أوكورديون

[ناصر دويدار]

أوكورديون
وبنت بملاية
بتوّنسه
على كعب كوباية
عيال بتلعب بلى
وعيال تلف النحل
وعيال بتلعب أستغماية
بنت وولد واقفين من الشبابيك
وبيبدأوا حكاية
بنت وولد تانيين
عطوا ضهرهم للبحر
وبيبدأوا نهاية
وعيون بتشكى واد شقى لامه
زغللها بمراية
راجل على عكاز
جرنال بيجرى
من تحت نضارته الأزاز
على الجدار الجير
واقف فى برواز كبير
أبويا بعصاية
ريحة الطعمية فايحة
والزيت بيقلى
قرن شطة إسرائيلى
ولمونة بتنزل دموعها فى صحن فول
راديو قديم
وصوت حليم
بيقول
(أنا لك على طول)
أوكورديون
رغم أحزان الشوارع
لسه
بيقوووووووووول

[عمر زهران]

يا عينى يا سيدى على ريحة الحارة المصرية ونفسى أعرف أنت جبت منين قرن الشطة (الإسرائيلى) ده مشهور عندنا فى الإسماعيلية أنت جبته منين والولد اللى بيزغلل بالمراية
أنت رهيييب وصورك رهيبة وفظيعة والراجل اللى بيجرى من تحت نضارته الأزاز الجرنال
إيه الصورة دى وصورة أبويا اللى على الجدار الجير
الله الله الله الله الله على الأوكورديون وريحة الشوارع المصرية والبيوت المصرية الله يفتح عليك يا شيخ

[علاء قدرى]

أوكورديون

وبنت بملاية
بتوّنسه
على كعب كوباية
عيال بتلعب بلى
وعيال تلف النحل
وعيال بتلعب أستغماية
بنت وولد واقفين من الشبابيك
وبيبدأوا حكاية
بنت وولد تانيين
عطوا ضهرهم للبحر
وبيبدأوا نهاية
وعيون بتشكى واد شقى لامه
زغللها بمراية
راجل على عكاز
جرنال بيجرى
من تحت نضارته الأزاز
على الجدار الجير
واقف فى برواز كبير
أبويا بعصاية
ريحة الطعمية فايحة
والزيت بيقلى
قرن شطة إسرائيلى
ولمونة بتنزل دموعها فى صحن فول
راديو قديم
وصوت حليم
بيقول
(أنا لك على طول)
أوكورديون
رغم أحزان الشوارع
لسه

بيقوووووووووول

يااااااااااااه
صوت اوكرديونك فكرنى بلقطات زقاق المدق (نجيب محفوظ)
بس انت ليك عيون كاميرا مدهشة ؛ تلقط بيها كادرات منفصلة من الوجع ؛ و الدهشه ؛ والحلم الجميل ؛ كاميرا ابيض و اسود؛ حريف اصطياد خلفيات المشهد الرئيسى ؛ ابطالك شخوص معروفة للجميع ؛ فكلنا انت و لكن لك وحدك كاميرا الحروف ؛ احيانا بحس انك لا تفارقك الذاكرة ؛ ولا تخونك حين الاستدعاء ؛ رغم ان الجميع اصابه مرض الزهيمر من طول الاحداث المتلاحقة ؛ و مطاردة التفاهات اليومية لنا ؛ نعم اصابنا الزهيمر اما انت فاصبته فى مقتل
اللهم لا حسد

[ناصر دويدار]

[QUOTE=علاء قدرى;352061] يااااااااااااه
صوت اوكرديونك فكرنى بلقطات زقاق المدق (نجيب محفوظ)
بس انت ليك عيون كاميرا مدهشة ؛ تلقط بيها كادرات منفصلة من الوجع ؛ و الدهشه ؛ والحلم الجميل ؛ كاميرا ابيض و اسود؛ حريف اصطياد خلفيات المشهد الرئيسى ؛ ابطالك شخوص معروفة للجميع ؛ فكلنا انت و لكن لك وحدك كاميرا الحروف ؛ احيانا بحس انك لا تفارقك الذاكرة ؛ ولا تخونك حين الاستدعاء ؛ رغم ان الجميع اصابه مرض الزهيمر من طول الاحداث المتلاحقة ؛ و مطاردة التفاهات اليومية لنا ؛ نعم اصابنا الزهيمر اما انت فاصبته فى مقتل
اللهم لا حسد
00000000000000000000000000000000000000
انا قاعدلك النهارده لما اشوف حل معاك فى حكاية الذاكرة دى خلى بالك المصريين من أكتر الناس فى العالم أصحاب ذاكرة طازة يعنى فاكرين أول حب وأول بومبة وأول يوم فى المدرسة
وأول يوم فى السجن المصريين اجمل ما فيهم الذاكرة يمكن فى واحد ذاكرته نشيطة بس لما بينشط ذاكرة الجميع بيخشوا مع بعض فى كورال رهيييييييييييب من الدفا والمحبة ويقولوا لبعض بمنتهى الحنية فاكر زمان فاكر فانوس رمضان أبو شمعة فاكر ناس زمان فاكر حلاوة زمان ربنا يخلى لنا الذاااكرة لأننا بنحتاج لها لما بنستخبى من ضلمة الأيام

[صبره ابو حسن]

أوكورديون
وبنت بملاية
بتوّنسه
على كعب كوباية
عيال بتلعب بلى
وعيال تلف النحل
وعيال بتلعب أستغماية
بنت وولد واقفين من الشبابيك
وبيبدأوا حكاية
بنت وولد تانيين
عطوا ضهرهم للبحر
وبيبدأوا نهاية
وعيون بتشكى واد شقى لامه
زغللها بمراية
راجل على عكاز
جرنال بيجرى
من تحت نضارته الأزاز
على الجدار الجير
واقف فى برواز كبير
أبويا بعصاية
ريحة الطعمية فايحة
والزيت بيقلى
قرن شطة إسرائيلى
ولمونة بتنزل دموعها فى صحن فول
راديو قديم
وصوت حليم
بيقول
(أنا لك على طول)
أوكورديون
رغم أحزان الشوارع
لسه
بيقوووووووووول

الله عليك يا فنان يا يا يا ايه
يا مصوراتى فوتغرافـــــيا
كاتب كلامك ع القــــــافيا
حساب ونحو وجـــغرافيا
وناس قلوبها مش صافــيا
واخده الحياه كده بالعافـيا
الصوره دى من جــــوانا
من غير رتوش لكن وافيا

[ناصر دويدار]

[QUOTE=عمر زهران;352030]يا عينى يا سيدى على ريحة الحارة المصرية ونفسى أعرف أنت جبت منين قرن الشطة (الإسرائيلى) ده مشهور عندنا فى الإسماعيلية أنت جبته منين والولد اللى بيزغلل بالمراية
أنت رهيييب وصورك رهيبة وفظيعة والراجل اللى بيجرى من تحت نضارته الأزاز الجرنال
إيه الصورة دى وصورة أبويا اللى على الجدار الجير
الله الله الله الله الله على الأوكورديون وريحة الشوارع المصرية والبيوت المصرية الله يفتح عليك يا شيخ
*****************************
أولاً يا سى عمر مش الإسماعيلية بس اللى عارفة أن قرن الشطة الحراق بيسموه (إسرائيلى) دى معروفة فى وجه بحرى وممكن تكون فى الصعيد كمان 0
يعنى اللغة مصرية صميمة والاوكورديون هو الآلة اللى الواحد لما بيسمعها بيحس ويشم بريحة الحارة المصرية وجدعنة أولاد البلد اللى لسه موجوده
يمكن راحت بعيد عن الاوكورديون لكن لسه موجودة
والحمد لله شكراً والله يفتح عليك يا شيخ
وكل سنة وانت طيب
وإيه أخبار الإسماعيلية والسمسمية؟.
وسلملى على عصام الحضرى

[ناصر دويدار]

[QUOTE=صبره ابو حسن;352091]الله عليك يا فنان يا يا يا ايه
يا مصوراتى فوتغرافـــــيا
كاتب كلامك ع القــــــافيا
حساب ونحو وجـــغرافيا
وناس قلوبها مش صافــيا
واخده الحياه كده بالعافـيا
الصوره دى من جــــوانا
من غير رتوش لكن وافيا
<><><><><><><><><><><><>
كلامك جميل
يا صبره يا أصيل
يا شجرة صفصاف
على شط نيل
يا ابن البدارى
يابرج الزغاليل

[Tarek Elemary]

ولمونة بتنزل دموعها فى صحن فول




هذه أسكرتنى
======= و الله رائعة و إنت شاعر رائع و غير نمطى و لا يتوقعك أحد و هذا هو المدهش فى شعرك

[ناصر دويدار]

ما بلاش السيرة دى يا عم طارق فى رمضان
خلينا نقول دروشتنى احسن حد يسمعنا من بتوع تنفيذ الأحكام

[abuzahda]

أوكورديون


وبنت بملاية
بتوّنسه
على كعب كوباية
عيال بتلعب بلى
وعيال تلف النحل
وعيال بتلعب أستغماية
بنت وولد واقفين من الشبابيك
وبيبدأوا حكاية
بنت وولد تانيين
عطوا ضهرهم للبحر
وبيبدأوا نهاية
وعيون بتشكى واد شقى لامه
زغللها بمراية
راجل على عكاز
جرنال بيجرى
من تحت نضارته الأزاز
على الجدار الجير
واقف فى برواز كبير
أبويا بعصاية
ريحة الطعمية فايحة
والزيت بيقلى
قرن شطة إسرائيلى
ولمونة بتنزل دموعها فى صحن فول
راديو قديم
وصوت حليم
بيقول
(أنا لك على طول)
أوكورديون
رغم أحزان الشوارع
لسه

بيقوووووووووول

http://firstshablool.jeeran.com/files/40883.JPG

بالظبط كدة
ده اللي انا عايز اقوله ، من ساعة ما قرأتلك أول لوحة (الميدان)

إن انت المعادل الشِعري لفنان الحارة عمّنا الأستاذ صلاح عناني:emrose:

* * *

عارف يا :emrose:عم ناصر دويدار:emrose: (يا اللي مش ناوي تجيبها لبَر)

طول عمري بقول إن الأكورديون آلة مزيكا مصريّة بجدارة ، فكانوا حبايبي المزيكاتيّة يقولوا لي : الأكورديون آلة غربيّة !

فأعيد صياغة جملتي - تحايلاً - إن الأكرديون عبّر عن روح الحارة المصريّة زي الربابة و الأرغول ما عبّروا عن الريف المصري

و إيه يعني ، ما فايزة احمد مش مصريّة ، لكنها أكثر مصريّة من نجاة

و ياسلام لما لاعب الأكورديون يقول من تحت ( على رفيّع) يا روحي

و كان فيه عازف أكورديون آرح إسمه أبو عزة (بعين كريمة) و ده اللي كان بيشغل عدوية مع خميس حنكش ، قبل حسن ابو السعود
كنت احب اسمع منه شيش كباب ، من تحت ( إيييييييه ، أيام يا عم ناصر )

و كمان انت عارف يا ناصر دويدار

مع إني عايش هنا في مطبخ العولمة ، إلا إني بكرهها موووووت ، آهـ و الله
العولمة حرمتنا شوفة غزلان الملاية اللف و المنديل ابو أوية و الشبشب أبو وردة

كانوا يخطروا ساعة المغارب ، نواحي الغوريّة و سوق اللمون

* * *

بقولك إيه يا ناصر دويدار

إنت مادرستش سيما ليه ؟
ما تسيبك من الإذاعة الناشفة و تفكر في السيما

[امحمد شعبان]

أوكورديون
وبنت بملاية
بتوّنسه
على كعب كوباية
عيال بتلعب بلى
وعيال تلف النحل
وعيال بتلعب أستغماية
بنت وولد واقفين من الشبابيك
وبيبدأوا حكاية
بنت وولد تانيين
عطوا ضهرهم للبحر
وبيبدأوا نهاية
وعيون بتشكى واد شقى لامه
زغللها بمراية
راجل على عكاز
جرنال بيجرى
من تحت نضارته الأزاز
على الجدار الجير
واقف فى برواز كبير
أبويا بعصاية
ريحة الطعمية فايحة
والزيت بيقلى
قرن شطة إسرائيلى
ولمونة بتنزل دموعها فى صحن فول
راديو قديم
وصوت حليم
بيقول
(أنا لك على طول)
أوكورديون
رغم أحزان الشوارع
لسه
بيقوووووووووول



ولمونة بتنزل دموعها فى صحن فول
عشت وشفت العجب في رجب وفي غير رجب . وهذه ما شفتها وما سمعت بها ( لمونة لها دموع وتعرف أيضا بالضبط أين ومتى تذرفها . ) فسبحان الله .
هذه لم يأت بها لا قسّ بن ساعدة : أوّل قائل : ( أما بعد ... ) . ولا من بعده الغضبان بن القبعثرى قاهر الحجّاج بصولاته وجولاته البلاغية .
الله ينوّرك يا حبيبي :
فنعم إبداعك . وهنيئا لنا بإمتاعك .
ومعذرة إن تطفّلت على مقامكم هذا .
والسلام على الكرام .

[امحمد شعبان]

ولمونة بتنزل دموعها فى صحن فول
عشت وشفت العجب في رجب وفي غير رجب . وهذه ما شفتها وما سمعت بها ( لمونة لها دموع وتعرف أيضا بالضبط أين ومتى تذرفها . ) فسبحان الله .
هذه لم يأت بها لا قسّ بن ساعدة : أوّل قائل : ( أما بعد ... ) . ولا من بعده الغضبان بن القبعثرى قاهر الحجّاج بصولاته وجولاته البلاغية .
الله ينوّرك يا حبيبي :
فنعم إبداعك . وهنيئا لنا بإمتاعك .
ومعذرة إن تطفّلت على مقامكم هذا .
والسلام على الكرام .




يا سعد يا شرقاوي : تُرى ما ألجم القوم ؟
أهي المقاومة السّلبية ؟ أم أنهم في مجلس مضيّق ولم يُجمعوا بعدُ على الحدّ الذي يعتزمون إقامته على أخيكم رغم اعتذاري المسبّق عن اقتحام بيتهم ورغم أنه بيت مفتوح للجميع .
ما رأيك يا سعد : أنسحب من بيتهم والسلام . ( وبلاش نشاز ) . أم ( أسيبك عليهم ) وأبقى أتفرّج ؟

[د أنس البن]

أهلا ومرحبا بصديقى وأخى الأكبر وحبيبى الشيخ امحمد شعبان
والله يا شيخ أنت لاتعرف كم أكون سعيدا عندما أصادف مشاركة لك
وخصوصا فى هذا الملتقى الأدبى , فبالإضافة إلى ذائقتك السمعية العالية المرهفه
تملك ذائقة أدبية رفيعة المستوى جعلتك تطرب لنص مكتوب باللغة الدارجة المصريه وتنفعل للمعنى المبطون فيه وللصورة الفنية التى ربما يمر عليها كثيرون ولا يلتفتون إلى ما جعلك تعلن تفرد صاحبه به
وجودك يا شيخ يسعدنا جميعا ويزيدنا بهجة وكنت والله أود أن أبادر بالتعقيب فور قراءته , لكنى تركت المجال لأخى ناصر دويدار ليعقب أولا وينتشى بشهادتك مثلى , لكنى التمست له العذر فى تأخره لعلمى أنه لم يدخل الى الموقع حتى الآن وذلك لانشغاله فى عمله بالتلفزيون المصرى وكما تعلم يا شيخنا العمل فيه هذه الأيام على قدم وساق لمناسبة شهر رمضان وكان الله فى عونهم
وأهلا بك دائما مع رجاء منى أن تدخر لى عندك بعضا من نسمات هواء "قربه" العليل الذى يذكرنا بالأحباب ......:emrose:

[سعدالشرقاوى]

يا سعد يا شرقاوي : تُرى ما ألجم القوم ؟

أهي المقاومة السّلبية ؟ أم أنهم في مجلس مضيّق ولم يُجمعوا بعدُ على الحدّ الذي يعتزمون إقامته على أخيكم رغم اعتذاري المسبّق عن اقتحام بيتهم ورغم أنه بيت مفتوح للجميع .
ما رأيك يا سعد : أنسحب من بيتهم والسلام . ( وبلاش نشاز ) . أم ( أسيبك عليهم ) وأبقى أتفرّج ؟

ياخبر ياجدّو
طالما ان لغتنا الدارجه المصريّة
تصل بهذه السهولة الى أهالينا التوانسة
ماتتصورش قد ايه سعادتنا وانارة صفحاتنا
بتشريفك
واعتبرنى مكلـّف رسميّا من أخى الاستاذ ناصر
لحين عودته أنىّ أقيد الشموع وأزيّن المكان
ليناسب بحر اللغة العربيّة فى العالم العربى
جدّنا وتاج رؤوسنا الاستاذ امحمد شعبان
ودا أعظم جميل طوّقنا به الاستاذ ناصر دويدار
أنه استطاع بقدراته العظيمه أن يجلب الينا فى هذه الأيام الكريمه
نظرة أستاذنا امحمد شعبان
كل عام وأنت بخير ياراجل ياطيب القلب

[ناصر دويدار]

