المساعد الشخصي الرقمي

مشاهدة النسخة كاملة : حملة نظافة

سعدالشرقاوى
01/10/2009, 17h32
(حملة نظافة)

علشان أمسك طرف الخيط
مش ها تسنـّد يوم ع الحيط
وعمرى ما وافق أبقى عبيط
ولا ها تبان على صدرى رياله
,,,,,,,
علشان بلدى وغالية وأمّى
علشان خيرها موسّع كمّى
ودايما عيبها بيحرق دمّى
وعند الشدّه تبان رجّاله
,,,,,,,,
و عالمها بايع متجوّل
وخبيرها عاطل متسوّل
ميادينها خايف تتحوّل
لمقالب مليانه زباله
,,,,,,,,
ولا يتحمّل صبرى وجلدى
وأعظم ناس فى الكون من بلدى
ولاها أقبل لضنايه وولدى
مثله الأعلى يكون شيكا باله
,,,,,,,,
سلوكيّات شيء مش معقول
عايشه معانا خلاص على طول
ونرمي بلانا على المسؤول
لنشر غسيلنا على الحمّاله
,,,,,,,,
كنـّا نشوفك حلوه وزينه
وبكره يكون أجمل فى عنينه
ولمسة سحر ف كلّ مدينه
ومهره وعشقوها الخيّاله
,,,,,,,,
لجمالك والرّيحه الحلوه
ودلالك وحلاوة الغنوه
ياعروسه وطلعت فى الجلوه
بعيونها السّوده القتـّاله
,,,,,,,,
ياخساره والكلّ أذيكى
وبيرمى غيامه على عنيكى
دخان وتراب بيخليكى
مخفيّة في عزّ القيّاله
,,,,,,,

حضارتنا وتاريخ أيّامنا
مع نيلنا وحرس أهرامنا
ومبادئ وأدب إسلامنا
ونظافة الإيد الشـّغـاّله

,,,,,,,,
كلمتنا من غير أغراض
وزمانها مليان أمراض
والصحّه بتحتاج أعراض
تبان في ضمير العمّاله
,,,,,,,
عشان النظافة من الإيمان
والبيئة تعبت م الإنسان
صرخ كيانى بكل لسان
حبّة نظافة يارجّاله
,,,,,,,
NAHID 76
01/10/2009, 20h22
بسم الله الرحمن الرحيم
خالى الفاضل سعد الشرقاوى
أولا أسم الله على قلم حضرتك أنت فين من زمان وحشتنا التوته وأخبارها
ثانيا
طبعا بعد العيد منظر البلد حرك فيك الساكن وتحدثت عن جمالها وحلاوتها وما ينبغى لنا أن نفعله تجاه الوطن الغالى ليظل محتفظنا برونقه وريحته وجماله
وده فعلا أحساس عالى بالوطن وما نحب أن يكون عليه
عبرت عن جمال بلدنا أروع تعبير شفته فى المقطع المكتوب باللون الأزرق
رائع هذا المطع جدا وينفع أن يغنى أو يكون مطلع أغنيه جميله
أما عن حضور قريحتك وكلامك أحسدك عليها
دائما وأبدا يا خال امسك القلم وأكتب
تحياتى
عادل فؤاد رفاعى
01/10/2009, 20h51
الله ينور على الشعر العامى الرائع والذى يعبر عن الحالة السيئة والظروف المريرة التى يمر بها الشعب المصرى بس ياترى العيب من مين؟؟؟

و عالمها بايع متجوّل
وخبيرها عاطل متسوّل
ميادينها خايف تتحوّل
لمقالب مليانه زباله

طول عمر مصر التفوق فيها تفوق أشخاص بس حتى تفوق الاشخاص مبقاش موجود دلوقتى

عشان النظافة من الأيمان
والبيئة تعبت م الانسان
صرخ كيانى بكل لسان
حبّة نظافة يارجّاله

فالإسلام دين النظافة: قال رسولنا الكريم صلى الله عليه وسلم : " نظفوا أفنيتكم ولا تشبهوا باليهود"

شوف اليهود فين واحنا فين

ومبادىء الاسلام اصبحنا نتبعها فى المظهرواللبس والشكل

لكن لا يوجد أفعال

تحياتى
:emrose::emrose:
abuzahda
02/10/2009, 02h22
عمنا الشاعر الباصر الخابر
:emrose:سعد الشرقاوي:emrose:

و الله يا عمي سعد:emrose: ، كإنك بتقرا الطالع

مش هقولك الكلام العادي ، علشان انت مش شاعر عادي

الكلام العادي ، إن إحدى وظائف الشعر : إستشراف المستقبل

إنما عندما يكون الكلام بخصوص عمنا سعد الشرقاوي ، و القصيدة دي بالتحديد:emrose:

يبقى الموضوع له علاقة بقراءة الطالع (و النازل كمان)

ليه؟ لإن ، و الله أعلم ، حملة النظافة على وشك البدء
القمر الساهر
02/10/2009, 03h11
الأستاذ سعد الشرقاوي تحية لك الله على الموضوع الحيوي والمهم والكلمات البسيطة والمعبرة والمؤثرة والإيقاعات الساحرة .بلدنا تستاهل كتير قوى .أشكرك الف مرة .
البياتي
02/10/2009, 03h55
الشاعر الأصيل ابن البلد سعد الشرقاوى
كل مل تكتبه شعر هادف باسلوب بسيط وسهل وجميل يدخل القلب
الف شكر لك من قلبى ولكل من يكتب كلمه هادفه لها رساله هنا فى هذا المنتدى الجميل
سعدالشرقاوى
02/10/2009, 09h16
بسم الله الرحمن الرحيم
خالى الفاضل سعد الشرقاوى
أولا أسم الله على قلم حضرتك أنت فين من زمان وحشتنا التوته وأخبارها
ثانيا
طبعا بعد العيد منظر البلد حرك فيك الساكن وتحدثت عن جمالها وحلاوتها وما ينبغى لنا أن نفعله تجاه الوطن الغالى ليظل محتفظنا برونقه وريحته وجماله
وده فعلا أحساس عالى بالوطن وما نحب أن يكون عليه
عبرت عن جمال بلدنا أروع تعبير شفته فى المقطع المكتوب باللون الأزرق
رائع هذا المطع جدا وينفع أن يغنى أو يكون مطلع أغنيه جميله
أما عن حضور قريحتك وكلامك أحسدك عليها
دائما وأبدا يا خال امسك القلم وأكتب
تحياتى

الله ينور عليكى ياماما ناهد ياست الكل
ماتعرفيش قد ايه بنحب البلد وبنغير عليها
وعشان كده أى سلبيّة بتوجعنا
ربنا مايحرمنيش من نظرتك ومشاركتك الجميله اللى دايما
باغلف بيها موضوعاتى المتواضعه
ويارب نشوف مصر فى مكانها الطبيعى
اجمل بلاد العالم
سعدالشرقاوى
02/10/2009, 09h22
الله ينور على الشعر العامى الرائع والذى يعبر عن الحالة السيئة والظروف المريرة التى يمر بها الشعب المصرى بس ياترى العيب من مين؟؟؟

و عالمها بايع متجوّل
وخبيرها عاطل متسوّل
ميادينها خايف تتحوّل
لمقالب مليانه زباله

طول عمر مصر التفوق فيها تفوق أشخاص بس حتى تفوق الاشخاص مبقاش موجود دلوقتى

عشان النظافة من الأيمان
والبيئة تعبت م الانسان
صرخ كيانى بكل لسان
حبّة نظافة يارجّاله

فالإسلام دين النظافة: قال رسولنا الكريم صلى الله عليه وسلم : " نظفوا أفنيتكم ولا تشبهوا باليهود"

شوف اليهود فين واحنا فين

ومبادىء الاسلام اصبحنا نتبعها فى المظهرواللبس والشكل

لكن لا يوجد أفعال

تحياتى
:emrose::emrose:


ياحبيبى ياحبيب عبدالوهاب
وحبيب كل اهل سماعى
لو سالتنى العيب من مين؟
لازم اقول لحضرتك ان النظافه
هى من المسئوليات المشتركة
ولو ان هناك حملة لابد ان تشارك فيها
جميع المؤسسات والمسئولية الكبرى
على ذوى الاقلام
حتى لانرى التفوق فقط على المستوى الشخصى
وزى ماقلت حضرتك
وياريته موجود بالصورة المطلوبة
سعدالشرقاوى
02/10/2009, 09h32
عمنا الشاعر الباصر الخابر

:emrose:سعد الشرقاوي:emrose:

و الله يا عمي سعد:emrose: ، كإنك بتقرا الطالع

مش هقولك الكلام العادي ، علشان انت مش شاعر عادي

الكلام العادي ، إن إحدى وظائف الشعر : إستشراف المستقبل

إنما عندما يكون الكلام بخصوص عمنا سعد الشرقاوي ، و القصيدة دي بالتحديد:emrose:

يبقى الموضوع له علاقة بقراءة الطالع (و النازل كمان)


