المساعد الشخصي الرقمي

مشاهدة النسخة كاملة : بتطهرني من العصيان

علاء طه ياسين
26/07/2009, 17h05
ياللي تمللي باشوفك دايما
روح شفافة وقلب حنون
اللي مابينا عمر بحاله
يمكن قبل بداية الكون
بتحبني أكتر من روحك
وبأحبك انا أوي بجنون
واتحديت في هواك العالم
واللي يكون ياحبيبي يكون
:emrose:
انت يا أجمل قلب صادفته
ونسيت ويا هواك الحيرة
بعد ما عشت انا طول ايامي
لدموعي وأحزاني أسيرة
شوفتك فجأة ف ليل أحلامي
فارس وانا في الحلم أميرة
حسيت إني بجد عرفتك
قبل سنين وليالي كتيرة
:emrose:
انت يا أغلي الكل عليا
جوة ملامحك شايفة انا نفسي
شايفة في نغزة خدك قمري
شايفة ف ضي عيونك شمسي
وبادوب أوي وباضيع بسهولة
لما تصبح .. لما تمسي
وانت كتاب مفتوح قدامي
باكتب فيه وشوشتي وهمسي
:emrose:
انت يا فجر جميل صحاني
بعد ليالي من الحرمان
موجة حبك فين وخداني
مش عارفة .. ولا عاوزة كمان
ياللي بتهدي الأفراح ليا
وأنا بهدي لك شوق وحنان
انت حبيبي وحبك توبة
بتطهرني من العصيان

علاء
....
سعدالشرقاوى
27/07/2009, 09h08
شقيق روحى /علاء ياسين
عوده بقوّه
فيها خلاصة التحويشة

انت يا فجر جميل صحاني
بعد ليالي من الحرمان
موجة حبك فين وخداني
مش عارفة .. ولا عاوزة كمان
ياللي بتهدي الأفراح ليا
وأنا بهدي لك شوق وحنان
انت حبيبي وحبك توبة
بتطهرني من العصيان
ايه الحلاوه دى ياعم فينك يالحن فينك ياطرب
د أنس البن
27/07/2009, 10h01
انت يا أغلي الكل عليا
جوة ملامحك شايفة انا نفسي
شايفة في نغزة خدك قمري
شايفة ف ضي عيونك شمسي
وبادوب أوي وباضيع بسهولة
لما تصبح .. لما تمسي
وانت كتاب مفتوح قدامي
باكتب فيه وشوشتي وهمسي
:emrose:


كده كده يا سى علاء
يا عينى على أحلى وأرق كلام
علاء طه ياسين
27/07/2009, 10h39
حبيبي
توأمي
سعد الشرقاوي
:emrose:
ردودك عليا دايما تسعدني
إنت نعم الأخ والصاحب
ربنا يكرمك ياحاج
:emrose:
بص بقا
:emrose:
كان ياما كان وكأنه مكانشي
قمر الليل اختفي ومابانشي
كان ياما كان كان فيه بنوته
يمشي الحب مكان ما بتمشي

زرعت نخلة ف قلب الواحة
وفاتتني وما شوفتش راحة
وسابتلي م الحزن مساحة
وانا مش قادر ماتجننشي

حلمي الأخضر راح ببلاش
لما استني النهر ماجاش
واما ف حضنها ماتدفاش
نزلت دمعة وحضنت رمشي
:emrose:
علاء
NAHID 76
27/07/2009, 11h04
بسم الله الرحمن الرحيم
الشاعر الغنائى علاء ياسين
أيوه كده خلاص بقينا فى الفرمه المعروفه عنك
أستمر دائما فى الكتابه ولا تتوقف فأنت بفطرتك شاعر موهوب
وياريت تنوع أكثر فى أفاق الكتابه المجالات كتير ومختلفه مماسيزيد من أبداعاتك ويوسع مجالاتها
أما بالنسبه لبطهرنى من العصيان جميله وموسيقى حلوه ومعانيها اروع
تحياتى
علاء طه ياسين
27/07/2009, 11h21
الأب الحنون
د. أنس البن
.....................
أنا سعيد جدا لأن ما أكتبه أعجبك ..
وسأكون أكثر سعادة ..
إذا كان ما أكتبه أعجبك وأسعدك ..
فاقبل مني هذه الباقة من الورد ..
:emrose::emrose::emrose::emrose:

وأهدي إليك قصيدتي "التائه"
بالفصحي
...........
علي صفحات كشكولي
أحاول شغل أوقاتي
فأرسم تارة نجما
يرفرف في سماواتي
وأرسم تارة قصرا
مليئا بالحكايات
وأكتب غنوة خجلي
إلي أحلي حبيباتي
.....
...
وأبصر تارة سربا
حماما عند حيّات
وأبصر ألف خفاشٍ
يحلق في الخرابات
وأبصر تارة غولا
يهمهم في المغارات
وأبصر ألف تنينٍ
غريبٍ حول غاباتي
كأن الحب حاكمني
بمحكمة الجنايات
......
فأعلم أنني أمشي
تسابقني حماقاتي
أجر القلب من تعبي
وأهذي من معاناتي
علي الأحزان لا أقوي
سجين في خيالاتي
.....
فأدرك أنني أحيا
بلا ماضٍ .. ولا آتِ

ابنكم
علاء
علاء طه ياسين
27/07/2009, 11h39
المدهشة والرائعة الإطلالة
مدام ناهد
.............................
حضورك يزيد ما أكتبه روعة وجمالا ..
وتشجيعك الدائم يأسرني ..
فياسيدة الكلمات الرقيقة ..
كلامك نسمة عذبة باردة تهب من جهة الشمال ..
فيستقبلها الجنوب في هذه الأيام الحارة الخانقة ..
شاعرا بالراحة والطمأنينة ..
....
اقبلي مني هاته الزهور :emrose::emrose::emrose:
وهذه الكلمات

القعدة وياكي لذيذة
ياغالية جدا وعزيزة
من كل حاجة فيكي ميزه
والفل مزروع ف ايديكي

يا قلب طيب وحنيّن
وكلام جميل سهل ولين
وشعور رقيق كده بيبيّن
ملاك نبيل ساكن فيكي

علاء
حمدي السمر
27/07/2009, 21h28
:emrose:
انت يا فجر جميل صحاني
بعد ليالي من الحرمان
موجة حبك فين وخداني
مش عارفة .. ولا عاوزة كمان
ياللي بتهدي الأفراح ليا
وأنا بهدي لك شوق وحنان
انت حبيبي وحبك توبة
بتطهرني من العصيان

علاء

....


يااااااااااااه يا علاء يا انيق الحرف ...
بالله عليك اخدنا معاك نحن برضو في الموجة دي
ربنا يمتعك بي الصحة زي ما بتمتعنا :emrose:
علاء طه ياسين
28/07/2009, 06h03
الشاعر الأسمر الجميل
حمدي السمر

أولا اقبل هذه الوردة مني :emrose:..
وبعدين بقا أشكرك علي الكلام الحلو ده ..
ده انت اللي أنيق الحرف وبتمتعنا بأعمالك ..
في بعادك صعب أفرح
ومليش في الدنيا مطرح
في القلب شوك بيجرح
والدمعة في العنين
علاء
yosry_at
28/07/2009, 17h39
ياللي تمللي باشوفك دايما
روح شفافة وقلب حنون
بتحبني أكتر من روحك
وبأحبك انا أوي بجنون
انت يا أغلي الكل عليا
حبيبى حمدى ليس لدى ارق من هذه الكلمات للرد عليك فلك فى قلمك حق الرد وهذا الكلام الجميل لا يخرج الا من رجلا جميل فتحياتى لك
علاء طه ياسين
28/07/2009, 17h53
الشاعر الرائع
يسري عطية :emrose:
.......
يأسرني كرمك .. وجمال مداخلتك .. وردودك ..
وأين ما أكتبه أنا مما أقرأه لك ..
نحن في السفوح .. وأنتم في القمة ..
متعك الله بالصحة والعافية ..
.......
علاء
Tarek Elemary
01/08/2009, 08h21
الأنشودة اللانهائية للعشق و الموسيقى و الشاعرية و الرومانسية علاء يس
:emrose:
عارف أنا باحس إن كل مشاركاتك العامية ممكن تترص فى معلقة واحدة و راء بعضها فلا تشعر بإختلاف و كأنها كُتبت كلها فى وقت واحد بشعور نفسى و حسى واحد، كلها خرجت من معينٍ واحد متدفق لا ينضب ... ربنا يزيد و يبارك
:emrose:

أشعر عند قراءتى لك أننى طفل يمسك بقصة مصورة تستهويه ألوانها و شخوصها التى تدخله فى عالم فريد من الخيال و من الروعة لا تريد له أن ينتهى
تحياتى و إعجابى لا ينقطعان
علاء طه ياسين
01/08/2009, 10h18
حبيبي وأخويا الكبير
طارق العمري

أنا باحب اكتب شعر الحب ..
مش باحب أكتب أي مجال تاني ..
قريت كتير في نقد الأحوال ..
ومحاولة عدل الحال المايل بالكلام ..
ما استهوتنيش الكتابة في المواضيع دي ..
لأن ليها أربابها ..
الأقدر مني علي التعبير في المجالات دي ..
وكل ما أحاول أكتب عن كده مش باقدر ..
بارجع للحب مرة تاني ..

...........................

يمكن افتقدنا الحب والرومنسيات في الزمن ده ..
وانا باحاول اكون صوت للحب ..
علي قدي
.......................
أخويا الكبير طارق العمري
شاكر ليك جدا تشجيعك ليا
ووقوفك دايما جنبي

علاء
عفاف سليمان
03/08/2009, 12h28
ياللي تمللي باشوفك دايما
روح شفافة وقلب حنون
اللي مابينا عمر بحاله
يمكن قبل بداية الكون
بتحبني أكتر من روحك
وبأحبك انا أوي بجنون
واتحديت في هواك العالم
واللي يكون ياحبيبي يكون
:emrose:
انت يا أجمل قلب صادفته
ونسيت ويا هواك الحيرة
بعد ما عشت انا طول ايامي
لدموعي وأحزاني أسيرة
شوفتك فجأة ف ليل أحلامي
فارس وانا في الحلم أميرة
حسيت إني بجد عرفتك
قبل سنين وليالي كتيرة
:emrose:
انت يا أغلي الكل عليا
جوة ملامحك شايفة انا نفسي
شايفة في نغزة خدك قمري
شايفة ف ضي عيونك شمسي
وبادوب أوي وباضيع بسهولة
لما تصبح .. لما تمسي
وانت كتاب مفتوح قدامي
باكتب فيه وشوشتي وهمسي
:emrose:
انت يا فجر جميل صحاني
بعد ليالي من الحرمان
موجة حبك فين وخداني
مش عارفة .. ولا عاوزة كمان
ياللي بتهدي الأفراح ليا
وأنا بهدي لك شوق وحنان
انت حبيبي وحبك توبة
بتطهرني من العصيان

علاء

....

والله يا استاذ علاء :emrose:
عايزه ملحن جميل
يلحن الكلمات الجميله دى
مع انها ملحنه نفسها
الا انها بس عايزه موسيقى وصوت جميل
وانت تشوف العجب
تحياتى لابداعاتك الغنائيه الجميله
سلمت يداك وسلمت من كل شر
ولك وللجميع خالص التحيه والتقدير
والينا مزيدا من الابداع والجمال
اختكم عفاف
علاء طه ياسين
03/08/2009, 12h46
شكرا جزيلا
علي هذا الرد الرقيق
أختي عفاف ..
:emrose:
بس مفيش حد يلحن لي ولو غنوة حتي صدقة ..
دامت طلتك الجميلة
ودام لك الهناء في ظلال أسرتك السعيدة
علاء
عفاف سليمان
03/08/2009, 13h01
والله والله يا أخى علاء:emrose: لو بعرف الحن
لكنت لحنت لك على العموم ياريت
ترسل لاستاذنا محمد الالاتى او
الاستاذ مروان شلبى او بعض الملحنين اللى فى سماعى
اكيد هتلاقى حد يتبنى هذه الفكره واكيد
فى اغنيه هتعجبه من اغنياتك الجميله ويلحنها:o
ويا سيدى اغنيهالكم بس تسدوا ودانكم:mdr:
هههههههههههههه
بجد اكيد ربنا راح يكرمك بس انت جرب ودور واتعب شويه
واكيد اكيد هنلاقى حاجه من انتاجك فى سماعى
لك التحيه والتقدير وربنا يوفقك
اختك عفاف:)