هو وهى

[الألآتى]

هو وهى ..

ثلاثة أيام وأنا شغال فيها ..

يعنى إللى مش حايرد كويس .. حاستناه بره المنتدى

[محمد رمضان ماضي]

هو وهى ..

ثلاثة أيام وأنا شغال فيها ..

يعنى إللى مش حايرد كويس .. حاستناه بره المنتدى

بسم الله الرحمن الرحيم
السلام عليكم ورحمة الله وبركاتة
والله فرصة ، والواحد في الحاجات دي لازم يكون أنتهازي
لأبعد الحدود، حقول أيه وحشة قوووووووووووووووي،
المهم تنفذ ما توعدت بيه ، علشان الواحد يشوف الوجه
السمح الجميل دا ، تسلم، ضبط مسطرة
نهارك مبارك وكله سعادة وهناء
مستنيك بره المنتدى ومكان ما تحب

[د.حسن]

يعنى إللى مش حايرد كويس .. حاستناه بره المنتدى

طب أنا بقى مُش ح ارد كويس
علشان نتقابل .. أصلك واحشنى
:emrose: :mdr: :emrose:
بس كلمة فى ودنك
روعة بجد ياأبوحسام
قصدى .. ياأبو الروائع
مع تحياتى

[عفاف سليمان]

طيب اقولك انا بقه ردى من غير ما تضحك عليه
انا لو كنت قريبه من حضرتك
كنت سجلتها معاك:mdr:
بس بجد
جميله جدا جدا جدا
خصوصا انك بتعمل الكورال;)
وكله كله جميل
سواء ادائك لهو او لهى:emrose:
وللكورال
والتوزيع جميل
وبعدين مش كفاية دخلة
د حسن :emrose:
المبدعون
دا لواحده احلى حاجه
رائع يا صاحب الروائع السماعيه
اسعدك الله بكل خير
اختك عفاف

[سعدالشرقاوى]

ياعم تقابل مين برّه
الله يخليك
انت مش حمل الكلام ده
وحافظ على السنان اللى فاضله
دانت لى نطقت السين شين
ماعدناش وخدين منك رجا
لا لحن ولا غنا
امشى جنب الحيط وقول رايكم ايه
اقول لك احسن من الاصل مليون مرة
صباحك بطعم التوت الابيض

[slimanaa]

عظيم ورائع يا استاذ محمد الالاتي الله يديمك يا غالي.....

[محمودسعد]

مفيش فايده ؟؟
واكل الجو علطول وبيطلع بحاجات هو بس اللي يفكر فيها ؟؟
مجرد التفكير في تقديم عمل زي ده حكايه لوحدها
وهي عادتك ولاهاتشتريها ؟؟
دايما بتاع مفاجات ونوادر عجيبه وماتخطرش في بال حد
لاوايه ؟؟ اداء تمثيلي رائع وانت بتقوم بدور احمد زكي وحسيت انك احمد زكي ؟؟
ويادلعك وياجمالك وانت بتقول هي ؟؟؟؟؟يادلع يادلع سعاد حسني
والكورال كمان مشكله مع ايقاع ايوب وياحلاوتك وانت بتخلي الكورال يقول هيوا وهيا وفكرتني بخضره محمد خضر ؟؟اي والله
ربنا مايحرمنا منك يااستاذ يامبدع يادائم الابداع
ربنا يديلك الصحه والعافيه وتمتعنا وتفاجئنا كمان وكمان
وياريتني مارديت كويس عشان اطلع الاقيك مستني بره ؟؟؟؟

[كمال عواد]

يا لذيذ يا جميل يارايق جدا يا مبدع جدا..يا خفيف الظل والروح...والله انا ميت من الضحك الجميل..اللى بيستغرب
هذه القدره الربانيه الهائله..انا والله والله افتكرت انك اخدت كوبى
من صوت احمد زكى..بس طبعا عارف صوتك جدا...عسل وروعه يا استاذ محمد والله..ولازم تتطلع حلوه جدا على قد التعب فيها...روعه روعه...تحفه من تحفك الجميله..
والالات بنسبة 90% لايف..مفيش فرق على الاطلاق
اسعدتنى وحق كتاب الله

[الألآتى]

بسم الله الرحمن الرحيم

السلام عليكم ورحمة الله وبركاتة
والله فرصة ، والواحد في الحاجات دي لازم يكون أنتهازي
لأبعد الحدود، حقول أيه وحشة قوووووووووووووووي،
المهم تنفذ ما توعدت بيه ، علشان الواحد يشوف الوجه
السمح الجميل دا ، تسلم، ضبط مسطرة
نهارك مبارك وكله سعادة وهناء
مستنيك بره المنتدى ومكان ما تحب



أشكرك بشدة أخى محمد على شعورك .. والله يعلم أنى مشتاق للقاء قريب .. تحياتى ..

[الألآتى]

طب أنا بقى مُش ح ارد كويس

علشان نتقابل .. أصلك واحشنى
:emrose: :mdr: :emrose:
بس كلمة فى ودنك
روعة بجد ياأبوحسام
قصدى .. ياأبو الروائع

مع تحياتى



حبيب قلبى وصديقى الإسكندرانى الكبير .. دكتور حسن ..

بجد .. بجد .. إنى مشتاق وعندى لوعة .. وأتعجل الأيام حتى نلتقى .. فى أى حتة بقى .. فى القاهرة .. فى الأسكندرية ..

فى القسم حتى ..

[الألآتى]

طيب اقولك انا بقه ردى من غير ما تضحك عليه

انا لو كنت قريبه من حضرتك
كنت سجلتها معاك:mdr:
بس بجد
جميله جدا جدا جدا
خصوصا انك بتعمل الكورال;)
وكله كله جميل
سواء ادائك لهو او لهى:emrose:
وللكورال
والتوزيع جميل
وبعدين مش كفاية دخلة
د حسن :emrose:
المبدعون
دا لواحده احلى حاجه
رائع يا صاحب الروائع السماعيه
اسعدك الله بكل خير
اختك عفاف


إنتى بتقولى فيها يامدام عفاف .. أنا عندى شغل كتير قوى محتاج صوت نسائى ..

وماعنديش صوت يصلح فى البيت .. ياريت والله نعمل المشروع ده .. حايبقى حديث الموسم ..

[الألآتى]

ياعم تقابل مين برّه

الله يخليك
انت مش حمل الكلام ده
وحافظ على السنان اللى فاضله
دانت لى نطقت السين شين
ماعدناش وخدين منك رجا
لا لحن ولا غنا
امشى جنب الحيط وقول رايكم ايه
اقول لك احسن من الاصل مليون مرة

صباحك بطعم التوت الابيض


وليه الفضايح دى ياعم سعد ..

حوش حوش .. إوعى الشعر إللى نازل على عنيك ..

وبعدين أنا نطقت السين شين .. هو أنا حاطلع أحسن من عبد الوهاب..

ربنا يخليك ليا .. ويديم المعروف ..

[الألآتى]

عظيم ورائع يا استاذ محمد الالاتي الله يديمك يا غالي.....


الله يخليك .. أشكرك أستاذى العزيز .. من بعض ماعندكم ..

[الألآتى]

مفيش فايده ؟؟

واكل الجو علطول وبيطلع بحاجات هو بس اللي يفكر فيها ؟؟
مجرد التفكير في تقديم عمل زي ده حكايه لوحدها
وهي عادتك ولاهاتشتريها ؟؟
دايما بتاع مفاجات ونوادر عجيبه وماتخطرش في بال حد
لاوايه ؟؟ اداء تمثيلي رائع وانت بتقوم بدور احمد زكي وحسيت انك احمد زكي ؟؟
ويادلعك وياجمالك وانت بتقول هي ؟؟؟؟؟يادلع يادلع سعاد حسني
والكورال كمان مشكله مع ايقاع ايوب وياحلاوتك وانت بتخلي الكورال يقول هيوا وهيا وفكرتني بخضره محمد خضر ؟؟اي والله
ربنا مايحرمنا منك يااستاذ يامبدع يادائم الابداع
ربنا يديلك الصحه والعافيه وتمتعنا وتفاجئنا كمان وكمان
وياريتني مارديت كويس عشان اطلع الاقيك مستني بره ؟؟؟؟



عارف يامحمود

أهى الإختيارات دى مسببالى أزمة ..

لأنى لما بختار عمل صعب .. لازم أختار بعده عمل أصعب ..

وده بيخلينى أدعبس وأقلب الدنيا على أعمال ليست فى الحسبان ..

وعموماً .. أنا شغال دلوقتى فى عمل .. يعتبر مصيبة من مصايب الزمن ..

ومش عارف بعدها حلاقى أصعب منه إزاى .. كفاية إنك تعرف إن العمل ده حاياخد فى وشه .. عشرة إتناشر يوم ..

أما بخصوص الأداء .. فده طبيعى .. لأنى بحاول أقلد كل الأصوات .. مش عايز أغير حاجة فى العمل ..

عايزه يطلع زى ماهو .. بدون إضافات شخصية .. لأنه مش إعادة توزيع أو إعادة غناء ..

لأنى مهما عملت .. مش حاعمل زى الناس دول يامحمود .. كفاية إننا نقلدهم .. وده غاية المنى ..

[الألآتى]

يا لذيذ يا جميل يارايق جدا يا مبدع جدا..يا خفيف الظل والروح...والله انا ميت من الضحك الجميل..اللى بيستغرب
هذه القدره الربانيه الهائله..انا والله والله افتكرت انك اخدت كوبى
من صوت احمد زكى..بس طبعا عارف صوتك جدا...عسل وروعه يا استاذ محمد والله..ولازم تتطلع حلوه جدا على قد التعب فيها...روعه روعه...تحفه من تحفك الجميله..
والالات بنسبة 90% لايف..مفيش فرق على الاطلاق
اسعدتنى وحق كتاب الله


ردى عليك ياعم كمال .. هو نفس ردى على محمود سعد

وأضيف عليه .. إنى مبسوط جداً علشان أسعدتك ..

المهم .. ماحدش خد باله من صوت الأراجوز .. يادى النيله .

[عفاف سليمان]

إنتى بتقولى فيها يامدام عفاف .. أنا عندى شغل كتير قوى محتاج صوت نسائى ..

وماعنديش صوت يصلح فى البيت .. ياريت والله نعمل المشروع ده .. حايبقى حديث الموسم ..


ايدى على كتفك :crazy:
لو فى طريقه سهله وقريبه للتواصل والله
انا اللى يكون لى الشرف
بس
على الله المبدعون ميقفلش ساعتها:mdr:
ههههههههههههههههههههه
صباحكم فل وياسمين:emrose::emrose:
وتحياتى لك وللجميع بكل خير وسعاده

[عادل فؤاد رفاعى]

رائع يا ابو حسام انا عارف إنها من كلمات صلاح جاهين...بس مش عارف الحان كمال الطويل..ولا عمار الشريعى.؟؟

[M O H A M E D]

باختصار يا أستاذ محمد ..
انت راجل عبقري
:emrose:


عمل ممتع و مدهش
و مش عارف ناوي تعمل إيه أصعب من كده !
:crazy:

ربنا يبارك لنا فيك يا فنان
:emrose:

[الألآتى]

رائع يا ابو حسام انا عارف إنها من كلمات صلاح جاهين...بس مش عارف الحان كمال الطويل..ولا عمار الشريعى.؟؟




هما كاتبين فى التتر .. إن الألحان لكمال الطويل وعمار الشريعى بدون تحديد ..

إحنا عرفنا إن الشيكولاته .. وخالى البيه من ألحان عمار الشريعى .. عندما أعطى اللحنين للفنانة فاطمة عيد ..

لكن باقى الأعمال .. لانعرف من الملحن منهما .. حتى عمار نفسه رافض أن يفصح عن الحقيقة .. وفاءً لأستاذه كمال الطويل .

[الألآتى]

باختصار يا أستاذ محمد ..

انت راجل عبقري
:emrose:


عمل ممتع و مدهش
و مش عارف ناوي تعمل إيه أصعب من كده !
:crazy:

ربنا يبارك لنا فيك يا فنان
:emrose:


الأصعب جاى يامحمد .. ماتقلقش .. أنا شغال فيه حالياً .

[Hisham Khala]

ايه عم الشقاوة دي كلها
التداخلات الكونتربونتيه في المقدمة شغل اساتذة
الغناء بأصوات متعددة الرجالي و النسائي شغل احترافي
طبعاً التسجيل و المكساج 100%
تحياتي

[Sami Dorbez]

والله رجعتني لايام الطفولة....يااااه بقالي كم سنة ما سمعتهاش شكرا عمو الالاتي

سعاد حسني فنانتي المفضلة الله يرحمها وفي نفس الوقت الله يهلك صفوت الشريف

[جابر المراغي]

الاستاذ/ محمد الالاتى ( ابوحسام)كالعاده دائماعمل رائع وعظيم الحقيقه والسهل الممتنع صوت الفنان احمد ذكى انت تقمصته تيبيكال ولكن اناماسمعتش صوت الاراجوز اللى بتقول عليه على فكره اى عمل بتعمله حضرتك بيشدنى له وبيمتعنى حقيقى يافنان يانجم عالى فى السما

[محمود العيادى]

الالاتي يا فنان.... تعقيبي عن العمل هايكون هو وهي ... هوه ... ااقصد انت مبدع ياابوحسام اداء صوتي متوافق جدا رغم انك بتقلد يعني بلغه المزيكا راكب صوت لم يهرب منك التون سواء رجالي ( احمد زكي ) نسائي ( سعاد حسني ) او الكورال ( فوكال ) . اما هي وهذا يعني الموسيقي جميله منك قوي لانها معزوفه بمزاج عالي وواضح حرصك علي تقديمها كما هي دون اضافات و برضه هيه طريقه التسجيل و المكساج بين الموسيقي و الاصوات ولا في اتخن استوديو نقيه قوي ...و ربنا يوفقك و نشوف ابداعاتك واقدم لك نفسي مثل الاخت عفاف كصوت ما انا فاضي ياخي خلي الايقاع مره لايف و احنا مش قد المقام الموسيقي و ايه ... و انا اعتقد بالنسبه للالحان انا شامم ريحه نفس الشريعي و شقاوته في العمل مش معايا انت و لاايه ... حبيبي عمار الشريعي ابو مراد ربنا يشفيه يارب .عشره علي عشره يا ابو حسام .

[الألآتى]

الإعتذار واجب لكل الأساتذة اللذين قاموا بالتعليق والتعقيب وتأخرت عليهم فى الرد

فأنتم تعلمون الظروف التى تمر بها البلاد العربية من ثورات وإنتفاضات شعبية

بافضافة لظروف قسم المبدعون التى تعرفونها جميعاً

أعود لأعتذر بشدة

دكتور هشام خلف الذى كتب تعليقاً منذ أكثر من سنة كاملة

أعتز جداً بردك .. وخاصة أنه جاء من فنان شامل وأكاديمى .. ويعرف تماماً ماذا يقول وماذا يكتب

حبيب قلبى وإبنى العزيز سامى دربز

الذى غاب عنا فترة ليست بالقليلة .. ونتمنى ألا تطول غيبته مرة أخرى ..

وحشتنى يافنان الطفولة .. وأتمنى أن تعود أيامنا الحلوة

الأستاذ جابر المراغى .. أشكرك أستاذى وأتمنى أن تحوز أعمالى رضاك ورضا كل متذوق فنان

أما عمنا وأستاذ عموم الإيقاع فى بر مصر .. الفنان محمود العيادى

يشرفنى بالتأكيد أن تحمل أعمالى بصماتك الإيقاعية الفنية ..

وكنت أتمنى أن نكون متقاربين جغرافياً كنا حانسوى الهوايل

[انور الحارث]

استمع الان الى هذا العمل

ترددت فى كتابة اى تعليق لانى متاخر وبعد كل هذه

الردود اكيد يكون العرض انتهى

العمل كتير ظريف وحلو :emrose:

الصوت هنااا يشبه صوت احمد زكى رحمه الله:emrose:

تسلم ايديكم شكرااا جزيلا:emrose:

بانتظاار الجديد والمميز

انورالحارث

[الألآتى]

استمع الان الى هذا العمل

ترددت فى كتابة اى تعليق لانى متاخر وبعد كل هذه

الردود اكيد يكون العرض انتهى

العمل كتير ظريف وحلو :emrose:

الصوت هنااا يشبه صوت احمد زكى رحمه الله:emrose:

تسلم ايديكم شكرااا جزيلا:emrose:

بانتظاار الجديد والمميز

انورالحارث

أشكرك أخى العزيز على ردك ورأيك المشجع

وأتمنى أن أكون عند حُسن الظن دائماً