الــســاقطــيـن

[ناصر دويدار]

الساقطين
سقطنا فى الإمتحان
مع إننا غشينا فى كل المواد
برشمنا صورة الخرايط
وعناوين البلاد
ومبادئ الثورات
ونتايج الأعداد
وضحكة الحكام
برشمنا إن وكان
برشمنا أفعال الخيانة
برشمنا إعراب الشعوب
والنصب والمنصوب
والجر والمجرور
والضم والمكسور
برشمنا أناشيد الخطابة
وقصايد المتنبى
وألف ليلة وليلة
وقصصنا الطويلة
وشجرة العيلة
برشمنا صوت الادان
ودعوة المظلوم
برشمنا الشهادة
والزكاة والصوم
برشمنا أركان العبادة
كتبنا ع الجدران ... علب السجاير
ورقة الكبريت والتُخت والمساطر والبلاط
كتبنا ع الدراعات والكتف والكفين
برشمنا كل الأمتحان
تحت العقال والطرحة والمناديل
والكاب وعلبة المكياج
برشمنا كل المواد تحت الحزام
برشمنا صيغة أستأذان
ندخل الحمّام نغش م البرشام
برشمنا كل الكلام
وسقطنا فى الأمتحان
قُلنا أعتمدنا عليك يا غش
قُلنا أعتمدنا على طيبة الأعداء
والضحك ف الوش
وخوزايق الوراء
قلنا أعتمدنا ع الشطارة والطهارة
والفرس والسيف
قُلنا أعتمدنا ع الأصدقاء العزاز
والمراقبين اللذاذ
سقطنا ف الأمتحان
والكحك مالى الشهادة
والأكادة لسه بنقاوح
وكاتبين أستمارة أحتجاج للوزارة
لسانا معترضين أننا كتبنا الإجابة
لسانا مش عارفين أننا برشمنا (الغباوة)
لسانا مش عايزين نصدق أننا أصبحنا أمة
ف (الطراوة)
سقطنا فى إمتحان الكرامة
ونجحنا فى اللعب مع بعضينا
سيجه وبلى ف (الخرابة)
لسانا مش عايزين نصدق
أننا نجحنا فى (الخيابة)
وضحكت علينا العصابة
ومسكتنا الربابة
لسانا مش فاهمين
أن السنة جريت
وأن أحنا ما حضرناش
ولا حصة ف المدرسة
هربنا طول السنة
ف ضلمة السيما
ودفعنا مصاريف الأساتذة
وأزايز الوسكى
وورنيش الجزم للأصدقاء
ومعجون السنان
والتورتة ف أعياد الميلاد
للقطط والكلاب
وطلقة الرصاص لأطفال
فلسطين والعراق
دفعنا فواتير الجنازة
والكفن والنعش
لسانا مش فاهمين
أن السنة جريت
وأن أحنا ما حضرناش
ولاحصة ف المدرسة
بلطجنا ف بيوتنا
نمص ف الأفيون
نغض طرف العيون
عن حركة الجريان
نعدل مع النسوان
ف جدول الأسبوع
ونعشق الغلمان
نرافق الخدامات
ونمشى ف الجنازات
نصوم نهار رمضان
نفطر ع التمرة
ونحج بيت الله
وننام مع الأعداء
لسانا مش حاسيين
أن السنة فاتت
والنخوة والعزة
ف بداية الحصة
على التخت ماتت
رفدونا م المدرسة
كنا صحاب الوطن
بقينا ف الشارع
عامليين كورال مدرسى
بنردد الأناشيد

حنخش الأمتحان من تانى بالبرشام
ونعيد السنة الجاية فى مدرسة السلام

وعليكم السلام
عليكم السلام
يا أيها الساقطين 50 سنة قدام

[علاء قدرى]

