المساعد الشخصي الرقمي

مشاهدة النسخة كاملة : وأه يامه

على عبداللاه
03/11/2009, 17h09
وأه يامه


وجانى الموت ..


ومن غير صوت


خطف روحى وقال فى سكوت


حسابك هل يا إنسان



أهين يامه وأيه الحل ...


دا أنا عملى هوان وذل


وسايب روحى للمحتل


بياخد حقى فى الأوطان



سواد يامه دا كان ليلى ..


وإنتى قاعده تحكيلى


عن الأبطال تغنيلى


وفكرك إن أنا فرحان



منين يامه يجينى الفرح ...


دا انا مجروح بمليون جرح


مهددنى بنبله ورمح


مالينى الجبن بالأحزان



وفينهم حتى خلانى


سابونى فى الجفا أعانى


وقالوا على أنا الجانى


وإنى بعت فى البلدان



يغنوا يا أمى فى عروبه


وأنا أحلامى منهوبه


وماسك فى اليمين طوبه


وفاكر إن أنا الكسبان



وفين الود يا أمي


وفينه أخوى مع عمى


سابوني في الحصار مرمى


وأنا معصور بين النيران



أهين يامه وسامحينى


أهين يامه يا نور عينى


دموعك يامه تكوينى


داويها يا أمى بالنسيان
حمدى شبانة
04/11/2009, 14h33
اَهين ياعلوة فى نصيبنا
عددنا كبير وتحسبنا
ايدين واحدة ؟ كدا حسابنا
حيبقى تقيل يوم الميزان
--------------
الله عليك تسلم دماغك وايديك يامتر على
على عبداللاه
05/11/2009, 15h46
اَهين ياعلوة فى نصيبنا

عددنا كبير وتحسبنا
ايدين واحدة ؟ كدا حسابنا
حيبقى تقيل يوم الميزان
--------------

الله عليك تسلم دماغك وايديك يامتر على



أهين يا جميل يابو شبانه
وليه ما نكنش ايد واحده
عددنا كتير أهين يانا
لكن ارواحنا متباعده
وبعد الروح دا خلانا
كتير وكتير بدون فايده
والله ربنا هيحاسب المسلمين على الفرقه دى .. أنا مش عارف متفرقين ليه اصلا ... وليه ما ناخدش بالنا من إن إتحادنا قوه .. إنت قريت قصيده لا تصالح للشاعر أمل دنقل ؟؟
ياريت تقراها تانى الراجل ده جه على وجع الجرح واتكى
زى ما بيقولوا عندنا فى المنصوره
:emrose: تحياتى :emrose:
إبتسامه
08/11/2009, 15h51
[/
يا سلام عليك يا ابو علوه حلو كتير بس ليه متقلش يا به ليه ام ديما تشيل الهم:cool:
سعدالشرقاوى
10/11/2009, 11h27
اخى الاستاذ/على
اننى اقف هذه المرّه
مع عمل عظيم
كرّرت قراءته أكثر من مرّه
وتغنيته وبكيته بصوتى
لاعيده اهداءا لفكركم الجميل
وحسكم المرهف
الفنان
عظيمه يامتر
يا ملحّن الكلمات
أهين يامه وسامحينى



أهين يامه يا نور عينى



دموعك يامه تكوينى



داويها يا أمى بالنسيان
على عبداللاه
10/11/2009, 16h23
اخى الاستاذ/على

اننى اقف هذه المرّه
مع عمل عظيم
كرّرت قراءته أكثر من مرّه
وتغنيته وبكيته بصوتى
لاعيده اهداءا لفكركم الجميل
وحسكم المرهف
الفنان
عظيمه يامتر
يا ملحّن الكلمات


