عاش الف عام وارتدي الف وجه ..

[جرامافون]

اهداء
الي العزيز غازي الضبع وكل محبي يوسف وهبي ..

(((عاش الـــف عام وارتدي الف وجه)))
ــــــــــــــــــــــــــــــــــــ

رائد المسرح الكبير
فنان الشعب
عميد المسرح العربي

يوسف بك وهبي

http://www.sama3y.net/forum/attachment.php?attachmentid=164556&stc=1&d=1140329051

كتب يوسف وهبي مذكراته تحت عنوان
(عشت الف عام)
وهي مذكرات ممتعة وان كان حذف جزء كبير منها، وكان يوسف وهبي كما نقول في
بلدنا (حكاي درجة اولي) اي انك اذا استمعت له وهو يحكي لا تستطيع ان تتركه الا
عندما ينتهي من حديثه الممتع .
:emrose:

[غازي الضبع]

والله زمــــان يا فنان يا كبيــــــــــــــر
وحشتني يا عمــــور والله
ألف شكر على هذا الاهـــداء الجميـــــل
بس طبعاً أنا في انتظار المزيــد
إنت عارف مدى عشقي لهذا الفنــان القديــر
يوسف بك وهبي
مرة أخرى .. أشكرك يا صديقي الحبيب
:emrose: :emrose: :emrose: :emrose:

[جرامافون]

واحشني اكتر يا ابو فارس يا جميل
ــــــــــــــــــــــــــــــــــــــــــــــــــ ــــــــــــــــــــــــــــــــــــ
عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

http://www.sama3y.net/forum/attachment.php?attachmentid=164580&stc=1&d=1140332963

يوسف وهبي في دور أحدب نوتردام

وسيط روحاني ينقذ يوسف وهبي من الموت

كان والده عبد الله باشا وهبي مفتش عموم الري بسوهاج وقد اعتاد اقامة مدرسة في كل
بلدة كان ينزل اليها وخلال معاينته للارض التي ستقام عليها المدرسة رأي رجلا تجاوز
الثلاثين من عمره عاري الجسد وقد اتخذ من المقابر مكانا لاقامته فاشفق عليه الباشا
واشتري له ثوبا ليستر جسده فأخذ الرجل يدعو للباشا ثم ضرب علي فخذه الايمن
فاخرج منها ملبس فاخر وضعه في يد الباشا الذي ذهل من هذا الرجل الخارق للطبيعة
وكان اسمه (سليم الطحاوي)
روي الباشا فيما بعد لابنه الطفل يوسف عن قصة ذلك الرجل فأصر يوسف ان يري عم
سليم واخذ يبكي بكاء شديدا حتي يرضخ والده لرغبته
(يتبع)

[جرامافون]

عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

http://www.sama3y.net/forum/attachment.php?attachmentid=164581&stc=1&d=1140334360

يوسف وهبي في احد ادواره المسرحية

وفي اثناء الدورة التفتيشية لمفتش الري الانجليزي اراد الباشا ان يضفي علي زيارته
نوعا من المرح فاستدعي الشيخ سليم الطحاوي وبعد حفلة العشاء وفي حضور الطفل
يوسف وهبي بدأ الشيخ يضرب بقبضته علي فخذه وأسفل مائدة الطعام فاخرج عناقيد
عنب ولم يصدق المفتش الانجليزي ما يحدث لذلك طلب من الشيخ ان يحضر له ثمرة
جوز هند الذي لم يكن يزرع في مصر وفي ثواني احضر الشيخ طلب المفتش كما
احضر بندق وملبس وغزل البنات وقال يوسف وهبي في مذكراته ان الشيخ سليم كان
يردد اسم الله في كل مرة كان يستجلب فيها شيئا من الهواء
(يتبع)

[جرامافون]

الريحاني الحبيب
ربنا يكرمك يـا استاذ
هذا بعض ما عندكم
من كرم وفيض
تحياتي وحبي
:emrose:
________________________
منور يا ابو مندور باشا
يا جميل
سأكمل حالا باذن الله
تحياتي وحبي
:emrose:
ــــــــــــــــــــــــــــــــــــــــــــــ
منورة الموضوع يا استاذة منيرة
علي فكرة يوسف وهبي كما تعرفين اول مصري يجري عملية
تجميل في انفه وسأتكلم عن هذا باذن الله .. اما سبب الحذف
هو ان يوسف وهبي كان صريحا زيادة عن اللزوم ولم اري
رجلا شجاعا في صراحته فاغلب من كتب مذكراته يحاول
دائما ان يجمل نفسه ويخفي عيوبه الا يوسف وهبي
تحياتي وتقديري
:emrose:
ــــــــــــــــــــــــــــــــــــــــــــــــــ ـ
عمي وتاج راسي هنا
يادي النور والابهة
اللي دخلت علي الموضوع
ربنا يبارك فيك يا عم محمد وتمتعنا
بابداعاتك
وتعلم اجيال واجيال يا استاذ
تحياتي وحبي
:emrose:

[جرامافون]

منور يا استاذ محمد
وشكرا علي تحيتك
:emrose:
ــــــــــــــــــــــــــــــــــــــــــــــــــ ــــــــــــــــــــــــــــــــــــ

عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

http://www.sama3y.net/forum/attachment.php?attachmentid=164668&stc=1&d=1140409310