الساقطين
سقطنا فى الإمتحان
مع إننا غشينا فى كل المواد
برشمنا صورة الخرايط
وعناوين البلاد
ومبادئ الثورات
ونتايج الأعداد
وضحكة الحكام
برشمنا إن وكان
برشمنا أفعال الخيانة
برشمنا إعراب الشعوب
والنصب والمنصوب
والجر والمجرور
والضم والمكسور
برشمنا أناشيد الخطابة
وقصايد المتنبى
وألف ليلة وليلة
وقصصنا الطويلة
وشجرة العيلة
برشمنا صوت الادان
ودعوة المظلوم
برشمنا الشهادة
والزكاة والصوم
برشمنا أركان العبادة
كتبنا ع الجدران ... علب السجاير
ورقة الكبريت والتُخت والمساطر والبلاط
كتبنا ع الدراعات والكتف والكفين
برشمنا كل الأمتحان
تحت العقال والطرحة والمناديل
والكاب وعلبة المكياج
برشمنا كل المواد تحت الحزام
برشمنا صيغة أستأذان
ندخل الحمّام نغش م البرشام
برشمنا كل الكلام
وسقطنا فى الأمتحان
قُلنا أعتمدنا عليك يا غش
قُلنا أعتمدنا على طيبة الأعداء
والضحك ف الوش
وخوزايق الوراء
قلنا أعتمدنا ع الشطارة والطهارة
والفرس والسيف
قُلنا أعتمدنا ع الأصدقاء العزاز
والمراقبين اللذاذ
سقطنا ف الأمتحان
والكحك مالى الشهادة
والأكادة لسه بنقاوح
وكاتبين أستمارة أحتجاج للوزارة
لسانا معترضين أننا كتبنا الإجابة
لسانا مش عارفين أننا برشمنا (الغباوة)
لسانا مش عايزين نصدق أننا أصبحنا أمة
ف (الطراوة)
سقطنا فى إمتحان الكرامة
ونجحنا فى اللعب مع بعضينا
سيجه وبلى ف (الخرابة)
لسانا مش عايزين نصدق
أننا نجحنا فى (الخيابة)
وضحكت علينا العصابة
ومسكتنا الربابة
لسانا مش فاهمين
أن السنة جريت
وأن أحنا ما حضرناش
ولا حصة ف المدرسة
هربنا طول السنة
ف ضلمة السيما
ودفعنا مصاريف الأساتذة
وأزايز الوسكى
وورنيش الجزم للأصدقاء
ومعجون السنان
والتورتة ف أعياد الميلاد
للقطط والكلاب
وطلقة الرصاص لأطفال
فلسطين والعراق
دفعنا فواتير الجنازة
والكفن والنعش
لسانا مش فاهمين
أن السنة جريت
وأن أحنا ما حضرناش
ولاحصة ف المدرسة
بلطجنا ف بيوتنا
نمص ف الأفيون
نغض طرف العيون
عن حركة الجريان
نعدل مع النسوان
ف جدول الأسبوع
ونعشق الغلمان
نرافق الخدامات
ونمشى ف الجنازات
نصوم نهار رمضان
نفطر ع التمرة
ونحج بيت الله
وننام مع الأعداء
لسانا مش حاسيين
أن السنة فاتت
والنخوة والعزة
ف بداية الحصة
على التخت ماتت
رفدونا م المدرسة
كنا صحاب الوطن
بقينا ف الشارع
عامليين كورال مدرسى
بنردد الأناشيد

حنخش الأمتحان من تانى بالبرشام
ونعيد السنة الجاية فى مدرسة السلام

وعليكم السلام
عليكم السلام
يا أيها الساقطين 50 سنة قدام


وعليكم السلام ؛لا الاستسلام
ايها الشاعر الرافض لكل رخيص ؛ ودعاوى الزيف و البهتان؛ والضحك على الذقون ؛ ودفن الراس كالنعام؛
ايها الحالم بعالم قرانا عنه و لم نراه؛
كل شئ تحول فى عالمنا الى برشامة ؛ نختزل كل شئ؛ التاريخ؛ الوطن ؛الحلم ؛الانسان؛ ((انسان التيك اوى) ؛ لا قيمة تستقر داخله ؛ لا حلم ينمو لنراة حقيقة ؛ فقدنا كل شئ بدعوى اننا تفهم كل شئ؛ فاصبحنا لا شئ ؛ (كالموتى او كرؤية عابرة) نعم سقطنا فى الامتحان ؛ اصبحنا امة تهان ؛حين تركنا الصدق ؛ ودعونا للبهتان ؛ نصفق للحاوى و المخاوى
والالعبان ؛ حين اصبحت كل الوجوه متشابهه ؛ وكل الاغانى تافهة ؛ كل الجوائز للغوانى و الراقصات ؛ ونسينا عطاء كل ايدى طاهرة ؛ نعم سقطنا ؛ حين راينا الشرفاء فى ذيل القائمة ؛ سقطنا حين اغتيل جمال حمدان ؛ والمشد ؛ واصبحت الراقصات سفيرات مصر للنوايا الحسنة ؟؟؟؟
كلماتك تفضحنا
فهل نعيد قراءة الاسئلة؟؟؟؟؟؟
تبا لنا ...تبا لنا

[د أنس البن]

هذه ليست قصيده
بل هى الصفه التشريحيه أو قل تقرير طب شرعى
لواقعنا الأليم المؤسف المزرى
قام به مشرط جراح متمكن لباطن حالنا المزرى البائس وما صرنا إليه
للأسف الشديد هذا هو الواقع الذى لا نعترف به لبشاعته وشناعته
الله يسامحك يا عم ناصر ويسامحنا معاك
هيه دى الحقيقه للأسف يا رجاله

[ناصر دويدار]

إلى تاجر السعادة أبوتريكة المنتدى علاء قدرى أنا أتفاجئت برد فعلك السريع تجاه (الساقطين)
أنا مبسوط جداً إنى لاقيت ناس تلعن أبو الساقطين معايا وربنا يرجع لنا كل أستاذ بيشرح بضمير عشان الأولاد اللى ذاكروا طول السنة ينجحوا أحسن كده مش هنلاقى حد ف المدرسة محترم
شكــــــــــــراً على الاستجابة السريعة

[ناصر دويدار]

دكتور أنس رئيس قسم الجراحة ف المنتدى الراجل اللى بيحاول يجمل كل شئ حواليه انا كل ما بشوف صورتك بفتكر شخصية أبو العلا البشرى ف رواية أسامة أنور عكاشة
معلش ده نصيبنا وقدرنا لازم نقاوم ونفتش عن الحب والحرية والخلود أجمل تحية منى ليك يا أستاذنا

[عمر زهران]

انا بعد ما بقرأ قصايدك بقعد مسهم وأقول الجدع ده بيجيب الكلام منين كأنك بتاخده من على طرف لسانى
يااااااااااااااااااااااااااااااااااااه فعلا هربنا طول السنة من المدرسة ف ضلمة السيما وشغلنا نفسنا بتفاهات والعالم بيجرى من حوالينا
الله يفتح عليك حسستنا وشوفتنا ومسكتنا الكحك اللى مالى الشهادات
وبصراحة انا مكسوف من نفسى أعمل إيه منك لله
فتحت جرح غويط كان له زمان مدفون
فى أنتظار أعمالك القادمة يا ناصر يا دويدار

[علاء طه ياسين]

عارف يا أستاذ ناصر
قليلين جدا اللي بيحملوا هموم وطن ..
وأقل منهم اللي بيعبروا عن الهموم دي ..
.......
والبلاد اللي بتنام وتصحي ..
علي أزمة جوع ..
أو حفان دموع ..
محتاجة اللي يمسح دموعها ..
ولو بالمواساة بالكلام ..
واللي يحط كفه علي الوجع ..
ويقول ..
زيك يا شاعر ..
أدام الله عليك ولك السعادة ..
علاء

[Islam Eidrisha]

يرحمك الله
لا أعرف من أين أو كيف أرد
ضقت ذرعا بحالنا وما آل إليه من سقوط
فأتيت أنت وأخرجت الحشا بمشرطك
لقد طالنا السقوط جميعا إلا من رحم الله
بل منهم من تكور فصار كمثل الكعكة من إدمان السقوط
وللأسف السقوط شمل الجميع والصغير تعلمه من الكبير
فالتلميذ أهمل كتبه الواجبة عليه فسقط
والكبير هجر الكتاب المفروض عليه فخاب وخسر وترنح شرقا وغربا
فلا شرقا شفع ولا غربا قد نفع
ولا حول ولا قوة إلا بالله

[abuzahda]

و الله يا عم :emrose:ناصر دويدار:emrose: ( أيوة انت )

إدانتك للغشاشين ، هيّ النـُقـَط فوق الحروف

أصل السائد اليومين دول ، هو لوم المراقبين اللي سايبين الخايبين يغشوا

* * *

قال صغنن قال !!!
حسبي الله و نِعم الوكيل

[hanynouh]

ياه ياعم ناصر دويدار دا أنت حكاية
أى والله حكاية
حكاية هذه الأمه اللى فاهمه كل حاجة
ومش فاهمه حاجة
بتقول :
ودفعنا مصاريف الأساتذة
وأزايز الوسكى
وورنيش الجزم للأصدقاء

أيوه دفعنا المصاريف
لكن اللى لمع الجزم لحسها مش الورنيش
شفت وصلونا لأيه
ماحدش حتى عاوز يقرا
نفس البلاد نفس العباد نفس البشر
لكن مساخيط
تصدق أن دول همه اللى طلع منهم
عباقرة زمان أئمة الفكر والفن والحضارة كمان
أزاى نسينا الأصل دا الأعمى لازم يشوف شجرة الجميز
يا اخونا دى الشجرة لايمكن تخطئها العين
كبيره وحاضنه البلد والولد
غموا عنينا عن كل شىء
وكمان جابوا لنا السم نكلوا يهرى الكباد
بيقولوا راجل ذو همه يحى أمه
أنا مصدق طيب انت مصدق
هو فين ياسيدى وانا ابوس جزمته واعملوا خدام
تسلم لنا يا عم ناصر دويدار
أوعى تزهق وخللى صوتك زى الأدان
خلينا نسمع كمان جايز النيام يصحوا
والحيطان بالفعل يطلع لها ودان

[ناصر دويدار]

بص يا عمر انا مبسوط من ردك وكل مرة بترد عليا بحس إنى رجعت ورا 30 سنة بتفكرنى بيا لما كنت برئ ورقيق وتلقائى
لكن للأسف كتر السقوط من فوق ومن تحت ومن الشمال ومن اليمين خلى الواحد يربى دقنه وضوافره ولسانه لأنك فى ساعات كتير بتسقط غصب عنك ورغم أنفك لكن سقوطنا ده بمزاجنا احنا مبسوطين بهزيمتنا لكن على الأقل فى نــــاس لسه حسة إنها ممكن تنجح زى الناس اللى بتكتب وبتقرأ فى المنتدى ده وأنت واحد منهم أنا عايز أعـــــرف سنك فى الرسالة الجاية لان ده شئ مهم جـــــــداً بالنسبة لى لانك بتفكرنى بيا وأنا صغير

[ناصر دويدار]

شكراً على قريتك للقصيدة وفهمك وردك أحنا كلنا لازم نخلق من الألم فن زى أنت ما بتعمل وعشان أنت شاعر كبير وصلك المعنى .
أنا بقى عايز منك شغل أكتر لأن عندى إحساس إنك عندك حاجة تقدمها لنا عشان تعبنا وزهقنا وسقطنا مع الشعراء الغنائيين بتوع اليومين دول

[ناصر دويدار]

صحيح الجميع طاله السقوط لكن مفيش شاعر بيسقط
الشاعر هو الوحيد اللى يفضل باصص بكبرياء من فوق يرصد ويلعن ويشتم وما يهمهوش حد
لأنه الوحيد اللى شايف وحاسس بجد اللى بيحصل حواليه بس لازم يكون الشاعر من عينة أمل دنقل وصلاح عبد الصبور ومحمود درويش ونزار ويكون من عينة حسن أبو عتمان وعبد الفتاح مصطفى وعلى مهدى وعبد الرحيم منصور مش من عينة اللى بالى بالك المأنتخين دلوقتى وعموماً أنا شاكر لك وعازمك أنت وكمال وجمال وعلاء وكل الألتراس النتاوى على فنجان شـــــــــــاى فى قهوة فى مصر القديمة أول ما تخشها تحس بمعنى السقوط الحقيقى اللى يحسسنا ان أحنا لازم ننجح ونغنى دايما على طـــول ناجحيين

[ناصر دويدار]

بص يا فنان يا أبو زهدة
أنا عايزك تطلع من ورا الشجرة دى عشان عايز أشوفك قصادى
لأنى بصراحة بدأت أقلق منك شكلك كده عاملنا كمين
البورنيطة والشجر قلبى مش مرتاحلك لكن الشئ الوحيد اللى مطمنى انك فنان بجد
وعندك مساحة صدق فى طرح افكارك وده شئ أيجابى ومهم لكن كنت عايز أسألك سؤال هى البورنيطة لها علاقة بأنك زعلان من الطربوش ولا أنت بتحاول تغيظنا عشان راسنا عريانة لكن الاكيد والمهم أنك واضح جداً أنك مصرى جميل زى كل شئ مصرى أصيل
أنا بحبك جداً ولك منى كل تحية حب وتقدير

[ناصر دويدار]

الأول دى صورة فيروز ولا صورة مين لو صورة فيروز يبقى أتفقنا ولو مش هى يبقى برضه اتفقنا انت عارف يا هانى انا اكتر شئ مفرحنى ان الناس لسه عندها إحساس إنها ما سقطتش لكن فى ناس بيسقطوك بالعافية وبالعنف بس الجميل إنك ما تسقطش وتذاكر وما تهربش
أنا مبسوط من التواصل ده وسعيد جــــداً بشباب النت الجميل اللى زيك وعايز أسمع كيفك أنت

[abuzahda]

و الله يا :emrose:عم ناصر:emrose: ، زي ما انت عارف : ربنا خلق ناس علشان تتحب ....
آآآآآآآيـــــوة ، بالظبط زيّك كده

و بمناسبة الصورة ، أنا احترت و احتارت بورنطتي ، كل ما نرسَى على صورة يطلعلها مُعارضين سماعيين ، فنغيّرها .

و بمناسبة الصورة - أيضاً - أنا عايز اقولك إن صورتك (على الكراسي) بقت مشاهدتها طقس يومي بالنسبة لي . هو انت كنت مودع في الشريف ، يا :emrose:ناصر:emrose: ، و خدت بالباقي كراسي ؟

و بمناسبة الصورة - برضو - إتفضل من هنا (http://s498.photobucket.com/albums/rr347/abuzahda/?start=0) ، و نقي اللي يعجبك

أمّا بمناسبة البورنيطة ، هو انت تقصد مصر لجديدة من ناحية الجباسة و لا الجيارة و لا مجرى العيون و لا المدبح و لا المزلقان و لا بعد الشر بعد الشر الـ (......) زينهم ؟

إوعى يكون قصدك القهوة اللي في حسن الأنور ! إوعى

إوعى تروح هناك من غيري


* * *

و اااادي كيفك إنت ياعم ، إلحقها قبل ما يعدي عليها بولدوزر الحذف

[ناصر دويدار]

شوف يا معلم نبدأ من الاول أحنا طلعنا أولاد منطقة واحدة
يعنى كل المناطق دى أنا وسطها ف عين الصيرة
أنا أتفرجت على كل الصور وكلهم جمال
بس الغريب إن العيال ما كبرتش ف الصور ربنا يخليهوملك وتفرح بيهم ونعمل الفرح فى حديقة الفسطاط
أما الصورة اللى أنت بتبص فيها على الحياة
أنت والبنوتة دى أجمل صورة لأن الأمل فى الخلفية البيضا
واضح جداً كإنة مشهد فى أفلام للعبقرى صلاح أبو سيف
مشهد معبر جداً الحاضر والمستقبل بيبصوا ع اللى جاى
وأكيد اللى جاى أحلى من اللى فات
أما موضوع الكراسى فأنا كنت ف النادى وقاعد معايا أصدقائى فاعشان يعرفوا الفرق اللى بينى وبينهم وحجمى وحجمهم ووضعى ووضعهم
صورونى الصورة دى
وانا بصراحة كنت مبسوط لانى عرفتهم مقامهم وهما كمان يعرفوا مقامى .
أنا مستنيك على القهوة اللى بالى بالك
وكل اللى انت عايزه موجود واكتر شوية
انا مبسوط بيك جداً وفرحان بدماغك الحلوة
وإن شاء الله نتقابل على خير فى جامع عمرو

[رائد عبد السلام]

أنا جيت لك هنا ياعم ناصر
مادام إنت ما بتروحش
هنا (http://www.sama3y.net/forum/showthread.php?t=70432&page=2)

أما بخصوص تظبيطاتك مع حبيبي أبو زهدة
فأنا ح استرق السمع
لحد ماأعرف الميعاد
وتلاقوني طابب عليكم
في أي قهوة ...وكل حاجة
بالنـُـص

[عصفور طاير]

(http://www.sama3y.net/forum/showthread.php?t=70432&page=2)

أما بخصوص تظبيطاتك مع حبيبي أبو زهدة
فأنا ح استرق السمع
لحد ماأعرف الميعاد
وتلاقوني طابب عليكم
في أي قهوة ...وكل حاجة
بالنـُـص


نص حته واحدة يا عم رائد.. طب قول ربع.. قول أربعة :mdr:

وبعدين ابقي خدني معاك في أي حته مادمنا حانقعد مع اخويا سيد واخويا ناصر.. مش لو في حسن الأنور.. لو حتى في أبو أتاتة ;).


يا عم سيد.. أنا باحقد عليك على الخَضار اللي عندك.. أنا كمان باقول ان القلب الحلو ده مايجيش من فراغ.

[عصفور طاير]

يا عم ناصر

أنت بتكتب وأنا شايفك وسامعك وبالصوت والصورة.. مش كده تبقى واحشني برضه؟ :rolleyes:

[رائد عبد السلام]

نص حته واحدة يا عم رائد.. طب قول ربع.. قول أربعة :mdr:

وبعدين ابقي خدني معاك في أي حته مادمنا حانقعد مع اخويا سيد واخويا ناصر.. مش لو في حسن الأنور.. لو حتى في أبو أتاتة ;).


يا عم سيد.. أنا باحقد عليك على الخَضار اللي عندك.. أنا كمان باقول ان القلب الحلو ده مايجيش من فراغ.


غلبتني يا ملك العصافير الطائرة التي تحمل
في مناقيرها البوح الجميل ... والشجن الآسر
الشاعر الكبير
جمال فتحي:emrose:

خلاص ياعمي جمال
لا نخليها بالنص ولا بالتمن
ده حتي الحاجة اللي بيتبص فيها
لا تتشرب ....ولا تنفع صاحبها

لما تحضر تتولي أنت التقسيم
بعيداً عن شريعة (الغاب) :mdr:

[علاء قدرى]

لا بقى احنا نروح القسم وكل واحد ياخد حقه:mdr:

[abuzahda]

نص حته واحدة يا عم رائد.. طب قول ربع.. قول أربعة

وبعدين ابقي خدني معاك في أي حته مادمنا حانقعد مع اخويا سيد واخويا ناصر.. مش لو في حسن الأنور.. لو حتى في أبو أتاتة .


يا عم سيد.. أنا باحقد عليك على الخَضار اللي عندك.. أنا كمان باقول ان القلب الحلو ده مايجيش من فراغ.

إيه يا :emrose:عم جمال:emrose: ؟!
إنت ما تصدّق ، كيمك:emrose: يسيبنا شوّية ، فتعاود محاولات هز السقف ...
ربع إيه ياعم ؟! و نص إيه ؟!

إنت عايز تقل بركتها من دلوقت ؟

مع بعضينا يا عم انت ، إنت نسيت الجمعيات و التكافل و الإشتراكيّة ؟

إنت اتغيرت خالص يا جيم ، يا خوفي لا ماتجيش بدري ...
لأ يا جيم ، لازم تبَكـَّر بنفسك ، يعني تيجي مُبكراً - جاهز
حفاظاً على سقف الحريات

(للمزيد من المعلومات ، راجع مشاركة القناطر:emrose:)

[Tarek Elemary]

صديقنا الجميل ناصر دويدار
جوزيه المنتدى (( ياللا بقى .... ما انت قلبتها كورة و أنا أهلاوى لدرجة الجنون .... بس باحب الكورة الحلوة من أى حد ... حتى لو الإسماعيلى:mdr:))
مش هاقرب للنص بتاعك يا عم مادام الناس دى كلها ما جابتش سيرته من ناحية صناعته الشعرية ... و أنا مالى;)
خلينا فى المتن .... متن الكلام مؤلم
و الحال أصبح محال ... و الجميل بقى مستحيل .... و السليم بقى شئ أليم
قافلتنا المصرية تحتاج مرثية ... و معجزة إلهية ... و البركة فى البرشام ((بكل صوره)) و المناهج و الغش و الغيابات الغير مسبوقة
غياب الوعى ..... غياب الضمير .... غياب العقل .... غياب الراعى و الرعاة و المرعى و الرعية
بقوللك أيه ........... عنوان القهوة أيه ..... و الميعاد الساعة كام؟؟
أنا فيها فيها

[رائد عبد السلام]

لأ يا جيم ، لازم تبَكـَّر بنفسك ، يعني تيجي مُبكراً - جاهز
حفاظاً على سقف الحريات


(للمزيد من المعلومات ، راجع مشاركة القناطر:emrose:)




ههههههههههه
ربنا مايحرمني من خفة ظلك
وبساطة طبعك ياعمي الجميل
أبو زهدة (الأصلي)

أنت اللي فاهمني ;)

[عمر زهران]

اكذب عليك ان قلت لك بعدك شي عادي
اضحك وانا من جور الايام مجروح
جرح توسط في حنايا فؤادي
ليت الجروح يومين وتروح
بعثر ورقنا هالزمان الرامادي
واصعب شي على الانسان غربة الروح

[hanynouh]

شاعرنا الجميل
ناصر دويدار
الصورة بورتريه لفيروز
لأنى فيروزى الهوى وأول تعاملى مع المنتدى كان فى مثبت فيروز
وبناء على رغبة حضرتك
وعايز أسمع كيفك أنت
إليك الأغنية بتسجيل رائع . وعلى فكرة مثبت فيروز غنى جداً
وأيضا أهديك رائعة نجاة الصغيرة وطنى وصباى أحلامى
لفته جميله من صوت حنين فى حب هذا الوطن
طواها النسيان فى خضم السفه السائد

[ناصر دويدار]

:thankyou: شكرا ًيا معلم على كيفك أنت
:thankyou: وشكراً يا طارق على كلامك الجميل
:thankyou: أما أنت بقى يا رائد من النهارده بقيت(مقدم) يعنى فى نجمة زيادة
وأنا شامم كده ريحة مرازية يعنى فى حد عايز يرازينا
ممكن تفهمونى فى إيه
عشان أنا خلقى ضيق وعندى تلات عيال وأمهم
وعلى فكرة أحنا كفاية علينا أوى أننا نقرأ ونكتب ونتواصل ونحب بعضنا فى الله والوطن والحرية مش هنعمل فيها حروب وهمية
كل واحد مش فاهم حاجة يلم نفسه

[عفاف سليمان]

الساقطين
سقطنا فى الإمتحان
مع إننا غشينا فى كل المواد
برشمنا صورة الخرايط
وعناوين البلاد
ومبادئ الثورات
ونتايج الأعداد
وضحكة الحكام
برشمنا إن وكان
برشمنا أفعال الخيانة
برشمنا إعراب الشعوب
والنصب والمنصوب
والجر والمجرور
والضم والمكسور
برشمنا أناشيد الخطابة
وقصايد المتنبى
وألف ليلة وليلة
وقصصنا الطويلة
وشجرة العيلة
برشمنا صوت الادان
ودعوة المظلوم
برشمنا الشهادة
والزكاة والصوم
برشمنا أركان العبادة
كتبنا ع الجدران ... علب السجاير
ورقة الكبريت والتُخت والمساطر والبلاط
كتبنا ع الدراعات والكتف والكفين
برشمنا كل الأمتحان
تحت العقال والطرحة والمناديل
والكاب وعلبة المكياج
برشمنا كل المواد تحت الحزام
برشمنا صيغة أستأذان
ندخل الحمّام نغش م البرشام
برشمنا كل الكلام
وسقطنا فى الأمتحان
قُلنا أعتمدنا عليك يا غش
قُلنا أعتمدنا على طيبة الأعداء
والضحك ف الوش
وخوزايق الوراء
قلنا أعتمدنا ع الشطارة والطهارة
والفرس والسيف
قُلنا أعتمدنا ع الأصدقاء العزاز
والمراقبين اللذاذ
سقطنا ف الأمتحان
والكحك مالى الشهادة
والأكادة لسه بنقاوح
وكاتبين أستمارة أحتجاج للوزارة
لسانا معترضين أننا كتبنا الإجابة
لسانا مش عارفين أننا برشمنا (الغباوة)
لسانا مش عايزين نصدق أننا أصبحنا أمة
ف (الطراوة)
سقطنا فى إمتحان الكرامة
ونجحنا فى اللعب مع بعضينا
سيجه وبلى ف (الخرابة)
لسانا مش عايزين نصدق
أننا نجحنا فى (الخيابة)
وضحكت علينا العصابة
ومسكتنا الربابة
لسانا مش فاهمين
أن السنة جريت
وأن أحنا ما حضرناش
ولا حصة ف المدرسة
هربنا طول السنة
ف ضلمة السيما
ودفعنا مصاريف الأساتذة
وأزايز الوسكى
وورنيش الجزم للأصدقاء
ومعجون السنان
والتورتة ف أعياد الميلاد
للقطط والكلاب
وطلقة الرصاص لأطفال
فلسطين والعراق
دفعنا فواتير الجنازة
والكفن والنعش
لسانا مش فاهمين
أن السنة جريت
وأن أحنا ما حضرناش
ولاحصة ف المدرسة
بلطجنا ف بيوتنا
نمص ف الأفيون
نغض طرف العيون
عن حركة الجريان
نعدل مع النسوان
ف جدول الأسبوع
ونعشق الغلمان
نرافق الخدامات
ونمشى ف الجنازات
نصوم نهار رمضان
نفطر ع التمرة
ونحج بيت الله
وننام مع الأعداء
لسانا مش حاسيين
أن السنة فاتت
والنخوة والعزة
ف بداية الحصة
على التخت ماتت
رفدونا م المدرسة
كنا صحاب الوطن
بقينا ف الشارع
عامليين كورال مدرسى
بنردد الأناشيد

حنخش الأمتحان من تانى بالبرشام
ونعيد السنة الجاية فى مدرسة السلام

وعليكم السلام
عليكم السلام
يا أيها الساقطين 50 سنة قدام


لازلنا نغش
لا زلنا نعيد
السنه سنين
والغش موجود اكيد
مش هنتعب لا مرتاحين
مش فيه غش
يبقى خلاص
يمكن نبقى فى يوم ناجحين
لكن بالغش
ازاى هننجح
وهنغش مين
انفسنا....اهالينا....ولا وطنا
ياريت نفوق
من الغش والغشاشين
تحياتى لك استاذنا ناصر
وتحياتى لقلمك الجميل
وللجميع اسعد وارق الاوقات
اختكم عفاف

[ناصر دويدار]

ربنا يخليكى يا أخت عفاف وأشكرك جداً على أهتمامك وإن شاء الله هنكون ناجحين بس لسه ماجاش الوقت عشان لسه احنا مش صادقيين لو فى ما بينا حب ترجع لنا فلسطين
وعشان أحنا دلوقتى مش صادقيين أخر السنة للأسف بنكون ساقطين
أشكرك جداً على زوقك

[سعدالشرقاوى]

الاستاذ القدير الشاعر/ناصر دويدار
كله كوم (والاكاده)كوم
بنطعن ونشتكى وكأن حقوقنا بصحيح تم سلبها
و(الاكاده) اى المصيبه او الشئ الملفت للنظر يعنى أوالحاجه اللى تمغص(رواه واحد كمّه واسع)
والله ماحتوته هذه الكلمه هوّ فعلا الاكاده
سقطنا ف الأمتحان
والكحك مالى الشهادة
والأكادة لسه بنقاوح
وكاتبين أستمارة أحتجاج للوزارة
لسانا معترضين أننا كتبنا الإجابة
لسانا مش عارفين أننا برشمنا (الغباوة)
لسانا مش عايزين نصدق أننا أصبحنا أمة
ف (الطراوة)
سقطنا فى إمتحان الكرامة
ونجحنا فى اللعب مع بعضينا
سيجه وبلى ف (الخرابة)
والله ملعوبه زى الكتاب مابيقول
تسلم عبقريتك ياكاشفنا صح