المساعد الشخصي الرقمي

مشاهدة النسخة كاملة : إبداعات الشاعر طارق العمرى ، بدون تعليقات


Tarek Elemary
16/03/2009, 17h20
أنا ليه بقيت زى الجميع ما تهزنيش كلمة وطن
ما بقيتش أشعر بالأمان ما بقتش فيه حالة شجن
أصل الوطن مش طوب و طين و مية جارية فى الترع
كلمة وطن كانت زمان كانت أمان كانت سكن
كانت مشاعر فى الشوارع فى الغيطان بين الجيران
كانت سواعد فى النهار بتضم بالحب العيدان
كانت عيون سهرانة صاحية ع الحدود رغم البعاد
كانت زغاريد الصبايا والبنات عند الفرح كانت أدان

Tarek Elemary
02/04/2009, 08h11
متغربين عنك يا مصر .... و عن عيونك محرومين


و الزمن واقف ما مر .... و الساعات بتفوت سنين


مش بنملك غير خيال .... نسرح و ف عنينا الدموع


نفوق و ف بالنا سؤال .... آمته هايكون الرجوع


و عواطفى ف قلبى دفينة .... ما يدرى بيها الجيران


و انت ف عينى سفينة .... مرساها بر الأمان


أركب و أرمى حمولى .... و أقول بلاش العتاب


أسمع ما انتى تقولى .... أحضن و ابوس التراب


يا غربتى لا تطولى .... دى مصر الطعام و الشراب


و انا سمكة ف بحر الكنانة .... لو اطلع منه أموت


و القصر بره الكنانة .... ف عيونى قبر و تابوت


أرجع ياغربة أمانة .... قبل العمر ما يفوت


و ألاقى الغربة بتكدب .... و بعدى عنك يطول


و مهما القلب يتعذب .... ما يوم عنك ها يتحول


ف نار البعد أتقلب .... يزيد حبى عن الأول


يزيد حبى عن الأول

Tarek Elemary
04/04/2009, 19h48
إفرح ياوريث و إشكر لله زمن التوريث
و إحنا مالناش غير إن نقول غثنا يا مغيث
ما بقاش ف إدينا أيها شىء غير الفرجة
و إن قلنا ف ليل آهه طفح الكيل
يبقى ده تنفيس
ما تخدش ف بالك ياوارثنا
يا شايلنا ف عينك يا حارسنا
قايم نايم مهموم بهمومنا و مشاكلنا
و إحنا بهايم مش فاهم ليه انت فارسنا
دا انت ابن العز و أكل الوز
من يومك عايش عيشة تلذ
غرقان فى الهنا من تلاتين سنة
و احنا من الغيظ عا السن نكز
سيبك مننا
طول عمرنا كده
لا عرفنا قناعة فى يوم أو رضا
باصين ل اللى فى إيدين حكامنا
مع إننا ليكم كلنا فدا
يادوبك فدا
إفرح يا وريث و حياة والديك إفرح بينا
مهما لفيت و الله ما هاتلاقى زيينا
ناس صابرة و صامدة و مستحملة
ظلم و إهانات و سجون منكم بتخبينا
نستاهل ماحنا ولاد هرمة
مالقيناش اللى يربينا

Tarek Elemary
04/04/2009, 22h14
الغربة مش غربة جسد ...... و لا حد سافر من بلد
الغربة بين أهلك عذاب ...... و غربة الأفكار نكد
............
آه من عذابك يابنى لما تكون وحيد
تسمع صدى الصرخة لوحدك ده أكيد
ما يحس بيك إلا اللى زيك فى الهوى
قلبه إنكوى و عذابه بالأيام يزيد
................
صعبة قوى الغربة مابين أهلك وناسك
وانت معزول بأفكارك لوحدك جوه راسك
واللى أصعب من ده كله لما تبقى إنت صح
بس صحك كله بح والألم معصور بكاسك
......................

Tarek Elemary
05/04/2009, 15h31
لولا إنك الرئيس ........ كنت قلت ف يوم ميلادك أحلى قول
الكلمة عاملة أرتكاريا ... عاملة حاجز ... كاتبة ممنوع الوصول
ابعدوا يا عامة الشعب الغلابة فيه مهابة وفيه حدود و فيه أصول
آخركوا برقيات تهانى ... فى الصحف أوع المبانى واللى راح يدفع ينول
.............
واللى راح يكتب كلام زى اللئام الزمن ده راح وفات
لانا سيف الدولة هابقى ولا فيكم متنبى كله مات
الزمن ده يا حبايبى زمن اللى يحب يدفع يوروهات أو دولارات
شفت يا سيادة الرئيس ... اللى زيى كيف يشارك بمعانى و كلمات؟!!!
................
هو لوممكن يعنى ... يعنى يعنى لو مافيش فيها تجاوز أو تطاول
سمى نفسك أى اسم ... قول جنابه قول سيادته بس حاول
حاجة تلغى الأرتكاريا والبساريا حاجة غير بنا ومناول
وانا و حياة اللى خلقك هاشعرك بكلام يليقلك ... بس حاول
========================
فى ريفنا الجميل يقال للذى يفعل الأمر من أوله لآخره بناء و مناول
والرئيس لدينا (فى ثقافتنا مش فى بلدنا) يفعل كل شىء و الجوقة كلها كومبارس ينفذون توجيهات سيادته لذا وجب التنويه تفسيرا و تبريرا

Tarek Elemary
06/04/2009, 09h44
دى بقى علشان عيد ميلاد الريس اللى بالى بالك



عيد ميلاد سعيد مبارك ... عيد ميلادك يا أفندينا


عيد ميلاد سعيد عليك ... بس مش سعيد علينا


يا بو لبس و شعر شيك ... ليه يابوى دايما ناسينا


دايما السرور ماليك ... و إحنا الإكتئاب مالينا


كلنا فى ظلمك شريك ... إن كان محمد وللا مينا


ربنا م الخير عاطيك ... و إحنا ياللا ... ماعلينا


مش بنحسد معاليك ... بس اهه .. بيصعب علينا


تاكل انت حمام فريك ... و إحنا مش لاقيين عجينة


تمرح انت وولديك ... و احنا مش لاقيين كابينة


عيد ميلاد سعيد مبارك ... عيد ميلادك يا أفندينا

Tarek Elemary
06/04/2009, 17h54
يا بلدنا ليه تهونى فى الكمين؟


علي يد باشا و كام أمين


متربصين متحفذين متنمرين


غير التباتة و الغتاتة و سب دين
.......



رخصك بطاقتك و إركن إنت ع اليمين


و قول لأهلك إنت ويّانا مطول حبتين


بس ده إجراء روتينى مجرد إستعلام و بس


و الساعات طالت و فاتت كالسنين
......



ساعتها وحياتك كرهت رموش عنيكى


كرهت نفسى و كفرت بحبى ليكى


و إفتكرت نجيب سرور ويّا الفاجومى


وقلت وانت يامسكينة ذنبك ايه ..


ربنا يعوض عليكى
......



حد قاللى مرة ده غير دستورى


قلت أعمل فيها فاهم لما يبقى ييجى دورى


رحت قايل للملازم هوه فين حقك و حقى


قاللى تسمع عن طوارئ؟


كلمتى وقفت فى زورى
......



مش قادر أستوعب بتاتا الكمين


هوه إحنا أعداء فى الوطن


حد متربص لنا هوه إحنا فين؟


دى بلدنا أم مدنة ولا دا مجرد سكن؟
......



مش ممانع إنى أبقى يادوب مواطن


بس فين يا بلدنا حقى فى البلد؟


نفسى أبقى فيكى حر طليق وآمن


و أنا أكون خدام ترابك للأبد

Tarek Elemary
07/04/2009, 14h13
يا عم ده بس من ذوقك
يا فنان بيجرى الفن ف عروقك
يزيدك ربنا إلهام و عفوية
و يجعل ربى حراسه ...
من حواليك ومن فوقك

Tarek Elemary
07/04/2009, 17h54
يزيدك ربنا حب لحبيبنا إياه
و يعينك على محنة هوى رؤياه
بس سؤالى يا ريما يا ست الحسن
هل تتمنى بعد حسابه من ربه تكونى معاه؟!!

Tarek Elemary
07/04/2009, 18h43
أنا لم قلتله أبدا أنا موافق
و لا ف يوم قلت ياريس أنا عاشق
أنا رافض لكل الذل و التسطيح
أنا آسف على إعلام عميل فاسق

Tarek Elemary
07/04/2009, 22h46
قلبي يهفهف .. يرفرف لما يشوف بنوته

و يبعت رسايل هوى كاش و عالنوتة

و لا يهمه الملامة و لا يهمة الناس

هوه هايموت موتة واحدة و لا 100موتة





أنا أحب أقول اللي حاسة و اللي شايفاه عنية
و عواطفي زي الهوي ظاهرة مش مستخبية
قالو الصراحة راحة و إنتي .. آه من عنيكي
شبكة و سنارة .. و أنا قلبي ياما إنشبك في الرايحة و الجاية




(Tarekasem@hotmail.com)






إنت اللي فيهم يا حلو لو حتي خبيت عيونك

و الصورة باهتة و غبية لو كات من دونك

يا زينة الصحبة يا معطر البساتين

خايف عليك من عيونهم لا يحسدونك





أحلي ما فيكي عيونك الناعسة

و السحر ما يتوصف .. خايف انا أنسي

أبيع سنيني أنا لأجل الجمال و الزوق

طمعان يدوبك أنا في همسة أو لمسة





من حقك يا واد تتعاجب

و تقول إن أنا مش عاجب

مع إني في هواك متبهدل

من سحر الرموش و الحاجب






هاتروح بلاد الواق واق .. وبرضة راح ترجع



أصل الهروب م المصير و الله ما بينفع



ومهما طال السفر لك عش يا طيري



ما بين ضلوعي سكن مشتاق لو ترجع





إسكندرية ماريا و إنتي زينتها



و مارية غنوة جميلة عنيكي غنتها



و الرملة رقصت عشانك و إتلهفت ليكي



سألوها إيه السبب قالت .. سحر خطوتها





حلو و جميل المحيا و العيون زرقة



و رموشه زي السيف حامية ياناس حارقة



لو عمري ضاع في الهوي من شان يادوب نظرة



أقول فداك يا قمر و حياتي مش فارقة






تتقل علي أنا ... و أنا الل علمتك



معني الكلام و الهوي و قلبي سلمتك



تصعب عليا صحيح بس مش زي قلبي



آسف يا قلبي أنا اللي جنيت عليك و بهدلتك






لغة العيون أسرار و بحر ماله قرار



و إنتي عيونك ليل من اللي ماله نهار



عملت فيها بطل و سهرت علي رمشك



رماني رمشك بقسوة بقيت غريب الدار







يا أهل الهوي يا مجروحين يا عاشقين قبلي



ما فيش طريقة اللي بيها أغير اللي إنكتبلي؟



أصل الحقيقة غريبة و مين فينا بيقبلها



لا خلو بالي هويته و لا إنشغال البال طابلي

Tarek Elemary
08/04/2009, 14h08
يا سيدى عاوز تطاع أمر بما يستطاع
وايش يعمل الديك ف غابة يا عم وسط السباع
يدَّن يقولوا داوِشنا .. ولا حَد عنه حايِّشنا
إلا بتوع البِتاع
هوه الأسد لو سامِعنا ... و شارِينا أو مِش بايِعنا
كان حَد فِينا جاع؟
أو حَد مات فى السفينة ... بعد ما زار المدينة
و ضاع مِعَاه اللى ضَاع
ضاعِت كرامة بلَدنا ... لما رَمينا ولادنا
فى البحر من غير شراع
زمان لما كانت بَلدنا ... و صوت الأدان جِوة مَدنة
ملازنا وسط الضياع
دلوقتى بيفِر منها ... شباب حقيقى يزينها
و اليأس حتى النخاع
مرة على شط قبرص ... و البرد ع البطن يقرص
بعد ما باع اللى باع
فايتك و مرغم يا غالية ... و منايا أوصل إيطاليا
هاربان ما قلت الوداع
و يبيعنى تاجر لتاجر ... يرمينى نصاب لفاجر
سلعة و بقينا مشاع


أكيد هاكملها بعدين منك لله يا عم محمود يا سعد نكشتنى ليه؟

Tarek Elemary
08/04/2009, 16h19
سجَّان بيسقينى مُرِّك ... كرباجه فوق ضهر حُرِّك
هايزول فى غضبة جياع
و أرجع لحضن السواقى ... ألِّم منى اللى باقى
يخِف منى الصداع

Tarek Elemary
08/04/2009, 21h07
سُوق العُرُوبة جَبِرْ لَملِّم يا وَاد شالَكْ
و ابْكِى يا حِلْم الجِدُودْ على قَبر أمثالَكْ
الشِعر هَجَر القوافى غَنَّى الغُراب فِ الدُّوُر
وضاع زَمَان العَرَب؟ ... فال الله ولا فَالَكْ
..........
غَنَّى السِلاح فى الكِفَاح رقََصْ الرُصَاصْ ع الدمّْ
شَدْ الرِجَال عَ الزِنَاد هَزَمُوا جِبال الهَمّْ
و اتلم زهر البلاد من النجوع و الكفور
لَضَمُوا عُقُود الفِدَا لَبُّوا النِّدَا أَخُويا وابنِ العَمّْ
...........
كتبوا مَلاحِِمْ شَجَنْ يِِشْهَدْ عَليهَا الزَمَنْ
هَدُّوا الجبلْ صَّحُّوا الأمَلْ داسْ القَدَمْ عَ المِحَنْ
والعَتْمَة لما انّْجَلَتْ رَقَصْ النَّهَارْ فِ الُّنوُرْ
عَادْ العَرَبْ لِلطَّرَبْ على لَحنْ كِلْمِةْ وَطَنْ
............
تِفْتَكرُوا دَا كان خَيَالْ ولَّلا الأملْ كان وَهْمْ؟
و المُشْكِلَة فى القُوسْ ولَّلا الوَتَرْ وِ السَهْمْ
ولَّلا اِلِّلى شَدْ الوَتَرْ فى الأصْلْ كان مَأْجُورْ
صَوِّبْ عَلَى جَمْعِنا صَابْ الوَطَنْ بِالغَمّْ

Tarek Elemary
08/04/2009, 21h50
تعليق على قناديل المبدع محمد السلامونى

يا عاشق حنجرة قنديل
كعشق الآهه فى المواويل
أنا وياك فى عشق الحلو لما يطل
زى البدر لما يزين نجوم الليل
.....
يا غاوى الحرف و الكلمة يا سلامونى
يا ناسج توب حرير بالشعر على مهلك
أخاف أوفيك عليه حقك يلومونى
و أى كلام جميل يتقال هنا ... مش بس تستاهله ... ده يستاهلك

Tarek Elemary
08/04/2009, 22h14
طارق العمرى:
يا سيد الكل على كيفك
حروفك حادة من سيفك
وسيفك بالمداد مليان
ويسعدنى أكون ضيفك
عمو سيد أبوذهدة:
يا عَمْ ، الفـَرح ، تَشريفك
يزيح ، الهم ، تلطيفك
إذا نسيتنا ، و مُش نـَسْيان
يا سِيدي ، ابعتلنا طيفك
طارق العمرى:
أنا من ردك إتلخبط
و بحر الحيرة مالهوش شط
و باعى مش طويل زيك
ومش شايف نهاية الخط
عمو سيد أبوذهدة:

لاقيت فِرْوِد ، و نازِل أَطـْ
و انا يا عم ما خـَطـَّطْْ
لـَمَحت ، يا دوب ، سنَى ضيَّك
و بس ، يا دوبَك اتشَعْبَطْ
طارق العمرى:
ردودى عليك دى يوم سعدى
معايا حضرتك تاخد كده و تدى!!!
و لا فى الحلم كان ممكن أنا افكر
ما بين دررك أنا احشر كلمة من عندى

Tarek Elemary
09/04/2009, 17h54
الغربة مش غربة جَسَدْ ...... و لا حدسافر من بَلَدْ
الغربة بين أهلك عذاب ...... و غربة الأفكارنَكَدْ
............
آه من عذابك يابنى لما تكون وحيدْ
تسمع صدى الصرخة لوحدك دهأكيدْ
ما يحس بيكإلا اللى زيك فى الهوى
قلبه إنكوى و عذابه بالأيام يزيدْ
................
صعبة قوى الغربة مابين أهلكوناسَكْ
وانت معزولبأفكارك لوحدك جوه راسَكْ
واللى أصعب من ده كله لما تبقى إنت صحْ
بس صحك كله بح والألم مَعْصُوربكاسَكْ
......................



الآخرين سِجْنَكْ و فِكرَكْ إنت سجَّانَكْ


طعم الكلام إخْتَلَفْ مَعْقُود على لسَانَكْ


يا خسارة مين يفهمك وانت الغريب بينهم


مستغرباك عينهم مع إنهم فى الأصل خِلَّانَكْ


......................


قال المثل م الأزَلْ للِّى يفوت دَارُهْ


مهما الحِلِيوَه عَمَلْ يِتْقَّلْ مِقْدَارُهْ


و أنا دارى لم فُتَّهَا و الأهْلْ حَوَّالَيَّا


و بيتى مفتُوحْلُهُمْ ما حَدْ يُومْ زارُهْ


......................

Tarek Elemary
09/04/2009, 17h59
يا سيدى عاوز تطاع أمر بما يستطاع
وايش يعمل الديك ف غابة يا عم وسط السباع
يِدَّن يقولوا داوِشنا .. ولا حَد عنه حايِّشنا
إلا بتوع البِتاع
هوه الأسد لو سامِعنا ... و شارِينا أو مِش بايِعنا
كان حَد فِينا جاع؟
أو حَد مات فى السفينة ... بعد ما زار المدينة
و ضاع مِعَاه اللى ضَاع
ضاعِت كرامة بلَدنا ... لما رَمينا ولادنا
فى البحر من غير شراع
زمان لما كانت بَلدنا ... و صوت الأدان جِوة مَدنة
ملازنا وسط الضياع
دلوقتى بيفِر منها ... شباب حقيقى يزينها
و اليأس حتى النخاع
مرة على شط قبرص ... و البرد ع البطن يقرص
بعد ما باع اللى باع
فايتك و مرغم يا غالية ... و منايا أوصل إيطاليا
هاربان ما قلت الوداع
و يبيعنى تاجر لتاجر ... يرمينى نصاب لفاجر
سلعة و بقينا مشاع
سجَّان بيسقينى مُرِّك ... كرباجه فوق ضهر حُرِّك
هايزول فى غضبة جياع
و أرجع لحضن السواقى ... ألِّم منى اللى باقى
يخِف منى الصداع

Tarek Elemary
09/04/2009, 23h06
ردا على تصريحات الشاعر سيد أبو زهدة بأسباب غضب جبل المقطم الأخير كما زعم صدر البيان الحكومى الرسمى التالى:
سكووووت


من شاشة طَلّْ الجَمِيلْ .... وَسِيم مُعَطَّر مُهَنْدَمْ
أعلَنْ بَيَانُه الطَوِّيل .... و اتْحَدَّى لوْ حَدْ يِفْهَمْ
قال الحِلِّيوَةْ النَبِيلْ .... من تَحْتْ جَبَلْ المُقَطَّم
.....................................
الِّلى حَصَلْ لَلجَبَل .... من بَعْدْ قَعْدِة فَرْفَشةْ
نَفَضِ سِنِينْ الكَسَلْ .... قام انْبَسَطْ و إنْتَشَى
قام حاصِلِ الِّلى حَصَلْ .... من غير كُسُوُف أَوّْ خِشَى
...................................
حَبِةْ حِجَارَة صَغِيِرَة .... زىّْ النيرانِ الصَدِيِقَةْ
ضَلُّوا طريقْهُمْ بِحِيرَةْ .... فوُقْ قَلبْ حَىّْ الدِوَّيقةْ
هَبِّتْ جُمُوعْنَا الغَفِيرةْ .... ذَوِّى القُلُوب الرَقِيقَةْ
دَاوُوُا جِرَاحِ العَشِيرةْ .... و طَفُّوا نَارِ الحَرِّيقة
.....................................
يا ابو زَهْدّة عَنْدَكْ دَلِيلْ؟ .... ولَّلا انتِ غَاوِى ذَمّْ
ولَّلا الكَلام مِنْ قَبِيل .... إنِّ المُعَارِضْ أَهَمّْ
وِانِّ المِوَالِى عَمِيلْ .... أَعْمَى وِ أَبْكَمْ أَصَمّْ
...................................
وأرجَعْ وأقُول يابُو زَهْدَةْ .... جِبْتِ الكَلامْ دَّه مِنَيْنْ؟
ولَّلا إنْتَ مافِيشْ فَايْدَةْ .... للحَبْسْ جِوَّاكْ حَنِّيْنْ؟؟ !!!!!!

Tarek Elemary
10/04/2009, 19h43
يِجْعَل كلامى خَفِيف عليك يا عم سَيِّد
شَعْب السماعى بِيكْ صَبَابَا مُغْرَمِيِنْ
مُتَيَّمِيِنْ ... مابَيْن مِوَالِى أوّْ مِأَيِّدْ
قالوا المُعَارضَةْ لِيِكْ حَرَامْ ... حَتَّى لَوّْ كان بِالكَلامْ
" مَمْنُوُع يا سَيِّدْ "
-------
عَمْ رائِد هَبْ ثَايِّر ... ع الكَلام قَلَبِ الْمَوَائِد
حُبُّه لِيْك خلاَّه يِلُومنَى ... حَتَّى خَلاَّه مِشْ مِحَايِّدْ
حَتَّى دُكتُورنا أَنَسْ أَبو الوَنَسْ ... اِلِّلى مافَىِ حَدْ بِيْهْ إلاَّ أَنَسْ
شَدْ بِإِدَيْه يَدْ رَائِدْ ... قَالُّهْ كَفَّكْ .. خَدْتْ صَفَّكْ
هِزْ قَلَمَكْ ... فَهِّمْ العاصى المِِنَاهِدْ!!
-------
كُلُّهُم لاَمُوا عَلَّيَّا ... لَمَّا قُلْتْ بَيَانْ حُكُومى
بَسْ رَبَّكْ رَبْ نِيَّه ... صَاحِى لَوّْ نَامِتْ نُجُومِى
عَالِمْ انَّكْ عَنْدِى غِيّْه ... وعَالِمْ انِّى بِيْكْ مُتَيَّمْ
وانْ مَعْرِفْتَكْ هِدِيَّة ... و الهَدَايَا لا تُقَيَّمْ
-------
وانِّى فَاهِمْ مَعْنَى جَبَلْ الأَوْلِيَّا
وانِّى مَاشِى وَرَاكْ فِى كُلْ الأَوْدِّيَة
بسْ بَاتْحَسِّسْ خُطَّايَا لاَجْلْ عيْنِ الأَشْقِيَّا
-------
قُلُّهُمْ يَا عَمْ سَيِّدْ ... اِلَّلى بينِى وِ بينْ كَلاَمَكْ يِبْقَى عِشْقْ
بَسْ أَنَا مِشْ هَاتْقِمِصْ يوُم مِنُّهُمْ ...
مَعذُوُرِيْنْ ... بَرْضُه إِنْتَ تِستَحِقْ

Tarek Elemary
11/04/2009, 17h36
سُوق العُرُوبة جَبِرْ لَملِّم يا وَاد شالَكْ
و ابْكِى يا حِلْم الجِدُودْ على قَبر أمثالَكْ
الشِعر هَجَر القوافى غَنَّى الغُراب فِ الدُّوُر
وضاع زَمَان العَرَب؟ ... فال الله ولا فَالَكْ
..........
غَنَّى السِلاح فى الكِفَاح رقَصْ الرُصَاصْ ع الدمّْ
شَدْ الرِجَال عَ الزِنَاد هَزَمُوا جِبال الهَمّْ
و اتلم زهر البلاد من النجوع و الكفور
لَضَمُوا عُقُود الفِدَا لَبُّوا النِّدَا أَخُويا وابنِ العَمّْ
...........
كتبوا مَلاحِمْ شَجَنْ يِشْهَدْ عَليهَا الزَمَنْ
هَدُّوا الجبلْ صَّحُّوا الأمَلْ داسْ القَدَمْ عَ المِحَنْ
والعَتْمَة لما انّْجَلَتْ رَقَصْ النَّهَارْ فِ الُّنوُرْ
عَادْ العَرَبْ لِلطَّرَبْ على لَحنْ كِلْمِةْ وَطَنْ
............
تِفْتَكرُوا دَا كان خَيَالْ ولَّلا الأملْ كان وَهْمْ؟
و المُشْكِلَة فى القُوسْ ولَّلا الوَتَرْ وِ السَهْمْ
ولَّلا اِلِّلى شَدْ الوَتَرْ فى الأصْلْ كان مَأْجُورْ
صَوِّبْ عَلَى حِلْمِنَا صَابْ الوَطَنْ بِالغَمّْ

Tarek Elemary
11/04/2009, 18h41
بعد الصِوَانْ ما انْشَالْ ... وِالِّلى عِرِفْ عَزَّى


و اتْغَنَّى كَامْ موَّال ... هزُّوا الكَيَانْ هَزَّةْ


ماتِيجُوا نِسْأَلْ سُؤَاَلْ ... عَ الِّلى جَرَى فْ غَزَّةْ
-------



هِوَّه احْنا إِخْوَةْ بصَحِيحْ؟ ... وِاِلِّلى مَا بينَّا عَهْدْ؟


نِنْزِفْ لِجَرْحْ الجَرِيِحْ ... وِنِغِيتُه سَاعْةْ اِلْجَدْ؟


ولَّا اَلِّلسَانِ الفَصِيِح ... مَاتْ و انْدَفَنْ و اتْمَدْ؟


أوْ هىَّ بَقَى بِالصَرِيِحْ... مَا حَدْ يِنْفَعْ حَدْ؟
-------



يا حلم كل العرب ... هُوَه انْتَ رَايِحْ فَيْنْ؟


جَبَل الكرامة انضَرَبْ ... و الفُرجَة بالملايين


شوارعنا قَادِتْ غَضَبْ ... بَسْ الجُنُود نَايمِينْ!!
-------



حناجِرْنَا صَرَخِتْ فِدَا ... بَسْ السَوَاعِدْ هُسْ


يا فَرْحْ كُلْ العِدَا ... اللَّبْدَانِينْ فِى الخُصْ


حكامْنَا مِنْ دَا لِدَا ... باعُوا الوَطَنْ بالرُخْصْ
-------



يا شعب من غير قضية ... يبقى الأمل أوهامْ


يا شَعْبْ فَكَّرْ شِوَيَّة ... وانْظُرْ بَقَى لِقُدَّامْ


المُعْضِلَةْ هىَّ هيَّهْ ... مِنْ طَنْجَة لَمَّا الشَّامْ


يا رَبْ نَجِّى الرَعِّية ... مِنْ طُغْمِةْ اِلحُكَّامْ


=====================================

الموضوع لسة فيه كلام و تعديل و ربنا يبعت

Tarek Elemary
11/04/2009, 18h45
بعد الصِوَانْ ما انْشَالْ ... وِالِّلى عِرِفْ عَزَّى