يوسف وهبي في مناجاة مسرحية

علي الرغم من انتقال اسرة يوسف وهبي الي القاهرة لكن علاقة والده بالشيخ سليم لم
تنقطع وبمرور الوقت زاد ايمان يوسف الصغير بخوارق الشيخ الذي عندما زارهم في
مصر فضح علاقة يوسف الصغير بالفتاة تهاني أبنة احد اصدقاء والده والتي كانت تقيم
في منزلهم بالقاهرة ..وهكذا شاءت الظروف ان ترتبط حياة يوسف وهبي منذ الصغر
بالعديد من المواقف التي جعلته كما سنري يؤمن بالروحانيات وقد التقي بأحد السحرة
عن طريق صديق له في مدرسة مشتهر الزراعية والذي كانت له قدرة خارقة علي ربط
القلوب واخضاع المحبوب وكان وقتها يوسف وهبي كما ذكر يمر بقصة حب من طرف
واحد من فتاة يونانية تدعي كليوبي والتي كانت تمثل له اقوي قصة حب في حياته وبالفعل
احضر يوسف وهبي ما طلبه منه الرجل الخارق عن طريق اخو الفتاة المفلس كرياكو
وطلبه كان خصلة شعر من كليوبي او منديل مستعمل وبعدها بايام احضر له صديقه
حجابا .. وما ان وصلت كليوبي الي القاهرة حتي اتصلت به وعبرت له عن حبها العميق
له واعطته موعدا في حلواني الكورسال الساعة السادسة، وبعيد عن القول بان تلك
المواقف خزعبلات او خرافات فيوسف وهبي اكد حدوثها فقد كان يؤمن بالعلاج
الروحاني وقال ذلك صراحة في احاديثه الصحفية والتلفزيونية والتي روي فيها جلساته
الروحية في لندن وحكي عن العملية الجراحية التي اجراها له الوسيط الروحاني العالمي
"جورج شابمان" والتي تمت بدون اي ادوات جراحية وبرغم ذلك وجد يوسف وهبي اثار
خياطة مكان الجرح وتم شفاءه وقد نشرت صحيفة (سيك نيوز) اللندنية يوم 15 فبراير
سنة 1964 عن العلاج الذي قامت به الوسيطة الروحية مارجريت ويلسون للفنان يوسف
وهبي ..

http://www.sama3y.net/forum/attachment.php?attachmentid=164669&stc=1&d=1140409418

صورة يوسف وهبي كما جاءت في الصفحة الاولي من صحيفة "" اللندنية والتي يقول
عنوانها "ممثل وكاتب مسرحي شهير يتحدث عن علاجه الروحي في التلفزيون المصري"

(يتبع)

[جرامافون]

عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

http://www.sama3y.net/forum/attachment.php?attachmentid=164739&stc=1&d=1140433207

تذكر المراجع ان هذه الصورة التقطت قبل اجراء يوسف وهبي لعملية التجميل في انفه وان كان
المكياج في رايي هو السبب


كتب بوسف وهبي مقدمة كتاب العلاج الروحي للدكتور عبد الجليل راضي والذي يعد
من اهم الكتب الروحانية علي مستوي العالم لمن يؤمنون به وكان هذا تقديرا للاطباء
الروحانيين ليوسف وهبي الذي حكي قصته مع الموت فكتب يقول : في لندن عام 1961
وقع لي ما هو اغرب فقد اجريت جراحة لازالة المرارة قام بها الدكتور العالمي الشهير
تانر بمستشفي لندن كلينك وبعد مضي يومان اخطرني الجراح ان جراحي اصيبت بتلوث
وصديد ولا بد من المسارعة في علاجه خشبة التسمم الكامل ومر اسبوع بلا امل حيث
انهارت صحتي وتسمم الجرح واصبحت في شبه غيبوبة واحسست انني في النزع
الاخير وهداني الله الي الاستعانة بالطب الروحي ولم تمضي 24 ساعة حتي زارني
سيد انجليزي وكان نائبا عن "هاري ادواردز" الطبيب الروحي الشهير واخبرته بصعوبة
بما اعانيه فوضع يده علي موضع الجرح بيد مرتجفة شعرت وقتها وكانه مسني تيار
كهربائي خفيف وفي نفس الليلة اخبرتني الممرضة ان الصديد زال ولم يعد له وجود
وخلال بضعة ايام عدت سليما معافا ولله الحمد .
ــــــــــــــــــــــــــــــــــــــــــــــــــ ــــــ

روزاليوسف أجرت " صبي ترزي" لاتهامي بالسرقة

http://www.sama3y.net/forum/attachment.php?attachmentid=164740&stc=1&d=1140433207

لقطة مسرحية نادرة تجمع بين روزاليوسف ويوسف وهبي .

يقول يوسف وهبي في مذكراته :
تكونت جبهة من النقاد في مجلة روزاليوسف وكان هدفها الطعن والتشهير بمسرح
رمسيس وصاحبه وكان منهم الاستاذ يوسف حلمي المحامي والاستاذ محمد صلاح
الدين الذي اصبح وزيرا للخارجية فيما بعد والذي كان وقتها محررا بمجلة روزاليوسف،
وغيرهم ووكلهم من بطانة واصدقاء روزاليوسف وقد اقنعوا الكثيرين من صغار الكتاب
بمهاجمتي كي يشتهروا وقد اصبحوا جميعا فيما بعد من اصدقائي بعد زوال تاثير السيدة
روزاليوسف .. فالدكتور صلاح الدين اصبح فيما بعد من اكبر انصاري وقد قص علي
صديقي العزيز والاديب الكبير الاستاذ محمود كامل المحامي كيف كانت روز تدبر خطط
الهجوم علي وتكتب المقالات في دعوات العشاء التي كانت تقيمها في منزلها وقد كانت
هذه المقالات وكأنها منشورات لتقويض اركان النظام أو محاولة لاسقاط وزارة .
وتفتقت هذه المؤتمرات عن فكرة مبتكرة وجديدة بعد ان فشلت خططهم السابقة
(يتبع)

[جرامافون]

أستاذ عمرو .... تعيش وتعقدنا كمان و كمان بنوادرك القيمة دى:emrose:
صوت الموسيقي الحبيب
منور يا جميل
تحياتي
:emrose:
________________________________

عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

http://www.sama3y.net/forum/attachment.php?attachmentid=165195&stc=1&d=1140699356

يوسف وهبي في دور القاضي من مسرحية "النائب هيلر"

"تكملة"
وهذه الفكرة كانت اتهامي بسرقة مسرحيات الأدباء الذين كانوا يقدمونها لمسرح رمسيس
وادعائي بتأليفها وسطوي علي افكارهم ، وبدأوا بمسرحية اولاد الذوات واستعانوا بمؤلف
ناشئ تافه ودفعوه ليتحداني برفع قضية ضدي في المحاكم علي ان يتكفلوا بنفقات القضية
ويتولي الاستاذ محمود كامل المحامي المرافعة وطلب التعويض وصدمت عندما وصلني
انذار علي يد محضر يحدد موعد قضية في محكمة عابدين وعرفت من الانذار ان طالب
التعويض شخص مجهول في الاوساط الادبية والفنية وبدعي السعيد موسي وكان طبعا
الغرض من ذلك التشهير بي والطعن واستغلوا القضية ايضا في مجلتهم ، ونظرت
القضية ووقف الاستاذ محمود كامل امام المحكمة وجاء في مرافعته انني ذهبت الي
ايطاليا لا للتثقيف وتعلم التمثيل بل اجادة الضرب بالسكاكين وان المعهد الذي تعلمت فيه
هويته عصابة نابولي اما اساتذتي فهم لصوص ومجرمين، وقال انني استأجرت البلطجية
لضرب النقاد الذين يجرؤون علي نقد مسرحياتي وأن هناك فتواتبشارع عماد الدين
يتقاضون اجورا شهرية لشج راس اي ناقد لا يمتدحني وبعد المرافعة استدعي رئيس
المحكمة المدعي وخلال استجوابه ادركت ان المدعي الاجير مصاب بالبله وايقنت أنه
يكاد يكون أميا ..
http://www.sama3y.net/forum/attachment.php?attachmentid=165198&stc=1&d=1140699913
يوسف وهبي في "الكونت ديمونت كريستو"


وعرفت فيما بعد انه يعمل صبي ترزي في عابدين وبعد انتهاء اقواله استأذنت القاضي
في سؤال المدعي وبدأت ..

- ممكن حضرتك تقولنا موضوع مسرحية اولاد الذوات .
- موضوع واحد اتجوز خوجاية
- يعني الفصل الاول ايه والتاني ايه والثالث ايه ؟
- أنا مش فاكر
- طيب هو أنت اديتني الرواية علشان اقراها ؟
- اخدها مني افندي اسمه ادمون تويما .
- في العادة لما نأخذ رواية .. ندي وصل بالاستلام .. معاك الوصل ؟
- لا .
- طيب اذا سمح رئيس المحكمة نديله فرخين ورق ونخليه يكتب جزء من حوار اولاد الذوات .
- حوار يعني ايه ؟
- يعني كلام بيجري علي السنة ابطال الرواية .
- أنا عارف يا حضرت القاضي اهو الجماعة دول .. (اشار الي بطانة السيدة روز
الذين حضروا القضية).. قالوا ان يوسف وهبي سرق روايتك واحنا حنرفع عليه
قضيه علشان يدفعلك تعويض ..

فضحك كل من كان بقاعة المحكمة، وحكمت المحكمة برفض طلب التعويض والزم
المدعي بكافة المصاريف ، وقد كشف لي مؤخرا صديقي محمود كامل والذي اعتز
اليوم بصداقته بأن منزل روزاليوسف كان الوكر الذي تدبر فيه خطط الهجوم واعداد
المقالات المغرضة .. ولم ينقطع الهجوم علي مسرح رمسيس وصاحبه ..
(يتبع)

[جرامافون]

الاخت serenity
الموضوع نور بوجودك
تحياتي
ـــــــــــــــــــــــــــــــــــــ
الحبيب اسلام الجميل
والله انت اللي ماركة مسجلة للعطاء
والنوادر
ـــــــــــــــــــــــــــــــــــــــــ
الاخت منيرة .. الحبيب غازي
النيكولوس لا يفسد لمحمد صبحي
قضية
:mdr:
بالنسبة لعملية التجميل جاية في السكة باذن الله
تحياتي
:emrose:
ــــــــــــــــــــــــــــــــــــــــــــــ
عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

(( حكاية زهرة ))
(( حكاية زهرة ))
(( حكاية زهرة ))
(( حكاية زهرة ))

http://www.sama3y.net/forum/attachment.php?attachmentid=165416&stc=1&d=1140790584

صاحب مسرح "رمسيس" بجد
يقول يوسف وهبي :
كنت اقدم مسرحية (بنات الريف) وذات ليلة عند خروجي من المسرح تقدمت نحوي
امرأة غطت الأصباغ وجهها وصرخت في وجهي أمام المعجبين الذين كانوا ينتظرونني
خارج المسرح ليبدوا اعجابهم ..

- الرواية دي قصة حياتي .. مين اللي حكاهالك ..مش عيب يا بيه تسرقها مني ؟ كمان
تطلعها علي المسرح مش كفاية الوحل اللي أنا فيه ؟

تجمهر المارة وتصادف حضور الزميل استيفان روستي وازدادت المرأة هياجا وبكاء
ونجيبا ثم سقطت في حالة تشنج .. استعنت باستيفان روستي وبعض عمال المسرح
وحملناها الي الداخل ولم تفق الا بعد وقت طويل .. اخذنا نطيب خاطرها ونسألها عن
سبب هياجها فصاحت منتحبة :
- نفس القصة .. نفس الحكاية .. وابني حبيبي في السجن .. يا حبيبي يا عزوز..
( مشهد المحكمة بالرواية به صبي قاصر اشترك في جريمة قتل مع بعض العتاة )

- حرام عليك تتاجر بحكايتي وتكسب من وراها الالوف .. الرواية دي من دمي ومن لحمي أنا زهرة رجب.
سألتها مندهشا :
- اسمك زهرة رجب ؟
- ايوه ما سميتها في روايتك .. أنا البنت الريفية الساذجة اللي فتك بيها وحش .


http://www.sama3y.net/forum/attachment.php?attachmentid=165417&stc=1&d=1140790584

حضر مختار عثمان وحسين عمر وصلاح مختار ..
- دي زهرة رجب .. الحق يا حسين .. زهرة الرقاصة صاحبة القهوة
في درب طياب ..
- أنت تعرفها ؟
- دي من عشاق التمثيل وبتحضر كل روياتك ..اتعرفنا بيها في يوم وكنا بنسهر
في قهوتها وكانت دايما تعزمنا .. وطول الليل تحكي لنا مأسيها ولما تسكر ترجع
لشخصيتها ايام صباها وتتحول من بائعة هوي الي ريفية ساذجة تندب حظها
وتتحسر علي حياة القرية وتغني لنا مواويل حراقة وتصرخ وتقول :
" أنا حاخد بتارك يا حامد حاشرب من دم السفاح اللي قتلك"
- وتروح واقعه من طولها .
- أنت اثرت فضولي يا مختار وشوقتني لمعرفة قصتها .
- حسين .. دي زهرة بتاعة درب طياب .
- أنت كمان تعرفها ؟
- ومين ميعرفهاش ياما سهرنا عندها مع مختار وحسين عمر
- انتو بتروحوا المواخير دي ؟
- للفرجة يا ابو حجاج ده جو مسلي جدا .. زي حي مونمارت في باريس
وقهوتها بتجمع اشكال والوان وطول الليل نسمع حكايات وحوادث ونتفرج
علي فئات عاشت في مجتمعنا دا جزار ودا تاجر خردة ودا عمدة وده بياع
حشيش ودا بيشم كدا عيني عينك ولا قانون ولا دياولو.
- البت دي بتموت في رواياتك وحافظة جملك المشهورة .. استني ..
استني اهي فاقت شوية ..خدي يا زهرة سيجارة ..