ليه؟ لإن ، و الله أعلم ، حملة النظافة على وشك البدء

حبيب الروع
المبدع
الاستاذ/سيد ابوزهده
بالمناسبة فى اخر رمضان رايت وعد فى الحلم
وضحكنا ولعبنا وقرانا حكاية اسمها (الحمامه الايه00)
مش فاكر فى كتاب لونه وردى غلافه بخط صغير
ماقريتهوش واستوعبت القصة جيدا وابحث عنها
واملى ان شاء الله ان اجدها بالنص 0
وبمرور سيادتكم على صفحتنا احدثتم بها اجمل حملة نظافه
وقد تزينت بكم
وربنا مايحرمناش من افكارك العظيمة
د أنس البن
02/10/2009, 16h30
حبيبنا ابن الريف سعد الشرقاوى
قصيده فى وقتها فعلا زى ما قال أخونا فى الله إبن البلد أبو وعد صاحب الكلمات اللى جواها كلمات ,
ما علينا ..... إنت فتحت موضوع مهم واستطعت بمهاره تغطيه من كافة جوانبه وأركانه ,
النهارده وانا رايح اصلى الجمعه سمعت حوالى ثلاثة ميكرفونات لثلاثه من خطباء المساجد للأسف بيقولوا كلام ما أنزل الله به من سلطان , اللى بيتكلم غلى انفلونزا الخنازير على إنها انتقام من ربنا منا وغضب علينا لسوء أعمالنا , واللى يقول .. أى والله .. ربنا أمر الفيروس يدخل جسم الخنزير .. وأمره يخرج منه علشان يعدى الإنسان .. ثم أمره يخرج من الإنسان علشان يعدى إنسان آخر .....
دا اللى قدرت القطه بودانى . حتى شيخ المسجد اللى كنت فيه تناول نفس الموضوع بنفس السذاجه والسطحيه
ما علينا ... قلت لنفسى والله لو كان الواحد منهم بس يتكلم فى النظافه وأنها الدين ومعنى النظافه ظاهرا وباطنا أى النظافه الحسيه والنظافه المعنويه (على فكره هنا كلام كتير قوى قوى وغالى .. لكن مش وقته) ... كان كفايه قوى الواحد منهم بعد المقدمه وحمد الله والصلاة والسلام على رسول الله يتلو آيه من القرآن وحديث لسيد ولد آدم .. ثم يقرأ القصيده بتاعتك , وبعدها التائب من الذنب والدعاء وأقم الصلاه .... لو عمل كده أعتقد إنه سيكون قد كفى ووفى وأفاد وأقام مقاصد الشرع
بارك الله فيك يا حاج سعد:emrose:
د أنس البن
02/10/2009, 16h31
حبيبنا ابن الريف سعد الشرقاوى
قصيده فى وقتها فعلا زى ما قال أخونا فى الله إبن البلد أبو وعد صاحب الكلمات اللى جواها كلمات ,
ما علينا ..... إنت فتحت موضوع مهم واستطعت بمهاره تغطيه من كافة جوانبه وأركانه ,
النهارده وانا رايح اصلى الجمعه سمعت حوالى ثلاثة ميكرفونات لثلاثه من خطباء المساجد للأسف بيقولوا كلام ما أنزل الله به من سلطان , اللى بيتكلم على انفلونزا الخنازير على إنها انتقام من ربنا منا وغضب علينا لسوء أعمالنا , واللى يقول .. أى والله .. ربنا أمر الفيروس يدخل جسم الخنزير .. وأمره يخرج منه علشان يعدى الإنسان .. ثم أمره يخرج من الإنسان علشان يعدى إنسان آخر .....
دا اللى قدرت القطه بودانى . حتى شيخ المسجد اللى كنت فيه تناول نفس الموضوع بنفس السذاجه والسطحيه
ما علينا ... قلت لنفسى والله لو كان الواحد منهم بس يتكلم فى النظافه وأنها الدين ومعنى النظافه ظاهرا وباطنا أى النظافه الحسيه والنظافه المعنويه (على فكره هنا كلام كتير قوى قوى وغالى .. لكن مش وقته) ... كان كفايه قوى الواحد منهم بعد المقدمه وحمد الله والصلاة والسلام على رسول الله يتلو آيه من القرآن وحديث لسيد ولد آدم .. ثم يقرأ القصيده بتاعتك , وبعدها التائب من الذنب والدعاء وأقم الصلاه .... لو عمل كده أعتقد إنه سيكون قد كفى ووفى وأفاد وأقام مقاصد الشرع
بارك الله فيك يا حاج سعد:emrose:
سعدالشرقاوى
03/10/2009, 12h17
الشاعر الأصيل ابن البلد سعد الشرقاوى
كل مل تكتبه شعر هادف باسلوب بسيط وسهل وجميل يدخل القلب
الف شكر لك من قلبى ولكل من يكتب كلمه هادفه لها رساله هنا فى هذا المنتدى الجميل


الاستاذ/البياتى
مصرى اصيل
غيور على وطنه
يرسل غيرته من ايطاليا عبر هذا الملتقى
جزاكم الله كل الخير
سعدالشرقاوى
03/10/2009, 12h20
الأستاذ سعد الشرقاوي تحية لك الله على الموضوع الحيوي والمهم والكلمات البسيطة والمعبرة والمؤثرة والإيقاعات الساحرة .بلدنا تستاهل كتير قوى .أشكرك الف مرة .


استاذنا الفاضل
القمر الساهر
منور فى سماء المملكة
حياك الله
وحفظك من كل سوء
وجمّل لك الدنياولاتنسونا من دعائكم فى البقاع الطاهرة
سعدالشرقاوى
03/10/2009, 12h28
حبيبنا ابن الريف سعد الشرقاوى

قصيده فى وقتها فعلا زى ما قال أخونا فى الله إبن البلد أبو وعد صاحب الكلمات اللى جواها كلمات ,
ما علينا ..... إنت فتحت موضوع مهم واستطعت بمهاره تغطيه من كافة جوانبه وأركانه ,
النهارده وانا رايح اصلى الجمعه سمعت حوالى ثلاثة ميكرفونات لثلاثه من خطباء المساجد للأسف بيقولوا كلام ما أنزل الله به من سلطان , اللى بيتكلم على انفلونزا الخنازير على إنها انتقام من ربنا منا وغضب علينا لسوء أعمالنا , واللى يقول .. أى والله .. ربنا أمر الفيروس يدخل جسم الخنزير .. وأمره يخرج منه علشان يعدى الإنسان .. ثم أمره يخرج من الإنسان علشان يعدى إنسان آخر .....
دا اللى قدرت القطه بودانى . حتى شيخ المسجد اللى كنت فيه تناول نفس الموضوع بنفس السذاجه والسطحيه
ما علينا ... قلت لنفسى والله لو كان الواحد منهم بس يتكلم فى النظافه وأنها الدين ومعنى النظافه ظاهرا وباطنا أى النظافه الحسيه والنظافه المعنويه (على فكره هنا كلام كتير قوى قوى وغالى .. لكن مش وقته) ... كان كفايه قوى الواحد منهم بعد المقدمه وحمد الله والصلاة والسلام على رسول الله يتلو آيه من القرآن وحديث لسيد ولد آدم .. ثم يقرأ القصيده بتاعتك , وبعدها التائب من الذنب والدعاء وأقم الصلاه .... لو عمل كده أعتقد إنه سيكون قد كفى ووفى وأفاد وأقام مقاصد الشرع
بارك الله فيك يا حاج سعد:emrose:

والدنا الفاضل
أستاذنا ومعلمنا
الدكتور/انس
أسأل ربى أن ينير لك مسالك الايام
وأن يزين لك الحياه
لتظل قمرا تتلألأ فى سماء سماعى
فما أجمل نور البصر مع البصيرة
دمتم بلسما شافيا للجراح
وقدوة طيبة فى العلم والمعرفة
Tarek Elemary
03/10/2009, 13h56
شرقاوى و الكلمة مهاودة بين إيديك
و اللحن والشعر بحروفه بتناديك شبيك
لُبَيْك يا سعد بكم واسع ... شِيكْ
آه يا جدع ...
يا عيون بتضرب بالودع
و بتقرا طالع مصرنا و تهِزِّنا ...
بالسوط على قلب الوَجَعْ
و بنتوَجَعْ ... و بنَتْفَجَعْ
و بنلاقيك صوتنا الحبيس
عمَّال توشوش فى الضمير
و نشوف بعينك هَمِّنا
و الرؤيا مش زى السَمَعْ
سُبحانه من خَلَقْ البِدَعْ
سوَّاك و أبدع
يا .... جدع

شكراً على التحفة دى يا عم سعد
عادل فؤاد رفاعى
03/10/2009, 14h36
حبيبنا ابن الريف سعد الشرقاوى



قصيده فى وقتها فعلا زى ما قال أخونا فى الله إبن البلد أبو وعد صاحب الكلمات اللى جواها كلمات ,
ما علينا ..... إنت فتحت موضوع مهم واستطعت بمهاره تغطيه من كافة جوانبه وأركانه ,
النهارده وانا رايح اصلى الجمعه سمعت حوالى ثلاثة ميكرفونات لثلاثه من خطباء المساجد للأسف بيقولوا كلام ما أنزل الله به من سلطان , اللى بيتكلم على انفلونزا الخنازير على إنها انتقام من ربنا منا وغضب علينا لسوء أعمالنا , واللى يقول .. أى والله .. ربنا أمر الفيروس يدخل جسم الخنزير .. وأمره يخرج منه علشان يعدى الإنسان .. ثم أمره يخرج من الإنسان علشان يعدى إنسان آخر .....
دا اللى قدرت القطه بودانى . حتى شيخ المسجد اللى كنت فيه تناول نفس الموضوع بنفس السذاجه والسطحيه
ما علينا ... قلت لنفسى والله لو كان الواحد منهم بس يتكلم فى النظافه وأنها الدين ومعنى النظافه ظاهرا وباطنا أى النظافه الحسيه والنظافه المعنويه (على فكره هنا كلام كتير قوى قوى وغالى .. لكن مش وقته) ... كان كفايه قوى الواحد منهم بعد المقدمه وحمد الله والصلاة والسلام على رسول الله يتلو آيه من القرآن وحديث لسيد ولد آدم .. ثم يقرأ القصيده بتاعتك , وبعدها التائب من الذنب والدعاء وأقم الصلاه .... لو عمل كده أعتقد إنه سيكون قد كفى ووفى وأفاد وأقام مقاصد الشرع
بارك الله فيك يا حاج سعد:emrose:



تصدق بالله يا دكتور أنس انا سمعت قبل كدا فى قناة فضائية دينية و مدعية للسلفية وملأت البيوت للأسف و متنطعة فى الدين..الشيخ طالع فيها بيقول أن زيادة الأسعار وانفلونزا الخنازير والأمراض والبطالة ترجع إلى إننا لا نتبع أوامر الله حيث النساء لا تلبس النقاب والرجال لا تطلق اللحية ..بالذمة فى جهل أكثر من كدا.. ..بس تعمل إيه فى أمة ضحت من جهلها الامم
د أنس البن
03/10/2009, 17h01
الصديق حبيب عبد الوهاب ...
ما هم دول اللى ابتلينا بهم فى هذا الزمان العجيب , يطلعوا لك من كل ناحيه بفتاواهم العجيبه وتصنيفاتهم للناس حسب علمهم الى كفره ومؤمنين وكأن معهم مفاتيح الجنه والنار ومطلعين على القلوب والبواطن , وأوتوا مفاتيح العلوم حتى علوم الأكابر , اللى الواحد ممكن تمر عليه سنين فى عباره حتى ينجلى معناها وحقيقتها , ومش سايبنا فى حالنا حتى هنا فى بيتنا الغالى علينا سماعى , ربنا يعافيهم ولا يبتلينا ويصرفهم عنا غير مأجورين ....
ابوعلى الشرقاوى
03/10/2009, 17h23
شقيقى العزيز وحبيبى الغالى الشيخ / سعد الشرقاوى :hi:
بدايةً احب ان اعبر لك عن مدى سعادتى وسرورى باشعارك الجميلة وكلماتك الرائعة وتعبيراتك المتميزة والتى تعكس لنا دائماً حسك المرهف وقلبك الطيب وروحك الجميلة وده اللى اتعودنا عليه دائماً فى جميع اشعارك . فـ الى الامام دائماً ومن نجاح الى نجاح . وارجوا المعزرة لقلة مشاركاتى وذلك لظروفى عملى وفقك الله لما يحبه ويرضاه . تحيــــــــــــــــــــــاتى لك :emrose::emrose:
اخيك . ابوعلى الشرقاوى
المملكة العربية السعودية
جـــــــــــــــــــــــــــــــده :emrose:
علاء قدرى
03/10/2009, 19h41
عمنا الشاعر الحبيب سعد الشرقاوى :emrose:
دى خامس مرة اكتب رد على الموضوع وما تظهرش موش عارف بسبب النت عندى و لا عطل فنى فى المنتدى ؟
عموما موضوعك ده اخطر موضوع كتبت فية؛ لان اجدادناشيدوا قمم من الاهرمات ؛ وبنوعصرنا شيدوااهرامات من القمامة ؟؟؟ اذا الموضوع موضوع حضارة ؛ وعلم ؛ وفن ؛ وثقافة ؛ واخلاق؛ نعم للاسف ؛ هم صنعوا مجدا ؛ ونحن خلفنا عارا يراه الجميع ولا يتحرك ساكنا ؛ هى سلسلة من التردى تشد حلقاتها بعضها البعض ؛ سؤ اخلاق ؛ مع بعض نفاق ؛ مع حب للردئ ؛ مع حب للانا ؛ تخلق فوضى خلابة ؛ وجبال من القمامة ؛ وانوف لا تشم ؛ وعيون اعتادت مشاهدة القبح ؛ اين قسم المصرى القديم الا يلوث ماء النهر....حينما تلوث العقول يلوث بالتبعية السلوك؛ واخطر ما فى الموضوع ان ما نراه اصبح سلوكا جمعيا ؟؟؟يحتاج لمجهود جبار لازالة القمامة من العقول قبل الشوارع .
الله ينور عليك يا عم سعد ؛ وعلى جيل المثقفين الذين يرصدون افات المجتمع ؛ لعل هناك بعض اذان واعية
وذكر فان الذكرى تنفع المؤمنين
abuzahda
03/10/2009, 20h27
تصدق بالله يا دكتور أنس انا سمعت قبل كدا في قناة فضائية دينية و مدعية السلفية وملأت البيوت للأسف و متنطعة فى الدين..الشيخ طالع فيها بيقول أن زيادة الأسعار وانفلونزا الخنازير والأمراض والبطالة ترجع إلى أننا لا نتبع أوامر الله حيث النساء لا تلبس النقاب والرجال لا تطلق اللحية ..بالذمة فيه جهل أكثر من كدا.. ..بس تعمل إيه فى أمة ضحكت من جهلها الامم




تصدق - انت - بالله ، يا أخ :emrose:حبيب عبد الوهاب:emrose: ؟!
إنت حيّرتني (من مشاركتين يحملان توقيعك الكريم ، فقط)

فوجدتك هنا (http://www.sama3y.net/forum/showthread.php?p=359797#post359797) تصوّت لجهة علمانيّة المنتدى ، بكلمتي : عين العقل (!!)

و رغم ذلك قلت في نفسي : ده رأيه و هو حر فيه ،

فوفرت على نفسي عمل ما أقوم به الآن : الرد على مشاركتك


لكن ، السؤال الآن : ماذا تفعل هنا ؟ (راجع مشاركتك)

،

نحن هنا ملتفون حول واحدة من روائع شاعر مصري واضح المواقف ، يطيب لنا مخاطبته :

:emrose:عمّنا سعد الشرقاوي:emrose: ،

لأنه ، كما قلت لك : راجل صاحب موقف

* * *

أرجو منك أخي حبيب عبد الوهاب ، أن تتقبل تعبيري عن حيرتي كتقبلك الورد(بنفس الحب الذي به كتبت إليك)

و زيادةً في المحبة ، أدعوك إلى المكوث هنا (http://www.sama3y.net/forum/showthread.php?t=67883) قليلاً



أخوك سيّد
سعدالشرقاوى
03/10/2009, 20h29
شرقاوى و الكلمة مهاودة بين إيديك

و اللحن والشعر بحروفه بتناديك شبيك
لُبَيْك يا سعد بكم واسع ... شِيكْ
آه يا جدع ...
يا عيون بتضرب بالودع
و بتقرا طالع مصرنا و تهِزِّنا ...
بالسوط على قلب الوَجَعْ
و بنتوَجَعْ ... و بنَتْفَجَعْ
و بنلاقيك صوتنا الحبيس
عمَّال توشوش فى الضمير
و نشوف بعينك هَمِّنا
و الرؤيا مش زى السَمَعْ
سُبحانه من خَلَقْ البِدَعْ
سوَّاك و أبدع
يا .... جدع

