واترص اترص يا ورق الفل

[علاء طه ياسين]

:emrose:
....
البنت الحلوة وعدتني
وعدتني كتير
وعدتني بحب مفيش زيه
ولا في الأساطير
وانا قلبي معاها كما العصفور
يحلم بالهوا والسما والنور
ويطير في بلاد العشق يطير
وحلمت كتير
....
البنت كما نجماية بليل
بتغيب وتسيب فيضان مواويل
وضفيرة شعر ومربوطة
بشريطة حرير
والهوي مقادير
وانا قلبي معاها غزال عطشان
وعنيها تقول نهر وبستان
في براحهم بترفرف عصافير
....
ضحكتها نغم والبسمة شروق
وخجل بيدوب في سواقي الشوق
واترص اترص يا ورق الفل
وياست الكل
من عندك تبتدي يا حبيبتي
أحلي المشاوير
....
:emrose:
علاء

[عفاف سليمان]

:emrose:


....
البنت الحلوة وعدتني
وعدتني كتير
وعدتني بحب مفيش زيه
ولا في الأساطير
وانا قلبي معاها كما العصفور
يحلم بالهوا والسما والنور
ويطير في بلاد العشق يطير
وحلمت كتير
....
البنت كما نجماية بليل
بتغيب وتسيب فيضان مواويل
وضفيرة شعر ومربوطة
بشريطة حرير
والهوي مقادير
وانا قلبي معاها غزال عطشان
وعنيها تقول نهر وبستان
في براحهم بترفرف عصافير
....
ضحكتها نغم والبسمة شروق
وخجل بيدوب في سواقي الشوق
واترص اترص يا ورق الفل
وياست الكل
من عندك تبتدي يا حبيبتي
أحلي المشاوير
....
:emrose:
علاء

والله يا استاذ علاء اكيد اكيد:emrose:
ربنا راح يكرمك وقريبا ان شاء الله
انت فعلا تستاهل كل خير
ويارب يرزقك بملحن جميل
يلحن الكلمات الجميله دى
تحياتى لاحساسك وقلبك وقلمك المبدع
لك خالص التحيه والتقدير
وربنا يسعدك كما تسعدنا باغنياتك الجميله
بس يارب لما ربنا يكرمك تبقى تفتكر اخواتك هنا فى سماعنا الجميل
الله يسعدكم جميعا:emrose:
وكل وقت وانتم بالف خير
اختكم عفاف

[علاء طه ياسين]

يارب يخليكي يا أخت عفاف
:emrose:
ويحفظك
علي كلامك الحلو ده
:emrose:
دانتم هنا الصحبة الجميلة ..
واللمة ..
وقعدة المحبة ..
ربنا يقدرنا ونقدر نسعد الجميع بكلمة حلوة ..
:emrose:
يمكن شعر الحب والعواطف ..
يجيب نسمة هوا جميلة ..
في زحمة الحياة ومشاكلها ..

.
..
...
....
و
....
...
..
.
بلاش تضحك في وشي
وتسيبني أدوب وتمشي
ودموعي تبل رمشي
وافضل مشتاقة ليك
...
بلاش تقوللي حاجة
انا ما تحملشي حاجة
وباصدق أي حاجة
تعلق قلبي بيك
....
لك مني أجمل التمنيات بحياة سعيدة ..
وراحة بال ..

علاء

[سعدالشرقاوى]

شقيق روحى/علاء باشا ياسين
علىّ النعمه لحّنتها وبأغنيها
ومش عايزين ملحنين
انت المرّه دى مش ح تجيبها البرّ
أغنية فعلا محتاجة تطلع فى كبد الجو
البنت كما نجماية بليل
بتغيب وتسيب فيضان مواويل
وضفيرة شعر ومربوطة
بشريطة حرير
والهوي مقادير
وانا قلبي معاها غزال عطشان
وعنيها تقول نهر وبستان
في براحهم بترفرف عصافير
يعنى البراح اللى فى العين بترفرف فيه العصافير
كفايه عشان عينى بترف ياحبة عينى
تسلم ياسيد الاغنية
الله ينور

[علاء قدرى]

:emrose:

....
البنت الحلوة وعدتني
وعدتني كتير
وعدتني بحب مفيش زيه
ولا في الأساطير
وانا قلبي معاها كما العصفور
يحلم بالهوا والسما والنور
ويطير في بلاد العشق يطير
وحلمت كتير
....
البنت كما نجماية بليل
بتغيب وتسيب فيضان مواويل
وضفيرة شعر ومربوطة
بشريطة حرير
والهوي مقادير
وانا قلبي معاها غزال عطشان
وعنيها تقول نهر وبستان
في براحهم بترفرف عصافير
....
ضحكتها نغم والبسمة شروق
وخجل بيدوب في سواقي الشوق
واترص اترص يا ورق الفل
وياست الكل
من عندك تبتدي يا حبيبتي
أحلي المشاوير
....
:emrose:
علاء

اخى الشاعر الغنائى علاء
تحية لك على الكلام الجميل المرح الذى يشع من اغانيك العذبة؛ ولكن لى ملحوظة موش عليك لكن على اخواتنا فى المنتدى اللى دايما ينصحونك بالصبر حتى تقع اغانيك فى ايد ملحن فاهم ؛ وانا اقول لهم ولك بكل صراحه ووضوح
احنا هنا فى المنتدى احسن من اى ملحن بلغة السوق ؛ الطريق فى سوق الاغنية الان ممهد للكلمات السفيهة ؛ وانواع الخضار و الفاكهة و السمك السمك؛ و العنب العنب ؛ و البلا البلا ؛ لو تعرف تكتب ده توكل عل الله ؛ وان ماكنشى انتظر حتى يتحسن ذوق و احساس الناس ؛ وتاكد انك ساعتها على الطريق الصحيح ؛ اما الان فيكفى انك بتكتب شعر فى المنتدى لشعراء زيك ؛ لن يخدعوك ؛ وتقبل نصحهم فهم يحبوك ؛ وخير لك من اتجد سميع واحد بيفهم خير لك من الف اصم
تقبل تحيات اخوك علاء

[علاء طه ياسين]

حبيبي
شقيقي التوأم
سعد الشرقاوي
:emrose:
تسلم وتسلم عيونك الغاليين ..
ياغالي ..
وحشتني .. ووحشتني ردودك ..
ومادام يا سيدي تعرف تلحن وتغني ..
سايبني ليه طيب ؟
....
الوردة دي مني ليك :emrose:

علاء

[علاء طه ياسين]

أخويا وصاحبي
علاء قدري
:emrose:

تصدق بالله .. قول لا إله إلا الله ..
أنا لا حاسس إني شاعر ولا حاجة ..
ووالله بتخجلوني بكلامكم الحلو ده ..
وزي ما قولت في ردي علي الأستاذة عفاف ..
أنا لقيت في المنتدي أهل وصحبة ..
وناس والله مش فيه زيهم في الأدب والذوق والرقي في التعامل ..
وأنا ليا الشرف إني اتعرفت بيكم ..
ومنتدي سماعي بقي زي بيت العيلة الكبير ..
نتجمع فيه ..
ونقعد القعدة الحلوة ..
وانا كبرت وسطيكم ..
والكل هنا صاحب فضل عليا ..
والفضل لله أولا وأخيرا ..
اقبل مني الزهرة دي :emrose:
وحتة غنواية صغيورة ..
.....
الوعد والقسمة كدا
نعشق عيون بالشكل دا
نمشي ف هواها ألف ميل
وياخدنا ليل من بعد ليل
نعمل عشانها المستحيل
وبرضه مننولشي الرضا
الوعد والقسمة كدا
....
أخوك
علاء

[Tarek Elemary]

القسمة تِغْلِب و النصيب
و السهم لو يُخرج يصِيب
و الكلمة عنوَّان الأدب
لو تجرحك ................
............ مالهاش طبيب

[عفاف سليمان]

اخى الشاعر الغنائى علاء
تحية لك على الكلام الجميل المرح الذى يشع من اغانيك العذبة؛ ولكن لى ملحوظة موش عليك لكن على اخواتنا فى المنتدى اللى دايما ينصحونك بالصبر حتى تقع اغانيك فى ايد ملحن فاهم ؛ وانا اقول لهم ولك بكل صراحه ووضوح
احنا هنا فى المنتدى احسن من اى ملحن بلغة السوق ؛ الطريق فى سوق الاغنية الان ممهد للكلمات السفيهة ؛ وانواع الخضار و الفاكهة و السمك السمك؛ و العنب العنب ؛ و البلا البلا ؛ لو تعرف تكتب ده توكل عل الله ؛ وان ماكنشى انتظر حتى يتحسن ذوق و احساس الناس ؛ وتاكد انك ساعتها على الطريق الصحيح ؛ اما الان فيكفى انك بتكتب شعر فى المنتدى لشعراء زيك ؛ لن يخدعوك ؛ وتقبل نصحهم فهم يحبوك ؛ وخير لك من اتجد سميع واحد بيفهم خير لك من الف اصم
تقبل تحيات اخوك علاء
اخى الاستاذ علاء قدرى
لم اقصد فى ردى على اخينا الاستاذ علاء ياسين اى من الملحنين بتوع اليومين دول
اى شىء كان لكن كان قصدى ملحنين يفهموا معنى الكلمه واللحن الاصيل زى اللى فى سماعى او غيره من الاذاعه ولم اقصد بتوع اللحظه الوقتيه وينتهى اللحن وتتنسى الكلمه
وانا هنا فى المنتدى بكتفى بالردود حتى على الاقل اخى الاستاذ علاء ياسين بيرد على مشاركتى له كتر الله خيره
وربنا يصلح حال الجميع ودائما من المرموقين
تحياتى للجميع باسعد الاوقات
اختكم عفاف

[علاء طه ياسين]

أخي الشاعر الكبير
طارق العمري
:emrose:
خير الكلام ما قل ودل
أوجزت فأعجزت
:emrose:
لك مني كل الحب والتقدير
علاء

[علاء طه ياسين]

الأستاذة الفاضلة
عفاف
:emrose:
إنتي ليكي في كل القلوب الحب والتقدير ..
دا كفاية ذوقك وأدبك وتمنياتك الطيبة بالخير للجميع ..
علاء

[NAHID 76]

بسم الله الرحمن الرحيم
الشاعر الغنائى علاء
سبقونى وخدو مكانى فى التعليق الأولانى
وقبل التعليق على القصيده
أقول أن العنوان كان أفضل لوكان اسم الأغنيه
عود الفل أو عقد الفل
تعرف فى تونس بيسمو الفل ايه بيقولو عليه المشموم
ده بالنسبه للعنوان
أما الكلمات الراقصه الرشيقه كرقصه الباليه فهى رائعه ومعبره
وانت موهههوب مش عيزه أقول وسلامه
تحياتى

[علاء طه ياسين]

المدهشة الحضور
مدام ناهد
:emrose:
تأتين أولا ..
تأتين أخيرا ..
المهم هو أن تأتي ..
فحضورك المدهش ..
يكفي لإشاعة البهجة في موضوعي ..
وإضفاء الروعة علي كلماتي ..
فياسيدتي المدهشة ..
يكفيني دائما حضورك ..
....
...
..
.
:emrose:
ياللي حبك للي تايه بيت وزاد ..
ياللي قلبك مهما هيطول البعاد ..
شلته جوه رموش عنيا ..
السعادة متكتملشي وانت غايب ..
مهما تبعد قلبي فيك تايه ودايب ..
يعني تطمن عليا ..
قلبي طاير ع السواقي والجناين ..
قلبي بيلف الشوارع والمداين ..
يوصف الشوق اللي بيا ..
:emrose:
....
...
..
.
متعك الله بحياة سعيدة ..
يا مدام ناهد ..
:emrose:
علاء

[وفاء كاتول]

استاذ :علاء طه

بعد أن قرأت كلماتك العذبة المجسدة فى قالب شاعرى جميل سابحة بين حروفها الندية الرقيقة
لا يسعني المرور دون أن أشكرك على هذا الاحساس الرائع و هذا القلب النابض بالحب و الأمل و لكن أجد ردي جدا متواضع و لا تسعفني الكلمات
تحيتى وتقديرى لقلمك

[ام مدحت]

اترص اترص ياورق الخص
ياجريد النخل العالى
الاستاذالموهوب/علاء ياسين
مش دى النغمه الشعبيه المندثرة
واللى اتفقنا نبحث عنها
فى اعماق الريف
دائما متجدد يابوياسين
وغناويك فيها ريحة الزرع الاخضر
ربنا يعيد عليك الايام بخير

[علاء طه ياسين]

الأستاذة
وفاء

:emrose:

اقبلي باقة الزهور هذه مني

:emrose::emrose::emrose:

ترحيبا بك لتشرفيك لأول مرة
علي صفحات إحدي مواضيعي
وأتمني أن تداومي الإطلالة علي كل موضوع أكتبه
وأشكرك جدا جدا علي ردك الرائع
الذي يدل علي إحساس أروع


شكرًا

....
و
....

أنا باحاول إني اقول ..
في الحب أحلي أغنيات ..
للنخل .. للترعة .. لأصغر مصطبة ..
ف عيون حبيبتي الطيبة ..
ست البنات ..
...

الأستاذة
وفاء

دامت لك السعادة ورفرف عليك الحب

علاء ياسين

[علاء طه ياسين]

ذات الحضور المتميز
أم مدحت
:emrose:
:emrose:
النصوص الشعبية المندثرة كلها حلوة ..
عاوزة بس اللي ينفض عنها الغبار ..
فاكرة غنوة "ضلل يا عنبي وانا ع البوابة "
اللي فيها ...
لو شوفت شعري .. مفرود علي ضهري
هتدفع مهري .. وانا ع البوابة
لو شوفت القصة .. مرصوصة رصة
هتدوب من بصة .. وانا ع البوابة
فاكرة غنوة "الحنة" بتقول
الحنة الجميلة .. للإيد النحيلة
حنة يا بنات
واللبان صومالي .. يا خسارتك يا مالي
ضايع ع البنات
وغنوة "يا امه حمامي خلط ويا حمام الواد علي"
وفيها
وطلعت له بمقشة .. ونزلت له بمقشة
لقيت حمامي بيتعشي .. ويا حمام الواد علي
وحتي غنوة "تحت الشجر يا وهيبة "
بتقول فيها الغنوة الشعبية لما حبيبته ضاعت في فيضان النيل
تحت الشجر يا وهيبة (هي مش اسمها وهيبه علي فكرة بس انا ناسي اسمها)
تحت الشجر يا وهيبة ياما كلنا برتقان
نظرة عينك يا وهيبة تِفَطَّر صايم رمضان
ده غير كميات مواويل كتيرة جدا
ومراثي الشعبية (العديد)
والسيرة الهلالية بكل ما فيها ..
من بطولات ومواقف وحروب وحب ..
ياااااااااااه يا ست أم مدحت ..
لو كان فيه نصيب ..
نعمل موضع عن الحاجات دي..
....
....
....
دايما بتنوري مواضيعي لما بتردي ..
حفظكم الله جميعا أنت وأخي سعد والأسرة الكريمة ..
وأتمني رؤية عمل جديد لك قريبا ..
وكل عام وأنتم بخير
.....
:emrose:
علاء ياسين

[علي سيف]

مين يشتري مني

جوز الحمام بني

طعمته من قلبي

وسقيته م النني



أنيْ الحمام غيّة

يلزم له حنيّة

لو شوفته بأسية

لكان شرد مني



واندم واقول حظي

وغيري بيه محظي

يادنيا ماتلاحظي

طيري مجنني



إزاي ابيع طيري ؟

ويلوف عليه غيري

عدلت انا سيري

ما هبيعه إكمني



إكمني م الغيرة

هـقـَـفِــّل السيرة

ولاعمري ابيع طيرة

جناحها بيشلني
:emrose::emrose::emrose: