حبيبي ياللي ناسي من ألحاني تامر عامر [الأرشيف] - منتدى سماعي للطرب العربي الأصيل

مشاهدة النسخة كاملة : حبيبي ياللي ناسي من ألحاني تامر عامر

ملحن مصري

31/08/2009, 13h26

السلام عليكم
أتمني العمل ده يعجبكو
" حبيبي ياللي ناسي "

كلمات م / عز علام
غناء /مصطفي النجدي
الحان / تامر عامر
والعمل ده كان من أوائل الأعمال التي تم إنتاجها عن طريق برنامج المواهب الشابه تحت رعايه الملحن / محمد قابيل
و مع الأسف تم الحكم بالإعدام علي البرنامج نظرا لسعيه لتقديم فن راقي وبأقل التكاليف
يعني كان هايكون متنفس للمواهب في مصر وكانت النتيجه الحكم بالإعدام عليه
أرجو أن تكون المشاركات بالرأي خاليه من المجاملات
يعني قولوا رأيكو بأمانه شديده وماتخافوش مش هازعل لأني مؤمن بأن النقد يدفع للأمام

ملحن مصري

31/08/2009, 13h33

وآدي الأغنيه ويارب تعجبكوا

ملحن مصري

31/08/2009, 13h44

حتي لا أضيّع مجهود أحد المشاركين في إخراج الأغنيه
الأغنيه من توزيع أ / مدحت حميده
والإشراف عليها حتي تخرج للنور أ / محمد قابيل

م عصامي

31/08/2009, 14h06

أغنية جميله على العموم الا انني أرى أن جزء اللحن المتضمن لجملة الحجاز كار (أي من اللا بيمول -صول- صول بيمول ..حتى المي بيمول والعودة لللا بيمول) لا تتوافق حسب سمعي مع مقام الصبا.وبالتوفيق.. المولدي عصامي.

ملحن مصري

31/08/2009, 15h56

السلام عليكم
أخي العزيز أتقبل رأيك ولكنني لا أفهم معني كلمه لايتماش أو لا يتوافق هل يعني أنه نشاز
أنا عندما ألحن أترك العنان لخيالي وإحساسي بالكلمه ولكن عندما أنتقد عمل ما لابد وأن أكون قوي الحجه ومقنع ومقتنع بما أقول
أرجو التوضيح أكثر

م عصامي

31/08/2009, 16h16

والله يا صديقي لم أقصد الانتقاص من قيمة العمل فالعمل جميل ورائع بصفة عامة ، لكن النقله التي أشرت اليها لم تتوافق مع الجملة التي سبقتها وهذه مسألة تذوق لاتحتاج الى براهين او اثباتات. ومين غير زعل دائما.اخوك المولدي.

ملحن مصري

31/08/2009, 16h24

السلام عليكم
أخي العزيز جداااااااااااا أنا مش بازعل من أي نقد وياريت تفضل علي أسلوبك ده دايما بس بالظبط زي ماتفضلت وقلت إنها مشاعر وإحساس ومن الممكن أنها لم تصلك ولكن حاول تسمعها أكثر وسأنتظر ردك من جديد
وعلي فكره أنا هاوي للموسيقي وأتمني أن أقدم أعمال لها قيمه إمتداد للقديم ولازم أسمع لنقدك وخصوصا اللي بيعلق علي شئ معين مش بحب المجامله
وأنا قمت بتثقيف نفسي بنفسي وماشي علي نهج الفناين بتوع زمان يعني باخوض نفس المراحل اللي مروا بيها
وماتنساش ردك عليا لما تسمع الموضوع تاني

Hisham Khala

31/08/2009, 16h53

برافو يا تامر
الاغنية حلوة ، إيقاع سريع ، مقامات شرقية ما بين الصبا و الحجاز و الحجاز كار و الانتقالات المقامية جميلة .... جميلة ، أنت طبعاً مش زي زكريا أحمد (عشان ما يبقاش فيه غرور) لكن ها تلقيه بيعمل كده في أغنية أنا في إنتظارك (يا ريتني عمري ما حبيت) و ها تلاقي بليغ حمدي برضه بيعمل نفس الانتقالات المقامية في تقسيم على الجيتار من مقام الحجاز كار(شاهيناز) في اغنية الحب كله ....
هذه المقامات لها طابع حزين و هذه الانتقالات بتزيد من الاحساس باللوعة و لكن مع الايقاع السريع و المتزوق ضاع الاحساس بالحزن و اللوعة و هذا لا يتعارض مع كون الاغنية لطيفة في السماع لأن المستمع مش عاوز يكتئب من الحزن ، و عبد الوهاب عمل كده في أغنية أغداً ألقاك (الكوبلية الثالث) مقام صبا على إيقاع راقص و لكن ما بدأت أم كلثوم في الغناء طابع الحزن بتاع مقام الصبا تغلب.
المغني صوته جيد و الاكورديون عمل شغل حلو.

