دموع فى عيون وقحة

[الألآتى]

إخوانى الأعزاء

شوية قزقزة لحد ماتُفرج

مقدمة مسلسل ( دموع فى عيون وقحة )

من أعمال الموسيقار عمار الشريعى

وتنفيذ العبد لله

[معتز محمدي]

بالصدفة وانا قاعد مع امي سألتها هي (دموع فى عيون وقحة) فيلم ولا تمثيليه .. قالتلي تمثيليه .. قلتلها بطوله مين .. قالت عادل امام و مشيرة اسماعيل
معلش يا عم الالاتي .. انا مسمعتش الحاجات دي .. مش عارف ليه ؟
لكن نسمع المقدمة ونرجع لك

[معتز محمدي]

معلش يا عمنا الألآتى أنشغلت عنك بالأطلال .. اول مرة اسمعها بالكلمات ... اول مرة اركز فيها ... طلعت تحفة .. وسهلة مش صعبه زي ما كنت متخيل ...


نرجع للموسيقى بتاعه المسلسل ... دي روعة ... ومظوطة مليون في المية ...

ربنا يزيدك .. ويبارك لينا في موهبتك:emrose:

[الألآتى]

بالصدفة وانا قاعد مع امي سألتها هي (دموع فى عيون وقحة) فيلم ولا تمثيليه .. قالتلي تمثيليه .. قلتلها بطوله مين .. قالت عادل امام و مشيرة اسماعيل

معلش يا عم الالاتي .. انا مسمعتش الحاجات دي .. مش عارف ليه ؟
لكن نسمع المقدمة ونرجع لك


عندك حق .. ماهو المسلسل ده .. إتعرض قبل ماتتولد حضرتك ..

[سيادة الرئيس]

حلو يا عمنا و الله

أنا بعتبرها أجمل من الشوان

تسلم يا آلاتي

[معتز محمدي]

عندك حق .. ماهو المسلسل ده .. إتعرض قبل ماتتولد حضرتك ..



هههههههه .. ضحتني والله

بس نفسي أسمع الحاجات دي كلها ...

مش لاقيها خالص

عموماً هيجي اليوم اللي نقول نفس كلامك لعيالنا :mdr:

[Hisham Khala]

آختيلر ممتاز و اداء رائع
مليانة كروماتك و العبارة بتتكرر بأكثر من طريقة و نغمة الركوز بتختلف في كل مرة
التصوير اللحني علي سلم آخر Transposition
ثم لم ينسي عمار أصله الشرقي و اتحفنا بجملة للناي من مقام البياتي ، ثم رجع مرة أخري للسلم الصغير اللي مليان الكروماتك ليعطي الاحساس بعدم الاستقرار و الاحساس بحدوث احداث غير متوقعة مثلما ما يسمعنا من نغمات غير متوقعة.
التيمة الإيقاعية للحن متميزة للجملة في المنتصف و هي فكرة اللحن(4 دوبل كروشات - نوار بوانتاه - 5 كروش - 4 دوبل كروش - 2 كروش ..) و الايقاع ماشي مع اللحن في صورة نوارات (دم - دم - دم - دم | دم - دم - دم - دم) و فيه ازاحة عند 5 كروشات)
احسنت يا عمنا يا مايسترو

[الألآتى]

حلو يا عمنا و الله


أنا بعتبرها أجمل من الشوان


تسلم يا آلاتي


أيوه فعلاً ياعم ... جمعة .. ;)

[الألآتى]

آختيلر ممتاز و اداء رائع
مليانة كروماتك و العبارة بتتكرر بأكثر من طريقة و نغمة الركوز بتختلف في كل مرة
التصوير اللحني علي سلم آخر Transposition
ثم لم ينسي عمار أصله الشرقي و اتحفنا بجملة للناي من مقام البياتي ، ثم رجع مرة أخري للسلم الصغير اللي مليان الكروماتك ليعطي الاحساس بعدم الاستقرار و الاحساس بحدوث احداث غير متوقعة مثلما ما يسمعنا من نغمات غير متوقعة.
التيمة الإيقاعية للحن متميزة للجملة في المنتصف و هي فكرة اللحن(4 دوبل كروشات - نوار بوانتاه - 5 كروش - 4 دوبل كروش - 2 كروش ..) و الايقاع ماشي مع اللحن في صورة نوارات (دم - دم - دم - دم | دم - دم - دم - دم) و فيه ازاحة عند 5 كروشات)
احسنت يا عمنا يا مايسترو



تسلم لنا تحليلاتك العلمية يادكتور ..

ماهى دى الحاجات إللى بتوجعنى .. وتدفعنى لتحدى إمكانياتى المتواضعة فى التنفيذ ..

[محمد رمضان ماضي]

بسم الله الرحمن الرحيم
الله ينور عليك يا أستاذنا يا مايسترو
أخيار موفق جدا ً، مقطوعة ولا أروع .....
هي ورأفت الهجان من أجمل ألحان
عمار الشريعي علي الإطلاق
مش عارف حينا يبدأ اللعب علي الناي بحس فورا ً
بمصر وعظمتها ، طيبة شعبها وشهامتة ، جملة كلها أصالة
أداء جميل ومتميزيا أستاذنا ربنا يخليك ،
والي المزيد من الإبداع ، تقبل تحياتي
والسلام عليكم
ورحمة الله وبركاته.

[ابو سيف المصري]

[QUOTE=الألآتى;410027]إخوانى الأعزاء

شوية قزقزة لحد ماتُفرج

مقدمة مسلسل ( دموع فى عيون وقحة )

من أعمال الموسيقار عمار الشريعى

وتنفيذ العبد لله


:emrose:السلام عليكم

تسلم يااستاذ ياكبير على هذه الموسيقة انا بحبها جدا ودائما لما المسلسل يتعرض احب اسمعها واشوف المسلسل:emrose:

[egmagdi]

تحفة جميلة يا مايسترو
ادفع نص عمرى واسمعك لايف

[abuzahda]

إبتسامات في عيون واضحة

علشان سمعتها و انا مُبتـَسِم

فكرتني بأيام حلوة ، يا مصنع الحلويات

يا أستاذ محمد:emrose: يا مايسترو:emrose:

مع إني شاربها من إيد آخر الظرفاء ، عمّنا عمّار الشريعي:emrose:

كنت عاملها صوت إقلاع ويندوز ، و رنة ماسجات و خلافـُه

لكن الليلة دي الطعم مختلف ، حاسس إني بسمعها (كلها) على كـَوَلة دفيانة

،

و كل ما اسمع بديعة من بدائعك ، أسأل نفسي:

أمال لو معاك أوركستر عازفين ، هتعمل فينا إيه ؟!

صدق اللي قال: الشاطر:emrose: يغزل برجل كناريا





.

[الألآتى]

بسم الله الرحمن الرحيم

الله ينور عليك يا أستاذنا يا مايسترو
أخيار موفق جدا ً، مقطوعة ولا أروع .....
هي ورأفت الهجان من أجمل ألحان
عمار الشريعي علي الإطلاق
مش عارف حينا يبدأ اللعب علي الناي بحس فورا ً
بمصر وعظمتها ، طيبة شعبها وشهامتة ، جملة كلها أصالة
أداء جميل ومتميزيا أستاذنا ربنا يخليك ،
والي المزيد من الإبداع ، تقبل تحياتي
والسلام عليكم
ورحمة الله وبركاته.


أشكرك أخى العزيز محمد .. بالفعل كانت النقلة موفقة .. وخاصة أن الشريعى إعتمد طريقة الكروماتيك فى التحويل .. أشكرك ..

[الألآتى]

[QUOTE=الألآتى;410027]إخوانى الأعزاء


شوية قزقزة لحد ماتُفرج

مقدمة مسلسل ( دموع فى عيون وقحة )

من أعمال الموسيقار عمار الشريعى

وتنفيذ العبد لله



:emrose:السلام عليكم


تسلم يااستاذ ياكبير على هذه الموسيقة انا بحبها جدا ودائما لما المسلسل يتعرض احب اسمعها واشوف المسلسل:emrose:



كلنا بنحب المسلسل .. لأن له ذكريات فى نفس كل واحد منا

أشكرك ياعزيزى ..

[الألآتى]

تحفة جميلة يا مايسترو
ادفع نص عمرى واسمعك لايف


ياعم مجدى .. من غير ماتدفع نص عمرك ولا حاجة .. أنا تحت أمرك ياحبيب قلبى ..

[الألآتى]

أمال لو معاك أوركستر عازفين ، هتعمل فينا إيه ؟!

صدق اللي قال: الشاطر:emrose: يغزل برجل كناريا




العين بصيرة والإيد قصيرة ياعم السيد

صباح الفل يارافع معنوياتى ..

