المساعد الشخصي الرقمي

مشاهدة النسخة كاملة : هوه ( بليغ حمدي ) ما خدش باله إن عازف الجيتار (( خولف ))


سيادة الرئيس
31/03/2010, 19h33
واحدة من أهم المقدمات الغنائية في عصرنا الحديث ( ألف ليلة و ليلة )

مارس فيها بليغ حمدي ( كعادته ) هوايته في ( تعذيب ) العازفين بتغيراته في ميزان العمل

مازورة 3/4 بعدها مازورتين 4/4 و يرجع و على كده

المقدمة غنية جدا و لم يعكر صفوها إلا عازف جيتار ( خولف ) و لاحظ معايا في الملف المرفق الآتي

- يدخل عمي الأستاذ ( سمير سرور ) بسولو غاية في الإحساس و الثبات النغمي ( رغم إنه من السهل في آلات النفخ الخشبية هروب ذلك ) لكنه و كأنه بيلعب على أورجن ( غيار ساكسفون ) و يخلص السولو بنفس جودة بدايته .

- عشان في الثانية 33 يدخل بعيد عنك سولو الجيتار و ( أول القصيدة كفر ) أول نغمة بيقولها ( بره ) أيوه و الله العظيم ( بره ) يعني ببساطة ( الجيتار مش مظبوط ) و يسهب سيادته في السولو على جيتاره إللي ( خولف ) زيه .

- و ما يكفهوش يقوم في الثانية 47 يتكعبل و يدخل في شجرة بسبب ( عرجه الزمني )

- ما يكفهوش كل ده لا . لما عمنا سمير يعيد السولو يقوم عاملة خلفية ( كوردات ) ربنا يشل ودانه ما أنزلت حتى في كتاب ( العرش في موسيقى الطرش ) حاجه كده تحسسك إنك عايز ( ترجع ) من ودانك . لا يكترها و يغير مكانها بمسافات عجيبة و غريبة ( و برضه الوتر المخولف مشترك في دي الجريمة )

- طيب الجيتار مش مظبوط ( في فرصة ) بدل الكوردات ( الخنشفارية ) إللي شليت وداني بيها ( مد إيدك كك قطع إيدك ) و أظبط أوتار ( الجيتاره ) لا حضرته صمم و في الدقيقة 1:48 يرجع يعيد السولو بنفس ( سفالة دوزانه )

- عشان بعد كده تدخل مجموعة الكمان بـ ( إينو ) يحاول يضيع أثر ( الإستنطاء الوداني ) و تغسلها شوية .

- بس برضه مش سايبهم بتفانينه ( الكوردية الخولفية ) من بعيد

مش عارف ده كان وسطته مين

حسبي الله و نعم الوكيل

صالح الحرباوي
31/03/2010, 19h44
..........................
- عشان في الثانية 33 يدخل بعيد عنك سولو الجيتار و ( أول القصيدة كفر ) أول نغمة بيقولها ( بره ) أيوه و الله العظيم ( بره ) يعني ببساطة ( الجيتار مش مظبوط ) و يسهب سيادته في السولو على جيتاره إللي ( خولف ) زيه .
- و ما يكفهوش يقوم فيالثانية 47 يتكعبل و يدخل في شجرة بسبب ( عرجه الزمني )
- ما يكفهوش كل ده لا . لما عمنا سمير يعيد السولو يقوم عاملة خلفية ( كوردات )
..................
مش عارف ده كان وسطته مين
حسبي الله و نعم الوكيل

:mdr::mdr::mdr::mdr:
قفشته......
الله يحكم فيك يا فخامة الرئيس أبو علي

شكيب الفرياني
31/03/2010, 20h03
الله عليك يا ريس وعلى وذان سعادتك إلي تتلف في حرير
فعلا عازف القيثار هذا من المفروض كان يتحاكم ههههههههه
وبعدين كله كوم وحكاية التانبو "العايب"كوم أنا فعلا مندهش ولكني على ما أذكر أنه في الأصل كمنجاتي يعني ما أظنش أنه عمر خورشيد ولكن إسمحلي يا ريس ومع كل ما ذكرته فأنا أجده أهون حال مما يجري اليوم خاصة على مستوى الأداء الصوتي للمجرمين الذين ينعقون هذه الأيام والمصيبة في التسجيلات أما اللايف هههههههههههههههههههههههه فتلك الطامة الكبرى
آآآآآآآآآآآآخر زمن والله ...

شكيب الفرياني
31/03/2010, 20h08
معذرة يا ريس فقد أعدت الإستماع ووجدتني مجبرا على الوقوف عند الأكور الأخير ،يااااااااااااااااااااااااااااااااااااااااااااه
حاجة ما تتعدااااااااااااااااااااش - بالتونسي - هههههههههه
يعني ما أنزل الله بها من سلطان
:eek:
عفوك يا رب

سيادة الرئيس
31/03/2010, 20h13
:mdr::mdr::mdr::mdr:


قفشته......

الله يحكم فيك يا فخامة الرئيس أبو علي


طيب يا عمنا سي صالح عشان ما تفتكرنيش بتجنى عليه ( ربنا يسامحه )

إسمع دي

لحضرتك و ( من نفس المقدمة ) شئ على النقيض

لما أكون أنا حاطط لحن و فيه 2 سولو ورا بعض الأولاني ( نهاوند ) ما فيهوش ريحة ( الثلاث أرباع ) و التاني ( راست ) يعني ( الثلاث أرباع ) مزغرطه كده ياختي عليها و قدامي آلتين ( أكورديون ) و ( ساكسفون ) أدي مين فيهم سولو الراست .

طبعا المنطق بيقول أديه للآلة ( الثابته ) و هى الأكورديون عشان ما تهربش ( الثلاث أرباع ) و تطلع مظبوطة .

يقوم بلبل مدي النهاوند للأكورديون و الراست للساكسفون و هوه واثق من ثبات ( شفة سمير ) بالرغم من سهولة هروب ظبطة النغمة لكن ده ( سمير سرور )

إسمع كده و دوق و استطعم لما يكون العازف ( إبن لئيمة ) و كمان حلاوة تتابع السولهات و أثر ( الثلاث أرباع ) في سولو الساكسفون

و ده الفرق

سيادة الرئيس
31/03/2010, 20h23
وجدتني مجبرا على الوقوف عند الأكور الأخير



يا سي أستاذ شكيب لا معذرة و لا دياولو

ده كورد ( خا ميجور بسبعته ) و ( سبعته ) متصرفه على ( الكانيف ) و شد ( الكومبنيشان )

سيادة الرئيس
31/03/2010, 20h30
ولكني على ما أذكر أنه في الأصل كمنجاتي يعني ما أظنش أنه عمر خورشيد

ما مصيبة ليكون الأستاذ : عبد الفتاح خيري أزعل و الله

الألآتى
01/04/2010, 03h04
ربنا يورينى فيك يوم ياصلاح يابن خالتى أم صلاح ..

هو أنا ناقص يابنى .. ولا ودانى ناقصة بوظان ..

مش كفاية إللى بسمعه كل يوم فى التلفزيون وفى الشارع ..

تصدق بالله .. ( لا له إلا الله ) .. إنى سمعت ألف ليلة عشروميت مرة .. وماسمعتش الحفلة دى ..

إنت جبتها مين ياأرووب .

المشكلة عن الجدع ده بتاع الجيتار .. إن الدوزان ناقص .. ومش بس كده ..

ده بيعك كمان فى الأكورد .. يمكن بيحاول يتفذلك ؟ .. يمكن ..

طيب ماحدش قال له .. ( المعلم مبسوط منك .. وبيقول لك ماتجيش بكره )

الألآتى
01/04/2010, 03h09
لما أكون أنا حاطط لحن و فيه 2 سولو ورا بعض الأولاني ( نهاوند ) ما فيهوش ريحة ( الثلاث أرباع ) و التاني ( راست ) يعني ( الثلاث أرباع ) مزغرطه كده ياختي عليها و قدامي آلتين ( أكورديون ) و ( ساكسفون ) أدي مين فيهم سولو الراست .



تصور ياصلاح .. أنا طول عمرى .. ومن أول مرة أسمع فيها الأغنية ..

كنت باستغرب وأستعجب .. ليه بليغ عمل كده ..

ليه إدى الراست للساكس .. والنهاوند للأكورديون ..

مع إن الربع ثابت فى الأكورديون ..

وكنت فى قعداتى .. أدلل بهذا التصرف على جنان بليغ وحبه لتكسير القواعد والخروج عن المألوف ..

وطبعاً ساعده فى كده .. براعة وتمكن سمير سرور ..

هيثم أبوزيد
01/04/2010, 15h40
يا ريت يا سيادة الرئيس ترفع لنا نفس المقطع، بعزف مظبوط، كي تكون المقارنة مفيدة
وبضدها تتميز الأشياء:crazy:

شكيب الفرياني
01/04/2010, 21h48
ما مصيبة ليكون الأستاذ : عبد الفتاح خيري أزعل و الله



هذا سي عبد الفتاح خيري


http://www.sama3y.net/forum/attachment.php?attachmentid=132406&stc=1&d=1235950603

أما هذا فالله أعلم ......


http://www.sama3y.net/forum/attachment.php?attachmentid=132405&stc=1&d=1235950603
لا يكون هو صاحب العملة ههههههههههه

hasanh
02/04/2010, 17h59
واحدة من أهم المقدمات الغنائية في عصرنا الحديث ( ألف ليلة و ليلة )


مارس فيها بليغ حمدي ( كعادته ) هوايته في ( تعذيب ) العازفين بتغيراته في ميزان العمل

مازورة 3/4 بعدها مازورتين 4/4 و يرجع و على كده

المقدمة غنية جدا و لم يعكر صفوها إلا عازف جيتار ( خولف ) و لاحظ معايا في الملف المرفق الآتي

- يدخل عمي الأستاذ ( سمير سرور ) بسولو غاية في الإحساس و الثبات النغمي ( رغم إنه من السهل في آلات النفخ الخشبية هروب ذلك ) لكنه و كأنه بيلعب على أورجن ( غيار ساكسفون ) و يخلص السولو بنفس جودة بدايته .

- عشان في الثانية 33 يدخل بعيد عنك سولو الجيتار و ( أول القصيدة كفر ) أول نغمة بيقولها ( بره ) أيوه و الله العظيم ( بره ) يعني ببساطة ( الجيتار مش مظبوط ) و يسهب سيادته في السولو على جيتاره إللي ( خولف ) زيه .

- و ما يكفهوش يقوم في الثانية 47 يتكعبل و يدخل في شجرة بسبب ( عرجه الزمني )

- ما يكفهوش كل ده لا . لما عمنا سمير يعيد السولو يقوم عاملة خلفية ( كوردات ) ربنا يشل ودانه ما أنزلت حتى في كتاب ( العرش في موسيقى الطرش ) حاجه كده تحسسك إنك عايز ( ترجع ) من ودانك . لا يكترها و يغير مكانها بمسافات عجيبة و غريبة ( و برضه الوتر المخولف مشترك في دي الجريمة )

- طيب الجيتار مش مظبوط ( في فرصة ) بدل الكوردات ( الخنشفارية ) إللي شليت وداني بيها ( مد إيدك كك قطع إيدك ) و أظبط أوتار ( الجيتاره ) لا حضرته صمم و في الدقيقة 1:48 يرجع يعيد السولو بنفس ( سفالة دوزانه )

- عشان بعد كده تدخل مجموعة الكمان بـ ( إينو ) يحاول يضيع أثر ( الإستنطاء الوداني ) و تغسلها شوية .

- بس برضه مش سايبهم بتفانينه ( الكوردية الخولفية ) من بعيد


[QUOTE]


تحليل فخم يثير الاعجاب بدقته
تسلم يا فيسكونت