و اتْغَنَّى كَامْ موَّال ... هزُّوا الكَيَانْ هَزَّةْ

ماتِيجُوا نِسْأَلْ سُؤَاَلْ ... عَ الِّلى جَرَى فْ غَزَّةْ
-------
هِوَّه احْنا إِخْوَةْ بصَحِيحْ؟ ... وِاِلِّلى مَا بينَّا عَهْدْ؟
نِنْزِفْ لِجَرْحْ الجَرِيِحْ ... وِنِغِيتُه سَاعْةْ اِلْجَدْ؟
ولَّا اَلِّلسَانِ الفَصِيِح ... مَاتْ و انْدَفَنْ و اتْمَدْ؟
أوْ هىَّ بَقَى بِالصَرِيِحْ... مَا حَدْ يِنْفَعْ حَدْ؟
-------
يا حلم كل العرب ... هُوَه انْتَ رَايِحْ فَيْنْ؟

جَبَل الكرامة انضَرَبْ ... و الفُرجَة بالملايين
شوارعنا قَادِتْ غَضَبْ ... بَسْ الجُنُود نَايمِينْ!!
-------
حناجِرْنَا صَرَخِتْ فِدَا ... بَسْ السَوَاعِدْ هُسْ
يا فَرْحْ كُلْ العِدَا ... اللَّبْدَانِينْ فِى الخُصْ
حكامْنَا مِنْ دَا لِدَا ... باعُوا الوَطَنْ بالرُخْصْ
-------
يا شعب من غير قضية ... يبقى الأمل أوهامْ
يا شَعْبْ فَكَّرْ شِوَيَّة ... وانْظُرْ بَقَى لِقُدَّامْ
المُعْضِلَةْ هىَّ هيَّهْ ... مِنْ طَنْجَة لَمَّا الشَّامْ
يا رَبْ نَجِّى الرَعِّية ... مِنْ طُغْمِةْ اِلحُكَّامْ


=====================================


الموضوع لسة فيه كلام و تعديل و ربنا يبعت

Tarek Elemary
15/04/2009, 17h55
فَقْدْ الأم دى حاجة تغُمْ


مهما بقيت صلب و متعافى ... تحس بيتمْ


و لا فِيهْ كَفْ يطَبْطَبْ حانى .. لما تعانى


و لا دِرَاعَاتْ فى الفَرْحْ تضُمْ


و لا واحة .. تاخْدَكْ بالراحة


تِغسِلْ فيها وجع الدنيا و تِنْسَى الهَمْ


أول أنثى تهِّزْ كَيَانَّا


أول صوت فى وِدَانَك غَنَّى


أول كِلمة نَطَقْهَا لِسَانَّا ... كلمة أمْ


يالِّلى معاك أمك اسعِدْهَا


خُدْهَا نَصِيِحَة مِنِ الِّلى فَقَدْهَا


أُمَّكْ كِنْزْ بِمَلْوْ الفُمْ

Tarek Elemary
15/04/2009, 20h26
نَطَقْ القَلَمْ مِ الأَلَمْ قَال الحُرُوف أنِّتْ
و الوَرَقَة بينِ السُطُورْ مَوَّال حَزِينْ غنِّتْ
بالدَمْعِ سَالِ الْمِدَادْ رَسَمْ الحِدَادْ خَطَّيْنْ
يا جَرْحْ وَطَنِى الحَزِيِنْ صُوُتْ شَكْوِتَكْ رَنِّتْ
-------
بَاكْتِبْ ولَا بِتِنْدِمِلْ يا جَرحْ مَكْتُوبِى
يا فَرْحْ مَا بِتِكْتِمِلْ غَطَّى الْوَجَعْ تَوبِى
أَسَفِى عَليْكْ يَا أَمَلْ لَمَّا تِكُوُنْ مُمْكِنْ
و آهْ يَا طَعْمِ النَدَمْ يَا مَلْوّْ مَشْرُوبِى

Tarek Elemary
15/04/2009, 21h17
بعد الصِوَانْ ما انْشَالْ ... وِالِّلى عِرِفْ عَزَّى
و اتْغَنَّى كَامْ موَّال ... هزُّوا الكَيَانْ هَزَّةْ
ماتِيجُوا نِسْأَلْ سُؤَاَلْ ... عَ الِّلى جَرَى فْ غَزَّةْ
-------
هِوَّه احْنا إِخْوَةْ بصَحِيحْ؟ ... وِاِلِّلى مَا بينَّا عَهْدْ؟
نِنْزِفْ لِجَرْحْ الجَرِيِحْ ... وِنِغِيتُه سَاعْةْ اِلْجَدْ؟
ولَّا اَلِّلسَانِ الفَصِيِح ... مَاتْ و انْدَفَنْ و اتْمَدْ؟
أوْ هىَّ بَقَى بِالصَرِيِحْ... مَا حَدْ يِنْفَعْ حَدْ؟
-------
يا حلم كل العرب ... هُوَه انْتَ رَايِحْ فَيْنْ؟
جَبَل الكرامة انضَرَبْ ... و الفُرجَة بالملايين
شوارعنا قَادِتْ غَضَبْ ... بَسْ الجُنُود نَايمِينْ!!
-------
حناجِرْنَا صَرَخِتْ فِدَا ... بَسْ السَوَاعِدْ هُسْ
يا فَرْحْ كُلْ العِدَا ... اللَّبْدَانِينْ فِى الخُصْ
حكامْنَا مِنْ دَا لِدَا ... باعُوا الوَطَنْ بالرُخْصْ
-------
يا شعب من غير قضية ... يبقى الأمل أوهامْ
يا شَعْبْ فَكَّرْ شِوَيَّة ... وانْظُرْ بَقَى لِقُدَّامْ
المُعْضِلَةْ هىَّ هيَّهْ ... مِنْ طَنْجَة لَمَّا الشَّامْ
يا رَبْ نَجِّى الرَعِّية ... مِنْ طُغْمِةْ اِلحُكَّامْ

Tarek Elemary
21/04/2009, 15h30
تشى جيفارا كان زعيم ثورى وكان فعلا ولد
و انت يا سِيِدنا أمير فى الشعر زيك مااتولد
نديم حكيم مصرى صميم و حجته تقنع بلد
ناعم حرير قلبه الكبير يساعى ماتعدش عدد
حليم صحيح لكن صريح ساعة الوغى تلقاه أسد
مصرى و هاجر بس جدره جنب شط النيل وَتَدْ
حمال أسية ع الكتاف تقولش كان جبل أُحُدْ
هايم بآل البيت و عاشق للنبى ماشى يقول أحدٌ أحَدْ
أنا بيه بقيت صوفى متيم زَيُّكو لكنه ليه عنكم شَرَدْ
سألت كل الناس عليه قالولى أبدا لم وَرَدْ
ده أصله زى البدر ييجى و يختفى ويرجع هلاله يتوَلَدْ
إسهر ليالى نص كل شهر عربى حتما ضرورى يِتْوِجِدْ
من يومها و انا سهران يا عمى بس ليه طال الأمَدْ؟
ارجع يا سيد الكل طل بنور و فل و قووول مَدَدْ
مدد يا سيد الناس تعالى ف حر ليل الصيف بَرَدْ

Tarek Elemary
24/04/2009, 14h27
مدد يا أهل المدد ... يا بخت اللى اتْسَعَدْ
و شِرِب من شهد نيلك ... و بعشقك اتْوَعَدْ
-------
يا حلوة بين جيرانك ... ماحد يزِيِنْ مَكَانِك
ربِك هوَّه الِّلى صانك ... محفوظة للأبدْ
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
-------
مَهْما يمُر الزمنْ ... هاتهون كل المحَنْ
و يِتْعَافَى البَدَنْ ... و الفَجْر هايِتْوَلَدْ
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
-------
يا ساكنة فى القلوب ... شمسك مالهاش غروب
عن حبك مِينْ يِتُوبْ ... و انتى أعظم بلد
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
-------
يا ام النيل و الرجال ... و الُّلقمة بالحلال
حَطْ المجد الرحال ... على أرضك و اتْوَلَدْ
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد

Tarek Elemary
24/04/2009, 19h50
من قبل ستين سنة ... كان الحمام عَ الدوح
عايش فى فرح و هنا ... يهْدِل بصوت مبحوح
يِتْغَنى بيه الغُنَى ... و يناجى بيه البَوح
و العِشْ كان عِشِّنا ... لكل طير مفتوح
-------
شجر الزَتون كان سَكَنْ ... لما احنا كُنا حمام
كان الجيران فى الوطن ... أولاد خِيلان و اعْمَام
جُدُورنا جُّوة الزمن ... صُحبة وْ نَسَبْ و كلام
و اللى يِغَنِّى بْشَجَنْ ... نسمع نقول يا سلام
-------
فجأة الغراب انبرى ... مسنود من الخفافيش
هجم الجبان و افترى ... طار الكَرى و الريش
خطف عُشُوشْنا و جرى ... لا بوليس يِغِيِتْ ولا جيش
يا ألمى مِ الِّلى جَرَى ... الدمع ما يْكَفِّيِشْ
-------
زرع الغراب وسطنا ... عشه الكئيب بالزور
البُوم وقف ضِدِّنا ... قال الألم بالدور
من يومها ضاع حلمنا ... مع عشنا المأسور
على ايد عميل مِنِّنَا ... و ف رَكْبُه كَامْ مَأْجور
-------
ما عرفنا مين العِدا ... و لا ضد مين هانْثُور
ضد الِّلى جار و اعتدى ... ولَّلا الِّلى جُوَّه الدُوُر
نِفْسِى أَلَبِّى النِدَا ... يا صَرْخِةْ المغْدُوُر
الروح تُهُون فِ الْفِدا ... بَسْ الجناح مكسور

================

Tarek Elemary
24/04/2009, 20h24
مدد يا أهل المدد ... يا بخت اللى اتْسَعَدْ
و شِرِب من شهد نيلك ... و بعشقك اتْوَعَدْ
-------
يا حلوة بين جيرانك ... ماحد يزِيِنْ مَكَانِك
ربِك هوَّه الِّلى صانك ... محفوظة للأبدْ
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
-------
مَهْما يمُر الزمنْ ... هاتهون كل المحَنْ
و يِتْعَافَى البَدَنْ ... و الفَجْر هايِتْوَلَدْ
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
-------
يا ساكنة فى القلوب ... شمسك مالهاش غروب
عن حبك مِينْ يِتُوبْ ... و انتى أعظم بلد
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد
-------
يا ام النيل و الرجال ... و الُّلقمة بالحلال
حَطْ المجد الرحال ... على أرضك و اتْوَلَدْ
مدد يا أهل المدد ... يا بخت اللى اتسعد
و شرب من شهد نيلك ... و بعشقك اتوعد

Tarek Elemary
30/04/2009, 08h08
نعم يا مارس الأخضر ....... نعم يا مارس المزهر
نعم يا سيد الأشهر ....... نعم أهواك بل أكثر
لأنه فيك ولد الحب ....... ولد الملهم الأكبر
نعم فى ظلك الوارف ....... أتانى الحبُ يتبختر
و يتمايل بأغصانٍ ....... كخد الورد أو أنضر
نعم يا سيد الأشهر ....... نعم أهواك بل أكثر
*******
نعم أهواك يا مارس
و أهوى كل أيامك ....... و لكن ليس كالخامس
فأيامك كحاشيةٍ ....... و خامسهم على هاماتهم جالس
كأن القمر فى ليلاتك هلالاً ....... و لا يكتملُ إلا ليلة الخامس
لأنه فيك يشجينى و يسكرنى ....... بلحنٍ حالمٍ هامس
فهو من جاء بالآمالِ ضاحكةً ....... و قبله كنت كاليائس
لذا أهواك يا مارس ....... و أهوى كل أيامك
و لكن ليس كالخامس
*******
لأنه جاء بعذب الأمانى ... و زهر الربيع و حلو الأغانى
و سحر العيونِ ليخلب لُبى ... و رجفة حبٍ تهز كيانى
لأنه جاء كثيف الظلالِ ... سَخِىُّ اليمين و قِطْفُه دانى
لأنه جاء رسول غرامِ ... أنهى البعاد أحَلَّ التدانى
مارس .. مارس .. إنى أحبك
تذهب كل شهور العامِ و تبقى أنت ... كفانى .. كفانى
كبريت البحارة : 29/11/1990


____________


عيد ميلاد زوجتى 5 مارس و لا أحد يسأل سنة كم؟
خليكو شيك______

Tarek Elemary
30/04/2009, 23h02
عذِّبِتنى الطِيبة فيكى
و ابتسامتك لما بتقابلى الجميع فاتحة إيديكى
و الحنان و الصبر و القلب الكبير
مابينفعوش يامَّايه أبداً صدقينى
و حياة ولادك .. اللى بين كل البلاد متبعترين
ارفعى بالسيف اديكى و هددى
ما تنددى
إوعى تفتكرى ان صبرك يوم يفيد ... لأ .. هددى
و اعزفى ألحان زمان و رددى
و إوعى يوم تترددى
هِزى عرش الظلم يالله ... إهدِميه
و ابنى صرحك من جديد و جددى
*****
ما تكتميش يامَّاية غيظِك فى الحشا
و ماتُصبريش
ما تفَجَرِيش غيظِك نبات يخضَّر عوده
ماتسكتيش
عايزين نموت من كتر جُوعْنا
ماتخافيش
عايزين نموت علشان نعيش
أنا عارف انك فاهمه قصدى
ماتنكريش
سبب الحياة مش بس ميَّة و حَشْوْ عيش
لأ .. ده إنتحار
و عذاب و نار
سبب الحياة .. كلمة قوية فى وِشْ ظالم
مِشْ حَنُون
كلمة تِجمع ألف إِيد
علشان شموعنا يوم تِقِيد
و تحرق الِّلى بألف وِشْ .. و ألف لون
يامَّاية طعم الأكل مُرْ
الجوع واحشنى
عايز أعيش جعان و حُرْ
قولى يامَّه أيه حايشنى
*****
قومى مَرَّة
دى الحياة من غير قيامك بايخة .. مُرَّة
مالها طعم و مالها لون
قومى قولى لكل جبار فوق ترابك
إِخْتِشِى
قومى صُدِّى الريح و عِيِشى بَرَّه سجنك
وانتِشى
دخَّلى فى السجن بَدَلِك كل ظالم
كل خاين مُرْتَشى
و قومى مَرَّة
دى الحياة من غير قِيَامك بايخة ... مُرَّة
*****
ارفعى عَلَمِك يِرَفْرَف فوق هامات المخلصين
و ضُمِّى فى حضنك ولادك
الغلابة المشتاقين
و اللى عِشْقُوا لاجْلْ خاطرك و ف هواكى
رمال و طين
ضُمِّى أطفالك بحب
يِخَضَّرُولِك أحلى بُكْرَة
و ارفعى جبينك بِعِزَّة
و شِيِلِى تَعْصِيبْةِ العِنين
و شِيِلِى تَعْصِيبْةِ العِنين

Tarek Elemary
02/05/2009, 21h32
الدكتور مابقاش بِيْطَبَّبْ
بقى فينا عَيْشُة بِيْقَلِّبْ
و احنا بقينا لِيْه سبوبة
و لا فارقة معاه مين يتعذَّبْ
***
بقى قاسى و القسوة مرار
تقولش مقاول أو جزار
و يباصى لتحاليل و أشِّعَة
و عمولته عمولة سمسار
***
يكتبلك أدوية بالزوفة
و عمولته طبعا معروفه
و انت تِكُعْ و مالك حيلة
و العملية بقت مكشوفة
***
ده بقى حال الكل وحالى
و لا هاتخلِّلى رخيص ولا غالى
لو يوم عندك حد إتألِّم
و الدولة تقولك وانا مالى
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!!

Tarek Elemary
02/05/2009, 22h07
على أيَّامنا كان اسمه مُعَلِّم
منه بْنِفْهَمْ و بنتعَلِّم
يُشْخُطْ تِلْقَى الفصل دَه هُسْ
و لا يِقْدَر مَخلُوق يِتْكِلِّم
***
دِلوَقتى بقى أستاذ سيكا
حِصِّته ميلودى أومزِّيكا
أمَّا الشرح ... ياراجل سيبك
مُخْ ولادنا بقى أستيكة
***
التعليم بقى درس و سنتر
إشى مرجع واشى ملزمة أقصر
و الأستاذ بقى برضه مقاول
له تسعيرة إذا كنت هاتقدر
***
و الحصة محسوبة بالفيمتو
أصل الوقت ده يعرف قيمته
عداد والحسَّابة بِتِحْسِب
دَخْلَك كُلُّه لاجل سيادته
***
ده بقى حال الكل وحالى
و لا هاتخلِّلى رخيص ولا غالى
لو عندك حد بِيِتْعَلِّم
و الدولة تقولك وانا مالى
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!!

Tarek Elemary
02/05/2009, 23h58
سوَّاق التاكسى يا جمالُه
الله يِيَسَّر حالنا و حاله
و الشرطى الواقِفْ فى الشارع
أجدع منُّه بِجَدْ خياله
***
تشاور يفتحلك تحقيق
و كأنه له سير و طريق
يختار المشوار بمزاجه
و لابد يآنسَكْ برفيق
***
وان قلت العدَّاد يا أخينا
هايقُولَّك إنزِل هَوِّينا
دانت زبون م العصر الحجرى
آخرَكْ تركَبْ حَنطور نَينَه
***
هايقَاوْلَك من قبل ما تركب
و أمَّا هاتوصل تانى ها تِتْعَب
هَايْجَّرَّس أهلك بفضيحة
أحسن تدفع و إوعَاكْ تِغْضَب
***
إستغلال و بَجَاحَة و فِرْدة
و التاكسى يا زيستافا يا قِرْدَة
اللِّى يِحِب النبى يِدِّيها
زَقَّة هانوصل واحدة بواحدة
***
ده بقى حال الكل وحالى
و لا هاتخلِّلى رخيص ولا غالى
لو عندك مَوْعِد و ضرورى
و الدولة تقولك وانا مالى
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!!

Tarek Elemary
03/05/2009, 22h38
البيه البواب يا جَمَاعة
يبدأ مظبوط زَىّْ الساعة
همة نشاط إخلاص وتفانى
هادى و طيب غير الطاعة
***
بعد يومين تلاقيه بيطَنَّش
سَمَعُه تِقِيل ونضيف و مِرَوِّش
بَقَى سمسار لِشُقَقْ و مُنادى
على كل الشارع بيكَوَّش
***
تناديله يعمل مش سامع
وان راح المشوار مش راجع
و ان قلت فلوسك تداويه
تبقى صحيح بقى راجل لاسع
***
بقى بلَّاعة وعمره ما يشبع
و لا زوق و لا شدة بقت تنفع
وان كنت من النوع الحامى
يا هاتِتْشَلْ يا إمَّا هاتِبْلَع
***
ده بقى حال الكل وحالى
البوَّاب بقى حلم خيالى
يا تعيش فى مشاكل وتعانى
يا تطنش وتقول وانا مالى
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!!

Tarek Elemary
03/05/2009, 23h21
الفاكهة أشكال و ألوان
و أنا مُعْجَب بيها و ولهان
تطلب ايدها من الفكهانى
تسمع منه طقم حنان
***
و يلِفَّك لَفْ الحَلَزُون
جوِّة الكيس سِر و مدفون
ترجع بيتك نافخ ريشك
جايب فى البرازيل مية جون
***
تِفْتَحْ كِيسَكْ تِلْقَى عَفَانَة
الفاكهةكُلَّهَا تَلْفَانَة
شَكْلَكْ يِبْقَى بْجَدْ يَزَعَّل
عَنْد الحُرْ دى تِبْقَى إهانة
***
و تْرُوحْلُه يِزَعَّقْ و يْبَوَّقْ
يُشْخُطْ و يْقُولَّك ما تْرَوَّق
أنا عَبَّيت قُدَّامك حاجتك
من وِشْ القَفَصْ المِتزَوَّقْ

***
ده بقى حال الكل وحالى
مش قادر أنسى اللى جرالى
الفكهانى خدعنى و فاتنى
نادم على تَغْفِيلى ليالى
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!!

Tarek Elemary
04/05/2009, 23h03
هذه خاطرة بين الشعر و النثر و بينى وبين نفسى كنت لا أعرضها ولكن ما تغلاش عليكم بشرط عدم معاملتها على أنها من أىٍ من قوالب الإبداع إعتبروها فضفضة ... مش احنا أصحاب برضه؟
*****
مش بحبك لأ
أصل كلمة حب أصغر من شعورى
و انتِ ساكنة بين عروقى و انتِ قاعدة جوة قلبى مربعة
و الضحكة فى الوش المنوَّر زَىّْ بدر مزهزهة فوق الشفايف
و انتِ ساكنة الليل بدور
و انتِ مالية الفجر نور
و اللى بينى و بين عيونك مش غرام و لا حب من حب البشر
أصل انتِ مش بشر
إنتِ جايبة من الملايكة القلب و النور و الصفا
وإنتِ أسطورة ف حياتى زَىّْ عرسان البحور
حضنك دَفَا
إنتِ يا ضحكة نسيم الفجر فوق ورق الشجر
إنتِ يا موجة حنان تغسل شطوطى بحبها و تحضن رمالى
إنت يا بسمة حياتى و ضحكة فى عمر القدر
*****
اللى بينى و بين عيونك ما يساعيهش الكون كتابة لَمَّا أقول
علشان كده أنا مش بحبك
أصل كلمة حب عاجزة ... عاجزة توصف للعقول
و البشر ... كل البشر ما ألِّفوش كلمة تعبَّر عن شعورى
معذورين ... علشان بشر .. عشقوا بشر
و إنتِ أبداً مش بشر
لو شافوكى زَىِّ ما شايفاكى عينى
كات عيونهم تشكر المولى اللى خالقك
و اللى نَزِّل واحدة من حور الجنان أرض البشر
كانوا قالوا زَىِّ ما باقول من زمان
ان شمس الدنيا بِترَوَّح و تبكى كل ليلة
كل ليلة من بعد الغروب غيرانة منك .. من جمالك
و البُكى يفضل مع نور الصباح حبات ندى فوق الغصون فوق الورق
كانوا قالوا إن زّيِّك ماإتخلَقْش اثنين
وإن ضِحكِك كان مطر فوق الصحارى خَضَّرِت و بَقِتْ واحات
و إن هَمسِك لحن أجمل من غناوى الطير على شجر الربيع
*****
حب البشر فيه هجر و أسيَّة و عذاب
و فيه غرض و فيه حلاوة
حب البشر فيه قلب بيْدُق و أيادى بِتِرْتِعِش و فيه قساوة
بس إحنا مش زَىِّ البشر و لا حبنا زَىِّ البشر
لَمَّا نتقابل نحس ان إحنا من ألفين سنة متفرقين
وأما نتفارق نحِس ان احنا مش متفرقين
كل واحد فينا ساكن جوة قلب التانى ومضلل عليه
فى العينين صورة و فى الودنين كلام
و حلم أجمل م الخيال فى عقلنا
لافى حِقد و لا خَطِيئة و لا نِفاق
لافى غيرة و لا دلال فيه إشتياق
علشان كدة أنا نفسى أألف ألف كلمة فى كلمة واحدة
كلمة توصف حبى و شعورى و أحاسيسى الجميلة
اللى مش زَىِّ البشر
أصل كلمة حب أصغر من شعورى اللى غلغل و إنتشر
*****
أنا شايفك من بعيد فدادين ورود مِتلَوِنة فَرْح ونعيم
وانا حاسس بيكى نسمة صيف طرية فوق عيونى و طيف كريم
و أنا فارشك ع الربيع خضرة و زهور و أحلى نشوة فى دنيتى
و أنا سامعك ضحك طفل و لحن أنعم من جناحات الفراش
بس و حياة اللى خالقك آية لعباده البشر
كل شعر الدنيا مش قادر يعبر عن شعورى وعن هوايا
و اللى بينى وبين عيونك حاجة تتحس بقلوب العاشقين
حاجة تفضل جوة مابين الضلوع شوق وإشتياق و هوى وحنين
مهما مَرْ العمر بينا و مهما راح الليل و جَه بَدَلُه النهار
مليون نهار ...برضه حاسس بالحنين
مهما كنتى بين ضلوعى ... و مهما داب عودك حنان بين الإيدين
أنا مش بحبك ... لأ دا كلمة حب دى لاجل البشر
كلمة أصغر من شعورى اللى غلغل و إنتشر

Tarek Elemary
05/05/2009, 12h31
بَاشَا ما يِعرف عُمره بشاشة
كل الخَلْق أذاه تِتْحَاشَى
يمشى تقولش طاووس يتعاجب
مع انه ابن الأسطى عماشة
***
كل الناس فى عيونه لِمَامة
و لا عادشى مَرُوءَة و لا شَهَامة
يِعْمِل ع المساكين فَرعون
و المَسْنود يِبْقالُه نَعَامة
***
ظَالِم حَالِم يِوْصَل فوق
على رَقَبِة أَيُّها مَخلُوق
نِدْعِى المَوْلى يُلطًفْ بِينَا
فى ظِلِّ قانونَّا المخروق
***
لَوْ شُفنَا بِعْنِينَا الواقْعَة
حادثَة خناقة حَرِيقَة ووالْعَة
بِنْبَلَّغ بالإسم الوهمى
خَايفِين مِن مِرْوَاح بِلا رَجعة
***
ده بقى حال الكل وحالى
الكُل يقولَّك وانا مالى
خايفين من بشوات الشرطة
أصحاب سطوة يا بوى و معالى
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!!