(يتبع)

[غازي الضبع]

ممكن يا غازى باشا اذا تكرمت تحط الرابط؟؟ الف شكر مقدما:emrose:
من عينيا يا نور العيـون
ستجد هنـــا (http://www.sama3y.net/forum/showthread.php?t=12938) مشوار حياة يوسف بك وهبي الذي سجله بالإذاعة المصرية في نهاية السبعينات .. من مرفوعات أختنا الزهرة الجميلة هـــامو
:emrose:

[جرامافون]

الاخت الاميرة امييرة
نورتي الموضوع
وشكرا
لتحيتك الرقيقةولكي هدية
في نهاية المشاركة
:emrose:
ـــــــــــــــــــــــــــــــــــــــــــــــ
عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

http://www.sama3y.net/forum/attachment.php?attachmentid=165702&stc=1&d=1140898854
في دور راسبوتين الرهيب

(تكملة)

(( حكاية زهرة ))

وضعت زهرة ساقا علي ساق وراحت تسحب انفاسا طويلة، وبعد تنهد طويل
هبت واقفة فسألها استيفان :
-علي فين يا زهرة ؟
-علي الوعد.. كفاية اللي عملتوه فيه.
-احنا زعلناكي في حاجة ؟
-مش عيب عليكم تكشفوا سري وتخلوا سعادة البيه يطلع قصتي في التياترو
وحتي اسمي كمان .
اجبتها :
-ابدا والله محدش قال لي علي اسمك ولا حكايتك .
-واشمعني سميتها زهرة ؟
-توارد خواطر .
-الله يسامحك انت فتحت جرح قلبي ورجعتني للماضي
-أنا متأسف ويهمني اعرف مأساتك يمكن أقدر أساعدك .
هتف استيفان :
-يوسف بيه كرس مسرحه وفنه للدفاع عن الناس المظلومة.
-مين حيسمع ومين يستوعظ .
وبدأت زهرة تحكي:
-أنا اسمي راجية اتولدت في قرية المصالحة في مدينة الدقهلية وابويا كان خولي
ولما بقي عمري 15 سنةحبني ابن عمي حامد واحنا لسه عيال وقرأ ابويا الفاتحة
مع عمي ابو حامد واتفقوا يجوزونا لبعض لما نكبر.. كانت المرحومة امي بتربي
فراخ وتتاجر بالبيض واللبن وكنت كل يوم اوصل قدرة اللبن والبيض لبيت العمدة،
وابنه البكري طلبه طمع فيه وكان كل ما يشوفني يقولي كلام قبيح .. في يوم زودها
وهجم عليه قمت دلقت القدرة علي دماغه وحلفت ماني جايبلهم حاجه تاني ولا داخله
بيت العمدة .. ومارضيتش اقول ابويا لكني مخبتش عن حامد ..

وفي يوم قابل حامد طلبه ابن العمدة وهو راكب حصان وكان خطيبي حامد علي
حمارته في السكة الزراعية ومرضاش يسلم علي طلبه فاغتاظ العمدة وراح
ضاربه علي وشه بالكرباج قدام الفلاحين وقاله :

- ياقليل التربية انزل من الحمار وبوس ايد سيدك حامد يا ابن الـ كـ..
نزل حامد من الركوبة وهجم علي ابن العمدة وشده من رجليه وشاله ورماه
في المصرف ..

http://www.sama3y.net/forum/attachment.php?attachmentid=165703&stc=1&d=1140898854
يوسف وهبي في مسرحية البخيل


بعت العمده لعمي ابو حامد وهدده .. راح عمي واشتكي لضابط البوليس في النقطة
وكان راجل شهم وراح للعمدة وقاله :
- ان عملت حاجه لحامد أنا حقدم فيك بلاغ للحكومة .

خاف العمده ليشلوه من العمودية وكتم غيظه لكن ابنه كان قلبه اسود زي الليل وبعد
يومين وجدوا جثة حامد طافية في الترعة وممزقة بالسكاكين .. والمديرية معرفتش
مين الفاعل.. مع ان كل البلد كانت عارفه ان طلبه اجر واحد يقتله .

وبعد شهر اتربص لي طلبه وانا راجعه من الغيط بعد ما وصلت الغدا لابويا وكان
مستخبي في غيط درة .. هجم علي وخطفني واعتدي علي عرضي بالقوة، وتركني
سايحة في دمي وفاقدة الوعي ومافقتش الا بعد الشمس ما غابت ..
ازاي ارجع للعزبة تاني
واقول لابويا واهلي ايه ؟
اودي وشي فين من اهل القرية بعد ما فقدت تاج العفة ؟؟


خفت اقول لابويا ومابقتش اخرج من الدار، وبعد شهر والتاني لقيت نفسي حامل
طار عقلي ودماغي وجريت في الغيطان زي المجنونة ووصلت قدام محطة
وابور (قطار) الدلتا ركبته وانا مفيش في جيبي تمن التذكرة ولما عرف الكمساري
قالي حسلمك للبوليس في محطة طنطا .. لكن واحدة ست كبيرة كانت قاعدة
جنبي راحت دفعالي الاجرة وقعدت تلاطفني وتجرني في الكلام لحد ما عرفت
اني هربانه من اهلي واخذت تواسيني :
- انا زي امك يا بنتي وعندي اربع بنات وجوزي ميت تعالي
معايا احطك في عنيه ..
نزلنا في طنطا .. وفي بيتها لقيت بنات كتير فعلا ،وباليل البيت اتملا
رجاله ولما سألتها مين دول قالت :
-اهلي وقرايبي
وعزمت عليه بكباية شاي بعد ما شربتها نعست وفي الصبح لقيت روحي
نايمة جنب راجل غريب !

