أحمد بارود
19/10/2009, 12h17
السجن نار
النهار نفس النهار
الجدار نفس الجدار
والوجوه نفس الوجوه
غاب عنها لونها واعتلاها الاصفرار
والشمس في نفس المدار
تحوم تحوم
العمر يوم
مكرور بليد بيعيد في نفسه
بكراه .. تماما زي أمسه
ما حد فاهمه
ولا حد حاسه
غير المحاصر في السجون
بوحدته ، ألمه وحسُّه
يفهم كلام الصمت ويترجم له همسه
***
لسا بتقول لي يا صاحبي .. عساك بخير
هو فيه " في السجن " خير ؟
إلا اذا صار العساكر والحمير
عندهم احساس بهمك
أو بجرحك
زي احساس العقارب بالحرير
ولاَّ احساس العناكب والجنادب بالمصير
وعساك بخير ؟!
***
الخير ده كلمة نقولها عاده في الرسايل
نداري فيها بؤسنا وبعض المسائل
وكل ذلك لاعتبارات خاصة بينا
احنا لما الدمع ينزل من عنينا
نقول رمد
عشان ده عيب
واحنا لما طبعنا يغلب علينا
نقول عَرَض
بكره نطيب
واحنا لما الحلم حتى في المنام
يفصح تمام
عن حزننا
نقول ده وهم
وكابوس غريب
واحنا لما الكلب خلف السور بينبح
والسمك في البحر يسبح
والشمس تغطس في البحور
واحنا لما الطير يطير
نحس إن السجن مش بنيان حجر
محوطينه بالكلاب وبالعذاب وبالغفر
لكنه أكبر
السجن بركان في الصدور
***
وبنحسد الأشياء جميعا
مش عايشة زينا في القيود
في العتمه مغلوبه
ولا عايشة زينا في الحديد
ع الصبر مصلوبة
مش حاسه زينا بالعذاب
ولا حاسه زينا بإضطراب
بنحسد الأشياء جميعا
عايشه ماضي
عايشه حاضر
وعايشه بكره
لها فعلها ، دورها ، وأثرها
وعايشه حرة
واحنا في ليل السجون
في الصحرا موقوفين
عرايا
إن كان شباب وإن كان صبايا
إلا من بعض الكلام
هو فيه غير الكلام ؟
هوَّ البديل عن عمرنا المسروق صراحه وفي العلن
بنستعيده بالكلام
بنلاقي فيه معنى الوطن
نبنيه كلام
بنلاقي فيه ماضي وزمن
نحكيه كلام
ويفيد بإيه كل الكلام
تقول باحب ؟!
والحب مش كلمة تقولها والسلام
تقول ده غلب ؟
والغلب مش احساس يهينك تبغضه
ويصير حرام
تقول يا صبر ؟
وانت عارف إن ده مش باختيارك
ولا قرارك
ولا عمره يوم حَ يطفّي نارك
حتى لو مطر الغمام
تقول يا نوم ؟
وانت عارف انه مش خادم بأمرك تطلبه
ييجي قوام
تقرا الكتاب ؟
هي دي الحالة اللي تاخدك من غيابك
للغياب
زي ما الذكرى بتاخدك للورا
والحلم ياخدك من خيالك للأمام
وانت إنت
زي ما انت بالتمام
تقول يا مين في السجن عندك
وكل واحد وعده وعدك
باله شارد
عجزه مارد
متجمعين زحمة بقبورنا
لكن فرادى في الزحام
تقول يا صمت ؟
والصمت باب مفتوح على جهة الجنون
وليس أبلغ من مثل
إلا حكايات السجون
........
احتج مسجون ضد صوته
قطع لسانه بشفره ماضية
وغيره طاب في الصمت موته
بلع إبر على معده فاضية
وثالث الغلبين سجين رفض الكلام
خيّط شفايفه بنفس راضيه
وشاور بإيده
انه.. مريم أم عيسى
جاله من ربه بشارة
ممنوع يكلم حد خالص
إلا بإشاره
وإللي عايز حاجه منه
يكلم الفرشة اللي تحته
أو يكلم الحِرام
وايش اقل لك ولا اقل لك
كلام غريب يمكن يعلك
سلم ع بوي وامي وعلى اختي
وحكّموا عقولكم شوية
ده مش نصيبي ولا هو بختي
واطّمنوا ... بلاش قلق
والسلام .. خلص الورق
ابنكم ...... آآآآآآآآآه جهدو العَرَق
النهار نفس النهار
الجدار نفس الجدار
والوجوه نفس الوجوه
غاب عنها لونها واعتلاها الاصفرار
والشمس في نفس المدار
تحوم تحوم
العمر يوم
مكرور بليد بيعيد في نفسه
بكراه .. تماما زي أمسه
ما حد فاهمه
ولا حد حاسه
غير المحاصر في السجون
بوحدته ، ألمه وحسُّه
يفهم كلام الصمت ويترجم له همسه
***
لسا بتقول لي يا صاحبي .. عساك بخير
هو فيه " في السجن " خير ؟
إلا اذا صار العساكر والحمير
عندهم احساس بهمك
أو بجرحك
زي احساس العقارب بالحرير
ولاَّ احساس العناكب والجنادب بالمصير
وعساك بخير ؟!
***
الخير ده كلمة نقولها عاده في الرسايل
نداري فيها بؤسنا وبعض المسائل
وكل ذلك لاعتبارات خاصة بينا
احنا لما الدمع ينزل من عنينا
نقول رمد
عشان ده عيب
واحنا لما طبعنا يغلب علينا
نقول عَرَض
بكره نطيب
واحنا لما الحلم حتى في المنام
يفصح تمام
عن حزننا
نقول ده وهم
وكابوس غريب
واحنا لما الكلب خلف السور بينبح
والسمك في البحر يسبح
والشمس تغطس في البحور
واحنا لما الطير يطير
نحس إن السجن مش بنيان حجر
محوطينه بالكلاب وبالعذاب وبالغفر
لكنه أكبر
السجن بركان في الصدور
***
وبنحسد الأشياء جميعا
مش عايشة زينا في القيود
في العتمه مغلوبه
ولا عايشة زينا في الحديد
ع الصبر مصلوبة
مش حاسه زينا بالعذاب
ولا حاسه زينا بإضطراب
بنحسد الأشياء جميعا
عايشه ماضي
عايشه حاضر
وعايشه بكره
لها فعلها ، دورها ، وأثرها
وعايشه حرة
واحنا في ليل السجون
في الصحرا موقوفين
عرايا
إن كان شباب وإن كان صبايا
إلا من بعض الكلام
هو فيه غير الكلام ؟
هوَّ البديل عن عمرنا المسروق صراحه وفي العلن
بنستعيده بالكلام
بنلاقي فيه معنى الوطن
نبنيه كلام
بنلاقي فيه ماضي وزمن
نحكيه كلام
ويفيد بإيه كل الكلام
تقول باحب ؟!
والحب مش كلمة تقولها والسلام
تقول ده غلب ؟
والغلب مش احساس يهينك تبغضه
ويصير حرام
تقول يا صبر ؟
وانت عارف إن ده مش باختيارك
ولا قرارك
ولا عمره يوم حَ يطفّي نارك
حتى لو مطر الغمام
تقول يا نوم ؟
وانت عارف انه مش خادم بأمرك تطلبه
ييجي قوام
تقرا الكتاب ؟
هي دي الحالة اللي تاخدك من غيابك
للغياب
زي ما الذكرى بتاخدك للورا
والحلم ياخدك من خيالك للأمام
وانت إنت
زي ما انت بالتمام
تقول يا مين في السجن عندك
وكل واحد وعده وعدك
باله شارد
عجزه مارد
متجمعين زحمة بقبورنا
لكن فرادى في الزحام
تقول يا صمت ؟
والصمت باب مفتوح على جهة الجنون
وليس أبلغ من مثل
إلا حكايات السجون
........
احتج مسجون ضد صوته
قطع لسانه بشفره ماضية
وغيره طاب في الصمت موته
بلع إبر على معده فاضية
وثالث الغلبين سجين رفض الكلام
خيّط شفايفه بنفس راضيه
وشاور بإيده
انه.. مريم أم عيسى
جاله من ربه بشارة
ممنوع يكلم حد خالص
إلا بإشاره
وإللي عايز حاجه منه
يكلم الفرشة اللي تحته
أو يكلم الحِرام
وايش اقل لك ولا اقل لك
كلام غريب يمكن يعلك
سلم ع بوي وامي وعلى اختي
وحكّموا عقولكم شوية
ده مش نصيبي ولا هو بختي
واطّمنوا ... بلاش قلق
والسلام .. خلص الورق
ابنكم ...... آآآآآآآآآه جهدو العَرَق