المساعد الشخصي الرقمي

مشاهدة النسخة كاملة : الوعد والقسمة كدا

علاء طه ياسين
25/11/2009, 16h53
الوعد والقسمة كدا
أعشق عيون بالشكل دا
مجبور ألازم سكتك
ماقدرشي أعمل غير كدا

يا بنت ياللي بحبها
انا جرحي منك ما انتهي
يا حلم كان .. كان مشتهي
رسمته ع الريح والصدي

يا ساكنة قلبي المستكين
يا ام العيون الطيبين
ما تجدديش جرح السنين
فيا الجروح متجددة

آسف إذا تاهت خطاي
والحزن لو يسكن غناي
انا كنت باحلم بِكْ معاي
تابعة خطاي طول المدي

ومشيت وراكي ألف ميل
وأخدني ليل من بعد ليل
وعملت كل المستحيل
وبرضو مش طايل الرضا

والوعد والقسمة كدا
:emrose:
ياسين
عمر زهران
27/11/2009, 11h28
أجمل شئ فى الزجل أنه سلس وسريع وأصعب شئ فيه إن ساعات البلوك الشعرى اللى فات مالهوش دعوة باللى بعده هل هذا عيب زجل ام عيوب اخرى
د أنس البن
27/11/2009, 16h23
حلوه حلوه يا علاء :emrose:
إحساسك فيها صادق قوى
حمد الله على سلامتك
ويا ريت لو سمعت حاجه عن الأحباب اللى فاتونا تقول لنا
وتوصل لهم رساله قلبيه بطريقتك وإحساسك العالى
تقول لهم حرام كده والله :(
سعدالشرقاوى
27/11/2009, 19h54
الوعد والقسمة كدا
أعشق عيون بالشكل دا
مجبور ألازم سكتك
ماقدرشي أعمل غير كدا

يا بنت ياللي بحبها
انا جرحي منك ما انتهي
يا حلم كان .. كان مشتهي
رسمته ع الريح والصدي

يا ساكنة قلبي المستكين
يا ام العيون الطيبين
ما تجدديش جرح السنين
فيا الجروح متجددة

آسف إذا تاهت خطاي
والحزن لو يسكن غناي
انا كنت باحلم بِكْ معاي
تابعة خطاي طول المدي

ومشيت وراكي ألف ميل
وأخدني ليل من بعد ليل
وعملت كل المستحيل
وبرضو مش طايل الرضا

والوعد والقسمة كدا
:emrose:
ياسين



ياحبيبى
ياشاعر ياكبير
يا حسّاس
وعارف قد ايه وحشنى
بعدالعمل الرائع ده
اقعد معاك فى حق عرب
وانا مختار للتحكيم بيننا
والدنا الدكتور /انس

حظى معاك يابو ياسين

الوعد والقسمة كدا
أعشق عيون بالشكل دا
مجبور ألازم سكتك
ماقدرشي أعمل غير كدا

كفايا اشرب ابداعك العظيم
واقرأ كلامك الجميل
علاء طه ياسين
29/11/2009, 14h43
الأستاذ / عمر زهران
طبعا العيب مش عيب الزجل ..
العيب هو عيبي أنا ..
غصب عني ..
بأكتب علي أد مستواي ..
أنا أتأسف لك بشده .. إذا كان اللي كتبته مش عجبك ..
واعذرني ..
وليك مني الوردة دي :emrose:

ياسين
علاء طه ياسين
29/11/2009, 14h47
الأب الحنون
الوالد الفاضل
أستاذنا جميعا
الدكتور / أنس
الله يكرمك ويخليك لينا ..
والله الغياب مش بيدي ..
ظروف خارجة عن الإرادة ..
وعودتي اكتملت بردك الجميل ..
والعتاب الرقيق بتاع أخويا وحبيبي سعد الشرقاوي ..
وأرجوك يا بابا أنس تتوسطلي عنده
يسامحني .. لأني غيابي عن المنتدي كان غصب والله ..
وإن شاء الله يرجع للمنتدي بهجته وحلاوته ..
والبركة في وجودك معانا ..
ياسين
علاء طه ياسين
29/11/2009, 14h48
صاحب الحق
أخويا
سعد الشرقاوي
:emrose:
والله مريت بظروف صعبة يعلم الله بيها ..
وأنا من غير حق العرب والقعدة .. انا محقوق ليك ..
واللي تطلبه مستعد أنفذه علي رقبتي ..
بس انت تكون راضي ..
:emrose:
أخوك
ياسين
سعدالشرقاوى
29/11/2009, 19h12
صاحب الحق
أخويا
سعد الشرقاوي
:emrose:
والله مريت بظروف صعبة يعلم الله بيها ..
وأنا من غير حق العرب والقعدة .. انا محقوق ليك ..
واللي تطلبه مستعد أنفذه علي رقبتي ..
بس انت تكون راضي ..
:emrose:
أخوك
ياسين

عذرك مقبول يا اعز الحبايب
وكل سنه وانت طيب
وفى انتظار تليفونك
عشان ماحدش يسمعنا
رائد عبد السلام
30/11/2009, 08h33
صديقي الشاعر الكبير الجميل

علاء


كان الأول عندك موهبة صادقة
ودلوقتي أضفت ليها الاحتراف
فخرج العمل هكذا :
رائعاً ... براقاً

ماشاء الله عليك
علاء طه ياسين
30/11/2009, 09h38
أستاذي
الشاعر الرائع الممتع
رائد عبد السلام
:emrose:
أنا سعيد جدا بإنك بتقولي صديقي علاء
وده شرف كبير جدا بالنسبة لي
أتمني علي الله إني أكون أد الصداقة دي
ويا عم رائد
إنت اللي بتصطاد في شعرك من العتمة فجر
وبتغزل من الهمسات أنغام عذبة
وبتعمل لنا من حرارة الشمس غيمة بأشعارك الحلوة
ويا عم رائد
كلمتك متقسمة
اتدللت متبسمة
هدية جاتني من السما
شكرا
علاء ياسين
NAHID 76
30/11/2009, 17h42
بسم الله الرحمن الرحيم
اخى الفاضل علاء ياسين
نوقد الشموع ونعلق الرايات والزينات ونهلل لقسم تجارب أدبيه بعودتك البهيه الى موطنك ومكانك فى سماعى
ولا أنسى أن أرحب بطلة الشاعر رائد عبد السلام وعقبال كده بقيه طيورنا التى هجرت مكانها سيدى أبو زهده والاستاذ علاء قدرى والثائر طارق العمرى والجميع ممن لهم أيادى بيضاء على هذا القسم
خلاص العيد انتهى والمشاغل قلّت نحن فى الانتظار لنعود بالقسم الى أبهى وأزهى أيامه
أما جميلك أخى علاء ياسين فهو أزداد حلاوه وجمال
ورصانه وروعه كعهدنا بك
جميله وجميل قدرك مع من تحب كلماتك معبره وشجيه
تحياتى لك ولعودتك الجميله ونتمنى الإستمرار
أخر كلامى سلام
علاء طه ياسين
01/12/2009, 11h41
زينة الهوانم .. وست الكل .. ونوارة المنتدي
ناهد البن :emrose:
اسمحيلي بمدحك بكلمتين .. واعذريني عليهم ..
انتي ..
عصفورة بشويش غردت ..
فردت جناحها .. اتمردت ..
قررت فجأة السفر ..
ووجعتي قلب الليل وبكيتي النجوم ..
وبطلتك ع الدنيا أحرجتي القمر ..
أهلا بيكي ..
ومرحب ..
وعوافي ..
بوجودك معانا ومع والدنا كلنا الدكتور أنس ..
هترجع تاني الإشراقة في المنتدي ..
ويا شاعرنا الكبير أبوزهدة ..
ويا أستاذي ودليلي في دروب الشعر طارق العمري
ويا أخويا علاء قدري
محتاجين وجودكم معانا ..
احنا تلامذتكم ..
والأستاذ ميتخلاش عن تلاميذه أبدا ..
علاء ياسين