المساعد الشخصي الرقمي

مشاهدة النسخة كاملة : إفرح ياوريث

Tarek Elemary
04/04/2009, 18h48
إفرح ياوريث و إشكر لله زمن التوريث
و إحنا مالناش غير إن نقول غثنا يا مغيث
ما بقاش ف إدينا أيها شىء غير الفرجة
و إن قلنا ف ليل آهه طفح الكيل
يبقى ده تنفيس
ما تخدش ف بالك ياوارثنا
يا شايلنا ف عينك يا حارسنا
قايم نايم مهموم بهمومنا و مشاكلنا
و إحنا بهايم مش فاهم ليه انت فارسنا
دا انت ابن العز و أكل الوز
من يومك عايش عيشة تلذ
غرقان فى الهنا من تلاتين سنة
و احنا من الغيظ عا السن نكز
سيبك مننا
طول عمرنا كده
لا عرفنا قناعة فى يوم أو رضا
باصين ل اللى فى إيدين حكامنا
مع إننا ليكم كلنا فدا
يادوبك فدا
إفرح يا وريث و حياة والديك إفرح بينا
مهما لفيت و الله ما هاتلاقى زيينا
ناس صابرة و صامدة و مستحملة
ظلم و إهانات و سجون منكم بتخبينا
نستاهل ماحنا ولاد هرمة
مالقيناش اللى يربينا
ahmed noor
04/04/2009, 20h11
والله نتمنى

لكن للأسف هو فاهم ومطنش وعامل ودن من طين والتانيه من عجين

تقول ايه مفيش اغلب من شعبنا


:) لكن احييك على هذه العنصريه فى الكتابه :)
Tarek Elemary
04/04/2009, 20h36
المحترم السيد / أحمد نور
نورتنا بطلتك
وشرفتنا بمرورك وزينت الصفحة بكلماتك المعبرة
لكن سامحنى لسوء فهمى و عدم إدراكى لمحل العنصرية فيما كتبت
برجاء الإيضاح جزاكم الله عنى كل خير
و دمت لنا نورا وللمنتدى سرورا