تسجيل الدخول

مشاهدة النسخة كاملة : دم الشهيد

Tarek Elemary
08/10/2009, 12h35
دم الشهيد


========


الشين شرف يا ولد و الْههْ هَوان الروح


و الياء - برغم الألم - يحرم عليك النوح


و الدال دموع الوطن تسقى النخيل و الدوح


طلْع النخيل للسما رافع هامَاته تِطُوْل


و قال إحنا من جَهْلِنا


بنقول عليك ... مجهول!!


***


رمضان بينده يا شهيد


ياللى روى دمك تُرابها و رمْلها


م الأربعين لما لشوارع بورسعيد


العيد دخل يا بطل


و الحلوة متزوقة و زاينها لبس جديد


مستنياك على أمل


تكتب كتابها بقى و تقيموا عرس سعيد


جالها الخبر و إنفجر


و العمر دا مواعيد


بالدم كتب الكتاب


إسمك شهاب بيقيد


***


حان الأجل يا بطل ...


يا إسم من بنور


يا اللى نويت الصوم بدون أمل فى سحور


و فطرت ساعة القضا حواليك بنات الحور


***


إنت زرعت الأمل


و اللى حصد إحنا


جسدك لقبرك نزل


غنينا و فرحنا


و رفعنا راسنا لفوق


و إنزاحت المحنة


على جثتك يا شهيد


يا رب سامحنا


***


سؤال برئ و إتسأل


و لا إتسأل فينا


لو يوم عرفت إننا


هانبيع ترابها بمال


علشان رجال أعمال


هل كنت تحمينا؟


و تجود بروحك فدا


علشان تراب سينا؟


و بقينا من صمتنا


إحنا حلال ليهم


و همَّ و بظلمهم


برضه حلال فينا
ناصر دويدار
08/10/2009, 13h38
الله على الفكرة الجميلة وتحية حب وتقدير وإجلال لكل شهداء الكرامة والعزة وفعلاً لولا الشهدا اللى عملوا جسمهم معدية ماكناش عدينا ولا عرفنا ولا قرينا ولا كسبنا ولاهما كسبوا واشتروا وباعوا فينا ده نص له معنى وفكرته وصلت بدون وساطة ودون الدخول فى فنيات العمل انا بهرتنى الفكرة وهزتنى وفكرتنى بالكفاح وشممتنى ريحة مصر سنة 73 الله ينور عليك وتحية حب لك والفاتحة على ارواح الشهداء فى مصر والعراق وفلسطين
علاء قدرى
08/10/2009, 17h29
دم الشهيد



========


الشين شرف يا ولد و الْههْ هَوان الروح


و الياء - برغم الألم - يحرم عليك النوح


و الدال دموع الوطن تسقى النخيل و الدوح


طلْع النخيل للسما رافع هامَاته تِطُوْل


و قال إحنا من جَهْلِنا


بنقول عليك ... مجهول!!


***


رمضان بينده يا شهيد


ياللى روى دمك تُرابها و رمْلها


م الأربعين لما لشوارع بورسعيد


العيد دخل يا بطل


و الحلوة متزوقة و زاينها لبس جديد


مستنياك على أمل


تكتب كتابها بقى و تقيموا عرس سعيد


جالها الخبر و إنفجر


و العمر دا مواعيد


بالدم كتب الكتاب


إسمك شهاب بيقيد


***


حان الأجل يا بطل ...