(يتبع)
_____________________________________________
هديتك يا امييرة
بالمرفقات جزء صوتي نادر
(علي ما قسم)
من مسرحية البخيل
ليوسف وهبي

[جرامافون]

هل نورك يا شاعر يا جميل
يا ابو الكلام الجميل
والقلب الجميل
والاصل الجميل
يا عم رائد يا جميل
تحياتي وحبي
:emrose:
_____________________

عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

http://www.sama3y.net/forum/attachment.php?attachmentid=165793&stc=1&d=1140968553

يوسف وهبي في مسرحية" في سبيل الوطن"


(تكملة)
(
صرخت جت صاحبة البيت وفضلت تحايلني.. ولما شافتني معاندة وعايزة اخرج
اتقلبت سحنتها وقالت لي :
- طيب رجعي محفظة الفلوس اللي سرقتيها من الزبون اللي كان بايت معاكي..
يا حرامية .. مش طالعه من هنا الا علي السجن.
وحبستني في البيت وكنت لما ارفض اقابل الزباين تنزل فيه ضرب وتقول للبنات :
- روحوا جيبولها العسكري ..

مر 6 شهور والوحوش بتنهش لحمي .. وفي يوم كبس علينا البوليس وساقونا زي
الغنم علي الكراكون وبعد 4 ايام من النوم علي الاسفلت طلعونا وحجزوا صاحبة
البيت .. لقيت روحي غريبة في بلد غريبة نزلت مع بنتين لمصر وخدوني لحي
الرويعي وعشت هناك لغاية ما ولدت ابني محسن اللي فتح عنيه علي دنيا زي
الزفت .. عمره دلوقتي 8 سنين مرمي في سجن الاحداث.

وهنا قاطعتها (يوسف وهبي يتحدث) :
- طيب كنتي شوفيلك شغله شريفة يا زهرة.
- ما ضاع الشرف يا بيه .. حاجه واحدة بس كانت شغلاني .. اني اعرف اسم
المجرم اللي قتل حبيبي وابن عمي وكنت عارفه اني مش حلاقيه الا في بيوت
الفساد .. لان العنف مابيحلالوش العيش الا في احياء البغاء.. ومن جمعه واحده
بس جه القهوة راجل زي الوحش ..
- وايش عرفك انه هوه ؟
- كل اهل البلد عارفينه وسمعتهم بيقولوا يوم ما اتقتل حامد مافيش غير حميدة
اللي قتله.. وليلة ما اتقتل حامد ناس من القرية لمحوه مستخبي في غيط الذرة
- وليه مابلغوش عنه ؟
- الجبن يا يوسف بيه .. خافوا من العمدة ابو طلبة لانه جبار يقتل القتيل ويمشي
في جنازته
- وناويه تعملي ايه دلوقتي؟
- أنا فضلت وراه لحد ما جريت رجليه من واحد من معارفه اسمه عرفه سكرتوا
لحد ما بقي طينه .. واعترف لي بأن حميدة هوه القاتل .. قمت اديته ورقه بعشرة
وقلت له اذا قدرت تجيبلي حميدة حي الرويعي راح اكملهملك 30 جنيه ومن جمعه
دخل عندنا عرفة ومعاه راجل زي الوحش.. شكله مرعب وغمزني عرفة بعينه
قمت فهمت وقلت :
http://www.sama3y.net/forum/attachment.php?attachmentid=165794&stc=1&d=1140968553

- يا اهلا وسهلا .. نورت القهوة.
وفتحتله قزازه (مارتين) وعشيته كباب من عند الحاتي .. وعمرتله دماغه لحد ما ريالته
ساحت وعينيه فنجلت وكم ليله بعد ليلة علي كده لحد ما لهلبته وشعللته منغير ما نوله
مراده، وكل يوم اقوله بكره .
- - وغرضك من كده ايه ؟
- اخد بتار حامد من طلبة ابن العمدة ومن اللي حرموني منه .. نفسي اضرب
عصفورين بحجر واحد.
سألها استيفان روستي :
- وجاي بكره يزورك ؟
- وهو يقدر ما يشوفنيش ليله .
- نظر استيفان نحوي وقال :
- ايه رايك يا يوسف بك ما تيجي بكره نروح قهوة زهرة ونتفرج ؟
"فوافقت"
في اليوم التالي ذهبنا بعد التمثيل متنكرين أنا ومختار في زي سواح اجانب واستيفان
في زي ترجمان واتعرفنا من الاوصاف اللي زودتنا بيها زهرة علي الوحش العملاق
الذي بلغ من السكر انه قام يشارك زهرة في هز بطنه علي انغام المزمار البلدي وقد
ازدحمت المقهي بالرواد لمشاهدة هذا الفيل الهائج .
واختطفت زهرة هراوة حميدة الثقيلة واخذت تلفها في الهواء ثم تهوي بها علي راس
الوحش فيتحاشي ضرباتها القاتلة التي لو اصابته واحدة منها لفتتت راسه وكأنها في
مبارزة مع حيوان اسطوريوكان يتلقي ضرباتها بكرسي حمي به راسه الضخم وهو
يضحك ضحكا كأنه الزئير ..
افقت من ذهولي علي صرخة بدرت من مختار:
- انظر لقد طفح الدم من انف الوحش!
وسقط الوحش علي ارض المقهي كصرح متهدم واذا بزهرة تطلق زغاريد محمومة
كأنتصار قبائل نيام نيام في الحروب، واشتدت الهتافات واخذ البعض يصب الماء علي
وجه المارد
ودوي فجأة وسط الضجيج صراخ أحد المشاهدين :
- محفظتي ! نشلوها .. محفظتي فيها 500 جنيه ! يا بوليس
ثم امسك بتلابيب فتي يافع واخذ يصرخ :
- حراااااااااااااااامي
لكزني استيفان واسرعنا نحن الثلاثة في مغادرة الحانة خشية حدوث معركة تستخدم
فيها الخناجر والسكاكين والكراسي .. وفي اليوم التالي ..
(يتبع)

[جرامافون]

منوررر
________________

عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

http://www.sama3y.net/forum/attachment.php?attachmentid=165888&stc=1&d=1141046212

يوسف وهبي في دور جندي أفعاني في مسرحية" باجي سقا"


في اليوم التالي تصفحنا الجرائد فلم نعثر علي خبرا .. ومضت ليلتان وفي الليلة
التالية جائني استيفان روستي مسرعا وأخبرني أنه التقي بزهرة وهي تشتري
تذكرة لحضور الرواية وقد حددت معه موعدا للقاء في بيته بعد التمثيل وكنت
التهب شوقا للقائها وأنا اتوقع حدوث اهوال جسام..
كان وجه زهرة تلك الليلة حقيقة يثير الرعب وكانت عيناها تشعان لهبا مخيفا ،
وكل منا كان في شوق شديد لما ستقصه علينا من احداث.

بعد أن تجرعت بعض الكؤوس انفجرت ضاحكة وصرخت بصوت أجش :
- لقد اعترف .
- لماذا ؟
- للنساء اسلحة فتاكة لا يملكها الرجل .
- ماذا تقصدين يا زهرة ؟
- وقع التور واتسحب من قرونه زي الخروف .
- عملتي ايه ؟
- وقع في حبي وارتمي تحت رجلي وهوه بيبكي وقعد يبوس رجلي
وايدي ويتوسل الي ان اتزوجه .
- تتجوزيه !!
- حلفلي انه عمره ما حب واحدة قد ما حبني، وانه اذا رضيت
اتجوزه حايغرقني بالفلوس والدهب.
- وبعدين ؟
- طلبت منه مهر عمره ما كان يفكر فيه .
- طلبتي منه ايه ؟
- رأس طلبه ابن العمدة .. نفس اللي اجره عشان يقتل حامد.
- رأس طلبه !
- قلتله ان كنوز الدنيا ومال قارون كوم .. وراس طلبه كوم تاني.
- انتي اتجننتي .
- ده اليوم اللي كنت مستنياه بقالي عشر سنين .. علي فكرة
الدخلة يوم الخميس اللي جاي حاييجي ومعاه المهر ..
وأنا عازماكم علي الفرح .


http://www.sama3y.net/forum/attachment.php?attachmentid=165889&stc=1&d=1141046212

صمتنا نحن الثلاثة وتبادلنا نظرات الذعر! حاول استيفان أن يثنيها عن عزمها ..
ومختار حذرها من خطورة ما هي قادمة عليه وأنها حتما ستنتهي بحبل المشنقة..
فقالت :
- يا ريت يا مختار علشان احصل حامد .. هوه مستنيني وحيفرح بيه جدا .

عبثا حاولنا لكن ذهبت كل محاولاتنا هدرا فقد كانت كالنمرة المسعورة التي عقدت
العزم علي الثأر الرهيب .. وافترقنا في الخامسة صباحا بعد أن يئسنا من تهدئة
ثورتها الجامحة وتركناها وهي اشد عزما وعنادا..
في اليوم التالي التقيت بمختار واستيفان واجمعنا الرأي علي أن ننفض أيدينا من
هذه المشكلة الخطيرة وأن نقطع علاقتنا نهائيا بزهرة.

كان لي قريب عزيز من أسرتي يدعي كمال بك الطرابلسي وكان يشغل مركز
مدير الامن العام واعتدت أن ادعوه ليحضر مع اسرته رواياتي وفي هذه المرة
دعوته لمسرحية "الدم الملوث" التي ستعرض يوم الخميس .

يوم الاربعاء لاقاني مختار وكان مرتبكا ومرتاعا وبيده جريدة البلاغ وأشار الي
خبر تحت عنوان
..((مصرع طلبة الأهواني نجل عمدة كذا)) ..
كان للنباء وقع الصاعقة علي ..
ونشر الخبر كألتالي :
عثر اهالي قرية كذا علي جثة بلا رأس فوق جسر ترعة (المنصورية)
وقد تعرف عليها في الحال الفلاحون وأهل القرية ووالد المجني عليه عمدة
القرية وهو من الاثرياء وقد قامت حملة من رجال أمن المديرية وضباط المباحث
لضبط الواقعة ومعرفة الجاني.

تملكتني الحيرة الشديدة ..
ماذا افعل ؟
هل أطلع قريبي "مدير الأمن" علي ما عندي من معلومات؟
أم اكتم السر ؟
نصحني مختار واستيفان بالا ابوح بأسرار قد يصيب رشاشها سمعتي ..
وافقت صاغرا وضميري
غير مستريح..

(يتبع)

[serenity]

قصة يوسف وهبي مشوقة جدا. وحضرتك وقفت في الحتة الحساسة جدا. أنا منتظرة تكملة القصة.

على فكرة يا أستاذ، ممكن أسألك عن حكاية سمعتها من زمان وعايزة أتأكد من صحتها؟؟؟ هل صحيح إن المخرج توجو مزراحي كان عايز يعمل فيلم عن السيرة النبوية بطلها يوسف وهبي في دور الرسول صلى الله عليه وسلم لكن الملك فؤاد كان في المرصاد لهذا الفيلم عشان كده ما شافش الفيلم النور أبدا. الحكاية دي شاغلاني لأني مش قادرة أتصور أن يوسف وهبي يقبل يعمل الفيلم ده!!!

[جرامافون]

الاستاذة serenity
معلهش علي التأخير وحكمل حالا
بالنسبة لقصة تمثيل يوسف وهبي لدور
الرسول الكريم عليه افضل الصلاة والسلام
فهي قصة حقيقية لكنها كانت مع وداد عرفي مش
توجو مزراحي وححكيها بعد ما نكمل قصة زهرة الغريبة
علي لسان يوسف وهبي نفسه
تحياتي
:emrose:
_____________________

عاش الف عام وارتدي الف وجه - عاش الف عام وارتدي الف وجه -عاش الف عام وارتدي الف وجه
عاش الف عام وارتدي الف وجه - عاش الف عام وارتدي الف وجه
عاش الف عام وارتدي الف وجه

http://www.sama3y.net/forum/attachment.php?attachmentid=167439&stc=1&d=1255199810

يوسف وهبي في مسرحية" أنتقام المهراجا"

(تكملة)
حضر كمال بك الرواية مع اسرته وفي استراحة الفصل الأخير زارني في غرفتي
معتذرا انه مجبر علي ترك المسرح توا فقد اتاه مدير المباحث وأخبره أنه وصلتهم
اشارة من راقصة تقول أن الشخص الذي انحسرت به تهمة قتل أبن العمدة سيكون
في حي الرويعي الليلة ليزف علي راقصة تدعي زهرة.. وأنه سيصطحب قوة
للقبض علي المتهم.. فرجوته ان ينتظر حتي تنتهي الرواية لاني اريد الزهاب معه
الي هناك كي اترود بمعلومات واحداث تفيدني في كتابة رواياتي وبعد الحاح
مزعج وشديد اصدر اوامره لضابط المباحث ان يسبق الي حي الرويعي ويحيط
المقهي بحصار محكم من جنود البوليس المتنكرين الي ان يلحق به بالسيارة بعد
دقائق واخبرت مختار واستيفان وانهينا الفصل الاخير من الرواية بسرعة
وصحبنا مدير الأمن العام لنشهد ختام فاجعة زهرة ..

اخترقنا الحصار ودخلنا المقهي وقد فطنت من تفرسي لوجوه الرواد بأن معظمهم
من المخبرين السريين وكانت الصالة مزدانة بالبيارق والاضواء الساطعة، وفجأة
دخل المقهي حميدة في حلة زاهية .. انزوينا في أحد الاركان وظل مدير الامن مع
الجند المحاصرين للمقهي في انتظار الاشارة ..
ثم ظهرت زهرة في بدلة رقص لها دناديش من ذهب رقيق وجلست علي الكوشة
فتقدم منها حميدة مستندا علي ذراعي اثنين من رجاله يحملان الشموع والورود
وجلس بجوارها وصاح :
- أنا جايب معايا المأذون .
اجابت زهرة ::
- امال فين المهر ؟
فقال حميدة :
-هات المهر يا حسبو .
تقدم رجل احول كان يحمل بقجة من المخمل تحتوي علي شئ مكور، فأزاحت
زهرة الغطاء بحذر وغطت محتويات البقجة بسرعة وزغردت زغرودة اشبه
بالعويل .. ثم هبت واقفة وهتفت :
- دقي يا مزيكا ..
فعزفت الدفوف وانطلقت المزامير والناي بلحن حزين واخذت زهرة ترتل مثل
الندبات المحترفات وهي تتمايل:
- يا ميت ندامه علي الحب ولا طالشي
ساد الحفل جو من الحزن .. احتضنت زهرة البقجة التي تحوي مهر العريس
وصاحت:
- زفوني يا بنات ..
فتقدمت الراقصات نحوها واخذت ضاربات الدفوف ترافقهن
http://www.sama3y.net/forum/attachment.php?attachmentid=167440&stc=1&d=1255199922

كنت اسمع دقات قلبي واحسست أن استيفان روستي يقبض علي ذراعي بقبضة
مرتجفة وجحظت عينا مختار فقد ادركنا نحن الثلاثة ان اللفافة تحوي راسا
مقطوعة ..
وتحول وجه زهرة الي الزرقة ورفعت اللفافة فوق راسها ثم قذفت بها الي
الارض بهوس مخيف وهي تركلها ، وما أن لمح الجمهور ما تحتويه اللفافة حتي
علت صرخات الذعر وزأرت زهرة كألاسد الجريح وقالت :
- دي راس طلبة قاتل حبيبي .. وده قاتله والقاتل يقتل ولو بعد حين !
ارتاع السفاح من هول المفاجأة فهب واقفا واندفع يشق طريقه بين الجموع محاولا
الهرب.. واذا بعدد كبير من المخبرين ينقضون عليه ويحيطونه وصوبت فوهات
المسدسات في وجه حميدة .. وتم القبض عليه .
وعلت مرة اخري زغاريد زهرة وهي تكرر :
-انتقمتلك يا حامد .
وقبض علي زهرة واشتهرت قصة زهرة ونشرتها معظم الصحف واثارت اهتمام
الراي العام وتطوع للدفاع عنها كبار المحامين .. ووقفت زهرة خلف القضبان في
قفص الاتهام بجوار السفاح قاتل حبيبها ولا تفارقها ابتسامة الظفر .
(يتبع)

[el kabbaj]

http://www.sama3y.net/forum/attachment.php?attachmentid=169507&stc=1&d=1256477660

[el kabbaj]

http://www.sama3y.net/forum/attachment.php?attachmentid=169508&stc=1&d=1256477728

[el kabbaj]

http://www.sama3y.net/forum/attachment.php?attachmentid=169618&stc=1&d=1256545793

[el kabbaj]

http://www.sama3y.net/forum/attachment.php?attachmentid=169620&stc=1&d=1256545919

[el kabbaj]

http://www.sama3y.net/forum/attachment.php?attachmentid=169621&stc=1&d=1256545992

[el kabbaj]

http://www.sama3y.net/forum/attachment.php?attachmentid=169622&stc=1&d=1256546046

[el kabbaj]

http://www.sama3y.net/forum/attachment.php?attachmentid=169654&stc=1&d=1256559221

[el kabbaj]

مع تحية كاريوكاhttp://www.sama3y.net/forum/attachment.php?attachmentid=169656&stc=1&d=1256559294

[el kabbaj]

http://www.sama3y.net/forum/attachment.php?attachmentid=169657&stc=1&d=1256559384

[el kabbaj]

http://www.sama3y.net/forum/attachment.php?attachmentid=169658&stc=1&d=1256559462

[el kabbaj]

http://www.sama3y.net/forum/attachment.php?attachmentid=169802&stc=1&d=1256641385

[el kabbaj]

http://www.sama3y.net/forum/attachment.php?attachmentid=171767&stc=1&d=1258107435

[el kabbaj]

http://www.sama3y.net/forum/attachment.php?attachmentid=172341&stc=1&d=1258790621

[el kabbaj]

http://www.sama3y.net/forum/attachment.php?attachmentid=173537&stc=1&d=1259484737

[el kabbaj]

http://www.sama3y.net/forum/attachment.php?attachmentid=174732&stc=1&d=1260264276

[el kabbaj]

http://www.sama3y.net/forum/attachment.php?attachmentid=175640&stc=1&d=1260953646

[el kabbaj]

http://www.sama3y.net/forum/attachment.php?attachmentid=177976&stc=1&d=1261470732

[el kabbaj]

http://www.sama3y.net/forum/attachment.php?attachmentid=180354&stc=1&d=1261917019

[el kabbaj]

http://www.sama3y.net/forum/attachment.php?attachmentid=182132&stc=1&d=1262335675

[el kabbaj]

مع ليلى مرادhttp://www.sama3y.net/forum/attachment.php?attachmentid=183017&stc=1&d=1262861832

[خليـل زيـدان]

غلاف الجـزء الثاني من مذكرات
يوسـف بك وهـبي

http://www.sama3y.net/forum/attachment.php?attachmentid=183828&stc=1&d=1263163420

[el kabbaj]

http://www.sama3y.net/forum/attachment.php?attachmentid=197601&stc=1&d=1269421607

[el kabbaj]

http://www.sama3y.net/forum/attachment.php?attachmentid=198214&stc=1&d=1269859752

[el kabbaj]

http://www.sama3y.net/forum/attachment.php?attachmentid=224805&stc=1&d=1281611029

[el kabbaj]

مع ليلى مراد في شادية الوادي الفلم المفقودhttp://www.sama3y.net/forum/attachment.php?attachmentid=241926&stc=1&d=1292663456

[el kabbaj]

مرة أخرى مع ليلى مرادhttp://www.sama3y.net/forum/attachment.php?attachmentid=247314&stc=1&d=1297586813

[el kabbaj]

مع راقية إبراهيمhttp://www.sama3y.net/forum/attachment.php?attachmentid=258003&stc=1&d=1306228329

[doha2020]

الى الاخ التوحفجي شكرا على هذة التحف النادرة ولكنى كنت اريد قراءة المذكرات كاملة علما باننى بحثت عنها فى المكتبات وعلى الشبكة العنكبوتية ولم اجدها فانا متشوق لقرائتها و شكرا على هذا المجهود و هذة التحف النادرة وعلى هذا المنتدى

[محمد أحمد 5500]

http://www.sama3y.net/forum/attachment.php?attachmentid=314207&stc=1&d=1360612429

[el kabbaj]

http://www.sama3y.net/forum/attachment.php?attachmentid=317475&stc=1&d=1364376306

[el kabbaj]

http://www.sama3y.net/forum/attachment.php?attachmentid=317476&stc=1&d=1364376386

[el kabbaj]

http://www.sama3y.net/forum/attachment.php?attachmentid=317477&stc=1&d=1364376433

[el kabbaj]

http://www.sama3y.net/forum/attachment.php?attachmentid=317478&stc=1&d=1364376483

[el kabbaj]

http://www.sama3y.net/forum/attachment.php?attachmentid=317479&stc=1&d=1364376530

[el kabbaj]

http://www.sama3y.net/forum/attachment.php?attachmentid=317480&stc=1&d=1364376580

[el kabbaj]

http://www.sama3y.net/forum/attachment.php?attachmentid=317481&stc=1&d=1364376639

[el kabbaj]

يوسف وهبي في المغربhttp://www.sama3y.net/forum/attachment.php?attachmentid=317482&stc=1&d=1364376743

[el kabbaj]

يوسف وزوجتهhttp://www.sama3y.net/forum/attachment.php?attachmentid=317483&stc=1&d=1364376821

[إســـلام جـُـبـّـه]

يوسف وهبي في ادوار مختلفة http://www.sama3y.net/forum/attachment.php?attachmentid=318355&stc=1&d=1365588852

[إســـلام جـُـبـّـه]

يوسف وهبي وجورج اببض عملاقي المسرح في العشريناتhttp://www.sama3y.net/forum/attachment.php?attachmentid=318350&stc=1&d=1365584798

[el kabbaj]

لقطة من فلم أولاد الذواتhttp://www.sama3y.net/forum/attachment.php?attachmentid=318831&stc=1&d=1366271409

[el kabbaj]

http://www.sama3y.net/forum/attachment.php?attachmentid=318835&stc=1&d=1366271645

[el kabbaj]

http://www.sama3y.net/forum/attachment.php?attachmentid=318836&stc=1&d=1366271696

[el kabbaj]

http://www.sama3y.net/forum/attachment.php?attachmentid=318838&stc=1&d=1366271749

[el kabbaj]

http://www.sama3y.net/forum/attachment.php?attachmentid=318840&stc=1&d=1366271814

[el kabbaj]

http://www.sama3y.net/forum/attachment.php?attachmentid=318844&stc=1&d=1366271874

[إســـلام جـُـبـّـه]

يوسف وهبي في اذاعة لندنhttp://www.sama3y.net/forum/attachment.php?attachmentid=319646&stc=1&d=1367557317

[لبنى حسن]

صورة من مسرحية الكونت دي مونت كريستو


http://www.sama3y.net/forum/attachment.php?attachmentid=385156&stc=1&d=1494077561

ياريت اللي عنده نسخه اصليه يرفعها

[لبنى حسن]

يوسف وهبي ودولت ابيض وسراج منير وفاخر فاخر
وفي الخلف زوزو ماضي وجورج ابيض

http://www.sama3y.net/forum/attachment.php?attachmentid=385530&stc=1&d=1494664164

[لبنى حسن]

خبر من عام 1926 م

الملاحظ ان يوسف وهبي كان يطلق عليه لقب ( بك )

وذلك قبل الزعم ان الملك فاروق منحه البكوية عام 1944

http://www.sama3y.net/forum/attachment.php?attachmentid=385552&stc=1&d=1494704162

[لبنى حسن]

و هنا ايضاً خبر من عام 1936 م

وكان يوسف وهبي يحمل لقب ( بك )


http://www.sama3y.net/forum/attachment.php?attachmentid=385553&stc=1&d=1494704294

[إســـلام جـُـبـّـه]

كان يوسف وهبي يًطلق عليه لقب ( بك )لانه ابن إسماعيل باشا وهبي رغم عدمالحصول رسمياً علي الرتبة

[إســـلام جـُـبـّـه]

http://www.sama3y.net/forum/attachment.php?attachmentid=385554&stc=1&d=1494706079

[لبنى حسن]

يوسف وهبي ووحيد سيف 1968

http://www.sama3y.net/forum/attachment.php?attachmentid=385564&stc=1&d=1494769413

[إســـلام جـُـبـّـه]

http://www.sama3y.net/forum/attachment.php?attachmentid=385636&stc=1&d=1494940269