.. زلطه ..
آه يانى .. لسه با اعــــــــــانى
ألم شديد قـــــــــــوى فى سنانى
بقالى كام يـــــــــــــــــــــــــــوم
مُش عارف اكتب أى معـــــانى
...
أيــــــــــــــام صعبة مرت بيـا
معرفتش راسى من رجليــــــا
زلطه كـبــيره جت فى رغيفى
قلبت كل الدنيــــــــــــــــا علي
...
خلاص بطلـْت عــــزايم تــانى
وحلفت ما أسيب تانى مكـــانى
أنا موعــــود بكـــــل عزومه
يطلع فيها عفريت قـُــــــــدامى
...
دى حقيقة حصلت لى بجـــــــد
وبا أدعى لكل حبايبى وأقول :
ربنا ما يوريهــــــــــــــــا لحد
...
سمير حسين
03/09/2010, 20h28
.. نصيب ..

راضى أنــــــــــــــــــــا بقسمتى
وكل شىء مكتـــــــــــــــــــــوب
طلعت لى حصوة ف لقمـــــــــة
أكيد عليـــــــــــــــــــــــا ذنوب
دا العيش بقى الأيـــــــــــــام دى
معمول عجينـــــــــــــــة شديدة
خلطة جــــــــــــــــــديدة وسهلة
شوية زلط على طـــــــــــــوب
...
سمير حسين
05/09/2010, 06h01
.. أصل الحكاية ..

الدنيـــــــــــــــا مركب وناسهـــــا
غاويين خيـــــانة وغـَــــــــــــــرق
الدنيــــــــا مركب شراعهــــــــــــا
غاوية السفـــــــــــــــــــر والسبق
والبحــر غــــــــــــــــــــدار غريق
يعشق حطـــــــــــــــــــــــام القلق
آه يــــــــــــــــــازمن
خــايف تنسى الطــــــــــــــــــريق
والصحبة تطلــــــــــــــــــع ورق
...
سمير حسين
05/09/2010, 16h37
.. تجربة فاشلة ..
سافرت رحلة بعيـــــــــــــــدة
وغبت فيهــــــــــــــــا كام يوم
ما لقيتش فيهـــــــــــــا راحتى
وكمان خاصمنى النــــــــــــوم
قلت البـــــــــــــــلد دى عشقى
وعلى حبها مفطـــــــــــــــــوم
بعد اللى شفته هنـــــــــــــــاك
لو عـُـــــــــــدت أستحق اللوم
...
عفاف سليمان
06/09/2010, 02h47
.. زلطه ..

آه يانى .. لسه با اعــــــــــانى
ألم شديد قـــــــــــوى فى سنانى
بقالى كام يـــــــــــــــــــــــــــوم
مُش عارف اكتب أى معـــــانى
...
أيــــــــــــــام صعبة مرت بيـا
معرفتش راسى من رجليــــــا
زلطه كـبــيره جت فى رغيفى
قلبت كل الدنيــــــــــــــــا علي
...
خلاص بطلـْت عــــزايم تــانى
وحلفت ما أسيب تانى مكـــانى
أنا موعــــود بكـــــل عزومه
يطلع فيها عفريت قـُــــــــدامى
...
دى حقيقة حصلت لى بجـــــــد
وبا أدعى لكل حبايبى وأقول :
ربنا ما يوريهــــــــــــــــا لحد

...



.. نصيب ..


راضى أنــــــــــــــــــــا بقسمتى
وكل شىء مكتـــــــــــــــــــــوب
طلعت لى حصوة ف لقمـــــــــة
أكيد عليـــــــــــــــــــــــا ذنوب
دا العيش بقى الأيـــــــــــــام دى
معمول عجينـــــــــــــــة شديدة
خلطة جــــــــــــــــــديدة وسهلة
شوية زلط على طـــــــــــــوب

...


اخى الكريم الاستاذ سميرhttp://www.bnitamem.com/vb/images/smilies/17-67-46.gif
دائما فى انتظار جديدك
وكلمات عن جد خفيفه وجميله :o
واحداث بتحصل لينا
عفانا الله من كل هذا
خصوصا الزلط:mdr:
ههههههههههههههه
اسعدك الله بكل خيرhttp://www.bnitamem.com/vb/images/smilies/17-67-46.gif
واوقات طيبه لك وللجميع
اختك عفاف
سمير حسين
06/09/2010, 03h16
.. الأستاذة / عفاف سليمان .. يسعدنى دائما مرورك على ما أكتب وأعتبره فضل كبير منكِ وشرف عظيم لى .. شكرا لكِ أستاذتنا .. وكل عام وأنت وأسرتكم الكريمة وجميع أحبائنا فى سماعى بخير وصحة وسعادة ..
حماد مزيد
06/09/2010, 20h43
.. تجربة فاشلة ..

