الناس بتحلم

[Tarek Elemary]

الناس بِتحلم بيك يا حلم فى كل راس


يا أمل من غير أساس


يا وهم من تأثير حجر


بالفحم دَخَّن أو بكاس


الناس بِتِحلم بالكسل مش بالحماس


متوَكِّلين مُتَواكلين


ساندين دماغهم ع السراب


و اللوم لسان حالهم و بَسْ


و مش شاغلهم فى الحياة


غير مين سرق و مين نَهب؟


وده أصله كان فلاح بفاس


و كان ... زمان،


و الزمان مالهوش أمان


و الناس معادن،


ناس دهب و ناس نحاس


الناس جُثَثْ مافيهاش دِماغ


نِفسها بس ف رغيف منِ القديم أبو خمسة ساغ


و قرص طعمية، محَمَّر خَدُّه من زيت القلية


يقرمشوه مع زِرْ قَتَّة، و يِقْفلوا بفَحْل البصل


و همَّا ينسوا الِّلى حصل


و يرجعوا يناموا بهَنَا ساندين دِماغهم ع الكسل


و هوه أيه اللى حصل؟


ناس راكبة فوق قلب البلد؟


من قبل حتى ما نِتْوَلَد؟


فين الجديد؟


طول عمرنا ضيوف فى البلد


عُمَّال بنزرع فيها و بنقلع و بَرضه بنِتْجَلَد


من قبل ما نُحْفُر قناتها و نيلها لما للأبد


و يابخته بس اللى إتوَعَد


اللى باع أهله و ناسه و باع ضميره و باع ضَنَاه


و إبتدى يصاحب هواه


و خَدْلُه كورْسْ فنون نداله، وضم نفسه للجُناه


و لسه برضه الناس بتحلم


رغم جوع و مرض ما يرْحَم


لسه برضه الناس بتحْلَم


بس حلم بدون عمل راح يبقى برضه مافيش أمل


اللى يحلم حلم يبقى يمِدْ إيدُه لحلمه مَدْ


يشتغل يتعب بِجَدْ


تِبتِسِم ليه الليالى و الجبل يِتْهَّدْ هَدْ


و اللى ما عَنْدُوش أمل


و إيدين تعافِرْ لاجل ما تحَقَقْ أمَلْها

يِبْقَى ماله أى حاضر أى غَدْ

[د أنس البن]

طب بس نحلم يا صديقى .. أيتها حلم ..
المشكله إن احنا مش عارفين
ولا قادرين
ولا فاهمين
إيه هو معنى الحلم
بلاش ... روح كده واسأل وشوف
فيه حد من حضراتكوا يا ساده حلم ؟؟
فيه أى حد عنده حلم ؟؟
فى الحال ح تسمع من يقول لك أينعم
بحلم بكيت وكيت وكيت
وغيره توا راح يقول لك
باحلم بأبصر إيه ومدرك إيه
وكلها أوهام
أصنام
تماثيل كلام
فى الراس
مافيهاش أى روح
ولا حياه
تخلينا نقول إنها أحلام
يا ريت نحلم .. يا ريت نحلم .. يا ريت نحلم

[NAHID 76]

بسم الله الرحمن الرحيم
الثائر الشاعر أستاذ طارق العمرى
التعليق على الناس بتحلم ذو شقين
الشق الأول على كلماتك المعبره الثائره التى تخرج من صدرك بلا رتوش
قويه ومعبره وكلماتك ذات أبعاد وأبعاد تحياتى لك عليها
الشق الثانى على أنضمامى لما قلت أنت
ده الناس مش حتى من حقها تحلم
ولاهى فاضيه تحلم
وحلمها كله كابوس كبير طويل من المذله والمهانه والخنوع
يا ريت نعمل أى حاجه
لكن هييييه

[امييره]

الناس بِتحلم بيك يا حلم فى كل راس




يا أمل من غير أساس


يا وهم من تأثير حجر


بالفحم دَخَّن أو بكاس


الناس بِتِحلم بالكسل مش بالحماس


متوَكِّلين مُتَواكلين


ساندين دماغهم ع السراب


و اللوم لسان حالهم و بَسْ


و مش شاغلهم فى الحياة


غير مين سرق و مين نَهب؟


وده أصله كان فلاح بفاس


و كان ... زمان،


و الزمان مالهوش أمان


و الناس معادن،


ناس دهب و ناس نحاس


الناس جُثَثْ مافيهاش دِماغ


نِفسها بس ف رغيف منِ القديم أبو خمسة ساغ


و قرص طعمية، محَمَّر خَدُّه من زيت القلية


يقرمشوه مع زِرْ قَتَّة، و يِقْفلوا بفَحْل البصل


و همَّا ينسوا الِّلى حصل


و يرجعوا يناموا بهَنَا ساندين دِماغهم ع الكسل


و هوه أيه اللى حصل؟


ناس راكبة فوق قلب البلد؟


من قبل حتى ما نِتْوَلَد؟


فين الجديد؟


طول عمرنا ضيوف فى البلد


عُمَّال بنزرع فيها و بنقلع و بَرضه بنِتْجَلَد


من قبل ما نُحْفُر قناتها و نيلها لما للأبد


و يابخته بس اللى إتوَعَد


اللى باع أهله و ناسه و باع ضميره و باع ضَنَاه


و إبتدى يصاحب هواه


و خَدْلُه كورْسْ فنون نداله، وضم نفسه للجُناه


و لسه برضه الناس بتحلم


رغم جوع و مرض ما يرْحَم


لسه برضه الناس بتحْلَم


بس حلم بدون عمل راح يبقى برضه مافيش أمل


اللى يحلم حلم يبقى يمِدْ إيدُه لحلمه مَدْ


يشتغل يتعب بِجَدْ


تِبتِسِم ليه الليالى و الجبل يِتْهَّدْ هَدْ


و اللى ما عَنْدُوش أمل


و إيدين تعافِرْ لاجل ما تحَقَقْ أمَلْها


يِبْقَى ماله أى حاضر أى غَدْ


كعادتكم فى كتابه الاشعار المتميزه حضرتك طرحت فكر متميز فى جنبات موضوعك الجديد " الناس بتحلم "
كلمات كالعاده متميزه جدا لحضرتك صادقه جدا واقعيه الى حد بعيد
وان كنت واسمحلى حضرتك اختلف مع حضرتك واسمحولى ومع ووالدنا الاب الحانى الرائع د / انس والام الجميله الودوده م / ناهد ان ماكتب يشمل نغمه يأس من واقع مرير لكن الحلم يظل لابد الابدين بدايه لواقع باذن الله جميل قد يطول الحلم وقد يصبح كابوس لفتره لكن ومنذ بدء الخليقه والى يومنا هذا فقد بدا كل واقع عظيم بمجرد حلم يسخر منه البعض ويثبطه الاخرين لكن ياتى اليوم ليتحول من مجرد حلم هزيل الى واقع قوى ملموس مهما طال الانتظار لتحقيق الحلم
وكل التحيه لشخصكم الكريم وكتاباتكم الرائعه

[القمر الساهر]

الأستاذ طارق العمري أولا تحياتي اليك وبعدين القصيدة موضوعها مؤثر وحقيقي وفيها قدر كبير من الصدق وكمان الصور الموجودة معبرة جدا . أنا تأثرت بها كثيرا ولكن هكذا نحن ومش عارفين العيب فين ،فينا ولا فى الحلم ،ولا فى علاقتنا بالحلم .
أخى طارق اسمح لى وبعد إذنك لقد استوقفتنى كلمة توكل فانت ساويت بينها وبين كلمة تواكل وطبعا انت استاذ وعارف ان شتان بينهما فالتوكل فيه أخذ بالأسباب لتحقيق الحلم والتواكل هو الكسل وعدم الأخذ بالأسباب ونحن طبعا لا نأخذ بالأسباب .
معذرة أخى فهذه كلمة واحدة ولكن القصيدة مليئة كما قلت بالصور المعبرة والكلمات المؤثرة .

[علاء قدرى]

الناس بِتحلم بيك يا حلم فى كل راس



يا أمل من غير أساس


يا وهم من تأثير حجر


بالفحم دَخَّن أو بكاس


الناس بِتِحلم بالكسل مش بالحماس


متوَكِّلين مُتَواكلين


ساندين دماغهم ع السراب


و اللوم لسان حالهم و بَسْ


و مش شاغلهم فى الحياة


غير مين سرق و مين نَهب؟


وده أصله كان فلاح بفاس


و كان ... زمان،


و الزمان مالهوش أمان


و الناس معادن،


ناس دهب و ناس نحاس


الناس جُثَثْ مافيهاش دِماغ


نِفسها بس ف رغيف منِ القديم أبو خمسة ساغ


و قرص طعمية، محَمَّر خَدُّه من زيت القلية


يقرمشوه مع زِرْ قَتَّة، و يِقْفلوا بفَحْل البصل


و همَّا ينسوا الِّلى حصل


و يرجعوا يناموا بهَنَا ساندين دِماغهم ع الكسل


و هوه أيه اللى حصل؟


ناس راكبة فوق قلب البلد؟


من قبل حتى ما نِتْوَلَد؟


فين الجديد؟


طول عمرنا ضيوف فى البلد


عُمَّال بنزرع فيها و بنقلع و بَرضه بنِتْجَلَد


من قبل ما نُحْفُر قناتها و نيلها لما للأبد


و يابخته بس اللى إتوَعَد


اللى باع أهله و ناسه و باع ضميره و باع ضَنَاه


و إبتدى يصاحب هواه


و خَدْلُه كورْسْ فنون نداله، وضم نفسه للجُناه


و لسه برضه الناس بتحلم


رغم جوع و مرض ما يرْحَم


لسه برضه الناس بتحْلَم


بس حلم بدون عمل راح يبقى برضه مافيش أمل


اللى يحلم حلم يبقى يمِدْ إيدُه لحلمه مَدْ


يشتغل يتعب بِجَدْ


تِبتِسِم ليه الليالى و الجبل يِتْهَّدْ هَدْ


و اللى ما عَنْدُوش أمل


و إيدين تعافِرْ لاجل ما تحَقَقْ أمَلْها


يِبْقَى ماله أى حاضر أى غَدْ

صديقى العزيز الشاعر طارق:emrose:
نعم غبت قليلا لكنك عدت الينا محملا بقصيدة رائعة من اجل ما كتبت ؛ الفكرة ؛ عمق الاحساس بالفكرة ؛ واسلوب جديد
احساس عالى ؛ و تصوير قريب من كل انسان ؛ ارى فيه الاحباط و الامل ككفة ميزان متعادلين ؛ احباط من يرى الاحلام البسيطة (رغيف عيش ؛ قرص طعميه؛ فحل بصل ) لكنه يراها صعبة المنال فى ظل عالم اخر اصبح اكثر افتراسا لاحلامه ؛ و قمع لاماله؛ حيث يبدو ان لا سبيل للحصول على طعام فاخر بالطائرة من باريس الا بسحق احلام الفقير ؛ ومصادرة قرص الطعمية ؛ وفرض الضريبة على فحل البصل ؟؟؟ ومحاولة سرقة اعضاؤة ؛ فاصبح الحلم قاصرا على مجرد الحياة دون حلم؟؟؟؟؟ ؛ لكن رغبة الشاعر عندك ان لا يموت الحلم هى رغبة الشرفاء ؛ وامل الشعراء فى ان يصبح الواقع اجمل و اقل حده مما هو عليه ؛ صدقتى يا صديقى لو ان هناك عدلا مقام؛ وكرامة تصان؛ لاصبحنا
لاصبحنا سادة الامم ؛ لكنه ميراث ثقيل ؛ افرز ما تراه ؛ وحسبى الله نعم الوكيل .

[د أنس البن]

أخى طارق اسمح لى وبعد إذنك لقد استوقفتنى كلمة توكل فانت ساويت بينها وبين كلمة تواكل وطبعا انت استاذ وعارف ان شتان بينهما فالتوكل فيه أخذ بالأسباب لتحقيق الحلم والتواكل هو الكسل وعدم الأخذ بالأسباب ونحن طبعا لا نأخذ بالأسباب ..

الصديق القمر الساهر , كلامك صحيح لكن لو راجعت كلام طارق لوجدته كاتب النوعين فى نفس واحد هكذا : "متوكلين متواكلين" وهنا كما لايخفى عليكم كلام محذوف لكنه يفهم من السيلق , أى متوكلين ... صورة وشكلا وظاهرا , متواكلين .... حقيقة وموضعا وباطنا , فهم متواكلين يدعون التوكل .... وبالمناسبه فاكر حكاية الرجل الذى كان منقطعا للعبادة فى المسجد ورآه عمر بن الخطاب وسأل الناس من يطعم هذا ؟ قالوا له أخوه .. فقال لهم أخوه أعبد منه وضربه بدرته الشهيره .... دائما ما تحكى هذه الحكايه للدلالة على فضل العمل والسعى وأنه عباده بل مقدم على العباده .... وهو معنى طيب وجليل ..... لكن ما غفل عنه الناس أن رد عمر بن الخطاب كان مبنيا على ما قاله الناس , لكن لو كانوا أجابوا ردا على سؤاله من يطعمه أو من أين يأكل ( أيا كانت صيغة السؤال) لو أجابوه يطعمه الله أو هو متوكل على الله , أتصور أن سيدنا عمر سيتركه ويمضى إلى سبيله , فهناك فرق بين من يتوكل على الغير حقا وحقيقة وبين من يتوكل على الله حقا وحقيقة , وإن تساويا فى الصورة الظاهره ..........

[رائد عبد السلام]

اللى يحلم حلم يبقى يمِدْ إيدُه لحلمه مَدْ


يشتغل يتعب بِجَدْ


تِبتِسِم ليه الليالى و الجبل يِتْهَّدْ هَدْ


و اللى ما عَنْدُوش أمل


و إيدين تعافِرْ لاجل ما تحَقَقْ أمَلْها


يِبْقَى ماله أى حاضر أى غَدْ

************************************************** *



صــــــــــــــــــــــح
يا أبو عمر:emrose:
ياجميل

******
الحلم عامل زي حتة قطن مشبوكة في شوك
لازم تخلّصها بعقلك
الإيدين ... ما يسعفوك

الحلم واعر زي سكان الجبال
أبيض وهايش زي فكرة في الخيال
الحلم طيف مسحور ... ومن كـُـتر الجمال
لازم تطير ويّاه .. وتفتح له الإيدين

يمكن يحن عليك ويرمي لك سلام

خلص الكلام
:emrose:

الله ينور ياطارق ياصاحبي

[ناصر دويدار]

إيه يا عم طارق أنت طالع من رمضان سخن على الناس ليه مش كفاية رمضان والعيد والمدارس وأنفلوانزا الخنازير وكاس العالم للشباب واللى زاد وغطى الأستعداد لماتش زامبيا القادم مش تخف ع الناس شوية وتساعدهم على الحلم المجانى صحيح زى ما قولت فى ناس فاسدة وناس عايزة تاكلها والعة وناس كالتها والعة وناس مش ناس وناس ولاد أرندلى بس فى ناس الظرف التاريخى خلاهم زى ما انت كتبت عنهم كده وخليهم هما يعملوا اللى عايزينه وأحنا حنشتمهم ونبهدلهم ونفرج عليهم الناس فى شعرنا ويا أحنا يا هما لكن برضه ما تنساش الحلم مهم حتى للفاسدين والنص ده انا بعتبره الواحد وعشرين طلقة اللى بعد العيد وفينك يا راجــل عايزين نشوفك قريب ......
وكل سنة وأنت بتـحــلـــم ياروقة يا رايق

[Tarek Elemary]

الدكتور أنس ... فصل الخطاب و آسر اللباب و علاج الإكتئاب
هو ما قلت يا سيدى ... الناس حلمهم أصبح فالصو، حلم بدون أبجديات و لا خطة و لا طرف خيط لتحقيق الحلم و لا عزم و لا عزيمة و لا صبر ... الناس بتحلم آه ... بس بمكسب يأتى فجأة من أى مصدر ... جائزة، ميراث يهبط عليهم فجأة خلَّفه أحد الأقرباء المتوفى فى البرازيل التى هاجر إليها قبل الميلاد، و الأصعب من ينفق ماله و وقته و ما يملك على التنقيب عن الآثار بمعاونة الجن ..... تخيل ده بيحصل من مثقفين و رداً على صديقنا القمر الساهر و تعقيباً على رد حضرتك عليه هو أخذ بالأسباب .. و أنفق مالاً و إستعان بخبراء و بذل جهداً و لكن كمن يحرث فى البحر أو كمن خطط و دبر و عمل جاهداً على أن يسرق بنك ... بالذمة ده توكل محمود.
الرائعة مدام ناهد ... تحياتى و كل عام و أنت بخير و ربنا يحققلك كل أحلامك الجميلة
و أشاركك الرأى الحلم أصبح له شروط ما بقاش متاح لكل الناس حتى اللى بيحلم ما بقاش بيحلم صح ... حاجة تبكى من كتر الهم
صديقى الجميل القمر الساهر شكراً لمرورك
رد عليك الرائع دكتور أنس و أنا زدت بعض الأمثلة عاليه فى الرد على سيادته و لا غضاضة نهائياً فى أن تقول رأيك المحترم فى كل الأحوال سواء إتفقنا أم لم نتفق حوله لكن الأكيد أنه محل تقدير و إحترام مثل صاحبه تماماً
الأميرة أميرة
معك كل الحق فى حرية الناس فى الحلم .... لكن هل نحلم الحلم القابل للتحقيق أم الحلم المستحيل؟، و حتى لو حلمنا بالمستحيل؛ هل يكفى فقط أن نحلم و لا نخطو خطوة واحدة نحو تحقيق هذا الحلم؟ .... نعم الشعور بالسعادة لمجرد انك تحلم جميل، و أحلام اليقظة رائعة و الشعور خلالها مريح، و لكن أن تفيق على الواقع المرير شئ يذهب بجمال الحلم و يجعلك تكفر بواقعك الجاثم على صدرك كالكابوس.
لست ضد الحلم فأنا أكبر الحالمين و لكننى ضد أن يكون الحلم غاية و هدف فى حد ذاته، فهو عندى وسيلة لبناء غدٍ يرضينا.
الصديق الصدوق الخلوق النبيل علاء قدرى
لا شكر على شكرك لى فأنت كمن يمدح فى نفسه هاهنا، الإحباط مرده لأن الناس تكتفى بمجرد الحلم كما أسلفت ثم تنتظر القوى الخفية لتحقق لها حلمها، اللهو الخفى سيزيح الطغاة و يرد الجناة و يقيم العدل و يطبق القانون و يحفظ الحقوق و يعالج المرضى و يرفض الذل نيابةً عنَّا و يعترض على الممارسات اللاإنسانية و اللاأخلاقية و اللادينية و اللاقانونية التى تمارس ضدنا فى شتى البلاد العربية من حاكمينا قبل مستعمرينا و غاصبى حقوقنا (هذا مسمى يجمعهم فى كيانٍ واحد، غاصبى حقوق الشعب العربى) و نحن ليس علينا سوى الحلم و نتكئ على أريكة الكسل و نتوسد الخمول و نعبق الجو بالدخان الأزرق و نرتمى فى حضن الموج الأزرق حتى نغرق نغرق نغرق ثم نحلن أن نتنفس تحت الماء
الحلم عاوز عزم أكيد
و إيد بتضرب من حديد
وأمل نآمن بيه بجد ..... يضمنا
و فى الليل يقيد
صديقى اللى مالوش حل رائد
و الله صاحب
و ساعة الجد تتصاحب
و عقل كبير و قلب حرير
يدير الدفة و القارب

[Tarek Elemary]

ناصر دويدار ... حبيبى الغالى
من بعد الأشواق، و كلامى المشتاق، المتأثر ببعاد و فراق
الحلم يا صاحبى - زى ما احنا متفقين -
============
قوت الغلابة و الأمل شباك منوَّر ظلمة البدروم كمان،
بس حلم بدون إيدين يبقى أكتع
حلم عاجز حتى عن إنه يعرَّف نفسه للناس و النهار،
حلم أفضل منه حتى الإنتحار
إحلموا ياولاد ببكرة
بس ما تنسوش تخطوا خطوة واحدة لحلمكم
و الطريق أبو ألف ميل يبدأ بخطوة لعلمكم
بس خطُّوها النهاردة و البقية تهون و يحلى الإنتظار
أيوة يحلى الإنتظار لو طال سنين .. لو فى آخره الإنتصار

[سعدالشرقاوى]

استاذى ابوعمر
بس ما تنسوش تخطوا خطوة واحدة لحلمكم
و الطريق أبو ألف ميل يبدأ بخطوة لعلمكم
بس خطُّوها النهاردة و البقية تهون و يحلى الإنتظار
أيوة يحلى الإنتظار لو طال سنين .. لو فى آخره الإنتصار

ايوه كده اجمل انسجام
كده يحلو الكلام
بخلت عليّه بطرف المخدّه
وحلمت لوحدك
بآن الاوان
والبنت حامل فى الولد
يابو الاحلام الجميله
علمتنا نحلم
اسمع فى الكتاب المسموع

[abuzahda]

الناس بِتحلم بيك يا حلم فى كل راس




يا أمل من غير أساس


يا وهم من تأثير حجر


بالفحم دَخَّن أو بكاس


الناس بِتِحلم بالكسل مش بالحماس


متوَكِّلين مُتَواكلين


ساندين دماغهم ع السراب


و اللوم لسان حالهم و بَسْ


و مش شاغلهم فى الحياة


غير مين سرق و مين نَهب؟


وده أصله كان فلاح بفاس


و كان ... زمان،


و الزمان مالهوش أمان


و الناس معادن،


ناس دهب و ناس نحاس


الناس جُثَثْ مافيهاش دِماغ


نِفسها بس ف رغيف منِ القديم أبو خمسة ساغ


و قرص طعمية، محَمَّر خَدُّه من زيت القلية


يقرمشوه مع زِرْ قَتَّة، و يِقْفلوا بفَحْل البصل


و همَّا ينسوا الِّلى حصل


و يرجعوا يناموا بهَنَا ساندين دِماغهم ع الكسل


و هوه أيه اللى حصل؟




ناس راكبة فوق قلب البلد؟


من قبل حتى ما نِتْوَلَد؟


فين الجديد؟


طول عمرنا ضيوف فى البلد


عُمَّال بنزرع فيها و بنقلع و بَرضه بنِتْجَلَد


من قبل ما نُحْفُر قناتها و نيلها لما للأبد


و يابخته بس اللى إتوَعَد


اللى باع أهله و ناسه و باع ضميره و باع ضَنَاه


و إبتدى يصاحب هواه


و خَدْلُه كورْسْ فنون نداله، وضم نفسه للجُناه


و لسه برضه الناس بتحلم


رغم جوع و مرض ما يرْحَم


لسه برضه الناس بتحْلَم


بس حلم بدون عمل راح يبقى برضه مافيش أمل


اللى يحلم حلم يبقى يمِدْ إيدُه لحلمه مَدْ


يشتغل يتعب بِجَدْ


تِبتِسِم ليه الليالى و الجبل يِتْهَّدْ هَدْ


و اللى ما عَنْدُوش أمل


و إيدين تعافِرْ لاجل ما تحَقَقْ أمَلْها


يِبْقَى ماله أى حاضر أى غَدْ



و الله زمان يا :emrose:عم طارق:emrose:

وحشتني صوْلاتك و جوْلاتك ،

أنا قلت أخلي كل "صوت" بلون مختلف ، تعميقاً لإحساسي بالفرق بين المنولوج الداخلي - الأخضر - الذي استهللت به رائعتك . ذلك الذي شخصت فيه حال الحالمين سلباً ، حيث تشغلهم مراقبة الآخرين عن محاولة تفعيل الحلم لجعله خطة مستقبلية.

بينما الجزء الأزرق ، فكأنك تستدرجهم إلى تلك الصفعة - الجز الأحمر ، ليفيقوا ،

و لأنها صفعة شاعر حقيقي ، فإني أراها صالحة لكي تكون أيقونة تليق بعشاق الغد

بس حلم بدون عمل راح يبقى برضه مافيش أمل


اللى يحلم حلم يبقى يمِدْ إيدُه لحلمه مَدْ


يشتغل يتعب بِجَدْ


تِبتِسِم ليه الليالى و الجبل يِتْهَّدْ هَدْ


و اللى ما عَنْدُوش أمل


و إيدين تعافِرْ لاجل ما تحَقَقْ أمَلْها


يِبْقَى ماله أى حاضر أى غَدْ

[محمودسعد]

الحبيب المحبوب
الصديق الاعز طارق العمري
من حقي اني احلم ........... اني شفتك
هو ده حلمي بجد
كلامك في الصميم دائما ياعمري
وابداع مابعده ابداع
هكذا هو انت دائما

[Tarek Elemary]

و الله إنت قلب بجد جميل
و فيك صفو السما و النيل
و فيك ألفة بدون كلفة
و فيك معدن رجال و أصيل
:emrose:
:emrose:
:emrose:
تحياتى يا عم محمود

[Tarek Elemary]

يا عم لفين ياخدنا هواك
و آخرتها فى بعد لقاك
تعبت أستنى وحدانى فى تراسينة
و قلت أتمشى أرقب طيف من المينا
لقيت كل البشر واقفة
بتستناك

[القمر الساهر]

د أنس البن تحياتى وسلامى وتقديرى واحترامى اليك .. وشرف كبير لى ان تقوم بالرد والإيضاح على مشاركتى . إيضاحك وصل وإستمتعت به كثيرا مثل استمتاعى بقصيدة الأخ المحترم طارق العمري . شكرا لك وأدامك الله أستاذ فاضل وأخ كريم وصديق عزيز وأتمنى من الله أن تكون دائما فى صحة جيدة وأسعد الاوقات .

[Tarek Elemary]

استاذى ابوعمر

بس ما تنسوش تخطوا خطوة واحدة لحلمكم
و الطريق أبو ألف ميل يبدأ بخطوة لعلمكم
بس خطُّوها النهاردة و البقية تهون و يحلى الإنتظار
أيوة يحلى الإنتظار لو طال سنين .. لو فى آخره الإنتصار

ايوه كده اجمل انسجام
كده يحلو الكلام
بخلت عليّه بطرف المخدّه
وحلمت لوحدك
بآن الاوان
والبنت حامل فى الولد
يابو الاحلام الجميله
علمتنا نحلم

اسمع فى الكتاب المسموع


الحلم ده من شِرْعِتك و روايته حدوتة
إنت اللى زارع نبتته تشهد عليه توتة
على شط ترعة بلدنا قاعد تصب الشاى
و تقول كلام موزون مش ناقصه فَتفُوتة

[Tarek Elemary]

إوعاك تقف عند الأنين
و لا يوم يكتفك الحنين
خد من تجاربك عبرة و إجرى
الحزن مقبرة السنين
و اللى يخوض بحر الحياة
عمره ما يغرق فى الدموع
و اللى يدوق طعم النجاة
عمرة ما يحلم بالرجوع
ما يطيقش تكبيل الإيدين
إوعاك تقف عند الأنين
***
الدنيا ليك ... صارع
خللى الألم دافع
و لو الصعاب واجهتك
خللى الأمل وِجهِتك
عن سكتك دافع

[حمدى شبانة]

هاتف غريب خلآنى أدخل المنتدى حسيت ان فيه حدث وفعلاً بعد ركود يومين بالمنتدى إتكدت من صدق احساسى فقد ألقى أخونا طارق العمرى بحجر - قصدى قصيدة - فى بحر المنتدى 00عمركوا سمعتوا عن حجر جميل 00 فعلها والله أستاذ طارق
0000 لكن حنحلم بس كوابيس لأ 0000
ياللى الخيال مسكنك
لو أمكنك
للبشر تحلم لهم
يبقوا بشر كلهم
------------------
بجد أنا سعيد جداً بالقصيدة والشكر لمن كتبها 00 شكراً أستاذ / طارق العمرى