قصاد عيني بقيت تضعف [الأرشيف] - منتدى سماعي للطرب العربي الأصيل

مشاهدة النسخة كاملة : قصاد عيني بقيت تضعف

علاء طه ياسين

25/07/2009, 12h47

NAHID 76

25/07/2009, 13h10

بسم الله الرحمن الرحيم
شاعر الغنوه الحلوه المتلحنه علاء
حمدا على سلامه تواجدك
وتعتبر هذه الكلمات بدايه لعوده الجمال كله وأنتفاضه تنفض بها غبار الغياب ليعود لنا شاعرنا الرائع مهلللا مبتهجا
تحياتى

Tarek Elemary

25/07/2009, 13h31

حمدالله ع السلامة
و لو إنك مش بعيد
و الله لولا الملامة
لأجيلك ع الصعيد
يا فارس الشهامة
و النيل هو البريد
شايل أحلى إبتسامة
و القلب و ما يريد

علاء طه ياسين

25/07/2009, 14h51

السيدة التي ما زالت مدهشة
مدام ناهد
لكلماتك الرقيقة فعل السحر ..
ولو أن المحاولة هذه المرة غير جيدة ..
لكن أعتبرها بداية عودة ..
كما تقولين ..
جزيل الشكر أقدمه لك ..
ووردة لا تزال نادية :emrose:
علاء

علاء طه ياسين

25/07/2009, 15h05

أخي الأكبر
طارق العمري
:emrose:
شكرا علي الكلام
المختصر المفيد
يابن الكرام ياغالي
انا مهما أقول واعيد
أصلك كريم وطيب
وفي الحقوق شديد
تعال بدون ملامة
ونوّر الصعيد
وهات أعضاء سماعي
الحاضر والبعيد
نعمل لكوا حفلة زينة
ومنكم نستفيد
ونجيب ياسين يغني
والست فاطمة عيد
الوردة دي مني ليك :emrose:
علاء

رائد عبد السلام

25/07/2009, 16h22

حمد الله علي السلامة
ياعلاء :emrose: ياجميل

كل حاجة بتكتبها ......حلوة
لأنك شاعر موهوب
ماتقولش الأغنية دي حلوة
ودي : مش قد كده
شِعرك زي الفاكهة
كل حاجة ....وليها طعم

حمد الله علي السلامة

:emrose:

علاء طه ياسين

25/07/2009, 17h37

خالي الشاعر رائد عبد السلام :emrose:
إنت اللي جميل وممتع ..
وكل ما اقرالك عمل باستمتع ..
ربنا ميحرمناش منك ..
ومن طلتك الحلوة علينا ..
والله يخليك علي ترحيبك الحار بيا ..
وكلامك الجميل ..
ومني ليك :emrose:
....
يا بو الكلام موال..
غني كمان غني ..
وانا رغم وانت بعيد..
باهدي اليك فني ..
باين عليك ياخال ..
فيك م الملايكة كتير ..
وباينّو فيك م البشر ..
حاجة بتفهمني ..
....
علاء

abuzahda

25/07/2009, 23h37

:emrose:

بقولك إنى مش فاكره
وف بعادك أكيد قادرة
أعيش عادي بدون رؤياك
...
باداري فـ شوقي وبـَبين
واقول ده الفراق هين
وانا من قلبى بتمناك
...
وليه و ازاى انا باقوى
عليك ومبينه القسوه
وانا كلى حنين لهواك
...
باحبك وانت مش فاهم
وانا قدام عينيك لازم
أكون جامدة وابان نسياك
...
قصاد عيني بقيت تضعف
ولكن كان لازم تعرف
علي جرحي أنا مسامحاك

علاء

أخي الشاعِر الرقيق المُرهف

حمداً لله على سلامتك يا :emrose:علاء:emrose:

أغنيتك ، كما عودتنا ، منظومة مشاعر و اضحة

و فيها ما عرفناه عن الشِعر :

أن يكون منسوجاً على نول الأحاسيس من خيوط كلامنا العادي

هذا الذي يسمونه : السهل الممتنع

خد دي :emrose:كمان

رغـد اليمينى

26/07/2009, 04h22

:emrose:

بقولك انى مش فاكره
وف بعادك أكيد قادرة
أعيش عادي بدون رؤياك
...
باداري شوقي وبأبين
واقول إن الفراق هين
وانا من قلبى بتمناك
...
وليه وازاى انا باقوى
عليك ومبينه القسوه
وانا كلى حنين لهواك
...
بأحبك وانت مش فاهم
وانا قدام عينيك لازم
أكون جامدة وابان نسياك
...
قصاد عيني بقيت تضعف
ولكن كان لازم تعرف
علي جرحي أنا مسامحاك

علاء

http://up1.mlfnt.net/images/jw1ean63w5btatjpivkl.gif (http://up1.mlfnt.net/)

شاعر السهل الممتنع

والحروف المغناه بلحن العِشق والجمال

الأستاذ القدير

((( علاء يـسّ )))

صباح الياسمين

عود أحمد وإن شاءالله تكون أخر الغيبات

أعجبتنى كثيراً هذه السيمفونية العذبة التى أطربتنى بهذا الصباح..