شكراً على التحفة دى يا عم سعد

الى من علمنى كيف اكتب
استاذى/طارق العمرى
وان كنت عاتب عليك متمنيا ان يكون غيابك عنا
فى خير ان شاء الله
فلا ذنب لى ان كانت فى القلب سكناكم
ولاجرم لى حينما اسعد بلقياكم
أجزلتم لنا العطاء واظننا لانستحق
لكنه كرم الاخلاق وماتعودنا غير ذلك
سعدالشرقاوى
03/10/2009, 21h12
شقيقى العزيز وحبيبى الغالى الشيخ / سعد الشرقاوى :hi:
بدايةً احب ان اعبر لك عن مدى سعادتى وسرورى باشعارك الجميلة وكلماتك الرائعة وتعبيراتك المتميزة والتى تعكس لنا دائماً حسك المرهف وقلبك الطيب وروحك الجميلة وده اللى اتعودنا عليه دائماً فى جميع اشعارك . فـ الى الامام دائماً ومن نجاح الى نجاح . وارجوا المعزرة لقلة مشاركاتى وذلك لظروفى عملى وفقك الله لما يحبه ويرضاه . تحيــــــــــــــــــــــاتى لك :emrose::emrose:
اخيك . ابوعلى الشرقاوى
المملكة العربية السعودية
جـــــــــــــــــــــــــــــــده :emrose:
الاخ الشقيق الحنون
ابو على
لاتتخيل قدر سعادتى ان الامس اصابعكم فى صفحتى
فهذا على الدوام منيتى
ومجمع رجائى وغايتى
اعانك الله ورفع قدرك وسدد خطاك
والى ان اراك سالما غانما
استودعك الله
سعدالشرقاوى
03/10/2009, 22h20
عمنا الشاعر الحبيب سعد الشرقاوى :emrose:
دى خامس مرة اكتب رد على الموضوع وما تظهرش موش عارف بسبب النت عندى و لا عطل فنى فى المنتدى ؟
عموما موضوعك ده اخطر موضوع كتبت فية؛ لان اجدادناشيدوا قمم من الاهرمات ؛ وبنوعصرنا شيدوااهرامات من القمامة ؟؟؟ اذا الموضوع موضوع حضارة ؛ وعلم ؛ وفن ؛ وثقافة ؛ واخلاق؛ نعم للاسف ؛ هم صنعوا مجدا ؛ ونحن خلفنا عارا يراه الجميع ولا يتحرك ساكنا ؛ هى سلسلة من التردى تشد حلقاتها بعضها البعض ؛ سؤ اخلاق ؛ مع بعض نفاق ؛ مع حب للردئ ؛ مع حب للانا ؛ تخلق فوضى خلابة ؛ وجبال من القمامة ؛ وانوف لا تشم ؛ وعيون اعتادت مشاهدة القبح ؛ اين قسم المصرى القديم الا يلوث ماء النهر....حينما تلوث العقول يلوث بالتبعية السلوك؛ واخطر ما فى الموضوع ان ما نراه اصبح سلوكا جمعيا ؟؟؟يحتاج لمجهود جبار لازالة القمامة من العقول قبل الشوارع .
الله ينور عليك يا عم سعد ؛ وعلى جيل المثقفين الذين يرصدون افات المجتمع ؛ لعل هناك بعض اذان واعية
وذكر فان الذكرى تنفع المؤمنين
حبيبى الغالى
أبوكريم
الاستاذ/علاء قدرى
يبدو أن من أقسم على ان لايلوث ماء النهر
كان غير مسئول عن عبث احفاده
وعلى الرغم من ذلك اوتى خيرا اكتظ منه رحم الارض
وقد سبق أن بحّت الحناجر عند البدء
فى المشروع القومى لمحو الامية
بالمطالبة أولا بمحو أمية المتعلمين
فليس على الاعمى حرج
ولا نملك الا ان ندعو الله أن يعيننا على السير فى طريق
الاشواك وان يقينا شر الغامها
نوّر الله بصائركم وبصيرتكم
ولاسلطان لنا
الا بما نهيتم وقوله تعالى
0(وذكر فان الذكرى تنفع المؤمنين)
عادل فؤاد رفاعى
04/10/2009, 00h19
تصدق - انت - بالله ، يا أخ حبيب عبد الوهاب ؟!




















إنت حيّرتني (من مشاركتين يحملان توقيعك الكريم ، فقط)

فوجدتك هنا (http://www.sama3y.net/forum/showthread.php?p=359797#post359797) تصوّت لجهة علمانيّة المنتدى ، بكلمتي : عين العقل (!!)

و رغم ذلك قلت في نفسي : ده رأيه و هو حر فيه ،

فوفرت على نفسي عمل ما أقوم به الآن : الرد على مشاركتك


لكن ، السؤال الآن : ماذا تفعل هنا ؟ (راجع مشاركتك)

،

نحن هنا ملتفون حول واحدة من روائع شاعر مصري واضح المواقف ، يطيب لنا مخاطبته :

عمّنا سعد الشرقاوي ،

لأنه ، كما قلت لك : راجل صاحب موقف

* * *

أرجو منك أخي حبيب عبد الوهاب ، أن تتقبل تعبيري عن حيرتي كتقبلك الورد(بنفس الحب الذي به كتبت إليك)

و زيادةً في المحبة ، أدعوك إلى المكوث هنا (http://www.sama3y.net/forum/showthread.php?t=67883) قليلاً




أخوك سيّد



العزيز والأخ الكريم سيد ابو زهدة...أنا كنت أصوت لليبرالية

المنتدى وليس علمانيته.. نبذة عنى.. أنا مسلم ليبرالى و أكره

ايدولوجيتين..الايدولوجية الصهيونية والأيدولوجيات التكفيرية

والتى لا تقبل الآخر أو حتى المتزمتة لأن نوعية المتزمتين

المتنطعين لو جاءت فى هذا المنتدى هيحرموا الغناء وهيكفرونا

وهيطلعونا من الملة عشان دا منتدى أغانى.. ..(أنا حبيت افهمك بس

طريقة تفكيرى).. ..وبالنسبة لردى اللى حضرتك إقتبسته كان

تعليق على ما كتبه دكتور أنس ليس إلا...المشاركة الأصلية لى

فى هذا الموضوع كانت هنا (http://www.sama3y.net/forum/showpost.php?p=360421&postcount=3) ..بس التعليق على شعر ساخر

ويعبر عن الحالة الصعبة التى يمر بها الشعب المصرى كمثل الذى

كتبه أستاذ سعد الشرقاوى كان لابد من كتابة تعليق

كامل يعبر عن رأيى وأبين له إنى انا قرأت شعره

وحسيته وإستخدام بعض الكلمات الدينية فى تعليقى هذا

شىء لابد منه..
..
.. أما بالنسبة للموضوع

اللى حضرتك نصحتنى إنى أنا اقرأه هحاول أفهمه لاحسن الكلام

فيه صعب قوى :mdr: ...تحياتى لك وتحياتى الى أرق قلب أستاذ سعد الشرقاوى

آه قبل ما انسى

والموضوع إياه اللى اتحذف كان رائع وأنا حملت كتبه كلها لأنى

أعشق الصوفية المعتدلة فهى طريقة جميلة للتعبد إلى الله لكن هذا

ليس مكانه فى المنتدى فهذا سوف يشغلنا عن الهدف الأساسى

للمنتدى وهو الموسيقى والغناء والإبتهالات

والإنشادات الجميلة أو التراتيل الكنسية ..وعموما سيتم نقله إلى منتدى اصوات من السماء كما
قال العزيز الأستاذ عادل السيد

طلب منك أستاذ ابو زهدة. إفتح الخاص عشان الكلام دا كنت
عاوز اكتبهولك ع الخاص بس إنت قافله.. عشان لو جت ظروف

وحبيبت ابعتلك رسالة فى المستقبل.:cool:وكنت أتمنى أن ترسل

تعليقك هذا والذى أقدره ع الخاص فى صورة رسالة ..حيث فى المواضيع الجدلية

أفضل الكلام فيها عن طريق الرسائل الخاصة




أخوك: عادل فؤاد
وتحياتى للجميع

:emrose:
سعدالشرقاوى
04/10/2009, 06h47
اساتذتى الكرام
الوالد/ الدكتور انس
الاستاذ/سيد ابو زهده
الاستاذ/عادل فؤاد
لكم جميعا تحية السلام والاسلام
كتبت فى هذا الملتقى قصيدة بعنوان(حاجة تجنن)
اناقش بها أحد السلبيات ووجوب التفهم للمبادئ
أرجو مراجعتها فتناولتها جماعة رأو فيها محاربتهم
وعرضوا ملفها الصوتى على مايلقبونه( بالزعيم)
الذى أصدر فتواه على الفور باباحة دمّ سعدالشرقاوى
وجاء لى أحدهم وكأنه يحمل لى أمانة اخبارى بذلك
وهنا ادركت مستريحا أن رسالتى وصلت وتحققت
من اننى أقتحم سلبية موجودة بالفعل فحمدت الله
ان ساق لى مايدفعنى الى الامام
أكتفى00
abuzahda
05/10/2009, 02h41
العزيز والأخ الكريم سيد ابو زهدة...أنا كنت أصوت لليبرالية



المنتدى وليس علمانيته.. نبذة عنى.. أنا مسلم ليبرالى و أكره

أيدولوجيتين..الأيدولوجية الصهيونية والأيدولوجيات التكفيرية

والتى لا تقبل الآخر أو حتى المتزمتة لأن نوعية المتزمتين

المتنطعين لو جاءت إلى هذا المنتدى هيحرَّموا الغناء وهيكفرونا

وهيطلعونا من الملة عشان دا منتدى أغانى.. ..(أنا حبيت افهمك بس

طريقة تفكيرى).. ..وبالنسبة لردى اللى حضرتك إقتبسته كان

تعليق على ما كتبه دكتور أنس ليس إلا...المشاركة الأصلية لى

فى هذا الموضوع كانت هنا (http://www.sama3y.net/forum/showpost.php?p=360421&postcount=3) ..بس التعليق على شعر ساخر

ويعبر عن الحالة الصعبة التى يمر بها الشعب المصرى كمثل الذى

كتبه أستاذ سعد الشرقاوى كان لابد من كتابة تعليق

كامل يعبر عن رأيى وأبين له إنى انا قرأت شعره

وحسيته وإستخدام بعض الكلمات الدينية فى تعليقى هذا

شىء لابد منه..
..
.. أما بالنسبة للموضوع

اللى حضرتك نصحتنى إنى أنا اقرأه هحاول أفهمه لاحسن الكلام

فيه صعب قوى ...تحياتى لك وتحياتى الى أرق قلب أستاذ سعد الشرقاوى

آه قبل ما انسى

والموضوع إياه اللى اتحذف كان رائع وأنا حملت كتبه كلها لأنى

أعشق الصوفية المعتدلة فهى طريقة جميلة للتعبد إلى الله لكن هذا

ليس مكانه فى المنتدى فهذا سوف يشغلنا عن الهدف الأساسى

للمنتدى وهو الموسيقى والغناء والإبتهالات

والإنشادات الجميلة أو التراتيل الكنسية ..وعموما سيتم نقله إلى منتدى اصوات من السماء كما
قال العزيز الأستاذ عادل السيد

طلب منك أستاذ ابو زهدة. إفتح الخاص عشان الكلام دا كنت
عاوز اكتبهولك ع الخاص بس إنت قافله.. عشان لو جت ظروف

وحبيبت ابعتلك رسالة فى المستقبل.وكنت أتمنى أن ترسل

تعليقك هذا والذى أقدره ع الخاص فى صورة رسالة ..حيث فى المواضيع الجدلية

أفضل الكلام فيها عن طريق الرسائل الخاصة




أخوك: عادل فؤاد
وتحياتى للجميع





إيه يا عم عادل فؤاد:emrose: ؟!

إنت غاوي حيرة يا جدع انت ؟

إنت اللي قافل الخاص ، مش انا

و بعدين إيه دخل الأستاذ عادل السيد:emrose: بالموضوع ؟

أنا كنت شايف فيك ميزتين : واحدة إنك حبيب عبد الوهاب ، و ده بيفكرني بحبيبي ياسين:emrose: باعتباره مؤسس الخلية الوهابية هنا

و التانية إنك سكندري ، و ده بيفكرني بـ (مش هقولك عليه)

إنما ردك( اللي حيّرك تعديلات !) بيّن لي مميزات لا حصر لها ، لكن ممكن اختصرها في جملة مفيدة:

إنت راجل محترم

الظاهر إن اللي عندهم الميزتين الأولانيين ، بالضرورة لازم يكونوا محترمين .

و لو انت متأكد إن الأستاذ عادل السيّد ، هوَّ اللي ولـَّعها كده ، و هو اللي ناوي ينقل الكتب على منتدى أصوات من السماء قوله :
" و لا تزروا وازرة وزر أخرى " . صدق الله العظيم

و كما أوْصَى عمّنا عبده الدمرداش : شِيل الصدف عن الجواهر ، أحسن تتلِف الصنعة

(و لاّ اقولك ، ماتقلـُّوش حاجة ... سيبه براحته)

و السلام خِتام



سامحني يا عم سعد:emrose:
ما هي (حاجة تجنن) بجد
على عبداللاه
05/10/2009, 04h13
انا حقيقى مبسوط انى معاكم
كل يوم عن يوم بيبان ليا انتو قد ايه شعراء محترمين
ربنا يخليكم جميعا
وكل عام وإنتم بخير
:emrose:
سعدالشرقاوى
05/10/2009, 08h36
انا حقيقى مبسوط انى معاكم

كل يوم عن يوم بيبان ليا انتو قد ايه شعراء محترمين
ربنا يخليكم جميعا
وكل عام وإنتم بخير

:emrose:

الاخ الاستاذ
على عبداللاه
انت اللى كل يوم بتحلو
وبصراحة لازم تضع انت عنوان
لهذا العناد
لانه يحتمل عناوين كتيره
الى الامام دائما يابو علوه
عادل فؤاد رفاعى
05/10/2009, 12h03
إيه يا عم عادل فؤاد ؟!

إنت غاوي حيرة يا جدع انت ؟

إنت اللي قافل الخاص ، مش انا

و بعدين إيه دخل الأستاذ عادل السيد بالموضوع ؟

أنا كنت شايف فيك ميزتين : واحدة إنك حبيب عبد الوهاب ، و ده بيفكرني بحبيبي ياسين:emrose: باعتباره مؤسس الخلية الوهابية هنا

و التانية إنك سكندري ، و ده بيفكرني بـ (مش هقولك عليه)

إنما ردك( اللي حيّرك تعديلات !) بيّن لي مميزات لا حصر لها ، لكن ممكن اختصرها في جملة مفيدة:

إنت راجل محترم

الظاهر إن اللي عندهم الميزتين الأولانيين ، بالضرورة لازم يكونوا محترمين .

و لو انت متأكد إن الأستاذ عادل السيّد ، هوَّ اللي ولـَّعها كده ، و هو اللي ناوي ينقل الكتب على منتدى أصوات من السماء قوله :
" و لا تزروا وازرة وزر أخرى " . صدق الله العظيم

و كما أوْصَى عمّنا عبده الدمرداش : شِيل الصدف عن الجواهر ، أحسن تتلِف الصنعة

(و لاّ اقولك ، ماتقلـُّوش حاجة ... سيبه براحته)

و السلام خِتام



سامحني يا عم سعد
ما هي (حاجة تجنن) بجد


حيرنى تعديلات :mdr:....التعديلات دى بسبب أخطاء فى بعض

الحروف ..ولما خدت بالى عدلت المشاركة وصلحتها..نك حبيب

عبد الوهاب أخترته لحبى فى موسيقار الأجيال ذى عاشق عبد

الوهاب كدا يعنى..محمد عبد الوهاب التانى ملناش دعوة به :mdr:
سعدالشرقاوى
05/10/2009, 23h23
سامحني يا عم سعد
ما هي (حاجة تجنن) بجد

استاذى العزيز
سيدابوزهده
قصيدة حاجه تجنن
هنا فى الملفات الصوتيه
المرفقة
فى التوقيع اسفل المشاركة
عادل فؤاد رفاعى
06/10/2009, 01h34
ها هو الرابط المباشر لقصيدة حاجة تجنن

أضغط هنا (http://www.sama3y.net/forum/showpost.php?p=349845&postcount=10)

الله ينور عليك يا شاعرنا..
سعدالشرقاوى
06/10/2009, 11h44
ها هو الرابط المباشر لقصيدة حاجة تجنن


أضغط هنا (http://www.sama3y.net/forum/showpost.php?p=349845&postcount=10)


الله ينور عليك يا شاعرنا..

ياحبيب قلبى
ياحبيب الكل
ياحبيب عبد الوهاب
كل الحكاية
هىّ بس غاليه عليّه شويّه
لانها سمّعتنى هذا الحكم
وكنت هاموت قبل ما اسمع
حكم الاعدام
ام مدحت
14/10/2009, 06h56
عمنا الشاعر الباصر الخابر

:emrose:سعد الشرقاوي:emrose:

و الله يا عمي سعد:emrose: ، كإنك بتقرا الطالع

مش هقولك الكلام العادي ، علشان انت مش شاعر عادي

الكلام العادي ، إن إحدى وظائف الشعر : إستشراف المستقبل

إنما عندما يكون الكلام بخصوص عمنا سعد الشرقاوي ، و القصيدة دي بالتحديد:emrose:

يبقى الموضوع له علاقة بقراءة الطالع (و النازل كمان)


ليه؟ لإن ، و الله أعلم ، حملة النظافة على وشك البدء

الاديب الفيلسوف
الشاعر الاستاذ
سيدابوزهده
عندك حق كانت قراءة طالع
ولكن الطالع تحول الى بعبع مدارس
وملأ بالرعب قلوب اولياء الامور
ولم تعد الاعصاب تتحمل مثل هذه الامور
فياليتنا نعالج المحن بأقل حدّة
عافانا الله واياكم من كل مكروه
سعدالشرقاوى
25/10/2009, 16h28
http://up1.arb-up.com/files/arb-up-2009-9/1qx66494.jpg

1000مبروك لإســــلام (http://www.sama3y.net/forum/showthread.php?t=74000)


زفة إســـلام (http://www.sama3y.net/forum/showthread.php?t=74067)
فريد شوقى
03/11/2009, 00h38
استاذى سعد اشرقاوى
مهما قلت اقول ايه بعد اكتر من الفين مشاركه
الله ينور ونفسى اشرب معاك كوباية شاى تحت التوته
:emrose::emrose::emrose: