تسجيل الدخول

مشاهدة النسخة كاملة : أحلام رمضانيه

سعدالشرقاوى
12/08/2009, 21h48
أحلام رمضانيّه

بعد صلاة العصر بساعه
وتحت التوته بيحلى الصّوم
يومها لقيت الجوّ طراوه
وجه فى دماغى شويّة نوم
,,
فجأه سرحت ف حلم جميل
عوزت الليل يدخل وانا صايم
ولا فكـّرت ساعتها ف مغرب
واتمنـّيت انىّ افضل نايم
,,
شوفت اللهمّ اجعله خير
إنىّ مروّح ومانيش دارى
كأنىّ فتحت الموقع يعنى
وكل الناس داخلين على دارى
,,
رحت منادى ..ياعمّ أمين
يا حاج سلومه ..ياواد ياسباعى
قولوا لكلّ حبايب التوته
عندى ضيوف من أهل سماعى
,,
شفت ساعتها الاستاذ غازى
وعمّ سمعجى مع الدكتور
كانوا واقفين بيقابلوا ضيوفى
وخلوّا حياتى فرح وسرور
,,
وانا فى سعاده وكلّ شويّه
ب ابصّ بعينى على الزراعيّه
شفت كأن مراكب جايّه
وخلق كتير راكبين عربيّه
,,
سامع صوت فى الجوّ احلوّ
لاهو كلاكس ولاهو صفـّاره
وألمح مدحت إبنى بيجرى
عليّه يقول لى شوف الطيّاره
,,
نازل عمّى زمنطر منها
معاه أبو زهده ويوسف سالم
وم الشبّاك بلقيس بتشاور
مين ويّاها ؟ ياربّ ياعالم
,,
وانا فى الفرحه ومبسوط خالص
عايش أجمل يوم من عمرى
شفت علاء قدرى مع رائد
جاىّ معاهم طارق العمرى
,,
فاضل وقت بسيط ع المغرب
والقرآن كان لسّه بيقرا
وكلّ الناس من أهل سماعى
اللىّ بيسمع واللىّ بيقرا
,,
وجت ملاّكى نمرها بحيره
فيها إسلام مع أبو مندور
واللى سايقها ناصر دويدار
لمّا قابلهم فى دمنهور
,,
وفاتت خالتى رغد على منـّه
بنت عطيّه جابتها معاها
وزاد السّعد بعمّى ريحانى
ويسرى عطيّه وعلاء طه
,,
قلت يا مدحت روح قول لامّك
عندك وجبه تكفىّ ضيوفى؟
قالت الصّايم رزقه على الله
وحط ف قلبك بطيخه صيفى
,,
قلت اتطرّف يمّ المطبخ
قصدى أطـّمّن يعنى عليها
لقيت عمّتها ناهد ويّاها
وخير الدنيا ياناس حواليها
,,
والمبلول مصبوب فى كاساته
وفيه أصناف ماتجيش فى البال
وعندها ثومه وعمّتى هامو
وأختى عفاف والحاجّه منال
,,
ومحمود سعد باعت لها دينا
تساعد وتصبّ الشربات
ورايا بتعمل أجمل سلطه
وأم حسام جايبه البوهارات
,,
وعمّو فؤاد يسمع فايزه احمد
ع التليفون لو حدّ ينادى
عامل نغمه تقول (ومعايا)
تردّ على احمد عبدالهادى
,,
ولقيت أبو يحيى وعادل سيّد
خدوا بالحضن عمر زهران
وحيّوا معايا سويفى وكشك
وشيخ الليله أبو شعبان
,,
رحت أقول لسيادة الريّس
أهلا بيك نوّرت الدّار
ومعاه شاكر والسلامونى
ويحيى ابو زكى وسامى نوّار
,,
وفجأه لقيت القرآن خلـّص
والحرباوى يطلّ علينا
وأحمد عزمى مع عماد جمعه
والعقاد بقوا تحت عنينا
,,
وأنا ما زعلتش م اللى اتأخـّر
أو كان بينّا جبال وبحور
واللىّ ما جاش فى فطارنا الليله
ح يشرّفنا ف أىّ سحور
,,
واتقلـّبت يمين وشمال
على صوت مدفع عامل غاره
أتارينى كنت ف حلم جميل
وصحيت منـّه يا ألف خساره
,,
NAHID 76
13/08/2009, 06h52
بسم الله الرحمن الرحيم
يا صباحك النادى يا خال
أنا سعيده إنى أول واحده ادخل وأكتب
برافو مع ساعه من التصفيق الحار وإيماءة انحناء تحيه لجمال كتاباتك يا خال
هو إيه انت من اللي أحلامهم بتتفسر
جميله جميله جميله وتنم عن حب كبير لسماعى اللي أصبح حلم حياتنا
كل سنه والمنتدى بمن فيه وزواره ومريديه بألف صحه وسعاده
برضه البهارات مانستهاش :mdr:
وبرضه ناهد ماورهاش غير المطبخ ;)
الله يخليك يا خالى سعد يا شرقاوى
تحياتى
Tarek Elemary
13/08/2009, 07h21
عم سعد
يا لون لوحدك يا عبقرى يا نسخة واحدة و مش تكرار لحد يا مبدع حقيقى
هذه تحفة نادرة تتضاءل امامها محاولتى فى أهل المنتدى عن جد كما يقولون
و كمان جمعتلك كل خلقاتك و فاسك و زمبيلك و جميع أدواتك و لوازمك فى الرابط ده
حكايات تحت التوتة (الراوى سعد الشرقاوى) (http://www.sama3y.net/forum/showthread.php?t=71692)
د أنس البن
13/08/2009, 08h02
كان زمان أيام المشايخ والعتاوله سواء فى مجال قراءة القرآن أو الغناء , كان لجمهور السميعه أسلوب خاص فى السمع , يمكن حضرت أواخره , والمؤدى كان معلم فى تناوله للمقامات والإنتقال فيها بحرفيه وعبقريه رهيبه , وبرضه السميعه كانوا كذلك فاهمين الشيخ بيغنى منين وبيقول من أى مقام , وبيشعروا به عندما ينتقل من مقام لآخر , لدرجة إن بعضهم كان يصرخ فيه : يا شيخ حرام عليك , إنت رايح فين , خليك هنا لسه بدرى .... يعنى خليك فى المقام الموسيقى
المهم اللى عاوز اقوله إن سميعة زمان كان لهم طريقه خاصه فى السمع وفى تعبيرهم عن إعجابهم , يعنى فيهم اللى يبقى هيمان عمال يهز دماغه يمين وشمال وهو باصص للأرض ومنهم اللى يلاغى الشيخ وكمان مره وكده كده , ومنهم اللى يصرخ فيه عند القفله ويقول له من شدة إعجابه ليفرغ شحنة الإنسجام والسلطنه : الله يخرب بيتك , يا شيخ حرام عليك , دا شغل إجرام , روح منك لله , ...... وهكذا
أنا فى الحقيقه عاوز اقول للحاج سعد إنه ما زال فى بقيه من سميعة زمان , وافتكرتهم لما قرأت وسمعت منك هذا النظم العفوى التلقائى الجميل ............. منك لله :emrose::mdr:
رائد عبد السلام
13/08/2009, 08h22
ومنهم اللى يصرخ فيه عند القفله ويقول له من شدة إعجابه ليفرغ شحنة الإنسجام والسلطنه : الله يخرب بيتك , يا شيخ حرام عليك , دا شغل إجرام , روح منك لله , ...... وهكذا
أنا فى الحقيقه عاوز اقول للحاج سعد إنه ما زال فى بقيه من سميعة زمان , وافتكرتهم لما قرأت وسمعت منك هذا النظم العفوى التلقائى الجميل ............. منك لله :emrose::mdr:



