يوم الكرامة حرب اكتوبر

[سعدالشرقاوى]

اتوجه لكل الاخوة المصريين والعرب
بخالص التهانى بذكرى السادس من اكتوبر
واشد على الايادى بعودة الترابط والانتماء
خشية اختفاء المجد فى غيامات الهموم
دمتم(احرار ياعرب أحرار)
وكل عام وانتم بخير

[رائد عبد السلام]

وأنت طيب ياحاج
سعد ياشرقاوي
ياأصيل
كان هناك موضوع للدكتور حسن حافظ
عن حرب أكتوبر
حرب الكرامة
بصفته واحداً من أبطالها
وكان به الكثير من المشاركات والمداخلات القيمة

لاأدري أين ذهب هذا الموضوع ؟؟؟

نصر أكتوبر
مجال فخر للعرب جميعاً
فقد كان نصراً عربياً
وليس مصرياً فقط
ومن الضروري أن يعلم الأبناء
شيئاً عن بطولات
الآباء والأجداد
حتي تظل الهوية ....عربية

كل عام وأنتم طيبون
:emrose:

[عفاف سليمان]

كل سنه وانتم طيبين
كل سنه ومصر فى سعاده اللهم امين
ويارب تحقق احلام كل المصريين وجميع العرب فى الوطن العربى والمسلمين
ويارب دائما من المنصورين
ودائما اراكم اهل ومواطنى سماعى الجميل
منورين وفى الاعياد مبسوطين
عم سعد الشرقاوى يا اصيل:o
ياللى معجون بمية النيل;)
اسعدك الله بكل ما هو جميل
استاذنا وشاعرنا رائد عبد السلام:)
تحيه طيبه من ارض السلام
وبقولك يارب دائما نعيش فى خير وسلام:emrose:
اختكم عفاف

[فؤاد]

السلام عليكم
ألف ألف مبروك لعيدكم وعيدنا
بمناسبة السادس من أكتوبر
لكل مصري وكل عربي
وينك
ياحليم
وياأم كلثوم
ويااااااا فايزه
وفينك يادكتور حسن فينك
كل سنه وأنتم طيبين
وكل الأمه العربيه بخير وسعاده ودايماً متحدين

[د.حسن]

الإخوة والأخوات
كل 6 أكتوبر وأنتم بخير
بداية كل الشكر لأخى أ. سعد الشرقاوى
لتذكره أننا فى يوم الكرامة وفتحه للموضوع
ثم الشكر لأخى أ. فؤاد عبدالحميد لتذكره أياى
وسؤاله عنى .. فينك يادكتور حسن فينك ؟
أما أخى أ. رائد عبدالسلام فله الشكر لتذكره موضوع
كنت أعتبره (وكان يعتبره معى كثيرون)
من المواضيع المميزة فى منتدى سماعى
لا لأننى صاحب الموضوع ..
ولكنه كان يحكى لكل الأجيال تجربة عبور
حقيقية .. وواقعية ..
بكل مافيها من فخر واعتزاز
منذ لحظة أول موجة عبور يوم 6 أكتوبر
حتى لحظة الإصابة يوم 16 أكتوبر بكل التفاصيل
واللذيذ أننى طعمتها بأغانى وبيانات المعركة
كى تتماشى مع نهج وميثاق منتدانا الجميل
إلا أنها فقدت بجرة ماوس
ومنذ أن فوجئت بفقدها
لا أنكر أنه قد أصابنى ما أصابنى
فقد كنت أعتبر الموضوع بكل مشاركاته
وثيقة لكل أعضاء سماعى
خاصة جيل الشباب

والنكتة حكمت !!
لما ح يسألوا بعد كده عن 6 أكتوبر ؟
ستكون الإجابة :
يوم فوز كوستاريكا على مصر 2-صفر !!

معذرة فبعض المواقف ما يُضحك !!
أقول لك إيه يا أستاذ رائد ؟
قلبت علىّ المواجع !!
كل سنة وحضراتكم طيبين
مع تحياتى

[صلاح السويفي]

كل سنة ..وحضراتكم وكل العرب طيبين

وعقبال مانحتفل بيوم الكرامة الأكبر

يوم رجوع كل الحق لأصحاب الحق

.
.
.
.
...ويوم حذف ...الحذف

[عفاف سليمان]

الإخوة والأخوات

كل 6 أكتوبر وأنتم بخير
بداية كل الشكر لأخى أ. سعد الشرقاوى
لتذكره أننا فى يوم الكرامة وفتحه للموضوع
ثم الشكر لأخى أ. فؤاد عبدالحميد لتذكره أياى
وسؤاله عنى .. فينك يادكتور حسن فينك ؟
أما أخى أ. رائد عبدالسلام فله الشكر لتذكره موضوع
كنت أعتبره (وكان يعتبره معى كثيرون)
من المواضيع المميزة فى منتدى سماعى
لا لأننى صاحب الموضوع ..
ولكنه كان يحكى لكل الأجيال تجربة عبور
حقيقية .. وواقعية ..
بكل مافيها من فخر واعتزاز
منذ لحظة أول موجة عبور يوم 6 أكتوبر
حتى لحظة الإصابة يوم 16 أكتوبر بكل التفاصيل
واللذيذ أننى طعمتها بأغانى وبيانات المعركة
كى تتماشى مع نهج وميثاق منتدانا الجميل
إلا أنها فقدت بجرة ماوس
ومنذ أن فوجئت بفقدها
لا أنكر أنه قد أصابنى ما أصابنى
فقد كنت أعتبر الموضوع بكل مشاركاته
وثيقة لكل أعضاء سماعى
خاصة جيل الشباب

والنكتة حكمت !!
لما ح يسألوا بعد كده عن 6 أكتوبر ؟
ستكون الإجابة :
يوم فوز كوستاريكا على مصر 2-صفر !!

معذرة فبعض المواقف ما يُضحك !!
أقول لك إيه يا أستاذ رائد ؟
قلبت علىّ المواجع !!
كل سنة وحضراتكم طيبين
مع تحياتى

د حسن:emrose:
اسعد الله صباحك والجميع بكل الخير
انا واحده ممن قد لا تعرف الكثير عن حرب او نصر اكتوبر المجيده
كوثائق ومعلومات تاريخيه حقيقيه ممن عاصروها
وعاشوا فى هذه الملحمه وفى هذا الوقت من التاريخ لانى كنت صغيره جدا يعنى كان عمرى 5 او 6 سنوات:o
ولا نعرف الا ما نشاهده من افلام عن النصر او بعض القليل من المعلومات التاريخيه:crazy:
معلش د حسن
ربنا يعوض علينا ويسعدك كما حاولت اسعادنا وشرح لنا تاريخ الوقائع والاحداث كما عاصرتها او عشتها فى وقتها:emrose:
ويارب دائما منتصرين ومن نصر الى نصر اللهم امين
تحياتى لحضرتك واهل سماعى الكرام
واستاذنا صلاح السويفى
اختكم عفاف

[د.حسن]

الأخت الفاضلة السيدة عفاف
شكراً لصباحك الوردى يوم النصر
وبمناسبة الأفلام التى تم إنتاجها عن ملحمة أكتوبر
فلم يرقى منهم واحداً إلى مستوى الحدث وضخامته
مثلها مثل معظم البرامج التى قدمت بالأمس عدا برنامج
قدمه الصحفى أ. إبراهيم حجازى لا لشئ سوى أنه
كان شاهد عيان حيث كان مجنداً بالجيش الثانى
ووصف ذكرياته عن المعركة وصفاً دقيقاً
وعلى رأى حضرتك : ربنا يعوض علينا
مع تحياتى

[MOHAMED ALY]

كل كلمة تقال عن حرب اكتوبر من الابطال الذين شاركوا فيها او من الذين عاصروها تعود بنا الى ذكرى ايام مرت علينا لم نرى فيها مصر قبلها و لا بعدها فى هذا الزى من الشمم و القوة و الايمان و الوحدة .
نذكر بكل الفخار و الإجلال اخوانا لنا ابطالا منهم من قضى نحبه و منهم من ينتظر ... نسأل الله أن يلحقنا بهم فى الصالحين مع الذبن أنعم الله عليهم من النبيين و الصديقين و الشهداء و الصالحين و حسن اولئك رفيقا .
و شكرا وافرا للاستاذ الفاضل / سعد الشرقاوى و لاستاذنا الدكتور / حسن .

[غازي الضبع]

حرب أكتوبر
حرب الكرامة


إهداء إلى كل من حارب وساهم في هذه الحرب المجيدة
إهداء إلى كل مصري وكل عربي
وإهداء خاص إلى عمي الدكتور حسن

[د.حسن]

ياسلام يا أ. ياسين
تسلم لنا جميعاً
هدية قيمة
شكراً جزيلاً
مع تحياتى لك
وقبلاتى لأحفادى
فارس وعزالدين

[محمودسعد]

غازي الضبع
دكتور حسن
استاذنكم في الدخول اولا
الاثنين بالصلاه علي النبي اسمهم يشد اي حد وانا حصل معايا كده ودخلت الموضوع اول مالقيت اسميكما
ثانيا حرب اكتوبر( كان لي شرف المشاركه فيها ) فانا من جيل قبل اكتوبر كمان ؟؟؟؟ واللي شاف( 67) يعرف كويس حلاوه النصر في 6 اكتوبر
جازاك الله كل خير اخي الحبيب غازي
وكل التحيه للحبيب د حسن وبقولله وحشتني

[د.حسن]

أخى الغالى الفنان محمود سعد
أسعدتنى معلومة أنك شاركت فى حرب أكتوبر
وعلى هذا فقد أصبحنا زملاء سلاح
أهلاً ومرحباً بك يا بطل
وشكراً لرقة كلماتك
مع تحياتى

[Adel]

وانا طبعا شاركت في حرب اكتوبر
كنت في خامسة ابتدائي و طبعا فرحتنا كانت متتوصفش
فرحة بالنصر و فرحة بتأجيل الدراسة في المدارس
والدي الله يرحمه كان بيتابع الاخبار علي كل الاذاعات لمعرفة الحقيقة
اللي يتلسع من الشوربة ينفخ في الزبادي
و طبعا كانت خناقة بين والدي و والدتي ازاي يسمع اذاعات معادية لكن الراجل الله يرحمه كان يريد معرفة الحقيقه
افتكر لما سمعنا اول بيان عن قيام اسرائيل بالاعتداء علينا و ان قواتنا تقوم بالرد
ثم اعلان عبور قواتنا مشاعر مش ممكن انساها
:emrose::emrose::emrose::emrose:

[د.حسن]

وانا طبعا شاركت في حرب اكتوبر

افتكر لما سمعنا اول بيان عن قيام اسرائيل بالاعتداء علينا و ان قواتنا تقوم بالرد
ثم اعلان عبور قواتنا مشاعر مش ممكن انساها

:emrose::emrose::emrose::emrose:

أخى الغالى م. عادل السيد
إيه رأيك ؟
تيجى نفتكر البلاغات العسكرية مرة تانية ؟
سوف تحس بنفس مشاعر يومها مع إختلاف الزمان
مع تحياتى

[Adel]

سبع بيانات علشان يقولو عبرنا
منتهي الحرص بعكس ماحدث سابقا

[سامي نوار]

أخى الغالى م. عادل السيد
إيه رأيك ؟
تيجى نفتكر البلاغات العسكرية مرة تانية ؟
سوف تحس بنفس مشاعر يومها مع إختلاف الزمان
مع تحياتى

الله الله يا دكتورنا الغالى والله سعادتك من المحظوظين أن شاركتم هذه الملحمة
التاريخية التى سجلها التاريخ بحروف من ذهب وأعادت للأمة العربية شأنها وكرامتها
ذكرتنا ودائماَ تذكرنا بأجمل اللحظات يا دكتور حسن
كنت طالب بالاعداى ومستمع جيد لهذه البيانات التى رفعت رؤسنا ننتظر قطع أى برنامج
لاذاعة البيان العسكرى وبعد الانتهاء نقول الله أكبر
أرجو أن تذكرنا بهذه الأيام حتى لا يتعلم أولادنا الاستسلام .

خالص دعواتى وتقديرى

[غازي الضبع]

فعلا يوم كرامة لكل المصريين والعرب