أنا مش ضد حد

[Tarek Elemary]

أنا ...
مش ضد حد
أنا ...
مش ويَّا حد
أنا المصرى ... اللى بانى المجد
رعيت الشاة
حفرت قناة
هزمت طغاة
بنيت السد
و ابان فى المحنة ساعة الجد
نصرت الدين
و لا الضالين
هتفت آمين
أدَرْت الخَد
و برضه باقول مانيش مع حد
و مش عاوز من الدنيا سوى حقى
و لما أصرخ و استنجد ألاقى رد
و سقف يتاوى أولادى
و لقمة تقول يا جوع إتهد
و شَربة مية تروى الريق
من الأبريق أعطَّرها بمية ورْدْ
مش تقتلنى بالفيروس
و تبقى كابوس
و تتورَّث لِوِلْد الوِلْد
و هِدْمة يادوب تدفِّينى
و تحمينى فى ليل البرد
و لا تفرق معايا مين هايورث مين؟
و مين الأب مين الجد؟
و مين يُحكُم و مين يِصْلِحْ
و مين يِجمَع و مين يِطْرحْ
و مين أبرَعْ فى فن العَدْ
أنا موافق على اللى يِكْون
مادام ده أمر رب الكون
بكل الحُب كل الوِدْ
أنا و لا حاجة تعنينى
سوى دينى
و قوت اليوم و شمس الغد
لكن حقى ما عادش يبات بعيد عنى
و لا هاصبر بوعد عشان يطَمِّنى
وعودكم دول رصيدى فى بنك يبقالك
يا طول بالك
يا مصرى لما يبقالك
ديون على حد
تموت م الجوع و لا تقدر تطالب بيه
كسوفك ليه؟
خرس صوتك و زاد ع الحد
و أموالك لهفهم بيه من إياهم
و على بره رحاله شَد
لكن و الله ما عاد ينفع سكوت تانى
على حقوقى اللى طول عمرى مفارقانى
و وحشتنى حقوقى بجد
عاوز أمشى فى شارع فيه مكان ليَّا
و ألاقى إحترام للناس
و ألاقى أمان و حرية
و لما كبير يجور بالزور
ألاقى قانون مالوش مية لون
بلا تليفون فى ودنه يرن
يعمى عيون
تفرَّق بين غنى و مَطْحُون
و قاضى سيف ماهوش يويو
ما يقبل شئ يفوق الحد
و أملى ف بكرة مش أوهام
و لا كلمة فى وسط كلام
و مش هافضل كتير مغلوب
أكيد و لابد
ييجى اليوم و هافرح فيه
ساعة لما الحقوق تترد
و برضه هاقول مانيش مع حد

[علاء قدرى]

أنا ...



مش ضد حد


أنا ...


