المساعد الشخصي الرقمي

مشاهدة النسخة كاملة : اسفسار وياريت حد يجاوبني ؟؟؟؟؟؟


حسن عبد العليم
05/09/2009, 03h47
السلام عليكم

رمضان كريم علي كل الاعضاء والمشرفين والاستاذه الافاضل داخل هذا المنتدي الرائع
وبدون مقدمات سؤالي كالعاده للاستاذه الالاتي ودكتور هشام واي حد ربنا انعم عليه بهذه الموهبه ......

انا كنت عاوز اعرف هل فيه قسم في المنتدي هنا خاص ممكن الاعضاء او التلاميذ اللي اتعلموا من سيادتكم يرفعوا اعمالهم فيه وحضارتكم تعلقوا عليه من اخطاء وخلافوا .... لان الواحد لازم يشتغل بأيده عشان بيدع اكثر واكثر وهذه فرصه في ظل وجود عمالقه مثلكم تستمعوا وتعلقوا علي الجمل اللحنيه الحلوه والمتوسطه والاخطاء ...

الألآتى
05/09/2009, 04h50
أهلاً ياأستاذ حسن ..

بالتأكيد يوجد قسم كامل لأعمال الأعضاء ..

إسمه ( المبدعون ) وتجده أسفل الصفحة الرئيسية .. ويتفرع هذا القسم .. إلى قسمان رئيسيان ..

قسم ( تجارب الأعضاء الموسيقية والغنائية )

وقسم ( أعمال من إنتاج أعضاء سماعى )

إختر القسم الذى يناسبك .. وضع فيه إنتاجك .. وستجد بإن الله متابعون ومحللون وناقدون ومستمعون أيضاً ..

حسن عبد العليم
06/09/2009, 10h45
استاذي الكبير اووي محمد الالاتي ميرسي جداا ليك علي ردك انا هرفع في القسم دا مقطوعه صغيره عاوز راي سياتك فيها من حيث الاخطاء اولا عشان مش تكرر معايا ول فيها حاجه كويسه تقول بردوا عليها عشان ما احسسش باحباط من اولها كده وميرسي ليك مره تانيه انا هرفعها بأمتداد MID <<<>

بس لو تسمحلي انا هرفعها جوه هنا عشان هيه صغيره ومش مستاهله ادخل قسم المبدعين لان لسه القسم دا شويه عليه علي ما اعمل حاجه كامله من جميع الزوايا

استاذ محمد ليه سؤال

الدكتور هشام سبق ليه وشرح الابعاد ونوعها اللي هوه اول زائد _ تانيه كبيره وصغيره .... الخ

ايه الفائده اللي هتعود عليه من معرفه هذه الابعاد ونوعها وااقصد وقت التلحين
علي فكره ممكن السؤال يكون غبي بس حضارتكم عودتونا علي كده الواحد يسأل عشان يتعلم مهما انت شوفت السؤال سهل وبسيط بس ممكن يفرق معايا ؟؟؟

اللي تتطرقني لهذا السؤال ان حاولت احط هارموني لهذه المقطوعه بس حسيت اني هبوظها فاكتفيت بكده وبس ؟؟
مع اني انا عازفها علي البيانو عندي علي الهارموني احسن من كده بس فيها اخطاء
فكتبتها كده ؟؟؟

الألآتى
06/09/2009, 20h13
بخصوص إستفساراتك عن الهارمونى .. أعتقد أن الدكتور هشام خلف سيكون أقدر منى على الإجابة بحكم تخصصة ..

أما بالنسبة للمقطوعة .. لقد لاحظت أنك تعزف عن طريق صوت مركب .. أى صوت قرار وصوت جواب .. وهذا يؤدى لتداخل النغمات على المدرج الموسيقى فى النوتة ..

كما أنك عزفت مقام الكرد من درجة الفا دييز .. وهذا صعب فى الكتابة .. وفى القراءة أيضاً ..

لابد أن تراعى هذا أثناء الكتابة أو العزف ..

اللحن بسيط ولا توجد به تحويلات .. إستمر وأتمنى لك التوفيق ..

Hisham Khala
07/09/2009, 05h15
Dear Hasan
Sorry I will write in English as I am at work at the moment & I have free time
The intervals are important in Harmony, as long as you are not writing harmony you may not need it
Composition is very big issue and I wrote some articles already try to re-read again. As this will help you in making new themes from yor intial theme
Greetings

حسن عبد العليم
07/09/2009, 08h58
شكر واجب من اعماق قلبي للاساذيا الكبار دكتور هشام والاستاذ الالاتي
دكتور هشام بالنسبه ليك انا شبه قريت معظم دروسك عن الهارومني بس مازلت لا اعرف اذاي اضع هارموني مناسب للحن ؟؟؟ اذاي ومنين ابدأ ؟؟؟ يعني مثلا اشوف الحان واشيل الهارموني بتاعها واضع هارموني من عندي واشوف الفرق ولا ايه ؟؟ الموضع دا حاسس انو كبير اووي ونفس الوقت سهل اوووي اوووي

الاستاذ الالاتي اولا عزفي للمقطوعه من درجه جواب وقرار انا اضطريت لكده في ظل قله خبرتي في وضع هاموني مناسب ؟؟ دي اولا !!

ثانيا ليه تصوير مقام الكرد من علي درجه الفاديز صعب القراءه ؟؟؟ ايه الحكمه في كده ؟؟ انت عودتني علي الاجابه المطوله مش عايز بعد اذنك اجابات مختصره عشان معدتش اخنقك بأسئله ليس لها داعي ؟؟؟

Hisham Khala
07/09/2009, 09h45
صديقي العزيز حسن
كورس الهارموني مدته سنتين على الأقل ، و أنا لسه بأكتب في المقدمة ، و لم أدخل في الموضوع ، و في رمضان أنا شبه متوقف عن الكتابة لأنها بتحتاج مراجعة دقيقة خاصة أنها علم و ليس مجرد رأي نختلف حوله ، بمعني أن المعلومة لازم تكون صحيحة و تم مراجعتها جيداً.
بالنسبة إلي الهارموني أصبر شوية و أعتني بالتلحين ، و كما قال الاستاذ الالاتي خللي بالك من ركوز المقام فا# ماجير أو مقام الكرد أو الحجاز أو ... من على فا# صعب في العزف (يمكن على البيانو يكون ممكن و سهل) و لكن بالنسبة إلي الكمانجات و العود و الجيتار و الباصات و ... ها يكون صعب ، فلابد من ضرورة فنية لأختيار مثل الركوز (صوت المغني مرتاح على هذه الطبقة - تتابع نغمات اللحن في العزف سلس في هذه الحالة)

الألآتى
07/09/2009, 19h53
ثانيا ليه تصوير مقام الكرد من علي درجه الفاديز صعب القراءه ؟؟؟ ايه الحكمه في كده ؟؟ انت عودتني علي الاجابه المطوله مش عايز بعد اذنك اجابات مختصره عشان معدتش اخنقك بأسئله ليس لها داعي ؟؟؟


أستاذ حسن ..

تأكد أننى لن أمل من أسئلتك .. ويسعدنى دائماً الرد عليك وإنارة الطريق أمامك ..

لقد أجابك الدكتور هشام بطريقة مختصرة أيضاً ..

ولكنى سأرد بالتفصيل حتى ترتاح ..

كل آلة موسيقية لها طريقة مختلفة فى العزف ..

والوتريات بالذات .. يتم ضبط أوتارها بطريقة معينة ..

وعازف الكمان مثلاً .. تعود على أن يضع إصبعة على منطقة معينة فينتج نغمة معروفة مسبقاً ..

فإنه يعرف اين الدو .. وأين الرى .. وأين الصول .. بمجرد عفق الوتر فى منطقة معينة .. دون أن ينظر لرقبة الكمان ..

فإذا أعطيناه نوتة مختلفة الركوز .. مثل الفا دييز أو الدو دييز .. أو أى شئ خارج عن المألوف .. فإنه يضطر لإعادة ضبط الأوتار حسب درجة الركوز الجديدة .. وهذا يأخذ وقتاً ومجهوداً .. ولا يصلح للحفلات المباشرة .. لأن عازف الكمان سيضطر لإعادة ضبط الأوتار مرة أخرى .. حسب كل أغنية .. وهذا شئ صعب جداً ..

والأكورديون مثلاً .. له ضبطة معينة .. وأماكن معروفة مسبقاً للربع تون .. لذا فإنه لن يستطيع عزف النوتة التى عزفت منها حضرتك .. لأنه لن يجد أماكن السيكا فى مواضعها ..

هذه الطريقة تنفع مع الأورج فقط .. لأنك تستطيع إزاحة سلم المقام بأكمله عن طريق الترانسبوسر .. ويمكنك أيضاً تغيير أماكن السيكا كما تريد .. لكن فى الألات الحقيقية لايمكنك فعل ذلك ..

كما أن التحويلات من هذه المنطقة ستكون صعبة جداً على العازف ..

حسن عبد العليم
08/09/2009, 09h02
شكر خاص من اعماق قلبي

اجابه الاستاذ الالاتي وصلت وانت كمان دكتور هشام
بس دكتور انا كان نفسي دروسك عن الهارموني تكون في صفحات متتاليه خاليه من ردود الاعضاء ويكون فيه مكان تاني نرد فيه ونستفسر عن اي حاجه احنا مش فاهمنا لان ردود الاعضاء داخل المواضيع خصوصا المطوله واللي فيها شرح وكلام كتير وتحديدا ان علي ما فهمت ان سيادتك كده بتتكلم في علم بتعمل ليه انا شخصيااا انفصام عن الموضوع ولو حبيبت اجيب صفحه معينه يتعذر عليه لاني مش عارف الموضوع اللي انا عاوزه في اي صفحه دا عاوز صفحات متتاليه بعناوين كل درس ولو فيه تمرين يكون اسفل كل درس بدون ردود اعضاء في الداخل ..... دا ممكن يكون طلب مش عارف هيبقي علي الاداره سهل تنفيذه ولا ايه وشكرااا ومبيرسي ليكم وانا مستمر في اتلحين وحاليا بحضر حاجه اول مانتهي منها هعرضها عليكم وشكرااااا مره اخري بااااي

الألآتى
08/09/2009, 10h20
شكر خاص من اعماق قلبي

اجابه الاستاذ الالاتي وصلت وانت كمان دكتور هشام
بس دكتور انا كان نفسي دروسك عن الهارموني تكون في صفحات متتاليه خاليه من ردود الاعضاء ويكون فيه مكان تاني نرد فيه ونستفسر عن اي حاجه احنا مش فاهمنا لان ردود الاعضاء داخل المواضيع خصوصا المطوله واللي فيها شرح وكلام كتير وتحديدا ان علي ما فهمت ان سيادتك كده بتتكلم في علم بتعمل ليه انا شخصيااا انفصام عن الموضوع ولو حبيبت اجيب صفحه معينه يتعذر عليه لاني مش عارف الموضوع اللي انا عاوزه في اي صفحه دا عاوز صفحات متتاليه بعناوين كل درس ولو فيه تمرين يكون اسفل كل درس بدون ردود اعضاء في الداخل ..... دا ممكن يكون طلب مش عارف هيبقي علي الاداره سهل تنفيذه ولا ايه وشكرااا ومبيرسي ليكم وانا مستمر في اتلحين وحاليا بحضر حاجه اول مانتهي منها هعرضها عليكم وشكرااااا مره اخري بااااي


الموضوع ده محتاج متطوع ياأستاذ حسن .. المشرفين والإداريين تكفيهم مشاغلهم اليومية من تنظيم وترتيب وردود وتفعيل مشاركات ومرفقات وحذف ونقل ودمج للمواضيع والمشاركات .. و و ألخ .
الموضوع بالفعل محتاج لمتطوع يقوم بهذا العمل لفائدة نفسه وإخوانه .. يجمع الدروس على هيئة كتاب ألكترونى مثلاً .. أو أدوب أكروبات ..

Hisham Khala
09/09/2009, 07h35
السلام عليكم
أعتقد أنا كاتب الموضوع بتسلسل و دائما بأكتب أسم الموضوع في بداية الرد.
و فكرت أنه يكون مكتوب عادي (زي هذا الرد) و بتفصيل أكثر داخل PDF file
و هذا لأن هناك زوار لا يستطيعون فتح الملفات بالمنتدي لأنهم ليسوا أعضاء