المساعد الشخصي الرقمي

مشاهدة النسخة كاملة : المقامات الموسيقية

غازي الضبع
30/07/2009, 16h11
ساعات باحس إن الموضوع بسيط قوي ..
الأغنية دي من مقام كذا ..
وشكراً
..
لأ ..
شكرا مين .. ؟
ده في الحتة الفلانية قلب على مقام كذا .. وبعدين استعمل السلم الفلاني عشان ينقل على المقام العلاني
واستعمل الغماز ، والحساس
ودخل على جنس المقام ، وبعدين الفرع
وابصر إيه ، ومادريك إيه ؟؟؟
وبعدين دخلنا في سكة المقامات الشرقية ، والغربية
والربع تون ، والثلاث اربع تون ...
وإدِّيني يا بني كرد الـ فا
طب اشمعنى كرد الـ فا ، يعني ماينفعش كرد الـ دو
ومعنى كده إن كل مقام هاينبثق منه سبعة مقامات
يعني هل هايبقى فيه منه
كرد دو ، وكرد الـ ري ، كرد الـ مي ،،،،، إلى كرد الـ سي
ويا ريت على كده وبس ..
شوية وتلاقي الحجاز مع البياتي بيعملوا مقام جديد اسمه الترالاملم
والـ نهاوند مع الراست هايجيبوا مقام صغير ويسموه فوزي :cool:
إيه يا عم ده ؟؟
مش لاعب

ده الموضوع طلع كبير قوي ومعقد قوي قوي قوي
..
ده غير بقى شوية المقامات اللي تسيح النافوخ ..
إيشي سوزناك ، وإيشي زنجران ، وإيشي سيكا ، وهزام ، وراست ، والـ حسيني والـ صبا والجمال :cool: ..
شوية ومانكتـفيش بإسم واحد ..
تخش بقى على راحة الأرواح ، وملبس الأفراح :mdr:

لا .. لا .. لا


فيها لاخفيها


م الآخر .. أنا عايز أتعلم اللعبة دي
إن شالله نعملها على حلقات ، ودروس ، وواجب ، وتذنيب ، وضرب كمان ( ع الهوا )
...
ويا سلام لو الموضوع مايقتصرش على الأغاني فقط ..
يا ريت كمان نتعلم من قراءات القرآن الكريم

...
ونشوف في النهاية .. هانتعلم أنا وأمثالي ولا لأ ؟
يا ريت أساتذتنا الموسيقيين يتبرعوا لنا بهذه الدروس المجانية ( تحتيها خط أهوه .. عشان ماحدش يتعشم في حاجة ;) )
عادل فؤاد رفاعى
30/07/2009, 16h18
وانا معاك استاذ غازى عاوزين الاساتذة الكبار اللى موجودين فى المنتدى يعلمونا يعنى ايه مقامات علشان الموضوع طلع كبير قوى قوى وفعلا الموسيقى دى طلعت علم وعلم جامد يعنى ياريت يكون درس خصوصى من البداية وبعد كدا الموضوع دا يتثبت عشان يكون مرجع

:emrose::emrose:
الألآتى
30/07/2009, 18h51
إيه هو ده .. هو مش فيه دروس لعلم النغم موجودة فى المنتدى .. ولا أنا نسيت أحطها .. يمكن نسيت ..

عموماً .. لو عايزين نجيب من الأول .. نجيب .. وماله .. مايضرش ..

والتكرار يعلم .. الشطار .
غازي الضبع
30/07/2009, 18h55
لا

فيه فرق

الدروس المحطوطة .. زيها زي الكتاب ..

إنما هنا .. هاتبقى حصص
ونسأل ، ونتسأل
ونجاوب ونغلط ، ويتصحح لنا
..
وهكذا دواليك ( إيه دواليك دي ؟ :chut: )
الألآتى
30/07/2009, 19h02
وهو كذلك ياغازى ..

سأعمل على تحضير أول درس .. إن شاء الله .
محمودسعد
31/07/2009, 00h58
انا معاكم ياريس
خدوني معاكم ؟
طالما فيها علام
انا والله عاوز اتعلم
واستذيد
unicorn
31/07/2009, 01h05
حلو يا مايسترو ,
و أنا كمان عايز أفهم اللعبة دى ,
الصراحة من ساعة عم حسن كشك ما ظبط الطبلة على مقام الكرد , و أنا متغاظ
إزاى هو عرف يضرب على الكرد و انا ما عرفتش
معاك يا عم محمد يا قمر , بس وحياة حسام لو تقدر تقرّبلنا الدرس بشئ من المزيكا تبقى عملت فينا جميل مش هاننساه ,
أنا أعرف واحد كمان نفسه يدخل فى الفصل دة , عشان ناوى يلحن مقامات بيرم التونسى
أستاذ سيد المشاعلى هاتلاقوه قاعد فى اول تختة.
فى انتظار أول درس يا أستاذ محمد
شكرا يا غازى على فتح هذا الموضوع الرائع
الألآتى
31/07/2009, 03h17
والله إذا كانت الدروس .. حاتجمعكم من جديد .. وترجع أيام اللمة ..

أنا جاهز أبدأ فوراً ..
غواص النغم
31/07/2009, 17h34
:emrose:انا في اول مقعد جنب الشباك :emrose:
((علشان :cool: الصيف))
محمودسعد
31/07/2009, 22h55
[QUOTE=غواص النغم;344415] :emrose:انا في اول مقعد جنب الشباك :emrose:
((علشان :cool: الصيف))


وانا في الدكه اللي جنبك علطول
علي فكره الموضوع ده قيم جدا ومفيد جدا
وعلي فكره برضه بصفتي واخد السكه قياسه عند الالاتي فلا اكشف سرا حين اقول ان الالاتي فعلا اتم ثلاث محاضرات عن هذه الدروس ولقيت شرحه جميل اوي وجذاب وبيفكرني بالشيخ الشعراوي ؟ ببساطته حين يشرح او يفسر
انتظروه ؟
غازي الضبع
02/08/2009, 05h23
إيه يا عم ؟
رحت فين ؟
إنت بتحضر درس ولا بتحضر عفريت :mdr:
الألآتى
02/08/2009, 05h44
إخوانى الأعزاء

نزولاً على رغبة العديد من الأخوة .. راغبى تعلم علم النغم والمقامات ..

وتلبية لرغبتهم الصادقة والحقيقية فى المعرفة ..

قررت أن أبدأ من اليوم بعون الله ... سلسلة جديدة من الدروس التفاعلية لنضع سوياً أيدينا على أسرار هذا العلم ..

والذى قضيت معظم سنوات عمرى فى تعلمه والغوص فى أعماقه .. والبحث عن كل جديد فيه .

وسأراعى بإذن الله .. أن تكون الدروس متسلسلة تسلسلاً طبيعياً .. من البداية حتى الإحتراف .. إن شاء الله .
الألآتى
02/08/2009, 05h46
الدرس الأول

قبل الدخول فى دروس المقامات .. ينبغى علينا أولاً .. أن نعرف ماذا تعنى كلمة ( مقامات ) ..

وقبل ذلك يجب أيضاً أن نعرف بعض المعلومات التى ستفيدنا فى القادم من الدروس ..

نحن نعرف السلم الموسيقى ( دو ، رى ، مى ، فا ، صول ، لا ، سى ) ..

هى سبعة حروف .. أو سبعة نغمات .. يتكون منها السلم الموسيقى ..

ومن هذا السلم جاءت جميع المقامات .. وكذلك السلالم الغربية .. لأن الموسيقى لغة عالمية ..

ونفس هذه النغمات .. تستعمل فى أى بلد وأى مجتمع ..

صحيح أن أسماء النغمات .. إختلفت من لغة لأخرى .. ولكنها تبقى فى النهاية .. نفس النغمات بغض النظر عن المسميات ..

فالأسماء ( دو ، رى ، مى ) .. أسماء إيطالية ..

لكن هناك أسماء إنجليزية لنفس السلم ( C , D , E , F , G , A , B ) .. ويجب أن نقرأ هذه النغمات من اليسار لليمين .

أما المسميات العربية للسلم الموسيقى .. فحدث ولا حرج .. هيصة وتوهة .. وخيبة قوية ..

فسلم القرار غير سلم الجواب غير السلم الأوسط .. ولنأخذ مثالاً للسلم الأوسط فى الموسيقى العربية ..

( أوج ، حسينى ، نوى ، جهاركاه ، سيكاه ، دوكاه ، راست ) .. وتُقرأ من الشمال لليمين أيضاً .

وفى الحقيقة .. إن النغمات العربية .. هى فى الأصل أسماء فارسية .. والأخوة اللذين يلعبون الطاولة .. سيعرفون بعض هذه المسميات ..

فالدوكاه . تعنى النغمة الثانية .. وتنقسم لكلمتان ( دو ، كاه ) ودو .. تعنى إثنان .. وكاه .. تعنى مقام بالفارسية .. بسيطة ..

وكذلك ( سيكاه ) تعنى النغمة الثالثة .. ( سى ، كاه ) سى .. تعنى الثالثة .. وكاه تعنى مقام .. إيه رأيكم .. حاجه لذيذة خالص .

وقبل أن نتحدث عن المقامات .. من حقنا نعرف يعنى إيه مقام .. إيه الكلمة دى ..

مقام ياجماعة .. يعنى مكان .. يعنى مستقر .. خلصت .. مش شغلانه يعنى . يعنى مثلاً ( فلان إستقر به المقام فى الحته الفلانية )

يعنى إستقر فى هذا المكان .. وليه سموه مقام .. أو مكان ..

لأن كل مقام له مكان معين على السلم الموسيقى .. وله طريق وسكة غير المقامات الأخرى .. علشان كده .. إحنا بنعرف المقامات من إختلاف الأمكنة والطريق الذى تسير فيه نغماته .. حلو الكلام .. حلو ..

ياللا .. ذاكروا الكلام ده كويس وإحفظوه .. علشان إللى جاى .. أتقل وأصعب .
وسام اكرم
02/08/2009, 06h19
اشتغل ياعم محمد و احنا وراك انشاء الله للنهاية
مع تحياتي
وسام
Islam Eidrisha
02/08/2009, 10h27
الله ينور عليك يا أبو حسام ويزيدك من نوره
اكتب اسمي عندك واتوصى شوية
وبالراحة وواحدة واحدة الله يخليك
ربنا يزيدك من علمه ومن نعيمه
عايزنا نجلد الكشاكيل لون إيه؟؟
غازي الضبع
02/08/2009, 11h12
أنا كنت ماشي معاك زي الفل .. لغاية ما وصلت هنا
فسلم القرار غير سلم الجواب غير السلم الأوسط .. ولنأخذ مثالاً للسلم الأوسط فى الموسيقى العربية ..

وبعدها تهت
إيه سلم القرار ، وسلم الجواب ، وسلم الوسط
قصدك يعني على الأورج
ولا إيه بالظبط ؟؟
غواص النغم
02/08/2009, 11h34
جميل جدا انا فهمت
وطبعا المقصود بالمنطقة الوسطى مثل المنطقة الوسطى في البيانو يعني الأصابع الوسطى في البيانو حيث ان البيانو يتكون من ثلاث اوكتاف .. على حسب ما اتذكر ثمانية قرار وثمانية اوسط وثمانية جواب
واعرف ان الجهاركاه هو الرابعة جهار بالفارسية تعني اربعة
الدرس التاني
غازي الضبع
02/08/2009, 12h18
جميل جدا انا فهمت


وطبعا المقصود بالمنطقة الوسطى مثل المنطقة الوسطى في البيانو يعني الأصابع الوسطى في البيانو حيث ان البيانو يتكون من ثلاث اوكتاف .. على حسب ما اتذكر ثمانية قرار وثمانية اوسط وثمانية جواب
واعرف ان الجهاركاه هو الرابعة جهار بالفارسية تعني اربعة

الدرس التاني

الله ينور عليك يا منعم
كده انا فهمت
بس هل فعلا البيانو ثلاثة أوكتاف فقط
إوعى تكون بتتكلم عن البيانو اللعبة بتاعتك :mdr:
متهيألي بيبقى أكتر من كده
**
بالمناسبة .. هل الدروس تستلزم أحد الآلات الموسيقية يا أستاذ محمد
لو كده أنا كمان عندي أورج ( لعبة ) :(
ممكن نستخدمه مؤقتاً
عثمان دلباني
02/08/2009, 12h29
طيب يا سي غازي انا حفهمك ايه الفرق في انتظار ان اخونا ابو حسام يسهلها لك اكثر

http://www.sama3y.net/forum/attachment.php?attachmentid=158697&d=1249213395

مثال 1 السلم على البيانو


في الموسيقى يا غازي موجود السبعة نوتات اللي هي (دو ري مي فا صول لا سي ) المثال 1
و انت عارف انه في آلة البيانو مثلا مفيهاش سبعة نوتات البيانو يا سيدي فيه 88 ملمس(زر) . منهم 36 ملمس باللون الاسود يعني و الباقي 52 لونهم ابيض كويس ؟؟؟؟ طيب

اللي باللون الابيض هي اللي تعطينا السلم الموسيقي الطبيعي


لو نقسم 52 على سبعة حتعطينا 7 و شوية يعني 7 سلالم واحد جنب الثاني

http://hosting.bearzddl.com/uploads/132f32af3e.jpg


المثال 2 اورغ بـ 5 سلالم

شوف معاي هذا الاورغ و شوف الصورة الأولى اللي هي سلم موسيقي واحد ح تلاقي و كان السلم تكرر 5 مرات و شوية يعني ان هذه الآلة فيها 5 سلالم موسيقية

دخلنا الآن في الاهم يا سيدي لو طلب منا ان نعزف نغمة دو على البيانو حتبقى مشكلة لانه عندي 5 سلالم و كل سلم يبتدي بنغمة دو :eek: اي دو فيهم المقصودة ؟؟؟؟
سهلة يا سيدي اذا كان دو من السلم الاول نسميه ( دو1) و اذا كان من السلم الرابع نسميه ( دو4)...و هكذا . يعني كل نغمة تنسب الى السلم الذي هي موجودة فيه ...

نيجي لسؤالك اللي هو مربط الفرس ، في الموسيقى العربية المسألة مش سهلة يا صديقي انتم فاكرين احنا بناكلها بالساهل ؟؟؟؟

ناخذ مثال درجة دو 1 اللي نسميها ( راست ) و نمشي سبعة درجات زي خلق الله لما نوصل للدرجة الثامنه اللي هي الجواب و اللي من المفرض حيكون اسمها ( راست2) يجولك اللي هم يقولوا لك لا ما اسمهاش (راست2):( هي الاسامي قلت و الا انعدمت ؟؟؟ نسميها (كردان ) .....

نيجي للصول 1 اللي نسميه ( اليكاه) الجواب بتاعه يفترض انه صول 2 لا احنا حنسميه هو الاخر اسم ثاني (النوا) و جواب النوا حنسمي(السهم) احنا و رانا ايه ؟؟؟


و بالمناسبة يا غازي كل سلم في الموسيقى العربية فيه اسماء الدرجات مختلفة عن الباقي و هذا للاسف اللي يخلي المبتدئين ينفروا من تعلم الصولفيج العربي و اسماء المقامات لانها في البداية بصراحة تصحيك من النوم .... تحياتي
غازي الضبع
02/08/2009, 12h47
ناخذ مثال درجة دو 1 اللي نسميها ( راست ) و نمشي سبعة درجات زي خلق الله لما نوصل للدرجة الثامنه اللي هي الجواب و اللي من المفرض حيكون اسمها ( راست2) يجولك اللي هم يقولوا لك لا ما اسمهاش (راست2):( هي الاسامي قلت و الا انعدمت ؟؟؟ نسميها (كردان ) .....



نيجي للصول 1 اللي نسميه ( اليكاه) الجواب بتاعه يفترض انه صول 2 لا احنا حنسميه هو الاخر اسم ثاني (النوا) و جواب النوا حنسمي(السهم) احنا و رانا ايه ؟؟؟







الله ينور عليك يا سي عثمان يا جميل
الحقيقة أنت أنرت ليا حقيقة كانت مبهمة بالنسبة لي من زمان
من خلال الرسومات الرائعة اللي أدرجتها وشرحك السلس
بس أنا وقفت لغاية النقطة دي ( المقتبسة أعلاه )
اللي فهمته دلوقتي إن الدو1 هايبقى اسمه راست
وبتقـول إننا هانمشي سبعة درجات .. يعني هانوصل للـ دو تاني بس من سلم جديد ( صح كده ؟ )
يبقى ساعتها هاتبقى دو2
يبقى هاتبقى الدوكا ( صح كده ولا أنا خرجت عن الشريط )
unicorn
02/08/2009, 12h59
يا ألطاف الله ,
الله ينور يا أستاذ محمد , 100 %
معاك حتى الان ,
الله ينور يا استاذ عثمان على الإضافة المفيدة , أيوة كدة خلليك معانا .
منعم فى عرضك ما تسبق الاستاذ , مش عشان انت فاهم و كنت بتاخد دروس بيانو هاتبوظها علينا :mad:,
على فكرة يا غازى منعم مش عنده بيانو لعبة , دة عنده بيانو بجد فى البيت و بيعزف كويس كمان .
معاك يا استاذ محمد حتى الان .
unicorn
02/08/2009, 13h07
يبقى ساعتها هاتبقى دو2
يبقى هاتبقى الدوكا ( صح كده ولا أنا خرجت عن الشريط )
لا كدة انت خرجت عن الشريط طبعا ,
الكلام أن السلم الاول
أول سبعة أحرف ( أوج - حسينى - نوى - جهاركا - سيكا - دوكا - راست ) من اليسار الى اليمين
دة كدة أول سلم
يعنى الدور الاول فى العمارة يا غازى :mdr:
الدور اللى بعده المسمى بيختلف تماما
يبقى الراست= دو و الدوكا = رى فى السلم الاول فقط.
ربنا يستر و ما ابقاش أنا اللى خرجت عن الشريط :crazy:
غازي الضبع
02/08/2009, 13h09
لا كدة انت خرجت عن الشريط طبعا ,

الكلام أن السلم الاول
أول سبعة أحرف ( أوج - حسينى - نوى - جهاركا - سيكا - دوكا - راست ) من اليسار الى اليمين
دة كدة أول سلم
يعنى الدور الاول فى العمارة يا غازى :mdr:
الدور اللى بعده المسمى بيختلف تماما
يبقى الدوكا له اسم تانى فى السلم اللى بعده
ربنا يستر و ما ابقاش أنا اللى خرجت عن الشريط :crazy:

إنت لغبطني كده يا عم الحاج
إستنى بقى ما اروح أولع سيجارة ،، وابدأ أفهم من جديد
الموضوع شكله صعب بجد ولا إيه :crazy:
عثمان دلباني
02/08/2009, 13h12
الله ينور عليك يا سي عثمان يا جميل
الحقيقة أنت أنرت ليا حقيقة كانت مبهمة بالنسبة لي من زمان
من خلال الرسومات الرائعة اللي أدرجتها وشرحك السلس
بس أنا وقفت لغاية النقطة دي ( المقتبسة أعلاه )
اللي فهمته دلوقتي إن الدو1 هايبقى اسمه راست
وبتقـول إننا هانمشي سبعة درجات .. يعني هانوصل للـ دو تاني بس من سلم جديد ( صح كده ؟ )
يبقى ساعتها هاتبقى دو2
يبقى هاتبقى الدوكا ( صح كده ولا أنا خرجت عن الشريط )

انت خرجت و خبطت في الحيط:mdr:

السلم الموسيقي : من اليسار الى اليمين

السلم العربي :
كردان ، اوج ، حسيني ، نوا ، جهاركاه ، سيكاه ، دوكاه ، راست
السلم الغربي : 8 7 6 5 4 3 2 1
دو2 ، سي ، لا ، صول ، فا ، مي ، ري ، دو1

الدوكاه يا غازي هي الدرجة الثانية في السلم الاول و الكردان حتبقى هي الدرجة الاولى في السلم الجديد يعني احنا نقدر دي الوقت نشكل سلم جديد نسميه السلم الثاني من درجة دو2 اللي هي الكردان ....تحياتي
عثمان دلباني
02/08/2009, 13h15
على فكرة يا غازى منعم مش عنده بيانو لعبة , دة عنده بيانو بجد فى البيت و بيعزف كويس كمان .
معاك يا استاذ محمد حتى الان .




الله :eek: ده يبقى مقلب بقى :mdr:
غازي الضبع
02/08/2009, 13h29
انت خرجت و خبطت في الحيط



:( :(

معلشي .. تاني والنبي
وهاركز قوي المرة دي
محمودسعد
02/08/2009, 13h40
,والله الموضوع جميل وانا متابعه باهتمام شديد
وعارف ان الالاتي بيتعب في الموضوع ده وارجوا ان نخرج جميعا بافاده عشان المجهود ده مايروحش هباء وبعدين انا شايف ان فعلا فيه ناس مهتمه قوي بدراسه المقامات الموسيقيه والاساسيات لعلم النغم وطبعا مشاركه اخي عثمان كانت مشاركه ايجابيه جدا وغازي واخدها جد بجد وده شئ عاجبني اوي
وبرضه انا مستمر لحاد يوم الامتحانات ؟
Islam Eidrisha
02/08/2009, 13h50
أنا كده اتلخبطت يا جناب الكوماندا المهم:mdr:
وكل عام وانتم بخير:mdr:
غواص النغم
02/08/2009, 14h22
الله :eek: ده يبقى مقلب بقى

ههههههههه:mdr:ههههههههه
ماتخلي الطابق مستور

احنا بنعزفوا ع الفطرة سماعي يعني :confused:
ههههههههه;)ههههههههه

شرح ممتاز يا معلم هو حضرتك بتدي في فصل اولى تاني ؟
غواص النغم
02/08/2009, 14h31
طيب يا سي غازي انا حفهمك ايه الفرق في انتظار ان اخونا ابو حسام يسهلها لك اكثر


نيجي للصول 1 اللي نسميه ( اليكاه) الجواب بتاعه يفترض انه صول 2 لا احنا حنسميه هو الاخر اسم ثاني (النوا) و جواب النوا حنسمي(السهم) احنا و رانا ايه ؟؟؟[/COLOR][/COLOR]


و بالمناسبة يا منعم كل سلم في الموسيقى العربية فيه اسماء الدرجات مختلفة عن الباقي و هذا للاسف اللي يخلي المبتدئين ينفروا من تعلم الصولفيج العربي و اسماء المقامات لانها في البداية بصراحة تصحيك من النوم .... تحياتي

[/RIGHT]

اليكاه تقصد السيكاه صح ؟معلش اصل احنا بنتلكك ممكن يكون اسم مقام جديد
حتى الصول 1 دي مش فاهمها _اعتقد انها متقدمة في الدروس صح؟ هي والسهم
اليس الصول يقابلها النغمة الخامسة النوا بالعربي؟[/CENTER]
عثمان دلباني
02/08/2009, 14h52
اليس الصول يقابلها النغمة الخامسة النوا بالعربي؟


النوا جايت الوسط يعني لما نرجع من الراست في اتجاه اليسار على البيانو ح نلاقي صول آخر غليظ شوية هي دي اللي تبقى اليكاه و لاما نطلع في اتجاه اليمين حنلاقي صول آخر حاد هو السهم يعني :

اليكاه هو الثخين
النوا هو المتوسط
السهم هو الحاد


السهم (صول3)-----النوا(صول2)-----اليكاه(صول1)
غواص النغم
02/08/2009, 15h04
النوا جايت الوسط يعني لما نرجع من الراست في اتجاه اليسار على البيانو ح نلاقي صول آخر غليظ شوية هي دي اللي تبقى اليكاه و لاما نطلع في اتجاه اليمين حنلاقي صول آخر حاد هو السهم يعني :

اليكاه هو الثخين
النوا هو المتوسط
السهم هو الحاد

السهم (صول3)-----النوا(صول2)-----اليكاه(صول1)



الله ينور انا فهمت الآن
:)
الف شكر
غازي الضبع
02/08/2009, 15h19
الله ينور انا فهمت الآن


أنا بقى لسه

وبعدين إنت جبت الاقتباس بتاع مشاركتك قبل الأخيرة منين :crazy:
ماتلغبطناش بقى يا عم منعم
هو عشان ربنا اداك شوية علم وبيانو .. ها تزاحمنا :mdr:

أول حاجة ..
أول حاجة العضو ده يقوم من جنبي :mdr:
غازي الضبع
02/08/2009, 15h35
طيب يا سي غازي انا حفهمك ايه الفرق في انتظار ان اخونا ابو حسام يسهلها لك اكثر

http://www.sama3y.net/forum/attachment.php?attachmentid=158697&d=1249213395

مثال 1 السلم على البيانو


في الموسيقى يا غازي موجود السبعة نوتات اللي هي (دو ري مي فا صول لا سي ) المثال 1
و انت عارف انه في آلة البيانو مثلا مفيهاش سبعة نوتات البيانو يا سيدي فيه 88 ملمس(زر) . منهم 36 ملمس باللون الاسود يعني و الباقي 52 لونهم ابيض كويس ؟؟؟؟ طيب

اللي باللون الابيض هي اللي تعطينا السلم الموسيقي الطبيعي


لو نقسم 52 على سبعة حتعطينا 7 و شوية يعني 7 سلالم واحد جنب الثاني


المثال 2 اورغ بـ 5 سلالم

شوف معاي هذا الاورغ و شوف الصورة الأولى اللي هي سلم موسيقي واحد ح تلاقي و كان السلم تكرر 5 مرات و شوية يعني ان هذه الآلة فيها 5 سلالم موسيقية

دخلنا الآن في الاهم يا سيدي لو طلب منا ان نعزف نغمة دو على البيانو حتبقى مشكلة لانه عندي 5 سلالم و كل سلم يبتدي بنغمة دو اي دو فيهم المقصودة ؟؟؟؟
سهلة يا سيدي اذا كان دو من السلم الاول نسميه ( دو1) و اذا كان من السلم الرابع نسميه ( دو4)...و هكذا . يعني كل نغمة تنسب الى السلم الذي هي موجودة فيه ...

نيجي لسؤالك اللي هو مربط الفرس ، في الموسيقى العربية المسألة مش سهلة يا صديقي انتم فاكرين احنا بناكلها بالساهل ؟؟؟؟

ناخذ مثال درجة دو 1 اللي نسميها ( راست ) و نمشي سبعة درجات زي خلق الله لما نوصل للدرجة الثامنه اللي هي الجواب و اللي من المفرض حيكون اسمها ( راست2) يجولك اللي هم يقولوا لك لا ما اسمهاش (راست2):( هي الاسامي قلت و الا انعدمت ؟؟؟ نسميها (كردان ) .....




لحد هنا أنا فهمت كويس
يعني الترتيب هايكون من اليسار ( كردان ، أوج ، نوا ، جهار كا ، سيكا ، دوكا ، راست )

وهنا الراست = دو1
والكردان = دو 2
صح كده


نيجي للصول 1 اللي نسميه ( اليكاه) الجواب بتاعه يفترض انه صول 2 لا احنا حنسميه هو الاخر اسم ثاني (النوا) و جواب النوا حنسمي(السهم) احنا و رانا ايه ؟؟؟




طيب تسمح لي أفهم بطريقة الاستيضاح Verifying

هنا بقى فيه كام سؤال ..
(1) إنت بتقول : نيجي للصول 1
طب اشمعنى جيت للصول على طول .. مش بعد الـ دو فيه ري ، مي ، فا ، صول

(2) الجواب بتاعه يفترض إنه صول 2
الجواب بتاعه دي هل معناها الصول اللي بعده .. يعني اللي على يمنينه في الأورج ( السلم اللي بعده يعني ) ولا إيه ؟

(3) اليكاه .. جوابها النوا ، والنوا جوابها السهم
هل ده معناه .. الصول ( الأوسط ) جوابه ( اللي هو الصول اللي بعده ) هو النوا ..
وجواب النوا ( اللي هي الصول اللي بعد بعده ) هي السهم ؟

هل أنا كده فهمت ..
ولا أبطل أكل فول لمدة أسبوع واجيلك تاني :o
غواص النغم
02/08/2009, 15h36
أنا بقى لسه

وبعدين إنت جبت الاقتباس بتاع مشاركتك قبل الأخيرة منين :crazy:
ماتلغبطناش بقى يا عم منعم
هو عشان ربنا اداك شوية علم وبيانو .. ها تزاحمنا

أول حاجة ..
أول حاجة العضو ده يقوم من جنبي :mdr:

:(طب انا ذنبي ايه ..اعمل ايه العلم بيفيض من دماغي
هو انا كده دايما
حتى في المنتدى
مش كفاية في المدرسة:mdr:
unicorn
02/08/2009, 15h43
أنا بقى لسه

وبعدين إنت جبت الاقتباس بتاع مشاركتك قبل الأخيرة منين
ماتلغبطناش بقى يا عم منعم
هو عشان ربنا اداك شوية علم وبيانو .. ها تزاحمنا

أول حاجة ..
أول حاجة العضو ده يقوم من جنبي :mdr:
يعنى عشان انت بتتعلم على بيانو يا منعم تفترى علينا احنا عشان بنتعلم على بيانولا :mdr:
ماشى يا عم ,
و انت يا سى غازى ,
تقومنى من النوم الفجر و تقولى انزل الجنينة عشان أدورلك على مسمار ؟؟!! :mdr:
غازي الضبع
02/08/2009, 15h44
طب انا ذنبي ايه ..اعمل ايه العلم بيفيض من دماغي
هو انا كده دايما
حتى في المنتدى
مش كفاية في المدرسة:mdr:

ههههههههههههه
شكلك كده بتاخد درس خصوصي عند أبلة جلفدان صح ؟
:mdr: :mdr:
عثمان دلباني
02/08/2009, 17h08
طيب تسمح لي أفهم بطريقة الاستيضاح Verifying

هنا بقى فيه كام سؤال ..
(1) إنت بتقول : نيجي للصول 1
طب اشمعنى جيت للصول على طول .. مش بعد الـ دو فيه ري ، مي ، فا ، صول

(2) الجواب بتاعه يفترض إنه صول 2
الجواب بتاعه دي هل معناها الصول اللي بعده .. يعني اللي على يمنينه في الأورج ( السلم اللي بعده يعني ) ولا إيه ؟

(3) اليكاه .. جوابها النوا ، والنوا جوابها السهم
هل ده معناه .. الصول ( الأوسط ) جوابه ( اللي هو الصول اللي بعده ) هو النوا ..
وجواب النوا ( اللي هي الصول اللي بعد بعده ) هي السهم ؟

هل أنا كده فهمت ..
ولا أبطل أكل فول لمدة أسبوع واجيلك تاني :o

السؤال 1 - انا اعطيت فقط مثال بالصول يا غازي انت عندك حق فيه النغمات الثانية بس حبة حبة يا حبيبي

السؤال 2 - ايوة يا غازي السلم الثاني ( احنا بنمشي في السلم الموسيقي من اليمين الى الشمال زي الكتابة الموسيقية ) يعني لما نقول اللي بعده يعني في اتجاه الشمال و لو قلنا اللي قبله يعني اللي في اتجاه اليمين

السؤال 3- برافو يا غازي اهي ضبطت معاك انت كمان :mdr: الظاهر الفول جاب نتيجة
الألآتى
02/08/2009, 18h17
هو أنا أروح أنام كام ساعة .. أرجع ألاقى الموضوع أربع صفحات ..

