المساعد الشخصي الرقمي

مشاهدة النسخة كاملة : إلى الشاعر يسرى عطيه

سعدالشرقاوى
27/07/2009, 08h08
http://www.imagehuge.com/out.php/t9537_d8-b3-d8-b9-d8-af-20-20-d8-a7-d9-84-d8-b4-d8-b1-d9-82-d8-a7-d9-88-d9-8a-1-1-1-.jpg
فى عرضك يا يسرى


إيدى فى إيدك ياسيد الحبايب
ندوّر بهمّه على فجر غايب
وقلبى وقلبك من الحب دايب
ونعشق بلدنا الجميله يايسرى
,,,,,,,,
إيدى فى إيدك مع الشقيانين
وبعد القساوه يحسّوا بحنين
ومش بالضروره نقول احنا مين
ما دامت رسالة بتوصل يايسرى
,,,,,,,,,
إيدى فى إيدك مع المسئولين
نساعد معاهم فى رفع الأنين
ونبدى آراءنا ولو كلمتين
يساعدوا فى حلّ المشاكل يايسرى
,,,,,,,,
إيدى فى إيدك بحب وأدب
نداوى جراحنا بعلاج السبب
بعزّ وشهامة ولاد العرب
وتكبر بلدنا ف عنينا يايسرى
,,,,,,,,,
معانا ف سماعى اللى ح يحسّوا بيك
وتبقى ف عينيهم يخافوا عليك
وياخدوا بإيديّا وياخدوا بإيديك
وبالكلمة نبنى حياتنا يايسرى
,,,,,,,,,
عشان قلبى حسّك رجوله وأصيل
وقلمك بينزف حضارة ونيل
شئ مش بإيدى لشعرك أميل
وانادى واقول لك فى عرضك يايسرى
,,,,,,,,,
علاء طه ياسين
27/07/2009, 11h00
الشاعر الكبير
أخي وتوأمي
سعد الشرقاوي
:emrose:
اسمح لي بالمشاركة معكم
.......
وايدي في ايدكم وربك معانا ..
يبارك كلامنا .. يوفق خطانا ..
ونرسم بلدنا في لوحة جميلة ..
وعنوانها يبقي .. بلدنا أمانة ..
...
بلدنا الأصيلة النبيلة الكريمة ..
بناسها بنيلها هتفضل عظيمة ..
بلاش تبقي كلمة في غنوة قديمة ..
بلاش تبقي فينا ذليلة ومُهانه
...
بلدنا سواقي وورد نخيل ..
وصفصافة تحت النسايم تميل ..
ورجالة وقت الشدايد تشيل ..
وضحكة بتمسح دموع الحزاني ..
...
معاكم راح أكتب قصايد عشانها ..
تزهزه فروعها .. تخضّر عيدانها ..
يا يسري ... يا سعد ... ياناس ياللي منها ..
يا عاشقين بلدنا اعملولها مكانة ..

علاء
NAHID 76
27/07/2009, 11h14
بسم الله الرحمن الرحيم
خالى سعد الشرقاوى
الشاعر الغنائى علاء ياسين
الأستاذ يسرى صاحب الهديه
شكلتم بهذه الثلاثيه جمالا فى حب بلدكم ومحاوله رفع شأنها فى أنسيابيه رائعه
حفظكم الله
وجعلكم سببا فى اثراء قسم تجارب أدبيه ومساهمين فى رواج ونشاط المنتدى
كلام جميل ينبع من نفوس طيبه محبه أصيله تذوبون بعضكم فى بعض ويكمل كل منكم الأخر فى حب وسعاده
تحياتى
سعدالشرقاوى
27/07/2009, 13h08
أهلا/علاء
:emrose:
يا أهلا ياعلوه يانبع الحنان
وحشنى وبقول انت فين من زمان
وجودك بيملا عليّه المكان
تعالى ياغالى نقول فى حبّ مصر
,,,,,,,
تعالى نغنىّ على السمسميّة
صعيدى وبحيرى وياسين وبهيّه
نروّى الشراقى بسواقى وميّه
ونرفع شعار المحبّة لمصر
,,,,,,,,
تعالى بكلامنا نروح السّاحات
نلفّ الصّحارى ونطوى الواحات
ونمسح بايدنا دموع الآهات
نلاقى قلوبنا تدوب فى حب مصر
,,,,,,,,
إيدى فى إيدك ياعلوه راح ابنى
مساكن واخضّر مزارع لابنى
وبكره عزولى فى حالى يسيبنى
وحبّك يجيبنى وياخدنى يامصر
,,,,,,,
تعالى لبيتك بدون إذن منىّ
ياساكن فى قلبى وعينى وننىّ
مشوار وارجع لك00
علاء طه ياسين
27/07/2009, 13h29
معاك ياحبيبي إذا كنت ناوي
هنكتب ف مصر الجميلة غناوي
وربك يحوش عنها كل البلاوي
ياغاوي ترابها .. ياعاشق لمصر
:emrose:
ومن اقصي اقصي الصعيد البعيد
ومن حر خانق وصعب وشديد
معاك يا ابن عمي هاردد واعيد
حكاوي جميلة عن الغالية مصر
:emrose:
عن الجبل اللي بيفرد ظلاله
وعن شاب أسمر بيسرح خياله
ف بنوتة حلوة هتصبح حلاله
ويبنيلها عشة علي أرض مصر
:emrose:
وهاحكي عن الفَرْح لما يزورنا
ويحضن بضحكة جميلة ديارنا
وعن حزن يسكن ف طلة قمرنا
إذا حد داس ... علي طرف مصر
:emrose:
معاك يا شقيقي يا خويا الحبيب
صعيدي بحيري محدش غريب
وجرحي اللي نازف بلمسة يطيب
بلمسة ولكن .. من كف مصر

دورك يا حاج سعد
ودور الأستاذ يسري
كملوا .. وانا معاكم
...
واللي يحب مصر يشارك معانا

علاء
yosry_at
28/07/2009, 15h17
ياسعد يا شرقاوى
يسعد الحبايب ياسعدك ياسعد
بحبك يغايب وحاضر دا وعد
------------

بحق الى بينا بعتلك سلام
ملان بالمحبه وعشق الكلام
-------------


يامصرى يسامع نواح الغلابه
وشايف كلاب النظام جو غابه
ديابه محرس عليها ديابه
ورحو الغلابه
------------

عصابه ياسعد وفرده الحزام
وباعت وقالت علينا الكلام
وعملت طريق الوصول للنظام
طريق كلو ملوى-- اساسه الحرام
علشان تبقى جو حدود النظام
--------------

شرقاوى وفينك يا ادهم زمانك
تدافع وتضرب وتركب حصانك
ويسرى وعلاء وطارق امامك
ياسعد ياشرقاوى
يسرى عطيه سليمان

معزره على التاخير يا استاذ فكان
عندى فرح احد اولادي الاثنين
وكنت مشغول شويه معزره
علاء قدرى
28/07/2009, 15h20
الشاعر المحترم يسرى عطيه:emrose:
الف مبروك الفرح :emrose:
ودايما يارب الافراح فى اسرة سماعى ؛ بعيدا عن احزان الواقع
:emrose::emrose:
علاء طه ياسين
28/07/2009, 16h17
مليون مبروك يا عم يسري
وربنا يفرح الكل
علاء
سعدالشرقاوى
29/07/2009, 12h11
حبيبنا الغالى الاستاذ/يسرى
اللى سهّانا وصبح جدّ
:emrose:
ربنا يفرّح عباده
والهنا ييجى ف معاده
والعريس زى النهار ده
نبقى نيجى نشيل ولاده
Tarek Elemary
30/07/2009, 11h50
على البعد قلبى بصحيح كان مشارك
و لو كنت أعرف لأجيـــــلك و أبارك
يا يسرى يا طــــاقة توسع مـــــدارك
و ربك بعـــــونه يزيح اللـــــى بارك
كابوس فوق نفوسنا و نسهر نبـــارك
عفاف سليمان
03/08/2009, 11h56
http://www.imagehuge.com/out.php/t9537_d8-b3-d8-b9-d8-af-20-20-d8-a7-d9-84-d8-b4-d8-b1-d9-82-d8-a7-d9-88-d9-8a-1-1-1-.jpg

فى عرضك يا يسرى


ايدى فى ايدك ياسيد الحبايب
ندوّر بهمّه على فجر غايب
وقلبى وقلبك من الحب دايب
ونعشق بلدنا الجميله يايسرى
,,,,,,,,
ايدى فى ايدك مع ألشقيانين
وبعد القساوه يحسّوا بحنين
ومش بالضروره نقول احنا مين
ما دامت رسالة بتوصل يايسرى
,,,,,,,,,
ايدى فى ايدك مع ألمسئولين
نساعد معاهم فى رفع ألأنين
ونبدى آرآأنا ولو كلمتين
يساعدوا فى حلّ المشاكل يايسرى
,,,,,,,,
ايدى فى ايدك بحب وأدب
نداوى جراحنا بعلاج السبب
بعزّ وشهامة ولاد العرب
وتكبر بلدنا ف عنينا يايسرى
,,,,,,,,,
معانا ف سماعى اللى ح يحسّوا بيك
وتبقى ف عنيهم يخافوا عليك
وياخدوا باديّا وياخدوا باديك
وبالكلمة نبنى حياتنا يايسرى
,,,,,,,,,
عشان قلبى حسّك رجوله وأصيل
وقلمك بينزف حضارة ونيل
شئ مش بايدى لشعرك أميل
وانادى وأقول لك فى عرضك يايسرى

,,,,,,,,,

اقولك ايه بس يا عم سعد:)
والله مالقيت كلام اقوله لك:crazy:
الله يديم عليك ابداعاتك وجمال كلماتك:o
ودمت لسماعنا الجميل
سلام وتحيه لك وللست ام مدحت
وللجميع خالص التحيه والتقدير واسعد الاوقات
اختكم عفاف