إلى أيامي

[مجدي طه]

رايح عند أيامي
سلامي توصله ليها
دي واحشاني
وحايشاني ظروف إني
أعيش فيها
برغم اني ماليش تاني
سنين في العمر
اقضيها
ورغم القلب شاخ بدري
ورغم جبال على صدري
وباجري لحد
لا أدري
لفين الخطوة واخداني
واناديها
وتوحشني ..
واتحايل أبات مرة
في أحضانها
وترفضني
وتبعدني وتطردني
كإني ما عشت يوم فيها


يقولوا العشرة ما تهونشي
طب اشمعنا ؟؟
انا وايامي عشرتنا
بتنكرها
ولما بشوفها
ضاحكالي
تداري الضحكة عن عيني
تخبيها
وترسم لي بدل منها
سراب ذكرى
وفكره تكره الفرحه
في لون بكره
وانا اكره سنين خوفي
واخليها
مدار اسبح في افلاكه
وأسلاكه تكهربني
فاموت واقف
واتكفن
بلون خوفي
واخبي الدمعه في حروفي
واروح عند اللي فاضل لي
من الدنيا
يقوللي خلاص
لا ناس تسمع
ولا أيام ولا فرحة
عينين سارحة وبال شارد
وفارد ع السنين توبك
ومكتوبك تموت خايف
لا عارف تحضن ايامك
ولا الأيام بتشتاق لك

[على عبداللاه]

عاوز رأيى
إنت إكتشاف
الله يزيدك من نعيمه

[علاء طه ياسين]

أستاذ / مجدي طه
بصراحة بدون مجاملة
حلوة ..
حلوة ..
حلوة ..
كان نفسي يكون معانا الأستاذ / طارق العمري
ويديك جواز المرور لممكلة سماعي الأدبية
رحلت مع القمر الأغاني
والضلام لف الدروب
بعدت كمان كل الأماني
والوجع ملو القلوب
وبدأت أعرف أد ايه إني عبيط
ما اللي راح من عمري ماهوش شيء بسيط
اعذرني علي المداخلة
ياريت تكمل معانا في سماعي علي طول
لك مني :emrose: علي وجودك معانا
و :emrose: علي قصيدتك الحلوة
علاء ياسين

[عمر زهران]

[ مجدي طه; رايح عند أيامي

سلامي توصله ليها


دي واحشاني


وحايشاني ظروف إني


أعيش فيها


برغم اني ماليش تاني


سنين في العمر


اقضيها


ورغم القلب شاخ بدري


ورغم جبال على صدري


وباجري لحد


لا أدري


لفين الخطوة واخداني


واناديها


وتوحشني ..


واتحايل أبات مرة


في أحضانها


وترفضني


وتبعدني وتطردني


كإني ما عشت يوم فيها




يقولوا العشرة ما تهونشي


طب اشمعنا ؟؟


انا وايامي عشرتنا


بتنكرها


ولما بشوفها


ضاحكالي


تداري الضحكة عن عيني


تخبيها


وترسم لي بدل منها


سراب ذكرى


وفكره تكره الفرحه


في لون بكره


وانا اكره سنين خوفي


واخليها


مدار اسبح في افلاكه


وأسلاكه تكهربني


فاموت واقف


واتكفن


بلون خوفي


واخبي الدمعه في حروفي


واروح عند اللي فاضل لي


من الدنيا


يقوللي خلاص


لا ناس تسمع


ولا أيام ولا فرحة


عينين سارحة وبال شارد


وفارد ع السنين توبك


ومكتوبك تموت خايف


لا عارف تحضن ايامك


ولا الأيام بتشتاق لك

++++++++++++++++++++++++++++++++++++++++++++++++++ +++++

إيه النص الجميل ده وإيه اللغه السلسة المعبرة دى وإيه الموسيقى اللى مفيهاش نشاذ دى أنت فعلا اكتشاف ووجودك هنا مكسب لنا لانك شاعر وكبير كمان أنت محتاج حد يقيمك الله يرحم أيام أبو زهده وسمعجى وناصر دويدار انت محتاج نقد مش برافو وحد يرد عليك بسطر شعر كإنه بيناجزك الالفاظ أنه ميلاد شاعر جديد ويارب تكمل يافنان

[صبره ابو حسن]

الله جميله فعلا يا استاذ / مجدى طه
منذ الوهله الاولى علمت اننى امام شاعر وفنان حقيقى وهذا ما جعلنى استخدم الباحث جوجل لكى اتعرف عليك اكثر واذا بى ادخل مغاره على بابا اييييييييييه الحلااااااوه دى
دهب ياقوت مرجان بارك الله لك فى موهبتك واهلا بك فى هذا المتدى الرائع وانت اهلا له وصراحه عندنا شويه شعراء ما بيرحموش الحاضر منهم والغايب واقصد بالغايب
الشاعر الكبير سيد ابو زهده وعمنا سمعجى اهلا بك يا اخى مجدى:emrose::emrose::emrose::emrose: