مشاهدة النسخة كاملة : آن الأوان
غازي الضبع
06/08/2009, 16h24
السلام عليكم ورحمة الله وبركاته
اخواني الكرام رواد ملتقى الأدباء والشعراء
منذ حوالي سنة ونصف اقترحت اقتراح هنـــــــا (http://www.sama3y.net/forum/showthread.php?t=39166)
ينادي بعمل صورة غنائية من إنتاج أعضاء سماعي
وطبعاً زي ما حضراتكم عارفين إن الصور الغنائية انقرضت منذ أكثر من ربع قرن ..
فلما لا تعود إلى أرض الواقع على أيدينا نحن أعضاء منتدى سماعي للحفاظ على الفن الشرقي الأصيل
صدقوني لدينا كل الإمكانيات
أدباء وشعراء وروائيين عظماء
ملحنين وموسيقيين ومطربين
أما الآداء التمثيلي ،، فأنا متأكد أنه موجود لدى العديد منا
وإن لم يكن ظاهراً الآن ..
...
اقترحت هذا الاقتراح .. ولاقى استحسان الجميع والحمد لله
ولكنه لم يكتمل ..
لماذا ؟
للأسف الشديد كان هناك مفهوم خاطيء .. أن من يقترح عليه بالتنفيذ
وفوجئت بأنني مطالب بتأليف صورة غنائية ،، ثم تسليمها إلى الشعراء والموسيقيين لإتمام الجانب الغنائي بها
فوقــفنا عند هذه النقطة ، ولم نتعداها
وهذا طبعاً لإنني لست مؤلفاً ، ولم أكن أقصد أن الصورة الغنائية تؤلف من خلالي ..
وتحمس محمد الزمنطر للموضوع واقترحت عليه إنشاء قسم خاص لإتمام هذا الحلم .. وفعلا قام بفتحه على الفور ..
وظل مفتوحاً عدة أشهر ،، لا يحويه إلا عدة محاولات فاشلة من قِـبلي :(
فذهب الحلم والحماس أدراج الرياح ( جامدة أدراج دي :) ) .. ومات الحلم قبل أن يولد ..
والآن ..
وبعد مرور حوالي سنة ونصف
وبعد أن قرأت قصة للأخت الأديبة الروائية رغد اليميني ..
الحقيقة .. عجبتني جدا
فعاود الحلم مراودتي لاسيما أن تعمـّر المنتدى بنخبة من الأدباء والشعراء والروائيين ..
والذي أعتقد أن الموضوع سيكون لعبة بسيطة وسهلة بالنسبة لهم ..
وهذا ما جعلني أقول : آن الآوان
Islam Eidrisha
06/08/2009, 16h46
بادئ ذي بدء كل عام وأنت بخير يا غازي
وكل رمضان وأنت إلى الله أقرب
وأضم صوتي لصوتك وأشد على عضدك في هذا الأمر
نعم لدينا كل الإمكانيات من عازفين مهرة وملحنين ومطربين وشعراء فإن كان بمخيلتك صورة معينة يا غازي فلتتكرم بعرضها ولنتناقش فيها جميعا وصدقني فإن الصعوبة كلها تكمن في البداية
ولو بدأنا فسنبدع
غازي الضبع
06/08/2009, 17h09
بادئ ذي بدء كل عام وأنت بخير يا غازي
وكل رمضان وأنت إلى الله أقرب
وأضم صوتي لصوتك وأشد على عضدك في هذا الأمر
نعم لدينا كل الإمكانيات من عازفين مهرة وملحنين ومطربين وشعراء فإن كان بمخيلتك صورة معينة يا غازي فلتتكرم بعرضها ولنتناقش فيها جميعا وصدقني فإن الصعوبة كلها تكمن في البداية
ولو بدأنا فسنبدع
:mad:
هو أنا كل ما أقترح حاجة .. تيجوا تقولولي .. ابدأ إنت !
أنا مالي يا عم ..
حد قالك عليا مؤلف ولا شاعر
أومال أنا فاتح الموضوع هنا ليه ؟ مش في الاقتراحات ؟
الحكاية دي على اخوانا الشعراء والأدباء
..
بتدبسني يا سُـلم ؟
ليه كده .. ده إنت حبيبي
خد دي :emrose:
وكإنك ماشفتنيش :mdr:
ييييييه .. لسه حانتناقش تانى ..
ياعم إختار لك قصة من ملتقى الأدب .. وأرميها لحد يعمل لها سيناريو .. وخلصنا .
Islam Eidrisha
06/08/2009, 17h15
وبعد مرور حوالي سنة ونصف
وبعد أن قرأت قصة للأخت الأديبة الروائية رغد اليميني ..
الحقيقة .. عجبتني جدا
انت اللي دبست نفسك يا حلو
أنا اتكلمت بناء على كلامك المقتبس يا غزغز :mdr:
عامة الأمر معروض للجميع واللي في شوقه حاجة يقولها
الاستاذ الفاضل ابو قلب كبير
غازى بيه
الموضوع مهم والاقتراح جدير بالاحترام
وان شاء الله فى القريب العاجل يتححق
لكن على سبيل التجربة
عفاف سليمان
07/08/2009, 08h31
صباح الخير استاذ غازى
طيب ايه رائيك ما تعملوا ملحمه رمضانيه
يعنى فيها المسحراتى وبتاع الكنافه والقطايف وكل ما يخص رمضان:o
واهو رمضان ع الابواب وكل واحد من الشعراء يكتب اللى عنده فى هذا الموضوع من شعر:crazy:
وممكن مش يبقى غناء فقط ممكن يتخلل الملحمه حوارات
او بعض الالقاء الشعرى
وانا متبرعه ان اكون معكم اقول اى حاجه
احم احم بظبط صوتى من دلوقتى:mdr:
بس بجد ممكن تبقى ملحمه رمضانيه روحانيه
وفيها كل ما يخص رمضان
من بتاع الفول والعرقسوس والمسحراتى وكل حاجه
ايه رائيكم يارب تعجبكم فكرتى
والشعراء يقومون بتنفيذها
تحياتى للجميع
وكل وقت وانتم طيبين
اختكم عفاف:)
NAHID 76
07/08/2009, 18h13
بسم الله الرحمن الرحيم
الفاضل غازى الضبع
من ناحيه أن الأوان فهو أن من زمان
منتدانا زاخر بالادباء وكاتبى الصور الغنائيه وكمان من يمثل المنتدى عامر بكل شيئ
ويمكن أن ينتج قصص عاليه الدرجه
ويمكن أغانى على أعلى مستوى وكل شيئ
المنتدى مؤسسه رائعه غازى
شد الهمه ونحن جميعا من ورائك ومعك
أخى يا ريت المنتدى ينتج أعمالا بأسمه كثيره فهو قادر بمن فيه ومن يحبو
أنطلق أخى غازى
تحياتى
يوسف أبوسالم
08/08/2009, 10h05
أخي غازي
مساء الورد
جميل جدا ما طرحته هنا
وخصوصا أن الصور الغنائية أصبحت مختفية
ولعلنا فعلا بحاجة إلى هذا الفن الجميل الآن
وبما أن الجميع يطلبون منك أن تبدأ
فهذا لأنهم لا يريدون البدء هم
ولكني حين قرأت مداخلة الأخت عفاف سليمان
أعجبتني فكرتها بإنتاج صورة غنائية مستلهمة رمضان والمسحراتي وتفاصيل رمضان
وسأطرح هنا فكرة مستندة إلى فكرة الأخت عفاف وهي
سيناريو متعدد المشاهد
بطله المسحراتي
يبدأ بوصف لرمضان وطبيعة روحانيته
ووصف مدفع رمضان ولمة الأهل وبائع القطايف ...الخ
ثم يبدأ محور الصورة الغنائية يتبلور
على مرور المسحراتي ضاربا بطبلته ليدعو الناس إلى السحور
ولكن تمهيدا للصيام
وهنا يتجلى العمل بدعوة المسحراتي في مشاهد متعددة عن
الصيام عن النميمة
الصيام عن الأغاني الهابطة
الصيام عن المسلسلات الرخيصة والمكررة
الصيام عن الفتاوى التي تربك الناس وليست من الإسلام في شيء
وهكذا .....تتعدد المشاهد الغنائية ضمن خط درامي عام يفسر معنى الصيام الحقيقي
هذه فكرة بحاجة إلى من يعيد نظمها شعرا وحوارا
باللهجة العامية المصرية
ولا أرى أصلح من مبدعنا الكبير أبو زهدة للقيام بذلك
تحياتي
غازي الضبع
08/08/2009, 10h39
الله يرضى عليك يا أستاذ يوسف
هي فكرة رائعة
وبالمناسبة .. أنا كنت مكلم اخونا الحبيب رائد المصري أنني بصدد تأليف قصة
أو حكاية كده خفيفة .. اسمها يوميات صائم
واستلهمت أحداثها من يوم صيام لي أنا شخصياً
حيث أننا أصبحنا نكافح من أجل الحفاظ على الصيام في ظل السير في الشارع
فمن مناظر إباحية تفطر الصائب بلا مدفع :crazy:
ومن مضايقات تجعل الانسان يخرج عن شعوره
وهكذا
وكتبتها ،، وقلت ابعتها للأستاذ رائد .. يصيغها ويضع لمساتها الأخيرة
بس لقيت إنها ماتنفعش كصورة غنائية
ولكن فكرة حضرتك تنفع ونص
ويا سلام .. لو تكون الحوارات فيها سجع
وأن تكون مليئة بالأزجال
زي ألف ليلة وليلة
..
