تسجيل الدخول

مشاهدة النسخة كاملة : الحـصــــــان

ناصر دويدار
09/08/2009, 15h54
الحصان
طلقة رصاص
يمكن تكون رحمة00
يمكن تكون الخلاص
من نظرة الشفقة
يمكن يكون المشهد
الأخرانى حـزيــن
لكن أكيد
أنها 00
أختصار
للسنيين الجاية المرعبة
طلقة رصاص
هى أكيد رحمة
ما تبصش على وقفة الدبان
فوق عين الحصان
وهو متمدد فى بركة وحل
ماتبصش لجلده المكرمش
وديله اللى كنا بنحلف
بطوله وجماله وحلاوته
فى شعر البنات الجُمال
وكبرياء رقابته
اللى دايس عليها الجراد
وما تستغربش نومته
ف عرض البلاد
ده كان زمان
فرس النبى
والصحاب
وياما ضهره شال بلاد
وحط فى بلاد
وعمّر بلاد
وهاجم لصوص
وغيّر خرايط
وحافره ده فجر زمان
بحور الايمان
الأمان
الحنان
وكان له زمان
عشيرة وأهل
عمومة وخلان
وكان له عيال
تسد الشموس
وكان له صهيل
يهد الجبال
ده كان
ســيـــدنا الـحُصــــان
ما تسغربوش
ف نومته
دى صورته
فى أول سباق للخيول
فى أول طريق الحياة
دى صورته
رقبته
وفخده
حوافره
سنانه
دماغه
وطوله
وعرضه
ونظرة عيونه البعيدة
وهى بتلمع
دى صورته
وأخر السباق
وصله لوحده
مفيش حد جنبه
ده كاس الوصول
بيلمع فى أيده
ف أخر السباق
صحيح أن نومته
تحزن
تكدر
تيأس
تحطم
تكسر
تدغدغ
وتسحل
لكين الحقيقة
بأن الرصاصة
له رحمة
وأن الرصاصة أختصار
السنين اللى جاية
السنين اللى ترعب
سنين المعيز
الحمير
الكلاب
ماهياش سنين الحصان0
Tarek Elemary
09/08/2009, 16h04
ناصر بك دويدار
سامحنى ..... يخرب عقل سن قلمك اللى شارب من دماغك
إنت مش ناوى تجيبها البر ... مين بقى الحصان؟
رمزية ... مفتوحة ... تقبل كل شئ ... و تصلح لكل تأويل و إسقاط و ربنا يسامحك يا صعلوك شعراء المنتدى ... هكذا أراك فسامحنى تدرك طبعاً المقصود بالمعنى يا إمرئ القيس بيننا
أعجبتنى و شربت من كأسها حتى الثمالة
سعدالشرقاوى
09/08/2009, 19h37
الشاعر الحكيم الاستاذ/ناصر دويدار
خليتنى أخاف من بكره
خوفى من تطبيق القرار على كله
عميق الفكر غوّاص فى بحر المشاعر
معك الضوء واللون والموسيقى التصويريه
والخلفية المعبره وبراعة الآداء
وكأنك تتحدى المتلقىّ بمخاطبة وجدانه
(مش ها يقدر يغمّض عنيه)
الله ينوّر
أمّال قبل ماأنسى فين الواسطه؟
ناصر دويدار
10/08/2009, 04h10
]ناصر بك دويدار
سامحنى ..... يخرب عقل سن قلمك اللى شارب من دماغك
إنت مش ناوى تجيبها البر ... مين بقى الحصان؟
رمزية ... مفتوحة ... تقبل كل شئ ... و تصلح لكل تأويل و إسقاط و ربنا يسامحك يا صعلوك شعراء المنتدى ... هكذا أراك فسامحنى تدرك طبعاً المقصود بالمعنى يا إمرئ القيس بيننا
أعجبتنى و شربت من كأسها حتى الثمالة 0000


شكراً يا طاروقة
انا ماهنش عليا تكون فارس وحيد فا عملتلك حُصان
هو صحيح حصان من بتاع اليومين دول
لكن حصان بس انت فارس من بتوع زمان
شكراً على مداخلتك وهنتقابل هنتقابل
بس يجى علاء قدرى من دمنهور
ناصر دويدار
10/08/2009, 04h18
الشاعر الحكيم الاستاذ/ناصر دويدار

خليتنى أخاف من بكره
خوفى من تطبيق القرار على كله
عميق الفكر غوّاص فى بحر المشاعر
معك الضوء واللون والموسيقى التصويريه
والخلفية المعبره وبراعة الآداء
وكأنك تتحدى المتلقىّ بمخاطبة وجدانه
(مش ها يقدر يغمّض عنيه)
الله ينوّر

أمّال قبل ماأنسى فين الواسطه؟

؛؛؛؛؛
سعد سعد تحيا سعد
انا بشكرك جداً على مداخلتك الصادقة وأنا مش ناسى الواسطة اللى وعدتك بيها عشان تبطل تتكلم عن حد وهو غايب
انا بقى مستنى منك غنوة عن واحد عنده إمكانيات وموهوب ومحتاج الواسطة عشان يوصل الموهبة
وواحد تانى خدها منه مع أنه عايز ضرب النار
سعد سعد تحيا سعد
abuzahda
10/08/2009, 22h05
مش هتبطل افترا يا جدع:emrose: انت :emrose:؟!

أنا كنت فاكر "الخيول" بتاعة عبقرينا :emrose:أمل دنقل:emrose: ، جابت من الآخر . هوَّ كان بيبكـّتها على اللي وصلت له

إنما طلقتك دي جت في دماغي
آهـ يا دماغي
ناصر دويدار
11/08/2009, 05h55
يابو زهدة يا فنان ياجان ياجنتلمان
يا إنسان
خيول عمى وعم شعرا مصر كلهم
أمل دنقل
ده أخر خيل فيهم
كنت محتفظ بصورته فى محفظتى
قعد يصهل يصهل يصهل لحد ما موت روحى من العياط
أنا عايز اقولك حاجة قبل ما انسى
طلقة رصاصة مش غالباً يتكون مؤذية
ممكن تكون رحمة
تقبل خالص تحياتى يا فنان
علاء طه ياسين
11/08/2009, 07h12
الأستاذ الكريم
ناصر دويدار
:emrose:
نفسي أعرف بتكتبوا الحاجات دي إزاي
وبتجيبوا الاسقاطات الهايلة دي منين
علموني أكتبها
بدل شعر الحب اللي باكتبه ليل نهار ده
..............
تسلم ايدك
وعاوزين كتير من الحاجات دي
نتعلم منكم

:emrose:
علاء ياسين
غازي الضبع
11/08/2009, 08h06
الله عليك يا عم ناصر
حدثني عنك عمي كمال عبد الرحمن كثيراً
وها أنا أقرأ الدليل والاثبات
مرحباً بك يا عمنا :emrose:
ناصر دويدار
11/08/2009, 11h09
أولاً يا علاء انت من اهم شعراء المنتدى
وممكن بشعر الحب نحارب القبح والتدنىوالاستنطاع
والخمول والبجاحة
الحكاية مش حكاية شعر حب وشعر حرب
المهم اللغة اللى توصل المعنى يعنى مثلاً
أسمع عبد الفتاح مصطفى وهو بيقول سحب رمشه
ورد الباب كحيل لهداب نسيت اعمل لقلبى حجاب
وقلبى داب
وأسمع محسن الخياط وهو بيقول مسيرك هتعرف
أنا أد إيه بحبك
وأد إيه حنينى إليك ولا أقدر عليه
ياريت بس أٌقدر بكلمه أعبر
بنظرة أًصور هوايا الكبير
يا ريت ابقى نجمة
فى ليلك تنور
ياريت أبقى نسمة
وانا اخدك واطير
وآه يا حبيبى آه
أنت شاعر مهم فى المنتدى بس زى ما قولتلك أصبر
على نفسك شوية هتقعدنا فى بيوتنا
انا وطارق العمرى وسعد الشرقاوى وابو زهدة كمان يا عم
تحياتى يا جميل
ناصر دويدار
11/08/2009, 11h13
أولا كمال عبد الرحمن
محدش يعرفه أدى
فنان كبير
صاحب وعى
متميز
متفرد
وصاحب رؤية
واضحة عن الدنيا
والناس
فا كون أنه يكلمك عنى
فا ده شرف ليا وأنا
بتشرف بيك واشكرك
على المجاملة
رائد عبد السلام
11/08/2009, 11h15
أجمل ما كان يميز المتنبي ولوركا وناظم حكمت
هو شهد الحكمة التي تتضمنها قصائدهم
وأنا ح أضيف ليهم :
:emrose: ناصر دويدار :emrose:

شكلك إنت اللي ح تخلينا نقعد في بيوتنا ياعم ناصر !!
ناصر دويدار
11/08/2009, 11h25
أجمل ما كان يميز المتنبي ولوركا وناظم حكمت

هو شهد الحكمة التي تتضمنها قصائدهم
وأنا ح أضيف ليهم :
:emrose: ناصر دويدار :emrose:


شكلك إنت اللي ح تخلينا نقعد في بيوتنا ياعم ناصر !!


؛؛؛؛؛
أنت فين يا عم رائد وشكلك كده نايم على حتة إبداعاية هتقلب
مصر كلها حاكم انا عارف اللى بيسكت يسكت بتلاقيه عامل زى مدفع رمضان 0
أنا شخصياً مستنى منك الجديد لانك مبدع من العيار التقيل
وشكلنا كده بربطة المعلم
حنغنى وحوى يا وحوى يمكن حد يحن علينا بحتة كنافة
او صنية بسبوسة
كل سنة والجميع بخير
ونتقابل على السحور ف السيدة زينب
ف اقرب رمضان
عمر زهران
11/08/2009, 13h27
بصراحة وبدون ما حد يزعل منى أنا لفيت على كل دكاكيين الشعرا
كل شاعر عنده حاجة إلا أنت عندك كُل حاجة
إيه ده بتجيب الكلام ده منين
عايزين أشعار من دى كتير
عشان النايم يصحى
والواقف يمشى
والماشى يفكر ويتأمل
بس الحصان
صعبان عليا مش ممكن نعالجه أو نوديه مصحة لان برضه الحصان حصان
هــــــــــــــــــــــــــيــه
يلا دى أخرة كل حصان
ناصر دويدار
13/08/2009, 23h25
يا عم عمر
الله يستر أصلك
على فكرة
أنــــــــا
بحاول على أد ما أقدر
إنى أجود فكرتى عن الشعر
والفن والحياة وأنا بحبك جداً
لان بحس من تعليقاتك ليا
أنك شخص بسيط
وفاهم
وكل سنة وأنت بألف خير
وصـحــــــــة
علاء قدرى
15/08/2009, 12h56
الحصان

طلقة رصاص
يمكن تكون رحمة00
يمكن تكون الخلاص
من نظرة الشفقة
يمكن يكون المشهد
الأخرانى حـزيــن
لكن أكيد
أنها 00
أختصار
للسنيين الجاية المرعبة
طلقة رصاص
هى أكيد رحمة
ما تبصش على وقفة الدبان
فوق عين الحصان
وهو متمدد فى بركة وحل
ماتبصش لجلده المكرمش
وديله اللى كنا بنحلف
بطوله وجماله وحلاوته
فى شعر البنات الجُمال
وكبرياء رقابته
اللى دايس عليها الجراد
وما تستغربش نومته
ف عرض البلاد
ده كان زمان
فرس النبى
والصحاب
وياما ضهره شال بلاد
وحط فى بلاد
وعمّر بلاد
وهاجم لصوص
وغيّر خرايط
وحافره ده فجر زمان
بحور الايمان
الأمان
الحنان
وكان له زمان
عشيرة وأهل
عمومة وخلان
وكان له عيال
تسد الشموس
وكان له صهيل
يهد الجبال
ده كان
ســيـــدنا الـحُصــــان
ما تسغربوش
ف نومته
دى صورته
فى أول سباق للخيول
فى أول طريق الحياة
دى صورته
رقبته
وفخده
حوافره
سنانه
دماغه
وطوله
وعرضه
ونظرة عيونه البعيدة
وهى بتلمع
دى صورته
وأخر السباق
وصله لوحده
مفيش حد جنبه
ده كاس الوصول
بيلمع فى أيده
ف أخر السباق
صحيح أن نومته
تحزن
تكدر
تيأس
تحطم
تكسر
تدغدغ
وتسحل
لكين الحقيقة
بأن الرصاصة
له رحمة
وأن الرصاصة أختصار
السنين اللى جاية
السنين اللى ترعب
سنين المعيز
الحمير
الكلاب
ماهياش سنين الحصان0


ماهياش سنين الحصان؟؟؟؟؟؟؟
ما اقسى النهايات المتعبة ؛ للكائنات الفاهمات المرهفة؟؟؟؟
خيول امل دنقل حالة جنس استكانت لرغبة جنس اخر يملك ما لا تملكه ...قوة ردع قاسية ... فكان المصير
حصان ناصر دويدار ؛ خليط بين اصل الشئ ؛ وشبيهه؛ الحصان و الانسان (هذا الوديع الجميل المكافح المناضل ) هذا الضمير الحى داخلنا ؛ كل شئ جميل نمى بداخلنا زمان ما (حين كنا نشترى حصان الحلاوه) فى مولد النبى نما بداخالنا حب الفروسية و النزال الشريف؛ الان ليس زمن الحصان ؛ و لا فارس الحصان ؛ وانما زمن زيف البطولة و الفرسان
وكانى اراك يا صديقى تطالب بطلقة الرحمة فى صورة كلمة حق تقال فى وجه الزيف (هذا ما يليق بالحصان الانسان)
فهل يذهب صوتك سدى؟؟؟؟؟؟
ناصر دويدار
15/08/2009, 14h11
يا سلام يا علاء
حمدلله على السلامة يا معلم
عاش من شاف اسمك على المنتدى
واحشنى يا راجل وإيه أخبار(كريم)
إن شاء الله يكون بخير وبعدين انا مش اد الكلام
هى الحكاية طلقة رصاص وتخلص الحدوتة
لانك عارف الحصان شهامة ورجولة وأدب
وعروبة وأنسانية وأخلاق
الحاجات دى بقت عاملة
فينا عمايل
هـــــــــــــــــــــــــــــــــــــيـه
يلا يا معلم عايزين نتقابل بقى
انا وانت والعمرى
وعلاء طه يس
بس أرجوكم كل واحد يجيب
أكله معاه
وشايه
القمر الساهر
21/08/2009, 01h20
تحياتى الى الأستاذ ناصر دويدار على الكلمات الجميلة واللقطات والزوايا اللى بيقدر يشوفها بعين الشاعر والإنسان وإسمح لى ان اناقش الفكرة فقط الفكرة وبقولك بلاش الرصاصة عشان خطرى بلاش الرصاصة مش يمكن يكون اللى نايم ممدد فى عرض البلاد حصان طرواده ويمكن يكون مخبى جواه آلاف الجنود أو يمكن يكون الممدد فى عرض البلاد دى مهرة وحبلى بألف حصان وفرسان كتير حتفتح بيبان المستحيل لسنين يامه جايه . . بلاش نختصرها بطلقة رصاص ...بلاش نختصرها بطلقة رصاص .
ولعلى اتذكر الآن الشاعر الكبير عبد الرحمن الابنودي .
عدى النهار والمغربية جاية تتمشى ورا ضل الشجر
وعشان نتوه فى السكة شالت من ليالينا القمر
..........................................
ياهل ترى الليل الحزين أبو النجوم الدبلانين
يقدر ينسيها النهار ابو شمس بترش الحنين .........( سؤال للجميع )
تحياتى لك مرة أخرى يأستاذ ناصر وانا متابع اعمالك الشعرية الجميلة .
ناصر دويدار
21/08/2009, 11h34
القمر الساهر
الحل الوحيد
طلقة رصاص لان الحصان
أتهان
أصبح يجر العربية الكارو بدل الحُمار
لأن الحصان كرامته أتهدرت
بقى يروح يشتغل عند معيز لان الحصان
عمل اللى ما حدش يعرف يعمله
لأن الحصان عنده كرامة وكبرياء
وعزة بيبص حواليه يلاقى
كرامته وعزته وكبريائه ما تساويش تمن كلب جربان
لازم طلقة الرصاص عشان ما يتبهدلش أكتر من كده
لأنه عزيز قوم مش عايزينه يتذل
أما الأبنودى فا واحدة مذيعة زميلتى
بتسأله
إيه رأيك فى أغانى حرب أكتوبر؟
أنا لما أشوفك هقولك قالها إيه
لأن كله بيكذب وكله بقى بيهرتل
وكله عاش الدور والله يرحم صلاح جاهين
وعبد الرحيم منصور وفؤاد حداد
وألف رحمة ونور على (الحصان)