مش ويَّا حد


أنا المصرى ... اللى بانى المجد


رعيت الشاة


حفرت قناة


هزمت طغاة


بنيت السد


و ابان فى المحنة ساعة الجد


نصرت الدين


و لا الضالين


هتفت آمين


أدَرْت الخَد


و برضه باقول مانيش مع حد


و مش عاوز من الدنيا سوى حقى


و لما أصرخ و استنجد ألاقى رد


و سقف يتاوى أولادى


و لقمة تقول يا جوع إتهد


و شَربة مية تروى الريق


من الأبريق أعطَّرها بمية ورْدْ


مش تقتلنى بالفيروس


و تبقى كابوس


و تتورَّث لِوِلْد الوِلْد


و هِدْمة يادوب تدفِّينى


و تحمينى فى ليل البرد


و لا تفرق معايا مين هايورث مين؟


و مين الأب مين الجد؟


و مين يُحكُم و مين يِصْلِحْ


و مين يِجمَع و مين يِطْرحْ


و مين أبرَعْ فى فن العَدْ


أنا موافق على اللى يِكْون


مادام ده أمر رب الكون


بكل الحُب كل الوِدْ


أنا و لا حاجة تعنينى


سوى دينى


و قوت اليوم و شمس الغد


لكن حقى ما عادش يبات بعيد عنى


و لا هاصبر بوعد عشان يطَمِّنى


وعودكم دول رصيدى فى بنك يبقالك


يا طول بالك


يا مصرى لما يبقالك


ديون على حد


تموت م الجوع و لا تقدر تطالب بيه


كسوفك ليه؟


خرس صوتك و زاد ع الحد


و أموالك لهفهم بيه من إياهم


و على بره رحاله شَد


لكن و الله ما عاد ينفع سكوت تانى


على حقوقى اللى طول عمرى مفارقانى


و وحشتنى حقوقى بجد


عاوز أمشى فى شارع فيه مكان ليَّا


و ألاقى إحترام للناس


و ألاقى أمان و حرية


و لما كبير يجور بالزور


ألاقى قانون مالوش مية لون


بلا تليفون فى ودنه يرن


يعمى عيون


تفرَّق بين غنى و مَطْحُون


و قاضى سيف ماهوش يويو


ما يقبل شئ يفوق الحد


و أملى ف بكرة مش أوهام


و لا كلمة فى وسط كلام


و مش هافضل كتير مغلوب


أكيد و لابد


ييجى اليوم و هافرح فيه


ساعة لما الحقوق تترد


و برضه هاقول مانيش مع حد



صديقى الجميل الشاعر طارق العمرى:emrose:
انا معاك ... مانيش مع حد؛ ضد حد؛
الله عليك لما تكون نفسك ؛ موش حد تانى ؛ اعظم موقف ياخده الحر ؛ ان يكون نفسه
لا فرد فى جوقه؛ ولا لابس قناع؛ ولا مخادع ؛ ولا ملاوع ؛ تلك حرية كامله
يفتقدها الكثير وبسببها ايضا قد نفقد الكثير ؟؟
عموما بدون مجاملة ؛ حالة رقى عظيمة ؛ فى اختيار الفكرة ؛ و المفردات ؛ و الموقف المعلن ؛ وان كان الحلم صغيرا
الا انه (شبه مستحيل) فى حالة تستحق التامل؟؟؟؟؟

[MOHAMED ALY]

الله يفتح عليك و يبارك فيك .. اطلقت صرخة الأهـ الدفينة اللى فى صدور الكثيرين .. حيرة من اللى جارى اليوم .. و خوف من اللى جاى بكره .

[ناصر دويدار]

الشاعر الجميل والأنسان الراقى طارق العمرى هذه قرأة (أنطباعية) لعمل شدنى وانا لا ناقد ولا يحزنون ولا بفهم فى النقد بس بفهم فى الأصول والذوق.
أولاً:إعلان صريح عن توجه إنسانى محايد يحمل رأى محدد لغة تحمل شعور بالذات وإحساس بالكيان.
أنا مش ضد حد
أنا مش ويا حد
لغة مغايرة عن اللغة التى يكتب بهاالشاعر ولكن لغة لحد عايز يفك أشتباك يحل مشكلة فا بيقول انامع الحق وأنتقم سريعاً ولم يتخلى عن لغته الثائرة وبدأ فى خطاب المجد العارم وحفر القناة ودحر الطغاة وبناء السد وبعد أن لهثت اللغة فى بناء وطلوع ونزول وسقالات ورعاية وحفر للقناة ومعارك وبناء عدت اللغة مرة أخرى تستكين وتهدأ وتعود كما بدأت(وأبان فى المحنة ساعة الجد) وكان يكفى ان يقول ابان فى المحنة او ابان ساعة الجد لكن تكثيف المعنى دليل على ان المصرى جـدع يبان فى الشدة ويقاتل الاوغاد ويحارب السوقة والدهماء والرعاع والغوغاء وهنا اللغة تكشف تورطه بأنه مع حد ضد حد وكان يحاول ان يستدرجنا إلى التعاطف معه بانه راجل محايد وصاحب فكرة محايدة لكن كشفته اللغة .
أنه مع الدين وليس مع الضالين ويقول آمين والذى يقول آمين هو المسلم بعد الفاتحة وإيه الجمال ده بعد الفاتحة أدرة الخد (من لطمك على خدك الأيمن فحول له خدك الأيسر) وحدة وطنية وبرضه بيقول منيش مع حد هنا الشاعر (بيشتغلنا) عايزنا نفضل متعاطفين مع فكرة الحيادية لكن هو كشف نفسه .
مش عايز من الدنيا سوى حق
ولما أصرخ واستنجد الاقى رد
وسقف يتاوى أولادى
ولقمة تقول يا جوع أتهد
وشربة مية تروى الريق
من الأبريق أعطرها بمية ورد
مطلب إنسانى لآى بنى أدم
يعيش حياة أدمية محترمة
هنا بدأ الشاعر يحدد أنه ضد حد بعينه
ومش عارف ليه حدد لما قال
مش تقتلنى بالفيروس وتبقى كابوس لحد ....ولد الولد
لغة خطاب زاعقة مباشرة تخلى فيها عن حيادية التوجه وعن الهدوء فى الطرح الأول انا مش ضد حد
أعلن أنه ضد الفساد والظلم والموضوع المباشر كلنا نعرفه هنا أصبحت اللفظة لا تحتمل أى تأويل هى لفظة مباشرة لموضوع مباشر وفى الأخـر من حقه يمشى فى شوارع يوم مكان فيها ويلاقى أحترام وأمان وحرية.
وبتقول انت مش مع حد
يا جدع قول كلام غير ده
ويختم القصيدة وبرضه هقول منيش مع حد
المهم أجمالاً لغة هذا النص بدأت تبتعد قليلاًعن لغة الزجل وأستسهال القافية ودخلت فى مناطق كثيرة فى العامية أنتاج غزير بسم الله ما شاء الله .. الله اكبر روح متوهجة وقادرة على العطاء انا متهيألى طارق العمرى لو ماكتبش يوم
يجرا له حاجة
أكتب ياعم براحتك واحنا حنتواصـل معاك براحتنا وانا معاك مش ضد حـد ولا مع حـد
انا بعشق جميع الخلق فوق الأرض انا قلبى جناين ورد حقيقى وجد شكراً على النص ده يا معلم

[NAHID 76]

بسم الله الرحمن الرحيم
الثائر على كل المسائل طارق العمرى
والله صرخه بتشرخ كل صدر مصرى
عبرت عنها بصرف النظر عن الكسر فى بعض الحالات الا انك عبرت عن مكنون النفس المصريه أصدق تعبير
عايز لقمه تقول للجوع ينهد
وعايز هدمه تقيك شر البرد وعايز علاج يخرص المرض
وياما عايز وعيزين وحنعوز
تحياتى وأحترامى

[AhmedSalaHammad]

الله الله الله

و أنا معك في كل حرف يصرخ بالحق

رائع و لا غرو

[Tarek Elemary]

صديقى الجميل الشاعر طارق العمرى:emrose:
انا معاك ... مانيش مع حد؛ ضد حد؛
الله عليك لما تكون نفسك ؛ موش حد تانى ؛ اعظم موقف ياخده الحر ؛ ان يكون نفسه
لا فرد فى جوقه؛ ولا لابس قناع؛ ولا مخادع ؛ ولا ملاوع ؛ تلك حرية كامله
يفتقدها الكثير وبسببها ايضا قد نفقد الكثير ؟؟
عموما بدون مجاملة ؛ حالة رقى عظيمة ؛ فى اختيار الفكرة ؛ و المفردات ؛ و الموقف المعلن ؛ وان كان الحلم صغيرا
الا انه (شبه مستحيل) فى حالة تستحق التامل؟؟؟؟؟

صديقى الرائع روعة الشمس فى مارس، و الصافى صفاء السماء فى أبريل، الدافئ دفء النيل فى شتاء أسوان .... علاء قدرى
لست أدرى هل إستطعت التعبير عن فكرتى جيداً أم لا، و لكننى حاولت ...
فكرتى و منهج حياتى ببساطة ... لست منحازاً إلا للأساسيات و البديهيات و الحدود الدنيا من الحقوق للفرد فى هذا الوطن
حق ممارسة شعائر دينى ،التعليم، الغذاء، الكساء، العلاج، العدل، الآدمية، و حق التعبير عن الرأى؛ و لا يعنينى على يد من تأتينى مسلم أو مسيحى، يسارى أو يمينى، ليبرالى ديمقراطى أو ديكتاتورى المهم أن أنعم بتلك الحقوق و للأسف أصبحت هذه الحقوق ضرب من المحال
دمت شاعراً بى و ما يجول بمكنون نفسى و ما نكابده معاً و يعتصرنا ألماً و يقتلنا كمداً
طبت لى

[Tarek Elemary]

الله يفتح عليك و يبارك فيك .. اطلقت صرخة الأهـ الدفينة اللى فى صدور الكثيرين .. حيرة من اللى جارى اليوم .. و خوف من اللى جاى بكره .

أستاذنا الكبير محمد على (عاشق القناديل)
سعدت بتعطيرك صفحتى و سعدت أكثر أن تروقك كتابتى أدام الله عليك كرم العطاء بلا إنتهاء و رفع عنا و عنك كل صنوف البلاء
و ربنا يلطف بنا و بأولادنا و ببلدنا الجميل الذى بصدق قدره أكبر منا الآن فنحن لا نقدر قيمة وطن بحجم مصر و التركة أكبر من الورثة و الله المستعان
و دمت مصدراً للود و مبعثا للتفاؤل

[Tarek Elemary]

الناصر دويدار الدين
على أنغام أغنية ((قطعنى يا معلم)) التى لا أعرف كاتبها و لا ملحنها و لا مطربها بدأت تقطيعك يا معلم .... بس و لا يهمك
و الله مبدع حتى لو قعدت توصف ماتش كورة :crazy: لا يغيب عنك المرح و الشقاوة و الصراحة و هذا ما أجله فيك، إنسان صادق و واضح مع نفسه و لا يستطيع أن يكون سوى نفسه و لا يتنازل عن مبدئه لأنه بالنسبة له منهج و سلوك و حياة، فأنى للإنسان أن يتنازل عن هذا
أختلف معك كثيراً و لا أملك إلا أن أحبك أكثر متفقاً فى ذلك مع صديقى علاء قدرى إوعى تنفسن;)
أنا مع الحق آه ... مع الكادح البسيط آه .... مع العدل آه
لكن مش مع الوطنى ضد الإخوان و لا المسيحى ضد المسلم (مش مع الأيديولوجيات) و التصنيفات و التربيطات و التكتلات
هؤلاء من أقصدهم بالحد (و برضه هاقول مانيش مع حد)
بذمتك إنت مع حد فيهم .... إنت مكانك بجوارى فى النص مش مع حد
سلمت أيها الفارس فى عصرٍ عز فيه الفرسان و توعكت الفروسية و صمتت الخيول عن الصهيل

[Tarek Elemary]

عبرت عنها بصرف النظر عن الكسر فى بعض الحالات الا انك عبرت عن مكنون النفس المصريه أصدق تعبير

إمسك ..... مدام ناهد ناقدة!! ..... بس مقبولة منك يا وردة الأنس :o
تتمتعين يا سيدتى بلواقط عملاقة تجذب القلوب و المشاعر الصادقة
و تملكين خيوط التواصل مع كافة الثقافات و البيئات و المستويات
هل كنت تعملين فى السكة الحديد ... أم مصلحة البريد؟;)
شكراً على ثقتك فى شخصى المسكين
و أعتز بلقب ثائر الذى تغدقين علىَّ به و أدعو الله أن أكونه

[Tarek Elemary]

الله الله الله

و أنا معك في كل حرف يصرخ بالحق

رائع و لا غرو


أشكرك أيها الشاعر الرائع
الواعد المتواجد حيث ربى الدهشة و الإبداع
.
.
.
بس حسِّن خطك شوية:mdr:
قصدى كبَّره;)
:emrose:

[سعدالشرقاوى]

ياعم ان كان غيابك ها يعمل كده
خدلك اجازه يوم فى الشهر
الامر لله
وبمناسبة الشهر
صديقى الرائع روعة الشمس فى مارس، و الصافى صفاء السماء فى أبريل، الدافئ دفء النيل فى شتاء أسوان .... علاء قدرى
مين الرائع روعةالشمس فى مارس
علاء قدرى واللا حد تانى
ماتخلنيش اجمّع لك كل اللى انت كتبته فى شهر مارس بالزات
ويوم خمسة منه ماعلينا
كلنا معاك لامع 00ولاضدّ00
واخويا ناصر كمان بس مهاجم ماعندوش برّه00
يراوغ ويشوط يافى الخشب يافى السلب(اقصد العارضة والشبكة)
وفى كلاهما كل المدرجات بتقوم وبعدين تدخل فى دوّامة التحليل
المهم انها شوطة مهاجم تعلب تحرك الملعب كله
وطول ما توأمه فى راس الحربه(ابووعد)مش معاه وربنا كفاك
خد وهات واعتبرها عدّت سالمه
جميلة جدا يابو سالمى وما قصدته وصل
الله ينوّرعليك
وعلى احباب قلبى واساتذتى علاء قدرى وناصر دويدار

[Tarek Elemary]

ياعم ان كان غيابك ها يعمل كده

خدلك اجازه يوم فى الشهر
الامر لله
وبمناسبة الشهر
صديقى الرائع روعة الشمس فى مارس، و الصافى صفاء السماء فى أبريل، الدافئ دفء النيل فى شتاء أسوان .... علاء قدرى
مين الرائع روعةالشمس فى مارس
علاء قدرى واللا حد تانى
ماتخلنيش اجمّع لك كل اللى انت كتبته فى شهر مارس بالزات
ويوم خمسة منه ماعلينا
كلنا معاك لامع 00ولاضدّ00
واخويا ناصر كمان بس مهاجم ماعندوش برّه00
يراوغ ويشوط يافى الخشب يافى السلب(اقصد العارضة والشبكة)
وفى كلاهما كل المدرجات بتقوم وبعدين تدخل فى دوّامة التحليل
المهم انها شوطة مهاجم تعلب تحرك الملعب كله
وطول ما توأمه فى راس الحربه(ابووعد)مش معاه وربنا كفاك
خد وهات واعتبرها عدّت سالمه
جميلة جدا يابو سالمى وما قصدته وصل
الله ينوّرعليك

وعلى احباب قلبى واساتذتى علاء قدرى وناصر دويدار

عم سعد .... يا عم الشعرا كلهم
منبع الدهشة و مصدر المتعة و مثال الروعة و الشفافية و طيبة القلب (من الآخر موهوب بالفطرة)
أنت الذى يغيب و لا يغيب تأثيره و لكن نفتقد مداخلاتك فأعمالك دوماً نصب أعيننا ننهل من جمالها ما يحثنا على الإبداع