ياخرابى بعدك ياعرابى

[سعدالشرقاوى]

يا خرابى بعدك يا عرابى

أزرع وانتج وما تسألشى
لمّا يطيب ح تسوّق فين؟
علشان صوتك ما بيوصلشى
قول لى ياواعى هاتشكى لمين؟
,,,
كلّ المهن التانيه تنادى
تلقى بلادى تنادى معاها
والإضراب بيبان مفعوله
علشان واقف حدّ وراها
,,,
غيرك فايت عيشه البايت
حىّ بيرزق من حواليك
وانت يابعزق عمّال تعزق
والأسعار تتحكـّم فيك
,,,
وكـّل وزّك انتاج رزّك
وقصقص ريشه أحسن ح يطير
بكره البيض يتربّا ف عزّك
على ما نشوف لك باب تصدير
,,,
إحنا نجحنا بعد كفاحنا
فى حرب القطن قضينا عليه
وبكره نبطـّل نزرع رز
وحزّر فزّر ناكل إيه
,,,
ودا إرشاد مدروس يا عنانى
لمّا سلومه منع الغلـّه
وزرع لب كتير وسودانى
وكل الناس قعده تتسلـّه
,,,
إوعى يا بعزق تزعل منىّ
وسلـّم لى على كلّ اصحابنا
وانت معاهم ح تنوب عنىّ
وان شحتوا ما يجوش على بابنا
,,,
يا حلاوه والدنيا طراوه
والزرع بيطرح أفراح
يا خرابى بعدك يا عرابى
ومحلاها عيشة الفلاح
,,,

[د أنس البن]

الحاج سعد الشرقاوى
أخصائى أمراض إجتماعيه
تشخيص دقيق لكوارث عششت فى جسد مجتمعاتنا
برافو يا حكيم

[علاء طه ياسين]

أبو مدحت
شقيقي الغالي
:emrose:
ما احلاها عيشة الفلاح
انا مش عارف بيرم التونسي كتبها ازاي ..
مع ان الفلاح في العصر ده كان متهان لأقصي درجة ..
وكانت الأرض وما عليها ملك للملك والطبقة الارستقراطية ..
ويقولك يتمرغ علي أرض براح ..
وماكنشي يمتلك من الأرض دي شبر واحد ..
عموما ..
زي ما قال استاذنا ووالدنا الدكتور أنس عنك : برافو يا حكيم ..
وما أصدقها من كلمة
عدت وعادت معك الأشياء الجميلة كلها
علاء ياسين

[unicorn]

يا خرابى بعدك يا عرابى

أزرع وانتج وما تسألشى
لمّا يطيب ح تسوّق فين؟
علشان صوتك ما بيوصلشى
قول لى ياواعى هاتشكى لمين؟
,,,
كلّ المهن التانيه تنادى
تلقى بلادى تنادى معاها
والإضراب بيبان مفعوله
علشان واقف حدّ وراها
,,,
غيرك فايت عيشه البايت
حىّ بيرزق من حواليك
وانت يابعزق عمّال تعزق
والأسعار تتحكـّم فيك
,,,
وكـّل وزّك انتاج رزّك
وقصقص ريشه أحسن ح يطير
بكره البيض يتربّا ف عزّك
على ما نشوف لك باب تصدير
,,,
إحنا نجحنا بعد كفاحنا
فى حرب القطن قضينا عليه
وبكره نبطـّل نزرع رز
وحزّر فزّر ناكل إيه
,,,
ودا إرشاد مدروس يا عنانى
لمّا سلومه منع الغلـّه
وزرع لب كتير وسودانى
وكل الناس قعده تتسلـّه
,,,
إوعى يا بعزق تزعل منىّ
وسلـّم لى على كلّ اصحابنا
وانت معاهم ح تنوب عنىّ
وان شحتوا ما يجوش على بابنا
,,,
يا حلاوه والدنيا طراوه
والزرع بيطرح أفراح
يا خرابى بعدك يا عرابى
ومحلاها عيشة الفلاح
,,,

يا عينى عليك يا عم سعد يا فلاح يا أصيل , ترجمت كلامنا مع بعض عن اللى أثارك و أثارنى فى فشل الزراعة إلى لغة الشعر التى تجيدها ,
القطن المصرى و الارز المصرى هما بترول مصر و مناجم الماس التى لا تنضب ,
نضبوا بحول الله و تحولوا بقدرة قادر الى زراعة القرع و اللب ,عشان الناس تقزقز و تتسلى و تنبسط.
اشتكى يا فلاح يا فصيح و اصرخ يمكن يوصل صوت شعرك.
أحسنت يا عم سعد :emrose:, بس فين ملف الصوت ؟؟؟

[علاء قدرى]

عمنا الجميل الشاعر سعد الشرقاوى:emrose:
عندك ترمومتر شعرى رائع تقيس به حالة فلاح هذا البلد
وعلى فكرة ؛ حالة الفلاح و الزراعة من حال البلد
وانت متخصص فى تشريح حالة الفلاح يمشرط البساطة ؛ و السخرية الراقية
ياريت كل قصيدة ليك يصحبها تسجيل صوتى كما فعل د انس
لان القاءك لقصائدك يزيدها حياة ؛ و يزيدنا شجن
غنى يا ارغول الفلاحين:emrose:

[Tarek Elemary]

قال لى صديق حميم كبير مستنير من أوائل من تركوا فى حياتى بصمات و هو يكبرنى بعشرين عام (حكيم يعنى)
قال لى عندما يفكر الشعب أفضل من الحكومة و يكون لديه الحلول التى تعصى على الحكومات فأنت فى العالم الثالث (المتأخر الجاهل الذى تتفشى فيه المحسوبية و الواسطة و الجهل و المرض)
أما عندما تفكر الحكومات أفضل من شعوبها و تسبقه برؤيتها و مخططاتها لمستقبله فأنت فى العالم الذى ينبغى أن يكون (العالم الأول المتقدم المتحضر) الذى يتم الإحتكام فيه للعقل و المنطق، و لا أقول القانون لأنه للأسف أصبح القانون يتم تفصيله بمقاسات و موديلات تتغير بتغير المستفيدين و يزول بزوال الغرض
أنت الفلاح الفصيح البسيط وضعت يدك على الداء و كشفت عورة السياسة الزراعية فى مجتمعنا و يقينى أننا يوماً ما سنحكى لأولادنا عن الحقيقة التاريخية أن مصر كانت يوماً ما تزرع الأرز و القطن و القمح و الذرة فيسألوننا يعنى أيه المحاصيل دى؟:confused::z044:

[محمودسعد]

من راك وسمعك وانت تقول كلماتك اللتي هي من ذهب لاينساك ابدا
ده اولا
وثانيا انت شاعر موضوعي جدا وشعبي جدا ورمز للتلقائيه اللي في بلدنا بيقولوا علي شعبولا تلقائي ؟؟؟؟؟؟؟
ييجووا يشوفوا الكلام من غير مايشوفوك ؟ برضه هايشوفوك ؟
هايعرفوا يعني ايه التلقائيه ؟
هايشوفوا 80 مليون مصري جواك وانت شايل همومهم
ياحكيم الفلاحين والصعايده واهل البندر كمان

[سعدالشرقاوى]

الحاج سعد الشرقاوى

أخصائى أمراض إجتماعيه
تشخيص دقيق لكوارث عششت فى جسد مجتمعاتنا
برافو يا حكيم

والدنا الدكتور/انس
ربنا يخليك
ويبارك لنا فيك
ويجعلنا دايما نتعلم على ايديك
وكل عام وانتم بخير

[سعدالشرقاوى]

عموما ..
زي ما قال استاذنا ووالدنا الدكتور أنس عنك : برافو يا حكيم ..
وما أصدقها من كلمة
عدت وعادت معك الأشياء الجميلة كلها

علاء ياسين

يا استاذ/علاء ماتعرفش قد ايه يكن القلب
لهذا الوالد الكريم
من الحب والتقدير والاحترام
فهو حقا مثال لكل شئ جميل فى الحياه
ربنا مايحرمنيش منك يا ابو ياسين

[سعدالشرقاوى]

يا عينى عليك يا عم سعد يا فلاح يا أصيل , ترجمت كلامنا مع بعض عن اللى أثارك و أثارنى فى فشل الزراعة إلى لغة الشعر التى تجيدها ,
القطن المصرى و الارز المصرى هما بترول مصر و مناجم الماس التى لا تنضب ,
نضبوا بحول الله و تحولوا بقدرة قادر الى زراعة القرع و اللب ,عشان الناس تقزقز و تتسلى و تنبسط.
اشتكى يا فلاح يا فصيح و اصرخ يمكن يوصل صوت شعرك.
أحسنت يا عم سعد :emrose:, بس فين ملف الصوت ؟؟؟

الاخ الغالى المحترم
الاستاذ/محمدابومندور
لكل شئ سبب وانت السبب فى هذا الموضوع
وقريبا ان شاء الله يكون عندك الملف
كل عام وانتم بخير

[سعدالشرقاوى]

عمنا الجميل الشاعر سعد الشرقاوى:emrose:

عندك ترمومتر شعرى رائع تقيس به حالة فلاح هذا البلد
وعلى فكرة ؛ حالة الفلاح و الزراعة من حال البلد
وانت متخصص فى تشريح حالة الفلاح يمشرط البساطة ؛ و السخرية الراقية
ياريت كل قصيدة ليك يصحبها تسجيل صوتى كما فعل د انس
لان القاءك لقصائدك يزيدها حياة ؛ و يزيدنا شجن

غنى يا ارغول الفلاحين:emrose:

والله يا استاذ علاء
الفلاح السنه دى وخاصة زارع الارز
تاكل صوابعك وراه
من حلاوته
ويجعله عامر

[سعدالشرقاوى]

قال لى صديق حميم كبير مستنير من أوائل من تركوا فى حياتى بصمات و هو يكبرنى بعشرين عام (حكيم يعنى)
قال لى عندما يفكر الشعب أفضل من الحكومة و يكون لديه الحلول التى تعصى على الحكومات فأنت فى العالم الثالث (المتأخر الجاهل الذى تتفشى فيه المحسوبية و الواسطة و الجهل و المرض)
أما عندما تفكر الحكومات أفضل من شعوبها و تسبقه برؤيتها و مخططاتها لمستقبله فأنت فى العالم الذى ينبغى أن يكون (العالم الأول المتقدم المتحضر) الذى يتم الإحتكام فيه للعقل و المنطق، و لا أقول القانون لأنه للأسف أصبح القانون يتم تفصيله بمقاسات و موديلات تتغير بتغير المستفيدين و يزول بزوال الغرض
أنت الفلاح الفصيح البسيط وضعت يدك على الداء و كشفت عورة السياسة الزراعية فى مجتمعنا و يقينى أننا يوماً ما سنحكى لأولادنا عن الحقيقة التاريخية أن مصر كانت يوماً ما تزرع الأرز و القطن و القمح و الذرة فيسألوننا يعنى أيه المحاصيل دى؟:confused::z044:
الفلاح دا يا استاذ طارق
ضايع منه الخيط ومسلـّه

أهو كسلان من يومها ياعينى
وعمل السّيجه عشان يتسلـّه

وجاى بيزاحم كل ّ طابونه
علشان بطـّل يزرع غلـّه

بعد ماكان فرحان متعايق
ماشى متضايق من غير عله

راح بين القوانين متعلـّق
زىّ الحبل ف ودن القلـّه

شاف رزّه بيودّع ارضه
وناره تخاصم قعر الحله

يوماتى بتنزل له القرارات
تقولش عليه ماسكين ميت ذلـّه

[سعدالشرقاوى]

من راك وسمعك وانت تقول كلماتك اللتي هي من ذهب لاينساك ابدا

ده اولا
وثانيا انت شاعر موضوعي جدا وشعبي جدا ورمز للتلقائيه اللي في بلدنا بيقولوا علي شعبولا تلقائي ؟؟؟؟؟؟؟
ييجووا يشوفوا الكلام من غير مايشوفوك ؟ برضه هايشوفوك ؟
هايعرفوا يعني ايه التلقائيه ؟
هايشوفوا 80 مليون مصري جواك وانت شايل همومهم
ياحكيم الفلاحين والصعايده واهل البندر كمان

حبيبى الفنان/محمودسعد
ربنا يخليلك دينا وحبيبه وأمهم كمان
ويبارك لك فيهم
يافنان ياعربى يا اصيل
ياصاحب القلب الطيب
كل سنه وانت طيب
ياراجل ياطيب

[Tarek Elemary]

راح بين القوانين متعلـّق
زىّ الحبل ف ودن القلـّه

شاف رزّه بيودّع ارضه
وناره تخاصم قعر الحله



يا راجل يا مبدع
إنت جبتهم منين و إزاى دول ....:crazy::mad:
:emrose::emrose:

[السيد عبدالفتاح]

أخى سعد الشرقاوى ربنا يكون فى عونك واحنا كمان قدرت تطلع اللى جوانا فى كلمات بسيطة دمت لنا وللمنتدى وكل سنة وانت طيب

[سعدالشرقاوى]

أخى سعد الشرقاوى ربنا يكون فى عونك واحنا كمان قدرت تطلع اللى جوانا فى كلمات بسيطة دمت لنا وللمنتدى وكل سنة وانت طيب
وانت طيب ياحبيبى
ايه ياحاج سيد مافيش اجازة السنه دى واللا ايه
عايزين نشوفك ياراجل
كل عام وانت والاسرة الكريمة بكل خير