ملحن مصري

01/09/2009, 18h56

كمال عواد

02/09/2009, 21h22

اغنيه حلوه ياتامر جداااااا
ولحن خفيف جميل مستساغ لالاذن بشكل لطيف

والانتقالات المقاميه لطيفه جدا..خصوصا ( ياتحوش عنى ابتسامه)..( و(اصل اللى جرالى منك)..وما شابهها بعد ذلك فى الكوبليهات.مقام الحجاز كار..
طبعا المقام الاساسى صبا...تبدا به المذهب وتنهى به الكوبليهات
انا احساسى بالانتقال اللى انت عامله حلو

غنوه خفيفه جميله حلوه...الله ينور
والى الاحلى والاجمل انشاء الله..

ملحن مصري

03/09/2009, 23h39

السلام عليكم
أنا سعيد جدا بتعليقات ومشاركات أعضاء بحب أسمع لرأيهم لأني متأكد إنه خالي من المجامله والحمد لله إني علي الأقل قدمت عمل مش سيئ وإن شاء الله فيه أعمال هايكون فيها الشرقيه واضحه أكتر وأول ماأنتهي منها توزيع موسيقي هارفعها علي طول لأني كمان ش عارف لو رفعت أعمال بصوتي مع العود فقط هايكون مستساغ ولالا وخصوصا إني كنت عملت محاوله في رباعيات جاهين و كنت أحب أسمع التعليقات عليها

سعدالشرقاوى

17/09/2009, 22h39

الاخ الاستاذ
الفنان/تامرعامر
هات اللى عندك
ماتحرمناش من ابداعك
الله يخليك
الاغنيه جميله جدا
وانت فنان عظيم
وان شاء الله الى الامام
وكل عام وانتم بخير

ملحن مصري

18/09/2009, 19h40

السلام عليكم
أشكرك علي مشاركتك وإن شاء الله سوف أرفع اعمال أخري حينما انتهي منها بشكل جيد للمنتدي

عفاف سليمان

20/09/2009, 01h38

السلام عليكم
طبعا أشكرك دكتور هشام لإهتمامك بسماع الأغنيه والمشاركه برأيك وأحب أطمنك إن رأيك مش هايخليني أكون مغرور بالعكس هاخليني متواضع أكتر وأصمم علي تقديمي للفن الراقي مدام اللي بأحاول أوصله من تقديم لفن راقي إمتداد للجيل القديم وكمان يزيدني ثقه
وأتمني تنول باقي أعمالي القادمه إعجاب الجميع
عجبنى ردك هذا انك سوف تكون على نهج الرواد:)
ويارب ينولك اللى تتمناه:o
وتحقق مبتغاك من الابداعات الفنيه والموسيقيه:)
اسعدك الله وانار بصيرتك الى كل جميل وجديد
وعيد مبارك:emrose:
اختك عفاف

ملحن مصري

06/11/2009, 10h10

شكرا أختي عفاف علي مشاعرك النبيله

عصام ماضى

31/12/2009, 11h13

أحسنت جدا ياتامر لحن جميل وسلملى على الأستاذ مدحت وأنا ملاحظ تغييرات كويسه فى نوعيه ألحانك بالتوفيق أن شاء الله وفى أنتظار عمل كبير منك أنت فنان جميل بتحب الفن:emrose:

ملحن مصري

01/01/2010, 14h13

شكرا لتعليقك أستاذي العزيز وأتمني أن أكون عند حسن الظن دائما
ولي وجهة نظر فيما يقدم حاليا لماذا أعلق عليه بأنه ليس جيد
بالعكس كل مايقدم جميل وإن كان لي رأي آخر وخصوصا إن كان لي علاقه بالفن فالأولي أن أقدم وجهة نظري في شكل أعمال وعلي المستمع التمييز بين الجيد والغير جيد

عصام ماضى

09/01/2010, 02h42

شكرا لتعليقك أستاذي العزيز وأتمني أن أكون عند حسن الظن دائما

ولي وجهة نظر فيما يقدم حاليا لماذا أعلق عليه بأنه ليس جيد
بالعكس كل مايقدم جميل وإن كان لي رأي آخر وخصوصا إن كان لي علاقه بالفن فالأولي أن أقدم وجهة نظري في شكل أعمال وعلي المستمع التمييز بين الجيد والغير جيد
أحسنت وبالتوفبق ولاتلتفت ورائك أنظر دائما للأمام

محمد مظاهر

24/01/2010, 11h45

ان التصوير في الموسيقى العربيةهو نقل نص موسيقي من طبقة الى أخرى تتناسب مع صوت المؤدّي .مع جزيل الشكر و الإمتنان لكم

ملحن مصري

24/01/2010, 18h07

ان التصوير في الموسيقى العربيةهو نقل نص موسيقي من طبقة الى أخرى تتناسب مع صوت المؤدّي .مع جزيل الشكر و الإمتنان لكم
مش فاهم ردك علي إيه بالظبط ياريت توضح كلامك أخي العزيز