أنتظر رد الأستاذ سيد أبو زهدة ، والأستاذ رائد ـ والأستاذ طارق ، والأستاذ سعد ، والأديبة رغد ، والأخت أم مدحت ، مدام ناهد ، وألستاذ علاء ......... وكل أدبائنا
عفاف سليمان
08/08/2009, 12h56
الاستاذ الشاعر يوسف ابو سالم
اخى الاستاذ غازى
جميع شعراء المنتدى سماعى الجميل
بعد مساء الخير عليكم جميعا
وكل عام وأنتم بالف خير
انا أتمنى ان يقوموا شعراء المنتدى بهذه الفكره
روحانيات رمضانيه
وسوف احكى لكم ما يحدث فى منطقتنا بما انها منطقه شعبيه
قبل دخول رمضان بأيام ياتون أبناء الجيران وياخذون بعض من النقود مننا لكى يشتروا الزينه التى يضعونها على البلاكونات المنازل وهذه احلى تيمه واحلى حاجه عندنا فى رمضان + الفانوس الكبير الذى يزين الشارع بجميع الوان الزينه
اما عن الافران الافرنجى التى تعمل الفينو والبقسماط بتعمل فى رمضان عيش ابيض بدل الفينو للصحور
اما عن بائع الفول فلا يفتح الا قرب المغرب وبعد صلاة التراويح لكى يبيع الفول والطعميه وعجينة الطعميه النيه للصحور
اما بتاع الطرشى فبيبقى زحام عليه حتى لو فى البيت جميع انواع المخللات والصلطات
عندكم بقه بتاع العرقسوس الله عليه
بيقى الناس عليه طوابير يمكن من قبل العصر
وبيبقى عنده عرق سوس وتمر هندى وصوبيا
وخروب
وجميع بائعى المحلات الاخرى كالكشرى وخلافه بيبقى مغلق طوووال شهر رمضان
وبعض المحلات صاحبة الاكلات السريعه كالكبابجى والفراخ المشويه والطواجن بيبقى فاتح طوال هذا الشهر
زمان كان دائما بعد مدفع الافطار ينزل الاولاد يلعبوا بالفوانيس
لكن الان مفيش الكلام ده
اصبح الفانوس اللى بالاحجار بدل ابو شمعه اللى كان على ايامى
ولكن لازال الفانوس ابو شمعه موجود ويباع كل عام فى ميدان السيده زينب والحسين والازهر والعتبه والعباسيه
المسحراتى مبقاش زى زمان فى كل المناطق اماكن اماكن
او حياء احياء
لكن بردوا مازال موجود
وطبعا غير زيارات الاهل والاقارب والعزومات والغرامات واللذى منه
والوقت الذى يقراء فيه القرآن الكريم قبل المغرب وفى الوقت قبل الفجر وبعد الفجر
صلاة التراويح ويتجمع فيها الجيران والاصدقاء ويذهبون الى المساجد صحبه جميله فى معية الله وطاعته
واخر رمضان العشر الاواخر بالذات
كل امهاتنا يقمن بشراء الدقيق لعمل المخبوزات للعيد
مثل الكعك اللى بعمله الحمد لله مش محروق
والبسكويت والبيتيفور والغريبه والمقرمشات او القراميش
نسيت بتاع الكنافه والقطايف
يا سلام فى ناس حتى الان بتبنى الفرن اللى بيلفوا عليها الكنافه
لكن اصبح الان فى فرن اليه فى جميع الاماكن والقليل ممن يعمل الفرن اليدويه
والقطايف الطازه الجميله التى تحشو بجميع انواع المكسرات والاطعمه
انا حاولت اتذكر معكم بعض مظاهر الاحداث التى تحدث فى رمضان
واكيد انتم كلكم عارفينها
لكن بالنسبه لاخواننا العرب حبيت ان اعرفهم انواع او بعض من انواع الاحداث فى رمضان
وعلى شعرائنا الكرام ان يقوموا برسمها باجمل وارق انواع الرسم الشعرى والزجلى وكل ما ترغبون
وكل وقت وانتم بالف خير
ويارب رمضان يجى على امة الاسلام بالخير واليمن والبركات
اختكم عفاف
غازي الضبع
08/08/2009, 13h44
الله عليكي يا مدام عفاف
تسلمي
:emrose: :emrose: :emrose: :emrose:
علاء طه ياسين
08/08/2009, 14h10
السيد الكريم صاحب الدعوة الكريمة
غازي الضبع
:emrose:
كل عام وأنتم بخير
:emrose:
وجميع أعضاء سماعي
وجميع مرتادي المنتدي
والأمة الإسلامية بأكملها
أعاد الله علينا جميعا هذا الشهر الكريم بالخير والبركة
:emrose:
أنا أحاول في هذه الأيام تأليف هذه الصورة الغنائية عن رمضان
وأنا أعلم أن مستواي الشعري لا يرقي إلي الأستاذ / كمال عبد الرحمن والأستاذ / أبو زهدة
والأستاذ / رائد عبد السلام والأستاذ / سعد الشرقاوي
والأستاذ / طارق العمري ..
وباقي الإخوة الشعراء مما لم تسعفني ذاكرتي باسمه ...
ولكني سأحاول علي جهدي ..
فإن نال ما سأكتبه استحسانا - فبها ونعمت -
وإن لم ينل ما سأكتبه القبول ..
فأنا لبيت دعوتك .. ويكفيني أنني حاولت ..
وفي غد أو بعد غد علي الأكثر سأكتب لحضرتكم ما كتبته ..
فإن كان جيدا أكملت ..
وإن لم يكن توقفت عن التكملة ..
وبارك الله فيمن قلت أسمائهم من الشعراء ..
فمدي رؤيتهم أرحب أوسع من مدي رؤيتي ..
ورحم الله إمرء عرف قدر نفسه
:emrose:
والسلام عليكم ورحمة الله وبركاته
علاء ياسين
abuzahda
08/08/2009, 20h32
فكرة جديرة بالإلتفاف حولها ، كما أنها مؤهلـَة للتنفيذ ، حيث تتوفر لها الأسباب التي أشرت إليها يا ابو فارس ، يا عاشق العمل الجماعي ، عِشقك للفن.
و لعل أستاذنا يوسف أبو سالم ، قد أرسى حجر الأساس برأيّه ، فيما يخص موضوع الصورة الغنائية : شهر رمضان المبارك.
و عليه يمكن أن يبدأ الشاعر بالكتابة ، آخذاً في اعتباره أنه يكتب الصورة من الألف إلى الياء ، ثم تجمع النصوص – عبر الخاص – عند ابو فارس لمناقشتها مع الأستاذ الآلاتي (نشكر ياسين اللي جاب رجله في الموضوع).
حيث تكون الفرصة أكثر اتساعاً – بتلك المرحلة – للإختيار مما كتبه الأساتذة . على النحو المتعارف عليه بـ "ورشة كتابة" .
فالصورة الغنائية ، هي مجموعة للصور الغنائية - الفرعيّة - المتتابعة . و للوصول إلى شكل يليق بهذا الفن ، يحسن إنتخاب أكثر الصور الفرعيّة قابليّة للتلحين ، و دمجها ضمن صورة غنائيّة مكتملة.
أعلم أن الحكاية مش سهلة ، خاصة ً ، و لدينا تراث من الصور الغنائية يعز تكرار شبيهه ، لكن المحاولة: شرف ، نتمنى أن يصيبنا منه سهم.
و ليكن حضورنا - هنا – للتشارور و معرفة تصورات إخواننا و أخواتنا عن سياق أحداثها ، فنكون قد حققنا ما لم تحققه أي إذاعة من قبل: المستمع يشارك في صنع العمل الغنائي .
و أوصي أساتذتي و إخوتي الشعراء بقدرٍ من الخباثة ِ الحميدة ( التدكين ) ، حتى لا تتناسخ النتائج.
فإن أذن الله بخروج العمل إلى الإكتمال ، فهو منسوبٌ إلى سماعي ، و ثقتي المبنيّة على واقع منتدانا ، تذهب بي إلى حد ، إهداء العمل إلى أي قناة تلفازيّة لتركيب صورة (كرتون ، مثلاً) أو ما شابه ذلك .
لكن دعوني أوصي الشعراء بعدم التعجـُّل ، حتى و لو لم ننجزها بـ رمضان - هذا العام - ، ما دمنا نود عملاً يليق بهذه الكوكبة من المبدعين ، حيث أن العمل - بعد اكتماله - لا يمكننا إرفاق مذكرة تفسيريّة ، به ، لتشرح للمستمع ظروف إنتاجه (..)
بالنسبة لأخيكم أبو زهده ، فسوف أركز على أواخر رمضان ، لسببين:
أولاً لتحري ليلة القدر بتلك الليالي المباركات ، عساي أصادفها فتحل بركتها عليّ بفتح ٍ يرضيكم .
ثانياً ، لأنها الأيام التي يبدأ بها عمل الكحك ، فأتعرض له بالصورة ، و آهي فرصة تدوقوا كحك نص سوا ، من باب التغيير !
و بمناسبة الكحك ، فإن مشاركة أختنا مدام عفاف ، تتسق مع ما تمنيته بمشاركتي هذه (كأنها قرأت أفكاري) ، شكراً أم حمادة .
في انتظار الأحباب رموز المنتدى الأدبي ، لمدنا بأفكارهم و رؤاهم .
و الله الموفق ، يبارك أيامكم ، و يعيننا على حسن عبادته
رائد عبد السلام
08/08/2009, 23h28
الله يرضى عليك يا أستاذ يوسف
هي فكرة رائعة
وبالمناسبة .. أنا كنت مكلم اخونا الحبيب رائد المصري أنني بصدد تأليف قصة
أو حكاية كده خفيفة .. اسمها يوميات صائم
واستلهمت أحداثها من يوم صيام لي أنا شخصياً
حيث أننا أصبحنا نكافح من أجل الحفاظ على الصيام في ظل السير في الشارع
فمن مناظر إباحية تفطر الصائب بلا مدفع :crazy:
ومن مضايقات تجعل الانسان يخرج عن شعوره
وهكذا
وكتبتها ،، وقلت ابعتها للأستاذ رائد .. يصيغها ويضع لمساتها الأخيرة
بس لقيت إنها ماتنفعش كصورة غنائية
ولكن فكرة حضرتك تنفع ونص
ويا سلام .. لو تكون الحوارات فيها سجع
وأن تكون مليئة بالأزجال
زي ألف ليلة وليلة
..
أنتظر رد الأستاذ سيد أبو زهدة ، والأستاذ رائد ـ والأستاذ طارق ، والأستاذ سعد ، والأديبة رغد ، والأخت أم مدحت ، مدام ناهد ، وألستاذ علاء ......... وكل أدبائنا
ياأخي عليك طريقة ؟؟
تخللي القلم كتفاً سلاح
مع إني مادخلتش الجيش
بس شوفته علي CD :mdr:
ظريف ....صح؟؟
.... طول عمري
طبعا كلنا متحمسين ياأبو فارس :emrose:
وموافقين علي كلام كل الأحبة
بس نفسنا بقي العجلة تدور والمكنة تطلـّـع قماش
وإن شاء الله ده حيحصل في رمضان
ببركات الشهر الكريم
كل سنة وأنت والحبايب طيبين
:emrose:
الله ينور يا أخت عفاف على الفكرة السوبر رائعة , اللى قدر يلحظها و يبث فيها الحياة الاستاذ يوسف أبو سالم ,
و ان شاء الله يكتب لها النجاح بتصوره و بميكانيزم العمل الرائع للاستاذ ابو زهده و حماسة رائد و باقى أدباء سماعى الكرام.
و لا تنسوا تكليف سمعجى بما يتراءى لكم , و بالأمر المباشر .
معاك طبعا يا غازى فى أى مساعدة عايزها ( إبعد عن الفلوس و اطلب اى حاجة , برقبتى يا ابو فارس).
بالتوفيق ان شاء الله
و كل سنة و انتم طيبين:emrose:
عفاف سليمان
09/08/2009, 05h50
الله ينور يا أخت عفاف على الفكرة السوبر رائعة , اللى قدر يلحظها و يبث فيها الحياة الاستاذ يوسف أبو سالم ,
و ان شاء الله يكتب لها النجاح بتصوره و بميكانيزم العمل الرائع للاستاذ ابو زهده و حماسة رائد و باقى أدباء سماعى الكرام.
و لا تنسوا تكليف سمعجى بما يتراءى لكم , و بالأمر المباشر .
معاك طبعا يا غازى فى أى مساعدة عايزها ( إبعد عن الفلوس و اطلب اى حاجة , برقبتى يا ابو فارس).
بالتوفيق ان شاء الله
و كل سنة و انتم طيبين:emrose:
بلاش الفلوس دى خالص محدش يجيب لى سيرتها هههههههههههه
الله يحظك اخى الاستاذ ابو مندور
اقول لكم يا جماعه انا نسيت كمان ان فيه لعب الاولاد فى الشارع بعد الفطار بالمب وحرب اطاليا والصواريخ
بس مش صواريخ حربيه من اللى انتم عارفينها
والله بنبقى قاعدين وكل شويه نلاقى تك تك تك :crazy:
بمب وصواريخ وحاجات غريبه من الاولاد
ودى باقى الصوره وكل ما اتذكر حاجه هبقى اكتبها
وصدقونى بالله لو اعرف اكتب اى حاجه اكيد راح اجتهد لكن
لا يفتى ومالك فى المدينه
شعرائنا الله يخليهم هم قد المسئوليه والله بعونكم جميعا ويارب تحققوا كل النجاحات لسماعى
ووفقك الله اخى غازى والجميع على التعاون والخير
اما عن الكعك فالله يسترها استاذنا وشاعرنا ابو زهده بس ميتحرقش منى تانى واعمل كل جهدى :mdr:
تحياتى للجميع باسعد وارق الاوقات:emrose:
ورمضان كريم
اختكم عفاف
د أنس البن
09/08/2009, 09h14
شفت يا غازى شكل الإستجابه دلوقتى وتفاعل الأعضاء ازاى
شفت فرسان ملتقى الأدب والشعر فى ثوبه الجديد وأحبابنا فى المنتدى , مستوى مشاركاتهم ازاى
شفت فرسان الكلمه ودرجة حيويتهم وتحفزهم للتنفيذ
كل ده وملتقى الأدب والشعر بحسب رأيى فى بدايات انطلاقه
إنت طلبت صوره غنائيه وحلمت بها , وكان زمان مجرد حلم بعيد المنال
أعتقد دلوقتى ان الحلم ممكن يبقى حقيقه
بل ممكن تطلع أكثر من صوره غنائيه
عمار يا سماعى .. عمار :emrose:
يوسف أبوسالم
09/08/2009, 10h35
ماشاء الله ما شاء الله
هاهم بعض من خيرة شعراء سماعي يستجيبون
ويتحمسون للفكرة الخلاقة المبدعة والتي أطلقتها الأخت الرائعة عفاف
وبتلقائيتها المعروفة راحت تحكي لنا طقوس رمضان في المحروسة
وأقسم أنني طوال مراحل دراستي الجامعية في القاهرة
كنت أقضي ليل رمضان كله ..بين الفعاليات المختلفة
وأهمها فعاليات حي الحسين وأغانيه الشعبية الفولوكلورية الرائعة
والألعاب وزحام الناس والباعة المتجولين ومعارض الكتب
وكنت أقول لكل زائر للمحروسة
هل شاهدت رمضان في الحسين
فإن أجابني ب ..لا
نفرت منه وقلت له أنت لم تزر مصر ولم تعرفها
أعود فأقول
ما حكته الرائعة عفاف بتلقائية يمثل بشكل أو بآخر
البنية التحتية للصورة الغنائية المنشودة
وأتمنى من الشعراء أن ينتبهوا لكلمة وملاحظة هامة
للمبدع إبي زهدة
أنه ليس من الضروري الإستعجال لإنهاء العمل وف رمضان المقبل
بل الأهم العمل بجدية حتى نخرج جميعا بالصورة في أحلى حُللها
وأخيرا
لو قُدّر للشعراء أن يكتبوا صورا فرعية ضمن الصورة الغنائية العامة
بما يشبه تقريبا ( الليلة الكبيرة )
بنفس العفوية والتلقائية التي تحدثت بها الأخت عفاف
لكان العمل شديد الروعة والإبهار
تحياتي للجميع
عفاف سليمان
10/08/2009, 05h26
الاستاذ الشاعر الكبير يوسف ابو سالم
بعد صباح الخير على حضرتك وعلى اهل سماعى الكرام
اشكرك على كلماتك عن الفكره ويارب تحوز على اعجاب شعرائنا الكرام وكتابنا
واذكر ايضا فى رمضان اهم حاجه اخرى
موائد الرحمن
التى تقام فى جميع شوارع وميادين مصر كلها من القادرين والميسرين على هذه الاعمال الخيريه
للفقراء او الذى لم تسعفه الظروف للحاق بأهله على الافطار
فيوجد موائد الرحمن وفها ما لذ وطاب من جميع الاكلات والفواكه والعصائر والمشروبات الطيبه
وحضرتك ذكرتنى بالحسين وحى الحسين
واذكر العام الماضى فى رمضان كنت اتفقت وزوجى والاولاد ان نفطر فى حديقه الازهر بالازهر او بعد الازهر بشويه
ونحن فى طريقنا كان المدفع الافطار قرب ان يضرب ونحن قرب الحسين واذا بشاب يقف فى وسط الشارع والعربيات تمر من جانبه وهو يحمل فى يده عليه كبيره من البلح الطيب المذاق كالذى فى الحرم المكى
ويعطينا فى السيارات كميه منه لكى نفطر عليه فى السكه
وكانت هذه من اجمل اللحظات ايضا
والله كل ما اذكر حاجه بكتبها
ويارب الصوره تبقى جميله وتكتمل لشعرائنا
واكيد هما راح يجسدوها اجمل واجمل من ما كتبت
لكم جميعا كل التحيه والتقدير
وكل عام وانتم بخير
اختكم عفاف
Tarek Elemary
10/08/2009, 07h02
غازى القلوب و فارس الإشراف
هذه أول الغيث لحين يجود بقية الزملاء بالمطر و السيل المنهمر علها تنال القبول و تصلح للتلحين
***
شعبان أهه هل و فات نُصه
يا صلاة الزين قُوموا و بُصوا
ياولاد غَنوا و دُوروا و لفوا
و حبال النور قِيدوا و رُصوا
لِّموا العادة و هَاتوا بزيادة
خَلُّوا الملعون يُدخل خُصُّه
***
شهر البركات شهر اللَّمة
و زينات ع الناصية و ع القِمة
وفانوس قايد و الخير زايد
مِشْ شَهر كسل فين الهمة؟
اليوم صايم و الليل قايم
و لسانك ماسك ع الكلمة
***
رمضان يشفع زى القرآن
شاهد على صبرك و الحرمان
من مَيَّة و زاد .. كله بمعاد
تمسك بأذان تفطر بأذان
ماحلا التواشيح .. بعد التراويح
و الدنيا ونس و اللمة أمان
Islam Eidrisha
10/08/2009, 07h32
رائعة أيها الطارق
أشم بين سطورها روائح الشهر الكريم الزكية
Tarek Elemary
10/08/2009, 07h47
ده بس من حسن أخلاقك يا إسلام باشا يا جميل
خد بقى دى كمان:
***
يا خمير معتق يا عرقسوس
خُد شفطة منى و إنسى الفلوس
و إشرب و رطَّب خلاص هاشطب
و معادنا بكرة تحت الفانوس
***
شوفوا الكنافة و الشعر سايح
آخر لطافة صابح فى صابح
ولاَّ القطايف و الكل شايف
عصافيرى طازة ماحلا الروايح
***
مهما الناس فى بلدنا تقول
و الطبلة تناجى الأرغول
و لا تحلى أبداً يا سحورنا
إلا بزفة طبق الفول
يوسف أبوسالم
10/08/2009, 08h39
الله عليك يا طارق
أطربتني بحق
هل من مزيد
سلامات
Tarek Elemary
10/08/2009, 08h51
والله رفعت معنوياتى يا أستاذ
و بعد كلامك ده لازم يكون فيه مزيد
***
الحلو بلدى و الفرن بلدى
طابور صوانى و الكحك وردى
ملبن و سادة سكر زيادة
يترش وشه و يديمها عادة
جيران تهادى و جيران تودى
***
يا مسحراتى يا بو صوت ملايكى
إشجينا تانى بكلام يبَّكى
على دق طبلك ماحد قبلك
قال زى قولك ولا الفلايكى
***
يا عبد إسعى دى الدنيا واسعة
تديها صرمة تلقاها راجعة
و إن شِلت همَّك هاتزيد فى غَمَّك
و الدنيا فانية قوم فوز بركعة
***
قوم شوف علومك و إنسى نومك
وإذكر إلهك على قد صومك
رتَّل و عَلِّى صوتك تمَلِّى
سبَّح و صَلِّى يِخْضَّر يومك
غازي الضبع
10/08/2009, 09h32
الله ينور يا جميل
عشرة على عشرة
لنا لقاء في التفاصيل .. قريباً جداً
علاء طه ياسين
10/08/2009, 10h31
بسم الله الرحمن الرحيم
بسم الله ماشاء الله ..
بعد كلام الأستاذ / طارق العمري الجميل ..
ليس لي كلام ..
ولكن هذه محاولتي البسيطة (علي أدي) ..
أنا اتخيلت الأحفاد مشغولين بعوالم القنوات الفضائية والانترنت والبلاي ستيشن .. ودي ليلة نهاية شعبان .. وجدهم سابح في تهويماته الصوفية .. مع صوت المنشدين ..
مدد مدد مدد
مدد من غير عدد
عطر من الجنة جَيْ
الله يا كريم ياحي
انت الجاه والسند
خدني خدني من ايدي
علي حر النار ياسيدي
مليش صبر وجَلَدْ
يا حسين يابن الإمام
ويا صاحبة المقام
نظرة تشفي الجسد
مدد مدد يا دايم
أجرك كبير ياصايم
ف كتاب الله وَرَدْ
مدد مدد مدد
ويفوق الجد من تهويماته الصوفية .. ويدخل غرفة أحد أحفاده .. يلاقيه بيلعب علي جهاز البلاي ستيشن .. فالجد بحنيه يحط ايده علي كتف حبيبه .. فالحفيد يلتفت لجده ويقول ..
أهلا بيك يا حبيب أحفادك
والله ياجدو لك في القلب مكانة كبيرة
عمر لساني مايوم يقدر يوصفها لحد
الجد :
أهلا بالبكاش أبو دم خفيف
عقبال كده ما أشوفك جِدْ
الحفيد :
انت بتتمنالي طول العمر
ولا يا جده بتتمناه لك
عاوز رد
الجد يضحك ويقول :
طيب بقي نتكلم جَدْ
فين اخواتك
الحفيد :\
فاطمة بتتفرج ع الدش
أصله يا جدو طلعت حتة بنت
بتطبطب وتدلع
راحت بقي ايام الست
أما محمد بقي مشغول بأغاني جديدة
بينزلها من ع النت
الجد باستغراب :
انتوا نسيتوا
احنا اليوم دا آخر شعبان
يعني بكره بعون الله صايمين
الحفيد :
طيب حاضر
احنا يا جدو أكيد عارفين
الجد يكلم حفيده وهو شارد سارح :
ايه الزمن المقلوب ده
ياه .. يا حفيظ
والله يا بني زمنا بجد
كان له طعم جميل ولذيذ
مش دلوقت
فين أيام قرآن المغرب
والشيخ رفعت
كان في الراديو بيقرا بصوت رنان
ولا اللمة علي الطبلية
والسهرة لحد الصبحية
فين أيام فوانيس رمضان
الحفيد :
مانا عندي فوانيس رمضان
بتنور وتغني كمان
الجد:
لا يا حبيبي
جايز عندك أغلي فانوس
بس فانوسنا كان شيء تاني
حاجة بتلمس قلبك لمس
ناخده ف اول ليلنا نغني
وف آخر الليل نرجع بيه
وننام إلي أنْ تصحي الشمس
الحفيدان الآخران محمد وفاطمة يأتيان إلي غرفة أخيهما وهما يقولان في صوت واحد :
طيب إيه رأيك يا حبيبنا
تحكيلنا حكايات رمضان
واحنا هنسكت خالص خالص
وهنسمع حكاياتك
قول يا حبيبنا
قول يازمان ارجع يا زمان
إلي هنا توقفت وكنت ناوي أكمل المظاهر المختلفة لرمضان علي هيئة مجموعة حوارات وأغاني خفيفة ..
يعني غنوة الفانوس كنت بدأت مطلعها للمقارنة بين الفانوس الحالي والفانوس زمان ..
كان أحسن منه صنعة
فانوس قزاز بشمعه
تفضل للصبح والعة
واحنا عاملين مظاهرة
نلف في الشوارع
نضحك نلعب نصارع
.........
وغنوة بعد العصر لحد المغرب
العصر ابويا يصحي
يمسك في ايده سبحة
ويتوضي ويطلع ياخدني ف سكته
................
..............
...............
ونرجع بالسلامة
وادخل اعاكس ف ماما
تصرخ وتقول لبابا
الواد دا سَكِتّه
..............
.............
أتمني أن أكون حاولت ..
علاء ياسين
د أنس البن
10/08/2009, 10h32
كمان مره ......
شفت يا غازى الشغل ............
شفت شغل المحترفين ..............
آل ويقولوا مال سماعى ومال الشعر والأدب ...... ربنا يهدى .......
يسلم قلمك يا طارق يا عمرى ........ ماشى مع روح الصوره الغنائيه ببساطتها وعفويتها ونعومة وقع كلماتها على الأذن .... حاجه كده فكرتنى بالعمل الغنائى الدندورمه بتاع زمان .......
كلام ولا القطايف والكنافه ولقمة القاضى ...... :emrose:
يا للا يا سى علاء يا طه يا يا سين شد حيلك ....... :emrose:
Tarek Elemary
10/08/2009, 11h09
يسلم قلمك يا طارق يا عمرى ........ ماشى مع روح الصوره الغنائيه ببساطتها وعفويتها ونعومة وقع كلماتها على أذن .... حاجه كده فكرتنى بالعمل الغنائى الدندورمه بتاع زمان .......
كلام ولا القطايف والكنافه ولقمة القاضى ...... :emrose:
ربنا يباركلنا فيك يا كبيرنا بكل الفخر
و الله إنت اللى رافع رايتنا و مشرفنا يا أديب يا رائع
د أنس البن
10/08/2009, 12h29
يا سلام عليك يا علاء وعلى أفكارك , أنا كتبت المشاركه اللى فوق قبل ماتظهر مشاركتك ورفعتها فى نفس الوقت معاك
رائع يا سى علاء رائع , طبق رمضانى دسم يمزج الماضى بالحاضر والقديم بالجديد , وماشى مع رسالة سماعى تمام
كمل الله يفتح عليك
عايزين نشوف باقى الأحباب بدون ذكر أسماء حتى لا أسهو عن أحد , والباب مفتوح للجميع
غازي الضبع
10/08/2009, 12h34
الله ينور يا أستاذ علاء
رائع رائع رائع
لا تتخيلوا الواحد أد إيه فرحان وفخور بكم
ومنتظرين البقية
Tarek Elemary
10/08/2009, 13h13
الديالوج التالى لدى العطار و أبطاله
الزوج – الزوجة – البائع و الحوار حسب الألوان
جبت السودانى يابو العيال
و التمر قرقش دوق الجمال
و المشمشية ويَّا القراصيا
الست ناسية
مين اللى قال؟
أصفر و رايق قمرالدين
و جوز ولوز فستق على تين
يا سيدى عبى فرَّح عيالك
طب و إنت مالك هاجيب منين؟
ياست خِفى ده بحر واسع
ولاَّ إنتى فاكرة جوزك دا لاسع
ربك بيرزق كريم و سامع
طوللى بالك خليك مطاوع
يا ولية حاسبى تالت ورابع
جنيه زيادة هاحلف مادافع
و لسه كحك ودقيق وسكر
أكل لعيالك
وأنا قلت منكر؟
ربك و كارمك إحمد و أشكر
أنا بس بادعى يلطف و يستر
Tarek Elemary
10/08/2009, 13h18
رمضان كريم نصب الشادر
عادة و عهد على القادر
و المائدة فى حب الرحمن
يا بخت مين بالخير بادر
***
روح هات فانوسك و هاتله شمعة
و نبقى لمَّة و الخلق سامعة
و نغنى و حوى و نلم عيدنا
من عم نبوى على أم جمعة
عفاف سليمان
10/08/2009, 13h54
بسم الله..... ماشاء الله...... والله اكبر
على شعرائنا فى سماعى الجميل
:) بدايه موفقه واكثر من رائعه
واكيد اكيد لما هتكمل الصوره الشعريه الروحانيه الجميله هتبقى احلى واجمل
وفقكم الله الى كل الخير :o
وايام روحانيه جميله اعادها الله على أمة الاسلام بالخير واليمن والبركات:emrose:
واكرمكم الله ووفقكم للعمل الصالح الجميل
فى روحانيات رمضانيه سماعيهhttp://www.sama3y.net/forum/attachment.php?attachmentid=159743&stc=1&d=1249912249
تحياتى لكم بكل الخير
كل سنه وانتم طيبين
اختكم عفاف
الاستاذ علاء طه ياسين و الاستاذ طارق العمرى ,
اسمحوا لى أحيى تلافيف القريحة التى جاءت بأفكاركم ,
و الله أحسنتم , و لى رأى بعد إذنكم
عجبنى فى الاستاذ علاء أنه طبّق مفهوما رائعا للصورة الغنائية كدايلوجات غنائية حرّة و هو الشكل المناسب فى رأيي , و عمل دايالوج غاية فى الجمال , و الاستاذ طارق العمرى أراه قد أبدع فى تصور الشارع الشعبى الذى يصبح فيه رمضان كرنفالا غنائيا غنى بالصور , لدرجة أنه بعد أن اقنعنى بشراء الكنافة و القطايف من يد بائعُه أبو كلام حلو , أردت أن أحثه على بيع باقى ياميش رمضان , لأجده قد نفذ الصورة , بتوارد الخواطر.
كمان الحَضْرة اللى عاملها استاذ علاء غاية فى الجمال و المناسبة لإكمال الصورة بعد المدفع.
شوفوا رأيكم إيه لو مزجنا الخليط بشئ من الترتيب و التعاون ,بحيث يكون دايالوج البيت فى أضيق الحدود لان دايالوج الشارع أكثر الوانا و أكثر جاذبية , و بحيث مراعاة ترتيب الاحداث من الصباح الى المساء و كأن الصورة وصف ليوم كامل فى رمضان فى حى شعبى.
أيه رأيكم كمان لو أضفنا صور : لمدفع رمضان مع شطر من الآذان , أناشيد الاطفال فى الشارع , درويش هايم أو حتى شحات بيشحت بكلام جميل .
غير كدة الباب سيظل مفتوحا لإضافة أو إعادة صياغة أية صور مطروحة لتعديلها بما ترون تعديله .
شكرا جزيلا
Tarek Elemary
10/08/2009, 15h42
ده بقى ديالوج بائع الفول و الطرشى و زحمته
زبونة1: يا عم واقفة من قبل خمسة
و فطارنا والله ما عملته لسه
البائع: معزور يا ستى و الخلق كابسة
طلبك يا حاجة
زبونة 2: ده كمان بينسى
هات فول و طرشى و عجين بخمسة
و إتوصى حبة مش بس لحسة
البائع: أمرك يا ستى شهل يا مرسى
زبونة1: رجلية تعبت
البائع: هاتولها كرسى
زبونة1: خليك فى شغلك مشينا يالَّلا
زبونة2: بقى إنت صايم؟
زبونة1: يا حبيبتى إنسى
بائع الفول: يا فول يا عايق زيتك ده رايق
القدرة خلصت فى خمس دقايق
عفاف سليمان
10/08/2009, 16h04
الاستاذ علاء طه ياسين و الاستاذ طارق العمرى ,
اسمحوا لى أحيى تلافيف القريحة التى جاءت بأفكاركم ,
و الله أحسنتم , و لى رأى بعد إذنكم
عجبنى فى الاستاذ علاء أنه طبّق مفهوما رائعا للصورة الغنائية كدايلوجات غنائية حرّة و هو الشكل المناسب فى رأيي , و عمل دايالوج غاية فى الجمال , و الاستاذ طارق العمرى أراه قد أبدع فى تصور الشارع الشعبى الذى يصبح فيه رمضان كرنفالا غنائيا غنى بالصور , لدرجة أنه بعد أن اقنعنى بشراء الكنافة و القطايف من يد بائعُه أبو كلام حلو , أردت أن أحثه على بيع باقى ياميش رمضان , لأجده قد نفذ الصورة , بتوارد الخواطر.
كمان الحَضْرة اللى عاملها استاذ علاء غاية فى الجمال و المناسبة لإكمال الصورة بعد المدفع.
شوفوا رأيكم إيه لو مزجنا الخليط بشئ من الترتيب و التعاون ,بحيث يكون دايالوج البيت فى أضيق الحدود لان دايالوج الشارع أكثر الوانا و أكثر جاذبية , و بحيث مراعاة ترتيب الاحداث من الصباح الى المساء و كأن الصورة وصف ليوم كامل فى رمضان فى حى شعبى.
أيه رأيكم كمان لو أضفنا صور : لمدفع رمضان مع شطر من الآذان , أناشيد الاطفال فى الشارع , درويش هايم أو حتى شحات بيشحت بكلام جميل .
غير كدة الباب سيظل مفتوحا لإضافة أو إعادة صياغة أية صور مطروحة لتعديلها بما ترون تعديله .