ربنا يخليك لينا
يادكتور أنس
ياللي منك ح نفضل نتعلم
أنا بقي ح أقول للخال سعد الشرقاوي :
ده شغل إجرام !! http://www.sama3y.net/forum/attachment.php?attachmentid=160030&stc=1&d=1250094607
د أنس البن
13/08/2009, 09h00
أنا بقي ح أقول للخال سعد الشرقاوي :
ده شغل إجرام !!

بصراحة ربنا يا رائد
أنا سايب لك دى
وعارف ان انت اللى ح تقولها
:mdr:
ناصر دويدار
13/08/2009, 23h19
سعد سعد تحيا سعد
؛؛؛؛؛
أنت عارف ياعم سعد أجمل شئ
كسبته من علاقتى بالمنتدى
هو ان الناس نضيفة
جـــــــــــــــداً
وعاملين حالة
ونس ببعض
مش عارف ليه حسيت
بعد ما قريت
أحلامك الرمضانية
شميت ريحة طيبة
مصرية
وبنى أدمين
بتدور على بعض
وأنا بحسدك جداً
على ذاكرتك التاريخية
التى تحتفظ بكل هذه الأسامى
وتضفيرها بشكل جميل
كأنك بتربط الناس ببعض
بخيوط حرير
أنا بشكرك جـــداً
على رمضانياتك
اللى دخلتنى فى أجواء
الشهر الكريم وربنا
يعوده علينا جميعاً
بكل خـيـــــــــر
؛؛؛؛؛
سعد سعد تحيا سعد
علاء طه ياسين
14/08/2009, 11h59
يا سعد يا شرقاوي

:emrose:


عملتها إزاي دي
يخرب عقلك ياراجل
بصراحة مش لاقي تعليق أكتبه
انت بتطير بعيد واحنا بنحاول نلحقك مش قادرين
بصراحة
انت تستحق كل خير
وبجد
إنت إنسان أصيل
وأنا أتشرف إني صديقك
يا ابو مدحت يا حلو
...
..
.
وطبعا لازم تصحي من الحلم ;)
أكيد مصاريف الفطار تقلت عليك :crazy:
هتجيب أكل لكل ده منين يابني :mdr:

علاء ياسين
سعدالشرقاوى
15/08/2009, 15h37
بسم الله الرحمن الرحيم
يا صباحك النادى يا خال
أنا سعيده إنى أول واحده ادخل وأكتب
برافو مع ساعه من التصفيق الحار وإيماءة انحناء تحيه لجمال كتاباتك يا خال
هو إيه انت من اللي أحلامهم بتتفسر
جميله جميله جميله وتنم عن حب كبير لسماعى اللي أصبح حلم حياتنا
كل سنه والمنتدى بمن فيه وزواره ومريديه بألف صحه وسعاده
برضه البهارات مانستهاش :mdr:
وبرضه ناهد ماورهاش غير المطبخ ;)
الله يخليك يا خالى سعد يا شرقاوى
تحياتى

السيده الفاضله أمنا/مدام ناهد
اذا كنا لانملك غير الاحلام فدعونا نحلم
ربنا سبحانه وتعالى يعيد هذه الايام
على كل أهل سماعى بكل خير يارب
سعدالشرقاوى
15/08/2009, 15h41
أنا فى الحقيقه عاوز اقول للحاج سعد إنه ما زال فى بقيه من سميعة زمان , وافتكرتهم لما قرأت وسمعت منك هذا النظم العفوى التلقائى الجميل ............. منك لله :emrose::mdr:

صدّقنى يا والدنا العزيز الدكتور/انس
لقد عشت الحلم الجميل عند كتابتها حتى أوشكت أن أصدّق
نفسى وأحسست انى لست فى يقظة كامله
وأدعو الله ان يمن علىّ بتحقيقه قبل الممات
سعدالشرقاوى
15/08/2009, 15h48
ربنا يخليك لينا

يادكتور أنس
ياللي منك ح نفضل نتعلم
أنا بقي ح أقول للخال سعد الشرقاوي :

ده شغل إجرام !! http://www.sama3y.net/forum/attachment.php?attachmentid=160030&stc=1&d=1250094607

معذرة أستاذى الشاعر/رائد عبدالسلام
إن كنت تجاوزت حدود الطموح فى المنام
فليس على النائم حرج
والواحد ما بيصدق يرفع القلم عنه
وانت عارف الباقى
عموما مسيرى عاملها لك مفاجأه فى رمضان
إن شاء الله
وداخل عليك ساعة الفطار
سعدالشرقاوى
15/08/2009, 15h54
سعد سعد تحيا سعد

؛؛؛؛؛
أنت عارف ياعم سعد أجمل شئ
كسبته من علاقتى بالمنتدى
هو ان الناس نضيفة
جـــــــــــــــداً
وعاملين حالة
ونس ببعض
مش عارف ليه حسيت
بعد ما قريت
أحلامك الرمضانية
شميت ريحة طيبة
مصرية
وبنى أدمين
بتدور على بعض
وأنا بحسدك جداً
على ذاكرتك التاريخية
التى تحتفظ بكل هذه الأسامى
وتضفيرها بشكل جميل
كأنك بتربط الناس ببعض
بخيوط حرير
أنا بشكرك جـــداً
على رمضانياتك
اللى دخلتنى فى أجواء
الشهر الكريم وربنا
يعوده علينا جميعاً
بكل خـيـــــــــر
؛؛؛؛؛

سعد سعد تحيا سعد

اخى الاستاذ/ناصر دويدار
الشاعر المبدع الاصيل
أشهد الله اننى أحبكم جميعا فى الله
ورغم انقطاع النت عندى منذ أسبوعين تقريبا
ما من يوم يمر الا وأتحمل مشقة السفر
لاحدى القرى المجاورة
لاراكم من خلال نظرتى على الموقع
وربنا يديم علينا المحبه
سعدالشرقاوى
15/08/2009, 16h02
عم سعد
يا لون لوحدك يا عبقرى يا نسخة واحدة و مش تكرار لحد يا مبدع حقيقى
هذه تحفة نادرة تتضاءل امامها محاولتى فى أهل المنتدى عن جد كما يقولون
و كمان جمعتلك كل خلقاتك و فاسك و زمبيلك و جميع أدواتك و لوازمك فى الرابط ده

حكايات تحت التوتة (الراوى سعد الشرقاوى) (http://www.sama3y.net/forum/showthread.php?t=71692)

أستاذى ومعلمى/طارق العمرى
هذا قليل مما عندكم أيها الشاعر والاديب
صاحب الذوق الرفيع
والشهامه والأصاله
أصبحت تعلمنا دروسا فى مكارم الاخلاق
من خلال أعمالك العظيمه
كل عام وأنت والاسره بكل الخير
سعدالشرقاوى
15/08/2009, 16h11
يا سعد يا شرقاوي


:emrose:


عملتها إزاي دي
يخرب عقلك ياراجل
بصراحة مش لاقي تعليق أكتبه
انت بتطير بعيد واحنا بنحاول نلحقك مش قادرين
بصراحة
انت تستحق كل خير
وبجد
إنت إنسان أصيل
وأنا أتشرف إني صديقك
يا ابو مدحت يا حلو
...
..
.
وطبعا لازم تصحي من الحلم ;)
أكيد مصاريف الفطار تقلت عليك :crazy:
هتجيب أكل لكل ده منين يابني :mdr:

علاء ياسين

الشاعر الغنائى
شقيق الروح/علاء ياسين
مانت عارف يابو علوه اننا لو سرحنا الغيط ومعانا العيش
ح نلاقى هناك كل اللى يحتاجه فطار رمضان
انا اللى صحّانى قبل المنام ما يخلص
انىّ لقيتنى طوّلت على القارئ وخفت يكون زهق
الموضوع مش متظبّط قوى يعنى
وان شاء الله فى السحور ها تتعوّض
عشان باقى الحبايب
من أهل سماعى الكرام
اللى بنحبوهم
وأصبحنا أسره واحده
امحمد شعبان
15/08/2009, 16h37
أحلام رمضانيّه

بعد صلاة العصر بساعه
وتحت التوته بيحلى الصّوم
يومها لقيت الجوّ طراوه
وجه فى دماغى شويّة نوم
,,
فجأه سرحت ف حلم جميل
عوزت الليل يدخل وانا صايم
ولا فكـّرت ساعتها ف مغرب
واتمنـّيت انىّ افضل نايم
,,
شوفت اللهمّ اجعله خير
إنىّ مروّح ومانيش دارى
كأنىّ فتحت الموقع يعنى
وكل الناس داخلين على دارى
,,
رحت منادى ..ياعمّ أمين
يا حاج سلومه ..ياواد ياسباعى
قولوا لكلّ حبايب التوته
عندى ضيوف من أهل سماعى
,,
شفت ساعتها الاستاذ غازى
وعمّ سمعجى مع الدكتور
كانوا واقفين بيقابلوا ضيوفى
وخلوّا حياتى فرح وسرور
,,
وانا فى سعاده وكلّ شويّه
ب ابصّ بعينى على الزراعيّه
شفت كأن مراكب جايّه
وخلق كتير راكبين عربيّه
,,
سامع صوت فى الجوّ احلوّ
لاهو كلاكس ولاهو صفـّاره
وألمح مدحت إبنى بيجرى
عليّه يقول لى شوف الطيّاره
,,
نازل عمّى زمنطر منها
معاه أبو زهده ويوسف سالم
وم الشبّاك بلقيس بتشاور
مين ويّاها ؟ ياربّ ياعالم
,,
وانا فى الفرحه ومبسوط خالص
عايش أجمل يوم من عمرى
شفت علاء قدرى مع رائد
جاىّ معاهم طارق العمرى
,,
فاضل وقت بسيط ع المغرب
والقرآن كان لسّه بيقرا
وكلّ الناس من أهل سماعى
اللىّ بيسمع واللىّ بيقرا
,,
وجت ملاّكى نمرها بحيره
فيها إسلام مع أبو مندور
واللى سايقها ناصر دويدار
لمّا قابلهم فى دمنهور
,,
وفاتت خالتى رغد على منـّه
بنت عطيّه جابتها معاها
وزاد السّعد بعمّى ريحانى
ويسرى عطيّه وعلاء طه
,,
قلت يا مدحت روح قول لامّك
عندك وجبه تكفىّ ضيوفى؟
قالت الصّايم رزقه على الله
وحط ف قلبك بطيخه صيفى
,,
قلت اتطرّف يمّ المطبخ
قصدى أطـّمّن يعنى عليها
لقيت عمّتهاناهد ويّاها
وخير الدنيا ياناس حواليها
,,
والمبلول مصبوب فى كاساته
وفيه أصناف ماتجيش فى البال
وعندها ثومه وعمّتى هامو
وأختى عفاف والحاجّه منال
,,
ومحمود سعد باعت لها دينا
تساعد وتصبّ الشربات
ورايا بتعمل أجمل سلطه
وأم حسام جايبه البوهارات
,,
وعمّو فؤاد يسمع فايزه احمد
ع التليفون لو حدّ ينادى
عامل نغمه تقول (ومعايا)
تردّ على احمد عبدالهادى
,,
ولقيت أبو يحيى وعادل سيّد
خدوا بالحضن عمر زهران
وحيّوا معايا سويفى وكشك
وشيخ الليله أبو شعبان
,,
رحت أقول لسيادة الريّس
أهلا بيك نوّرت الدّار
ومعاه شاكر والسلامونى
ويحيى ابو زكى وسامى نوّار
,,
وفجأه لقيت القرآن خلـّص
والحرباوى يطلّ علينا
وأحمد عزمى مع عماد جمعه
والعقاد بقوا تحت عنينا
,,
وأنا ما زعلتش م اللى اتأخـّر
أو كان بينّا جبال وبحور
واللىّ ما جاش فى فطارنا الليله
ح يشرّفنا ف أىّ سحور
,,
واتقلـّبت يمين وشمال
على صوت مدفع عامل غاره
أتارينى كنت ف حلم جميل
وصحيت منـّه يا ألف خساره
,,


يا سعد :
حيّاك الله كما حيّيتني وأسعد أيامك ولياليك الرّمضانية بكل الخير والبركة .
ودمت لنا خفيفا ظريفا .
علاء قدرى
15/08/2009, 16h41
عمنا الجميل :emrose:
الشاعر الكريم خالص (سعد الشرقاوى)
اية يا عم عزومة الادب دى ؟؟؟
جمعت كل سماعى على فطار واحد؟؟؟
الله يقويك و يعينك
بجد عمل رائع من شاعر رائع و حبيب الكل
و يا رب الحلم يبقى حقيقة و نتلاقى و لو على شربة ماء
فزاد الجمال و الادب اجمل من اى زاد
زادك الله طيبة ؛ و شعر
وزادنا محبة لك
حسيت معاك برمضان بدرى
كل سنة و انت طيب :emrose:
سعدالشرقاوى
21/08/2009, 13h28
يا سعد :

حيّاك الله كما حيّيتني وأسعد أيامك ولياليك الرّمضانية بكل الخير والبركة .
ودمت لنا خفيفا ظريفا .

حيّاك الله ياجدّنا الفاضل
ياحامل لواء لغتنا العربيّة
قوّاكم الله على تحمّل ما تتعرض له الهويّة
متعك الله بالصحة
وكل عام وانتم بخير
Islam Eidrisha
21/08/2009, 14h04
يا عم سعد يا وش السعد
كل عام وأنت في الخير والهناء ترفل
وجعلك الله في رمضان من الفائزين
:emrose:رمضان كريم:emrose:
abuzahda
21/08/2009, 14h17
سامحني يا :emrose:عمّي سعد:emrose:
ماخدتش بالي من تحفتك دي إلاّ بعد ماسمعتها عند :emrose:سيدنا الدكتور أنس (http://www.sama3y.net/forum/showthread.php?t=71852):emrose:

و من ساعتها و انا بدعي: ربنا يحقق دي الأحلام

(ما تقلقش ، أنا أكلتي خفيفة - سلطات بس )
سعدالشرقاوى
23/08/2009, 21h27
عمنا الجميل :emrose:

الشاعر الكريم خالص (سعد الشرقاوى)
اية يا عم عزومة الادب دى ؟؟؟
جمعت كل سماعى على فطار واحد؟؟؟
الله يقويك و يعينك
بجد عمل رائع من شاعر رائع و حبيب الكل
و يا رب الحلم يبقى حقيقة و نتلاقى و لو على شربة ماء
فزاد الجمال و الادب اجمل من اى زاد
زادك الله طيبة ؛ و شعر
وزادنا محبة لك
حسيت معاك برمضان بدرى

كل سنة و انت طيب :emrose:

على فكره ياحبيبى الاخ الاستاذ/علاء قدرى
فيه سر كبير يعلمه الله
بيربط أفكارى بأفكارك
محيرنى فى أمرى
تصوّر حتى فى الردود والتعليقات
أتعمّد أحيانا التمهّل
لقراءت مشاركتك
لأجد أنها صوره طبق الأصل
لما يدور بخاطرى
وعشان كده من السنه أنى أقولها
(انى أحبك فى الله)
كل عام وانتم بخير
سعدالشرقاوى
23/08/2009, 21h33
يا عم سعد يا وش السعد

كل عام وأنت في الخير والهناء ترفل
وجعلك الله في رمضان من الفائزين
:emrose:رمضان كريم:emrose:

يارب
تجعلنا جميعا من الفائزين فى رمضان
ويكمل هذا الفوز
بفرحتنا بيك يااستاذ اسلام
ونزيّن الطريق الزراعى من دمنهور الى القاهرة
وتكون حفله سماعية ما حصلتش
لانك تستاهل الخير كله
علاء قدرى
23/08/2009, 23h03
على فكره ياحبيبى الاخ الاستاذ/علاء قدرى

فيه سر كبير يعلمه الله
بيربط أفكارى بأفكارك
محيرنى فى أمرى
تصوّر حتى فى الردود والتعليقات
أتعمّد أحيانا التمهّل
لقراءت مشاركتك
لأجد أنها صوره طبق الأصل
لما يدور بخاطرى
وعشان كده من السنه أنى أقولها
(انى أحبك فى الله)

كل عام وانتم بخير

بحق هذا الشهر الفضيل
احبك الذى احببتنى من اجله
وما اجمل الحب فى الله و بظهر الغيب
كل سنة و انت طيب يا من جمعتنا على مائدة حب واحدة:emrose:
سعدالشرقاوى
23/08/2009, 23h25
عمنا الاستاذ/سيدابوزهده
عامل ايه؟
ورمضان عامل معاك ايه
الحمدلله ام وعد هاتعلمنا
http://www.imagehuge.com/out.php/t13236_avatar102176-36-1-.jpg (http://www.imagehuge.com/show.php/13236_avatar102176-36-1-.jpg.html)
وبعد ما غلوبنا فيك تعلمنا
الحمدلله ربنا عوّض صبرنا خير وها نتعلم منها كل جميل
أسال الله تعالى ان يعيد عليكم هذه الايام بكل خير
مصطفى اليازجي
10/09/2009, 20h31
ماشاء الله عليك يا استاذ

انا وانا بقرأ في الكلمات كنت بتعلم منك

مستوى راقي وجميل اوي

انما ليا تعقيب بعد اذن حضرتك

والقرآن كان لسّه بيقرا

اعتقد المعنى هنا مش مزبوط ، لإن القرآن ما بيقرأش نفسه ، انما يحتاج لحد يقرأه

ولو حضرتك قصدت بيقرأ مع ضمه حتبقى مش ماشيه مع القافيه الأخيره

تعقيب تاني

احيانا بعض القوافي بتبان في الشكل انها نفس القافيه ، لكن في النطق بيبقى فيه اختلاف

بس كده اتمنى من حضرتك ماتكونش اتدايقت من تلميذ حب يستفيد من حضرتك واتمنى وجودي يكون خفيف على حضرتك
سعدالشرقاوى
14/09/2009, 08h30
ماشاء الله عليك يا استاذ


انا وانا بقرأ في الكلمات كنت بتعلم منك

مستوى راقي وجميل اوي

انما ليا تعقيب بعد اذن حضرتك



اعتقد المعنى هنا مش مزبوط ، لإن القرآن ما بيقرأش نفسه ، انما يحتاج لحد يقرأه

ولو حضرتك قصدت بيقرأ مع ضمه حتبقى مش ماشيه مع القافيه الأخيره

تعقيب تاني

احيانا بعض القوافي بتبان في الشكل انها نفس القافيه ، لكن في النطق بيبقى فيه اختلاف

بس كده اتمنى من حضرتك ماتكونش اتدايقت من تلميذ حب يستفيد من حضرتك واتمنى وجودي يكون خفيف على حضرتك

الاخ الاستاذ/مصطفى
اهلا بحضرتك زهرة جديده فى بستان سماعى
ورمضان كريم وكل عام وانتم بخير
وملحوظاتك على العين والراس
لكنها (اللغة الدارجه المصريّة)
الاغنيه شغاله
النشره بتقول
الماتش بيلعب
فدرجت اللغة على مثل هذا
فأجازت لنا الدارجه
(والقرآن كان لسّه بيقرأ)
وعلى فكرة انا سعيد جدا بهذه المداخله المفيدة
وربنا ما يحرمنيش منك
(فلسطين فى قلوبنا)
ام مدحت
30/09/2009, 12h37
حتى لاتنسى الوعد بتكملة
حلمك الجميل الى حفل السحور
وقد انتهى شهر رمضان
ونود مشاركتك احلامك
فى رؤية العائدون
امثال اساتذتى
جابر الحسينى
منال
عيون المها وغيرهم فليت الاحلام
تستمر حتى يريدها الله ان تتحقق
ونرى الجميع فى اسعد الاحوال
ام مدحت
11/08/2010, 06h27
رمضان كريم
كل عام وانتم بخير
الباشاقمرزمان
11/08/2010, 09h27
شوف يا عم سعد

كدة مش نافع معايا الكلام ده لازم دعوة كبيرة عشان أروح أقعد شوية تحت التوتة واعرف ايه السر فيها

لما ده كان حلم الحقيقة تبقى ايه؟؟؟؟؟

تسلم يا عم سعد على هذا الحلم الجميل اللى ماكانش لية فيه نصيب .... بس الحمد لله ألحق السحور

وانا وام احمد منتظرين البقية قصدي السحور عشان ما لحقناش الفطار

وكل سنة وانت طيب يا شاعر يا أصيل وعن إذنك أروح انام في البلكونة يمكن يجيني حلم كدة كويس:mdr::mdr:
سمير حسين
12/08/2010, 05h54
.. شاعرنا الكبير / سعد الشرقاوى .. كل عام وأنتم بخير ..
كان لى شرف المرور على توتة عم سعد وقرأت أحلام رمضانية .. سيمفونية جميلة .. أحلام رقيقة مملؤة بالحب للجميع .. كلمات نابعة من قلب عاشق للأرض والصُحبة .. ياعم سعد أنت شاعر جميل وقرأت كثيرا من أشعارك وأستفيد منها
لم لا وأنت تكتب تحت التوتة التى تـُظلل على الأحباب وأوراقها تحجُب لسعة الشمس .. أشعر تحت التوتة بنسمة الهواء وطيبة القلب .. كل سنة وأنت طيب يا صاحب القلب الطيب ..
عفاف سليمان
12/08/2010, 08h20
سبحان الله:emrose:
معقوله
مر عام على هذه الكلمات الحلوه:)
بس كنا فيه اجمل صحبه واجمل لمه:(
كان عم
سعد الشرقاوى
بيحكى لنا تحت التوته
اشعار ومواويل وغناوى
والست ام مدحت
كانت بتقول احلى قصص
وبيطلع منها العبر
وكان معانا كل الشعراء
د أنس
بقصص الامام
وقصص خفيفه
استاذنا كمال(سمعجى)
واستاذنا وشاعرنا سيد ة ابو ذهده
وشاعرنا شاعر العاميه استاذ رائد عبد السلام
اختنا وامنا الروحيه الاستاذه ناهد
بقصص من الحياه
وشاعرنا الاستاذ طارق العمرى
واختنا الشاعره الجميله بلقيس(إكرام الجنابى)
وشاعرنا الاستاذ يوسف ابو سالم
وطبعا شاعرنا الاستاذ بشير عياد
واختنا الجميله القصصيه رغد اليمنى
وكتير كتير كتير
اتجمعنا تحت توتة عم
سعد الشرقاوى
بكل حب ...وود.... وصفاء
واخونا علاء ياسين كاتب الاغانى الجميله
واخونا علاء قدرى
وناس كتير سامحونى اذا كنت نسيت
اسماؤهم او مكتبتهاش
لكن اللى مأثرفى نفسى
احنا كلنا روحنا فين
وليه هجرنا شجرة توتة عم سعد
وليه مبقيناش زى الاول
نتلم تحت الشجره
وعم سعد يحكى لنا ويقول
اجمل كلام واحلى مواويل
يا عم سعد يا اصيل
نفسى نتلم ونتلف تانى حولين
شجرة التوته
ونتصارع لكتابة عمل جميل
ونتحدى بعض تحدى خفيف وجميل
الكل يكتب ...الكل يقول
كلام يجمعنا فى سماعى على طول
عم سعد الشرقاوى
انت حطيتنا فى برواز جميل
مهما غابوا اللى فيه
بردوا فى الصوره موجودينhttp://img105.herosh.com/2010/08/10/664537830.gif
وفى قلوبنا موجودين
وبتمنى للجميع كل الحب والود والخير
ويارب يارب
نتجمع تانى
تحت التوته
ورمضان كريم
اختكم عفاف
بلقيس الجنابي
13/08/2010, 20h41
:o:o
طيب عمنا سعد يا الشرقاوي

أعمل لنا عزومة مراكبي وبلغ وحينا بجمال رمضانياتك الحلوة


كل سنة وانت طيب يا طيب رمضان كريم

شكرا لهديتك الحلوة بارك الله فيك
والان أختكم بلقيس ستهديكم رباعيات بلقيس الرمضانيــة
سعدالشرقاوى
21/08/2010, 10h18
شوف يا عم سعد

كدة مش نافع معايا الكلام ده لازم دعوة كبيرة عشان أروح أقعد شوية تحت التوتة واعرف ايه السر فيها

لما ده كان حلم الحقيقة تبقى ايه؟؟؟؟؟

تسلم يا عم سعد على هذا الحلم الجميل اللى ماكانش لية فيه نصيب .... بس الحمد لله ألحق السحور

وانا وام احمد منتظرين البقية قصدي السحور عشان ما لحقناش الفطار

وكل سنة وانت طيب يا شاعر يا أصيل وعن إذنك أروح انام في البلكونة يمكن يجيني حلم كدة كويس:mdr::mdr:


سعادة الباشا
والحاجه ام احمد
التوته تشتاق اليكم
وتغرد عليها طيور المحبة
ابتهاجا بقدومكم
رمضان كريم
وكل عام وانتم بخير
سعدالشرقاوى
21/08/2010, 10h22
يارب ماتنسناش فى السحور مع الأمّه دى ياه لو يتحقق الحلم ونقابل كل السمعجيه دول يبقى هوه ده الأفطار اللى ماحصلش يارب نتقابل فى الجنه على حوض المصطفى


رضوان حسن

الاخ الكريم
الاستاذ/رضوان حسن
تقبل الله منكم صالح الدعاء
وكل عام وانتم بخير
سعدالشرقاوى
21/08/2010, 10h27
.. شاعرنا الكبير / سعد الشرقاوى .. كل عام وأنتم بخير ..
كان لى شرف المرور على توتة عم سعد وقرأت أحلام رمضانية .. سيمفونية جميلة .. أحلام رقيقة مملؤة بالحب للجميع .. كلمات نابعة من قلب عاشق للأرض والصُحبة .. ياعم سعد أنت شاعر جميل وقرأت كثيرا من أشعارك وأستفيد منها
لم لا وأنت تكتب تحت التوتة التى تـُظلل على الأحباب وأوراقها تحجُب لسعة الشمس .. أشعر تحت التوتة بنسمة الهواء وطيبة القلب .. كل سنة وأنت طيب يا صاحب القلب الطيب ..
الاخ الاستاذ/سمير حسن
مرورا له طعمه ولونه ورائحته
احسست فيه الطبيعة
الخضراء
وجمال الروح الريفية
وتناول وجبة الافطار
تحت التوته
رمضان كريم
محمد محمدالعقاد
21/08/2010, 16h50
صاحب المعالي / عم سعد الشرقاوي
وزير الغلابة بمصر المحروسة
تحت التوتة بحري البلد بشوية
رمضان كريم وسفرة دايمة وربنا يجمعنا دائما في الخير أنا وأنت وهذه الكوكبة من الأفاضل شعراء المنتدى ومثقفيه والفضليات من الأخوات الذين أتت أسمائهم في نصك البديع فأنت تمتلك ناصية الزجل الذى لايخلوا من الإبداع والتميز الشعري
أما بعد ....
أولا : قمت بالرد عليكم حين مررتم على المشاركة الأخيرة بعنوان (( أنا راضي )) وشكرت لكم مروركم وكذا التعليق الطيب .
ولقد أوضحت في الرد أننى سبق أن أهديت لكم في تاريخ 30/3/2010 قصيدة بعنوان (( عشرين سنه )) لشخصكم العزيز
ثانيا : اليوم 21/8/2010 يسرني أن أهديكم أخر عمل غنائي إنتهيت منه عصر اليوم
وذلك ردا على عزومتكم مع الأحبة من الشعراء والشاعرات والمثقفين والمثقفات وأرجو منكم المرور والتعليق على هذا العمل الغنائي.
وشكرا على العزومة
الشاعر : محمد العقاد
سعدالشرقاوى
26/08/2010, 18h47
سبحان الله:emrose:

معقوله
مر عام على هذه الكلمات الحلوه:)
بس كنا فيه اجمل صحبه واجمل لمه:(
كان عم
سعد الشرقاوى
بيحكى لنا تحت التوته
اشعار ومواويل وغناوى
والست ام مدحت
كانت بتقول احلى قصص
وبيطلع منها العبر
وكان معانا كل الشعراء
د أنس
بقصص الامام
وقصص خفيفه
استاذنا كمال(سمعجى)
واستاذنا وشاعرنا سيد ة ابو ذهده
وشاعرنا شاعر العاميه استاذ رائد عبد السلام
اختنا وامنا الروحيه الاستاذه ناهد
بقصص من الحياه
وشاعرنا الاستاذ طارق العمرى
واختنا الشاعره الجميله بلقيس(إكرام الجنابى)
وشاعرنا الاستاذ يوسف ابو سالم
وطبعا شاعرنا الاستاذ بشير عياد
واختنا الجميله القصصيه رغد اليمنى
وكتير كتير كتير
اتجمعنا تحت توتة عم
سعد الشرقاوى
بكل حب ...وود.... وصفاء
واخونا علاء ياسين كاتب الاغانى الجميله
واخونا علاء قدرى
وناس كتير سامحونى اذا كنت نسيت
اسماؤهم او مكتبتهاش
لكن اللى مأثرفى نفسى
احنا كلنا روحنا فين
وليه هجرنا شجرة توتة عم سعد
وليه مبقيناش زى الاول
نتلم تحت الشجره
وعم سعد يحكى لنا ويقول
اجمل كلام واحلى مواويل
يا عم سعد يا اصيل
نفسى نتلم ونتلف تانى حولين
شجرة التوته
ونتصارع لكتابة عمل جميل
ونتحدى بعض تحدى خفيف وجميل
الكل يكتب ...الكل يقول
كلام يجمعنا فى سماعى على طول
عم سعد الشرقاوى
انت حطيتنا فى برواز جميل
مهما غابوا اللى فيه
بردوا فى الصوره موجودينhttp://img105.herosh.com/2010/08/10/664537830.gif
وفى قلوبنا موجودين
وبتمنى للجميع كل الحب والود والخير
ويارب يارب
نتجمع تانى
تحت التوته
ورمضان كريم
اختكم عفاف

اختى الغالية ام ايمن
الاستاذة/عفاف سليمان
كم انا مشتاق الى هذه الصحبة
واشكر لكم شعوركم الطيب
وهذا دأبكم دائما
اسال الله ان يكون الجميع بخير
واتوسل لكل من معه الرقم الاتصال بى
كل عام وانتم بخير
سعدالشرقاوى
26/08/2010, 18h51
:o:o
طيب عمنا سعد يا الشرقاوي

أعمل لنا عزومة مراكبي وبلغ وحينا بجمال رمضانياتك الحلوة


كل سنة وانت طيب يا طيب رمضان كريم

شكرا لهديتك الحلوة بارك الله فيك
والان أختكم بلقيس ستهديكم رباعيات بلقيس الرمضانيــة

حلوه عزومة مراكبى دى ياست الكل
هههههه اضحك الله سنك
تعرفين جيدا
ان الحلم لم يصادر بعد
وانه متاح الى آخر العمر
واحيانا
لانملك غيره
سنظل نحلم بلقاء الاحباب
حتى يجمعنا الله على خير
كل عام وانتم بخير