المساعد الشخصي الرقمي

مشاهدة النسخة كاملة : هل كل الحلوين زيك

علاء طه ياسين
27/08/2009, 11h57
:emrose:
يا راسمة وجعي كتاب
ويا مالية مدايني ضباب
ويا واخدة غناوي الفرحة
ويا تاركة دموع وعذاب
طالع من شوقي توسل
طالع من قلبي عتاب
هل كان الحب تمني
هل كان الوعد سراب
هل كل الحلوين زيك
ف عيونهم هوي كداب
هل ينفع طيب أجيلك
ولاّ انتي قفلتي الباب
:emrose:
علاء ياسين
صبره ابو حسن
27/08/2009, 13h58
:emrose:
يا الراسمة وجعي كتاب
يا المالية مدايني ضباب
يا الواخدة غناوي الفرحة
والتاركة دموع وعذاب
طالع من شوقي توسل
طالع من قلبي عتاب
هل كان الحب تمني
هل كان الوعد سراب
هل كل الحلوين زيك
ف عيونهم هوي كداب
هل ينفع طيب أجيلك
ولاّ انتي قفلتي الباب
:emrose:
علاء ياسين

الله على الحلاوه والجمال
لا ياسيدى اتفضل البيت بيتك
حد يقدر يقفل باب قدام
الفنان الكبير علاء ياسين
سعدالشرقاوى
27/08/2009, 17h30
شقيق الروح/أبوياسين
انت بتقابل الحليوه حمدى السمر؟
اللهجه دخلت فى بعضها
:emrose:
يا الراسمة وجعي كتاب
يا المالية مدايني ضباب
يا الواخدة غناوي الفرحة
والتاركة دموع وعذاب
طالع من شوقي توسل
طالع من قلبي عتاب
يالراسمه
يالماليه
وأخوك حمدى معتكف من بدرى واللا ايه
يا الراسمة وجعي كتاب
يا المالية مدايني ضباب
يا الواخدة غناوي الفرحة
والتاركة دموع وعذاب
طالع من شوقي توسل
طالع من قلبي عتاب
يالماليين سماعنا غناوى
ايه الجمال ده

تحياتى/سعدالشرقاوى
علاء طه ياسين
27/08/2009, 20h29
الأستاذ الكريم
صبرة أبو حسن
:emrose:
شكرا خالص علي التعليق الحلو ده ..
بس بصراحة هي قدرت وقفلت الباب ..
ياللا ..
منها لله ..

الوردة دي مني :emrose: ليك

علاء ياسين
علاء طه ياسين
27/08/2009, 20h33
توأمي سعد الشرقاوي
ورفيق دربي
وأخي شقيقي
:emrose:
نشيل الألف واللام السوداني
ونخليها بالصعيدي
:emrose:
ياراسمة وجعي كتاب
ويا مالية مدايني ضباب
وياواخده غناوي الفرحة
ويا تاركة دموع وعذاب
:emrose:
من غير وجودك المنتدي بالنسبة لي يفقد معناه

وحمدي السمر مش عارف ماله مختفي ليه ..
عاوزين حد يطمنا عليه ..
نشوف أخونا طارق العمري :emrose:هو يعرف سوداني كويس عننا ..
بس مش عارف ليه طارق العمري بقاله يومين تلاته مختفي ..

نتقابل دايما بالخير

علاء ياسين
على عبداللاه
27/08/2009, 20h51
المتميز / علاء طه ياسين (http://www.sama3y.net/forum/member.php?u=308298)
فى البدايه مش كل الحلوين زيها .. على الأقل دى قفلت الباب بس أنا أعرف حلوين تانيين قفلوا الباب بعد كسر قله قناوى .. اللى أنا مستغربله بقه إزاى يجيلها قلب تقفل الباب فى وش واحد كلماته أصلا نغم ... هى الخسرانه ..
خدلك ورده بقه :emrose: ولا اقولك هكملهملك اربعه :emrose::emrose::emrose:
تقبل منى التحيه
NAHID 76
27/08/2009, 21h18
بسم الله الرحمن الرحيم
طيب ومالها اللام السودانى
دى حته عطيلها حلاوه
والسودان شقيقه مصر ضمنا التوزيع فى السودان
وكمان علشان نجامل حمدى السمر
بس أيه رأيك ياخال
مش برده جميله
وفيها تنوع وأفاق وسعه كبيره
حساها بالرغم من قصرها أنها واسعه المعانى رحبه وزاخره بالكلام
تحياتى بالمصرى والسودانى
علاء طه ياسين
28/08/2009, 11h16
الرائع دائما
علي عبد اللاه
:emrose:
الوعد والقسمة كدا
نعشق عيون بالشكل ده
نمشي ف هواها ألف ميل
وياخدنا ليل من بعد ليل
نعمل عشانها المستحيل
وبرضو ماننولشي الرضا
....
ولك مني باقة الأزهار هذه :emrose::emrose::emrose:
....
علاء طه ياسين
علاء طه ياسين
28/08/2009, 11h37
المتربعة علي عرش الردود الممتعة بلا منافس
والمدهشة الحضور دائما
مدام ناهد
:emrose:

يا أسمي من كل الكلام
يا زينة يا مثال الأدب
ياضحكتك !!! ... تطلع تطوف
تمسح عن الأرض التعب
يا ستي .. يا ست الشعور
يا نخلة بتسقّط رطب
أجمل حروفي هو ده
اللي علي ايديكي انكتب

:emrose:

علاء طه ياسين