المساعد الشخصي الرقمي

مشاهدة النسخة كاملة : صباح الخير ـ صبره ابو حسن

صبره ابو حسن
28/11/2008, 22h19
صباح الخير

صباح الخير يا ولاده
يا فارشه اديكى سجاده
ادان الفجر كالعاده
بيتونس بصلواتك
يا صوامه يا عباده
يا ست الكل وزياده
تعالى يامه صحينا
انا وخواتى لمينا
خدتنا الغربه وتعبنا
لا عاد فى حضن بيساعنا
ولا عاد فرح بيجينا
ياحضن العيله واللمه
وارض بتطرح الضله
ونور لشمس فى الضلمه
تشوف بيها عشان تطلع
بخاف يامه أخاف يامه
لا يوم تروحى فى النومه
تنام الشمس ما تطلع
abuzahda
28/11/2008, 22h40
إمْمْمْمْمْمْسـِـــِــــِـــِـــِــكْ شــــاعر

كِده كِده يا عم صبره
ياجمالك
هوَّ ده الشعر يا ابو حسن
الله يفتح عليك

أنا نسختها وورد علشان احفظها

هكذا تورد الإبل يا "صبره"
http://img520.imageshack.us/img520/7914/30842118ye2.gif (http://img520.imageshack.us/img520/7914/30842118ye2.gif)
صبره ابو حسن
28/11/2008, 22h49
الاستاذ الكبير والمعلم والملهم الشاعر /
سيد ابو زهده
كاماتك هذه وسام على صدرى
unicorn
28/11/2008, 23h01
الله ينوّر عليك و على فكرك العالى الهادى المحب
و الله البلد دى تتحب
يا أستاذ أبو صبره
هما كل اللى اسمهم بيبقى فيه " أبو " بيبقوا شعرا و لا ايه ؟؟؟
أمال أنا بس جاية معايا بالعكس ليه ؟؟؟:mdr:
تسلم إيديك يا استاذنا و الله
رجاءا التشكيل لإخوانّا العرب ,عشان يعرفوا يفهموا العامِّية بتاعتنا و تسعدهم كلماتك زينا
و لا بلاش يعنى ؟؟؟:mdr:
ولّادة , صوَّامة , عبَّادة
صعبة عليهم اوى بدون تشكيل
صبره ابو حسن
28/11/2008, 23h27
لا بالراحه عليه انا مش قد الكلام الحلو ده
الف مليون شكر
انا مش هنام اليلادى
اما عن موضوع التشكيل انا لا اخفيكم سرا انا حديث العهدباللى أسمه ايه ده الكمبيوتر ولكن هحاول اتعلم اللى اسمه ايه ده الورد علشان خاطر اخوانا العرب مع العلم هما بتكلموا مصرى احسن مننا والبركه فى المسلسلات المصريه شكرا شكرا
أحمد مكاوي
01/12/2008, 16h30
شكرا جزيلا على المتعة التي ولدتها فينا
دمت مبدعا أيها الرائع
صبره ابو حسن
02/12/2008, 18h11
عزيزى الشاعر أحمد مكاوى
شكرا لك على هذا المرور الجميل
انت عرفت تقراها من غير تشكيل
المره القادمه هتكون بالتشكيل علشان
خاطرك وخاطر المبدع ابو مندور
معتز الراوى
03/12/2008, 09h49
صباح الخير


صباح الخير يا ولاده
يا فارشه اديكى سجاده
ادان الفجر كالعاده
بيتونس بصلواتك
يا صوامه يا عباده
يا ست الكل وزياده
تعالى يامه صحينا
انا وخواتى لمينا
خدتنا الغربه وتعبنا
لا عاد فى حضن بيساعنا
ولا عاد فرح بيجينا
ياحضن العيله واللمه
وارض بتطرح الضله
ونور لشمس فى الضلمه
تشوف بيها عشان تطلع
بخاف يامه أخاف يامه
لا يوم تروحى فى النومه
تنام الشمس ما تطلع


فى عمق القلوب
تنقش الكلماتُ جمالـَهَا
أرى نفسي بعد كــل كلمة
أهمس : " أنا مصري " فهى
كلماتٌ تكاد تََحفظُ نفسها في الوجدان
دون أدنى مجهود غير قراءتها مرةً واحدة

سيدي المُعَلِّم : شكرًا على ما أمتعتنا به
شكرًا لو تقبلتَ مروري المتواضع
صبره ابو حسن
03/12/2008, 20h18
شكرا لك ايها الشاعر الكبير
من فين بجيب الكلام الحل ده
بصراحه ردودك قصائد
اشكر لك هذا المرور واتمنى اصداقتك