سافرت رحلة بعيـــــــــــــــدة
وغبت فيهــــــــــــــــا كام يوم
ما لقيتش فيهـــــــــــــا راحتى
وكمان خاصمنى النــــــــــــوم
قلت البـــــــــــــــلد دى عشقى
وعلى حبها مفطـــــــــــــــــوم
بعد اللى شفته هنـــــــــــــــاك
لو عـُـــــــــــدت أستحق اللوم

...


دنا أعزمك دي الوقت ِ
وتعالـــــى ع فلسطين
يا فـــرحتـي و بختــي
ضيفــي ولـو يوميــن
سمير حسين
06/09/2010, 21h44
.. الأستاذ / حماد مزيد .. أهلا وسهلا بك .. وعزومة مقبولة ويارب إن شاء الله تعود أرضنا الحبيبة فلسطين الغالية ..

دى أجمل عــــــــزومة جاتنى
من أرض الحبــــــــــــــــــايب
ويارب تعود إليــــــــــــــــــنا
ويرجـــــــــع كل اللى غايب

.. شكرى وإعزازى لك أخى الكريم حماد ..
سمير حسين
07/09/2010, 17h14
.. حب أى كلام ..
بنت جميلــة وحلـــــــــــوة
واقفـــــــــــــــــــة تكلم واد
قالت له أنت الوحيــــــــــــد
اللى ملكت الفــــــــــــــــؤاد
خلص الكــــــــــــلام بينهم
قالت لـــــــــــــــواحد تانى
ما تنساس بكره الميعــــاد
...
سمير حسين
08/09/2010, 18h07
.. العيد ..
ما أحــــــــــــلاك ياعيــــــــــــــــد
بعـــــــــــــــد صيــــــــــــــــــــامنا
ظـَهــــــــــــــــــر الهـــــــــــــــلال
على طـــــــــــول قـُـمنــــــــــــــــا
رايحــــــــــــــــــــــين نصـــــــــلى
صــــــــلاة العيـــــــــــــــــــــــــــد
يـــــــــــارب تسعد أيامنــــــــــــــا
...
نفرح مع العيـــــلة والأحبـــــــاب
ونزور جــــيرانا والأصحـــــــــاب
دى اللمة حـلـــــــوة يوم العـــــــيد
ونعلق الزينــــة ع الأبــــــــــواب
...
أما اليتيم حقه علينــــــــــــــــــــا
نسأل عليه .. نشيله ف عنينــــــا
نفرح معــــاه .. نجيب له هـــــدية
وعيد سعيد عليـه وعلينـــــــــــــــا
...
ليلى ابو مدين
08/09/2010, 19h04
شاعرنا الكبير
الاستاذ سمير حسين
:emrose::emrose:

تحيه طيبه وكل عام وحضرتك بخير
وعيد سعيد ان شاء الله
أحلى ابيات شعر كتبت عن العيد
لقد أجملت فيها معنى كلمة العيد وهي العود
لكل الاشياء الجميله في حياتنا من لمة الاهل
والجيران والاحباب والاصحاب وتعليق الزينات
وأيضاً يا شاعرنا الكبير لم تنسى اليتيم
وحقه علينا ف العيد.
أحييك على هذه الابيات الشامله الكامله.
متعك الله بالصحه وأسعدك بأسرتك
الكريمه
مع خالص تحياتي
ليلى ابو مدين
:emrose::emrose:
سمير حسين
09/09/2010, 03h59
.. الأستاذة / ليلى أبو مدين :emrose::emrose:
.. إشادة من سيادتكم أعتز بها جدا وتقدير لا أستحقه .. الفضل لله أولا .. ولكم أصدقائنا وأحبائنا هنا فى سماعى .. شعور جميل وترابط رائع يجمع بين الجميع والحمد لله .. لا يسعنى أستاذتى سوى أن أكرر شكرى وتقديرى وإعزازى برأيكم .. تهنئتى القلبية بمناسبة عيد الفطر المبارك .. وكل عام وأنتم بخير :emrose::emrose:..
سمير حسين
10/09/2010, 18h57
.. يا ترى ..
يا ترى.......................
لما أقولك قلبى حبــــــــــــــــــــــك
راح تسمعيــــــــــــــــــــــــــــــــنى
...
ولا برضه ....................
ناوية تمشى وتعمـــــــــــــــــــــلى
زى اللى قبلك وتبعيــــــــــــــــــنى
...
يا ترى .......................
حترضى بيّــــــــــــــــــــــــــــــــــــا
ولا برضه حاتخــــــــــــــــــــدعينى
...
أعذرينى ......................
أصلى برضه لسه خـــــــــــــــــايف
تلبسى توب الغــــــــرور وتلوعينى
...
سمير حسين
12/09/2010, 09h25
.. طيفك ..
طيفــــــــــــــــــــــك شــــاغلنى
فى صحبتى وف وحــــــــــدتى
دايمـــــــــــا معايــــــــــــــــــــا
وف منــــامى وصحـــــــــــوتى
حتى وأنا مســـــافر بعيـــــــــــد
ألاقيه ملازم خطــــــــــــــــوتى
إزاى راح أشعر بالبعــــــــــــاد
يا ساكنـــــــــــــــــــــة روحى
وجـــــــــــــــــوه قلبى ومهجتى
...
الباشاقمرزمان
12/09/2010, 10h39
آه منك آه يا لهوتـــــــي
سمير حسين
12/09/2010, 19h51
.. سؤال ..