[سعدالشرقاوى]

دايما بتاخدنا لعالم تانى
والله كل ما اسمع لك حاجه
اكتب قصيدة جديده
والغزاله تروق
وكانى نضفت الهارد
وعملت عليه اسكان

[الألآتى]

دايما بتاخدنا لعالم تانى

والله كل ما اسمع لك حاجه
اكتب قصيدة جديده
والغزاله تروق
وكانى نضفت الهارد

وعملت عليه اسكان


ربنا يزيدك روقان كمان وكمان ياعم سعد

أنا لى الشرف إنى أكون السبب فى روقان البال والقريحة ..

[ثومة 72]

ربنا يسعدك ويحقق أمانيك

انا برضو ما شفت الحاجاات الجميلة دى وسألت والدى عن المسلسل دا ، قالى فى حياتى ما سمعت احلى من المقدمة الموسيقية والمسلسل دا لى معاه ذكريات وقمت سمعتهاله على طول وسمعها وكانت مفأجأة ليه انبسط جدا و راح داعيلك دعوة قال فيها بالضبط ربنا يحقق احلامك ويسلم ايد اللى عملها بالروعة دى وسمعنا ليها تانى بعد الزمن دا كله .. قالى اسمه ايه ، اسمه الألأتى يا والدى ..
وعلى طول افتكر اغنية ذكريات للست وقال (ذكريات عبرت أفق خيالى )

ربنا ما يحرمنا منك يا صانع السعادة والبهجة انبسطت من الشغل دا جدا ، وبسطت والدى جدا ، وتصدق دى الوقت نفسي اشوف المسلسل دا ...

تحياتى العطرة لك

[معتز محمدي]

ابسط ياعم الألآتى ... الاسرة كلها بتسمعك


انا سألت امي عن المسلسل ... و ثومة 72 سألت ابوها

http://www.w-enter.com/forum/images/smilies/cute2/w41.gif
http://www.w-enter.com/forum/images/smilies/cute2/w39.gif

[الألآتى]

ربنا يسعدك ويحقق أمانيك


انا برضو ما شفت الحاجاات الجميلة دى وسألت والدى عن المسلسل دا ، قالى فى حياتى ما سمعت احلى من المقدمة الموسيقية والمسلسل دا لى معاه ذكريات وقمت سمعتهاله على طول وسمعها وكانت مفأجأة ليه انبسط جدا و راح داعيلك دعوة قال فيها بالضبط ربنا يحقق احلامك ويسلم ايد اللى عملها بالروعة دى وسمعنا ليها تانى بعد الزمن دا كله .. قالى اسمه ايه ، اسمه الألأتى يا والدى ..
وعلى طول افتكر اغنية ذكريات للست وقال (ذكريات عبرت أفق خيالى )

ربنا ما يحرمنا منك يا صانع السعادة والبهجة انبسطت من الشغل دا جدا ، وبسطت والدى جدا ، وتصدق دى الوقت نفسي اشوف المسلسل دا ...


تحياتى العطرة لك


ربنا يكرمك ويكرم والدك عزيزتى ثومة ..

كل الشكر على كلماتك الرقيقة ..

وكل الشكر لوالدك الغالى على دعواته .. وإن شاء الله تسعدى بمشاهدة المسلسل يوماً ما ..

[الألآتى]

ابسط ياعم الألآتى ... الاسرة كلها بتسمعك


انا سألت امي عن المسلسل ... و ثومة 72 سألت ابوها

http://www.w-enter.com/forum/images/smilies/cute2/w41.gif
http://www.w-enter.com/forum/images/smilies/cute2/w39.gif







أنا مبسوط بوجودكم يامعتز .. وسعادتى لا تُوصف بسماع الأجيال الجديدة لهذه الأعمال المنسية .

[محمودسعد]