شكرا جزيلا
وانا مع رائيك اخى الكريم ابو مندور :emrose:
والله انا حاسه ان الصوره جميله جدا خصوصا انه فيه تناغم :oموسيقى واحس ان الكلمات فعلا ملحنه بعضها فى جمال موسيقى رائع
ومثل ما قال دكتورنا انس :emrose:
احس او تذكرنى باوبريت الدندورمه :crazy:
واكيد هيبقى احلى ويارب يطلع فى صوره غنائيه موسيقيه جميله ويبقى عمل سماعى جميل ومين عالم يمكن يطلع فى التليفزيون ويبقى جميل ان شاء الله
تحياتى لكم جميعا وربنا يوفقكم
بصراحه والله صوره رائعه ومبشره
الله يوفقكم اخوانى وكل وقت وانتم طيبين
اختكم عفاف
علاء طه ياسين
10/08/2009, 16h45
أشكر جدا جدا
الأستاذ الكبير الدكتور أنس :emrose:
ولأستاذ الفاضل صاحب دعوتنا لهذا العرس الرمضاني غازي الضبع :emrose:
والأستاذ الرائع خَلْقا وخُلُقا أبو مندور :emrose:
وإن شاء الله أكمل ما بدأته
وكل عام وجميعكم بخير
أعاد الله علينا وعليكم الشهر الكريم بالخير والبركة
علاء طه ياسين
سعدالشرقاوى
10/08/2009, 19h19
الله الله الله
يا استاذ/طارق
الله يااستاذ/علاء
اسمحولى أسجل حضور بكم واسع
وأفطر معاكم ليله فى ضيافة ابويا الحاج /غازى
أهلا رمضان
-.jhttp://www.imagehuge.com/out.php/t11391_11-1-.jpg]
روايح خير بتمرّ عليّه
ونسايم فرح معدّيّه
وصبايه بتقطف ملو خيّه
وبتحضـّر لفطار رمضان
,,,
وسواقى فى الغيط بتدور
مليانه بالخير والنور
بتخضـّر فى الارض البور
تقاويها بركة رمضان
,,,
وسنابل بتغطـّى الكوز
تتمايل مطرح مايعوز
وسبايط على شجر الموز
محنيّه لهلال رمضان
,,,
ومساجد للخير فى بلدنا
أنوارها تلعلع ع المدنه
والفرحه بتعمّ ولادنا
وبيقيدوا فوانيس رمضان
,,,
والغايب يحضر ويجينا
ويزورنا ويطلّ علينا
وسعاده تنوّر ليالينا
وف ايدنا سبحة رمضان
,,,
أرجع من غيطى العصريّه
وحبايبى بيهلـّوا عليّه
وفى المدفع تيجى الطبليّه
معبيّه من خير رمضان
,,,
وبنفطر دايما ع السّنه
ونعيشوا لحظات الجنـّه
وع المسجد ومعانا عيالنا
بنصلىّ تراويح رمضان
,,,
وبنرجع مع صحبه جميله
ونتلمّوا ف مندرة العيله
علشان نسمع درس الليله
ومشايخنا يقروا القرآن
,,,
الله الله الله
هو دا الشغل وإلا فلا ،،،
إيه الجَمال دا يا عَم طارق ،،
إيه الحلاوة دي يا علاء يا ياسين
إيه النفحات دي يا صاحب التوتة الشرقاوي : سعد
بالله عليكم تكمِّلوا بنفس الرّوح ،،
و كفاية إني شـَمِّيت ريحة رمضان " بـِتاع جيلنا " فيما كتبتم ،،
و في انتظار تجليات عمنا سيّد ابو زهدة ،،
و النـَّفـَس الشِعري التلقائي لحبيبي رائــد
و مين عارِف ،، يمكِن " ناصِر " يفجّر فينا مفاجأة
:)
مبروك علينا " الصورة الغنائية " مقدماً يا ابو فارس
و تسلم أفكارِك يا مدام عفاف
و كلـِّنا على بعضِنا ،، تحت ضِلـّة أبونا الروحي الدكتور أنس
أنا لسّة ف أجازتي " الرسميّة " ،،
:(
لكن هذه الروح الجماعيّة الرائعة
" جذبتني من الثـَرى ،، و رمَت بي إلى الذُرَى " ،،
:)
معاكم بكل كياني ،، و مِن غيركم وحداني
و رمضان كريم
عفاف سليمان
10/08/2009, 20h31
الله الله الله
هو دا الشغل وإلا فلا ،،،
إيه الجَمال دا يا عَم طارق ،،
إيه الحلاوة دي يا علاء يا ياسين
إيه النفحات دي يا صاحب التوتة الشرقاوي : سعد
بالله عليكم تكمِّلوا بنفس الرّوح ،،
و كفاية إني شـَمِّيت ريحة رمضان " بـِتاع جيلنا " فيما كتبتم ،،
و في انتظار تجليات عمنا سيّد ابو زهدة ،،
و النـَّفـَس الشِعري التلقائي لحبيبي رائــد
و مين عارِف ،، يمكِن " ناصِر " يفجّر فينا مفاجأة
مبروك علينا " الصورة الغنائية " مقدماً يا ابو فارس
و تسلم أفكارِك يا مدام عفاف
و كلـِّنا على بعضِنا ،، تحت ضِلـّة أبونا الروحي الدكتور أنس
أنا لسّة ف أجازتي " الرسميّة " ،،
:(
لكن هذه الروح الجماعيّة الرائعة
" جذبتني من الثـَرى ،، و رمَت بي إلى الذُرَى " ،،
:)
معاكم بكل كياني ،، و مِن غيركم وحداني
و رمضان كريم
استاذنا وشاعرنا الاستاذ (كمال)(سمعجى):emrose:
الفرحه اكيد تكمل بوجودك معنا فى المنتدى وباشعارك
وهتزداد روحانيه المكان بروحانية شعرك الجميل
http://www.sama3y.net/forum/attachment.php?attachmentid=159834&stc=1&d=1249936277
كل سنه وحضرتك طيب ورمضان كريم ع الجميع
ولسه كمان منتظرين الاستاذ الشاعر سيد ابو زهده والاستاذ الشاعر رائد عبد السلام
ويارب رمضان يجى علينا بالخير والسعاده ونغتنم فيه الفرصه لكى نكسب رصيد من الطاعه والرحمات
تحياتى لكم جميعا
اختكم عفاف
abuzahda
10/08/2009, 22h15
الله الله الله
هو دا الشغل وإلا فلا ،،،
إيه الجَمال دا يا عَم طارق ،،
إيه الحلاوة دي يا علاء يا ياسين
إيه النفحات دي يا صاحب التوتة الشرقاوي : سعد
بالله عليكم تكمِّلوا بنفس الرّوح ،،
و كفاية إني شـَمِّيت ريحة رمضان " بـِتاع جيلنا " فيما كتبتم ،،
و في انتظار تجليات عمنا سيّد ابو زهدة ،،
و النـَّفـَس الشِعري التلقائي لحبيبي رائــد
و مين عارِف ،، يمكِن " ناصِر " يفجّر فينا مفاجأة
مبروك علينا " الصورة الغنائية " مقدماً يا ابو فارس
و تسلم أفكارِك يا مدام عفاف
و كلـِّنا على بعضِنا ،، تحت ضِلـّة أبونا الروحي الدكتور أنس
أنا لسّة ف أجازتي " الرسميّة " ،،
لكن هذه الروح الجماعيّة الرائعة
" جذبتني من الثـَرى ،، و رمَت بي إلى الذُرَى " ،،
معاكم بكل كياني ،، و مِن غيركم وحداني
و رمضان كريم
هـَلْ هلالك ، قبل هلالـُه
يا اللي جمالك ، بعض جمالـُه
قالوا : البدر ان قرَّب يكمَل
:emrose:كيمو:emrose: بيوصل ويّـا كـَمالـُه
كل سنة و انتم طيبين يا تيجان الرؤوس
ألا صحيح عمّي علاء قدري:emrose: عندك ؟!
يا بختك يا دمنهور:emrose:
رغـد اليمينى
10/08/2009, 22h23
http://up1.mlfnt.net/images/twdcv96otw3fy59z0rx.gif (http://up1.mlfnt.net/)
عاشق الفن الآصيل
الزميل القدير والآخ الرائع
((( يــسَّ )))
سأرسل لكَ صباح الخير مع أسراب العصافير
ومع نسمات الربيع ...
ومع الشمس ومع القمر
علّك تغفر لى تأخرى وإننى لم أكن هُنا فى الصفوف الآولى
تابعت الموضوع من البداية هُناك على الرابط أعلاه
فى مقدمة الموضوع وحتى الصفحات الآخيرة هُنا
الحقيقة لم تكتمل خلفيات الصورة لآستوعبها كاملة ،،
إذا كان هُناك رابط يدلنى على عمل قديم تم إذاعته
لأستمع له " يبقى كتر خيرك "
أنا متحمسة للموضوع جداً خصوصاً بعد أن قرأت
لعباقرة الكلمة أ . علاء يسّ ، أ . طارق العمرى
، أ . سعد الشرقاوى وفكرة أختنا الغالية
( عفاف سليمان ) مع السيناريو المقدم من أ .
يوسف أبو سالم ، والمنتظر كتابته من أ . سيد أبو زهده
عِشت الآجواء الرمضانية الجميلة وإرتحلت بى الذاكرة
لآشياء مميزة بهذا الشهر الفضيل
أشكركم جميعاًعلى المجهود المميز الجميل وكل عام
وأنتم جميعاً بخير وحب وسعادة
لىَّ عودة إن شاء الله ..
همسه على الهامش : أستاذ يسّ " مقولتليش إيه هوَ
العمل إللى نال إعجابك فاكرنى هانسَا هاه "
:rolleyes: :)
تنمياتى لكم بمزيد من الرقى والتألق والتقدم بخطى
إبداعية سديده
ودّى وعبير وردّى
http://up1.mlfnt.net/images/twdcv96otw3fy59z0rx.gif (http://up1.mlfnt.net/)
رائد عبد السلام
10/08/2009, 23h09
برافو ...... حبيبي :طارق العمري
برافو ...... أخويا:علاء ياسين
برافو ...... الخال :سعد الشرقاوي
يعني ياإخواننا عقبال ما أقرأ الموضوع ...
ألاقيه اتكتب ...وخلص
ماشاء الله لاقوة إلا بالله
الشعر تحت لسانكم !!
عجايب ......
abuzahda
10/08/2009, 23h46
بـَيَّض الله وجوهكم يا :emrose:فرسان :emrose:الكلمة:emrose:
:emrose:
غازي الضبع
11/08/2009, 05h58
الله الله الله
هو دا الشغل وإلا فلا ،،،
إيه الجَمال دا يا عَم طارق ،،
إيه الحلاوة دي يا علاء يا ياسين
بركاتِك يا نفحات رمضان
أن هلّ علينا ساحر الكلمات
عمنا كمال
حمد لله على السلامة يا كبير :emrose:
غازي الضبع
11/08/2009, 06h02
الله الله الله
يا استاذ/طارق
الله يااستاذ/علاء
اسمحولى أسجل حضور بكم واسع
وأفطر معاكم ليله فى ضيافة ابويا الحاج /غازى
أهلا رمضان
-.jhttp://www.imagehuge.com/out.php/t11391_11-1-.jpg]
يا عيني عليك يا عم سعد يا مدرسة الجمال
مش عارف أقول لك إيه على وجبة الفطار اللي قدمتها لنا
ما نتحرمش منك يا غالي
..
والله ما عارف أقول إيه على هذه الكوكبة الجميلة
بارك الله فيكم :emrose:
غازي الضبع
11/08/2009, 06h05
الله عليك يا طارق
أطربتني بحق
هل من مزيد
سلامات
حضورك دائما متألق يا أ. يوسف
.. مش هاوصيك ..
تفضل معانا :emrose:
غازي الضبع
11/08/2009, 06h27
http://up1.mlfnt.net/images/twdcv96otw3fy59z0rx.gif (http://up1.mlfnt.net/)
عاشق الفن الآصيل
الزميل القدير والآخ الرائع
((( يــسَّ )))
سأرسل لكَ صباح الخير مع أسراب العصافير
ومع نسمات الربيع ...
ومع الشمس ومع القمر
علّك تغفر لى تأخرى وإننى لم أكن هُنا فى الصفوف الآولى
تابعت الموضوع من البداية هُناك على الرابط أعلاه
فى مقدمة الموضوع وحتى الصفحات الآخيرة هُنا
الحقيقة لم تكتمل خلفيات الصورة لآستوعبها كاملة ،،
إذا كان هُناك رابط يدلنى على عمل قديم تم إذاعته
لأستمع له " يبقى كتر خيرك "
أنا متحمسة للموضوع جداً خصوصاً بعد أن قرأت
لعباقرة الكلمة أ . علاء يسّ ، أ . طارق العمرى
، أ . سعد الشرقاوى وفكرة أختنا الغالية
( عفاف سليمان ) مع السيناريو المقدم من أ .
يوسف أبو سالم ، والمنتظر كتابته من أ . سيد أبو زهده
عِشت الآجواء الرمضانية الجميلة وإرتحلت بى الذاكرة
لآشياء مميزة بهذا الشهر الفضيل
أشكركم جميعاًعلى المجهود المميز الجميل وكل عام
وأنتم جميعاً بخير وحب وسعادة
لىَّ عودة إن شاء الله ..
همسه على الهامش : أستاذ يسّ " مقولتليش إيه هوَ
العمل إللى نال إعجابك فاكرنى هانسَا هاه "
تنمياتى لكم بمزيد من الرقى والتألق والتقدم بخطى
إبداعية سديده
ودّى وعبير وردّى
الأخت المتألقة على الدوام
الأديبة الكبيرة
(( رغــد ))
تحية بصوت الكروان ، ورائحة الياسمين ، وطعم الكريز ;)
بالنسبة للتأخير .. لا عليكيِ
المهم إنك جئتي
..
وبالنسبة لرابط لشيء قديم تمت إذاعته ..
فللأسف الشديد .. كانت كلها محاولات من العبد لله ، وكلها باءت بالفشل :( لإنها لم تكتمل
..
بالنسبة للعمل الذي أعجبني
الحقيقة أعمالك كلها جميلة ، وأعجبتني
لكن " أسطورة عام جديد " أثـّرت فيا قوي
وما تآخذينيش إني لم أرد على موضوعاتك
فلها سبب .. هاقولِك عليه ( بس مش وقته )
..
منتظرين لمستك في هذا العمل
ولمسات الجميـــــــع
..
لكِ خالص تحياتي واحترامي :emrose:
يوسف أبوسالم
11/08/2009, 09h16
حضورك دائما متألق يا أ. يوسف
.. مش هاوصيك ..
تفضل معانا :emrose:
أهلا بك أخي وصديقي غازي
منذ أن قرأت هذا الموضوع
وهو لا يفارقني لشدة إعجابي بالفكرة
بدليل
أنني في مشاركة سابقة
أكدت على استلهام أفكار الأخت الرائعة
عفاف سليمان
وحاولت رسم سيناريو محتمل للصورة الغنائية
وها أنذا أتابع معكم كل جديد
وعلى فكرة
تنوع أعمال الشعراء
الذين ساهموا هنا حتى الآن أمر في غاية الروعة
لأن الصورة الغنائية عند التلحين
تحتمل مقامات مختلفة وإيقاعات متنوعة وألحان متعددة وهو الأمر الذي
نحتاج به مساهمات لأكثر من شاعر
وبتنويعات لحنية وإيقاعية أخرى
أما مشاركتي بالتأليف
فالعمل يجب أن يكون باللهجة الشعبية المصرية المحببة عبى قلبي وقلوب الجميع
وأنا يا صديقي أتمنى أن أكتب بها
ولكني لم أفعل ولم أحاول
ومهما حاولت في هذا المجال
لن أكتب أحسن مما كتب الزملاء الشعراء
لأنهم يكتبون بلهجتهم التي يعرفونها ويعايشونها أكثر مني
حسبي أن أقرأ لهم وأتمتع بما يكتبون
تحياتي
NAHID 76
11/08/2009, 09h48
بسم الله الرحمن الرحيم
أعزائى على غرار تهانى الأفراح فى بلدنا
الله الله على قسم الأدب والشعر أهو كده يا رجاله
شوفوا لما ناديتوا لبى قسم الأدب والتجارب النداء
فجاء الثائر بسرعه البرق يكتب ويعدد وما أجمل ما كتب
ومن وراه حضر كبيرنا وحبيبنا وكتب كلامه الجميل الرائع أستاذنا أبو زهده
وخد عندك كمان من الأردن شارك فرحتنا الجميل الشاعر يوسف أبو سالم وشجعنا بالطريقه المصريه ودفع الهمه الى الأمام
تشكر والله يا أبو الذوق دى بطريقه أفراح أولاد البلد
ونيجى بقى لرأى قسمنا الحبيب
وحبيب الملايين كمال أبو عبد الرحمن وان شا لله عنده بطريقه أفراح الجماليه
بدع وشجع وقال كلام كبير أوى أد الفرح ده كله
ومتنساش رائد وحضورة الطاغى ولا سى أبو مندور
ولا ست الكل عفاف الأم
والست رغد الجميله
وحببنا بيرش السلام على الجميع وبيقول شدو حلكو دكتورنا أنس البن
وتعالوا معى وبصوا على الأخوين التوأمين علاء ياسين الشاعر الغنائى الجميل ذو الموهبه الرائعه الذى شد معنا العمل ونقط بحته حلوه
ولا خالى سعد الشرقاوى وكرمه وكلامه
أهو ده قسم تجارب أدبيه
عفارم عليكم يا رجاله الله يحرسكم من العين
اما انا طول عمرى خايبه ومهمله
بس ح اعمل لكم القمر الدين والمشروبات وح اوزع الشربات
مببببروك
Tarek Elemary
11/08/2009, 09h59
دى تجميعة للمسحراتى على بعضها لعلها تنول الرضا
و الكوبليه الخير على رتم أعلامنا فؤاد حداد و سيد مكاوى
===================
:emrose::emrose:
يا مسحراتى يا بو صوت ملايكى
إشجينا تانى بكلام يبَّكى
على دق طبلك ماحد قبلك
قال زى قولك ولا الفلايكى
***
يا عبد إسعى دى الدنيا واسعة
تديها صرمة تلقاها راجعة
و إن شِلت همَّك هاتزيد فى غَمَّك
و الدنيا فانية قوم فوز بركعة
***
قوم شوف علومك و إنسى نومك
وإذكر إلهك على قد صومك
رتَّل و عَلِّى صوتك تمَلِّى
سبَّح و صَلِّى يِخْضَّر يومك
***
إصحى يا نايم فى اللذة هايم جرَّاك وراها زى البهايم
نهاره نايم و الإسم صايم و ليله شيشة و غناه شتايم
تصون لسانك تركب حصانك و تبقى فارس الحسن زانك
الصوم عشانك ماهو آن أوانك تعبد إلهك و تصون جرانك
يا شباب بلدنا على كل مادنة واعظ ينادى التقوى زادنا
تقوى فـ صلاتنا تقوى فـ جهادنا و المعنى شامل لكل مادنة
فى غيط و جامع جامعة و مصانع فى كل حارة و كل شارع
ساجد و راكع بيناجى ربه و كفه رافع يغفرله ذنبه
رائد عبد السلام
11/08/2009, 10h29
http://www.sama3y.net/forum/attachment.php?attachmentid=159871&stc=1&d=1249987313
علي عربة قديمة يفوح من خشبها عطر الزمن القديم
يصيح بائع سريح :
ياميش ندامة علي اللي
حب ولا طالشي
لولا الهوي في القلوب ..
الخطوة ما تمشي
بابيع أنا بالحب ..
و سراجي قمر الدين
و بعين جمل بانظر ...
للصبر ما ينامشي
ياللي بدعت القلوب
فيها الجميل والبخيل
وفيها قلب انكوي ...
والتاني ما سلمْشي
سهّل علينا الصيام ..
بحق شهر فضيل
قرّب ودوق الجمال ...
رمضان ده سِحْر حلال
لو حتي مال الحال ...
كريم ما ينضامشي
ترد بائعة جرجير :
جرجرت توبي من البلد ......جرجير
بالخير أنا جاية ..وباقول طري ياجرجير
قرّب ودوق العروق ... صابحة منديّة
بالنيّة توصل مُناك ياللي تحب الخير
طري وطعمه عسل ... جرجير يزيح الكسل
صدق اللي قال في المثل : أبو بلاش ....بيطير !
الراوي:
القلـــــعة تنده للإمام
ولكل عاشق مُستهام
ياحُسين غلبت العِدا...
ونلت منه المرام
هو اترمي في النار
وأنت حضنت الغَمَام
م الموسكي للسيدة
طوابير بشر و زحام
يامصر وانتي الأمل ...
للي مالوهش حبيب
وشهد نيلك زلال
منه العليل بيطيب
ورمش عينك حسام ...
خُلص عليه الكلام
علي صوت النقشبندي
زي الغصن الرطيب
مصر العفيّة قايمة
تشق قلب الظلام
وصوت محمد رفعت
........بيُقرأنا السلام
http://www.sama3y.net/forum/attachment.php?attachmentid=159872&stc=1&d=1249987313
خليـل زيـدان
11/08/2009, 10h36
الأخــــــ(المبدعون)ـــــــوة
يبدو أن الإتحاد يصنع المعجزات ويفجر الطاقات
أتمنى أن نظل هكذا ، في فكرة تلو الأخرى
وأتمنى أيضاً ، بعد خروج هذه الصورة للنور
أن تكون هناك صورأخرى وأفكار جديدة
ـــــــــــــــــــــــــ
المساهمات من كل الأخوة المبدعين فاقت التصور
ودلت على أن الأصالة مازالت موجودة
حماكم الله أيها الأعـزاء
ــــــــــــــ
وبقى أن ألفت النظر الى أن الصورة الغنائية
هي رسم صورة بالغناء ، ويجب أولاً رسم الصورة
أي القصة ، ويمكن استلهامها مِمَ قدمه الفرسان .
وبعد وضع القصة ، يتم عمل سيناريو لها ،
وهو وصف المشاهد والأماكن والأشخاص وفيه
يتم دمج الغناء مع النص بحرفية شديدة واختيار المقطع
الغنائي بعد الجمل الكلامية حسب سياق القصة.
بعد ذلك تقدم الأشعار المختارة للمبدعون للتلحين
ويتفضل عمنا الملحن باختيار الأصوات التي ستؤدي
مع وضع المؤثرات الصوتية للأحداث حسب الزمان والمكان.
تم وضع السيناريو ، تم التلحين ، يبقى الإخراج
وهنا تصبح الصورة جاهزة للتنفيذ ، وهنا يقوم المخرج
باختيار الأصوات التي ستقوم بالتمثيل ويباشر عمله
بتنفيذ الحوار واختيار الطبقات الصوتية حسب الأدوار.
المرحلة الأخيرة ، المونتاج والمكساج ويتم مزج
المقاطع الغنائية والمؤثرات الصوتية مع الحوار المسجل
لأبطال القصة حسب تسلسل الأحداث .
وهكذا تكون الصورة قد اكتملت
وتكون معـدة للعرض
تحيـــــاتي
:emrose:
Tarek Elemary
11/08/2009, 10h49
http://www.sama3y.net/forum/attachment.php?attachmentid=159872&stc=1&d=1249987313
كله يوسع ... كله يركن ع اليمين
آدى أول شبل م المحترفين
ستبدأ المتعة و التشويق و الإثارة و الفرجة
و إتفرج يا سلام
غازي الضبع
11/08/2009, 11h34
http://www.sama3y.net/forum/attachment.php?attachmentid=159871&stc=1&d=1249987313
علي عربة قديمة يفوح من خشبها عطر الزمن القديم
يصيح بائع سريح :
كنت مستنيك يا بو دماغ متكلفة ;)
غازي الضبع
11/08/2009, 11h38
الأخــــــ(المبدعون)ـــــــوة
يبدو أن الإتحاد يصنع المعجزات ويفجر الطاقات
أتمنى أن نظل هكذا ، في فكرة تلو الأخرى
وأتمنى أيضاً ، بعد خروج هذه الصورة للنور
أن تكون هناك صورأخرى وأفكار جديدة
ـــــــــــــــــــــــــ
حبيبي يا خلــو
كان لازم وجودك عشان الموضوع يزداد جمالا واستمراراً
قول كمان يا فنان
أنا عن نفسي .. عمـّال أرسم صورة في خيالي لصورتنا الغنائية
يا ريتك تقول لنا تطبيق ، وتقول لنا عن صورتك ..
أنا عارف إن خيالك واسع ،، وإنها مش أول مرة بالنسبة لك ;)
ياخسارة مش قادر أشارك
ولا حتى أقول كانى ومانى
مستنى دورى وأنا بافرك وفارك
فى إيديا مستنى الأغانى
***
ماتخلصونا ياعالم فين السيناريو
الصورة وضحت وريقاتنا جريو
قاعد حالحن على روحى
مش لوحدى فيه ملحنين تانى
Tarek Elemary
11/08/2009, 14h00
ماتخلصونا ياعالم فين السيناريو
الصورة وضحت وريقاتنا جريو
قاعد حالحن على روحى
مش لوحدى فيه ملحنين تانى
سلمت يا كبير العائلة الموسيقية
نصيحة منى خش على رائد و انت مغمض
و لحن كل حتة لوحدها كعمل منفصل من الباقيين
و القص و اللزق و المونتاج و الميكساج و الذى منه ده شغلكم بعدين بقى مع السيناريو و الشكل النهائى
غازي الضبع
11/08/2009, 15h15
لو سمحتم يا جماعة
أنا نصبت نفسي مخرج لهذا العمل :o
وتوزيع الألحان ، والمكساج والمونتاج والكبريتاج :cool:
من اختصاصي أنا ..
بالنسبة لك إنت يا عم محمد ..
حضـّر نفسك ،، للألحان والموسيقى التصويرية ، والحركات اللي في النص دي
ولعلمك مقدماً .. أي لحن مش هايعجبني .. هاتعيده تاني وتاالت ورابع ،، لغاية ماستكيـّف منه
..
جاهزين ..
أكشن
..
ولا ما بتتقالش دلوقتي دي :(
رائد عبد السلام
11/08/2009, 15h19
سلمت يا كبير العائلة الموسيقية
نصيحة منى خش على رائد و انت مغمض
و لحن كل حتة لوحدها كعمل منفصل من الباقيين
و القص و اللزق و المونتاج و الميكساج و الذى منه ده شغلكم بعدين بقى مع السيناريو و الشكل النهائى
ياسلااااام عليك !!
طيب و التحفة دي تروح فين ؟
ماهي نفس الجَـــوّ برضه!
دي فكـّـرتني برمضان الخمسينيات
شكلك عجوز ياطارق ياعِمَري
وعامل نيو لوك ;)
ده بقى ديالوج بائع الفول و الطرشى و زحمته
زبونة1: يا عم واقفة من قبل خمسة
و فطارنا والله ما عملته لسه
البائع: معزور يا ستى و الخلق كابسة
طلبك يا حاجة
زبونة 2: ده كمان بينسى
هات فول و طرشى و عجين بخمسة
و إتوصى حبة مش بس لحسة
البائع: أمرك يا ستى شهل يا مرسى
زبونة1: رجلية تعبت
البائع : هاتولها كرسى
زبونة1: خليك فى شغلك مشينا يالَّلا
زبونة2: بقى إنت صايم؟
زبونة1: يا حبيبتى إنسى
بائع الفول: يا فول يا عايق زيتك ده رايق
القدرة خلصت فى خمس دقايق
__________________
Tarek Elemary
11/08/2009, 15h27
يا عم المجامل يا بياع النفائس
بالعربى إيش جاب لجاب
بالأفرنجى فيه جاب كبير(Gap)
ده بقى ديالوج بائع الفول و الطرشى و زحمته
زبونة1: يا عم واقفة من قبل خمسة
و فطارنا والله ما عملته لسه
البائع: معزور يا ستى و الخلق كابسة
طلبك يا حاجة
زبونة 2: ده كمان بينسى
هات فول و طرشى و عجين بخمسة
و إتوصى حبة مش بس لحسة
البائع: أمرك يا ستى شهل يا مرسى
زبونة1: رجلية تعبت
البائع: هاتولها كرسى
زبونة1: خليك فى شغلك مشينا يالَّلا
زبونة2: بقى إنت صايم؟
زبونة1: يا حبيبتى إنسى
بائع الفول: يا فول يا عايق زيتك ده رايق
القدرة خلصت فى خمس دقايق
طيب ما تزقش ,...
يا ساتر , :mad:
أنا ما حدّش يزعقلى غير مراتى بس , ماشى ؟؟؟
هو دة الكلام يا عم طارق , تسلم تفانينك
و الاحلى ان تلحينها يا معلمى piece of cake
متلحنة لوحدها
قرّب ودانك كدة ,
حلووووة اويييييييي :mdr:
ترد بائعة جرجير :
جرجرت توبي من البلد ......جرجير
بالخير أنا جاية ..وباقول طري ياجرجير
قرّب ودوق العروق ... صابحة منديّة
بالنيّة توصل مُناك ياللي تحب الخير
طري وطعمه عسل ... جرجير يزيح الكسل
صدق اللي قال في المثل : أبو بلاش ....بيطير !
يخرب بيت اللى يزعلك يا ابو رائد ,
جبت البوقين دول ازاى ؟؟؟
يا سلام لو واحدة صعيدية تقول البقين دول باللهجة الصعيدى زى ما هما كدة.
الله ينور على الجميع , يا ريتنى كنت شاعر زيكم عشان اشارك.
عايزين نلم بقى المتفرقات دى فى صورة متكاملة .. قصة يعنى ..
علشان تتابع الألحان ياسيادنا .. والإنتقال بين المقامات والذى منه ..
ماقدرش أعمل أغنية من الشرق .. وأغنية من الغرب .. لازم يكون فيه تتابع لحنى وموسيقى ..
العملية مش هيصة ..
خليـل زيـدان
11/08/2009, 16h40
عايزين نلم بقى المتفرقات دى فى صورة متكاملة .. قصة يعنى ..
علشان تتابع الألحان ياسيادنا .. والإنتقال بين المقامات والذى منه ..
ماقدرش أعمل أغنية من الشرق .. وأغنية من الغرب .. لازم يكون فيه تتابع لحنى وموسيقى ..
العملية مش هيصة ..
هو ده اللي بقول عليه يا بو حسام ..
قصة يكون مضونها معظم أو كل ماقيل
ويتعمل لها السيناريون اللي هو وصف للأشخاص والمكان والزمان
والإيماءات الصوتية ، وطريقة النطق والتعبير ، وتقدر تعمل الألحان حسب تتابع الأحداث
علشان حضرتك تحط المؤثرات الصوتية للمواقف كمان ..
وربنا معاكم
Tarek Elemary
11/08/2009, 17h45
واحد على القهوة بيكلم القهوجى:
شوية شاى مع المية
و قوللى؟ ... بانت الرؤية؟
رد القهوجى:
خرج م الشاشة مفتى وقور
على وشه شعاع من نور
و قال باكر تمام شعبان
و أول ليلة فيها سحور
صاحبه: غريب جداً ... كأنه فـ مالطة راح يدن
دا فيه واحد وقور تانى
ظهر ع الشاشة فى ثوانى
و قال بكرة بداية صوم
و مالكوش دعوة بالتانى
رد عليه واحد ثانى:
يا شهر كريم بيجمعنا
و فرقتنا بدون معنى
بنتخانق على الرؤية
و ساحة الكعبة تجمعنا
رد واحد ثالث:
يا مولانا يا مولاهم
أكيد فيه حد مش فاهم
رد الأولانى:
بلد بتصوم وعشرة لأ
و توِّهتونا فين الحق
و مين فيكم حسابه أدق
ما يوم عرفة هانتقابل
بلاش دلوقتى نتفرَّق
د أنس البن
11/08/2009, 17h58
هو ده اللي بقول عليه يا بو حسام ..
قصة يكون مضونها معظم أو كل ماقيل
ويتعمل لها السيناريون اللي هو وصف للأشخاص والمكان والزمان
والإيماءات الصوتية ، وطريقة النطق والتعبير ، وتقدر تعمل الألحان حسب تتابع الأحداث
علشان حضرتك تحط المؤثرات الصوتية للمواقف كمان ..
وربنا معاكم
م الآخر
دى شغلانة اتنين
كمال عبد الرحمن و سيد ابو زهده
يتفضلوا يستلموا الماده الخام
ويدخلوها ماكينة الإبداع على مرحلتين
أولا تثبيت النص فى شكله النهائى فى قالب قصصى يكون الراوى محوره الرئيسى وأقترح مبدئيا أن يقوم أبو زهده بهذا الدور
ثانيا كتابة السيناريو
ثم بعد ذلك ندخل فى مرحلة التلحين
وتوزيع الأدوار الغنائيه والتمثيليه
Islam Eidrisha
11/08/2009, 18h07
فتح الله عليكم جميعا
كنا نتطلع لصورة غنائية
ومن فرط حبكم لسماعي
أصبحت ملحمة ..!!
abuzahda
12/08/2009, 02h48
http://www.sama3y.net/forum/attachment.php?attachmentid=159871&stc=1&d=1249987313
علي عربة قديمة يفوح من خشبها عطر الزمن القديم
يصيح بائع سريح :
ياميش ندامة علي اللي
حب ولا طالشي
لولا الهوي في القلوب ..
الخطوة ما تمشي
بابيع أنا بالحب ..
و سراجي قمر الدين
و بعين جمل بانظر ...
للصبر ما ينامشي
ياللي بدعت القلوب
فيها الجميل والبخيل
وفيها قلب انكوي ...
والتاني ما سلمْشي
سهّل علينا الصيام ..
بحق شهر فضيل
قرّب ودوق الجمال ...
رمضان ده سِحْر حلال
لو حتي مال الحال ...
كريم ما ينضامشي
ترد بائعة جرجير :
جرجرت توبي من البلد ......جرجير
بالخير أنا جاية ..وباقول طري ياجرجير
قرّب ودوق العروق ... صابحة منديّة
بالنيّة توصل مُناك ياللي تحب الخير
طري وطعمه عسل ... جرجير يزيح الكسل
صدق اللي قال في المثل : أبو بلاش ....بيطير !
الراوي:
القلـــــعة تنده للإمام
ولكل عاشق مُستهام
ياحُسين غلبت العِدا...
ونلت منه المرام
هو اترمي في النار
وأنت حضنت الغَمَام
م الموسكي للسيدة
طوابير بشر و زحام
يامصر وانتي الأمل ...
للي مالوهش حبيب
وشهد نيلك زلال
منه العليل بيطيب
ورمش عينك حسام ...
خُلص عليه الكلام
علي صوت النقشبندي
زي الغصن الرطيب
مصر العفيّة قايمة
تشق قلب الظلام
وصوت محمد رفعت
........بيُقرأنا السلام
http://www.sama3y.net/forum/attachment.php?attachmentid=159872&stc=1&d=1249987313
كنت رافع مشاركة مع هذا الإقتباس ، كتبت فيها:
ترمومتر ظبط حرارة الإبداع وصل
هيَّ المشاركة راحت فين ؟!
abuzahda
12/08/2009, 02h51
ياخسارة مش قادر أشارك
ولا حتى أقول كانى ومانى
مستنى دورى وأنا بافرك وفارك
فى إيديا مستنى الأغانى
***
ماتخلصونا ياعالم فين السيناريو
الصورة وضحت وريقاتنا جريو
قاعد حالحن على روحى
مش لوحدى فيه ملحنين تانى
إمممممممســك :emrose:شــــاعِر:emrose:
باركاتك يا رمضان
abuzahda
12/08/2009, 03h08
عايزين نلم بقى المتفرقات دى فى صورة متكاملة .. قصة يعنى ..
علشان تتابع الألحان ياسيادنا .. والإنتقال بين المقامات والذى منه ..
ماقدرش أعمل أغنية من الشرق .. وأغنية من الغرب .. لازم يكون فيه تتابع لحنى وموسيقى ..
العملية مش هيصة ..
مستعجل ليه يا :emrose:أستاذ:emrose: ؟
الصبر حلو ، و انت سيد العارفين
عايزين عمل يستاهل الأرشفة ،
و ان شاء الله يوصلك نص كامل متكامل (صوت و حركة ) مقسم على مسامع ممزوجة من خلال مؤثرات صوتيّة (متروكة لبدع تفانينك)
أنا بتابع سكيتي وفاءً لما اقترحته في مشاركتي الأولى ،
ربنا يوفقنا و نلم حبات الجوهر المنثور هنا ، علشان يوصلك عقد لايق ،
أول ما :emrose:ابو فارس:emrose: يتصل بحضرتك و يقولك النص وصل ، فضي لنا نفسك يا أستاذ
عايزين أصوات نسائيّة و أطفال و مؤثرات حيّة من الشارع (سوق ، مقهى ، ... ألخ)
موضوع هيحمل توقيعك يا أستاذ ، لازم يكون إحترافي
و مع ذلك : كل سنة و انت طيّب و مزيكا و أدب
abuzahda
12/08/2009, 03h21
مش ملاحظين إن الموضوع مش محتاج تثبيت ؟
مُعدّل المشاهدات ألف مشاهدة في اليوم ....
يعني على ما نتحرى الهلال ، يكون آن الأوان دخل موسوعة جنس
صدقت يا :emrose:دكتور أنس:emrose: :
عمار يا :emrose:سماعي:emrose:
رائد عبد السلام
12/08/2009, 05h11
هيَّ المشاركة راحت فين ؟!
أنا شيلتها في قلبي ياعمي.. عاوزها؟؟
إمممممممســك :emrose:شــــاعِر:emrose:
باركاتك يا رمضان
مش مسألة شاعر ياعم السيد ..
أنا لقيت نفسى وسط هذا الزخم من اللألئ والدرر النفيسة من المقطوعات الشعرية ..وألفيت نفسى ( حلوة ألفيت دى )
محشوراً بين شعراء على كل لون ياباتستة .. فلم أستطع كتابة مشاركتى إلا بهذه الطريقة وعلى هذا النحو ..
يعنى المسألة .. عدوى .
يوسف أبوسالم
13/08/2009, 10h59
رائد عبد السلام
طارق العمري
أشكر أولا الأخ غازي على طرح الفكرة الأولى
والأخت عفاف على طرح مضمون الفكرة
التي فجرت فيكما هذا الإبداعات الممتعة حقا
وأشكركما أيها الشاعرين المبدعين
فما كتبتما حتى الآن
ينبىء عن حرفية متقنة
وشاعرية فذة
ووالله أعدتم لي وجه مصر التي أعرفها
وأنا واثق أنه بما سيدعه الكبير أبو زهدة
والجميل كمال عبد الرحمن
سنصل إلى عمل رائع حقا
وسيكون من الأعمال التي تعيد للمشاركة الجماعية ألقها ووهجها
وتسجل لسماعي إنجازا فريدا بحق
أتابعكم حرفا حرفا وأنا متمتع بما تكتبون
حياكم الله
NAHID 76
13/08/2009, 11h19
بسم الله الرحمن الرحيم
الشاعر يوسف ابو سالم
شكرا على مشاعرك الجميله تجاه مصر والمصرين يا مصرى الكلام والله ما أشعر بك أبدا الا أردنى مصرى
تحياتى
Tarek Elemary
13/08/2009, 12h02
رائد عبد السلام
طارق العمري
وأشكركما أيها الشاعرين المبدعين
فما كتبتما حتى الآن
ينبىء عن حرفية متقنة
وشاعرية فذة
ووالله أعدتم لي وجه مصر التي أعرفها
أتابعكم حرفا حرفا وأنا متمتع بما تكتبون
حياكم الله
يا سيدى الكريم بالأصالة عن نفسى و نيابة عن أخى رائد أقر و أقسم هاهنا
أن كلماتك تلك أنعم بها من رفيع وسامٍ على صدورنا
و كفى بها و أيم الله من تكريم يفوق ما شاركنا به
مع زملاءٍ لا يقلون عنَّا ألقاً و حرفةً بل يزيدون
شكراً أيها النبيل
علاء طه ياسين
14/08/2009, 17h47
حبا في الله .. وحبا في رسول الله ..
أقدم هذا الإنشاد ..
الله هو الحي الدايم
وانا ف حب الله هايم
وصاحي والعالم نايم
طالب الرضا منك يارب
يا ذا الجلال يا ذا الكرم
طول ليلي واقف ع القدم
ماليه عنيا دموع ندم
وف رحمتك طمعان يارب
انا العاصي وانت الكريم
انت الغفور انت الرحيم
نجيني م الكرب العظيم
وسامحني واغفر كل ذنب
بلاش جهنم والعذاب
والوقفة في يوم الحساب
عفرت وجهي في التراب
عاوز الثواب منك يارب
وهذه الأبيات حبا في سيدنا رسول الله
مين اللي حبه سنة وفرض
مين أشرف مخلوق ع الأرض
ومين شفيعنا ف يوم العرض
ردوا وقولوا رسول الله
مين اللي رحمة للعالمين
مين اللي هدانا لهذا الدين
مين اللي كان صادق وأمين
طبعا هو رسول الله
مين اللي كان جبريل صاحبه
مين اللي غفر الله ذنبه
مين اللي كان الله حسبه
مش برضو هو رسول الله؟
أزكي الصلاة أفضل تسليم
علي اللي بينا روؤف ورحيم
علي اللي فخر لكل يتيم
والمساكين من أهل الله
علاء طه ياسين
سعدالشرقاوى
14/08/2009, 23h20
حوار بين تائب وعاصى
التائب= ياللا ياعاقل صحّى النوم
احنا بقينا ف شهر الصّوم
صلىّ وصوم دا العمر بيجرى
ح يفوت منـّك يوم ورا يوم
,,,
العاصى= ابعد عنىّ وسيبنى ياعم
بلاش ترفع لى ضغط الدم
سيبنا نعيشوا حياتنا ياسيدنا
الله يخلـّيك مش ناقصين هم
,,,
التائب= قوم يا حبيبى الله يخليك
ذنوبك ليه مش هاينه عليك
عشان المولى فارد لك إيده
ليل ونهار ما تمدّ إيديك
,,,
العاصى= إمشى ياشيخ واقتصر الشرّ
عايزنا نصوموا ف عزّ الحرّ
طول اليوم نشرب ف سجاير
شوف لك قافيه وهاتها البرّ
,,,
التائب= فوق ياحبيبى ارجع لصوابك
روح الجامع مع أحبابك
صلىّ وصوم وكفايه معاصى
وانت مضيّع عزّ شبابك
,,,
العاصى= قول لى ياشيخ معقول دلوقتى
بعد الذنب ما ميّل بختى
ممكن ربّك ياخد بايدى
فكرك يعنى ح يقبل توبتى؟
,,,
التائب= هوّ خالقنا وهوّ حبيبنا
مهما غفلنا مش ح يسيبنا
خيره وفضله تملىّ علينا
وعلى أعمالنا لازم يحاسبنا
,,,
العاصى= خدنى معاك عوّدنى الصّوم
أنا غرقان علـّمنى العوم
وخللىّ القسوة تودّع قلبى
وأعشق نور الصّلا والصّوم
,,,
غازي الضبع
26/08/2009, 10h52
اخواني الكرام
ممكن الموضوع يكون نام شوية بفعل الصيام
لكن أرجو ألا يُـلغى أو يلحق بما قبله
خصوصاً بعد ما حظى بمشاركاتكم العظيمة
هانعتبر نفسنا في أجازة شوية .. بس لابد لنــا من عودة
:emrose:
عفاف سليمان
30/07/2010, 19h47
اخواني الكرام
ممكن الموضوع يكون نام شوية بفعل الصيام
لكن أرجو ألا يُـلغى أو يلحق بما قبله
خصوصاً بعد ما حظى بمشاركاتكم العظيمة
هانعتبر نفسنا في أجازة شوية .. بس لابد لنــا من عودة
عـــــــــــــــــــــــــــــــــــــــــــــــــ ـــــــــــــــــدنا
فى مثل هذه الايام المباركه:)
كلنا شاركنا بأراء واقتراحات وافكار:o
واشعار وكلمات من الجميع
على امل ان يتم العام الماضى:(
وعلى ما اعتقد
انه سوف يلحق هذا العام بالعام الماضى:rolleyes:
ورمضان كريم
اختكم عفاف
الباشاقمرزمان
04/08/2010, 13h23
ايه ده كله أول مرة أشوف الموضوع اليوم
موضوع كبير وجميل ورائع
شايف إنه بدأ بهمة ونشاط وفيه ناس شاركت وناس أبدعت
وجه رمضان وفات رمضان ووراه شوال وذو القعدة وذوالحجة
وبدأ سنة جديدة فات منها 8 شهور وداخل علينا رمضان
والناس كسلت مع ان الدنيا ماشية زي ماهية لا اتأخرت ثانية ولا اتقدمت
واحنا لسة بنتفق ...... عمل جميل ولذلذ مثل ده ممكن يكون مثل الليلة الكبيرة
والا مثل الصورة الغنائية السوق
نمتم ليه يا ناس
ونقول نغم أصيل وطرب أصيل ولما ييجي في إيدينا حاجات جميلة زي دي ننام ونكسل
دي سنة يا ناس فاتت كا اتعمل فيها خمسين مليون حاجة
والله زعلتوني جداً ومنفسيتي متأثرة وحزينة
ممكن تقولولي ايه المشكلة يمكن أقدر أحلها ويوضع سره في أضعف خلقه
Powered by vBulletin Version 3.8.4
Copyright ©2000 - 2025, Jelsoft Enterprises Ltd