سألنى ب أستغـــــــــــــــــــراب

الأرض كـــــــــــــــــــــــروية ؟

وإن كانت صحيح كــــــــــــــــده

إثبت بقى ليّــــــــــــــــــــــــــــــا

أنــــــــــــــــــــا قلت له بص لى

حتلاقى وشى تمــــــــــــــــــــام

وعشان تشوف القفــــــــــــــــــا

لف بقى بيّـــــــــــــــــــــــــــــــا

...
ام مدحت
12/09/2010, 20h55
شاعرنا الجميل
الاستاذ/سمير حسين
دائما يشدنا قلمكم الرائع لنتابع معكم ماتبدعون
زادكم الله رفعة ورقىّ
كونوا دائما فى تألق
كل عام وانتم بخير
سمير حسين
13/09/2010, 15h35
.. الشيطان ..
رجع الشيطـــــــــــــــــان تــــانى
هايم سعيد فرحـــــــــــــــــــــــان
وقال مبروك علينـــــــــــــــــــــــا
النصر ع الإنســـــــــــــــــــــــان
كل المهمـــــــــــــــــــــــــة إنتهت
وبأرخص الأتمــــــــــــــــــــــــان
...
ما فضلش غير إننــــــــــــــــــــــا
نهجم عليه دوغــــــــــــــــــــــرى
يالا نقـــــــــــــــــــــــــــــــوم كلنا
ونبـــــدأ الطوفــــــــــــــــــــــــــان
...
NAHID 76
13/09/2010, 17h18
بسم الله الرحمن الرحيم
الفاضل سمير حسين
كتاباتك أخى الفاضل جميله وسهله الهضم ومتنوعه فى كافه المجالات والمناسبات
وأحيانا تعبر عن قلق نفسى وخوف من المجهول وغدر الصحبه والايام
بتلمس بها أوتارا فى حياه كلا منا
لذا بتجد صدى لدى الجميع
أنثر رحيقك أخحى العزيز ودع الهواء ينقل عبيره لتتفتح له صدورنا وتنتشى به عقولنا
تحياتى
مدام ناهد
سمير حسين
13/09/2010, 19h57
.. الأستاذة الفاضلة .. ناهد هانم .. كلماتكم لى هى الهواء النقى الذى أستمد منه أفكارى .. وكل كلمة ثناء هى وسام أعتز به وفضلا من سيادتكم ومن أحبائنا هنا فى منتدانا الأسرى الجميل ( سماعى ) ..
.. أستاذتى الفاضلة .. لكى جزيل شكرى على كلماتك الرقيقة ومروركم الذى زادنى شرفا .. وكل عام وسيادتكم بكل خير ...
سمير حسين
14/09/2010, 10h14
.. يارب ارحمنا ..

يارب أجعل طريقى ســـــــــــــــــالك
شيطــــــــــــان وجـــــــــــــــــــــانى
وسوس فى ودنى
نجى عَبـــــــــــدك م المهــــــــــــالك
...
يانبينــــــــــــــــا
ياللى حبــــــــــــاك ربنـــــــــــــــــــا
بالحسن والتــــــــــــــــــــــــــــأديب
وجيت تعلم لنـــــــــــــــــــــــــــــــــا
الحكمــــــة والتهـــــــــــــــــــــــذيب
ومهما طـــــــــــال عمرنــــــــــــــــا
ســــــــــــــــايرين على دربــــــــــك
عليــــــــــــــــــــك ســـــــــــــلام الله
هو لدُعــــــــــــانـــــــــــــــــا مجيب
...
سمير حسين
15/09/2010, 13h18
.. قربى منى ..

قـــربى بينـــــــــــا المســــــــــافة

وقصريها ....................

نفسى مرة تقولى أحبَـــــــــــــــك

يـــــــــــاه ....... قوليهــــــــا

ولا صعبــــــة الكلمة ديه تنطقيها

غصب عنى أطلبهـــــــــــــــا منك

ولإمتى أشواقنـــــا نداريهــــــــــا

كل دقة فى قلبى .. أحبــــــــــــك

قربى منى .. اسمعيهــــــــــــــــا

...
ليلى ابو مدين
15/09/2010, 22h35
الاخ الفاضل الاستاذ
سمير حسين
يا سلام يا سلام يا شاعرنا الهمام
إيه الرومانسيه دي كلها....؟
عبرت عنها بمنتهى البساطه وبإسلوبك السهل الممتنع
فجمعت كل معاني الحب في جملتين
كل دقة فى قلبى .. أحبــــــــــــك

قربى منى .. اسمعيهــــــــــــــــا
متعك الله بالصحه والعافيه
مع خالص تحياتي
ليلى ابو مدين
:emrose::emrose:
سمير حسين
16/09/2010, 09h13
.. الأخت العزيزة .. الأستاذة / ليلى أبو مدين ..هذاالثناء وهذه الكلمات الرقيقة منكم تزيدنى خجلا .. وهذا التقدير من شخصكم يزيدنى إصرارا على الأفضل .. شكرا لكِ أختنا العزيزة لهذا التواصل ومتابعة كتاباتى وهذا المرور الكريم .. لكِ شكرى وخالص تحياتى وتمنياتى لكم بالصحة والسعادة ..
NAHID 76
16/09/2010, 14h33
بسم الله الرحمن الرحيم
والله صدقتى أختى ليلى أبو مدين فى كل كلمه قلتيها
مش عرفه أكتب أنا بعديها
ولكنى أقول حلوه يا أستاذنا سمير أبو حسين
أفتح الكمبيوتر وأقرأها
تحياتى
سمير حسين
16/09/2010, 14h56
السيدة الفاضلة .. ناهد هانم .. عفوا أنتم الأساتذة .. والقامات العالية ..نستنير برأيكم .. ونفخر كثيرا ونسعد بإشادتكم .. شكرا لكِ أستاذتنا الفاضلة .. وشكرا على وسامك لى وهو مروركم الكريم ..
سمير حسين
16/09/2010, 19h11
.. فاكرنا ؟ ..

أنت فاكرنــــا ... ولا نسيتنـــــــــا

من يوم ما سافرت بعيد عنـــــــــــا

والفـــرح ما يعــــرف باب بيتنــــا

وان صادفة يوم فيه نتقــــــــــــــابل

مع بعض .. نحس بغربتنــــــــــــا

...

والنبى يا جميــــــل أنت نسيتنــــــــا

ونسيت ايامنـــــــــا وعِشرتنــــــــا

والبعد خـــــــــلاص بينى وبينــــــك

بقى هو قـــــــــــــــــدرنا وقسمتنـــا

...
سمير حسين
17/09/2010, 12h23
.. الدنيا رحلة ..

الدنيــــا رحلة ما شية بينـــــــــا

تجـــــــــرح الدمع ف عنينــــــــا

يا ما فيها كتـــــــــــــــير مواكب

اللى مـــــــــــــــــــــــــــــــــاشى

واللـــــى راكـــــــــــــــــــــــــــب

واللى مولـــــــــــود لسه فيهــــا

ولحظة تانية نلاقى روحنـــــــــا

ودّعنا فيهــا أعز الحبـــــــــايب

( الدنيـــا رحلــــة )

...
الباشاقمرزمان
17/09/2010, 17h21
ايه ده كله يا عم سمير صار لك مشجعين
وما شاء الله كل يوم في زيادة الوافديـــن
بس يارب ما تنسى المشجعين السابقيـــن
*********
مش قلت لك انت زي الجبنة الرومي كل ما تقدم تحلو:mdr:
سمير حسين
17/09/2010, 17h42
.. الأستاذ / الباشا قمر زمان .. أهلا وسهلا نورت المنتدى ..
أستاذى الباشا .. كل ما يحيط بى من ثناء وتشجيع فى منتدانا الرائع ما هو إلا نتيجة تشجيعكم ونقدكم البناء الذى أستفدت منه
ولست ناكرا للجميل ومازلت أحمل لكم ولجميع السادة مسؤلى المنتدى كل حب وتقدير لما منحونى إياه من دفعة قوية وإشادة جعلتنى أتطلع دائما للأحسن .. دمت لنا .. ودام فضلكم جميعا مسؤلى منتدانا الجميل ..