أولاً وقبل أى شئ .. أحب أن أشكر أخى العزيز عثمان .. لتصديه لأسئلة هؤلاء الطلبة المشاغبون ..

بس ياعثمان إنت إديتهم أكثر مما يحتاجون .. علشان كده .. إتلخبطوا .. وبدأت الأسئلة تنهمر فوق رأسك .. إستحمل بقى ..

وقديماً قالوا ( لا تعطى المتلقى أكثر مما يستوعب ) ..

وبعدين ياجماعة .. لاتسبقوا الأحداث .. إسئلوا أسئلة داخل الدرس .. وأصبروا .. فكل شئ سيتم الإجابة عليه فى الدروس المقبلة بإذن الله .

وإلى الإجابات ..

السلم الأوسط والسلم الجواب والقرار .. أعنى بذلك الطبقات الصوتية ..

فالطبقة الوسطى هى التى تحمل مفتاح صول على المدرج الموسيقى .. والتى يمكن أن يؤديها العود والكمان والأكورديون ... ألخ .

أما الطبقة الجواب .. هى التى يؤديها الألآت ذات الأصوات الحادة .. مثل الفلوت والبيكالو والأوبوا

والطبقة القرار .. هى التى يؤديها الألآت ذات الأصوات الغليظة .. مثل التشيلو والكونترباص .. والفاجوت والبست هورن .. وهى من الألآت النحاسية ..

أمابخصوص البيانو .. فهو يتكون من سبعة أوكتافات .. والأوكتاف عبارة عن سبعة أصوات زائد جواب الصوت الأول .. وعندما تجلس إلى البيانو ( فى المنتصف ) ستجد الطبقة الوسطى فى متناول يدك اليمنى ..

وبخصوص المسميات الفارسية للسلم الموسيقى .. فلا تشغلوا أنفسكم بها الأن .. سنتطرق إليها فى القادم من الدروس .
غازي الضبع
02/08/2009, 18h56
طيب شوفوا كده يا جماعة ..
أنا فاهم صح ولا غلط
يعني الاتجاهات كده صح عندي ولا لأ
لحسن أنا متلغبط في حكاية الجواب والقرار دي قوي
ومش عارف اليمين من الشمال
http://www.sama3y.net/forum/attachment.php?attachmentid=158748&stc=1&d=1185990997
الألآتى
02/08/2009, 21h41
لأ .. غلطان .. رحل الأوكتافات يمين ..

http://www.sama3y.net/forum/attachment.php?attachmentid=158779&stc=1&d=1249241919

وبعدين أنا قلت .. ماتشغلوش بالكم بالمسائل دى دلوقت .. حاتتعبوا .. خليكم فى صميم الدرس ..

أحسن كده مش حانخلص فى سنتنا ..
unicorn
02/08/2009, 22h56
خلاص يا استاذ محمد ,
ما فيش خروج عن الدرس ,
و غازى خلاص فهم :mdr:
خش بينا على اللى بعده .
الألآتى
03/08/2009, 02h22
الدرس الثانى

عرفنا يعنى إيه مقام .. كويس .

عايزين نعرف بقى .. مما يتكون المقام ..

المقام ياجماعة يتكون من ثمانية نغمات تفصل بينهم سبعة مسافات .. أو بطريقة أخرى ..

يتكون من سبعة نغمات زائد جواب النغمة الأولى ..

يعنى ( دو ، سى ، لا ، صول ، فا ، مى ، رى ، دو ) .. ماتنساش تقرا من الشمال لليمين .

وممكن كمان .. نعرف المقام بأنه .. يتكون من إتنين ( تتراكورد ) .. يادى النايبة .. يعنى إيه ( تتراكورد ) ؟

كلمة ( تتراكورد ) تتكون من مقطعين .. تترا .. وتعنى أربعة .. وكورد تعنى تون أو نغمة ..

يعنى كلمة ( تتراكورد ) .. تعنى أربع نغمات

إذن المقام يتكون من إتنين أربع نغمات .. يعنى ثمانى نغمات .

طيب واحد يقول لى .. وليه اللفة الطويلة دى .. ماتقول ثمانى نغمات وتخلصنا .. لازم يعنى إتنين تتراكورد .

أيوه .. لأن كل مقام يختلف عن غيره .. بإختلاف هذا التتراكورد .. وتسمى فى الموسيقى العربية ( جنس المقام )

يعنى لو حطينا جنس نهاوند زائد جنس حجاز .. حاينتج عندنا مقام النهاوند العادى ( الحجازى )

ولو غيرنا الجنس التانى وخليناه جنس كرد .. حاينتج عندنا مقام نهاوند كردى ..

ولو غيرنا الجنس الأول وخليناه راست .. مع الإحتفاظ بالجنس الثانى ( حجاز ) .. حاينتج لنا مقام ( سوزناك )

وهكذا .. فتغير التتراكورد أو الجنس .. يغير المقام ..

وهنا يأتى سؤال ليطرح نفسه .. كيف نعرف المقام ؟

هناك طريقتان لمعرفة المقامات ..

الطريقة الأولى .. معرفة أبعاد كل مقام .. أى معرفة المسافات بين نغمات المقام .. وذلك بقراءتها على المدرج الموسيقى ..

وكل مقام تختلف أبعاده أو مسافاته عن الأخر ..

وعلشان مانلفش وندور .. ممكن نرجع لدروس النوتة الموجودة فى المنتدى .. لنعرف أماكن النغمات على المدرج الموسيقى .. وكذلك المسافات بين نغمات كل مقام ..

الطريقة الثانية .. معرفة المقام عن طريق السمع .. يعنى بودانك ياشاطر ..

لأن لكل مقام وقع معين ومميز فى الأذن .. وهذه لاتأتى إلا بالخبرة .. وسماع الأغانى والموسيقى بكثرة .. ومقارنة مانسمعه مع مانعرفه من المقامات ..

وماتقلقوش .. كل ده حانعرفه بالصوت والصورة .. وحانحاول نستطعم كل مقام فى ودانا ..

ياللا .. ذاكروا الدرس كويس وإهضموه .. علشان نكمل الحكاية .

ملحوظة .. مش عايز حد يسأل سؤال بره الدرس .. علشان ماأبطحش نفسى عليه ..
محمودسعد
03/08/2009, 03h17
ممكن اسأل سؤال برئ ؟

من غير مايكون فيه هفوه مني ؟
هو عنوان الموضوع المقامات الموسيقيه
طيب ؟
ماتيجوا نتكلم في المقامات بطريقه فلاحي كده او حتي صعيدي لامؤاخذه
يعني ايه البياتي من غير ماشوفه علي البيانو او الاورج ؟
اسمعه ازاي وايه هو ؟ ومش مهم هو بيتكون من ايه ؟ المهم هو ايه ؟ وبيتقال ازاي ؟
والصبا والرصد والنهاوند والسيكا
وغيرهم
وبعد كده نخش عالتقيل اللي هو علم النغم او الطبقات زي الدو والري والمي والفا صول لا سي
متهيالي هاتفرق كتير؟
والالاتي سيدمن يوجه والدلباني طبعا
الألآتى
03/08/2009, 04h49
يعني ايه البياتي من غير ماشوفه علي البيانو او الاورج ؟
اسمعه ازاي وايه هو ؟

ماشى ياعم محمود .. نخش على الفايدة ..

الملف الموجود فى المرفقات .. فيه الطريقة إللى تخليك تعرف المقام من غير نوتة أو آلة موسيقية ..
غازي الضبع
03/08/2009, 04h58
الدرس الثانى جاهز ..





يا عم الحاج .. خلينا في حتة واحدة عشان مانتلغبطش
وبعد ما الدروس تكتمل .. ليك عليا هاجمعهالك واظبطهالك
وإن شاء الله ننزلها في كتاب كمان ..
اصبر شوية ، وخلينا هنــــــــا
ما تستعجلش على رزقك
غازي الضبع
03/08/2009, 05h09
يتكون من إتنين ( تتراكورد ) ..





هنا عندي سؤال ..
يعني الـ تتراكورد دي .. نصف سلم
يعني مثلا أول أربع نغمات يبقوا تتراكورد ، والأربعة التانيين يبقوا التتراكورد الباقي ..
ولا إيه ؟


وتسمى فى الموسيقى العربية ( جنس المقام )

يعنى لو حطينا جنس نهاوند زائد جنس حجاز .. حاينتج عندنا مقام النهاوند العادى ( الحجازى )

ولو غيرنا الجنس التانى وخليناه جنس كرد .. حاينتج عندنا مقام نهاوند كردى ..

ولو غيرنا الجنس الأول وخليناه راست .. مع الإحتفاظ بالجنس الثانى ( حجاز ) .. حاينتج لنا مقام ( سوزناك )

وهكذا .. فتغير التتراكورد أو الجنس .. يغير المقام ..


هل نفهم من كده إن جنس المقام هو نصف المقام .. اللي قولنا عليه فوق :rolleyes:
وبعدين ايه النطة الجامدة دي يا عم .. الحجاز والسوزناك والراست والنهاوند العادي ( الحجازي ) .....
خضتنا يا عم :eek:
الألآتى
03/08/2009, 07h37
حاضر ياغازى .. حانقل الدروس هنا .. بس عايز تفاعل علشان أحس إنى عملت لكم حاجة مفيدة ..


هنا عندي سؤال ..


يعني الـ تتراكورد دي .. نصف سلم
يعني مثلا أول أربع نغمات يبقوا تتراكورد ، والأربعة التانيين يبقوا التتراكورد الباقي ..
ولا إيه ؟




التتراكورد ليس نصف سلم .. إنما نصف أوكتاف .. لأن فيه فرق بين السلم والأوكتاف ..

السلم هو سبعة درجات نغمية .. أما الأوكتاف فهو سلم زائد درجة .. يعنى ثمانية درجات ..

ويبقى عندنا الأربع نغمات الأولى من الأوكتاف عبارة عن تتراكورد

والأربعة نغمات الثانية .. تتراكورد تانى ..




هل نفهم من كده إن جنس المقام هو نصف المقام .. اللي قولنا عليه فوق :rolleyes:


الجنس هو نصف المقام فعلاً .. ويعنى أربع درجات نغمية ..

يبقى المقام فيه جنسين .. جنس أصلى وجنس فرعى .. وبتغير هذه الأجناس ينتج لنا المقامات المختلفة


وبعدين ايه النطة الجامدة دي يا عم .. الحجاز والسوزناك والراست والنهاوند العادي ( الحجازي ) .....
خضتنا يا عم :eek:

مافيش نطة ولا حاجة .. دى كانت مجرد أمثلة لتغير الأجناس .. وبعدين حانتكلم على المقامات دى بالتفصيل .. ماتقلقش .
Islam Eidrisha
03/08/2009, 07h41
الله ينور يا أستاذ محمد
ونحن بانتظار سماع باقي نماذج المقامات -بعد ما سمعنا نماذج من البياتي- للمقارنة بين المقامات وتلك المقارنة من شأنها تثبيت كل مقام في الأذن وفصله عن غيره من المقامات للقياس عليه فيما هو قادم عند سماع أغنيات لأول مرة.
غازي الضبع
03/08/2009, 07h45
سيب حكاية التفاعل دي عليا أنا

**
طيب .. احنا كده فهمنا إن التتراكورد أو جنس المقام هو نصف أوكتاف أو أربع نغمات
بس إنت ما جاوبتنيش
هل هم أول أربع نغمات في المقام
ولا أي أربع نغمات
ولا الأربعة اللي على اليمين ، ولا إللي على الشمال
يعني .. أعرف منين جنس المقام ؟؟
الألآتى
03/08/2009, 07h49
الله ينور يا أستاذ محمد

ونحن بانتظار سماع باقي نماذج المقامات -بعد ما سمعنا نماذج من البياتي- للمقارنة بين المقامات وتلك المقارنة من شأنها تثبيت كل مقام في الأذن وفصله عن غيره من المقامات للقياس عليه فيما هو قادم عند سماع أغنيات لأول مرة.




ماتستعجلش ياإسلام .. إنت عارف إن هنا فيه عالم مخها تخين حبتين .. ياواش ياواش .
الألآتى
03/08/2009, 07h55
سيب حكاية التفاعل دي عليا أنا


**
طيب .. احنا كده فهمنا إن التتراكورد أو جنس المقام هو نصف أوكتاف أو أربع نغمات
بس إنت ما جاوبتنيش
هل هم أول أربع نغمات في المقام
ولا أي أربع نغمات
ولا الأربعة اللي على اليمين ، ولا إللي على الشمال
يعني .. أعرف منين جنس المقام ؟؟

نقول كمان .. عشان الحبايب ..

بما إننا بنتكلم عن المقامات الشرقية .. خلينا فى الأجناس .. وسيبك من التتراكورد ده .. لأن ده مصطلح غربى ..

ماشى ..

المقام بيتكون من جنسين .. الجنس الأول يسمى الجنس الأصلى أو جنس الجذع .. خلاص .. طيب

وده يبدأ من درجة المقام الأولى .. وتسمى درجة الركوز .. يعنى نعد من بداية سلم المقام .. 1 ، 2 ، 3 ، 4 ..

ده جنس الأصل ..

بعد كده .. نعد من الدرجة الخامسة للمقام .. 1 ، 2 ، 3 ، 4 .. ده جنس الفرع

وصلت ولا لسه ..
عثمان دلباني
03/08/2009, 08h51
وهذه نماذج صوتية للكلام اللي سبق الحديث فيه


السلم الموسيقي و نشوف ما المقصود بـ :

الديوان الاول (غليظ ) و الثاني( متوسط) و الثالث (حاد )
عثمان دلباني
03/08/2009, 08h56
و هنا نسمع الى :

الجنس الاول : فا ، مي ، ري ، دو

الجنس الثاني : دو ، سي ، لا صول


السلم الموسيقي دو، سي، لا، صول فا، مي، ري، دو
عثمان دلباني
03/08/2009, 08h58
نتعرف على الجنس الاول و الجنس الثاني من مقام البياتي ثم نموذج بسيط من أغنية من مقام البياتي
unicorn
03/08/2009, 14h07
[/CENTER]

ماشى ياعم محمود .. نخش على الفايدة ..

الملف الموجود فى المرفقات .. فيه الطريقة إللى تخليك تعرف المقام من غير نوتة أو آلة موسيقية ..

........يا للهول :eek:
طيب شوف حتة التفاعل دى يا استاذ محمد أنا فهمت البياتى كدة ( طبعا ما فهمتوش لانه لسة ما اتقالش أكاديميا ) بس أقصد فى ودانى صح كدة ؟؟
النهر الخالد ( مسافر زاده الخيال......... ) بياتى
فكرونى ( كلمونى تانى عنك............. ) بياتى
جرَّبت زينة و عزيزة ما جوش معايا بياتى
دول مؤقتا لو ماشى كدة صح أقدر أعرف تانى
لو ماشى غلط بقى يبقى هابطل آكل فول أنا كمان:crazy:
عادل فؤاد رفاعى
03/08/2009, 15h58
مع انى مجال دراستى الهندسة الميكانيكية لكن بالصراحة الميكانيكا اسهل من علم الموسيقى.. الموضوع طلع صعب قوى :mdr:
غواص النغم
03/08/2009, 16h55
زمان سهرتي وتعيبتي وشيلتي
دي اغنية ست الحبايب اعتقد كلها بياتي
مش عارف ليه كل ما اسمع مقام البياتي يجي في بالي اللون البني والحجاز لون الرمال والنهاوند احمر على بمبي:crazy:
وفيه كمان استفسار في اغنية فوق غصنك يا لمونة يوجد موال قبل الكوبليه الثالث سمعت مرة في اذاعة المنستير بتونس زمان ان هذا الموال اللي بيقوله فريد وسط غنوة فوق غصنك يالمونة بيدرس او بيتعلموا منه طلبة المعهد الموسيقي المقام
لأن فريد بيقول المقام وبيحافظ عليه ولا يخرج عنه .
انا نسيت مقام ايه لكن ممكن يكون مقام البياتي صح؟

سؤال تاني:
حضرتك قلت انه فيه مقامات فرعية
ماهي المقامات الأصلية وماهي المقامات الفرعية او ماهي الأجناس الأصلية والأخرى الفرعية _لو السؤال سابق لأوانه ممكن تؤجل اجابته _
وكم عدد المقامات اللي يقدر نميزها عن بعض؟يعني هل توجد مقامات نادرة او طريقها صعب تمييزه؟
وهل توجد مقامات غنائية مهجورة؟

وشكرا للفنان محمود سعد اللي بسببه سمعنا الدرس صوتيا
اما اسمع بقى ملفات الاستاذ عثمان
ابو حسام
فكرتني بفوازير الخاطبة لما نيللي تقول نقول تاني:mdr:
ربنا يعطيك الصبر على اسئلتنا
:emrose:تحياتي:emrose:
غازي الضبع
03/08/2009, 17h53
مش عارف ليه كل ما اسمع مقام البياتي يجي في بالي اللون البني والحجاز لون الرمال والنهاوند احمر على بمبي



يا سلام عليك يا منعم
تصدق أنا كمان لما أسمع اسماء المقامات بييجي في ذهني بعض الألوان
بس مختلفة شوية عن ألوان مخيلتك
ولو إني ماليش في الألوان
يعني ماعرفش جل أسماء الألوان
لكن مقام نهاوند بيفكرني باللون اللي مقتبسه فوق ده :rolleyes:
أما الحجاز ( وهو من أحب المقامات إلى قلبي ) بيفكرني باللون اللي باكتب بيه السطر ده
( ويا ريت حد يقوللي ده لونه إيه ؟ ) :(

***

الله ينور يا شباب
زي ما توقعــت :emrose:
غواص النغم
03/08/2009, 18h11
يا سلام عليك يا منعم
تصدق أنا كمان لما أسمع اسماء المقامات بييجي في ذهني بعض الألوان
بس مختلفة شوية عن ألوان مخيلتك
ولو إني ماليش في الألوان
يعني ماعرفش جل أسماء الألوان
لكن مقام نهاوند بيفكرني باللون اللي مقتبسه فوق ده
أما الحجاز ( وهو من أحب المقامات إلى قلبي ) بيفكرني باللون اللي باكتب بيه السطر ده
( ويا ريت حد يقوللي ده لونه إيه ؟ )

***

الله ينور يا شباب
زي ما توقعــت :emrose:

اللي فوق لون النهاوند اعتقد انه نهاوندي :mdr: هذا لون البنفسج الخافت
اعتقد انه لونه فستقي:cool:
وهذا باذنجاني:mdr:
عفاف سليمان
03/08/2009, 19h06
شوفوا بقه ممكن ادخل الفصل ده معاكم
ولا اروح لابله الناظره واقول لها تذنبكم
ولا اقول للمدير المدرسه يضربكم كام عصايا حلوين
انا عن نفسى هقعد فى اخر تخته ورااااااااا خالص
علشان انا بليده جدااااااااااااااااا فى الموسيقى
يعنى بسمع حلو وكل حاجه وبغنى كمان بس المقامات
والسلالم دى انا كنت هقع من عليها وانا بقرائها امال لما ادرسها
والاوسط واللذى منه
شوفوا انا مش بأكل فول خالص علشان القولون لكن بجد
انا تنحت مكنتش اعرف ان الموسيقى صعبه قوى كده دا دراستى كانت اسهل بكتير
لكن اكيد بالصبر هنتعلم
انا عن نفسى بحب اعمل شجره او ارسم شجره
ايه رائيكم لو كل درس عرفناه نرسمه فى ورقه كبيره كشجره
والله اكيد هنتعلم حاجه
اما بخصوص انى هقعد اخر الفصل واخر تخته
علشان محدش ياخذ السندوتشات بتاعتى
وكمان ابقى اخر واحده تنضرب اوك
هههههههههههه
بجد والله جميل مجهوداتكم
الاستاذ محمد الالاتى
والاستاذ عثمان دلبانى
ربنا يكرمكم بالخير
ومن بكره هبداء ان شاء الله برسم الشجره:crazy:
بس بالله عليكم واحده واحده لحسن انا اتخن مخ هنا:mdr:
تحياتى لكم جميعا
يمكن افلح فى حاجه
على فكره
انا عندى اورج ياماها بتاع حماده ابنى ممكن اكتب عليه ال دو وال رى وا ل مى وال فا يعنى السلم الموسيقى
وعندى كمان اكورديون بتاع حماده وجيتار
بس اكيد هيبقى الاسهل لى الاورج:rolleyes:
يارب يكرمكم بالخير
اختكم التلميذه الجديده فى فصل اولى اول
عفاف:)
غازي الضبع
03/08/2009, 19h15
شوفوا بقه ممكن ادخل الفصل ده معاكم
ولا اروح لابله الناظره واقول لها تذنبكم
ولا اقول للمدير المدرسه يضربكم كام عصايا حلوين
انا عن نفسى هقعد فى اخر تخته ورااااااااا خالص
علشان انا بليده جدااااااااااااااااا فى الموسيقى
يعنى بسمع حلو وكل حاجه وبغنى كمان بس المقامات
والسلالم دى انا كنت هقع من عليها وانا بقرائها امال لما ادرسها
والاوسط واللذى منه
شوفوا انا مش بأكل فول خالص علشان القولون لكن بجد
انا تنحت مكنتش اعرف ان الموسيقى صعبه قوى كده دا دراستى كانت اسهل بكتير
لكن اكيد بالصبر هنتعلم
انا عن نفسى بحب اعمل شجره او ارسم شجره
اسيه رائيكم لو كل درس عرفناه نرسمه فى ورقه كبيره كشجره
والله اكيد هنتعلم حاجه
اما بخصوص انى هقعد اخر الفصل واخر تخته
علشان محدش ياخذ السندوتشات بتاعتى
وكمان ابقى اخر واحده تنضرب اوك
هههههههههههه
بجد والله جميل مجهوداتكم
الاتساذ محمد الالاتى
والاستاذ عثمان دلبانى
ربنا يكرمكم بالخير
ومن بكره هبداء ان شاء الله برسم الشجره:crazy:
بس بالله عليكم واحده واحده لحسن انا اتخن مخ هنا:mdr:
تحياتى لكم جميعا
يمكن افلح فى حاجه
على فكره
انا عندى اورج ياماها بتاع حماده ابنى ممكن اكتب عليه الدو والرى والمى والفا يعنى السلم الموسيقى
وعندى كمان اكورديون بتاع حماده وجيتار
بس اكيد هيبقى الاسهل لى الاورج
يارب يكرمكم بالخير
اختكم التلميذه الجديده فى فصل اولى اول
عفاف

إيه يا عفاف ؟
كل ده رغي من أول حصة
مش شايفانا قاعدين لابسين المريلة ، ومركزين في الدروس
هاتشوّشري علينا من أولها
إوعي تكوني من النوع اللي بيشـَوشر على اللي جنبه ، ويروح هو يذاكر دكاكيني ..
روحي اقعدي في الدكة اللي هناك دي ، وطلعي كراسة الموسيقى المتجلـّدة بجلاد بمبي
وركزي .. يمكن تفهمي حاجة وتيجي تفهميني بعد كده :o
لحسن أنا قاعد متنح تـتنيحة ما يعلم بيها الا ربنا :(
عفاف سليمان
03/08/2009, 19h42
ماشى يا غازى يا خويا بس اولا انا هجلد الكراسه بيج لون المريله وكمان عملت شنطه من نفس القماش تيل ناديه
ههههههههههههه وبعدين انا مش هشوشر والله عليكم انا هقعد ساكته خالص وهستخبى تحت التخته واكل السندوتشات بسرعه بعدين حد يخطفهم منى ولا حاجه علىل الاقل يساعدونى على الفهم
بص بقه:rolleyes:
حبه جد
ايه رائيكم لو تجربوا الشجره
يعنى كل درس كتب نكتبه فى ورقه كبيره
ونحاول نلخصه كرسمة شجره
والله احيانا بعمل كده فى مذكرتى
وبتفلح
وبتحفر فى الذاكره;)
الورقه والقلم خير معين
لكن قراءه العين ممكن تتنسى لكن اى حاجه بحب احفظها بالورقه والقلم
حتى الانجلش كنت بحفظه كده ومكنتش بتكلم كتير علشان كده ممكن انطق بعض الكلمات غلط بس بكتبها صح:crazy:
تحياتى لكم جميعا بالتوفيق
اختكم عفاف:o
الألآتى
03/08/2009, 21h16
........يا للهول :eek:

طيب شوف حتة التفاعل دى يا استاذ محمد أنا فهمت البياتى كدة ( طبعا ما فهمتوش لانه لسة ما اتقالش أكاديميا ) بس أقصد فى ودانى صح كدة ؟؟
النهر الخالد ( مسافر زاده الخيال......... ) بياتى
فكرونى ( كلمونى تانى عنك............. ) بياتى
جرَّبت زينة و عزيزة ما جوش معايا بياتى
دول مؤقتا لو ماشى كدة صح أقدر أعرف تانى
لو ماشى غلط بقى يبقى هابطل آكل فول أنا كمان:crazy:


معلش يامحمد .. طلعت أوت منك المرة دى ..

النهر الخالد ( كرد )

فكرونى ( راست )

زينة عبد الوهاب ( حجاز )

زينة فريد الأطرش ( صبا )

عزيزة ( كرد )

ماتستعجلش .. لازم تكتسب الخبرة .. مش من أول مرة ..

الطريقة إللى أنا قولتها .. علشان تحس وتستطعم المقام .. لكن معرفة مقام الأغنية .. محتاج شوية تدريب .
الألآتى
03/08/2009, 21h18
مع انى مجال دراستى الهندسة الميكانيكية لكن بالصراحة الميكانيكا اسهل من علم الموسيقى.. الموضوع طلع صعب قوى :mdr:


مافيش حاجه صعبة ياأستاذ عادل على الغاوى ..
الألآتى
03/08/2009, 21h31
زمان سهرتي وتعيبتي وشيلتي

دي اغنية ست الحبايب اعتقد كلها بياتي


فعلاً .. الأغنية كلها بياتى .. فيما عدا تحويلة قصيرة جداً فى أخر كل كوبليه .. بيستخدم فيها عُربة صغيرة ويعود للبياتى مرة أخرى ..


مش عارف ليه كل ما اسمع مقام البياتي يجي في بالي اللون البني والحجاز لون الرمال والنهاوند احمر على بمبي:crazy:


علشان كده بيسموا المقامات .. ألوان الموسيقى .. أو بيشبهوها بالألوان ..


وفيه كمان استفسار في اغنية فوق غصنك يا لمونة يوجد موال قبل الكوبليه الثالث سمعت مرة في اذاعة المنستير بتونس زمان ان هذا الموال اللي بيقوله فريد وسط غنوة فوق غصنك يالمونة بيدرس او بيتعلموا منه طلبة المعهد الموسيقي المقام
لأن فريد بيقول المقام وبيحافظ عليه ولا يخرج عنه .
انا نسيت مقام ايه لكن ممكن يكون مقام البياتي صح؟



الموال إللى أنا سمعته من مقام العجم .. وبيحول لأكتر من مقام داخل الموال .. لكم مش بياتى .



سؤال تاني:
حضرتك قلت انه فيه مقامات فرعية
ماهي المقامات الأصلية وماهي المقامات الفرعية او ماهي الأجناس الأصلية والأخرى الفرعية _لو السؤال سابق لأوانه ممكن تؤجل اجابته _


طبعاً .. فيه مقامات أصلية ومقامات فرعية .. والسؤال سابق لأوانه جداً .. سأجيب عليه فى الوقت المناسب ..



وكم عدد المقامات اللي يقدر نميزها عن بعض؟يعني هل توجد مقامات نادرة او طريقها صعب تمييزه؟
وهل توجد مقامات غنائية مهجورة؟



عدد المقامات الأصلية والفرعية كتير جداً .. ولايمكن حصرها ..

وتوجد بالفعل مقامات نادرة .. ومقامات مهجورة .. وسأجيب على كل ذلك فى الوقت المناسب



ابو حسام
فكرتني بفوازير الخاطبة لما نيللي تقول نقول تاني:mdr:
ربنا يعطيك الصبر على اسئلتنا
:emrose:تحياتي:emrose:


لازم أصبر عليكم .. وإلا ماأنفعش مدرس ..
unicorn
03/08/2009, 21h47
معلش يامحمد .. طلعت أوت منك المرة دى ..



عرفت لما بحثت عن مقام النهر الخالد انه كرد
دى مش طلعت اوت و بس , دة انا جبت جون فى نفسى كمان :(
طيب ,
يمكن لو عملتلنا كام مقام بنفس الطريقة يا استاذ محمد , الفرق بينهم يبان
معلش يا باشا ,
انت عارف ان العقول متيسة و الودان عايزة تزييت:mdr:
ربنا يخلليك لينا يا أستاذ محمد:emrose:
و يبارك فى الاستاذ عثمان:emrose: على شرحه الهايل فى هذا الموضوع
unicorn
03/08/2009, 21h53
اللي فوق لون النهاوند اعتقد انه نهاوندي :mdr: هذا لون البنفسج الخافت
اعتقد انه لونه فستقي
وهذا باذنجاني

اه ,
دة شئ جميل أوى ,:rolleyes:
أفهم من كدة انك انت و غازى يا منعم فهمتوا المقامات كويس و هضمتوها تمام و شغالين دلوقتى فى التشطيب ,
بتلونوا المقامات و بتدهنوها بوية ,
مش تراعوا ان فيه عالم فاشلة معاكوا ؟؟:mad:
صحيح الناس مقامات
غازي الضبع
04/08/2009, 06h27
معلش يامحمد .. طلعت أوت منك المرة دى ..


النهر الخالد ( كرد )

فكرونى ( راست )

زينة عبد الوهاب ( حجاز )

زينة فريد الأطرش ( صبا )

عزيزة ( كرد )

ماتستعجلش .. لازم تكتسب الخبرة .. مش من أول مرة ..


الطريقة إللى أنا قولتها .. علشان تحس وتستطعم المقام .. لكن معرفة مقام الأغنية .. محتاج شوية تدريب .

هههههههههههههه
إيه يا ماندو ده ؟
ده إنت نقيت كل المقامات ماعدا البياتي :mdr:
عفاف سليمان
04/08/2009, 06h38
يا جماعه واحده واحده بالله عليكم
سيبوا الاستاذ الالاتى يشرح لنا حاجه حاجه
انتم عمالين تسئلوا اصبروا يعنى احنا لما دخلنا اولى ابتدائى
اتعلمنا على طول نكتب كلمه مشبكه
ولا اخدنا حرف الالف مره بالفتحه ومره بالكسره ومره بالضمه وهكذا حتى تعلمنا الحروف الابجديه
هى بقته كام دلوقتى:mdr:
براحه على استاذنا الالاتى والاستاذ عثمان
علشان بس ما يبانش اننا مش فاهمين
حته حته
الله يسعدكم هاه استاذنا الالاتى :emrose:
الاستاذ عثمان:emrose:
الله بعونكم علينا واستحملونا
وصباحكم جميعا فل وياسمين
ذاكرواااااااا وركزوا
والمفروض اخر الاسبوع يبقى فيه امتحان كل واحد له سؤال خاص به علشان نشوف اتعلمنا حاجه ولا لسه
انا عارفه نفسى اخر واحده
تحياتى
اختكم عفاف:)
غازي الضبع
05/08/2009, 10h13
معلشي يا جماعة
الموضوع توقف شوية الكام ساعة اللي فاتوا
هاه ..
كنا بنقول إيه ؟
abuzahda
05/08/2009, 10h46
ساعات باحس إن الموضوع بسيط قوي ..
الأغنية دي من مقام كذا ..
وشكراً
..
لأ ..
شكرا مين .. ؟
ده في الحتة الفلانية قلب على مقام كذا .. وبعدين استعمل السلم الفلاني عشان ينقل على المقام العلاني
واستعمل الغماز ، والحساس
ودخل على جنس المقام ، وبعدين الفرع
وابصر إيه ، ومادريك إيه ؟؟؟
وبعدين دخلنا في سكة المقامات الشرقية ، والغربية
والربع تون ، والثلاث اربع تون ...
وإدِّيني يا بني كرد الـ فا
طب اشمعنى كرد الـ فا ، يعني ماينفعش كرد الـ دو
ومعنى كده إن كل مقام هاينبثق منه سبعة مقامات
يعني هل هايبقى فيه منه
كرد دو ، وكرد الـ ري ، كرد الـ مي ،،،،، إلى كرد الـ سي
ويا ريت على كده وبس ..
شوية وتلاقي الحجاز مع البياتي بيعملوا مقام جديد اسمه الترالاملم
والـ نهاوند مع الراست هايجيبوا مقام صغير ويسموه فوزي
إيه يا عم ده ؟؟
مش لاعب

ده الموضوع طلع كبير قوي ومعقد قوي قوي قوي
..
ده غير بقى شوية المقامات اللي تسيح النافوخ ..
إيشي سوزناك ، وإيشي زنجران ، وإيشي سيكا ، وهزام ، وراست ، والـ حسيني والـ صبا والجمال ..
شوية ومانكتـفيش بإسم واحد ..
تخش بقى على راحة الأرواح ، وملبس الأفراح

لا .. لا .. لا


فيها لاخفيها


م الآخر .. أنا عايز أتعلم اللعبة دي
إن شالله نعملها على حلقات ، ودروس ، وواجب ، وتذنيب ، وضرب كمان ( ع الهوا )
...
ويا سلام لو الموضوع مايقتصرش على الأغاني فقط ..
يا ريت كمان نتعلم من قراءات القرآن الكريم

...
ونشوف في النهاية .. هانتعلم أنا وأمثالي ولا لأ ؟
يا ريت أساتذتنا الموسيقيين يتبرعوا لنا بهذه الدروس المجانية ( تحتيها خط أهوه .. عشان ماحدش يتعشم في حاجة )



جايلك يا عمّي ياسين:emrose: ، و جايبلك برشامة (للمراجعة مش للغش)
بس اوعى الأستاذ يشوفها ، أنا سمعت عن الموضوع من ابو مندور:emrose: ، جيت جري . خاصة و انا غاوي اتعلم .
سيدنا الشيخ سمعجي:emrose: قفل كتّاب الأوزان ، قلت اتعلم مزيكا ، و اهو الاتنين اخوات .

الموضوع ،فكرته عظيمة ، تناسب جمالك و عِلم و أستاذيّة المايسترو:emrose: الغالي

هسيبك تراجع البرشامة لغاية ما اخدلي جولة
unicorn
05/08/2009, 10h54
جايلك يا عمّي ياسين:emrose: ، و جايبلك برشامة (للمراجعة مش للغش)

فى الجون دى يا استاذ سيد:emrose: ,
برشامة صح الصح , شكلها كدة من مخلقات سيادة الرئيس :emrose:
انا اللى كنت محتاجها و الله
unicorn
06/08/2009, 01h08
استاذ محمد الالاتى ,
انت نسيتنا و لا إيه ؟؟
يا ريت يا باشا تتفضل تكمل ,
أنا بإذن الله هابعت أجيب الأورج من الواد ابن اختى عشان الشغل يبقى على ميه بيضة.
غازي الضبع
06/08/2009, 19h29
جايلك يا عمّي ياسين:emrose: ، و جايبلك برشامة (للمراجعة مش للغش)
بس اوعى الأستاذ يشوفها ، أنا سمعت عن الموضوع من ابو مندور:emrose: ، جيت جري . خاصة و انا غاوي اتعلم .
سيدنا الشيخ سمعجي:emrose: قفل كتّاب الأوزان ، قلت اتعلم مزيكا ، و اهو الاتنين اخوات .

الموضوع ،فكرته عظيمة ، تناسب جمالك و عِلم و أستاذيّة المايسترو:emrose: الغالي

هسيبك تراجع البرشامة لغاية ما اخدلي جولة

الله

الله

الله

الله

الله






إيه الملف الجامد ده يا عم سيد

يا حبيب الكل

الله يرضى عليك يا شيخ
abuzahda
06/08/2009, 21h15
الله




الله




الله




الله




الله









إيه الملف الجامد ده يا عم سيد

يا حبيب الكل

الله يرضى عليك يا شيخ





و الله يا ابو فاس:emrose: ، أنا رفعته و انا بقدم ماوس و بأخر كيبورد (حلوة دي)
لكن لاقيته عجب حبيبي ماندو:emrose: ، مع إنه مالهوش علاقة بسيادة الرئيس:emrose:
و بعدين عجبك (الله يطمن قلبك) ، و الحقيقة إن عندي مجموعة مشابهة من الملفات ، مقسمها على حسب المقامات ، و ذلك لرغبتي المتجددة في معرفة سر السماع ، و يعلم الله أن معرفتي بالمقامات معرفة سطحيّة ، أتمنى تعميقها .
فلما لمحت موضوعك الرائع هذا ، إستبشرت خيراً ، فلما وجدت الأستاذ الألاتي:emrose: قد أقبل مُعلماً ، زادت فرحتي .
و سوف ألتزم بالحضور النظامي ، تلميذاً يُحسِن التعلم . فإن وجدت مناسبة لرفع أي ٍ مما لدي من الملفات سأستأذن الأستاذ في رفعها .
غازي الضبع
06/08/2009, 21h36
و الله يا ابو فاس:emrose: ، أنا رفعته و انا بقدم ماوس و بأخر كيبورد (حلوة دي)
لكن لاقيته عجب حبيبي ماندو:emrose: ، مع إنه مالهوش علاقة بسيادة الرئيس:emrose:
و بعدين عجبك (الله يطمن قلبك) ، و الحقيقة إن عندي مجموعة مشابهة من الملفات ، مقسمها على حسب المقامات ، و ذلك لرغبتي المتجددة في معرفة سر السماع ، و يعلم الله أن معرفتي بالمقامات معرفة سطحيّة ، أتمنى تعميقها .
فلما لمحت موضوعك الرائع هذا ، إستبشرت خيراً ، فلما وجدت الأستاذ الألاتي قد أقبل مُعلماً ، زادت فرحتي .
و سوف ألتزم بالحضور النظامي ، تلميذاً يُحسِن التعلم . فإن وجدت مناسبة لرفع أي ٍ مما لدي من الملفات سأستأذن الأستاذ في رفعها .

أوكيــــــــه يا كبيـــــــــــــــر
طب ممكن ترسل لي بعضهم على الإيميـــــــــــل
إلهي ينجحلك المقاصد :emrose:
الألآتى
07/08/2009, 05h22
فى الدرس السابق .. إتكلمنا عن معنى لفظ مقام .. ومما يتكون المقام ..

اليوم حانتكلم عن المقامات بشئ من التفصيل ..

قسم الموسيقيين المقامات إلى عائلات وفصائل .. لسهولة حصرها ..

سأضع لكم اليوم .. رؤوس هذه العائلات .. يعنى عميد كل عائلة .. وبعدين حانتكلم عن كل عائلة بالتفصيل ..

العائلات

الراست ، النهاوند ، الحجاز ، البياتى ، العجم ، السيكا ، النوا أثر ، الكرد ، الصبا

هذه هى المقامات الأساسية .. التى يتكون ويتفرع منها جميع المقامات التى نعرفها ..

تخيلوا أن عدد المقامات تعدى الأربعمائة مقام .. وكلها منشقة ومنبثقة من هذه الفصائل ..

والمسألة سهلة جداً .. هى عملية تباديل وتوافيق بين هذه المقامات الرئيسية .. فينتج لنا عدد لا حصر له من المقامات الفرعية ..

وحتى لاندخل فى حيطة سد .. حانتكلم عن كل مقام بالتفصيل ..
الألآتى
07/08/2009, 05h27
مقام الراست

مقام الراست ياجماعة هو أبو المقامات الشرقية .. وهو مرادف لسلم الميجور الغربى .. مع تغيير طفيف ..

وكلمة ( راست ) تعنى المستقيم .. يعنى لابيروح شمال ولا بيروح يمين .. ماشى زى القطر .. مابيحودش .. مالوش دركسيون .

والراست ياإخوانى يبدأ من درجة الدو .. يعنى درجة ركوزة ( نغمة الدو ) .. وإسمها بالفارسية ( راست ) ..

يعنى نفهم من كده .. إن مقام الراست .. غير نغمة الراست .. طيب

وإحنا قولنا قبل كده .. إن المقام يتكون من ثمانية درجات نغمية .. يبقى الراست يبدأ من الدو .. حتى يصل لنغمة الدو الجواب .. يعنى الدو إللى على اليمين .. ( دو ، سى ، لا ، صول ، فا ، مى ، رى ، دو ) ونقراها من الشمال لليمين .. إتعودوا على كده بقى ..

طيب .. إحنا قولنا إن الراست مرادف لسلم الميجور الغربى .. طيب إيه الفرق بينهم ؟

الفرق إن نغمة أو درجة المى فى الراست منخفضة ربع تون .. ونغمة السى كمان منخفضة ربع تون .. يعنى إيه الكلام ده ؟

من المعروف إن هناك مسافة صوتية بين كل نغمة وإللى بعدها .. يعنى لما بنقول دوووووو .. وبنقول رىىىىى

مابنقولهمش زى بعض .. لأ .. بنقول الرى بنغمة أعلى من الدو .. هى دى المسافة الصوتية .. وهناك نصف مسافة صوتية ..

وعند الشرقيين .. هناك ربع مسافة صوتية .. يعنى ربع تون .. هو ده الفرق بين الموسيقى الشرقية والغربية ..

والملف المرفق .. حايوضح كل إللى أنا قولته ..
عفاف سليمان
07/08/2009, 06h10
والله يا استاذنا محمد الالاتى:emrose:
الشرح جميل جدا بصوت حضرتك وواضح ووافى
وانا فهمت الحمد لله
بس بردوا هرسم شجره مفرعه منها المقامات
وان شاء الله بس استنى كل الشرح واكيد هلاقى حل لكل فرع من الشجرح ينبثق منه اى نغمه
واكيد هتبقى سهله جدا زى شرح حضرتك:emrose:
جزاك الله كل خير وكل سنه وحضرتكم والجميع طيبين وبخير
اختكم والتلميذه التى تحاول ان تجتهد اختكم عفاف
ياربى مفيش تلميذه كمان معايا تساندى لازم احقق النجاح :oعلشان ميبقاش شكلى وحش وسط اخوانى:mdr:
تحياتى للجميع
MOHAMED_SAFWAT
08/08/2009, 06h44
انا مش فاهم المسافات لانها كلها جت ورا بعضها
غازي الضبع
08/08/2009, 10h44
والله يا استاذنا محمد الالاتى
الشرح جميل جدا بصوت حضرتك وواضح ووافى
وانا فهمت الحمد لله
بس بردوا هرسم شجره مفرعه منها المقامات
وان شاء الله بس استنى كل الشرح واكيد هلاقى حل لكل فرع من الشجرح ينبثق منه اى نغمه
واكيد هتبقى سهله جدا زى شرح حضرتك
جزاك الله كل خير وكل سنه وحضرتكم والجميع طيبين وبخير
اختكم والتلميذه التى تحاول ان تجتهد اختكم عفاف
ياربى مفيش تلميذه كمان معايا تساندى لازم احقق النجاح :oعلشان ميبقاش شكلى وحش وسط اخوانى:mdr:
تحياتى للجميع

يادي أم الشجرة اللي عمـّالة تحنسِـينا بيها ولغاية دلوقتي ما رسمتهاش
يا ستي ارسميها وخلصينا :mdr:
unicorn
08/08/2009, 12h19
مقام الراست

مقام الراست ياجماعة هو أبو المقامات الشرقية .. وهو مرادف لسلم الميجور الغربى .. مع تغيير طفيف ..

والملف المرفق .. حايوضح كل إللى أنا قولته ..

ربنا يباركلنا فى عمرك يا مايسترو ,
الملف الصوتى مع الشرح الكتابى دة وصل الصورة بالظبط و عرفنا الراست تمام التمام ,
بس فيه نقطة صغيرة كنت عايز اسأل حضرتك عليها ,
موضوع درجة ركوز المقام دى غامضة حبتين , حضرتك قلت هى الدرجة اللى بيرتاح عندها اللحن , و بيقف فيها
بس بصراحة ما عرفتش بيرتاح ازاى يعنى , يعنى لو قلنا غنوة قولى حاجة ,
قولى حاجة أى حاجة ....قول باحبك قول كرهتك
قول .... قول .... قول و ما يهمكشى حاجة
قولى عايزك ... قولى بعتك
بس قولى أى حاجة .... أى حاجة
يا حبيبى
الللحن ارتاح هنا فين ؟؟؟ أو درجة الركوز عند أى كلمة من دول ؟؟؟
و بعدين عندى سؤال تانى , لازم اللحن اللى من مقام الراست يبتدى من الدو ؟؟؟
يعنى أول حرف يكون دو ؟؟؟
و لا ممكن يبتدى من أى حرف تانى فى السلّم بتاع الراست و يعدى فيه على الدو من خلال اللحن؟؟
ثالث سؤال الراست على الاورج هو الصوابع البيضاء بس , صح ؟؟؟ ( مع الربع تون طبعا)
شكرا يا مايسترو:emrose: يا كبير ,
انتظر بأة أمثلة التفاعل بتاعتى , و انت عارفنى بأة أمّا باتفاعل ,
ربنا يستر
الألآتى
08/08/2009, 12h47
أهو كده التفاعل ولا بلاش .. أسئلة فى صميم الدرس .. برافو يامحمد ..

نبدأ فى الإجابات ..


موضوع درجة ركوز المقام دى غامضة حبتين , حضرتك قلت هى الدرجة اللى بيرتاح عندها اللحن , و بيقف فيها

بس بصراحة ما عرفتش بيرتاح ازاى يعنى , يعنى لو قلنا غنوة قولى حاجة ,
قولى حاجة أى حاجة ....قول باحبك قول كرهتك
قول .... قول .... قول و ما يهمكشى حاجة
قولى عايزك ... قولى بعتك
بس قولى أى حاجة .... أى حاجة
يا حبيبى
الللحن ارتاح هنا فين ؟؟؟ أو درجة الركوز عند أى كلمة من دول ؟؟؟


اللحن هنا إرتاح على درجة الركوز .. إللى هى الدو .. عند كلمة ياحبيبى الأخيرة ..

وعموماً .. المفروض أن الجملة الموسيقية تنتهى على درجة الركوز .. وإذا إنتهت على درجة أخرى فى سلم المقام .. نقول عليها ( درجة معلقة ) ..




و بعدين عندى سؤال تانى , لازم اللحن اللى من مقام الراست يبتدى من الدو ؟؟؟

يعنى أول حرف يكون دو ؟؟؟
و لا ممكن يبتدى من أى حرف تانى فى السلّم بتاع الراست و يعدى فيه على الدو من خلال اللحن؟؟


مش لازم الجملة اللحنية تبدأ من درجة الركوز .. ممكن تبدأ من أى درجة داخل سلم المقام .. حسب رؤية الملحن ..

لأن لو كل ملحن بدأ من درجة الركوز .. لأصبحت الألحان كلها متشابهة .

فمثلا : أغنية فكرونى .. تبدأ بجملة ( كلمونى تانى عنك ) .. كلمة كلمونى بدأت من الدو .. يعنى من درجة الركوز

أما أغنية ( بدنا نتجوز ع العيد مثلاً ) .. تبدأ بكلمة ( بدنا ) .. نجدها بدأت من درجة اللا .. وليس الدو ..




ثالث سؤال الراست على الاورج هو الصوابع البيضاء بس , صح ؟؟؟ ( مع الربع تون طبعا)



أيوه صح .. علشان كده .. الراست .. إسمه المستقيم .. يعنى مافيش أصابع سوداء على البيانو .. ولو إن البيانو مايقدرش يقول راست ..

يالى شد حيلك وذاكر ..
Islam Eidrisha
08/08/2009, 13h25
الله الله يا عمنا ده مقام السلطنة والمزاج العالي
واللي هياخد باله من حتة السلطنة اللي في النص اللي بتميز الراست عن الميجور الغربي الجاف هيفهم معنى الربع تون
بس يا عم الآلاتي حضرتك قلت إن المقام ده كلمته واحده ودوغري وما بيحودش لا يمين ولا شمال دي بقى اللي عايزين نفهموها؟؟!! وياريت توضح لنا بأمثلة تانية لمقامات بتحود عشان نعرف الفرق.
معلش دي غلاسة بس حضرتك اللي قلت اسألوا؟
وطبعا كلنا في انتظار أبو مندور ينتع لنا كام مثال راست من بتوعه وانا متأكد المرة دي إن كلهم هيطلعوا بياتي :mdr: بنهزروا وياكوا يا ميدو :emrose: والله ده حضورك هو اللي خلى الموضوع لذيذ ودمه خفيف
فينك يا أبو فارس احضرنا يا عم
غازي الضبع
08/08/2009, 13h57
أنا أهوه يا سُلم
وهاتلاقوني لعلعت في مقامي الحجاز والصبا .. لإني باحبهما قوي
والكرد كمان .. ولا واني دايما اتلغبط فيه


الله ينور يا عم محمد يا كبير الالاتية
unicorn
08/08/2009, 18h28
شكرا جزيلا يا استاذ محمد على الاجابة الشافية الوافية الكافية ,
معلش بعد إذنك سؤال بايخ كمان ,
لما جينا خفضنا الربع تون للماجير عشان يبقى راست , المسافة بين المى و الفا نص تون فى الماجير , صح ؟؟؟
طيب مش المفروض تفضل المسافة هى هى بعد تغيير الربع تون ؟؟؟
لاننا غيرنا فى المى , و فى الفا كمان , يعنى المسافة المفروض تفضل ثابتة يعنى برضه نص تون , بعد ما غيرنا المى ( إلى مى إلا ربع ) و الفا ( إلى فا إلا ربع :crazy:)
يعنى المفروض بفضل فرق المسافة نص مسافة و ليس مسافة الا ربع بين المى و الفا و بين السى و الدو التى تليها ,
مش كدة و لا أنا دماغى سخنت:chut::eek:
يعنى تغيير الربع تون إذا تم على كل حروف مقام الماجير يبقى المسافة بين الدرجات لازم تفضل ثابتة ,
و لا إحنا بنغير الربع تون فى بعض الحروف فقط مش فى كل المقام ؟؟؟
غازي الضبع
08/08/2009, 18h38
شكرا جزيلا يا استاذ محمد على الاجابة الشافية الوافية الكافية ,
معلش بعد إذنك سؤال بايخ كمان ,
لما جينا خفضنا الربع تون للماجير عشان يبقى راست , المسافة بين المى و الفا نص تون فى الماجير , صح ؟؟؟
طيب مش المفروض تفضل المسافة هى هى بعد تغيير الربع تون ؟؟؟
لاننا غيرنا فى المى , و فى الفا كمان , يعنى المسافة المفروض تفضل ثابتة يعنى برضه نص تون , بعد ما غيرنا المى ( إلى مى إلا ربع ) و الفا ( إلى فا إلا ربع :crazy:)
يعنى المفروض بفضل فرق المسافة نص مسافة و ليس مسافة الا ربع بين المى و الفا و بين السى و الدو التى تليها ,
مش كدة و لا أنا دماغى سخنت:chut::eek:
يعنى تغيير الربع تون إذا تم على كل حروف مقام الماجير يبقى المسافة بين الدرجات لازم تفضل ثابتة ,
و لا إحنا بنغير الربع تون فى بعض الحروف فقط مش فى كل المقام ؟؟؟


إنت بتذاكر من ورانا يا واد :mad:
unicorn
08/08/2009, 18h38
وطبعا كلنا في انتظار أبو مندور ينتع لنا كام مثال راست من بتوعه



أنا أهوه يا سُلم
وهاتلاقوني لعلعت في مقامي الحجاز والصبا .. لإني باحبهما قوي
والكرد كمان .. ولا واني دايما اتلغبط فيه


الله ينور يا عم محمد يا كبير الالاتية



لا يا أخويا انت و هو ,
ما بناكلش من الكلام دة , تقعدوا هنا يبقى تجيبوا أمثلة زيي بالظبط ,
و أمثلة غلط كمان عشان ما يبقاش حد احسن من حد,
إنما ياللا يا ابو مندور ورينا أمثلة , ما بتتصرفش عندنا دى ,
و التانى اللى مستنى محطة الكرد و الصبا عشان يبقى يجيب أمثلة و بيقول ابقوا صحونى لما تيجى , انت فى اتوبيس يا عم ؟؟
ما تقوم يا جدع انت تجيب أمثلة , و لا انت عايز تستكردنى كل مرة ,
عيب عليك ,
باشكاتب يلعب على باشكاتب
unicorn
08/08/2009, 18h41
إنت بتذاكر من ورانا يا واد :mad:


اه , جبت الاورج بجد و قعدت اجرب الاغانى عليه , بس عقيم و مقرف
الألآتى
09/08/2009, 02h30
يعنى تغيير الربع تون إذا تم على كل حروف مقام الماجير يبقى المسافة بين الدرجات لازم تفضل ثابتة ,
و لا إحنا بنغير الربع تون فى بعض الحروف فقط مش فى كل المقام ؟؟؟


أمممممم .. كده إنت دخلت فى حيطه يامحمد ..

الخفض لايكون على كل الدرجات .. ولكن يكون على درجات معينة خاصة بكل مقام ..

فمثلاً فى الراست .. نخفض المى والسى فقط .. أى الدرجة الثالثة .. والدرجة السابعة .. طيب

نتكلم شوية فى الربع تون ..

المسافات الطبيعية فى السلم الموسيقى تكون كالآتى :

بين الدو والرى = مسافة كاملة ( تون )
بين الرى والمى = مسافة كاملة ( تون )
بين المى والفا = نصف مسافة ( نصف تون )
بين الفا والصول = مسافة كاملة ( تون )
بين الصول والللا = مسافة كاملة ( تون )
بين اللا والسى = مسافة كاملة ( تون )
بين السى والدو الجواب = نصف مسافة ( نصف تون )

هو ده السلم الطبيعى .. ولتقريب المسألة على البيانو أو الأورج ..

http://www.sama3y.net/forum/attachment.php?attachmentid=159543&stc=1&d=1249784992

سنجد أصابع بيضاء وأصابع سوداء .. سنلاحظ أن كل إصبع أسود موجود بين إصبعين أبيضان .. فى النص ..

لكن سنلاحظ أيضاً .. أنه لايوجد إصبع أسود بين المى والفا .. لماذا ؟

لأن المسافة الطبيعية بين المى والفا نصف تون .. فلا حاجة لوجود إصبع أسود بينهما ..

فلو أنقصنا المسافة بين المى والفا ربع تون .. ستصبح المسافة بين الرى والمى ثلاثة أرباع تون ..

لأننا عندما أنقصنا هذا الربع .. تحركت المى للخلف بقيمة هذا الربع وأصبحت أكثر إقنراباً من الرى ..

وفى نفس الوقت .. عندما تحركت المى للخلف ربع تون .. إبتعدت عن الفا بنفس القدر .. حلو

وبما أن المسافة الطبيعية بين المى والفا هى نصف تون .. فعندما تحركت المى للخلف ربع تون .. أصبحت المسافة بين المى والفا .. ثلاثة أرباع تون .. ونفس الحال بالنسبة لدرجة السى ..

وتبقى باقى المسافات كما هى بدون تغيير ..

وجدير بالذكر .. أن الدرجات المخفوضة .. تتغير حسب المقام المقصود ..

فهمت .. ولا نقول كمان .
الألآتى
09/08/2009, 02h32
اه , جبت الاورج بجد و قعدت اجرب الاغانى عليه , بس عقيم و مقرف



بالتأكيد .. الأورج الموجود عندك .. ليس به ربع تون .. لذا لايصلح لتعليم المقامات الشرقية .
unicorn
09/08/2009, 11h26
أمممممم .. كده إنت دخلت فى حيطه يامحمد ..

الخفض لايكون على كل الدرجات .. ولكن يكون على درجات معينة خاصة بكل مقام ..

فمثلاً فى الراست .. نخفض المى والسى فقط .. أى الدرجة الثالثة .. والدرجة السابعة .. طيب



تمام يا مايسترو , توقعت كدة برضه ,
يبقى فى الراست بنخفض المى و السى ربع تون عن الماجير.
أصل اتهيأهلى انك قلت المى و السى فى التسجيل على سبيل المثال يعنى .
الحمد لله انى سألت قبل ما ابتدى التفاعل:mdr:
الألآتى
09/08/2009, 12h19
الحمد لله إن الفكرة وصلت .. ذاكر بقى وهات أسئلتك ..

لأن يظهر مافيش طالب غيرك فى المحاضرات ..

حتى صاحب الإقتراح .. مهياص وكلمنجى على الفاضى .. ولا بيذاكر ولا حاجة أبداً .
غازي الضبع
09/08/2009, 12h49
حتى صاحب الإقتراح .. مهياص وكلمنجى على الفاضى .. ولا بيذاكر ولا حاجة أبداً .

أنا عارف كل حاجة بس مدكن
الألآتى
09/08/2009, 12h59
أنا عارف كل حاجة بس مدكن


طيب يافالح .. أفلح إن صدق ..

يعنى حانفاجأ بوجود محمد عبد الوهاب مرة أخرى معنا فى المنتدى ؟ .. خير وبركة .
عفاف سليمان
09/08/2009, 14h53
مساء الخير عليكم:emrose:
انا بقه مش هكذب عليكم انا لحد الان بقراء الموضوع فقط
شفتوا فى منتهى الصراحه اهه مش بقول لكم اقعد اخر تخته احسن:crazy:
بس بجد والله هخلى حماده يظبط لى الاورج بتاعه او ينفع الاكورديون بردوا ولا لا
وهذاكر بجد هخلى حماده يساعدنى واهو بالمره يتذكر الموسيقى بردوا لانه مهملها شويه
وربنا يوفق الجميع
مين عالم يمكن الحن ولا حاجه وانافس استاذنا الالاتى :mdr:
ربنا يكرمك استاذنا ابو حسام ويقويك علينا يارب:o
ويسعدكم جميعا بالخير
اخى غازى انا بجد هعمل الشجره ان شاء الله
اختكم عفاف
بوعاليا
16/09/2009, 17h34
السلام عليكم و رحمة الله و بركاتة
كل عام وحضراتكم جميعا بخير
انا عضو جديد فى المنتدى، وعجبنى الموضوع جدا، وماليش دعوه انا كمان عايز اقدم فى الفصل ده
بس لازم اشكر الاستاذ غازى على فتح هذا الموضوع وايضا اتوجه بشكر خاص للاستاذ/ محمد ، والاستاذ/ عثمان علي الشرح الجميل المبسط
بس بشويش عليا و تاتا تاتا
وعلى فكره انا بعرف اميز عن طريق السمع مقام النهاوند ، ومقام الصبا
محمد جمعة
16/10/2009, 22h00
اخواني تسمحولي اشارك في الموضع الشيق والجميل
لذا سوف اضع فهرس كل مقام
والان البيات
7-البيات
المقام
الجذع
درجة ركوز الجذع
الفرع
درجة ركوز الفرع
ملاحظات

98
عشاق فارسي
بيات
ره
فرحفزا
صول

99
عرضبار
بيات
ره
فرحفزا
لا
لا b أو بيكار
100
كلبهار
بيات
ره
نهاوند
فا
ره بيكار بالتبادل
101
دوكاه
بيات
ره
نهاوند
صول

102
نوا
بيات
ره
نهاوند
صول

103
نهافت
بيات
ره
نهاوند
لا

104
بوسلك عشيران
بيات
لا
نهاوند
ره
دو # أو بيكار بالتناوب
105
محير/حسيني
بيات
ره
رصد
صول

106
بياتي
بيات
ره
بيات
لا
كرد لا هبوطا
107
كوجك
بيات
ره
بيات
لا
صول # أو بيكار
108
عربان
بيات
ره
بيات
لا
لا b أو بيكار
109
نوا / طاهر بوسلك
بيات
ره
بيات
لا
ره بيكار بالتبادل
110
بياتين
بيات
ره
بيات
صول

111
حسيني عشيران/طبع الحسين
بيات
لا
بيات
ره

112
طاهر
بيات
ره
عجم
صول

113
دلناز
بيات
ره
عجم
لا

114
شاه ورك/عجم بياتي
بيات
ره
عجم
سي بيمول

115
دلدار
بيات
ره
عجم
لا

116
كردانية
بيات
ره
كرد
صول

117
كلزار/ بياتي غريب
بيات
ره
كرد
لا
لا b أو بيكار بالتناوب
118
بيات شوري
بيات
دو
حجاز
فا

119
كوليزار
بيات
ره
حجاز
صول

120
صبا
بيات
ره
حجاز
فا

121
سبهر
بيات
ره
حجاز
لا

122
مسجين
بيات
ره
*حجازغريب
صول

123
عشاق تركي
بيات
ره
سيكاه
سي 1/2بيمول

124
قارجغار/ دل آور
بيات
ره
نكريز
فا

125
زفرتين
بيات
ره
نكريز
صول

126
زيرفـكند
بيات
لا
نكريز
ره

127
شوق طرب ثاني
بيات
ره
صبا
صول

128
حصار
بيات
ره
حجازكار
فا

129
عرضبار
بيات
ره
جهاركاه
فا

130
نجدي حسيني
بيات
ره
جهاركاه
فا

131
نهفت
بيات
لا
جهاركاه
ره















*حجازغريب
ره - ميb - فا1/2 دييز - صول -لا - سي1/2 بيمول - و# - ره











بس يارب حد يطوع ويشرح لان العمل شاغلني هل اليومين
محمد جمعة
16/10/2009, 22h04
المقام الثاني هو الحجاز بس مع العلم انا عم اضيف فهرس كل مقام (اي تفريعات كل مقام) بدون ترتيب للجذر
6-الحجاز
المقام
الجذع
درجة ركوز الجذع
الفرع
درجة ركوز الفرع
ملاحظات

83
نياز
حجاز
ره
رصد
صول

84
حجاز زمزمة
حجاز
ره
نهاوند
صول

85
زنجران
حجاز
دو
عجم
فا

86
زينكولاه
حجاز
ره
عجم
لا

87
حجاز هميون
حجاز
ره
عجم
سيb

88
دلاور
حجاز
صول
نكريز
ره

89
حجاز
حجاز
ره
بيات
لا

90
حجازين
حجاز
ره
حجاز
صول

91
حجازكار
حجاز
دو
حجاز
صول

92
شهناز
حجاز
ره
حجاز
لا

93
شد عربان
حجاز
صول
حجاز
ره

94
سوزدل
حجاز
لا
حجاز
مي

95
عزال
حجاز
ره
صبا
لا

96
أوج حجاز
حجاز
ره
سيكاه
سي

97
حسين زمزمة
زمزمة
ره
بيات
لا








مقارنة بين النوا أثر والحجازين والحجاز كار (الانتباه إلى جنس الجذع و درجة ركوزه)
1
نوا أثـر
نكريز
دو
حجاز
صول

2
حجازين
حجاز
ره
حجاز
صول

3
حجازكار
حجاز
دو
حجاز
صول








*ذات المقام والتسمية تبعاً لدرجة ركوز الجذع
1
حجازكار
حجاز
دو
حجاز
صول

2
شهناز
حجاز
ره
حجاز
لا

3
شد عربان
حجاز
صول
حجاز
ره

4
سوزدل
حجاز
لا
حجاز
مي



يالله يا شباب بدنا همة
الألآتى
17/10/2009, 02h14
بداية .. أشكرك أخى العزيز على مجهودك ..

وأعتقد أنك تحاول وضع أكبر عدد من المقامات وتفريعاتها .. مع بيان أجناس كل مقام ..

ولكن هذه الطريقة الرأسية فى كتابة الأجناس .. تبعث على الملل سريعاً ..

يمكنك أن تنشئ جدولاً .. توضح فيه كل مقام وأجناسه بطريقة مبسطة ..

وسنكون لك من الشاكرين ..

أخى العزيز محمد جمعة ..

لقد سمعت فى شبابى مقولة من أحد أساتذتى .. تقول ( لا تعطى المتلقى أكثر مما يستطيع إستيعابه )

ومن يومها وأنا أضع هذه المقولة أمامى ..

طريقتك هذه ستجعل المتلقى ينفر ولن يتابعك ..

فأنت وضعت كماً كبيراً من المقامات فى مشاركة واحدة .. وبطريقة لا تشجع المتلقى على المتابعة .

يمكنك كتابة مقامان أو ثلاثة على الأكثر فى كل مشاركة .. مع شرحهم شرح وافى ..

وعندما يستوعبهم المتلقى .. تكتب غيرهم .. وهكذا ..

هذه الطريقة أحسن من هذا الزحام ..

أتمنى لك التوفيق ..
عفاف سليمان
17/10/2009, 08h00
بداية .. أشكرك أخى العزيز على مجهودك ..


وأعتقد أنك تحاول وضع أكبر عدد من المقامات وتفريعاتها .. مع بيان أجناس كل مقام ..

ولكن هذه الطريقة الرأسية فى كتابة الأجناس .. تبعث على الملل سريعاً ..

يمكنك أن تنشئ جدولاً .. توضح فيه كل مقام وأجناسه بطريقة مبسطة ..

وسنكون لك من الشاكرين ..

أخى العزيز محمد جمعة ..

لقد سمعت فى شبابى مقولة من أحد أساتذتى .. تقول ( لا تعطى المتلقى أكثر مما يستطيع إستيعابه )

ومن يومها وأنا أضع هذه المقولة أمامى ..

طريقتك هذه ستجعل المتلقى ينفر ولن يتابعك ..

فأنت وضعت كماً كبيراً من المقامات فى مشاركة واحدة .. وبطريقة لا تشجع المتلقى على المتابعة .

يمكنك كتابة مقامان أو ثلاثة على الأكثر فى كل مشاركة .. مع شرحهم شرح وافى ..

وعندما يستوعبهم المتلقى .. تكتب غيرهم .. وهكذا ..

هذه الطريقة أحسن من هذا الزحام ..


أتمنى لك التوفيق ..

اهم حاجه هو الجدول اكيد هيبقى اسهل واوضح للفهم:o
تحياتى للجميع:emrose:
اختكم عفاف:)
السنباطيي
19/10/2009, 15h39
استاذنا الكبير الالاتي
اولا المفروض اني اعمل معاكم دلوقتي احلي عركة حتي لو وصلت لوزير التربية مش هيهمني .. لية لاني من حوالي شهر وانا بدو علي الفصل بتاعكو وكتبت في قسم الاسئلة عن حد يساعدني في المقامات ومحدش عبرني وعموما
اسمحلي ادخل الفصل واوعدك هقعد ساكت ومش هعمل اي مشاكل :chut:
وهذاكر ... انا متعلم للعود والحمد لله اني لاقيت حضرتك بتشرح المقامات لانها مطلعة عيني ومش فاهم فيها حاجة
بصراحة شرح حضرتك جميل جدا جدا وسهل وجزاه الله الف خير استاذك لما قالك بشويش علينا كان عارف ان مخنا تخيين:crazy:
وانا انهادرة هطبق الي حضرتك قلت علية علي العود لانه فعلا شرح بسيط وجميل
ولي سؤال بسيط تخفيض الدرجة ربع تون قصدك في سرعة العزف ولا في تغير مكان العفق للبيمول ربع درجة ؟
ولي طلب كمان من حضرتك غلاسة باه اسحملونا اومال انتو استاذة ازاي لازم تستحمل ولا هقول للمدير انك ضرتني وهتبلي عليك وفي الاخر هينخصم من راتبك ولفت نظر في ملفك ,,,فمعلش احنا طلاب بتوع مشاكل ..
الطلب باه ايه هووووووووووووووا ؟؟؟؟؟؟؟؟؟؟؟؟؟
ربنا يخليك يا باشا :z044: :o نوته تدريب للمقام من اغنية او نوته لحته تقاسيم او حاجة نشرب بيها المقام
اسلام عاكف
23/11/2009, 16h00
ااسمحولي اني ادخل انا كمان الفصل ....انا كنت حاموت واعرف ازاي اطلع مقام لاي اغنية وكنت كل ما اسال حد يروح مشاورلي على ودانه على اساس اني كدة فهمت ...بس انا حاسس اني فاهم ...هي حلو وكداب بياتي ؟؟؟؟
ولا انا كدة ساقط ودان؟؟؟
الألآتى
24/11/2009, 17h58
ااسمحولي اني ادخل انا كمان الفصل ....انا كنت حاموت واعرف ازاي اطلع مقام لاي اغنية وكنت كل ما اسال حد يروح مشاورلي على ودانه على اساس اني كدة فهمت ...بس انا حاسس اني فاهم ...هي حلو وكداب بياتي ؟؟؟؟


ولا انا كدة ساقط ودان؟؟؟


لأ .. إنت كده ساقط ودان ياإسلام ..

هى ( كرد ) .. والذى جعلك تظن أنها بياتى .. أن الأستاذ محمود الشريف إستخدم طريقة الكروماتيك فى الجملة اللحنية .. أى أنصاف النغمات المتجاورة ..
منذر عبود
25/11/2009, 16h09
بسم الله الرحمن الرحيم
تحية إلى أستاذنا المايسترو محمد الآلاتي
أتمنى وضع شرح للتحويل بين المقامات أو التحويلات الشائعة السهلة
مثلا عندما أقسم حجاز أستطيع الإنتقال بسهولة الى راست نوى
أوعندما أكون راست أنتقل إلى صبا لا
أوعندما أكون عجم إلى نهوند لا أو صبا زمزمة لا .
وعندما أعزف النهوند انتقل إلى عجم مي
وعندما أعزف الصبا استطيع الانتقال الى عجم سي بيمول
الألآتى
25/11/2009, 19h41
بسم الله الرحمن الرحيم

تحية إلى أستاذنا المايسترو محمد الآلاتي
أتمنى وضع شرح للتحويل بين المقامات أو التحويلات الشائعة السهلة
مثلا عندما أقسم حجاز أستطيع الإنتقال بسهولة الى راست نوى
أوعندما أكون راست أنتقل إلى صبا لا
أوعندما أكون عجم إلى نهوند لا أو صبا زمزمة لا .
وعندما أعزف النهوند انتقل إلى عجم مي

وعندما أعزف الصبا استطيع الانتقال الى عجم سي بيمول


أهلاً أستاذ منذر ..

يسعدنى بالتأكيد شرح وتوضيح الإنتقالات المقامية ..

الأصل فى التحويلات .. هو تغيير الأجناس ..

مثلاً : عندما ننتقل من راست الدو إلى حجاز النوا .. فإننا نجدها إنتقالة طبيعية .. لماذا ؟

لأننا إنتقلنا من بداية الجنس الفرعى للراست ..

وعندما ننتقل من راست الدو إلى سيكا المى .. فإنها تكون أيضاً إنتقالة طبيعية ..

لأن السيكا إمتداد للراست .. وهذا واضح من إسم المقام .. لأن سى تعنى الثالث ..

وكاه .. تعنى مقام .. إذن .. السيكا هو المقام الثالث إنطلاقاً من الراست ..

ويمكننا الإنتقال عبر المقامات إعتماداً على هذه القاعدة ..

وهناك طرق متعددة للإنتقال بين المقامات

الطريقة الأولى : هى التى شرحناها .. وتعتمد على تغيير الأجناس والطبع ..

الطريقة الثانية : وهى طريقة الركوز .. أى ترتكز على نغمة معينة لبضع ثوان .. ثم تنطلق منها إلى أى مقام أخر

والهدف من هذه الطريقة .. هى تثبيت النغمة الجديدة فى أذن المستمع ..

الطريقة الثالثة : طريقة الكروماتيك .. وتعتمد على إستعمال أنصاف النغمات المتجاورة ..

ثم الركوز على بداية المقام الجديد ..

وتهدف هذه الطريقة إلى تشتيت أذن المستمع .. وتعمد نسيانه للمقام الأول ..

وهناك طرق أخرى يبتكرها الملحنون .. مثل الطريقة المباشرة .. أو الصادمة ..

والتى يلجأ فيها الملحن إلى الإنتقال المباشر دون تمهيد ..

وتعتمد هذه الطريقة على الإنتقال إلى المقام الجديد من نفس الدرجة .. أى من نهاوند الدو إلى كرد الدو مثلاً ..

الخلاصة : يجب أن تكون الإنتقالات طبيعية .. ليس فيها أى نشاز أو صدمة للمستمع .
منذر عبود
26/11/2009, 08h32
بسم الله الرحمن الرحيم
كل عام وأنتم بخير
أشكرك على هذا التوضيح وهو كافي ووافي استفدت أنا منه
مستر1400
08/01/2010, 01h50
في البداية أشكرك أستاذي الفاضل على ما تقوم به من مجهودات
عظيمة ، وعلى أسلوبك السلس في إيصال المعلومة بسرعة إلى المتلقي.

وأتمنى إكمال هذه السلسة الرائعة من الدروس الموسيقية...

وأعتذر عن مجيءِ متأخراً...

وأنا متابع بكل شوق لما تطرحه علينا من دروس.

.
عبووود
11/03/2010, 15h28
تحية كبيرة إلك إستاذنا العظيم

أنا معك خطوة بخطوة
ahmed_limo
23/03/2010, 09h43
استاذنا محمد ابو حسام ارجو منك متابعه الدرس لتعم الفائدة والمنفعه على جميع من بالمنتدي فأنا قرأت الدروس السابقة واستفدت كثيرا وتعلمت اشياءا اوضحت لي اشياءا اخرى فى الموسيقى وعلم النغم والمقامات واطمع فى كرم سيادتكم فى اكمال هذا البحر العلمي الثمين لعموم الفائدة واعدك بالتفاعل الجاد لأنني حقا اريد المعرفه وشكرا
ahmed_limo
24/03/2010, 03h05
فى أنتظار رد سيادتكم أستاذ محمد
الألآتى
24/03/2010, 22h33
فى أنتظار رد سيادتكم أستاذ محمد



إن شاء الله .. سأقوم بتحضير مجموعة من الدروس والمحاضرات ..

وحتى هذا الوقت .. يمكنك القيام بجولة فى أقسام الدروس وقواعد الموسيقى العربية ..

فهناك محاضرات للأخوة والأساتذة المتخصصين ..
ahmed_limo
25/03/2010, 00h51
بدأت جولة البحث فعلا ... وانتظر عودة الدروس مره أخرى بنفس الطريقة السلسله السهله لتوصيل بقية المقامات لكل من يريد واعتقد انني ليس بمفردي من يريد معرفة هذا العلم واتقانه وشكرا لك مرة اخرى
حسن كشك
30/06/2011, 14h57
الحمد لله انى مادخلتش مدرسة
المساعى المشكوره الموسيقية
لصاحبها الخوجه
محمد افندى الالاتى
الشهير بالمايسترو
حيث النتيجة
لم ينجح احد.... ولن ينجح احد
من جميع الطلبة الموجودين ... اصحاب العقول التخينة
وانا فضلت ما ادخلش فى دروس اللغة الصينية اللى كان محمد افندى بيشرحها
لأنى مش ها اروح الصين اساسا

بس بصراحة اللغة الصينية صعبه اوى
مش برضو كانت دروس فى اللغة الصينية
ولا كانت اليابانية
الألآتى
30/06/2011, 23h48
وإنت إيه إللى دخلك المدرسة دى أصلاً .. وإيه إللى فكرك بالموضوع ده دلوقتى
حسن كشك
01/07/2011, 11h03
وإنت إيه إللى دخلك المدرسة دى أصلاً .. وإيه إللى فكرك بالموضوع ده دلوقتى

كنت با تمشى فى المنتدى .... وتوهت .... لقيت نفسى قدام باب المدرسة .... قولت اخش اتفرج ..... ياحضرة الناظر .... لقيت كل التلامذه مزوغين ....
Hisham Khala
02/07/2011, 14h48
عظيم جدا أن الأستاذ حسن كشك أعاد الموضوع للنشاط ، فأنا للأسف الشديد لم ألحظه و لم أتوقع أن أجده في الصالون ، كنت أتصور أنه في أوضة السفرة!:mdr: لأنه وجبة دسمة و الظاهر أن الأكيلة شبعوا بدري و لم يلحوا علي عم الموسيقيين (الالاتي) أنه يستمر و يقدم الوجبات المسبكة ، الظاهر عاوزين وجبات تيك أواي؟
أستمر و القاعدة ها تحلي
marouen113
03/07/2011, 01h16
السلام عليكم
أنا مروان من تونس هاذي أولأيام ليا في المنتدى و بصراحة أصبحت مدمنا عليه لأني حبيت أتعلم الأورق و العود لكن الضروف ما سمحتليش و بصراحة أنا مبهور بك أستاذ الآلاتي الله يخليك كملنا بقية الدروس و مشكور
:)
محمد البدر
08/03/2012, 11h02
الى الاخوة الاعزاء في هذا المنتدى الرائع انا محمد من العراق انا من العاشقين لتعلم العزف على الاورغ
الى كل من لديه كتاب او دروس كاملة لتعليم المقامات من البداية المهم تكون متسلسلة ارجوا ارسالها او نشرها على المنتدى........ ولكم الشكر
أكرم يوسف
16/04/2012, 15h30
على حد فهمى حتى الان :

أولا: مقام الراست
-------------جنس الفرع------- -------جنس الأصل-------
دو-0.75- سى-0.75- لا-1- صول -1- فا-0.75- مى-0.75- رى-1- دو

ثانيا : سلم الماجير

دو-1- سى-0.5- لا-1- صول -1- فا-0.5- مى-1- رى-1- دو
ابراهيم قانون
18/11/2012, 00h41
استاذي الآلاتي شكرا لك على هذه الدروس

عندي استفسار بسيط لو سمحت لي به

لقد قلت ان لكل مقام جنسين ، الجنس الأول هو أول أربع علامات من المقام والجنس الثاني هو بقية الأربع علامات من المقام

ولكن أليس هناك مقامات تكون أجناسها بأول ثلاث علامات من المقام كما هو الحال في مقام راحة الارواح حيث ان الجنس الاول هو من السي نصف بيمول الى الري والذي هو سيكاه على السي نصف بيمول والجنس الثاني هو من الري الى الصول والذي هو حجاز على الصول ، اما آخر علامتين ( لا - سي نصف بيمول فلا يدخلان في تركيب الجنسين )

هل انا على حق أم ماذا ؟
الألآتى
18/11/2012, 02h50
استاذي الآلاتي شكرا لك على هذه الدروس


عندي استفسار بسيط لو سمحت لي به

لقد قلت ان لكل مقام جنسين ، الجنس الأول هو أول أربع علامات من المقام والجنس الثاني هو بقية الأربع علامات من المقام

ولكن أليس هناك مقامات تكون أجناسها بأول ثلاث علامات من المقام كما هو الحال في مقامراحة الارواح حيث ان الجنس الاول هو من السي نصف بيمول الى الري والذي هو سيكاه على السي نصف بيمول والجنس الثاني هو من الري الى الصول والذي هو حجاز على الصول ، اما آخر علامتين ( لا - سي نصف بيمول فلا يدخلان في تركيب الجنسين )


هل انا على حق أم ماذا ؟


مقام راحة الأرواح جمع متداخل .. مثل الهزام والصبا

ويكون هناك جنس ثالث (مكمل) لتكملة سلم المقام

وهناك الجمع المنفصل .. حيث يكون جنس الجذع أربع نغمات .. وجنس الفرع أربع نغمات منفصلة

وهناك أيضاً الجمع المتصل .. حيث يشترك الجنسان فى النغمة الرابعة
تميمي77
29/11/2012, 14h19
الى الاخوة الاعزاء في هذا المنتدى الرائع انا محمد من العراق انا من العاشقين لتعلم العزف على الاورغ
الى كل من لديه كتاب او دروس كاملة لتعليم المقامات من البداية المهم تكون متسلسلة ارجوا ارسالها او نشرها على المنتدى........ ولكم الشكر


هل تحب سعادتك ان نرسلها بالبريد المسجل ام العادي؟
abdelbassit
21/12/2012, 16h30
السلام عليكم
انا عبدالباسط من الجزائر
انا اعزف على آلة trumpet
صادفتني مشكلة في المقامات وهي اني لا استطيع دمج مقامين مع بعضهما البعض
مع العلم انا آلة الطرومبيت لا تحتوي على ربع الزمن
وان شاء الله تفيدوني
fahad-ali
23/03/2013, 12h15
شكرا لك أخي غازي
على إثارة موضوع المقامات وطرحك هذا الموضوع الهام
.
وبعد أن قرأت صفحات هذا الموضوع الرائع
لابد لي من تقديم كلمة الشكر والتقدير
للأخ المايسترو الرائع محمد الالاتي ابو حسام
أشكرك على ما تعلمته منك ،،، فعلا أنك مايسترو رائع
وكم تمنيت أن تكمل الدروس بشرح بقية المقامات الأصلية كما شرحت الراست
ثم تنتقل لأشهر المقامات المتفرعة منها وبالأخير طريقة الإنتقال من مقام لمقام
لتظل كنزا للجميع وحتى لمن لم يسجل بعد في المنتدى

كما أشكر الأخ عثمان على ماقدم وجميع من أثرى هذا الموضوع



:emrose:
المعمري
23/03/2013, 23h07
بسم الله.
الى الأستاذ الفاضل الألٱتي :
هل يمكن التحويل من مقام الراست على علامة الراست الى مقام الكرد على الراست ؟
شكرا.


وهل يمكن التحويل من مقام النهواند على علامة الراست الى مقام النهواند على النوا ؟
شكرا.
محمد التوراتي
21/01/2014, 17h59
بادئ ذي بدء شكرا للأستاذ المحترم على هذه الدروس الغنية والسلسة. ثانيا أعتذر لكل الإخوة المشاركين عن حضوري المتأخر لولوج هذا النقاش الشيق والمثمر. ثالثا أتأسف لعدم استمراريته منذ وقت طويل. هل هذا يعني أن الموضوع استنفد ما لديه؟ أكيد لا. فهناك الكثير لازال لم يذكر لحد الآن. أتمنى أن يعود أستاذنا لمواصلة مشروعه في التحليل ولك يا أستاذ كامل الشكر والتقدير على مجهوداتك.
أرجو ان يستعيد النقاش حيويته. ومن أجل ذلك لدي استفسار فيما يخص مقام الصبا.
قرار هذا المقام هو RE (الدوكاه). لكن عندما نتجاوز صعودا النغمات السبعة المكونة للمقام، أي عندما نصل إلى نغمة DO ونستهيب في الدخول إلى جواب المقام، تستهوينا نغمة RE بيمول أي المخفوضة بنصف بعد والتي تتناقض تماما ونظريا مع نغمة ركيزة الصبا: RE طبيعية. قد نقبل نظريا هذا التغيير، مثلا، في مقام الراست على DO لما نعزف LA بيمول بدل LA طبيعية التي تمثل ثاني نغمة من الجنس الثاني لهذا المقام. لأن الركيزة الذي تستريح عندها الأدن تختلف تماما عن النغمة التي طرأ عليها التغيير. لكن لما يتعلق الأمر بتغيير نغمة ركيزة المقام ونحن لا نزال في نفس المقام، فهذا ما يطرح أكثر من علامة استفهام.
مرة أخرى شكرا للجميع وكذا القائمين على المنتدى
ahmednehad
21/02/2015, 22h36
شكرا جدا استاذ محمد الالاتى
لقد افدتنا جميعا افادة كبيرة
و نتمنى التكملة ..
محمد روز
26/02/2015, 10h21
فعلا الموضوع معقد وبدات اكره الموسيقى بسببه انا مبتدىء بعزف العود والحمد الله ودنى الى حد ما موسيقية محتاجة بس اسنفرها شويه واعرف نوتة بنسبة كويسة لكن موضوع كثرة اسماء المقامات وبالنهاية يطلع المقام هو نفس المقام الاخر الاختلاف فقط بدرجة الركوز ارجو من السيادة الموسيقيين المحترميين بان يفيدونا ويعطونا الخلاصة اقصد المقامات الاساسية الكافية لكى اتعلم العود كويس :emrose:
محمد روز
26/02/2015, 10h29
ربنا يخليك لينا ياستاذ ومقدرش اقول غير عماااااااااااااااااااار يامصر:emrose:
El mago Silva
10/05/2015, 02h07
السلام عليكم .. عندي سؤال ولا أعرف إن كان هذا هو مكانه أم لا
حاولت أطرحه كـ موضوع مستقل .. لكن عضويتي للأسف لا تملك تصريح

سؤالي هو مالفرق بين المونولج والطقطوقة والدور والموشح؟
وهل تعتبر هذهـ الأنواع كلها تندرج تحت مسمى الأغنية المكبلهة .. أم المكبله نوع آخر من الأنواع؟

أعرف سؤال يحتاج إلى تفصيل .. لكن الجواب المختصر الواضح يكفي
ويا حبذا تعطوني مثال على كل نوع من الأنواع

" باقي شوية وأقول الاختبار مدته ساعة :mdr: "

.
tawfiqdawara
26/03/2016, 01h01
اسعدالله اوقات الجميع بكل خير.
انااحب ان اعرف بالنسبةلمقام النهوند.ليه صعودالمقام يختلف عن نزوله
ولماذاسميةبالنهوندالكبيروالنهوندالصغير
Tareq64
23/09/2019, 16h37
دكتور انا جيت متأخر، فجأه لقتني بلعب في 54 سنه مع اني هاوي عزف عود بقالي 40 سنه ومكملتش في المعهد العالي دراسات حره عشان عيب ولما اجيب حد يسمعني يقولي يا سلام اغنية عبد الحليم دي حلو اوي واكون انا بعزف لام كلثوم احبط واحطم واحس اني عايش في الكون لوحدي ، الحمدلله اني لقيت منتداكم
نجمرالدين ناجي
30/03/2024, 10h59
السلام عليكم طبعاً انا اليوم دخلت على الموضوع بتاريخ 30 مارس 2024 والمفاجأة أن الموضوع غير مكتمل للأسف:(