[QUOTE=امحمد شعبان;353310]يا سعد يا شرقاوي : تُرى ما ألجم القوم ؟

أهي المقاومة السّلبية ؟ أم أنهم في مجلس مضيّق ولم يُجمعوا بعدُ على الحدّ الذي يعتزمون إقامته على أخيكم رغم اعتذاري المسبّق عن اقتحام بيتهم ورغم أنه بيت مفتوح للجميع .
ما رأيك يا سعد : أنسحب من بيتهم والسلام . ( وبلاش نشاز ) . أم ( أسيبك عليهم ) وأبقى أتفرّج ؟
_____________________________
عمى واستاذى وشيخ الطيب وغصن الزتون وريحة أهالينا فى تونس الخضرا الاستاذ امحمد شعبان لو قولتلك انا فرحان بمداخلتك قد إيه مش حتصدق وعلى فكرة عمى أنس البن قالك عذرى أنا فعلا بفطر وبتسحر فى التليفزيون علشان كل سنة وأنت طيب الدنيا (مدعكة) عندنا وانا دخلت عشان أصحابى قالولى الحق المشاركة المهمة قبل ما تطير منك هو انا اطول شيخ الطيب التونسى الجميل اللى من أهلى يطل على الحارة المصرية ويشم فيها ريحة البخور وطبق الفول واللمونة اللى بتنزل دموعها فى صحن فول ده انت شرفتنى وزودتنى وحببتنى فى الشعر أكتر وأكتر لانك لقطت صورة ما ينفعش اى حد يلقطها انا والله العظيم فرحان فرحة مش قادر اوصفهالك وانا بعتذر عن التأخير اللى فعلاً غصب عنى وأنا متأسف وخجلان من نفسى بس ورايا أعمامى اللى فعلاَ قالولك العُذر وأنا للمرة المليون برحب بيك ومشاركتك على راسى وأحساسك وفهمك ووعيك وذكاءك وكاميرا عينيك التونيسية المصرية العربية وده مش غريب على التوانسة الجامدين فى كل حاجة
انا بحبك جداً وبحترمك جداً وانا مستعد اجيلك تونس مخصوص عشان اعرفك انى بحب الشعب التونسى وبقدره وبحترمه لان الشعب التونسى مننا وزينا وناسه ناسنا واهلنا وانا عايزك تطل عليا كتير لانى مهم ان القصيدة تتجمل بنظرة عينيك فيها ياعمى يا جميل وانا مستعجل دلوقتى لانى رايح أستوديو فى المنيل عشان أخــد تيترات وحرجع تانى لعمى الكبير المحترم العبقرى أنس البن ولعمى الفلاح الأصيل المحترم سعد الشرقاوى
حستأذنكم وراجعلكم إن شاء الله 0

[ناصر دويدار]

[QUOTE=abuzahda;353155]http://firstshablool.jeeran.com/files/40883.JPG


بالظبط كدة
ده اللي انا عايز اقوله ، من ساعة ما قرأتلك أول لوحة (الميدان)

إن انت المعادل الشِعري لفنان الحارة عمّنا الأستاذ صلاح عناني:emrose:

* * *

عارف يا :emrose:عم ناصر دويدار:emrose: (يا اللي مش ناوي تجيبها لبَر)

طول عمري بقول إن الأكورديون آلة مزيكا مصريّة بجدارة ، فكانوا حبايبي المزيكاتيّة يقولوا لي : الأكورديون آلة غربيّة !

فأعيد صياغة جملتي - تحايلاً - إن الأكرديون عبّر عن روح الحارة المصريّة زي الربابة و الأرغول ما عبّروا عن الريف المصري

و إيه يعني ، ما فايزة احمد مش مصريّة ، لكنها أكثر مصريّة من نجاة

و ياسلام لما لاعب الأكورديون يقول من تحت ( على رفيّع) يا روحي

و كان فيه عازف أكورديون آرح إسمه أبو عزة (بعين كريمة) و ده اللي كان بيشغل عدوية مع خميس حنكش ، قبل حسن ابو السعود
كنت احب اسمع منه شيش كباب ، من تحت ( إيييييييه ، أيام يا عم ناصر )

و كمان انت عارف يا ناصر دويدار

مع إني عايش هنا في مطبخ العولمة ، إلا إني بكرهها موووووت ، آهـ و الله
العولمة حرمتنا شوفة غزلان الملاية اللف و المنديل ابو أوية و الشبشب أبو وردة

كانوا يخطروا ساعة المغارب ، نواحي الغوريّة و سوق اللمون

* * *

بقولك إيه يا ناصر دويدار

إنت مادرستش سيما ليه ؟

ما تسيبك من الإذاعة الناشفة و تفكر في السيما

×××××××××××××××××××××××××××××××××××××
الأول أنا بعتذر لك عن التأخيرفى الرد وبشكرك جداً على اللوحة الجميلة الأصيلة المصرية الصميمة بتاعت الفنان صلاح عنانى وياريت أكون كوباية الشـاى اللى فى أيد عمنا وتاج راسنا نجيب محفوظ 0
ثانياً: انا متفق معاك على الاوكورديون أسمع كده الأوكورديون وهو بيرمح زى الخيل فى الشارع على طول يفكرك بالملاية اللف وشجن صوت عدوية اللى متمرمط فى تراب البلد وتشم الجدعنة سيبك من أن الآلة غربى ولا شرقى أحنا بنتكلم فى إحساس أما خميس حنكش فا ده حبيبى على قديمو ويا ســلام لما نسمع سوا راحـوا الحبايب بقالهم عام والتانى ونخش بقى على بنت السطان يااااااااااهـ ده أنت بتعمل وبتقول حاجات تخلى الواحد يرجع ورا للأصول والجذور والكلام المعقول وأنا مش قادر أقولك على سعادتى باللوحة وبأحساسك وبتعليقك وأنا مستنيك فى التشكيل الوزارى اللى بيخطط له المتأمريين على مملكة الشعر وأنا شايفك ظابط المباحث اللى فى أخر الفيلم حيقولهم ع البوكــس يا....... أنتوا عاملين لى فيها فنانين ويعد كده تبدأ تلطش بقى عشان كل واحـد يعرف حدوده انا من دلوقتى عرفت انا مكانى ورا مسرح البالون مستنيك يا معلم بس على فكرة الوضع أتغير تماماً بقى مختلف لكن مستنيك بردو
وكل سنة وانت طيب

[امحمد شعبان]

[QUOTE=امحمد شعبان;353310]يا سعد يا شرقاوي : تُرى ما ألجم القوم ؟

أهي المقاومة السّلبية ؟ أم أنهم في مجلس مضيّق ولم يُجمعوا بعدُ على الحدّ الذي يعتزمون إقامته على أخيكم رغم اعتذاري المسبّق عن اقتحام بيتهم ورغم أنه بيت مفتوح للجميع .
ما رأيك يا سعد : أنسحب من بيتهم والسلام . ( وبلاش نشاز ) . أم ( أسيبك عليهم ) وأبقى أتفرّج ؟
_____________________________
عمى واستاذى وشيخ الطيب وغصن الزتون وريحة أهالينا فى تونس الخضرا الاستاذ امحمد شعبان لو قولتلك انا فرحان بمداخلتك قد إيه مش حتصدق وعلى فكرة عمى أنس البن قالك عذرى أنا فعلا بفطر وبتسحر فى التليفزيون علشان كل سنة وأنت طيب الدنيا (مدعكة) عندنا وانا دخلت عشان أصحابى قالولى الحق المشاركة المهمة قبل ما تطير منك هو انا اطول شيخ الطيب التونسى الجميل اللى من أهلى يطل على الحارة المصرية ويشم فيها ريحة البخور وطبق الفول واللمونة اللى بتنزل دموعها فى صحن فول ده انت شرفتنى وزودتنى وحببتنى فى الشعر أكتر وأكتر لانك لقطت صورة ما ينفعش اى حد يلقطها انا والله العظيم فرحان فرحة مش قادر اوصفهالك وانا بعتذر عن التأخير اللى فعلاً غصب عنى وأنا متأسف وخجلان من نفسى بس ورايا أعمامى اللى فعلاَ قالولك العُذر وأنا للمرة المليون برحب بيك ومشاركتك على راسى وأحساسك وفهمك ووعيك وذكاءك وكاميرا عينيك التونيسية المصرية العربية وده مش غريب على التوانسة الجامدين فى كل حاجة

انا بحبك جداً وبحترمك جداً وانا مستعد اجيلك تونس مخصوص عشان اعرفك انى بحب الشعب التونسى وبقدره وبحترمه لان الشعب التونسى مننا وزينا وناسه ناسنا واهلنا وانا عايزك تطل عليا كتير لانى مهم ان القصيدة تتجمل بنظرة عينيك فيها ياعمى يا جميل وانا مستعجل دلوقتى لانى رايح أستوديو فى المنيل عشان أخــد تيترات وحرجع تانى لعمى الكبير المحترم العبقرى أنس البن ولعمى الفلاح الأصيل المحترم سعد الشرقاوى

حستأذنكم وراجعلكم إن شاء الله 0


والله يا ناصر يا ابني إنصافا للأديب النشيط ابننا طارق العمري وجب عليّ إرجاع كل الفضل إليه : لأن مشاركته التي سبقني بها هي التي نبّهتني إلى ذلكم البيت البديع وأرغمتني على قراءة قصيدك كاملا بكل إمعان .
ودون أن أشعر فوّحت مشاركته ببعض البهارات التونسية للتناغم وأعدت رفعها لا أكثر . ومن تمام لياقته وطيب معشره لم يشر إلى ذلك . هذه الأولى .
أما الثانية فهي من الكبائر : وإني أحذّرك من زيارة تونس إلاّ خلسة وملفوفا من قبّعة رأسك إلى أخمص قدميك بلحاف نسائيّ تونسيّ بعد أن سبقك وصم أهاليها ب ( الجامدين ) ألا تعرف من هم الجامدون عندنا ؟ هم من تجمّدت أفكارهم وتيبّست وتبلّدت أي : الصمّ البكم العمي الذين لا يفقهون . . . الله الله الله عليك يا ناصر . . .
يتبع

[abuzahda]

( الجامدين ) ألا تعرف من هم الجامدون عندنا ؟ هم من تجمّدت أفكارهم وتيبّست وتبلّدت أي : الصمّ البكم العمي الذين لا يفقهون .


شيخنا الجليل
:emrose:الأستاذ امحمد شعبان:emrose:

لن تكون إضافة إلى علمكم أن العاميّة المصريّة أثبتت على مر الأزمان أنها كائن حيوي - مثلها في ذلك مثل كل اللغات الحيّة - فهي في صيرورة دائمة .

و قد كنت مثلكم ، سيّدي ، أظن ( الجامدين ) مازالت تحمل نفس المعنى الذي كانت تشير إليه زمااااان ، حتى وصفني أحدهم بقوله : إنت شاعر جامد !

فتساءلت بيني و بين نفسي : ياترى الجدع ده بيمدحني ؟ و لا شعري مش عاجبه ؟

ثم استعنت بصديق ! ، ففسر لي أن الكمة قد لحقت بقاموس الروْشنة المصريّة ، بحيث أصبحت جامد تعني : اللي مافيش منه ، الخلاصة ، الذي لايعجزه شئ .

أعرف أننا لسنا بحاجة إلى ترجمان ٍ ، و قد أقام بيننا ترجمان الشوق ، يا سيّدنا

أما لو كانت شروط زيارة العامرة الخضراء ، هي التخفي
فإبنكم سيّد على استعداد لاعتمار طاقيّة الاخفا ، بس ربنا يكتبلي زيارتها

* * *

أشكر شاعرنا الرائع :emrose:ناصر دويدار:emrose:
إذ أفلح في استحضار أنواركم البهيّة إلى هنا

[ناصر دويدار]

[QUOTE=امحمد شعبان;354230][QUOTE=ناصر دويدار;353685]

والله يا ناصر يا ابني إنصافا للأديب النشيط ابننا طارق العمري وجب عليّ إرجاع كل الفضل إليه : لأن مشاركته التي سبقني بها هي التي نبّهتني إلى ذلكم البيت البديع وأرغمتني على قراءة قصيدك كاملا بكل إمعان .
ودون أن أشعر فوّحت مشاركته ببعض البهارات التونسية للتناغم وأعدت رفعها لا أكثر . ومن تمام لياقته وطيب معشره لم يشر إلى ذلك . هذه الأولى .
أما الثانية فهي من الكبائر : وإني أحذّرك من زيارة تونس إلاّ خلسة وملفوفا من قبّعة رأسك إلى أخمص قدميك بلحاف نسائيّ تونسيّ بعد أن سبقك وصم أهاليها ب ( الجامدين ) ألا تعرف من هم الجامدون عندنا ؟ هم من تجمّدت أفكارهم وتيبّست وتبلّدت أي : الصمّ البكم العمي الذين لا يفقهون . . . الله الله الله عليك يا ناصر . . .

يتبع
******************************
أولا:ياخال امحمد عايز أقولك أن جامدين دى أخـر لغة بيستخدمها الشباب اللى زى حالتنا أحتنا الأتنين يقولك (ده جــامـد أخر حاجة )
يعنى بيسمع وبيتكلم وبيشوف وبيفهم ولا عاش ولا كـان اللى يقول على التوانسة غير أنهم شـعـب محترم بيسمع وبيشوف وبيتكلم أحـلـى كـلام ( وخدوا عينى شوفوا بيها ) أما حكاية زيارتى لتونس متنكـر متخافش أنا حأجى فى طيارة الساعـة 12فى عـــز الضهر ومعايا جواز سفرى وشنطتى فيها بجامة ومعجون سنان والأعمال الكاملة لأمل دنقل وأغنية كيفك أنت لفيروز وأول ما حدخل المطار حقول للظابط انا رايح عند الكـبير امحمد شعبان بـــس شوف بقى حيعملوا معايا إيه ؟
وكـــــ سنة وحضرتك وأهل تونس الخضرا بخير وصحة وسعادة بأذن الله ـــــــل

[ناصر دويدار]

[QUOTE=abuzahda;354244]

شيخنا الجليل
:emrose:الأستاذ امحمد شعبان:emrose:

لن تكون إضافة إلى علمكم أن العاميّة المصريّة أثبتت على مر الأزمان أنها كائن حيوي - مثلها في ذلك مثل كل اللغات الحيّة - فهي في صيرورة دائمة .

و قد كنت مثلكم ، سيّدي ، أظن ( الجامدين ) مازالت تحمل نفس المعنى الذي كانت تشير إليه زمااااان ، حتى وصفني أحدهم بقوله : إنت شاعر جامد !

فتساءلت بيني و بين نفسي : ياترى الجدع ده بيمدحني ؟ و لا شعري مش عاجبه ؟

ثم استعنت بصديق ! ، ففسر لي أن الكمة قد لحقت بقاموس الروْشنة المصريّة ، بحيث أصبحت جامد تعني : اللي مافيش منه ، الخلاصة ، الذي لايعجزه شئ .

أعرف أننا لسنا بحاجة إلى ترجمان ٍ ، و قد أقام بيننا ترجمان الشوق ، يا سيّدنا

أما لو كانت شروط زيارة العامرة الخضراء ، هي التخفي
فإبنكم سيّد على استعداد لاعتمار طاقيّة الاخفا ، بس ربنا يكتبلي زيارتها

* * *

أشكر شاعرنا الرائع :emrose:ناصر دويدار:emrose:
إذ أفلح في استحضار أنواركم البهيّة إلى هنا

++++++++++++++++++++++++++++++++++++++++++++++++++ +++++
أبو زهدة يا جامد أخر حاجة فينك ياعم شكلك لبست طاقية الأخفا وبتشكل حكومة (مخفيين) آهـ يا خوفى لا تستخدم معانا قانون دوار البحر حنعمل زى إسماعيل يس وبعدين وصى عليا الخال امحمد أحسن شادد عليا جامــد وانا مش حمله

[Tarek Elemary]

[QUOTE=ناصر دويدار;353685]

والله يا ناصر يا ابني إنصافا للأديب النشيط ابننا طارق العمري وجب عليّ إرجاع كل الفضل إليه : لأن مشاركته التي سبقني بها هي التي نبّهتني إلى ذلكم البيت البديع وأرغمتني على قراءة قصيدك كاملا بكل إمعان .
ودون أن أشعر فوّحت مشاركته ببعض البهارات التونسية للتناغم وأعدت رفعها لا أكثر . ومن تمام لياقته وطيب معشره لم يشر إلى ذلك . هذه الأولى .
أما الثانية فهي من الكبائر : وإني أحذّرك من زيارة تونس إلاّ خلسة وملفوفا من قبّعة رأسك إلى أخمص قدميك بلحاف نسائيّ تونسيّ بعد أن سبقك وصم أهاليها ب ( الجامدين ) ألا تعرف من هم الجامدون عندنا ؟ هم من تجمّدت أفكارهم وتيبّست وتبلّدت أي : الصمّ البكم العمي الذين لا يفقهون . . . الله الله الله عليك يا ناصر . . .

يتبع



الله الله الله
ما أروعك من شيخ
و ما أبلغك من معلم و ما أصدقك من قدوة
الكبير كبير بأفعاله و أقواله و أعماله و أنت شيخنا و تستحق

[امحمد شعبان]

[QUOTE=امحمد شعبان;354230][QUOTE=ناصر دويدار;353685]

والله يا ناصر يا ابني إنصافا للأديب النشيط ابننا طارق العمري وجب عليّ إرجاع كل الفضل إليه : لأن مشاركته التي سبقني بها هي التي نبّهتني إلى ذلكم البيت البديع وأرغمتني على قراءة قصيدك كاملا بكل إمعان .
ودون أن أشعر فوّحت مشاركته ببعض البهارات التونسية للتناغم وأعدت رفعها لا أكثر . ومن تمام لياقته وطيب معشره لم يشر إلى ذلك . هذه الأولى .
أما الثانية فهي من الكبائر : وإني أحذّرك من زيارة تونس إلاّ خلسة وملفوفا من قبّعة رأسك إلى أخمص قدميك بلحاف نسائيّ تونسيّ بعد أن سبقك وصم أهاليها ب ( الجامدين ) ألا تعرف من هم الجامدون عندنا ؟ هم من تجمّدت أفكارهم وتيبّست وتبلّدت أي : الصمّ البكم العمي الذين لا يفقهون . . . الله الله الله عليك يا ناصر . . .


يتبع
******************************
أولا:ياخال امحمد عايز أقولك أن جامدين دى أخـر لغة بيستخدمها الشباب اللى زى حالتنا أحتنا الأتنين يقولك (ده جــامـد أخر حاجة )
يعنى بيسمع وبيتكلم وبيشوف وبيفهم ولا عاش ولا كـان اللى يقول على التوانسة غير أنهم شـعـب محترم بيسمع وبيشوف وبيتكلم أحـلـى كـلام ( وخدوا عينى شوفوا بيها ) أما حكاية زيارتى لتونس متنكـر متخافش أنا حأجى فى طيارة الساعـة 12فى عـــز الضهر ومعايا جواز سفرى وشنطتى فيها بجامة ومعجون سنان والأعمال الكاملة لأمل دنقل وأغنية كيفك أنت لفيروز وأول ما حدخل المطار حقول للظابط انا رايح عند الكـبير امحمد شعبان بـــس شوف بقى حيعملوا معايا إيه ؟
وكـــــ سنة وحضرتك وأهل تونس الخضرا بخير وصحة وسعادة بأذن الله ـــــــل



... تهاطلت المكالمات والرسائل من كل حدب وصوب والكل يعيبون عليّ كيف أشترط على ضيف كريم ذي مقام رفيع مثل ذلك الشرط المرير . لكنهم في نفس الوقت يحمدون الله أنك سارعت بشرح قصدك من عبارة الجامدين . ( بيني وبينك يا ناصر : هؤلاء البسطاء ذهب في ظنهم أني جامد مثلهم لا أفقه مفهوم هذه العبارة عندكم . مساكين... )
يا ناصر : أتدري من فصَل الخطاب ؟ إنه الضابط التونسي نفسه الذي كنت تنوي محادثته عند حلولك بالمطار. هذا الضابط ( كثّر الله من أمثاله ) بعد اطلاعه على كلمتك هنا بعث إليّ ببرقية عاجلة يعلمني فيها ( قصد بلاغك ) بأنه استخرج لك جواز سفر آخر ذا وجهين ( عافانا وعافاكم الله ) وجه مرسوم عليه الشاعر ناصر دويدار والآخر شيخ المنتدى امحمد شعبان .
وطمأنني أنه وكل رجاله لك ... حافظون ...
يتبع ...

[رائد عبد السلام]

[QUOTE=ناصر دويدار;354267][QUOTE=امحمد شعبان;354230]

... تهاطلت المكالمات والرسائل من كل حدب وصوب والكل يعيبون عليّ كيف أشترط على ضيف كريم ذي مقام رفيع مثل ذلك الشرط المرير . لكنهم في نفس الوقت يحمدون الله أنك سارعت بشرح قصدك من عبارة الجامدين . ( بيني وبينك يا ناصر : هؤلاء البسطاء ذهب في ظنهم أني جامد لا أفقه مفهوم هذه العبارة عندكم . مساكين... )
يا ناصر : أتدري من فصَل الخطاب ؟ إنه الضابط التونسي نفسه الذي كنت تنوي محادثته عند حلولك بالمطار. هذا الضابط ( كثّر الله من أمثاله ) بعد اطلاعه على كلمتك هنا بعث إليّ ببرقية عاجلة يعلمني فيها ( قصد بلاغك ) بأنه استخرج لك جواز سفر آخر ذا وجهين ( عافانا وعافاكم الله ) وجه مرسوم عليه الشاعر ناصر دويدار والآخر شيخ المنتدى امحمد شعبان .
وطمأنني أنه وكل رجاله لك ... حافظون ...


يتبع ...





أستاذنا المبجل
عطرالمنتدى
الأستاذ / امحمد شعبان
ما أجمل حظي...
هذه بركات قصيدتك المصرية النابعة من
طمي النيل ورائحة الحارة ياعم ناصر
أنا مش عارف إزاي بتلقط
الصور بتاعتك
وإزاي بتدخلها الإطار الشعري
طبعاً......موهبة

ماشاء الله

أحسنت ياأستاذ:emrose:

[ناصر دويدار]

[QUOTE=امحمد شعبان;354728][QUOTE=ناصر دويدار;354267][QUOTE=امحمد شعبان;354230]

... تهاطلت المكالمات والرسائل من كل حدب وصوب والكل يعيبون عليّ كيف أشترط على ضيف كريم ذي مقام رفيع مثل ذلك الشرط المرير . لكنهم في نفس الوقت يحمدون الله أنك سارعت بشرح قصدك من عبارة الجامدين . ( بيني وبينك يا ناصر : هؤلاء البسطاء ذهب في ظنهم أني جامد مثلهم لا أفقه مفهوم هذه العبارة عندكم . مساكين... )
يا ناصر : أتدري من فصَل الخطاب ؟ إنه الضابط التونسي نفسه الذي كنت تنوي محادثته عند حلولك بالمطار. هذا الضابط ( كثّر الله من أمثاله ) بعد اطلاعه على كلمتك هنا بعث إليّ ببرقية عاجلة يعلمني فيها ( قصد بلاغك ) بأنه استخرج لك جواز سفر آخر ذا وجهين ( عافانا وعافاكم الله ) وجه مرسوم عليه الشاعر ناصر دويدار والآخر شيخ المنتدى امحمد شعبان .
وطمأنني أنه وكل رجاله لك ... حافظون ...

يتبع ...
+++++++++++++++++++++++++
أشكرك يا شيخى الطيب وما تحرمنيش من طلتك عليا عشان الناس اللى موجودة هنا مستنيين منك العيدية أنا شخصياً أخدت العيدية بأنى أتعرفت عليك أيها الرجل الجميل والشاب المستنير والعبقرى الكبير أدامك الله إلى هذا المنتدى بوفر الصحة والعافية0
"(¯`·._.·( رمـضــان كــريــــــم )·._.·´¯)"

[ناصر دويدار]

[QUOTE=رائد عبد السلام;354734][QUOTE=امحمد شعبان;354728][QUOTE=ناصر دويدار;354267]


أستاذنا المبجل
عطرالمنتدى
الأستاذ / امحمد شعبان
ما أجمل حظي...
هذه بركات قصيدتك المصرية النابعة من
طمي النيل ورائحة الحارة ياعم ناصر
أنا مش عارف إزاي بتلقط
الصور بتاعتك
وإزاي بتدخلها الإطار الشعري
طبعاً......موهبة

ماشاء الله


أحسنت ياأستاذ:emrose:
__________________________________
شكراً يا عم رائد يا اللى دايماً مصيتنى فى الحارة المصرية شكلك كده حتفضل تدحرج فيا وتسخنى لحد ما حتوصلنى القناطر والشتا جـــى وأحنا عضمة كبيرة مش حمل لاضرب ولا برد
أجمل تحية لك يا فنان يا كبير ومستنى أبداعك

[عصفور طاير]

والله يا عم ناصر انت واحشني.. وكان نفسي اشوفك في الأجازة دي بس العتب كله على أخونا علاء قدري؛ الذي لاح لنا كالبدر ثم تلاشى كالشهاب :).. فلم ننسق لقاءً لنا في القاهرة لكي نأتنس.

قصيدتك فكرتني بالحارة بتاعة زمان يا عم ناصر.. زمان اللي كل شوية بنحاول نشده من غياهب الذاكرة، ونتشبث بيه ليأتي بروحه.. ونحاول أن نستحضره بكل وسيلة، ولكنه يأبى أو ربما يعاف.
وربما _ وهو الأرجح في رأيي_ إن احنا اللي عايزين نرجع ومش عارفين، فبنحاول نثبت اللحظة.

يسلم حسك يا حج ناصر

[عصفور طاير]

لن تكون إضافة إلى علمكم أن العاميّة المصريّة أثبتت على مر الأزمان أنها كائن حيوي - مثلها في ذلك مثل كل اللغات الحيّة - فهي في صيرورة دائمة .



عم سيد يا ابو زهدة

وحياة ربنا المعبود انت واحشني جدا، وكان نفسي اشوفك في مصر.. ويبقى خصيمك النبي يا شيخ ان ما نسقت معايا لما تظبط أجازتك الجاية إن ننزلها مع بعض.

[علاء قدرى]

والله يا عم ناصر انت واحشني.. وكان نفسي اشوفك في الأجازة دي بس العتب كله على أخونا علاء قدري؛ الذي لاح لنا كالبدر ثم تلاشى كالشهاب :).. فلم ننسق لقاءً لنا في القاهرة لكي نأتنس.


صديقى و حبيبى جيمى :emrose:
اولا كل سنة و انت و اهل بيتك بخير :emrose:
ثانيا : العتب كله على ناصر لانه قال حنتقابل فى دمنهور لما تقابلنا فى الاجازة مع الحبيب كمال و باقى الشله؛ وكنت منسق معاه لكن ظروف عمله حالت دون اتمام اللقاء ؛ و عموما بقية يا جيمى ؛ و حقك عليه ؛ وان شاء الله نتقابل فى اجازتك القادمة كى نملا الدنيا حب وود و صداقة و الفة
رمضان كريم ؛ و المسامح كريم :emrose:

[abuzahda]

عم سيد يا ابو زهدة

وحياة ربنا المعبود انت واحشني جدا، وكان نفسي اشوفك في مصر.. ويبقى خصيمك النبي يا شيخ ان ما نسقت معايا لما تظبط أجازتك الجاية إن ننزلها مع بعض.

:emrose:العصفور ، اللي مهما طار ، عِشُّه في قفصي الصدري (جنب البطين الأيسر و انت داخل عاليمين) : :emrose:عمّي جمال:emrose:

لسّة فاضل عالعيد (في كندا) يومين ، و فوجئت بمشاركتك دي !!!
هو فرق التوقيت بين تورنتو و دمنهور يومين ؟
و لاَّ العيد جه بدري السنة دي ؟!


يا عم ربنا يديم طلعة هلالك على قلوبنا ، و يكتبلنا لقا عن قريب

[عصفور طاير]

ان شاء الله نتقابل فى اجازتك القادمة كى نملا الدنيا حب وود و صداقة و الفة
رمضان كريم ؛ و المسامح كريم :emrose:

وإن شاء الله تيجي وفي ايدك كريم يا أبو كريم
:emrose:
عيد سعيد عليك وعليه وعلى كل الأسرة الكريمة.

:emrose:

[عصفور طاير]

:emrose:العصفور ، اللي مهما طار ، عِشُّه في قفصي الصدري (جنب البطين الأيسر و انت داخل عاليمين) : عمّي جمال:emrose:


لسّة فاضل عالعيد (في كندا) يومين ، و فوجئت بمشاركتك دي !!!
هو فرق التوقيت بين تورنتو و دمنهور يومين ؟
و لاَّ العيد جه بدري السنة دي ؟!



يا عم ربنا يديم طلعة هلالك على قلوبنا ، و يكتبلنا لقا عن قريب

كل سنة وانت طيب يا عم سيد، وعيد سعيد عليك وعلى الأسرة وعلى العصفورة الصغيرة اللي طلة معاك من الشباك دي.. بارك الله لك فيها وأخواتها، جعلهن جميعا قرة أعين لك ولوالدتهن.. وعيدكم مبارك. :emrose:

[NAHID 76]

بسم الله الرحمن الرحيم
والله ولازم نستمر فى الكلام والأفعال يا أستاذ ناصر دويدار
والا نطق نموت
فنختار أهون الضررين
عمل جيد ومخدوم
تحياتى

[ناصر دويدار]

[QUOTE=NAHID 76;357647]بسم الله الرحمن الرحيم
والله ولازم نستمر فى الكلام والأفعال يا أستاذ ناصر دويدار
والا نطق نموت
فنختار أهون الضررين
عمل جيد ومخدوم
تحياتى
"""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""""
أولا أحنا حنستمر فى الحياة ومفيش حد حيقدر علينا طول ما الحياة فيها ناس جميلة أمثالكوا أحنا بنستمد منكوا قوتنا وحلمنا وكبريائنا وأخـــــر حتة مزيكا فى أوكورديون الروح لازم نعيش معاها ومش حنموت دلوقتى
ربنا يخليكى وتحياتى المخلصة لحضرتك

[ناصر دويدار]

[QUOTE=عصفور طاير;356671] عم سيد يا ابو زهدة

وحياة ربنا المعبود انت واحشني جدا، وكان نفسي اشوفك في مصر.. ويبقى خصيمك النبي يا شيخ ان ما نسقت معايا لما تظبط أجازتك الجاية إن ننزلها مع بعض.
××××××××××××××××××××××××××××××××××××××××××××××××
طبعا انا سبتلكوا البيت أنت وأبو زهدة وعلاء قدرى وعملتوا شاى وشغلتوا فيروز براحتكوا وأتفرجتوا على الألبوم بس تصدق بالله انا نفسى أشوفك يا جيمى لانك كنت فى شلتنا مثال للزوق والأدب والأخلاق وانت واحشنى جداً جداً وعلى العموم ظبط مع أبو زهدة ومالكشى دعوة بالباقى نتقابل فى السعودية فى كندا فى دمنهور فى أسكندرية مش مهم المهم نتقابل لأن واضح ان أبو زهدة صاحبنا من زمان اوى يعنى تحس كده أنه مننا وجى معانا فى اى سكة وربنا يجمعنا جميعاً على خير وعايزك تفضل ترفرف لأن العصافير اللى زيك لازم ترفرف مش عشان الفرار لا عشان نكمل المشوار ربنا يسعد اوقاتكم والبيت بيتكم انت وعلاء وابو زهدة بس وحياة النبى لما تيجوا تمشوا أقفلوا الغاز والنور وأفتحوا كل الشبابيك وسيبوا الباب مفتوح يمكن يعدى حد غيركم .واحشنى يا جيمى كتير وإلى اللقاء