وكأن طوفان الحب أقتلع الإحساس من القلوب..

لتهيم مع حروفك فى شوق وإنتظار دائم لجديدك ..

كُن بخير وسعادة ..(( :emrose: ))

http://up1.mlfnt.net/images/jw1ean63w5btatjpivkl.gif (http://up1.mlfnt.net/)

علاء طه ياسين

26/07/2009, 06h11

استاذي الشاعر الرائع
أبو زهدة
:emrose:
صباحك ياسمينة بترمي عطرها علي شطوط النيل
في فجر فيه لسعة برد خفيفة
:emrose:
مش تعرف أنا حسيت بايه لما لقيت حضرتك
بترد علي موضوعي
حسيت بفرحة غريبة بتحضن قلبي
ردك علي موضوع من مواضيعي شرف ليا
وبيديني قدام نفسي قيمة ومكانة عالية
وليك مني
:emrose:
قلبي اللي كان يتنفض
انا قولت له إهدي
لساك بتقدر تندهش
وتقول ساعات إيه ده
عَدِّي بحور الوجع
ما تخافشي من حاجة
مدام علي المركبة
أخوك .. أبو زهده
:emrose:
علاء

علاء طه ياسين

26/07/2009, 06h39

الأخت الفاضلة
رغد اليمني
:emrose:
محبوس ورا أسوار حديد
والقلب لو يقدر يفوت
واذا قلبي مل من الأغاني
صدقيني خلاص يموت
لكن ساعات كتير يكون
أحسن كلام هو السكوت
.......................................
عود أحمد وإن شاءالله تكون أخر الغيبات
أعجبتنى كثيراً هذه السيمفونية العذبة التى أطربتنى بهذا الصباح..
وكأن طوفان الحب أقتلع الإحساس من القلوب..

.................................................. .....................

كل ده ليا أنا ..
الله يسترك .. ويكرمك ..
..........................................
مني ليكي وردة :emrose:
وشوية كلام أتمني يكونوا حلوين
....
العشق صدفة تلمنا
يعني مهوش ترتيب
العشق بنت بترسم الجنة ..
في كف حبيب ..
العشق هو جواز سفر ..
لمداين الأحلام ..
والخوف يحاوط بسمتك ..
خايف يروح ويغيب ..
...
العشق طلاية قمر ..
العشق غنوة مفرحة ..
يعني مهوش اتنين كده ..
غاويين فنون المسرحة ..
في العشق تلقي واد وبنت ..
واقفين علي الناصية ..
ومش في بالهم أي شيء ..
لو حتي بقيت مدبحة ..

أتمني علي الله أن تكوني من السعداء

علاء

حمدي السمر

26/07/2009, 10h26

حمدله علي السلامة يا استاذ ... علاء يا سين :emrose:

عدت وعادت معك نكهة حروفك الانيقة
تسلم علي هذا الجمال

سعدالشرقاوى

26/07/2009, 11h24

شقيق روحى/ابوياسين
من حق المسلم على المسلم
(اذا اقسم عليه أن يبرّه)
عموما مش وقته
نحمدالله على سلامتك
وطالما معك مفاتيح القلوب
فقد ذابت الابواب امام مقدمت العودة
اطلع على الجبل فى العصارى
يمكن تلاقى شبكه

علاء طه ياسين

26/07/2009, 16h07

الشاعر الرقيق
حمدي السمر
:emrose:
أمسياتي الحالمة بيها
ديمه تحلم بالتلاقي
ترمي وعد الشوق عليها
تسرق الوعد السواقي
والنخيل بيمد ضل
والقمر لما يهل
يبتسم ثغر الحبيبة
تضحك الأرض الشراقي
:emrose:
انت إنسان كريم الأصل ..
كلماتي - مهما قولت -
لن تستطيع التعبير عن مدي حبي لك ..
علاء

علاء طه ياسين

26/07/2009, 16h13

توأمي
وشقيق روحي
وحبيبي
:emrose:
سعد الشرقاوي
:emrose:

يا ابو قلب أخضر حنون
وفيه غناوي كتير
والدم زي العسل
يا فارس الأساطير
تركب حصان الكلام
وتروح بعيد وتطير
وتجيب نجوم السما
متلضمين بحرير
حقك عليا .. وآسف
يابو قلب مليان خير
غلطت وانا الصغير
فسامحني دا انت كبير
:emrose:

سامحني يا ابو مدحت
وحقك عليا
انا مقصر معاك كتير
وعارف مليش عذر
لكن طمعان في ذوقك وكرمك
وعشمان فيك ..

أخوك
علاء

yosry_at

26/07/2009, 19h02

بقولك انى مش فاكره
وف بعادك أكيد قادرة
أعيش عادي بدون رؤياك
...
باداري شوقي وبأبين
واقول إن الفراق هين
وانا من قلبى بتمناك
...
وليه وازاى انا باقوى
عليك ومبينه القسوه
وانا كلى حنين لهواك
...
بأحبك وانت مش فاهم
وانا قدام عينيك لازم
أكون جامدة وابان نسياك
...
قصاد عيني بقيت تضعف
ولكن كان لازم تعرف
علي جرحي أنا مسامحاك

علاء
اخى علاء طه
جميل جدا انك تكتب والاجمل اننا نقرا ونستمتع
فهذا الشعر السلس لا يكتبه الا صاحب قلب كبير فشكرا لكلماتك الرقيقه
يسرى عطيه سليمان

علاء طه ياسين

27/07/2009, 10h10

الأستاذ الفاضل
يسري عطية
:emrose:
أول مرة تشرفني بزيارتك
وده من حسن حظي
إن شاعر كبير زيك يطل طلة حلوة علي موضوعي
اقبل مني الوردة دي
:emrose:
من حب لحب يا قلبي ..
ولا تزعل ولا تتضايق ..
غيرك ضيع أيامه ..
وانت ضيعت دقايق ..
ودا طبع البنت الحلوة ..
تشاورلك وتغنيلك ..
لو مش بترد عليها ..
تيجي لعندك تحكيلك ..
وان رحت متيم ليها ..
تنظر ف الأرض عنيها ..
وكانها لا ابتسمت لك ..
ولا كانت عاوزة تجيلك ..

علاء

yosry_at

28/07/2009, 16h48

العزيز علاء طه
سهل انك تكتب ولكن ليس من السهل ان يدخل القلب كل مايكتب
فالمعنى جميل والرتم الموسيقى رائع والكلمات رقيقه ويارتنى مطرب
تحيه من القلب
يسرى عطيه سليمان

علاء طه ياسين

01/08/2009, 13h34

الشاعر الرائع
يسري عطية
:emrose:
هذا الكلام الجميل أعتبره وساما ..
شَكَرَكَ قلبي قبل لساني ...
وتحيتك التي من القلب وصلت إلي القلب ..
ولك مني تحية أرق من نسائم باردة في ليلة صيف حارة ..
............
مابين ساقية وبين توتة
بيهرب حلمنا العطشان
وقلبي سجين في حدوتة
ودايب في المرار دَوَبان
................
علاء

عفاف سليمان

03/08/2009, 12h57

:emrose:

بقولك انى مش فاكره
وف بعادك أكيد قادرة
أعيش عادي بدون رؤياك
...
باداري شوقي وبأبين
واقول إن الفراق هين
وانا من قلبى بتمناك
...
وليه وازاى انا باقوى
عليك ومبينه القسوه
وانا كلى حنين لهواك
...
بأحبك وانت مش فاهم
وانا قدام عينيك لازم
أكون جامدة وابان نسياك
...
قصاد عيني بقيت تضعف
ولكن كان لازم تعرف
علي جرحي أنا مسامحاك

علاء

اخى الاستاذ علاء :emrose:
بصراحه جميله جددددددددددا ورائعه:)
حلوه منك تلك الكلمات
احساس جميل بتوصفه
من راجل..... لامراه
او من امرأه...... لرجل
بجد سلمت يداك وسعيده بوجودى معكم
فى هذا المنتدى الجميل:crazy:
الذى كل يوم نكتشف فيه روائع جميله
من شعراء الكلمه..... والاغنيه
واتمنى ان تجمع الاغنيات والقصائد الخاصه بك
حتى لا تتوه فى جمال وزحام الكلمات
تحياتى لك اخى علاء
واتمنى لك التوفيق دائما
وارق الاوقات
اختكم عفاف