سيدى صاحب القلب الكبير / سعد بك الشرقاوى

أثرتنى حروفكم الرقيقة .. وجعلت منى صغيرا لا أجد من
حروف الأبجدية ما أعبر به عن شكرى وإمتنانى
.. هاجمنى الصمت ولم أجد ما أعبر به سوى دمعة
إستقرت فى عيناى ...
أكرمك الله الكريم جداااا
على عبداللاه
10/11/2009, 20h45
[/
يا سلام عليك يا ابو علوه حلو كتير بس ليه متقلش يا به ليه ام ديما تشيل الهم:cool:



الأم هنا هى الأمه العربيه ... . . . وهى اللى بنحكى ليها الوجع
اللى هو وجع العروبه ... طبعا مش وجع السنان ... وعموما شكرا ليكى
يا إبتسامه الرد والمره اللى بعد السفنتاشر الجيه هقول أه يابه
ام مدحت
11/11/2009, 06h43
اخى الاستاذ/على عبداللاه
لقد قرأها شاعر التوته ثلاث مرات
فالتقطتها على الموبايل فى الاخيرة
وعند معرفته اراد ان يدخل عليها خلفية
لاغنية (مصر ياأم الدنيا)باعادتها
لكنى استحسنها بطبيعتها
ارجو ان تنال اعجابكم
على عبداللاه
11/11/2009, 19h21
اخى الاستاذ/على عبداللاه



لقد قرأها شاعر التوته ثلاث مرات


فالتقطتها على الموبايل فى الاخيرة


وعند معرفته اراد ان يدخل عليها خلفية


لاغنية (مصر ياأم الدنيا)باعادتها


لكنى استحسنها بطبيعتها


ارجو ان تنال اعجابكم





يااااه
سمعتها بصوته الجميل
بس دا كتير عليا أوى
أوى
والله ما أنا عارف أشكرك إزاى
ولا أشكره إزاى وأوفيكم حقكم
متشكر ليكم جدا
الله يكرمكم
:emrose:
على عبداللاه
20/11/2009, 20h08
ياترى دى ممكن تتلحن وتتغنى ؟؟ ولا ما تنفعش ؟؟
ملحن مصري
21/11/2009, 09h57
ياترى دى ممكن تتلحن وتتغنى ؟؟ ولا ما تنفعش ؟؟

علي فكره فيه حاجه أحب أوضحهالك يا أخي العزيز مش معني إن الكلام حلو إنه بتلحن فيه كلام كتير حلو وتحب تسمعه شعر مش غنا
الحاجه الأهم أنا مش بحب ألحن أى كلام فيه تشاؤم أو ندم والندب
أنا ألحن كما أري الحياه وإن كانت صعبه فلابد أن أكون قدوه لغيري بما أنى فنان وهذه رسالتي التي أؤمن بها
على عبداللاه
21/11/2009, 18h25
علي فكره فيه حاجه أحب أوضحهالك يا أخي العزيز مش معني إن الكلام حلو إنه بتلحن فيه كلام كتير حلو وتحب تسمعه شعر مش غنا
الحاجه الأهم أنا مش بحب ألحن أى كلام فيه تشاؤم أو ندم والندب
أنا ألحن كما أري الحياه وإن كانت صعبه فلابد أن أكون قدوه لغيري بما أنى فنان وهذه رسالتي التي أؤمن بها