ازيك ياعم
مبدئيا انا ماعنديش نت من عشرايام او اكثر وبتعامل دلوقت مع لاب توب ومش عارف استعمله زي دينا وحبيبه لاني واخد عالبلدي وماليش في حكايه اللمس دي ؟
ثانيا
هو فيه ايه ؟
انت عمرك ماعودتني اني لما اغيب ماتسالش عني ؟؟؟؟؟
هوانت مقاطعني ؟ولاايه بالظبط ولافاكرني انا اللي مقاطعك ؟
هويعني كان لازم اكتب موضوع ان انا عيان ؟؟؟؟؟؟
وحتي لوهاكتب ماكانش عندي نت ؟؟ولاكنت بعرف حتي امسك البتاع العفريت ده اللي اسمه لاب توب ؟؟بس اضطريت بقي استعمله والاكاده بقي اني كمان ماكنتش عارف استعمل التليفون ؟؟؟؟ببساطه لاني كنت فعلا تعبان وتعبان جدا جدا والحمد لله علي كل شئ ؟؟تم شفائي لما عرفت ادخل وعرفت اكتب وعرفت اسمع كمان ودائما انت تفاجئني باللي بيفوقني ؟؟واللي بيروقني ؟؟واللي بيخليني افتكر الايام الخوالي ايام النغم الجميل والفن الجميل والموسيقي الجميله والفنانين الاجمل ؟؟؟وحشتني ياجميل ؟؟وحشتني يافنان وحشتني يامبدع وحشتني ياعتيق ياجديد
وحشتني يامربي الاجيال ووحشتني فنونك النادره والمتفرده
هوانت ماسالتش عليه ليه ؟
في كل الاحوال انت احسن المحسنين ياراجل ياطيب ومعلش مش عارف اكبر الخط

هوانا مزعلك اوي كده

[الألآتى]

فعلاً .. كنت فاكرك إنت إللى زعلان ..

والتليفون الأرضى عندى كان إستقبال بس لغاية إمبارح

والمحمول كان من غير رصيد .. يعنى كنت مقطوع عن العالم .. والنت كان هو بس إللى شغال .

وألف سلامة ياأبو دينا

ويعلم ربنا إن القسم مالوش حس من غيرك .. ولعلك لاحظت ذلك .. المشاركات قليلة ومن غير نِفس .

عودى ياهاميس ..

وإتعلم تتعامل مع اللاب توب .. ماتبقاش متأخر .

[محمودسعد]

:mdr:[QUOTE=الألآتى;411622]فعلاً .. كنت فاكرك إنت إللى زعلان ..


والتليفون الأرضى عندى كان إستقبال بس لغاية إمبارح

والمحمول كان من غير رصيد .. يعنى كنت مقطوع عن العالم .. والنت كان هو بس إللى شغال .

وألف سلامة ياأبو دينا

ويعلم ربنا إن القسم مالوش حس من غيرك .. ولعلك لاحظت ذلك .. المشاركات قليلة ومن غير نِفس .

عودى ياهاميس ..


وإتعلم تتعامل مع اللاب توب .. ماتبقاش متأخر .
[/QUOTE

[محمودسعد]

فعلاً .. كنت فاكرك إنت إللى زعلان ..


والتليفون الأرضى عندى كان إستقبال بس لغاية إمبارح

والمحمول كان من غير رصيد .. يعنى كنت مقطوع عن العالم .. والنت كان هو بس إللى شغال .

وألف سلامة ياأبو دينا




ويعلم ربنا إن القسم مالوش حس من غيرك .. ولعلك لاحظت ذلك .. المشاركات قليلة ومن غير نِفس .

عودى ياهاميس ..


وإتعلم تتعامل مع اللاب توب .. ماتبقاش متأخر .

اه ياصديقي

دائما متفقين حتي في انقطاع الحراره بانواعها
ربنا معاك ومعايا وهانت ياصاحبي وربنا اذن خلاص وهشوفك
وانا اللي من غيرالمبدعون ولاحاجه
وخلاص النت هايوصل النهارده اوبكره عشان البتاع اللاب ده مش علي هوايا وخصوصا في المنزل
ههههههه

[كمال عواد]

ما فيش حاجه ممكن اقولها غير تحفه فنيه...
وتنفيذ بالحرف والهمسه واللمسه...ما يطلعش الا

من ايد وعقل فنان بمعنى الكلمه

[الألآتى]

ما فيش حاجه ممكن اقولها غير تحفه فنيه...
وتنفيذ بالحرف والهمسه واللمسه...ما يطلعش الا

من ايد وعقل فنان بمعنى الكلمه

ربنا يكرمك ياكمولة .. ويجبر بخاطرك .. ياكبير

[M O H A M E D]

جميلة جداً
تسلم إيدك يا أستاذ محمد
و حضرتك حتى الآن قدمت لنا أفضل أعمال عمار الشريعي
الحدود - أرابيسك - دموع في عيون وقحة
بارك الله فيك يا مايسترو
:emrose:

[الألآتى]

جميلة جداً

تسلم إيدك يا أستاذ محمد
و حضرتك حتى الآن قدمت لنا أفضل أعمال عمار الشريعي
الحدود - أرابيسك - دموع في عيون وقحة
بارك الله فيك يا مايسترو
:emrose:


والزينى بركات كمان

أنا عامل للشريعى حاجات كتيرة .. بس هما دول إللى فى المنتدى يادكتور محمد ..

أشكرك ياحبيب قلبى ..

[محمودسعد]

انا جيتلك ياحبيبي

[الألآتى]

انا جيتلك ياحبيبي



نورت مكانك ياصديقى وحبيب قلبى ..

أيوه كده .. خلينا نشتغل بقى وإفتح نفسنا كمان وكمان ..

[عفاف سليمان]

احم احم
ماشى ماشى
محدش قال فين الفاسوخه اللى اطلقتها عليه يا عم الالاتى:mdr:
ههههههههههههههههههههههه
صباح الفل والنرجس والياسمين
معلش انا كمان مقصره معاكم بس يعلم الله والله انتم فى بالى
وخصوصا قسم المبدعون كان نفسى اشوف الجديد اللى عملتوه
المهم استاذى الاالاتى:emrose:
كل وقت وانت بخير وجميع اسرتك الكريمه
اولا
هذه الموسيقى جميله جدا ولا تقل جمالا عن عمار الشريعى وربما احسن
وصدقنى والله مش نفاق بس دى حقيقه ويشهد على من سبقونى من اساتذتى الكرام واخوانى واخواتى
ثانيا انا ايضا لى معها ذكريات جميله
ويمكن اجمل حاجه وقتها انهم كانوا بيشبهونى بمشيرة اسماعيل :mdr:
لكن الايام والسنون بتتغير واكيد احنا بنتغير معاها
ثالثا
اتمنى ان ارى جديد لك من هذه الاعمال الشريعيه الجميله:o
لانها حقا بتظهر لنا جمال اعمالك الفنيه
خامسا
اسعدكم الله جميعا بكل خير وصحه وسعاده
والى السيده الفاضله تحياتى
وعيد أم سعيد عليها وعلى جميع اسرتك الكريمه
اختكم عفاف
ام حماده

[الألآتى]

احم احم

ماشى ماشى
محدش قال فين الفاسوخه اللى اطلقتها عليه يا عم الالاتى:mdr:
ههههههههههههههههههههههه
صباح الفل والنرجس والياسمين


يعلم الله أنكِ فى بالنا جميعاً يام حمادة .. ربنا يخللى لك حمادة وبقية القبيلة ..

إحنا عارفين إنك مشغولة .. فى التحضير للدكتوراه .. :mdr: .. وطشة الملوخية .

حمدلله على السلامة .. يافاسوخة المنتدى .. بجد .

[عفاف سليمان]

يعلم الله أنكِ فى بالنا جميعاً يام حمادة .. ربنا يخللى لك حمادة وبقية القبيلة ..

إحنا عارفين إنك مشغولة .. فى التحضير للدكتوراه .. :mdr: .. وطشة الملوخية .

حمدلله على السلامة .. يافاسوخة المنتدى .. بجد .


ههههههههههههههههههههههههه
مانت عارف يا استاذ محمد:o
على راى اللى قال
الملوخيه ادلقت:mdr:
ههههههههههههههههههههههه
ربنا لا يحرمنى منكم ولا من زوقكم
ويوفق الجميع
والله انتم جميعا فى بالى بس العتب ع النظر:mdr:
هبقى اكل جزر يمكن يعمل حاجه كويسه لعنيه
ههههههههههههههههههه
تحياتى لك استاذى ومزيدا من الابداع والتألق
وتحياتى لجميع الاسره واسعدك الله فيهم
اختك عفاف
ام حماده

[Hisham Khala]

كل لما اسمع هذه المقطوعة
أقول أستاذ

[محمود العيادى]