يا إسم من بنور


يا اللى نويت الصوم بدون أمل فى سحور


و فطرت ساعة القضا حواليك بنات الحور


***


إنت زرعت الأمل


و اللى حصد إحنا


جسدك لقبرك نزل


غنينا و فرحنا


و رفعنا راسنا لفوق


و إنزاحت المحنة


على جثتك يا شهيد


يا رب سامحنا


***


سؤال برئ و إتسأل


و لا إتسال فينا


لو يوم عرفت إننا


هانبيع ترابها بمال


علشان رجال أعمال


هل كنت تحمينا؟


و تجود بروحك فدا


علشان تراب سينا؟


و بقينا من صمتنا


إحنا حلال ليهم


و همَّ و بظلمهم



برضه حلال فينا

صديقى الشاعر الجميل طارق:emrose:
الله ينور عليك يا شاعر ؛ قصيدة فى وقتها ؛ موش بس عشان حرب 73 لا دى عشان كل حر شريف ؛ شايف الحرب مانتهتش؛ وانا شايف صورة الشهيد فى كل انسان عفيف؛ يناضل بشرف من اجل الحق؛ و الخير و الجمال ؛ والامثلة كتير لناس ماتت من غير حرب تقليدية ؛لكنها ماتت من اجل فكرة ؛ فين جمال حمدان ؟؟ قاتل من اجل النور و العلم و التاريخ؛ مات كما تموت العير؛ وحيدا ؛ تحاصره اعماله التى قاتل من اجلها ؛ ورفض يبيع كما باع الاخرون .
معلش انا شردت عن الموضوع الاساسى لكن برضه لسه فى حرب مع الفساد ؛ واللامبالاه؛ واللاانتماء؛ حرب مع الباطل ؛ ولسه فيه ناس بتموت و هم احياء من اجل الدفاع عن الحق .
كلامك طالع من القلب يا شاعر فلابد وان يستقر فى القلب ؛ طبت ؛ وطاب قلمك:emrose:
رائد عبد السلام
08/10/2009, 18h05
[QUOTE=Tarek Elemary;362051]


الشين شرف يا ولد و الْههْ هَوان الروح


و الياء - برغم الألم - يحرم عليك النوح


و الدال دموع الوطن تسقى النخيل و الدوح


طلْع النخيل للسما رافع هامَاته تِطُوْل


و قال إحنا من جَهْلِنا


بنقول عليك ... مجهول!!
**********

مع إن ده اللي النقاد بيسموه (حرفنة)
بس برضه الشعور فيها عالي والإحساس غامر
يمكن علشان اللي كتبها
قلبه أبيض وعدسته رايقة
بيعرف يشوف الحقيقة كويس

الله ينور ياطارق:emrose:
ياصاحبي
القمر الساهر
09/10/2009, 00h11
إهتز قلبى طربا لمقدمة القصيدة الرائعة والتى جاءت من اعماق التراث الأصيل شعرت بصوت الراوى فى الشوارع والمقاهى وأزقة بلاد الفلاحين وانغام الربابة وبيرم وجاهين والنخل الشامخ والأرض الطين والنيل من الصعيد للقاهرة وفروعة فى بحرى . ثم دخلت فى جو المعركة المخلوط بجو روحانى عندما حان الاجل والبطل صام فى الدنيا وفطر فى الجنة . ثم بكيت فرحا وحزنا لما رفعنا راسنا لفوق وانزاحت المحنة طبعا على جثة الشهيد . ثم المقطع الخامس من القصيدة سؤال فى الصميم بما يحمله من مفاجأة وجراة وقوة ووضوح ، سؤال غير معتاد يصدمنا يمكن نصحى ونفوق .الشاعر الجميل طارق العمري عجبنى جدا .. جدا.. طريقة العرض من البداية للنهاية انسياب وبساطة ودقة تاخد العقل وتثير المشاعر . الفكرة رائعة والعرض أكثر من رائع والكلمات والصور معبرة للغاية .
أشكرك كثيرا يا شاعر يا كبير .. يا نبض كل إنسان مصرى محترم .. أشكرك يا شاعر بمواجع الناس .. ويا شاعر بما حدث .. ويا شاعر بما يحدث .. أشكرك وأحييك وأحترمك يا شاعر يا كبير يا طارق العمري .
Tarek Elemary
10/10/2009, 01h16
الله على الفكرة الجميلة وتحية حب وتقدير وإجلال لكل شهداء الكرامة والعزة وفعلاً لولا الشهدا اللى عملوا جسمهم معدية ماكناش عدينا ولا عرفنا ولا قرينا ولا كسبنا ولاهما كسبوا واشتروا وباعوا فينا ده نص له معنى وفكرته وصلت بدون وساطة ودون الدخول فى فنيات العمل انا بهرتنى الفكرة وهزتنى وفكرتنى بالكفاح وشممتنى ريحة مصر سنة 73 الله ينور عليك وتحية حب لك والفاتحة على ارواح الشهداء فى مصر والعراق وفلسطين



