فاكر وانت صغيّر

[سعدالشرقاوى]

(فاكر وانت صغيّر)

(فاكر وانت صغيّر جيتنا
صونـّا العهد وعلمناك
وأمّا كبرت نسيت عشرتنا
حتى بواسطه ماكلمناك)
,,,
ياللى نسيت أيامنا الحلوه
والعهد اللىّ مشينا عليه
ونسيت طعم الليل والغنوة
عنوانـّا ضاع منـّك ليه
قولنا هاتكمل بيك فرحتنا
وعلى نيّاتنا بنستناك
وأمّا كبرت نسيت عشرتنا
حتى بواسطه ماكلمناك
(فاكر وانت صغيّر جيتنا
صونـّا العهد وعلمناك
وأمّا كبرت نسيت عشرتنا
حتى بواسطه ماكلمناك)
,,,
كنت بتفرح وتزعّلنا
ونتمنالك بس تعيش
جالك يوم واستغنيت عنـّا
من أوّل ماطلع لك ريش
مع الزمن تغدر بينا
وبقسوة تقتل سعادتنا
أتاريك بتتعلم فينا
وتخون فى عيشنا وملحتنا
واتحمّـلنا الصّعب وشيلنا
كلّ ملامه ماحمّلناك
وأمّا كبرت نسيت عشرتنا
حتى بواسطه ماكلمناك
(فاكر وانت صغيّر جيتنا
صونـّا العهد وعلمناك
وأمّا كبرت نسيت عشرتنا
حتى بواسطه ماكلمناك)

,,,
حتى الورد زرعنا لحبّك
أرض قلوبنا وصورتك فيه
كل ما زهر الحب ينوّر
قسوة قلبك بتـّطفـّيه
قلبى بيسأل ردّ وقول له
جبت منين الغدر دا كله
ياللى ربطـّه بسحر عيونك
خللى غرورك ييجى يحلـّه
عمر ما هونت علينا ياسيدنا
ولا عمرنا يوم همّلناك
وأمّا كبرت نسيت عشرتنا
حتى بواسطه ماكلمناك
(فاكر وانت صغيّر جيتنا
صونـّا العهد وعلمناك
وأمّا كبرت نسيت عشرتنا
حتى بواسطه ماكلمناك)
,,,

[غازي الضبع]

الله ينور يا عم سعد يا فنان
بس مين قليل الـ ..... اللي انت كاتب فيه هذا الزجل

تحياتي وتقديري يا فنان :emrose:

[على عبداللاه]

تحياتى وتقديرى يا عم سعد
ما شاء الله عليك

[NAHID 76]

بسم الله الرحمن الرحيم
خالى سعد الشرقاوى
يا دين النبى على كل كلمه
وشوف يا خال
أول ما الريش طلع وتعلم الطيران طار منك وزاغ
عفارم عليك
تحياتى

[Tarek Elemary]

خوفى لا يكون الواد مدحت يا عم سعد .... ;)
بس حتى لو كان ... هذه حال الدنيا
و قديماً قال الأعشى
علمته رمى السهام فما إشتد ساعده رمانى
وعلمته نظم القوافي فلما نظم قافية هجاني
===========
واضح إن ده حال الدنيا
و أنت رائع كالعادة يا أبو مدحت
دمت لنا و للمتذوقين

[د أنس البن]

والله يا سى طارق كلام فى سرك
أنا كنت ناوى اقول زيك
وعلشان كده قرأتها يجى عشرين تمانين مره
ولما جيت اكتب ردى على كل هذا الدفق من المرارة والأسى
لم يطاوعنى قلبى
لكن على رأيك آدى حال الدنيا
ويا رب نكون غلطانين
شوف الشاعر زمان قال ايه عن الأب وحنان الأب أمام ابن جاحد

أَرْضى عن ابني إذا ما عقني حذراً
عليه أن يَغْضَبَ الرحمنُ من غَضَبي

وهذا عمنا أميه بن الصلت يقول :

غَذَوْتُكَ مولوداً وَعْلتُكَ يافعاً
تُعَلُّ بما أدنْي إليك وتَنْهَلُ.

إذا ليلةٌ نابَتْكَ بالشَّكْوِ لم أَبِتْ
لشَكْواكَ إِلا ساهراً أَتَمَلْمَلُ.

كأني أنا المطروقُ دوَنكَ بالذي
طُرِقْتَ به دوني وعينيَ تَهْمُلُ.

تَخَافُ الرَّدَىْ نَفْسِي عليكَ وإِنها
لتَعلمُ أن الموتَ حتمٌ مؤجلُ.

فلما بَلَغْتَ السِّنَّ والغايةَ التي
إليها مَدَىْ ما كُنْتَ فيكَ أُؤَمِّلُ.

جَعَلْتَ جزائيْ منكَ جَبْهاً وغِلْظةً
كأنكَ أنتَ المنعمُ المتفضِّلُ.

[علاء طه ياسين]

:emrose:سعد الشرقاوي :emrose:
من غير ما أشكرك لأنك أكبر من كل شكر

الشعر كما العصافير ع التوت وانت الصياد ..
وانا با ضحك للبنت اللي بتضحك في الحواديت وأديها ميعاد ..
قلبك يشبهني يا واخد من غيط الياسمين الهوا والزاد ..
الله لو كان ف إيديا الكون مكنتشي تفرق بينا بلاد ..
مشتاق لك جامد مشتاق لك ..
بأتكي علي وجعي وباكتب لك ..
وحياة الأولاد ..
:emrose:
علاء ياسين

[Tarek Elemary]

علاء طه يس ظهر فى بر السماعى يا رجاله
و قال يا رجاله بالإنجليزى (يا منز)
أيه يابنى فينك و فين أراضيك و أيه يرضيك
***
يا عم علاء وجودك بيننا بيــــــــهون كتير الجرح
و بيزود بدون تهويل فى لياليــــــــنا الهنا و الفرح
و بنحبك و حبك شئ ما هوش عاوز كلام أو شرح

[علاء طه ياسين]

أخي / طارق العمري
:emrose:
يرضيني تكون دايما مبسوط وسعيد ..
وكمان تدعيلي ف طلعة فجر جديد ..
ونعيد ليالينا وأيامنا ..
وتعاود تضحك أحلامنا ..
وانا وانت وسعد الشرقاوي الايد في الايد ..
:emrose:
اعتذر للغياب لسوء الحالة الصحية .. وأشياء أخري ..
علاء ياسين

[سعدالشرقاوى]

الله ينور يا عم سعد يا فنان

بس مين قليل الـ ..... اللي انت كاتب فيه هذا الزجل


تحياتي وتقديري يا فنان :emrose:

اخى الحبيب
الاستاذ/ياسين:emrose:
الحقيقة انهم صبحوا كتير
قليل ال.....
الله يعزّك
حتى كادت تكون ظاهره
وربنا يهديهم
ومن فات قديمه تاه
لك خالص الحب والتقدير

[سعدالشرقاوى]

تحياتى وتقديرى يا عم سعد


ما شاء الله عليك

انت يامتر
تمتلك كل شئ
خيث انك تمتلك قلوبنا
لك خالص احترامى
يااستاذ على

[سعدالشرقاوى]

بسم الله الرحمن الرحيم
خالى سعد الشرقاوى
يا دين النبى على كل كلمه
وشوف يا خال
أول ما الريش طلع وتعلم الطيران طار منك وزاغ
عفارم عليك
تحياتى

ياسيدتى المثل قال
اللى ييجى فى الريش بكشيش
ويمكن العفارم عليه هوّه
يارب ماتغيبى علينا
ونشوفك على خير

[سعدالشرقاوى]

خوفى لا يكون الواد مدحت يا عم سعد .... ;)

بس حتى لو كان ... هذه حال الدنيا
و قديماً قال الأعشى
علمته رمى السهام فما إشتد ساعده رمانى
وعلمته نظم القوافي فلما نظم قافية هجاني
===========
واضح إن ده حال الدنيا
و أنت رائع كالعادة يا أبو مدحت
دمت لنا و للمتذوقين

ابدا يا استاذ طارق
دا همّا كتير جدا
وعلى رأيك
واضح إن ده حال الدنيا
ربنا يهدى الجميع

[سعدالشرقاوى]

والله يا سى طارق كلام فى سرك

أنا كنت ناوى اقول زيك
وعلشان كده قرأتها يجى عشرين تمانين مره
ولما جيت اكتب ردى على كل هذا الدفق من المرارة والأسى
لم يطاوعنى قلبى
لكن على رأيك آدى حال الدنيا
ويا رب نكون غلطانين
شوف الشاعر زمان قال ايه عن الأب وحنان الأب أمام ابن جاحد


أَرْضى عن ابني إذا ما عقني حذراً
عليه أن يَغْضَبَ الرحمنُ من غَضَبي

وهذا عمنا أميه بن الصلت يقول :

غَذَوْتُكَ مولوداً وَعْلتُكَ يافعاً
تُعَلُّ بما أدنْي إليك وتَنْهَلُ.

إذا ليلةٌ نابَتْكَ بالشَّكْوِ لم أَبِتْ
لشَكْواكَ إِلا ساهراً أَتَمَلْمَلُ.

كأني أنا المطروقُ دوَنكَ بالذي
طُرِقْتَ به دوني وعينيَ تَهْمُلُ.

تَخَافُ الرَّدَىْ نَفْسِي عليكَ وإِنها
لتَعلمُ أن الموتَ حتمٌ مؤجلُ.

فلما بَلَغْتَ السِّنَّ والغايةَ التي
إليها مَدَىْ ما كُنْتَ فيكَ أُؤَمِّلُ.

جَعَلْتَ جزائيْ منكَ جَبْهاً وغِلْظةً
كأنكَ أنتَ المنعمُ المتفضِّلُ.




والدنا الغالى
الدكتور انس
ارجو الله ان يغنمكم السلامه
وان يقيكم كل مكروه

[سعدالشرقاوى]

:emrose:سعد الشرقاوي :emrose:

من غير ما أشكرك لأنك أكبر من كل شكر

الشعر كما العصافير ع التوت وانت الصياد ..
وانا با ضحك للبنت اللي بتضحك في الحواديت وأديها ميعاد ..
قلبك يشبهني يا واخد من غيط الياسمين الهوا والزاد ..
الله لو كان ف إيديا الكون مكنتشي تفرق بينا بلاد ..
مشتاق لك جامد مشتاق لك ..
بأتكي علي وجعي وباكتب لك ..
وحياة الأولاد ..
:emrose:
علاء ياسين



شقيق روحى
ابوياسين
واخد على خاطرى من غيابك
قلبك جمد علينا
(بنحبوك)

[حمدى شبانة]

ياخال سعد أمتعتنى بالكلام - رغم احساسى بالضيق - ممن ينسى الجميل 00 وأنا متأكد إنه فاكر 00 والمسامح كريم ياخال00 والبحر مابيتعكرش 00صح ياخال ؟

[الدكتور غانم]

:emrose:عمنا (س:crazy:عد ) زميل الكُتَّاب ومعهد دسوق وجاري المحترم يا شاعر التوتة ومرثي الطوالة والباكي على هموم أهلنا البسطاء من امثال عمك محمود جاد وعلي خطاب تحياتي لك ولشعرك العفوي النابع عن تجربة البراءة بدون فلسفة ولا تعقيد تغرف من قلبك الواسع الكبير الذي احتوى كل هموم وأحزان البسطاء لتخاطب بعفويتك قلوبا تشارك السى والحزن وهذه القصيدة هي غرفة من حنايا نفسك تبعثها لكل من لقي بعد الإحسان إساءة وبعد الأمان غدرا وما اكثر هذه النماذج في واقع حياتنا ...طبت وطابت أشعارك بلسما يشفي الجراح ويدا حانية تهدهد على كتف كل مغدور من الأيام والأهل والصحاب :emrose:

[محمودسعد]

عمي وسيدي وتاج راسي
سعد الشرقاوي
اظن انا طولت الغيبه شويه في ان ازورك في صفحتك وكمان الغيبه طالت في الرؤيه بالعين لان رؤيتك بالعين والجلوس معاك شئ تاني خااااااااااالص والنظر اليك وانت تلقي اشعارك وتتكلم في اي حوار شئ ممتع للغايه
اما من ناحيه الواد قليل ال ؟؟؟ فاظنني قد سمعت الابيات هذه منك عالتليفون .... واحس ايضا انك كتبتها عشاني لكي اغنيها ....... وساغنيها ؟
سامحني يااخي لغيبتي فقد مررت بازمه انفلونزاتيه وحشه قوي بعيد عن انفلونزا ال؟؟ بعيد عنك وعن الشايفين والسامعين وحتي ماكنتش عارف اكلمك واقوللك ان الاغنيه اللي طلبتها وصلت في المبدعين
بس اقوللك الحق
انا نفسي اشوفك فعلا عشان نفسي اشوفك

[ام مدحت]

:emrose:عمنا (س:crazy:عد ) زميل الكُتَّاب ومعهد دسوق وجاري المحترم يا شاعر التوتة ومرثي الطوالة والباكي على هموم أهلنا البسطاء من امثال عمك محمود جاد وعلي خطاب تحياتي لك ولشعرك العفوي النابع عن تجربة البراءة بدون فلسفة ولا تعقيد تغرف من قلبك الواسع الكبير الذي احتوى كل هموم وأحزان البسطاء لتخاطب بعفويتك قلوبا تشارك السى والحزن وهذه القصيدة هي غرفة من حنايا نفسك تبعثها لكل من لقي بعد الإحسان إساءة وبعد الأمان غدرا وما اكثر هذه النماذج في واقع حياتنا ...طبت وطابت أشعارك بلسما يشفي الجراح ويدا حانية تهدهد على كتف كل مغدور من الأيام والأهل والصحاب :emrose:
اخى الغالى
ابو محمود
نورتنا يا دكتور
ونورت المنتدى
وأصبح لنا باع طويل
باساتذة اللغة العربية
وعودة الدكتور عبدالحميد سليمان
ووالدى شيخ المنتدى
الاستاذ محمد شعبان
وربنا يحفظ بيكم اللغة العربية
وشاعر التوتة مش متخيلة
سعادته بمشاركتكم الكريمة
وماتحرمناش يادكتور