المساعد الشخصي الرقمي

مشاهدة النسخة كاملة : إلحقونى إتسرقت

على عبداللاه
18/01/2010, 21h21
إلحقونى إتسرقت



أنا هحكيلكوا الحكايه


مـ الأول للنهايه


صحيت الصبح بدرى


لقتنى مش معايا


دورت فى كل حته


حتى فـ جيب الجاكته


ودولابى وفى المرايه


وبرضو مش معايا


يادى النهار


بادئ عكار


وريح معبيه بغبار


أنا مش لاقينى


وأه يا وقعه بنى


مش لاقى حته منى


ولا وشى ولا قفاى


إتسرق منى اللى فاضل


قال وأنا عمال بناضل


بالقصيده


سرقوا أحلامى البعيده


سرقوا كلى


حتى روحى حتى ضلى


رجعونى على الحديده


هاتوا المباحث والنيابه وحققوا


سرقوا أحلام الغلابه


ولسه قاعدين يسرقوا


سرقوا الحروف من غير كسوف


قتلوا الكلام .. حرقوا الدفوف


زرعوا جواى الألم


لكنهم نسيوا القلم


فوق الورق


يبقى مفيش شئ إتسرق
د أنس البن
19/01/2010, 06h29
آه يا سى على يا عبد اللا آآآآآآآآآآآآآآآآآآآآه
مين فينا ما اتسرقش
كلنا اتسرقنا واتنشلنا واتنحل وبرنا
وعلشان كده أعتقد انك مش حتلاقى حد يلحقك
لأن كل واحد عايز واحد تانى يلحقه
نعم مش حتلاقى غير القلم :emrose:
على عبداللاه
19/01/2010, 08h12
آه يا سى على يا عبد اللا آآآآآآآآآآآآآآآآآآآآه

مين فينا ما اتسرقش
كلنا اتسرقنا واتنشلنا واتنحل وبرنا
وعلشان كده أعتقد انك مش حتلاقى حد يلحقك
لأن كل واحد عايز واحد تانى يلحقه
نعم مش حتلاقى غير القلم :emrose:


والدى العزيز دكتور أنس
ليك رد فيه معنى الونس
وأنا أعتقد
ونس الأبوه
فى المحبه كبير فتوه
تحتوينا بكل قوه
وأنا الضعيف جدا فى حبك
وإتكتبلى أفضل أحبك
يا أمير حارة الغلابه

ما تعرفش قد أيه بيجينى منتهى السعاده وحضرتك بتتابعنى على الرغم من خوفى الشديد جدا من إنها تكون دون المستوى ... لكن ما شاء الله على المنتدى والكبار اللى فيه ..
وما شاء الله على قرايتهم السريعه للى جواى وحابب أقوله
لكن أقولك على سر
أنا منتظر العتاوله الباقييين
وخايف من تجاهلهم
وحاطط ايدى على قلبى
:(
ومتقبل كل النقد
بكل الوجوه
من كل الأعضاء
وأسعدنى مرور شخصكم الكريم
لمعاليكم شكر بلا حدود
دمتم لى
:emrose:

أنتظر الردود
صالح المزيون
21/01/2010, 03h04
أستاذ عبد الاااااااااه
ما هذا الإبداع يا غالي ....
حقيقة إبداع متميز بالفكرة ومتفرد بالمعاني الرمزية من وراءالسطور ... تُصور فتُجيد وتأتي بالجديد
أغبطك أخي على طواعية اللغة معاك وبحق فلهجتك العامية أكثر من رائعة ...

وحاطط ايدى على قلبى
ولانريد منك أن تضع يدك على قلبك بل على رأسك لتعتصر لنا المعاني والأفكار وتسقينا من تلك الأشعار ...
قول ياكبير قول ... قول وما يهمكش حاجة
على عبداللاه
21/01/2010, 16h35
أستاذ عبد الاااااااااه
ما هذا الإبداع يا غالي ....
حقيقة إبداع متميز بالفكرة ومتفرد بالمعاني الرمزية من وراءالسطور ... تُصور فتُجيد وتأتي بالجديد
أغبطك أخي على طواعية اللغة معاك وبحق فلهجتك العامية أكثر من رائعة ...

وحاطط ايدى على قلبى
ولانريد منك أن تضع يدك على قلبك بل على رأسك لتعتصر لنا المعاني والأفكار وتسقينا من تلك الأشعار ...
قول ياكبير قول ... قول وما يهمكش حاجة


الغالى جدا / صالح المزيون
كم أسعدنى ردك هذا
وكم ألهب من حماسى للشعر
انا أعتبره وسام بحق أحتفظ به
سلمت من كل شر
أتمنى التواصل الدائم