المساعد الشخصي الرقمي

مشاهدة النسخة كاملة : العاشق لما يكون غاوي

علاء طه ياسين
28/07/2009, 18h30
:emrose::emrose:
ناسية تقولي حتي سلام ؟
ولاّ ماعادشي بينا كلام ؟
ولا البعد داس الأحلام ؟
ولاّ تكوني نسيتي انا مين !!؟
...
انا حواديت حلوة وحكاوي
وكتابي مليان بغناوي
والعاشق لما يكون غاوي
يصبح واحد م المجانين
...
وانتي المية وانتي الزاد
وانتي الفرْح ف كل ميعاد
يا حبيبتي طول ما احنا بعاد
اللحظة بتساوي سنين
...
يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية
نموت علشانك منتحرين
...
بتضفري شعرك بالنور
وتطبطبي ع الأرض تدور
وانا قلبي زي العصفور
من غيرك شارد وحزين
:emrose:
...
..
.
علاء
د أنس البن
28/07/2009, 18h47
يا سلام يا سى علاء على كده نغم
تعرف انى شايفها من مقام كرد
حاجه كده زى عودت عينى بتاعت الست
:emrose:
ايهاب عامر
28/07/2009, 18h54
:emrose::emrose:

ناسية تقولي حتي سلام ؟
ولاّ ماعادشي بينا كلام ؟
ولا البعد داس الأحلام ؟
ولاّ تكوني نسيتي انا مين !!؟
...
انا حواديت حلوة وحكاوي
وكتابي مليان بغناوي
والعاشق لما يكون غاوي
يصبح واحد م المجانين
...
وانتي المية وانتي الزاد
وانتي الفرْح ف كل ميعاد
يا حبيبتي طول ما احنا بعاد
اللحظة بتساوي سنين
...
يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية
نموت علشانك منتحرين
...
بتضفري شعرك بالنور
وتطبطبي ع الأرض تدور
وانا قلبي زي العصفور
من غيرك شارد وحزين
:emrose:
...
..
.
علاء


السلام عليكم ورحمه اللة وبركاته
اخى الفاضل الاستاذ علاء
جميله كلماتك
الموسيقى تخرج من بين الكلمات فى سلاسه

يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية
رائعه اخى الكريم هذه الجزئيه
تقبل خالص تحياتى
علاء قدرى
28/07/2009, 19h01
...
انا حواديت حلوة وحكاوي
وكتابي مليان بغناوي
والعاشق لما يكون غاوي
يصبح واحد م المجانين


الشاعر الغنائى علاء طه :emrose:
جميلة الاغنية ؛ والمقطع ده بالذات جميل غنى و ثرى ؛ وبيختصر حاجات كتيرة
اغنية خفيفة و جميله :emrose:
تسلم كلماتك:emrose:
حمدي السمر
28/07/2009, 19h07
ناسية تقولي حتي سلام ؟
ولاّ ماعادشي بينا كلام ؟
ولا البعد داس الأحلام ؟
ولاّ تكوني نسيتي انا مين !!؟
...
علاء



الغالي الحبيب : علاء يا سين

والله ابدا ماليها حق ... معقول تجي ماشيه فيك ساي كدا
ولا حتي سلام ... غلطانة يابيه :mdr: طبعا بهظر:crazy:
الله عليك يا فنان
ومع كل نص جديد نحن بنستفيد وبنستمتع معاك اكتر
شكرا لسماعي الذي هذب ذوقي وجعلني استمتع بكم
هاك دي :emrose:
NAHID 76
28/07/2009, 19h57
بسم الله الرحمن الرحيم
الغنائى علاء ياسين
تصور معى محمد رشدى وهو بيغنى وبيقول بالموال
أه والعاااااشق لما يكون غااااوى
جميل الكوبليه ده وكل الأغنيه جميله والرتم ماشى فى انسجام واحد
تحياتى أيها الموهوب ونحن فى الأنتظار
وشوف أخوك ايهاب كاتب لك أيه
أنت كسبت ايهاب فى تجارب أدبيه وعرفنا نشد رجله لتجارب أدبيه
:emrose:
دى ورده لايهاب اللى مشرفنا
تحياتى
علاء طه ياسين
29/07/2009, 11h49
الأب الحنون الغالي
د. أنس

أنا بقا اللي ..
عودت عيني علي رؤياك ..
كل موضوع جيد بقا برد حلو منك ..
فلو مش أجدت ف قصيدة ..
رد برضو ولسوعني بكرباج كلامك ..
....
من ناحية مقامات التلحين ..
اسمح لي أرفع هذه الاستغاثة إلي الملحنين ..
...
انتوا يا بتوع الآلآت
الربابة والنايات
لحنوا لي غنوة واحدة
ولاّ محتاجة حسابات ؟؟

انا باكتب في العواطف
حاكيًا كل المواقف
اللي بتثير العواصف
جوه ف قلوب البنات

لو ف أيام الحامولي
كانوا قَطْعًا لحنولي
اعمل ايه ياناس قولولي
يعني اسرح بملايات ؟
.....
أنا متشكر جدا ليك يا د. أنس
علي غمرك ليا بعطفك وكرمك
اقبل مني هاته الزهرة :emrose:
ابنك
علاء
علاء طه ياسين
29/07/2009, 11h56
أخي
الأستاذ الفاضل
إيهاب عامر
:emrose:
ردك جميل يروي عطاشا ..
ويملي دنيايا بشاشة ..
ومش عاوزها تكون مرة ..
بعدين تطنشنا يا باشا ..
...
اقبل مني وردة :emrose:
هي مني لصداقة وحب دائم
علاء
علاء طه ياسين
29/07/2009, 12h07
الفاضل ..
الرائع ..
أخي ..
علاء قدري
.......................
بجد ومش هزار
إنتم شعراء كبار
أساتذة مخضرمين
ليكم كل اعتبار
بنقرالكم يا سيدنا
بنحس بالانبهار
تمشوا قدامنا واحنا
نمشي علي الآثار
................................
شكرا جدا علي ردك اللي أسعدني ..
واسمع مني ..
وقول ..
:emrose:
قلب العاشق فدائي
بيقول العشق دائي
وبين حائي وبائي
انا راضي أموت قتيل
يتكعبل في المهالك
وبيهدم الممالك
ولو طريقه سالك
الخطوة بألف ميل
........................
نقول غير كده
........................
العشق مرض غبائي
ومن اولي ابتدائي
قولتله دع سمائي
مش عاوز اموت قتيل
ومادام هذا كذلك
مالي إذن ومالِك
يا ام العيون ممالك
ما تضحكيش لأميل
..........................
تقبل مني بكل رضا حب هذه الوردة :emrose:
لأنني أقدمها لك بكل رضا وحب
.................
علاء
علاء طه ياسين
29/07/2009, 12h17
حبيبي وأخي حمدي ..
..........................
دي آخر حتة كتبتها .. هدية ليك ..
.............................
انتي ف قلبي من جواه
ياللي هوي عيونك أغواه
والعطر ف شعرك أغراه
رغم البعد ورغم الآه
:emrose:
يا نسيم داير في الأكوان
انتي ف قلبي قمر عطشان
واللي شابكنا ف بعض الآن
جرح يا حلوة انتي دواه
................................
عارفك بتحب الشعر جدا ..
انت زيي ..
بتحب الحب وشعر الحب ..

واتمني علي الله تعالي
أن يدوم هذا الحب الذي هو في الله ..
يدوم إلي الأبد ..
ولا ينقطع ..

جمعنا الله معك علي خير
اقبل هديتي :emrose:
علاء
علاء طه ياسين
29/07/2009, 12h28
المدهشة الإطلالة
مدام ناهد

....
...
..
.
طبعا مش يحلي أي موضوع من مواضيعي ..
إلا بوجودك ..
الوردة دي ليكي مني :emrose:
تعبير عن المودة والاعتراف بالجميل ..
أما أخونا الأستاذ إيهاب ..
فشرفني وجوده ورده علي موضوعي ..
وباتمني أشوفه دايما ..
وأسعد برأيه ..
............
طبعا .. عدي العمر .. وسرقتنا السنين ..
وافتكرتها .. وكتبت لها دي ..
واسمحيلي اهديهالك يا مدام ناهد ..
........
الدنيا ساعات بتفرقنا
تسرق أحلامنا وتسرقنا
وف بحر الحزن تغرقنا
وتفوت أيامنا وتعدي
:emrose:
ونعيش انا وانتي ف حكاية
ملهاش لابداية ولا نهاية
وتشيب في الراس 100 شعراية
ولا حيلتي حاجة ولا بيدي
:emrose:
والقلب مازال قلب العيّل
لو شافك تضحكي بيميّل
وباحس الكون كله قليّل
لما بايدك تلمسي خدي
:emrose:
مدام ناهد
دامت لكم الصحة والعافية في ظل أسرتكم السعيدة..
علاء
ايهاب عامر
29/07/2009, 18h32
وشوف أخوك ايهاب كاتب لك أيه
أنت كسبت ايهاب فى تجارب أدبيه وعرفنا نشد رجله لتجارب أدبيه
:emrose:
دى ورده لايهاب الى مشرفنا
تحياتى

السلام عليكم ورحمة الله وبركاته
مدام ناهد
شكرا جزيلا على هذه الكلمات
صدقينى الجميع كسبان عندما تطالع عيونهم كلمات تطرب الآذان وتسعد القلوب وتحرك المشاعر بغض النظر عن كاتبها فما بالك والكاتب هو احد مرتادى سماعى
تجارب ادبيه مكسب لكل مرتادى المنتدى
ما انا إلا متذوق بسيط لكمات الاخوان
والله يا ست الكل كثيرا ما اطالع موضوعات وتعجبنى لكن قد لا اجد كلمات تعبر عن اعجابى ولذلك اخرج دون ان اكتب ردا
وايضا قد لا يعجبنى بعض ما اقرأه
وهذا هو جمال الفن
نسبيته
فما يعجبنى قد لا يعجب غيرى والعكس صحيح
لكم منى باقه ورد
http://www.sama3y.net/forum/attachment.php?attachmentid=158238&stc=1&d=1248892620

تقبلوا جميعا خالص تحياتى
رغـد اليمينى
29/07/2009, 19h41
ناسية تقولي حتي سلام ؟


ولاّ ماعادشي بينا كلام ؟
ولا البعد داس الأحلام ؟
ولاّ تكوني نسيتي انا مين !!؟
...
انا حواديت حلوة وحكاوي
وكتابي مليان بغناوي
والعاشق لما يكون غاوي
يصبح واحد م المجانين
...
وانتي المية وانتي الزاد
وانتي الفرْح ف كل ميعاد
يا حبيبتي طول ما احنا بعاد
اللحظة بتساوي سنين
...
يا ام الضحكة الحلوة الصافية
والهمسة الدلوعة الدافية
يا ام عيون حلاوتهم كافية
نموت علشانك منتحرين
...
بتضفري شعرك بالنور
وتطبطبي ع الأرض تدور
وانا قلبي زي العصفور
من غيرك شارد وحزين
...
..
.
علاء



http://up1.mlfnt.net/images/7s6xc8eybh9xw8vu1mi.gif (http://up1.mlfnt.net/)

الشاعر الغنائى

صاحب قيثارة العِشق والجمال

والحروف المغناه الأستاذ


((( علاء يــسّ )))


مساؤكَ بِعطر زنبقة بنفسجية


.:.العاشق لما يكون غاوى .:.


كلماتها رقيقة المعنى جميلة الحرف إستمتعتُ بها بهذا المساء

كترنيمة ليلية على أوتار السهر داعبت نسائم الوجد

ولآن دائماً حروفك الصادقة تكتمل بهاءاً عندما

تغلفها ببعض عِطرك المُركز


فأخشى على أنفاسى وهى تستنشقه


ملاحظة بسيطة لا تنقص من جمال حرفك أو قلمك


فى هذا المقطع

يا ام عيون حلاوتهم كافية

نموت علشانك منتحرين


" ما بلاش حكاية الإنتحار دى " !!


وليقينى بأنك تملك الكثير الكثير من المفردات

والتعابير الجميلة لإستبدال هاته الكلمة مانوهت

لذلك ..وأيضاً لما بها من إضعاف النغمة المصاحبة للكلمات



دمت ودام عِطر قلمِكَ تنتشى له الأفئدة بسلاسة وشفافية

مع وافر التحايا العطرة مقرونة بالودّ:emrose:



http://up1.mlfnt.net/images/by4etz98qylcbgnl4v8.gif (http://up1.mlfnt.net/)
علاء طه ياسين
29/07/2009, 20h07
يا ام عيون حلاوتهم كافية
تطيّب جرح ف قلب ياسين
.....
صاحبة الكلام الذي يأتي من سماواتٍ علوية ..
رغد اليمني
:emrose:
مساؤك نسمة تأتي من مجموعة نخيل ..
تتمايل عند سفح الجبل الشرقي ..
فتنعش ليلتنا الحارة ..
...
وجودك أشبه بطلة القمر ..
في ليلة حالكة السواد ..
بل وجودك أجمل ..
.......................
نزلت عند رأيك ..
لأنني فعلا وجدت أن مشاهد الانتحار ..
لا تتوافق مع العشق والهوي ..
وكان لدي خيارات كثيرة ..
مثل
بتكسّر كل الموازيين
تملا الدنيا شوق وحنين
ترمي العطر علي الياسمين
تطيّب جرح ف قلب ياسين
وغيرها
واخترت الأخير
وعسي أن أكون اخترت الأفضل
...
أشكرك علي اهتمامك بقراءة القصيدة
والنغبشة فيها
وليس غريبا علي مبدعة مثلك
الغوص في أعماق الكلمات

اقبلي مني باقة ورد :emrose::emrose::emrose:
اعترافا بالفضل ..

علاء
Tarek Elemary
30/07/2009, 07h14
علاء يس .... (العاشق على روحه)
تذكرنى دوماً بقصة عبدالوهاب مع ((قلة الجيران)) خلف المشربية المغطاة بشال أبيض و ظن أنها معشوقته التى تنتظره يومياً
و وجه العلاقة هو إستعدادك الدائم للعشق ... و غزل المعشوقة و هو شئ مبهر و جميل ... هذا الكم اللانهائى من صور و أخيلة العاشق الولهان و نادراً المقهور فى حبه
يخيل إلى أنك من فرط إستعدادك للعشق ممكن تكتب شعر فى ربوة صخرية تصبيرة (لحد ما تفرج) حتى تلقى المحبوبة فتكتب فيها
أيها الولهان دوماً ... تطرب الدنيا بشعر العاشقين
تقبل تحياتى
علاء طه ياسين
30/07/2009, 08h12
أخويا الكبير
طارق العمري
:emrose:
بعد فترة من غيابك ..
صباح الفل والورد عليك ..
ردك رسم ضحكة عليا ..
أضحك الله سنك ..
وأسعدك الله دائما ..
....
انا يا اخويا لا ابرأ نفسي من جريمة الحب ..
الجريمة إني ما أحبش ..
وعارف اني باحاول اخلي حبيبتي كائن سماوي ..
بيفيض رقة وطهر وعذوبة وبراءة ..
ومليانة سحر وغموض ..
يمكن الحياة الخالية من الهموم ..
الماشية ببساطة بدون مشاكل من أي نوع ..
هي اللي خلتني كده ..
يمكن قراءاتي لللأساطير وألف ليلة وليلة وتأثري باللي فيها ..
خلاني كده ..
يمكن ويمكن ويمكن ..
بس أنا فعلا عندي استعداد أحب حتي حجر ..
وأخليه أحلي شيء في الوجود ..
...
لكن
...
نفسي اللي أكتبه يسعد اللي يقراه ..
أو علي الأقل يطلعه من همومه شويتين ..
..
.
أخي طارق
دائما يسعدني تواجدك ..
ودائما أتشرف بردودك ..
وباحبك يا اخي ..
علاء
سعدالشرقاوى
30/07/2009, 12h35
شقيق روحى الاستاذ/علاء طه
معلهش يا علوه غصب عنى النت الهوائى مزهقنى شويه
وبيوصلنى نصف ساعه كل 100ساعه
ولم اتمكن من المشاركة والردود
وانت عارف صاحبك شايل حاجات يامه ربنا يعطيك العافية
والحياة قاسيه من غير مراره ولوز وزايده واشياء كتيره
نحمدالله على كل حال
فمعزرة لغيابى عليك وردى على هذه الابداعة العظيمه
والتى تعودنا دائما على امثالها من المبدع علاء
واستمتعت بردود الاخوه اللى كلهم يكنون لك التقدير
ياريت ما تسيبناش تانى
علاء طه ياسين
30/07/2009, 22h52
شقيقي وأخي
سعد الشرقاوي
:emrose:
:emrose::emrose:
:emrose:
انا وانت والفضل لله أولا وأخيرا ثم لمنتدي سماعي
اتقابلنا وكأننا ولدتنا أم واحدة
واتفرقت بينا الطرق
واتجمعنا تاني
...
يعلم الله باللي في قلبي من حب ناحيتك
أسأل الله أن يجمعنا دائما علي خير
في حبه وحب رسوله
وطول ما انت معايا ياشقيقي
كل الأمور تهون
علاء
farida91
01/08/2009, 10h42
جميلة جدا كلماتك
تسلم يمنااك
علاء طه ياسين
01/08/2009, 12h24
الفاضلة
farida

أرحب بك ترحيبا يليق بحضورك لأول مرة في مواضيعي
بإهدائك هذه الزهرة
:emrose:
فاقبليها
.....
وأشكرك جدا علي إطرائك لكلماتي
وأتمني أن تكون أدخلت سعادة إلي قلوب الجميع
....
وأدعو الله أن يحفظك دائما
ونود رؤيتك دائما ناقدة ومشجعة
شكرا لك
علاء
عفاف سليمان
03/08/2009, 12h51
يا سلام يا سى علاء على كده نغم

تعرف انى شايفها من مقام كرد
حاجه كده زى عودت عينى بتاعت الست
:emrose:

طيب اقول انا ايه بعد كلام استاذنا واديبنا الدكتور الجميل د أنس:emrose:
الله يسعدك كما بتسعد عيونا بكلماتك الجميله الغنائيه
فين الملحننين يا ناس يلحنوا:crazy:
الله يسعدك دائما بالخير:)
تحياتى لابداعك واحساسك المرهف الجميل
واوقات سعيده فى سماعنا الجميل
اختكم عفاف