السلام عليكم يا جماعه الخير ....... خبر ايه يا عم محمد يا الالاتي يابو حسام .... اغيب يومين ارجع الاقي حضرتك سايب الكنز ده اللي اسمه دموع في عيون وقحه ... الاهوه كان كام واحد بيعزف معاك علي فكره مجموعه شاطره قوي حافظ عليها ( طبعا دي دعابه ) لاني انا مبهور بامكانياتك الفنيه انت مش عازف و بس لكن حساس في اداءك للجمله الموسيقيه لان اخوك يا ما شاف عازفين و انا بالنسبه للعزف انا هاحكي لك حكايه صغيره كده . في مره كنا في عزومه فنانين في دمنهور و طبعا انت عارف عزومات الفنانين بتبقي ازاي كل فنان بيعلن عن نفسه في و سط كبار الفنانين و بتبقي فرصه للتعارف بين فنانين الاقاليم . المهم كان موجود الله يرحمه احسن من عزف علي اله الاكورديون ( قبل مايبقي نقيب ) المرحوم حسن ابو السعود و انت عارف كان شاطر ازاي . طلع علي المسرح علشان يجامل و مسك المايك ( الحديده ) و طلب طقم ايقاعات بالاسم و منهم اخوك . المهم اكتمل الطاقم علي المسرح و راح عازف اغنيه ضي القناديل لعبد الحليم حافظ باحساس ايه اوعي و انا مش حافظ و شغلني الواحده برجله و هات يا عزف المهم ان العزومه بتبقي هيصه و زيطه و كلهم من تحت علي الصوت مش سامعين راح المرحوم قايل في المايك اقعدو ساكتين و انتم تسمعوا .... و حياتك كله راح مبلم و قعد يسمع الاستاذ الله يرحمه . معلش انا اخدتك بهيد شويه لكن انا كنت عاوز ادلل علي احساس العازف يعبرعن جمال اللحن . و في النهايه سامحني علي الغياب و بالصدفه دلوقتي بس اخدت بالي من المبدعين اللي انت عمهم .. مش كده يا محمود ياسعد .

[الألآتى]

صباح الفل ياعم محمود ..

أولاً .. مبروك عليكم عودة المبدعون .. بالرغم من القص واللزق إللى حصل

ثانياً .. دموع فى عيون وقحة .. أنا نفذتها من زماااان .. مش عارف لو نفذتها دلوقتى تطلع إيه

ممكن ماتطلعش أحلى .. ساعات اسمع شغلى .. أقول الشغل ده أنا عملته إزاى ..

يظهر إن الحالة النفسية بتلعب دور كبير أثناء العمل .. وصعب نعيد الحالة النفسية دى من تانى

قصتك لها دلالة كبيرة بالفعل .. وتؤكد على أن الفن الأصيل والعازف الجميل لن يُعوض

همتك معايا بقى .. علشان المبدعون يرجعوا من تانى ينوروا القسم .. ويعوضوا إللى راح .. ونركز على الأصالة

[محمود العيادى]

تسلم ياابو حسام و تعيش فنان اصيل .... لكن احب اسال اذا كان في هذا القسم الجميل ممكن نتكلم مثلا عن شكل الفرقه الموسيقيه علي المسرح بيكون ازاي و موضوع تاني اشارات المطربين للفرقه و معناها ثم المصطلحات الموسيقيه الشعبيه الخالصه للموسيقين مع بعضهم اثناء العزف و كذلك كيفيه ضبط الدوزان علي المسرح يعني ممكن نقول في الاخر ازاي الحفل الموسيقي بيخرج للناس و ايه كواليسه ... سؤالي للتوجيه من عظمتك اروح او اكتب فين ده اولا ثانيا عاوز اكتب عن عن ادوات الايقاع و انواعها الجلديه و الخشبيه و نروح لحاجات كتير من اساسيات من شكل الفرقه الموسيقيه و برضه عاوز نعرف الناس انواع الافراح الكلاس و الشعبيه و اماكنها و طقوسها ايه يعني عاوزين نعمل شكل من الثقافه الشعبيه لاصحاب هذه المهن و طريقه تعاملهم مع بعض و ازاي بيحبوا بعض قوي و اشكال التكافل بينهم في كل مناسباتهم . اشكر لك مقدما سعه صدرك لطلباتي لكن ها تحمل ايه موسيقي تنح ها تعمل ايه . بحبك قوي .

[الألآتى]

طيب ياموسيقى ياتنح :mdr:

عندنا قسم المبدعون .. خاص بإبداعات الأعضاء

وعندنا قسم دعوة موسيقية على أغنية .. خاص بتحليل الأغانى نصياً ولحنياً

عندنا بقى .. قسم إستفسارات ومناقشات موسيقية .. ممكن نناقش فيه أى موضوع موسيقى وناخد وندى مع بعض

عندنا كمان .. فوق .. فى قسم العلوم .. حانلاقى قسم مقالات فى الموسيقى .. وقسم دروس ومحاضرات

إختار القسم المناسب لما تريد طرحه من موضوعات .. وإحنا وراك ياكبير

[هشام سليمان]

الاستاذ محمد الالآتى طبعا ده سمعناه قبل الثوره حينما كنا نسمع منك فى اليوم الكثير وليس كل شهر وكالعاده مبدع واحساس
جميل واضح برغم انى مش عارف باقى المواضيع فى هذا القسم اين ذهبت وهو كنز من كنوز سماعى ولكن املنا فى الجديد
والرصيد القديم اما بالنسبه لأخونا محمود العيادى الصديق الحبيب وعميد ضباط ايقاع مدن القناه وشقيق مبدع الايقاع ومجدد
الايقاع الاستاذ احمد العيادى والاستاذ يوسف العيادى عازف الرق الشهير بقوله وحشتنى يا استاذ محمود انت والاستاذ حسن
كشك وسامحنى يا استاذ محمد انى خرجت من الموضوع بس العيادى يقولك على الصله بينا والمده اللى انا مشفتوش فيها
يا رب مكونش طولت عليك وتقبل احترامى وفى انتظار الشطر الثالث من اغنيه اروح لمين كما وعدتنى سابقا ويا رب تكون
فاكر(يطول بعدك )

[محمود العيادى]

الاستاذ الفنان هشام سليمان .... طول عمرك فنان عارفينه محترم و مهذب و ذوق ... اشكر لك مشاعرك تجاهي و اخوتي و لك تحياتهم ... و بعدين انت فين ياكسلان و فين ابداعاتك اللي انا عارفها ... ياعم محمد يا الالاتي هشام ده حكايه كبيره بس هوه فنان متواضع ... اقولك عنه انه مسجل تاريخيا ان هشام من مبدعي عازفي السمسميه و مطورها ده عملها 24 وتر و هوه اول واحد يعزف الحان ام كلثوم علي السمسميه و له شرائط كاسيت موجود بها هذا الكلام ارجوك خليه يرفع الكلام ده علشان الناس تسمعهو انشاء الله في اقرب لقاء للمنتدي لازم اجيب هشام معايا انا و النجم حسن كشك و يكون معاه سمسميه علشان نسمعه و تريح انت الاورج بتاعك و تستريح من الشيله ..

[الألآتى]

بالتأكيد ياعم محمود

وجود فنان مثل الأستاذ هشام شئ يسعدنا

وأضم صوتى لصوتك .. وأدعوه لرفع بعض أعماله فى المبدعون

ومرحباً بكل فن أصيل ياأصيل

[انور الحارث]

عزف جميل جدا:emrose:
وخاصة حناان الناى يذوب فيه:emrose: المستمع لعذوبته وشجاااه
وهذا لايخرج الامن موسيقاار مرهف الحس
على الرغم من اننى قد سمعت صوت:crazy: بوق عسكرى
وشى من عزف مارشاال عسكرى
راائع شكراا ليحفظ الله يديك:emrose:
من كل مكروه
والى المزيد من الابداعات.
(كيف اميز كمستمع الموسيقية التصويرية من قطعة تاليف موسيقى عادية)؟؟؟

[الألآتى]

عزف جميل جدا:emrose:
وخاصة حناان الناى يذوب فيه:emrose: المستمع لعذوبته وشجاااه
وهذا لايخرج الامن موسيقاار مرهف الحس
على الرغم من اننى قد سمعت صوت:crazy: بوق عسكرى
وشى من عزف مارشاال عسكرى
راائع شكراا ليحفظ الله يديك:emrose:
من كل مكروه
والى المزيد من الابداعات.
(كيف اميز كمستمع الموسيقية التصويرية من قطعة تاليف موسيقى عادية)؟؟؟



بالرغم من أن الموسيقى التصويرية تختلف عن المؤلفة الموسيقية ..

فى أنها تعبر عن موضوع العمل الدرامى وتثرى أحداثه

إلا أن بعض المؤلفات الموسيقية يتم إستخدامها فى الموسيقى التصويرية

مثل مقطوعة الأرض الثائرة لفؤاد الظاهرى .. التى تم إستخدامها فى العديد من أفلامنا

عموماً .. المؤلفة الموسيقية .. تعتبر موضوع واحد أو فكرة يتناولها المؤلف الموسيقى

والموسيقى التصويرية تختلف وتتنوع بتنوع أحداث العمل الدرامى

[سمير الشال]

الأستاذ الفنان / محمد الألآتي - أبو حســام
ياقارة من الصعب أن نحتوي حدودها
والله إنك فنان حد الإنصهار
:)

,

لكلِ منا ذكرياته
وهذه - حركت بقلبي دبيبِ ماضٍ غافي
!!

الله يسعد قلبك
يافنان
:emrose:

[الألآتى]

الأستاذ الفنان / محمد الألآتي - أبو حســام

ياقارة من الصعب أن نحتوي حدودها
والله إنك فنان حد الإنصهار
:)

,

لكلِ منا ذكرياته
وهذه - حركت بقلبي دبيبِ ماضٍ غافي
!!

الله يسعدك قلبك
يافنان
:emrose:


أستاذ سمير

أشكر لك كلماتك الرقيقة .. التى تشجعنى وتجعلنى أتمنى أن أكون دائماً عند حُسن الظن

أشكرك أخى العزيز

[RABAB ZEAN]

http://www14.0zz0.com/2011/08/19/19/522584169.gif

عمل رائع و كل الشكر لجهدكم الدائم في المنتدي و تعبكم لاسعادنا جزاكم الله خيرا

[الألآتى]

http://www14.0zz0.com/2011/08/19/19/522584169.gif



عمل رائع و كل الشكر لجهدكم الدائم في المنتدي و تعبكم لاسعادنا جزاكم الله خيرا



العفو أختنا العزيزة .. وأشكرك على الوردة الجميلة .. هدية مقبولة

[Basil Mahran]

عمل رائع و تنفيذ جميل
سلمتك يداك

[ملك البيانو]

ما شاء الله تبارك الرحمن و الله ان العمل قمة في الروعة و الإتقان.

تسلم ايدك و منتظرين المزيد من ابداعاتك و فنك الجميل

أخوكم
أحمد محمد

[أحمد الجوادي]

الله الله، إيه الجمال ده يا مايسترو؟

شيء رائع للغاية، تسلم إياديك ويسلم ذوقك. عزف يجنن ومكس رائع، كله تمام التمام.

خالص محبتي

أخوكم/ أحمد الجوادي

[الألآتى]

دعبس دعبس ياعم أحمد .. هناك الكثير والكثير من هذه الأعمال فى القسم .. ربنا مايحرمنى من تشجيعك وكلماتك التى تقطر ( سكر )

[guest]

جميلة فعلا

تسلم الايادي يا استاذ محمد

اقولك علي سر ؟

انا سمعتها من زمان هنا
و بعدين جيت اسيب تعليق ..
الصفحة قفلت مني و معرفتش مكانها فين عشان ارجع تاني عشان اسمعها تاني و اسيب تعليقي

قفشتها تاني اهو
و هنزلها عشان تبقي عندي علي طول

تحياتي ل حضرتك

[جابر المراغي]

يالهوى عليك ياأستاذ / الاتى ايه الحلاوه دى ايه الطعامه دى مش ممكن ابدا والله العظيم عظمه على عظمه ياأستاذ مش كتير على الاتى ابن الاتى ابن ابن الاتى يعمل كده خلوا بالكم ياجماعه زمان قوى الموسيقار العبقرى المتمكن كانوا يقولوا عليه الاتى موفق دايما يارب ويسعدك انت والاسره الكريمه بقدر مابتسعدنا دايما يارب

[الألآتى]

جميلة فعلا

تسلم الايادي يا استاذ محمد

اقولك علي سر ؟

انا سمعتها من زمان هنا
و بعدين جيت اسيب تعليق ..
الصفحة قفلت مني و معرفتش مكانها فين عشان ارجع تاني عشان اسمعها تاني و اسيب تعليقي

قفشتها تاني اهو
و هنزلها عشان تبقي عندي علي طول

تحياتي ل حضرتك

طيب الحمد لله إنك قفشتها وعرفت تسمعها تانى .. أشكرك أستاذ إيهاب على ردك ومشاركتك الجميلة

[الألآتى]

يالهوى عليك ياأستاذ / الاتى ايه الحلاوه دى ايه الطعامه دى مش ممكن ابدا والله العظيم عظمه على عظمه ياأستاذ مش كتير على الاتى ابن الاتى ابن ابن الاتى يعمل كده خلوا بالكم ياجماعه زمان قوى الموسيقار العبقرى المتمكن كانوا يقولوا عليه الاتى موفق دايما يارب ويسعدك انت والاسره الكريمه بقدر مابتسعدنا دايما يارب
ودلوقتى بيقولو على الفهلوى وإللى بيلعب بالبيضه والحجر .. ألآتى برضه هههههههههه

أشكرك أخى العزيز جابر على مداخلتك وعظمتك .. ياعظمه

[فاتن فؤاد]

أشكرك أخى الفاضل

تسلم الايااااااى على العزف الرائع من حضرتك

مقطوعة جميلة أبدعت فى عزفها

أشكرك على لمساتك الجميلة