بعد قراءة الفاتحة و ..... آمين
شكراً على قرون إستشعارك يا عنكبوت المنتدى يا اللى فردت خيوط الحب و الأشعار و صادتلك قلوب بتحب مالية الكون فى شرق و غرب، و تحياتى على الكرم الغير مستغرب يا ناصر الخير و عاشق الطير و يا ريت أشوفك قبل ما اعملك ..... مخالفة سير
Tarek Elemary
10/10/2009, 14h27
صديقى الشاعر الجميل طارق:emrose:
الله ينور عليك يا شاعر ؛ قصيدة فى وقتها ؛ موش بس عشان حرب 73 لا دى عشان كل حر شريف ؛ شايف الحرب مانتهتش؛ وانا شايف صورة الشهيد فى كل انسان عفيف؛ يناضل بشرف من اجل الحق؛ و الخير و الجمال ؛ والامثلة كتير لناس ماتت من غير حرب تقليدية ؛لكنها ماتت من اجل فكرة ؛ فين جمال حمدان ؟؟ قاتل من اجل النور و العلم و التاريخ؛ مات كما تموت العير؛ وحيدا ؛ تحاصره اعماله التى قاتل من اجلها ؛ ورفض يبيع كما باع الاخرون .
معلش انا شردت عن الموضوع الاساسى لكن برضه لسه فى حرب مع الفساد ؛ واللامبالاه؛ واللاانتماء؛ حرب مع الباطل ؛ ولسه فيه ناس بتموت و هم احياء من اجل الدفاع عن الحق .
كلامك طالع من القلب يا شاعر فلابد وان يستقر فى القلب ؛ طبت ؛ وطاب قلمك:emrose:


صديقى الجميل علاء قدرى (أبو كريم)
الموضوع يصيبنى بالقهر و المرارة عندما يجنى و يحصد الجبناء ثمن دماء الشرفاء و الأبطال الحقيقيين الذين يضن عليهم الجبناء حتى بذكر بطولاتهم و تخليد أمجادهم بفيلم وثائقى حتى لو تكلف مليار جنيه، فى الوقت الذى يكون إيراد الميسد كول فى السنة مليارات
عندما داست قدمى أرض سيناء شعرت بالخجل و الخزى فقدمى بالتأكيد تدوس مجرى دم الشهداء و أنا قادم بأسرتى لقضاء مصيف و أوقات سعيدة .... ناهيك عن الضياع التى توهب لكلاب السلطة و خدَّام السيادة و حرس الفراعين الجدد
كل واحد منه لله
و برضه هم حلال فينا
Tarek Elemary
11/10/2009, 09h15
**********

مع إن ده اللي النقاد بيسموه (حرفنة)
بس برضه الشعور فيها عالي والإحساس غامر
يمكن علشان اللي كتبها
قلبه أبيض وعدسته رايقة
بيعرف يشوف الحقيقة كويس

الله ينور ياطارق:emrose:

ياصاحبي


و مهما الدنيا تلهينا
و نمشيها خطى و مشاوير
و تشغلنا الدراسة كتير
و إنفلونزا للخنازير
يا رائد ليك مكان فى القلب
و رسايل شايلها الطير
بتترجى اللقا الموعود
و تدعيلك بكل الخير
Tarek Elemary
13/10/2009, 11h42
إهتز قلبى طربا لمقدمة القصيدة الرائعة والتى جاءت من اعماق التراث الأصيل شعرت بصوت الراوى فى الشوارع والمقاهى وأزقة بلاد الفلاحين وانغام الربابة وبيرم وجاهين والنخل الشامخ والأرض الطين والنيل من الصعيد للقاهرة وفروعة فى بحرى . ثم دخلت فى جو المعركة المخلوط بجو روحانى عندما حان الاجل والبطل صام فى الدنيا وفطر فى الجنة . ثم بكيت فرحا وحزنا لما رفعنا راسنا لفوق وانزاحت المحنة طبعا على جثة الشهيد . ثم المقطع الخامس من القصيدة سؤال فى الصميم بما يحمله من مفاجأة وجراة وقوة ووضوح ، سؤال غير معتاد يصدمنا يمكن نصحى ونفوق .الشاعر الجميل طارق العمري عجبنى جدا .. جدا.. طريقة العرض من البداية للنهاية انسياب وبساطة ودقة تاخد العقل وتثير المشاعر . الفكرة رائعة والعرض أكثر من رائع والكلمات والصور معبرة للغاية .
أشكرك كثيرا يا شاعر يا كبير .. يا نبض كل إنسان مصرى محترم .. أشكرك يا شاعر بمواجع الناس .. ويا شاعر بما حدث .. ويا شاعر بما يحدث .. أشكرك وأحييك وأحترمك يا شاعر يا كبير يا طارق العمري .

يا سيدى .... رفعت من قدرى الله يرفع شأنك بين عباده
عجز لسانى عن الرد على فيض كرمك و مديحك فى شخصى
علَّنى أستحق و أرجو أن أظل عند حسن ظنك
سعدالشرقاوى
14/10/2009, 08h16
حبيبى
ابوعمر
تحية وطنية
يعنى واقف انتباه من حديد
ايدى خلف خياطة البنطلون
رجلى على شكل سبعة
راسى عموديّة على جسمى
ناظر لغرض ثابت
هو طارق العمرى
باقول بقلبى دون تحريك لسانى
لانى أخاطب من يعى لغة القلوب
:emrose:
حان الأجل يا بطل ...



يا إسم من بنور



يا اللى نويت الصوم بدون أمل فى سحور



و فطرت ساعة القضا حواليك بنات الحور
:emrose:
أستأذنك لتستيفها على رفّ
العظمة بجوار أختها
(فى الجو ريحة موت)
للشاعر الاستاذ
كمال عبدالرحمن
Tarek Elemary
14/10/2009, 17h14
يا عم سعد .... يا أطيب قلب على رأى أنغام
فسر للعالم معنى الحب
إن لاموا و قالوا عليك طيب
خليك هنا من قلبى قرَيِّب
و كفاية تكون إنسان فى زمان
فيه طيبة القلب بتتعيِّب
============
أعتقد الأغنية تقصدك إنت يا عم سعد و معاك د أنس للأمانة
============
الشرف لى يا عم سعد إن صوتك يزيد كلامى شرف و يعليه قيمه و ينشره للناس اللى بيحبوك و دول لوحدهم كفاية
Tarek Elemary
02/11/2009, 15h44
حبيبى

ابوعمر
تحية وطنية
يعنى واقف انتباه من حديد
ايدى خلف خياطة البنطلون
رجلى على شكل سبعة
راسى عموديّة على جسمى
ناظر لغرض ثابت
هو طارق العمرى

:emrose:
أستأذنك لتستيفها على رفّ
العظمة بجوار أختها
(فى الجو ريحة موت)
للشاعر الاستاذ

كمال عبدالرحمن

الله يباركلك و يبارك فيك يا عم سعد يا كريم العنصرين
أيش جاب لجاب يا سيدنا
عمك كمال ده جبل كبير
و إحنا جنبه ربى صغيرة