دارت الأيام - المقدمة من اول الجزء البياتى لحد آخر المقدمة وفيه 2 صولو للحفناوى

[blackguitar]

استاذ عادل
انا كنت طلبت من حضرتك قبل كده نوته ودارت الأيام ( وفيها صولو الحفناوى )....المقدمه بس يعنى
او ممكن تقوللى الحروف اللى بيلعبها الحفناوى فى الصولو بس


وبعدين انت طلبت منى ارد عليك عشان تعرف ان انا بخش المنتدى ولا لا
عشان تشتغل فى النوته
ورديت عليك وقولتلك انا موجود ..........وسبحان الله
بعديها بيوم الهارد باظ (وقع) وكل حااااااااااااجه عليه طاااااااااارت
وطبعا انا مادخلتش النت لمده تلات اسابيع على الأقل
والحمد لله اشتريت هارد جديد وانا موجوود (بأذن الله)
فياريت النوته يكرمك ربنا عشان ورايه حفله بعد اسبوعين
ولوعرفت العب الصولو بتاع الحفناوى هاطلع الحفله بيها ولو معرفتش مش هاطلع
ولك تحياتى
ضياء

[عادل صموئيل]

عزيزى ضياء ( الإسم صح ؟ )
انا مقدر ظروفك بس انا عندى مشكلة ان ناس بتدخل وتطللب طلبات وبعدين ماتدخلش المنتدى تانى , وانا فى اى لحظة زى ما انت شايف بيبقى مطلوب منى اكتر من 100 نوتة , ومع انى بيسمونى ملك النوتة ب العجيب ان ماعنديش نوت جاهزة يعنى كل نوتة انا بدونها وده بيحتاج وقت , انا بقسم طلباتكم الى اولويات يعنى فيه اخوة بحس انهم عايزين النوتة بسرعة لأن بيكون عندهم حفلة او مشاريع فى كليات , ده طبعا غير ان فيه الحان ممكن اكتبها وانا بشرب كوب من الشاى يعنى سهلة مش محتاجة وقت لكن فيه الحان صعبة شوية او محتاجة وقت طويل يعنى لما واحد بيطلب اغنية لأم كلثوم ومش محدد اى جزء معناها انه عايز الأغنية كلها ودى عارف حضرتك حجمها اد ايه ؟ على الأقل اكتر من 12 صفحة فلوسكاب يعنى بتاخد فى حدود اسبوع تفرغ كامل منى وده صعب جدا عشان الوقت , وكمان عندى مشكلة ان فيه طلبات اغانى مش مصرية ودى احيانا بكون ماعنديش فكرة عنها لكن اتمنى حل المشكلة دى من الأخوة الأحباء العرب ودى مش مشكلة لأن المنتدى عالمى زى ما انت عارف يعنى فيه اخوة احباء من جميع الجنسيات واكيد فيهم ناس شاطرين فى التدوين ويمكن اشطر منى وانا اتمنى ان يشتركوا معانا فى القسم ده لأن حايبقى فيه إثراء كبير للجميع على مختلف الجنسيات , انا هنا عشان انت مستعجل دونت لك المقدمة من اول الجزء البياتى لحد آخر المقدمة وفيه 2 صولو للحفناوى واحد على الرتم والتانى اللى من غير رتم اتمنى تعزفهم بس خلى بالك من التحويلات المقامية
وممكن تراجع عزفى لأغنية ودارت الأيام فى قسم المبدعون يعنى انا كاتب تقريباً الصولو زى ما انا عازفه بالضبط وده طبعا زى الحفناوى ما قاله بدون تحريف
تحياتى اليك وطمنى ( وطبعاً الرسالة دى موجهة لكل اعضاء المنتدى الأحباء )

[محمد هشام عبدال]

السلام عليكم / استاذنا الكريم عادل صموئيل

يا رب تكون بخير وبصحة جيدة وسعادة

والله انا كم مرة اطلب ومن زمان بس محدش يسأل في ..
بعد اذن حضرتك ياريت تدوين المقطوعة الموسيقية من فيلم البنات عايزة ايه بين هياتم ومحمود عبد العزيز
ولو حضرتك عايز ابعتلك المقطوعة صوتيا انا حاضر .
معلش انا بزعجك و حضرتك مش فاضي يارب يديلك الصحة والعافية وحضرتك عارف احنا من غيرك والله ما هنعرف نعزف الا بالنوتات اللي حضرتك بتبذل فيها جهود جبارة والله هو المعين