أفهم من كلامك ده ان الكلام بتاعى حلو .... ده رأيك يعنى ؟؟
تحياتى وإحترامى لرأيك
ملحن مصري
21/11/2009, 20h47
ماتزعلش مني
إنت مش واثق ف نفسك وموهبتك ولا إيه؟؟؟
إنت أكتر واحد بتكون حتسس الكلام وعلي قد ثقتك في موهبتك هاتكون كلماتك أصدق ومش معني إني ماخدتش كلامك ولحنته إنه وحش بالعكس كل ملحن وله الحاله الخاصه بيه وممكن نتعاون فنيا في عمل إنت شخصيا تكون مستبعده إنه يتلحن وسيبها للظروف
ومش كل كلام حلو يتلحن
وغير كده أنا كملحن بالحن الكلام اللي بيعبر عن مبادئ اللي مؤمن بيها في حياتي وبحاول أطبقها وبشكل عام مش بحب التشاءم والإستسلام وأميل للكلام اللي بيرفع الروح المعنويه ولا يعرف كلمه إسمها مستحيل
وكل ملحن الأسس اليل بيختار علي أساسها كلماته
وربنا يوفقك وإن شاء نتقابل في عمل من أعمالك
محمودسعد
22/11/2009, 07h53
ايه ؟
الحلاوه
دي
الكلام جميل ومعبر ويتقال ويتلحن ويتغني والمفروض يااخي ياملحن يامصري انك تعرف ان الكلام لما يقراه مطرب وبيحس بيه بيتغني لوحده من غير لحن كمان وانا اعرف كمان ان فيه ناس ممكن تلحن الجرنال والكلام المكتوب فيه
والراجل علي عبد اللا شاعر جميل وكلامه حلو ومعبر وان كنت ستستطيع تلحينه انا جاهز لغنائه
على عبداللاه
22/11/2009, 18h26
ماتزعلش مني
إنت مش واثق ف نفسك وموهبتك ولا إيه؟؟؟
إنت أكتر واحد بتكون حتسس الكلام وعلي قد ثقتك في موهبتك هاتكون كلماتك أصدق ومش معني إني ماخدتش كلامك ولحنته إنه وحش بالعكس كل ملحن وله الحاله الخاصه بيه وممكن نتعاون فنيا في عمل إنت شخصيا تكون مستبعده إنه يتلحن وسيبها للظروف
ومش كل كلام حلو يتلحن
وغير كده أنا كملحن بالحن الكلام اللي بيعبر عن مبادئ اللي مؤمن بيها في حياتي وبحاول أطبقها وبشكل عام مش بحب التشاءم والإستسلام وأميل للكلام اللي بيرفع الروح المعنويه ولا يعرف كلمه إسمها مستحيل
وكل ملحن الأسس اليل بيختار علي أساسها كلماته
وربنا يوفقك وإن شاء نتقابل في عمل من أعمالك


حبيب قلبى الاخ ملحن مصرى
يعلم ربنا انى كنت بشاغلك فى الكلام ليس إلا
وانا والحمدلله عندى كل الثقه فى كلامى .. انا اصلا
ما بكتبش الا اللى يعبر عن موضوع متكامل واكون
انا حاسس بكل كلمه فيه
وموضوعنا اللى بنتناقش فيه يخص القضيه الفلسطينيه
والوحده العربيه اللى كتير من العرب فاقدينها وقالوا فيهم
انهم باعوا اراضيهم لليهود .. وفى الاخر واقفين نتفرج عليهم
وهما معصورين وسط النار .. وكله فى معناه تصحيه لنا
على لسان واحد منهم لازال فى ارضه مطحون عربى مسلم زينا
ربنا امرنا نحميه .. يمكن انا ماقدرش اساعده بالسلاح لكن مش ممكن
اتجاهل مساعدته وكمان ما احسش قضيته .. ولا ايه ؟
على عبداللاه
22/11/2009, 18h33
ايه ؟

الحلاوه
دي
الكلام جميل ومعبر ويتقال ويتلحن ويتغني والمفروض يااخي ياملحن يامصري انك تعرف ان الكلام لما يقراه مطرب وبيحس بيه بيتغني لوحده من غير لحن كمان وانا اعرف كمان ان فيه ناس ممكن تلحن الجرنال والكلام المكتوب فيه
والراجل علي عبد اللا شاعر جميل وكلامه حلو ومعبر وان كنت ستستطيع تلحينه انا جاهز لغنائه




الغالى جدا / الفنان محمود سعد
نورتنى فى صفحتى وده ليا منتهى الشرف .. ويزيدنى الشرف ان حضرتك تغنيلى اى أغنيه تحبها
انا كتبت أغنيه فى موضوع جديد أتمنى انك تشوفها .. هى ملحنه نفسها على قولك
يا رافع من روحنا المعنويه
تحياتى وإحترامى وتقديرى
:emrose::emrose:
ملحن مصري
22/11/2009, 20h25
يا أستاذ محمود حضرتك راجل فنان معتق مش بتوع اليومين دول
وأكيد حضرتك عارف إن كل ماكان الكلام واصل لقلب الملحن بيلحنه من غير كلام وطبعا دي بتختلف من فنان للتاني
ومش معني إنى ما أخدتش الكلام ولحنته إنه يبقي وحش
وأنا بحب
أضيف للكلام مش مجرد ألحن كلام وخلاص وممكن ملحن تانى يقدر يضيف للكلام
ولو علي كلام الجرايد إختار أي كلام وأنا ألحنه وممكن ألحنلك الكلام اللي حضرتك بتقوله لو إحنا قاعدين مع بعض نتناقش علي قهوه مثلا يعني كلامك العادي مش الجرايد بس وبالنسبه لي الحمد لله مش صعبه
لكن فيه فرق بين الإبداع والتلحين وأكيد حضرتك فاهم كلام لأنك زي ماقلتلك إنت معتق مش فنان عادي
بس لي ملحوظه علي تعليق حضرتك لأن طبعا أى كلمه حضرتك بتقولها بتكون عارف معناها كويس أووى يعني إيه جملة وان كنت ستستطيع تلحينه
وتحتها مليون خط ومش هاشرحها وأكيد وصلتك وجهة نظري كويس أوى
وفيه ملحوظه تانيه أنا كتبتها قبل كده
أنا بقدم فكر مش ألحان وبس وأنا بقدم بس الي مؤمن بيه ومش بحب أسلوب الكلام اللي فيه ندب أو الترحم علي أطلال بشكل عام
أنا عاوز تفاءل لأان دي رسالتي كفنان ومش أعيّش الناس في هم وأفكرهم بهمومهم بالعكس أنا لازم أكون سبب أو وسيله إنهم ينسوا همومهم وإزي أخليهم يفكروا ف المستقبل بشكل فيه تفاؤل مهما كان الواقع أليم
وعلي فكره ده مش كلامى دي خبره أخدتها من أستاذه برضه
وبالأخص من أ / أشرف السركي الملحن والإنسان الأجمل وأكيد تعرفه كويس
ملحوظه ثالثه أنا لاحظت إن حضرتك مش بتدخل علي مشاركاتي اللحنيه بأي تعليق وتفسيري الأوحد إنه مش بيعجبك واللي بيأكد كلامي تعليقاتك السابقه اللي قريتها في بعض الردود فقط علي مشاركه لعضو آخر
أخر ملاحظه أنا حاليا بعيش ظروف قاسيه جداا
عاطفيا نفسيا ومع ذلك بحاول أنسي وأنا بالحن كهم شخصي عشان أخرّج الناس من اللي هي فيه
يارب أكون قدرت أوصّل وجهة نظري لحضرتك

وأسف علي التطويل
على عبداللاه
28/11/2009, 19h24
الغالى ملحن مصرى
ما كان يقصد أبدا الأستاذ الفنان / محمود سعد إلا جمله واحده

:crazy: ماتحبطش شاعر :crazy:

لو قدرت تساعده توصل كلامه للوجود متلحن يبقى كتر خيرك
ولو مش هو ده اللى انت تحب تلحنه يبقى مش لازم تكسر جناحاته

ده اللى هو أنا

وأنا لولا كلمتك وعرفتك كانت جناحاتى إتكسرت فعلا
الشعر بيقول حاله جواه
ومش شرط تبقى سعاده بقه
وأنا أوعدك إن شاء الله لما تيجى حالة الفرفشه مش هنساك
هههههههههههههههههههههههههههههههههههههههههههههه

يا عم المحبط

تقبل منى تحياتى

وكل عام وأنتم جميعا فى كل الخير
محمودسعد
02/12/2009, 05h43
تصدق
مفيش ممثل ماعملش نكد وهم
ومفيش مؤلف ماكتبش كلام نكد وهم
ومفيش ملحن مالحنش لحن نكد وهم
ومفيش مطرب ماغناش اغاني نكد وهم
لا وايه
مفيش مستمع ماحبش اغني هم ونكد ؟؟؟؟؟؟
وبعدين انا مش معتق ؟؟انا لسه جديد ؟؟
على عبداللاه
02/12/2009, 15h37
تصدق

مفيش ممثل ماعملش نكد وهم
ومفيش مؤلف ماكتبش كلام نكد وهم
ومفيش ملحن مالحنش لحن نكد وهم
ومفيش مطرب ماغناش اغاني نكد وهم
لا وايه
مفيش مستمع ماحبش اغني هم ونكد ؟؟؟؟؟؟
وبعدين انا مش معتق ؟؟انا لسه جديد ؟؟




دى حقيقه
وبالذات حكيوة المستمع دى
بس انا قصدت جرح أمه بالكامل فى دماغهم إن الفلسطينى
إنسان مش تمام وباع أرضه ... حبيت أوضح إن اللى باعوها
خرجوا منهم وإتجنسوا جنسيات تانيه وإن اللى فى الأرض بقه
معصورين بين النار .. وبيربطنا بيهم دم ودين .. وعروبه
بكيت على لسان واحد منهم للأمه العربيه اللى ما عندهاش إلا
إدانة الفلسطينى بإنه باع الأرض ...!!! وهو معصور جواها ...!!
دى تذكره مش نكد ... ولا أيه ؟؟
ملحن مصري
02/12/2009, 18h16
فيه مقوله بتقول لكي تعرف شعب لابد أن تتطلع علي ثقافته وتتعلم لغته والبند الأهم بالنسبه لي ف المقوله دي هو التعرف علي ثقافة الآخر
وحضرتك يا أستاذ محمود واخد الموضوع من جانب واحد بس وأنا بفكر ف الغنا مش عشان أغني او ألحن وخلاص
أنا بحاول أدرس البيئه المحيطه عشان أقدر أوظف الفن بتاعي لخدمة المجتمع مش إني ألحن غم وهم ونكد وأخلي الناس عايشه ف هموم علي طول
دور الفنان لازم يبقي إيجابي يا أستاذ محمود مش مجرد ملحن أو مطرب وخلاص
وياسيدي موضوع معتق معتقدش يزعلك بالعكس انا اللي قصدته إن حضرتك فنان من بتوع زمان اللي إتعلمنا منهم كتير
على عبداللاه
02/12/2009, 21h49
فيه مقوله بتقول لكي تعرف شعب لابد أن تتطلع علي ثقافته وتتعلم لغته والبند الأهم بالنسبه لي ف المقوله دي هو التعرف علي ثقافة الآخر

وحضرتك يا أستاذ محمود واخد الموضوع من جانب واحد بس وأنا بفكر ف الغنا مش عشان أغني او ألحن وخلاص
أنا بحاول أدرس البيئه المحيطه عشان أقدر أوظف الفن بتاعي لخدمة المجتمع مش إني ألحن غم وهم ونكد وأخلي الناس عايشه ف هموم علي طول
دور الفنان لازم يبقي إيجابي يا أستاذ محمود مش مجرد ملحن أو مطرب وخلاص
وياسيدي موضوع معتق معتقدش يزعلك بالعكس انا اللي قصدته إن حضرتك فنان من بتوع زمان اللي إتعلمنا منهم كتير





الغالى :emrose:ملحن مصرى :emrose:
وهو إنى أبين وجع الجرح وأحسسك إنه جرح ده بقى هم وغم ونكد
يعنى بتعتقد إنى أبهجك بالجرح وأغنى له أغنيه سعيده لحد ما يتم البتر
بعد ما الجرح يستشرى فى عموم الجسم .. ولا أنبهك علشان تعالجه ؟؟

:chut: عذرا :chut:

توظيف الفن لخدمة مجتمعك لا يصطدم أبدا مع تنبيهك لجراحك .. بالعكس
تنبيهك للجرح هو منتهى الخدمه اللى ممكن تقدمها ....
ولو ان الكون فرح وطبل وزمر .. منين تاخد الحكمه ؟؟ ومنين تنبه صاحب الطبل
والزمر إن حياته محتاجه تظبيط أكتر وإن الجرح لازم يتداوى جنب الفرح والطبل والزمر
صبره ابو حسن
02/12/2009, 23h03
الاستاذ محمود سعد:emrose:
الفنان الكبير ملحن مصرى:emrose:
انا مع الاستاذ محمود اننا شعب نحب الاعمال اللى فيها نكد ونحب نشوفها ونسمعها اكتر من مره
وكذلك مع ملحن مصرى انه له الحريه ان تكون له سياسته الفنيه واسلوبه
لكن الاستا ذ الشاعر على عبد اللاه عمل جميل وانا مش ناسيك فى الورد ومدكنلك اتنين
:emrose::emrose:
محمودسعد
03/12/2009, 03h37
شوف ياسيدي
اقصد ملحن مصري اولا
من واقع تجربه شخصيه ؟؟؟؟
كان فيه مؤلف جميل فوق ماتتصور بس نجاحه كله جه في مقفول عليه لوحدي الباب بتاعه حسن الاسمر وبعدها عد الجروح ياالم وقبلهم كانت كتاب حياتي ياعين والغريب يااخي ان الناس كلها كانت بترقص لما حسن الاسمر يغني ايا من هذه الاغاني ؟؟بيرقصوا بيرقصوا ؟؟المهم وصلنا لبعض انا وماهر عبده سليمان المؤلف الجميل ده عشان نعمل مع بعض اغنيتين اولهم عيني عليك ياحزين عيني واغنيه اخري لم يكن قد شرع في فكرتها ولما روحنا الرقابه عشان نصرح الاغنيه بتاعه الحزين دي قام عم مدكورثابت الرقيب الاكبر مسك المؤلف وغسله بجد كلام هزار طبعا وقال له بالحرف ؟؟يااخي انت نكدت علينا خالص هو انت مفيش عندك ولااغنيه فرح ؟؟؟فرد ماهر وقال له اهو كده وصلت لفكره الاغنيه التانيه لمحمود سعد ؟؟وعمل اغنيه فرايحي وفرايحي خالص وكلامها جميل وبيقول والنبي ياجميل بصلي بصه دا الجار للجار والنبي وصي وتصدق ان الناس ماسمعتش بتاعت الفرح وسمعت ورددت عيني عليك ياحزين ؟؟؟والله وحياه اولادي هذا حصل وفي مره قعدت مع ملحن جميل وكبير واسمه مهدي خميس عليه رحمة الله وهو ده اللي عمل اغنيه توهان وطبعا انت هاتفكر ان اغنيه توهان دي اغنيه بيئه ؟؟؟لا والله ده مهدي خميس كان بيعيط وهو بيغنيها وبيقول تايهين والدنيا بتلعب بالخلق وكل الناس تايهين وقلوبها بتتعب وزمانها ماهو حساس ؟؟ ده الكلام اما اللحن فلو مش عندك هاسمعهولك ؟لحن يبكي خالص وتصدق لما غناه حسن ضرب وعمل قنبله وباع مليونين شريط والاعجب ان الناس كانت بترقص وفرحانه والامثله كثيره واكتر من الاسمر بكتير وشوف فريد غني زينه زينه ازاي ؟؟؟؟؟؟؟؟؟؟
ولنا عوده
د أنس البن
03/12/2009, 06h32
يا أستاذ محمود سعد يا صديقى يا فنان يا أصيل ......
طبعا أنا أتمنى انك تكمل .. لكن أحب أقول لك إن فكرتك واضحه ومفهومه ولا تحتاج إلى أن تقيم عليها أى دليل أو برهان , وإلا كنا بطلنا نسمع تسعين فى المائه من روائع الست ام كلثوم وفريد الأطرش وعبد الوهاب وغيرهم وغيرهم , بس عموما كمل فكرتك لأنها بتفتح موضوعات أخرى كثيره أكثر فائدة وعمقا من مشاركات كثيرة لبعض الأصدقاء لكنها للأسف الشديد وبكل الصراحة لا هى فى العير ولا فى النفير ........
محمودسعد
03/12/2009, 12h25
يا أستاذ محمود سعد يا صديقى يا فنان يا أصيل ......
طبعا أنا أتمنى انك تكمل .. لكن أحب أقول لك إن فكرتك واضحه ومفهومه ولا تحتاج إلى أن تقيم عليها أى دليل أو برهان , وإلا كنا بطلنا نسمع تسعين فى المائه من روائع الست ام كلثوم وفريد الأطرش وعبد الوهاب وغيرهم وغيرهم , بس عموما كمل فكرتك لأنها بتفتح موضوعات أخرى كثيره أكثر فائدة وعمقا من مشاركات كثيرة لبعض الأصدقاء لكنها للأسف الشديد وبكل الصراحة لا هى فى العير ولا فى النفير ........




الف مليار حمد لله عالسلامه ياكبير القدر والمقام يازعيم المحبين
ابشر يابو عبد اللاه
لقد جاءك رجل من احب الرجال
مثقف ومطلع وفاهم وخبير وحنون وبيحب اللي بيفهموا وكل اللي بيفهموا اصدقائه
اعدك ياعمي بالمواصله لانك فتحت نفسي
وانت دايما كده
ربنا يديمك علينا نعمه
محمودسعد
03/12/2009, 12h35
نواصل

ادعوكم جميعا يااصدقائي الاعزاء وخصوص اخي ملحن مصري ان تعيدوا قراءه كلمات الدكتور انس
كل حرف ينطق بمعاني كثيره ؟؟؟
انظروا الي مابين السطور ؟؟؟
الراجل الكبير جاب مالاخر
وخير الكلام ماقل ودل ؟؟؟ حفا
وساواصل كما امرني استاذي بس واصلوا انتوا كمان وعاوز اقوللك ياعلي ياعبد اللاه ان انت مؤلف جميل وانا منتظر اغني كلامك
على عبداللاه
03/12/2009, 19h29
الاستاذ محمود سعد



الفنان الكبير ملحن مصرى
انا مع الاستاذ محمود اننا شعب نحب الاعمال اللى فيها نكد ونحب نشوفها ونسمعها اكتر من مره
وكذلك مع ملحن مصرى انه له الحريه ان تكون له سياسته الفنيه واسلوبه
لكن الاستا ذ الشاعر على عبد اللاه عمل جميل وانا مش ناسيك فى الورد ومدكنلك اتنين




الغالى جدا // صبره أبوحسن

ودتينك فى قلبى وإنت بالفعل صديقى ونور عينى
والنكد مطلوب برضو ... بيه نستطعم بعده الفرح أوى
:emrose::emrose:
على عبداللاه
03/12/2009, 19h52
يا أستاذ محمود سعد يا صديقى يا فنان يا أصيل ......

طبعا أنا أتمنى انك تكمل .. لكن أحب أقول لك إن فكرتك واضحه ومفهومه ولا تحتاج إلى أن تقيم عليها أى دليل أو برهان , وإلا كنا بطلنا نسمع تسعين فى المائه من روائع الست ام كلثوم وفريد الأطرش وعبد الوهاب وغيرهم وغيرهم , بس عموما كمل فكرتك لأنها بتفتح موضوعات أخرى كثيره أكثر فائدة وعمقا من مشاركات كثيرة لبعض الأصدقاء لكنها للأسف الشديد وبكل الصراحة لا هى فى العير ولا فى النفير ........


الأب الدكتور / أنس البن
منورنى يا باشا فى صفحتى المتواضعه
لكن أنا ليا عتوبه ياريت تتقبلها منى
حضرتك ما علقتش على اللى أنا كتبته
ياترى حلو ؟؟ وحش ؟؟؟
أتمنى أن حضرتك تنورنى وبكده يبقى الشرف مرتين
منتظر ردكم الغالى بالتعليق على الشعر نفسه
محمودسعد
04/12/2009, 13h41
الأب الدكتور / أنس البن
منورنى يا باشا فى صفحتى المتواضعه
لكن أنا ليا عتوبه ياريت تتقبلها منى
حضرتك ما علقتش على اللى أنا كتبته
ياترى حلو ؟؟ وحش ؟؟؟
أتمنى أن حضرتك تنورنى وبكده يبقى الشرف مرتين
منتظر ردكم الغالى بالتعليق على الشعر نفسه

اكيد عمنا شاف الموضوع وعجبه ؟والدليل انه شارك ومشاركته هذه اتت بعد ان قرا كل المشاركات المتعلقه بالموضوع وهو ميال لهذا الشعر الدرامي اللي ممكن تبقي اغنيه وهو شاف كده ورد قال كده
امال هو دخل الموضوع من اول عنوانه ليه ؟؟؟
بس عمنا قلبه كبير وهايرد ويقوللك برضه رايه الخالص
على عبداللاه
04/12/2009, 19h45
الف مليار حمد لله عالسلامه ياكبير القدر والمقام يازعيم المحبين

ابشر يابو عبد اللاه
لقد جاءك رجل من احب الرجال
مثقف ومطلع وفاهم وخبير وحنون وبيحب اللي بيفهموا وكل اللي بيفهموا اصدقائه
اعدك ياعمي بالمواصله لانك فتحت نفسي
وانت دايما كده
ربنا يديمك علينا نعمه




يا باشا البشرى موجوده بمجرد وجود الدكتور أنس لكن نقد اللى انا بكتبه أنا من الدكتور أنس يسعدنى أكتر
على عبداللاه
05/12/2009, 20h01
اكيد عمنا شاف الموضوع وعجبه ؟والدليل انه شارك ومشاركته هذه اتت بعد ان قرا كل المشاركات المتعلقه بالموضوع وهو ميال لهذا الشعر الدرامي اللي ممكن تبقي اغنيه وهو شاف كده ورد قال كده

امال هو دخل الموضوع من اول عنوانه ليه ؟؟؟
بس عمنا قلبه كبير وهايرد ويقوللك برضه رايه الخالص




يارب يكرمكم يارب وأنا مستنى نقد لاذع منه
وكمان مستنى ملحن يلحن الأغنيه علشان تغنيها بعون الله
على عبداللاه
17/12/2009, 21h43
شفتو اللى بيحصل على النت
سرق شعرى ( وأه يامه ) ونسبه لنفسه على النت
فى منتدى انا عضو فيه
ولما عملت موضوع بشكوى للاداره
أغلقوا الموضوع
من هنا اثبات السرقه
http://manseng.net/showthread.php?t=33778 (http://manseng.net/showthread.php?t=33778)
على عبداللاه
17/12/2009, 22h04
انا حزين جدا على اللى بيحصل
فريد ساحلي
18/12/2009, 09h46
فعلا أخي هذا مؤسف حقا ، لكن تأكد ان السارق لن يذهب بعيدا فحبل الكذب قصير وسينقلب السحر على الساحر ،، واللي اختشو ماتو،،كما يقال.
على عبداللاه
23/12/2009, 16h47
الحمدلله تداركو ذلك
وحذفوا الموضوع كله من عندهم
لكن طالما أحدهم سرقنى
إذا أنا لدى ما يسرق
وهذا يسعدنى جدااا
:cool: