يا مصر يا للى ...

[هانى حازم]

السلام عليكم ورحمة الله وبركاته

يبدو أن أ. الشاعر يوسف أبو سالم
قد أزاح حجرا من على بئر الخواطر
فأنساب البئر وفاض

وكان لعتاب عمنا حسن على أبناء مصر
اثره أيضا فتفجرت الابيات شلالا


يا مصر ياللى ...

يا مصر .. ياللى الهوى توبِك
والعشق نبضك والقلب محسوبك
وابن العرب فى البعد أبنك ومحبوبك
وأطعم م العسل نيلك ومشروبك
ونِعم الرب لو تتعد يبقى بعدد شوقك

يا مصر .. ياللى التاريخ كتب فيكِ السطور
والمجد لو كان لوح أسمك بالدهب محفور
وأحبابك وأولادك نجوم فى السما منثور
وبعدك ولو بالمتر خلت قلوبنا تفور
علاَكى ربى وذِكرك فى الكتاب منشور

حبك يا غالية ولو بالقَطر يرضينا
ونظرتك ولو عن بُعد ترضينا
ورِيحك نسايم للعليل هى اللى تشفينا
ننادى نلاقى جناحك فى الضلمة يحمينا
أنتى الاصالة ونورك شمس تهدينا

لو هان حب عبلة حبك عندنا ميهون
ولِيلك ولا ليلى وكلنا المجنون
ودلالك هو الدليل وكنت انا شمشون
وغلاوتك فى قلوبنا هو سرنا ألمكنون

[سمعجى]

إيه الحلاوة دى يا متر
أيوة كدا يا عم ، أدخل فى زمرة الشعراء
و براحتك .. مش حاكلمك عن الأوزان و لا دياولو
أحسن حسن كشك بيسمى بتوع الأوزان ( عفاريت )
و أى حاجة منك ( شهد ) ..
الظاهر السيرة الهلالية بدأت تعمل شُغل معاك
و أشكرك لأنك انت اللى شاورت لى عليها
مع حبى لأخى ..

[يوسف أبوسالم]

لو هان حب عبلة حبك عندنا ميهون
ولِيلك ولا ليلى وكلنا المجنون
ودلالك هو الدليل وكنت انا شمشون
وغلاوتك فى قلوبنا هو سرنا ألمكنون
__________________
يا هاني ياجميل

والله لو كنت أعرف لأكتب عشرين قصيدة
مش واحدة بس
أنتو كنتو متخبيين فين
ماطلعوا اللي عندكو
دي مصر تستاهل أكتر كمان وكمان
زي ما قال حسن
هيجيلك عفاريت الأوزان
ما تردش عليه
إحنا استمتعنا خالص وده المهم والأهم
وليلك ولا ليلى وكلنا المجنون
المقطع دة لوحده قصيدة
بكل شىء بالمعنى والوزن ورقة الكلام والصورة الشعرية
وأهم من دا كله إحساس اللي كاتبه
الإحساس اللي ورا المقطع يقفز مباشرة من الكلمات
وموسيقى المقطع
شكرا يا عزيزي ألف شكر
وتحياتي

[هانى حازم]

السلام عليكم ورحمة الله وبركاتة

الاديب أ. كمال ( سمعجى )

أشكر مجاملتك
وأحنا مش قد كده

وبعدين كلامك كله مقبول حتى ولو كان نقدى

والشهد لو كان ليه لسان
كان هيقول كماااال

على فكرة دة مش كلامى انا لوحدى
دة كلام كل النحل اللى فى خلية سماعى

[محمد العايدي]

السلام عليكم ورحمة الله وبركاته


يبدو أن أ. الشاعر يوسف أبو سالم
قد أزاح حجرا من على بئر الخواطر
فأنساب البئر وفاض

وكان لعتاب عمنا حسن على أبناء مصر
اثره أيضا فتفجرت الابيات شلالا


يا مصر ياللى ...

يا مصر .. ياللى الهوى توبِك
والعشق نبضك والقلب محسوبك
وابن العرب فى البعد أبنك ومحبوبك
وأطعم م العسل نيلك ومشروبك
ونِعم الرب لو تتعد يبقى بعدد شوقك

يا مصر .. ياللى التاريخ كتب فيكِ السطور
والمجد لو كان لوح أسمك بالدهب محفور
وأحبابك وأولادك نجوم فى السما منثور
وبعدك ولو بالمتر خلت قلوبنا تفور
علاَكى ربى وذِكرك فى الكتاب منشور

حبك يا غالية ولو بالقَطر يرضينا
ونظرتك ولو عن بُعد ترضينا
ورِيحك نسايم للعليل هى اللى تشفينا
ننادى نلاقى جناحك فى الضلمة يحمينا
أنتى الاصالة ونورك شمس تهدينا

لو هان حب عبلة حبك عندنا ميهون
ولِيلك ولا ليلى وكلنا المجنون
ودلالك هو الدليل وكنت انا شمشون

وغلاوتك فى قلوبنا هو سرنا ألمكنون



والله الى قصيدة ممتازة وتستحق تتبيت
مع تحياتي وحترماتي الى كل مبداع

[ملحن مصري]

السلام عليكم
والله ياعم حازم ماعنديش أي تعليق غير إني أقولك إن كلامك وأنا بقرأه حسيت بحب البلد وتفاؤل ومش عارف سببه إيه
وياريت نتكلم علي الخاص لأني حاسس إننا ممكن نتعاون ونسمّع مصر كلامك ...
إنت بكلماتك وأنا علي عودي

[على عبداللاه]

الله عليكم بجد الله عليكم