Tarek Elemary
05/05/2009, 20h00
تُهْتْ فيكى رَغْم إنى إبن ضَرْعِكْ
و انكَوَيت و بَكيت ليالى
وانظَلَمْتْ بْحُكْم شَرْعِكْ
فيكى غُربَة .. رغم إنِّك حُضْن دافى
مَيِّتِكْ عَكْرانة ليه؟
و انتِ نَبْعِك حِلوْ صَافى
رغم دينِك ... رغم عَدلِك
الغِيوم مَالْيَة عِينِيكى .. و الحَرام بِيْشُقْ سَمْعِكْ
لابسَة توب مِشْ قَدْ قَدِّك .. رغم إن العَقل طَبْعِكْ
الضَيَاع سَاكِن دُرُوبِكْ .. و التِرَعْ مَليانة دَمْعِِكْ
و رَغْمْ عِشْقِى تُهْتْ فيكى .. رَغْم إنى إبن ضَرْعِكْ
و انكَوَيت و بَكيت ليالى .. وانظَلَمْتْ بْحُكْم شَرْعِكْ
***
العيون الحلوة هاجرِتْ من رِمُوشهَا الإبتِسامَة
و الجِفُون مَرْسُومة فيها سِكَة سَكْنَاها النَدامةْ
و الخُدُود الوردى رَوَّتهَا الدُموع المُرَّة يَامَه
لَيه بِعِدْتِى .. لَيهْ هَجَرْتى سِكِّة النور و السلامة
كُنْتِ زَهْرِةْ كُلْ وادى و كنتِ بَدرْ اللَّيل و نُورُه
وكُنْتِ كِلمِة حَقْ سيفِك يُطرُد الظُلم لجُحُوره
كُنْتِ عربية أبِيَّة كُنْتِ رَمْزْ للشَهَامة
النِهاردة فْ عِزْ شَمسِك ... ساكنة فى سماكى الغَيَامة
تِحْجِب النور عن عِنيكى تْكَدَّرِك
يِبْقى جَهْلِك رَغْم عِلْمِك فوق جِبِينِك لَيْه علامة؟
لَيْهْ يِبْقَى ليلك فى النَهَار عَ الوِشْ شَامَة؟
***
الضياع خَلَّانى ألفلِفْ كل دارِك دَرْب دَرْبْ
كل وادى .. كل مينا .. كل حارة شرق غرب
و العَرَقْ وَيَّا الدُموع فوق الخَطَاوى نازلة صَبْ
إنجَرَحْ قِلبى الحِنَيِّن اللِّى غير حُضنِك ما حَبْ
حَسْ بالخوف بين رُبُوعِك
إنطَفَتْ فى إيديه شَموعِك
إتْمَلَى كاس الهَوَان وِالقَلب عَبْ
الأنين و الخوف و ضَعْفِك رِيحُه هَبْ
و الحَريقِ اللى إنطَفَا زَمَنْ الوَفا من تانى شَبْ
فوق دروبك رغم تَوْحِيدِك يا عَابْدَة
ألف مشتاق يبقى رَبْ ... ألف فاهِم إنُّه رَبْ!!!
***
أرضِك الخِصْبَة الحنونة تَصَدَقى .... مزروعة حنضلْ!!
و الزَتُون و القَمْح عَطْشان فى الفَيَافى ... مَرْمِى مُهْمَلْ
كلُّه بِيْقُول نفسى نفسى كله مش فارِقْ معاه كل اللى يِحْصَلْ
فيكى غابة و اللى باقى فيها دايماً بَاعُه أطْوَلْ
كل وِدْيانك دِيَابة ليل نَهَار عَمَّالة تِعْوِى
و الضمير الحَىّْ فيكى إتْرَمَى فى الجُبْ يِهْوِى
بَسْ أنا مُشْ قَادْر أفُوتِكْ رَغْم إنِ البُعْدْ أسْهَلْ
رغم إنى تُهْتْ فيكى ... مهما ليل تَوَهَانِى طال
حاسِسْ إنْ الصَبْرْ أطْوَلْ ... عَارِفْ إنْ الصَبْر أجْمَلْ
وحالف إنى مِشْ هَافُوتِك ... رَغْم إنْ البُعْدْ أسْهَلْ!!

Tarek Elemary
05/05/2009, 20h00
تُهْتْ فيكى رَغْم إنى إبن ضَرْعِكْ
و انكَوَيت و بَكيت ليالى
وانظَلَمْتْ بْحُكْم شَرْعِكْ
فيكى غُربَة .. رغم إنِّك حُضْن دافى
مَيِّتِكْ عَكْرانة ليه؟
و انتِ نَبْعِك حِلوْ صَافى
رغم دينِك ... رغم عَدلِك
الغِيوم مَالْيَة عِينِيكى .. و الحَرام بِيْشُقْ سَمْعِكْ
لابسَة توب مِشْ قَدْ قَدِّك .. رغم إن العَقل طَبْعِكْ
الضَيَاع سَاكِن دُرُوبِكْ .. و التِرَعْ مَليانة دَمْعِِكْ
و رَغْمْ عِشْقِى تُهْتْ فيكى .. رَغْم إنى إبن ضَرْعِكْ
و انكَوَيت و بَكيت ليالى .. وانظَلَمْتْ بْحُكْم شَرْعِكْ
***
العيون الحلوة هاجرِتْ من رِمُوشهَا الإبتِسامَة
و الجِفُون مَرْسُومة فيها سِكَة سَكْنَاها النَدامةْ
و الخُدُود الوردى رَوَّتهَا الدُموع المُرَّة يَامَه
لَيه بِعِدْتِى .. لَيهْ هَجَرْتى سِكِّة النور و السلامة
كُنْتِ زَهْرِةْ كُلْ وادى و كنتِ بَدرْ اللَّيل و نُورُه
وكُنْتِ كِلمِة حَقْ سيفِك يُطرُد الظُلم لجُحُوره
كُنْتِ عربية أبِيَّة كُنْتِ رَمْزْ للشَهَامة
النِهاردة فْ عِزْ شَمسِك ... ساكنة فى سماكى الغَيَامة
تِحْجِب النور عن عِنيكى تْكَدَّرِك
يِبْقى جَهْلِك رَغْم عِلْمِك فوق جِبِينِك لَيْه علامة؟
لَيْهْ يِبْقَى ليلك فى النَهَار عَ الوِشْ شَامَة؟
***
الضياع خَلَّانى ألفلِفْ كل دارِك دَرْب دَرْبْ
كل وادى .. كل مينا .. كل حارة شرق غرب
و العَرَقْ وَيَّا الدُموع فوق الخَطَاوى نازلة صَبْ
إنجَرَحْ قِلبى الحِنَيِّن اللِّى غير حُضنِك ما حَبْ
حَسْ بالخوف بين رُبُوعِك
إنطَفَتْ فى إيديه شَموعِك
إتْمَلَى كاس الهَوَان وِالقَلب عَبْ
الأنين و الخوف و ضَعْفِك رِيحُه هَبْ
و الحَريقِ اللى إنطَفَا زَمَنْ الوَفا من تانى شَبْ
فوق دروبك رغم تَوْحِيدِك يا عَابْدَة
ألف مشتاق يبقى رَبْ ... ألف فاهِم إنُّه رَبْ!!!
***
أرضِك الخِصْبَة الحنونة تَصَدَقى .... مزروعة حنضلْ!!
و الزَتُون و القَمْح عَطْشان فى الفَيَافى ... مَرْمِى مُهْمَلْ
كلُّه بِيْقُول نفسى نفسى كله مش فارِقْ معاه كل اللى يِحْصَلْ
فيكى غابة و اللى باقى فيها دايماً بَاعُه أطْوَلْ
كل وِدْيانك دِيَابة ليل نَهَار عَمَّالة تِعْوِى
و الضمير الحَىّْ فيكى إتْرَمَى فى الجُبْ يِهْوِى
بَسْ أنا مُشْ قَادْر أفُوتِكْ رَغْم إنِ البُعْدْ أسْهَلْ
رغم إنى تُهْتْ فيكى ... مهما ليل تَوَهَانِى طال
حاسِسْ إنْ الصَبْرْ أطْوَلْ ... عَارِفْ إنْ الصَبْر أجْمَلْ
وحالف إنى مِشْ هَافُوتِك ... رَغْم إنْ البُعْدْ أسْهَلْ!!

Tarek Elemary
06/05/2009, 17h48
دُكتور و مُهندس فى الصَنْعَة
بِيَاكُلْهَا أثناءْ مَاهِى وَالْعَة
بَصْمَجى ولا يِقْرَا و لا دِيَاوْلو
وأجدَع من خريج الجامعة
***
كل ده مقبول و مافيش مانع
نحترم الصنعة و الصانع
و نقَدَّر كل صاحب مهنة
لا عليه نِتْجَنَّى و لا ندافع
***
لكن لمَّا يتاجر فينا
و بقصد يزَوِّد بلاوينا
تروحْلُه العربية بتمشى
يِدْخُلَّك فى موتور و كاتينة
***
و اشى دينامو ولَّا اسبراتير
و فرامل و عامود كارتير
و فتيس و مقصات و سلِندَر
ده غير ركْنِتُه و التأخير
***
و القصة طقم البوجيهات
أو قول تلميع القُطاشات
و كلام يِتْقَضَّى بتَلَتْ أبيض
هوه يِدَفَّعَك الألوفات
***
ده بقى حال الكل وحالى
الميكانيكى تعبنى ليالى
خلانى أتمنى أرجع أمشى
ولا أزور ولا عمى و لا خالى
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!

Tarek Elemary
06/05/2009, 20h26
شرَّانى و كِشَرى و مِتْعافى
يِرْحَمْنا خَفِيٌّ الألطافِ
من سكاكينه قبل لسانه
و لا نحتاج إسعاف و مطافى
***
الواحد فينا يحوِّش شهر
علشان يقدر يدفع مهر
كيلو بتلو و حتة عضمة
و يعمل شوربة عوم كالبحر
***
تروح و تشاور ع اللى ف نِفسك
يقولك وسع حاسب وشك
يقطعلك حتة على مزاجه
و انت تخاف لا ينُط ف كرشك
***
تاخد اللحمة ف ايد معاليك
لأم عيالك تفرح بيك
و تدارى على الكنز البقرى
و تقفل بابك و الشبابيك
***
ياللا يا عيلة الليلة وليمة
كله بيحلم بالتقسيمة
و الفتة و الشوربة يا عينى
فرصة نحس يا ناس بالقيمة
***
تانى يوم و ف كل الأخبار
صورة كبيرة للجزار
متسلسل بحديد و أساور
كان بيبيعلى لحم حمار
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!

Tarek Elemary
07/05/2009, 09h22
صوت أسوأ من أنكر صوت
و اسمه يا زَعْبُّولَّة يا شَحْتُوت
و كإن مافيش مطرب شعبى
إلا أما يكون جاهل موووت
***
لبسة مشجر شكله مْبَعْجَر
مش بيغنى ياناس دا بْغَجَّرْ
أو يبقى يا بيئة يا سفروت
فجأة يْصِير النجم الأشهر
***
كلماته ما تبيعش بطاطا
و كاتبهاله الأسطى حناطة
و لا معنى ولا صوت و لا صورة
ملوخية ببيتزا و سلاطة
***
حاجة لا تنقرى و لا تنشاف
حفرة من حفر الإسفاف
لو مجبر إنك تسمعها
إلحق و أطلبلك إسعاف
***
و أهو بقى مَلْوْ العين و الشاشة
فاكر نفسه خفيف و فراشة
ساكن فى الأحياء الراقية
واكل أحلى باتيه و بغاشة
***
ده بقى حال الفن و حالى
التافه بقى فوق فى العالى
و الأصلى المتأصِّل فنه
ضايع مُتَرَدِى الأحْوالِ
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!

Tarek Elemary
07/05/2009, 10h56
نِجم الجيل أو جَبَلْ الفَنْ
صرصار فى الودنين بِيْزِنْ
قَصَّة و لُوكْ وحَبِة مَيك اب
شَكل و سِيما الواد الجِنْ
***
نَحنُوح سَافل آخِر حاجَة
و بْيِلْمَع و الشَعْر ألاجَة
أما الصوت بقى حاجة بِتْسَرسَع
هِىَّ الناس لِلصوت مِحْتَاجَة؟!!
***
يِكْفِينا الطَّلة و تَسْرِيحْتُه
ولَّا طريقة لِبْسُة و رِيحْتُه
ولَّا المُزَزْ الِّلى بْتِتْرَمَّى
على عربيته يا حَظُّه يا بَخْتُه
***
بَقَى نِجْم ف سيما و إعْلان
قبل الإسم لَقَبْ فَنَّان
و مجلات و جوايز يامه
و نْسِينَا شَجِّىْ الألحان
***
فِرِغْ الفَنْ من المضمون
كُلُّه بيلعب ع المضمون
و تهون المقامات و المغْنَى
و التَطْرِيب و الحَرْف يْهُون
***
ده بقى حال الفن و حالى
التافه بقى فوق فى العالى
و الأصلى المتأصَّل فنه
ضايع مُتَرَدِى الأحْوالِ
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!

Tarek Elemary
07/05/2009, 22h42
العَوْدُ أحمد و السعادةُ غامرة
و الليلُ أقبل بالنجومِ الساهرة
فحظينا هاهنا بالأمسياتِ الساحرة
وتلألأ منتدانا فى سماءِ القاهرة

Tarek Elemary
07/05/2009, 22h47
يا أهلا بالمعارك
ويابخت اللى يشارك
يتعلم م اللى فاهم
ويوَسَّع المدارك

Tarek Elemary
07/05/2009, 22h51
الله يعينَّا إحنا على التغيير
أو على حسن التعبير
أو على الرضا بالمصير

Tarek Elemary
08/05/2009, 14h33
صاحب مال صاحب أعمال
و إستثماره فى كل مجال
فجأة تلاقى العمل الوطنى
يبقى شعاره بحكم الحال
***
لَفْ الدايرة بِمِسْك و عُود
أحلى كلام على أحلى وُعُود
بَسْمَة و رَحْمة و خير بالكوم
ينجَحْ .. و يوَلِّى و ما يْعُوُد
***
بَقَى عُضْوْ فى مَجْلِس و مْوَقَّر
رَكَبْ الكُرسى خلاص إتْغَنْدَرْ
بَقَى هَتِّيِفْ من ضِمن الجُوقَة
لاَجْلْ مصَالحُه .. يِهِدْ الأَزْهَر!!
***
نِفْسُه مِنِ الأول فى حَصَانَة
لا تْقُوللِّى عَمَلْ عام و أَمَانة
وَاخِدْ قَرْضْ بْكام مِلْيُون
وِدِى حَاجَة لُزُوم الشُغْلاَنة
***
جاهِز بِالْبَاسْبُور فى التَوّْ
يِشِيلُوها تِلْقَاه فى الجوّْ
قَاصِد أىّْ مكان فى الدنيا
فلوسنا فى جيبة يقول هَأْأَوْوْ
***
ده بقى حال الوطن الحالى
النَصَّاب بَقَى فوق فى العالى
و الوطنى المَهْمُوم بِجْرَاُنه
ضايع مُتَرَدِى الأحْوالِ
***
آدى صاحب مهنة يا اخوانَّا
إحنا إتهانَّا وهوه إتهنَّى
يبقى كلامنا صحيح وحقيقى؟
ولاَّ الكل عليه إتجِنَّى؟!

Tarek Elemary
09/05/2009, 20h52
(صديقى)

فاتحة كتابك شرف عظيمٌ لى
علاءُ قَدْرى على يَدَيْكَ أكيدُ
و مرورُ لحْظِكَ هَاهُنَا تمجيدُ
و سَنَا ضِيائِك ينثرُ التنويرَ
فقط الحفاظَ على الودادِ أريدُ

و تقبل تحياتى

Tarek Elemary
15/05/2009, 00h21
يا عُمرِنا اللِّى هانْ
يا حِلمِنا اللِّى كان
غَمِّسنا بيك الألم
حَلَّينا بالأحزان
***
و الصبر فيك كان دوا
بيطبب اللِّى إنكَوَى
و ف حرّْ صيفك نَدَى
منه الفؤاد إرتَوَى
***
العمر فات و إنقضَى
و الحلم صار أوهام
ضاع الأمل فى الفضا
من يأسه م الأحلام
حتى الشعور بالرضا
أصبح كلام فى كلام
***
و الحلم قوتْ الغلابة
قنديل فى آخر الشوف
و الظلم شرع الديابة
بكلام مافيهش حروف
وآيش يقلب الدنيا غابة
إلا الهوان و الخـوف
***
آه يا أمل أجيال
على شطه ما رسينا
وصفولنا طولة البال
شربنا و نســينا
و فوقنا على دى الحال
أغراب فى وادينا
***
وأمَّا الأمل يِتْسِرِقْ
يبقى مافيش بُكرَه
و بيَأسِنا نِتْحِرِقْ
و نموت بلا ذكرى
و لو الهوان يتعِشِقْ
يبقى الحبيب يكره
***
ياولاد أملكم هناك
آخر طريق الشَّقَا
صعب و حَصاه أشواك
لكن غُنَاه شَقْشَقَة
و يا مَجْدْ مين كان بناك؟
قال اللِّى عِشِقْ اللُّقا
و عجبى

Tarek Elemary
16/05/2009, 00h57
هذه خاطرة بين الشعر و النثر و بينى وبين نفسى كنت لا أعرضها ولكن ما تغلاش عليكم بشرط عدم معاملتها على أنها من أىٍ من قوالب الإبداع إعتبروها فضفضة ... مش احنا أصحاب برضه؟

*****
مش بحبك لأ
أصل كلمة حب
أصغر من شعورى
و انتِ ساكنة بين عروقى
و انتِ قاعدة جوة قلبى مربعة
و الضحكة فى الوش المنوَّر
زَىّْ بدر مزهزهة فوق الشفايف
و انتِ ساكنة الليل بدور
و انتِ مالية الفجر نور
و اللى بينى و بين عيونك مش غرام
و لا حب من حب البشر
أصل انتِ مش بشر
إنتِ جايبة من الملايكة
القلب و النور و الصفا
وإنتِ أسطورة ف حياتى
زَىّْ عرسان البحور حضنك دَفَا
إنتِ يا ضحكة نسيم الفجر
فوق ورق الشجر
إنتِ يا موجة حنان
تغسل شطوطى بحبها و تحضن رمالى
إنت يا بسمة حياتى
و ضحكة فى عمر القدر
*****
اللى بينى و بين عيونك
ما يساعيهش الكون كتابة لَمَّا أقول
علشان كده أنا مش بحبك
أصل كلمة حب عاجزة ...
عاجزة توصف للعقول
و البشر ... كل البشر
ما ألِّفوش كلمة تعبَّر عن شعورى
معذورين ...
علشان بشر ..... عشقوا بشر
و إنتِ أبداً مش بشر
لو شافوكى زَىِّ ما شايفاكى عينى
كات عيونهم
تشكر المولى اللى خالقك
و اللى نَزِّل واحدة من حور الجنان
أرض البشر
كانوا قالوا
زَىِّ ما باقول من زمان
ان شمس الدنيا بِترَوَّح
و تبكى كل ليلة
كل ليلة من بعد الغروب
غيرانة منك .. من جمالك
و البُكى يفضل مع نور الصباح
حبات ندى
فوق الغصون فوق الورق
كانوا قالوا
إن زّيِّك ماإتخلَقْش اثنين
وإن ضِحكِك
كان مطر فوق الصحارى
خَضَّرِت و بَقِتْ واحات
و إن هَمسِك
لحن أجمل من غناوى الطير
على شجر الربيع
*****
حُب البشر
فيه هجر و أسيَّة و عذاب
و فيه غرض و فيه حلاوة
حُب البشر
فيه قلب بيْدُق
و أيادى بِتِرْتِعِش و فيه قساوة
بس إحنا مش زَىِّ البشر
و لا حبنا زَىِّ البشر
لَمَّا نتقابل
نحس ان إحنا من ألفين سنة متفرقين
وأما نتفارق
نحِس ان احنا مش متفرقين
كل واحد فينا
ساكن جوة قلب التانى
ومضلل عليه
فى العينين صورة
و فى الودنين كلام
و حلم أجمل م الخيال فى عقلنا
لافى حِقد و لا خَطِيئة و لا نِفاق
لافى غيرة و لا دلال فيه إشتياق
علشان كدة أنا نفسى أألف ألف كلمة
فى كلمة واحدة
كلمة توصف حبى
و شعورى و أحاسيسى الجميلة
اللى مش زَىِّ البشر
أصل كلمة حب أصغر من شعورى
اللى غلغل و إنتشر
*****
أنا شايفك من بعيد
فدادين ورود مِتلَوِنة فَرْح ونعيم
وانا حاسس بيكى
نسمة صيف طرية
فوق عيونى و طيف كريم
و أنا فارشك ع الربيع
خضرة و زهور
و أحلى نشوة فى دنيتى
و أنا سامعك
ضحك طفل
و لحن أنعم من جناحات الفراش
بس و حياة اللى خالقك
آية لعباده البشر
كل شعر الدنيا
مش قادر يعبر عن شعورى
وعن هوايا
و اللى بينى وبين عيونك
حاجة تتحس بقلوب العاشقين
حاجة تفضل جوة مابين الضلوع
شوق وإشتياق و هوى وحنين
مهما مَرْ العمر بينا
و مهما راح الليل
و جَه بَدَلُه النهارمليون نهار ...
برضه حاسس بالحنين
مهما كنتى بين ضلوعى ...
و مهما داب عودك حنان
بين الإيدين
أنا مش بحبك ...
لأ دا كلمة حب دى
لاجل البشر
كلمة أصغر من شعورى
اللى غلغل و إنتشر

Tarek Elemary
17/05/2009, 13h04
وزنه ضايع حسه زور
حَرْفُه تَايِّه فى البُحور
فاكر انِّه رغم جَهْلُه
المعَرِّى و عب صبور
***


فاكر ان الشعر آفية
كلمتين بالسجع كافية
و ان حاولت تقولُّله كلمة
تسمع الأباحة شافية
***


يا سلام على تعبيراته
و لَّلا تمجيده لذاته
فاقد النور و البصيرة
صوته ساكن فى وداناته
***


صفر فى حروف الهجاء
لو بدأ ماله إنتهاء
تشوفه لو يمدح فى ذاته
ربنا يزيح البلاء
***


الحروف قهرانة منه
كان أملهم يوم يِفِنُّو
يعملوا أغنية حلوة
مش يعفرتهم بجِنُّه
***


حتى علامات السكون
فتح نصب ويش يكون
سيباويه مين يابنى وسع
نحــن مقبرة الفنون

للأسف الشديد صادفت أحدهم بهذا المنتدى و يا ليتنى لم أتواصل معه فأنا من اخطأ و ليس لى من عذر

Tarek Elemary
17/05/2009, 20h45
فى هذا المنتدى تنسمت الفن و إستنشقت الإبداع و تبادلت المداخلات مع عظام المنتدى كلٍ فى مجاله و أشهد أنه قلما يجود الزمان بمثلها صحبة و تجتمع هكذا كوكبة بصفاءِ نفسٍ يلمسه الضيف الذي يمر مرورا عابرا بالمنتدى و شرفت بهم أيما شرف فكانت هذه المشاكسات و المداعبات:
طلّْ الصفا و النور ... من طاقة اللاب توب
فرسان بنات الحور ... المعجونين بالحب
و العشق كاس بيدور ... لقيتنى هايم صَبْ

يابو زهدة صوتك دفا ... وياك بيحلى الكلام
يا كمال يا رمز الوفا ... يا منجم الإلهام
القلب بيكم أنس ... و اتبددت أوهام

Tarek Elemary
17/05/2009, 20h46
نَفْسْ الكَلام عَنْدِنا ... نِقْراه و يِجْمَعْنا
يوصل لإيد عمَّنا ... يبقاله مية مَعْنى
يا حالة بِتْعُمِّنا ... و هواه بيجمعنا
بتعمل ايه قول لَّنا ... نسِّيتنا أوجاعنا
غويناك يابوى كُلِّنا ... إشجِينا سمَّعنا
حروف كلامك غُنَى ... شَنِّفْت أسْمَاعْنا
من لهفة الأشواق ... جايلك و أعدى بحور
حبك بدأ فى بولاق ... عطَّر هوى دمنهور
صابر و أنا المشتاق ... لمَّا يصيبنى الدور
من زمرة العشاق ... و أحظى بطاقة نور
عقلى اللى تايه فاق ... بكلامك المسحور
يا كعبة الأخلاق ... حواليك قلوب بتدور

Tarek Elemary
18/05/2009, 06h55
تشى جيفارا كان زعيم ثورى وكان فعلا ولد
و انت يا سِيِدنا أمير فى الشعر زيك مااتولد
نديم حكيم مصرى صميم و حجته تقنع بلد
ناعم حرير قلبه الكبير يساعى ماتعدش عدد
حليم صحيح لكن صريح ساعة الوغى تلقاه أسد
مصرى و هاجر بس جدره جنب شط النيل وتد
حمال أسية ع الكتاف تقولش كان جبل أحد
هايم بآل البيت و عاشق للنبى ماشى يقول أحدٌ أحد
أنا بيه بقيت صوفى متيم زَيُّكو لكنه ليه عنكم شرد
سألت كل الناس عليه قالولى أبدا لم ورد
ده أصله زى البدر ييجى و يختفى ويرجع هلاله يتولد
إسهر ليالى نص كل شهر عربى حتما ضرورى يتوجد
من يومها و انا سهران يا عمى بس ليه طال الأمد؟
ارجع يا سيد الكل طل بنور و فل و قووول مدد
مدد يا سيد الناس تعالى ف حر ليل الصيف برد

Tarek Elemary
18/05/2009, 06h58
و بالبلدى بقى هاقول
================= ===========





على فَيْن يا شيخ الطَرِيقَة وِاحْنَا لِيِكْ مَجَاذِيِب؟
مَا تْسِيِب قُلُوبْنَا فِى ضِيِقَة يابُو زَهْدَة لمَّا تِغِيبْ
دَاليُوم فى قُرْبَكْ دِقِيقَة و فْرَاقْ جَنَابَك رَهِيِبْ
طَبْ كُنْتْ قُوُلِ الحقيقة دا الحُبْ قِسْمَة و نَصِيِبْ
_______
لمَّا انتَ ناوى تِسِيبْنَا شوقْنَا لِوَصْلَكْ حَارِقْنَا
كَان لَيْه لِحُوشَكْ تِجِيبْنَا تِغْوِينَا ثُم تْفَارِقْنَا
حَسِّسْتِنا انَّكْ حَابِبْنَا دُوبْنَا و هِمْنَا و عِشِقْنَا
فَجْأَة نْلَاقِيكْ قَالْ قَالِبْنَا و بْسَهْمْ هَجْرَكْ رَاشِقْنَا
_________
فِى الْعِشْقْ دَهْ كاس و دَايِّرْ والشِعْرْ فى الهَجْر سلوى
دا ما كَانْشْ إِحسَاسْ و هَاجِرْ و لا كان مغامْرَةْ و نَزْوَةْ
طَبْ حتى عُوُد لِيِنَا زَايِّرْ يِحْلَى الأمل بيك و يِقْوَى
خُوفى تدور الدوَّايِّر تِسْقِيك مرارة و قَسْوَة
______
و الله ما تهون علينا يابو وجد يابو طَلَّه عنبر
لو يِقْسَى قلبك علينا هَوَانَا بِيْزِيد و يِكْتَر
قِسْمة و لَاهِى بإِيدينا مكتوب علينا و مِسَطَّر
لو عُدت هانقِيدها زِينة و يفوح هواك المعطر

Tarek Elemary
18/05/2009, 07h02
الله يا فَنَ بترا الجميلْ
بحرفٍ شجىٍّ بهىٍّ نبيلْ
يزينك يوسف من جُبِهِ
وراثة جيل من بعد جيل
-------
ويرسم شَفَقًا عِنْدَ الأصيلْ
و غصنًا مُدلىً رقيقًا طويلْ
ينافِسُ (حافظ) فى حبِه
و هو الأثيرُ بِعشْق النيل
-------
ألا يا يوسف لا فُضَّ فُوك
و سلمت يمينك يابن الملوك
ويا هاشمى جميل المحيا
صِدقُكَ بادٍ بِدونِ الشِكُوُكْ

Tarek Elemary
18/05/2009, 07h04
تنساب منكِ المَعَانى


و لا أراكِ تُعانى


و الحرفُ طوعُ اليمينِ


و نَظْمُه قدْ دعانى


***


كالنَّحلِ فوق الزهورِ


فلا تَمَلِّ مرورى


فكيف و العطرُ عِطرُك؟


يفوح بين السطورِ


***


أعُبُّ ما أرتوى


و بلوعتى أكتوى


سَلِمَ اليراعُ و جاد


قولى فلن أرعوى

Tarek Elemary
18/05/2009, 07h06
فى الحب رائد ... فى الإنسانية دليل
و كلامه شاهد ... و مهما قلت قليل
و فى الظهور زاهد ... مع إنه بدر ف ليل

إحتار دليلى معاك ... سكن القناطر دوح
من يومى ماشى وراك ... تلميذ فى فن البوح
سبحانه مَنْ سوَّاك ... نسمة ترد الروح

لما الوصال ع الميل ... بالشكل ده حاله
يبقى اللُّقا يا جميل ... يِهْنى لِمِين نَاله
نسمة فى وقت أصيل ... يا بِدْع موَّاله

Tarek Elemary
18/05/2009, 22h20
زجاجةٌ من عِطرِ أنتَ ... كُلَّما فُتِحَتْ تَفُوحْ
لحظاتُ الصمتِ حتى ... بين أيديكم تبوح
من قوافيكم تَعِـبْنَا ... و إمتـلأنا بالجروح
قد سبقتونا بدهرٍ ... فى المـدى نورٌ يلـوح
أيها المولى أغِثْنَا ... وأقبل التوبَ النصوح
ما عسانا إن كتبنا ... أن نضيف إلى الصروح
أتخمتنا هنا الموائد ... فاكتفينا بالشروح

Tarek Elemary
18/05/2009, 22h22
يا بدع الشعر من قلمك و فى قوافيك
حروف مسقية من ألمك و مين يجاريك؟
يا ويله كل مين ظلمك ما آمن بيك
و قال فيك قوله أو حرمك مقام معاليك

Tarek Elemary
18/05/2009, 22h23
أيـــــــــــــــــــا :emrose:طـارق:emrose:


عشان الشِعر أرواحنا ، أنا بمحنة ما بين سِندَانـُه و الطارِق
إذا يـِحضر ، يفرحـْـنا ، و يجرحنا سكوت الباب من الطارق
و لمّا يزورنا ، بُعـْدُه يهون
يَمين بالتينِ و الزيتون
و سُورةْ الحَمد و الطارق
أنا بشِعرَك ، يا واد ، مفتون
يقولوا: الشِعر ، اقول: :emrose:طارق:emrose:

Tarek Elemary
19/05/2009, 12h20
أخضر يا حلم الطفولة ..... يا فجر ليل منسى
يا شاغلنا من سنة أولى ..... و العمر بيك مكسى
نوصل معاك للرجولة ..... و فوق شطَّها نرسى
***
و الحلم كان للجيران ..... و الأهل و المحبوب
صحرا تصير وديان ..... و لا يبقى فيه مَكْرُوب
و نافورة وسط الميدان ..... و الحب مَلوّْ القلوب
***
عشنا بنحلم ببكره ..... راسمينه نور للطريق
و قلوبنا تعشق ما تكره ..... و لا حتى تعرف ضيق
رجَّالة حامدة و شاكرة ..... تجمعها روح الفريق
***
و صحينا وسط الطابور ... ع العيش و ع التموين
واقفين كشجر الكافور ... ما تهِّد فيه السنين
البعض ضاع فى البحور ... و الِّلى نجوا تايهين
***
دراكولا و عصابته بقوا ... حاكمين شوارعنا
بايدين حديد يخنقوا ... كل اللى ليه معنى
طول عمر دول يعشقوا ... يزيدوا أوجاعنا
***
و الحلم أصبح خيال ... و سط الألم و الدم
و عنينا نست الجمال ... ما بين تلال الهم
و الحل أصبح عضال ... و الهم ما يتلم

Tarek Elemary
19/05/2009, 17h16
قالوا الأمل يتولد ... من قلب رحم اليأس
نور النهار ينفرد ... من ضهر ليل الأمس
بكفوف ولاد البلد ... تبلغ مناها النفس

يا حزن مهما تطول ... هاتفوت جفون عينى
لساك فاكرنى هاقول ... للدمعة طاوعينى
أنا بالأمل راح انول ... و الناس تراعينى

Tarek Elemary
25/05/2009, 18h31
يا أيها الطيفُ المُوَّشَّى بالخيالِ ..... هل رقَّت الأقدارُ فى يوم لحالى؟


أنا لم أزل سحر الجمالِ يهزُّنى ..... و يُزيدُ وقدُ البين من نار إشتعالى

Tarek Elemary
27/05/2009, 12h15
جزاك الله خيرا
يا راجل يا محترم يا أصيل
يابن النيل و شمس الأصيل
و شموخ النخيل و القلب لما يميل
للقوية و المنديل و كلام يشد الحيل
يا عم سعد

Tarek Elemary
06/06/2009, 07h02
عايزأقولك إن حاله كان زمان أفضل كتير
كات مشاكلة باشا ظالم تحت أمره كام غفير
النهاردة فوق دماغة ألف باشا و 100 امير
كان زمان يشبع بلقمة و يرتوى من أى زير
النهاردة المية ساقعة طالعة من لفريجيدير
بس بالأمراض يا صاحبى و الوباء يارب جير
غموا عينا يا عم سعد و موِّتوا فينا الضمير
صورولنا زمان ده نار و النعيم جاى بالجِعِير
أونطجية ملِّكوا الفلاح و برضه صبح أجير
باعوا مستقبل ولادنا يا بلدنا وإنت فى النزع الأخير

Tarek Elemary
06/06/2009, 15h39
أهــو جالنا السير أوباما


حــل أهلا مــــــية و سهلا


فاتنا مع ألفين ســـــــــلامة


ناس تقولك نقــــــطة فارقة


و ناس تقـــــــولك دى علامة



و ناس بتحكى عن رشاقة خطوته


و ناس تقولك إنتو ليه قايمين قيامة


أيه اللى ضافو بابتسامته و رقته


الطريق أبو خارطة آخرتها ندامة


الوسيم الحلو لاسمر جعبته


ما فيهاش خلاص لينا كرامة



يا عرب


يا ميت خسارة ع الأمل


يا أمل


يا حلم عمره ما إكتمل


يا أمل


يا أبو خيبة راكبة ع الجمل


يا أمل


يا أبو صبر مر ما يحتمل


يا أمل


مافيش أمل من غير عمل



بايديك وبس يكون مصيرك


إوعى يوم ترميه لغيرك


مهما حبك أو تظاهر


أو مدح فى حسن سيرك


همُّه مصلحته و خلاص


و إنت إصرخ مين يجيرك؟

Tarek Elemary
06/06/2009, 15h58
الحليوة الأسمرانى
الرشيق المعجبانى
تانى جانى بالأمانى
و الكلام البرتقانى
دوب القلب بكلامه
و إحترامه
و السيناريو الأمريكانى
هوه هوه
العسل و السم جوه
و النوبادى مش بقوة
و لا عضلات الفتوة
بابتسامة أفريكانى

الكلام ببلاش يا مستر
زى سلفك بيل و كارتر
عشنا وهم
و دقنا هم
فى زمن حكامنا الأغبر
اللى بيسامحوا فى ثوانى

سيبك إنت من القضية
شفت هيلارى المستحية
شفت باراك و التحية
و اللباقة المية مية
و الرشاقة
و الأناقة
الأمريكانى
فى الحليوة الأسمرانى

Tarek Elemary
07/06/2009, 09h59
مستر أوباما كان صريح


كان مُفَوَّه كان فصيح


رمز للأمة الفتيَّة


لإنتخاب حر بصحيح




معجبين؟ .... آه معجبين


من بدايـــــــــــــــة الحملة


ل ... حلف اليمـــــــــــين


حاجة تفرح ... حاجة تشرح


مجـــحفـــين لو منكــــــــرين




نبكى على حالــــنا نعم


ليه بقينا إحـــــنا الخَدَمْ؟


و السؤال بيجـيب سؤال


و الجواب ينـــــــــزف ألم
:emrose:



ليه نكون إحنا الضحية


الرعاة قبــــــل الرعية


عاشوا فيــلم أمريكانى


و النتـــــــــيجة هىَّ هيَّ
:emrose:



كان خطابه جوه جامــــعة


و الضيوف و الخلق سامعة


الحقيـــقة الـــواد حلـــيوة


مْ الـــفَـرح هاتْفِرْ دمـــعة




و إحنا يا ألفين مراحب


بالحليوة أغلى صاحب


الوداع يا حلم أمة


تحت رجلين المواكب
:emrose:



يا شعوبنا يا غلابة


سَقَّفوا لسِحر الديابة


الأسد صاد الضحية


فين يروح خروف فى غابة؟
:emrose:



كلمتين بالعربى قالهم


فكَّروه بالحب جالهم


و الحقوق التاريخية


مش لَحَسْهُم ...


لأ دا كَلْهُم

Tarek Elemary
08/06/2009, 16h58
شيخ الطريقة (عم سيد)
تلميذ و حضَّر كلام و حفظه طول ليله
و قعد فيه يردد عشان تعبان من شيله
و لما جه الإمتحان طار منه ... يا ويله
نسيت حروف الكلام و الشعر يا (حْلَيْلُه)
***

(يا حليله) لفظ سودانى بمهنى يا محلى (ماأحلى) لياليه و تقال للتحسر على فراق الشيء أو الشخص و بعده و فقده يا حليل فلان مثلا

Tarek Elemary
08/06/2009, 17h45
توأم الروح
لله درك يا رائد يا منور القناديل
أتعبتنى فى هواك و تعبت المناديل
بحق رب الكون و محكم التنزيل
لو للأدب محراب كلامك الترتيل

Tarek Elemary
08/06/2009, 17h48
إن كنت ... فانت السبب
و ده شرعنا فى الأدب
نحفــــظ مقام الكبــــير
و نصدق اللى إنكتب
***
و المرء على دين خليله
و إن فارقه حتما يجيله
ياخده فى حضنه بحنان
و إن كان صغير يشيله
***
و إنت الإمام و المقام
مش كلمتين و السلام
و قربى منك حلال
و بعادى عنك حرام
***
يا نجم ساكن فــــــــوق
ساطع فى عز الشروق
النور يدارى النجوم
و انت فـ مدار الشوق
***
و رضاك ده يوم المنى
و الكلمة منك سنا
يا بدر طول السنة
يرضينى منك ضنى
مش بس فرح و هنا!!
***
أصل الضنى مـ الوجد
يا بو الطريق و العهد
و لا يوم يشيل قلبى منك
و أنا مين يصون الوعد

Tarek Elemary
10/06/2009, 14h23
طعم الكلام



طعم الكلام وياك غريب


بيشِدنى لبحره العجيب


بيهِزنى ... بيضُمنى


و سؤالى ليك .. بتحبنى؟


و مافيش مُجيب


***


غيَّرْتِنى مابقِيتْش أنا


دوَّقتنى طعم الهنا


و رمانى سِحرك


فى قلب حُضنك


نِسيت معاه كلمة أنا


***


يا حلم عمرى ما عِشتهوش


يا ضِحكة باينة عَ الوشوش


يا عِلِّتى و إنت الدوا


يا بحر عطشان ما إرتوى


يا جنِّتى من غير رتوش


***


لو كان دا حلم يا ريت يِطُوول


كل اللى نِفسُه ياريت ينوول


نِفسى الزمان بينَا يُقَفْ


أنا وإنت و لايبقاش عزوول


***


مابين عنيك بالمح غُنى


يا قمر يِغِير منه السَنى


يا فرحتى بعد العذاب


يا حضن بعد طول غياب


يا حلم عمرى و المنى


***


أنا ليك بإحساسى هاعيش


يا حلم نفسى ما ينتهيش


أنا بيك أنا


نسيت الضنى


فى الدنيا دى غيرك ماليش

Tarek Elemary
10/06/2009, 14h25
صوتك



صوتك نسيم مليان دفا


صوتك أحن من الوفا


و كأنه نجم فـ ليلى لاح


رمالى نوره و إكتفى


***


و الحب مافيهوش إقتناع


مافيهوش وشوش ورا القناع


مافيهوش حقيقة غير الهوى


مافيهوش مظاهر أو خداع


***


خلَّانى ليه أفرِد شراع


لمركبى و يقول وداع


أنا قلبى مرسى


و هوه ينسى


أنا إشتريته


و هوه باع


***


عيِّشنى فى الحلم الكبير


و كلام كأنه خيوط حرير


و بقيت مصدق دنيتى


إنتى الأميرة و أنا الأمير


***


يا قلب بيدق بهوى


يا فرحتى أما نكون سوى


يا عمر عطشان من سنين


و كأنه عمره ما إرتوى

Tarek Elemary
10/06/2009, 17h27
عنيكى



عنيكى ...


و السؤال مابين عنيكى


و اللى عندى كمان سؤال


... ملهوف عليكى


ما أصعب الحال المحال


لما يبقى جواب سؤالى


مية سؤال ... من عنيكى


***


عنيكى دار ... مالهاش قرار


و أنا الأسير من غير قرار


يا نجم دار ... بره المدار


نورتى ليلى ... منهم يا ويلى


فين النهار؟


***


عنيكى جاوبت و إنتهى


و بقيتى إنتى المنتهى


خايف أكون زودتها


و مافيش رجوع ... بلاش دموع


يا نجمة طرت لمستها


يا هديتى و قبلتها


و بقيتى إنتى المنتهى


***


عنيكى فيها فرحتى ... ودنيتى


يا أحلى آخر سكتى


ضمى الرموش ... على دمعتى


يا معاد و عمرى ما نسيتوش


قابلينى بالوش البشوش


نسينى قسوة دنيتى


بعنيكى ... آخر فرحتى
:emrose::emrose::emrose:

Tarek Elemary
11/06/2009, 08h24
أبدأ منين؟
من إشتياقى و الحنين؟
من لهفتى لرمش العنين؟
الدبلانين
المليانين شوق السنين
أبدأ منين؟
من دق قلبى اللى إنشبك
و عشق يعيش جوه الشبك
من فرحته .. من لهفته
حسيته هايمان مرتبك
مليان أنين
أبدأ منين؟
من الخطوط فوق الورق
من الفؤاد اللى إتسرق
و برغبته فـ بحرك غرق
و السهم جواه إترشق
ليه بتفوتيه
تايه فى تيه
من نار حنينه إتحرق
و يروح لمين؟
أبدأ منين؟
من النهار اللى إختلف
من فكر وياكى إئتلف
و زهر عمره أهه قطف
و لفهم صحبة
و برغبة فوق رهبة
شالهم بين الإيدين
بهواه متغلفين
و بيسألك بالعين
أبدأ منين؟

Tarek Elemary
11/06/2009, 10h19
بتوحشينى


و إنت صورتك لسة مافارقتش عينى


بتوحشينى ... و قبل حتى ما تسيبينى


يبتدى يزداد حنينى


بتوحشينى قبل حتى ما تلاقينى


حتى لما تلمسينى


و ترتمى فى حضنى برضه


بتوحشينى


ما بقيتش أشوف إلا بعنيكى


و لا يحلى وقتى إلا بيكى


و لا حتى أحس بإنى عايش


إلا أما تلمسنى إيديكى


و لا أحب إسمى إلا لما بتنادينى


بتوحشينى


الوقت بيمر بعذاب


و القلب داب


لو هاتلومينى على حنينى


منك بيحلو العتاب


لما تلومينى


بتوحشينى


بقيتى جوه عيونى ضىّْ


و حب و الله ماله زىّْ


عمرى الشراقى و إنت رىّْ


من صوت أنينى


هاتسمعينى


و تعرفى إنى لسه حىّْ


و بتوحشينى

Tarek Elemary
13/06/2009, 07h21
بص بقا يا طارق بك ..



كلامك الحلو بيخليني أتمتع .. واكتب حتت صغيرة كده علي استحياء .. وعلي أدي .. وبمناسبة عنيكي .. اقبل مني المشاركة البسيطة دي ..
عنيكي حنينين
وغلابة وطيبين
وباشوفك نجمة عالية
وباشوفني ولد حزين
وعشقتك مرة واحدة
وسكن قلبي الحنين
ممكن لا مؤاخذة يعني
ألقي عيونك تساعني
واسكن لو حتي عين
علاء ياسين



فى الحب مافيش قناعة
فيه شوق و فيه مجاعة
الحب يابن كارى
مش للناس الشباعى
***
هاتحب؟ ... تكون جسور
تسقى المحبة نور
و تكون لاجله محارب
ما يهمك ألف سور
***
فى الحب ... ولا تمانع
القانع يبقى خانع
و يرضى باللى حاصل
ودا أسوأ حب شائع
***
أنا فارس فى الهوى
بالفعل و مش كلام
و مهما قلبى إنكوى
يشفيه برضه الغرام

Tarek Elemary
13/06/2009, 07h31
فاسمح لى اوسع كم الجلابيه واقول


,,,
عنيك تصنع اغانى
بتعيش طول السنين
الحب اللى انت قلته
قول لى بيروح لمين
,,,
وزّعته بالعداله
للناس المحرومين
ادّينى جرعه منه

انت وعلاء ياسين


يا أبوكم وسيع و قيمة
قول الكلمة السليمة
توت الشراقوة شاهد
إنك عامود لخيمة
***
و الحب فى عُرْفِى سِيِدْ
و إحنا فـ فلكه عبيد
بندور ولا لينا حيلة
و القلب و ما يُريد
***
فى الحب مافيش عدالة
و لا فيه طبعا ندالة
فى الحب فيه عطاء
و هيام حتى الثمالة
و عجبى

Tarek Elemary
13/06/2009, 09h56
طيفك ما بين أحلامى لاح
عشمنى بالأفراح وراح
و السهم صابنى و إنتهيت
رمشك ملا قلبى بجراح
***
أنا من زمان عايش وحيد
و كنت فاهم إن أنا
عايش سعيد
القلب كان بيدق آه
بس مش دق الهوى
و لما غوى ... فى حبك هوى
حسيت كأنى ... غصب عنى
كأنى عايش من جديد
***
قبلك حروفى كات حروف
من غير حياة ملغومة خوف
على ضفتين حبك بكيت
على عمر فات من غير ما أشوف
تايه حزين ... من غيرحنين
بين الدروب عمال أطوف
و معاكى إنتى و فقط
قلبى عرف معنى النقط
فوق الحروف
***
طيفك سنى ... و إنتى و أنا
عرفنا أهه طعم الهنا
ومن حبنا ... بقينا ندعى ربنا
إنه يهنى كل عاشق زيِّنا
كل القلوب الطيبة
يا مرحبا
على ذكرى حلوة تضمنا
يوم فرحنا

Tarek Elemary
13/06/2009, 11h00
بتسألينى


و بتسألينى سؤال ملهوف


و بصوت يا عينى ماليه الخوف


إوعَىَ تكون هاتفوتنى خلاص؟


و كأنى ولا باعرف إخلاص


و بين إديكى فؤاد مخطوف


قلبى أنا اللى ما يقدر يوم


على غيرك إنتى ياروحى يلوف


***


ومين فى يوم يقدر ينسى


شط لسفينته كان مرسى


و فـ حضنه شاف أحلى سنينه


إزاى بقى عليه راح يقسى


يا سنين أمان .. نهر الحنان


بالحب صافى .. دافى .. وافى


يا قلب عمره فى يوم ما خان


عمرى فـ هواك بادئ لسه


و لسه على قلبى و لسه


***


بصى فـ عيونى و ماتسأليش


بعدك أنا ماقدرش أعيش


أنا مش حبيبك و لا نصيبك


أنا ليكى أكتر و الله أكتر


فى الدنيا غيرك أحباب ماليش


بصى فـ عيونى و ماتسأليش


***


حسى بحنانى .. دوبى فـ كيانى


أنا كنت قبلك .. كتير باعانى


يا وردة نادية .. بنصيبها راضية


سحرك خطفنى و الشوق نادانى


و إوعى تقولى هاتفوتنى تانى


يا أحلى نجمة


مسَهَّرانى



القاهرة : 13/06/2009

Tarek Elemary
16/06/2009, 06h56
لقاك


لقاك مطر على عمرى الشراقى


يخَضَّرْ الأيام


و لقاك نسيم على عمرى اللى باقى


يحَقَّقْ الأحلام


و لقاك نغم على العود العراقى


يبوح بأحلى كلام


و لقاك نصيب ... و إنت الحبيب


ياسلام عليك يا سلام



لما العيون لمحت عيونك داب


قلبى اللى عاشق لَمِّةْ الأحباب


وأما الإيدين لَمَسوا مواجِعْهُم


فى إيديك وِصَال هانعيشوا ليه


أغراب؟



بالله عليك ما تحرم اللى إنحرم


خليك كريم و لا تظلم اللى إنظلم


دانت المنى و الغنى يا ضلة فوق عمرنا


و اللى بيكرم حبيب عند الإله ينكرم


عود العراقى (مقصود عود المبدع نصير شمة العراقى)

Tarek Elemary
16/06/2009, 10h23
ياللى بتروى الورد ليك أجرين


أجر السقاية و أجر إنك تسُر العين


و اللى يعَبى فى مسك مش زى اللى ينفُخ كِير


شتَّان مابينهم و إسأل مجاورين الاثنين

Tarek Elemary
16/06/2009, 10h48
أنا مين فى وسط الخلايق مهما أكون يعنى


أنا صوت فى صحرا مافيش و لا حد يسمعنى


بس الفؤاد مهموم و حط فوق همه هموم الناس


رغم إنى تايه زيهم لكن فؤادى بهمهم معنى

Tarek Elemary
16/06/2009, 10h50
ياللى بتروى الورد بدموعك وليك أجرين
أجر السقاية و أجر إن الورود تسُر العين
و اللى يعَبى فى مسك مش زى اللى بينفُخ كِير
شتَّان مابينهم يا صاحبى و إسأل مجاورين الاثنين

Tarek Elemary
16/06/2009, 10h51
نور الصباح بيبدر ع الخلايق خير

و الرزق نازل من المولى يوماتى كتير

ياللى بتتخانق شوية عقل من فضلك

ربك بيبعت رزقه للنملة و كمان للطير

Tarek Elemary
16/06/2009, 16h33
مانكرشى


صحيح باهواكى مانكرشى


و أبيع العمر علشانك


لكن نفسى مابتهونشى


و أعيش أستنى إحسانك


أسامحك آه


لكن قلبى ما يقدرشى


يكون مش مَلْوْ أحضانك


و مهما هواكى كان برضه


ما باقبلشى ....


.... يكون حبى


خبر فى طى كتمانك


***


أنا قلبى يعيش مكسور


يعيش مجروح لكن فى النور


و لا يقبل يكون فى نعيم


لكن مسجون و حواليه سور


دا قوت الحب حرية و عفوية


و لا ينفع يكون فى الحب عبودية


و حتى الطير ما يبقاش طير


و لو بيته قفص بنور


بيهرب منه مهما يكون


و يبنى من الحطب عشه


فى حضن النور


***


و لو مرة الفؤاد ميل


و ليل شعرك عليه ليل


ما عمره يوم هايتخيل


يكون حبك و حبى زور


و أنا الترياق لحرمانك

Tarek Elemary
16/06/2009, 17h01
يا موج يا عالى مين يقدر عليك غير حوت


يا رامى الخوف على شطوطك بعلو الصوت


ما تتغرش بفورانك و دورانك يا عم الموج


لأنك برضه يا صاحبى على حبة رمال بتموت

Tarek Elemary
16/06/2009, 17h02
يا ورق الورد يا مزيِّن قُصور و جِنان


بتتنقل ما بين حبيبين و إنت بفرحهم فرحان


بيتنسم عبيرك حور لكن ما تنسى يا عايق


مصيرك برضه آخر اليوم تبات دبلان

Tarek Elemary
16/06/2009, 17h08
بكفوف حنانى سقيته طلب يدوق تانى


وهبته كل الحنان و إديته ما إدانى


جرَّحنى بين الصحاب ما عرفت أرد عليه


لما الحبيب يظلمك مين ينصفك تانى؟

Tarek Elemary
23/06/2009, 11h19
طارت طيور الهوى سكنت فروع الدوح
تركت ما بين مهجتى قلبى الحزين مجروح
وقته ما بين وحدته و ما بين دموع النوح
يا قلبى سيبك بقى ياروح مابعدك روح

Tarek Elemary
23/06/2009, 11h34
الرمل قال للجبل مالك كده راسى


و أنا بس حبة هوا بِيّْطَيَّروا راسى


قاللوا ياريت كنت زيك ويا الهوا طاير


و أفوت صُخُور مِن حَجَر كَتْمَالى أنفاسى

Tarek Elemary
01/07/2009, 16h25
يا طالب الدنيا شيل الدنيا على ... حالها



و إوعى ف يوم أسمعك تشكيلى من ... حالها



دى الناس تحب الناس طول ماهى ف ... حالها



و الناس علادا ودا زهقانة من ... حالها



قبل الفقير الغنى موحول فى أو ... حالها



والدنيا قسمة ونصيب و القسمة مهما تخيب



رجلينا رايـ .... حالها

Tarek Elemary
01/07/2009, 16h57
يا جامع المال جاوبنى مال طريقك ... مال


إوعى فى يوم تفتكر إن الغنى بالـ ... مال


دى الخلق ياما منَّها راح مال و إجه ... مال


ياما ناس فقيرة أدبها يزينها قول و جـ ... مال


و ناس تشيل حملها و فوق الحمول أحـ ... مال


و ناس عاميها الطمع عايشة لجمع ال ... مال


صاحب صحابك يا صاحبى هم دول راس ... مال


و الفرع لو ينكسر آيه يعدله لو .... مال


و الصاحب اللى يفوتك ما يرجعوش ال ... مال

Tarek Elemary
06/07/2009, 06h30
أيها الهيمان فى دنيا الـــــهوى
كابد الأشواق دهراً و إكتـــوى
يا فؤادأ عاش ردحاً من زمـن
يرشفُ الوجدَ كؤوساً ما إرتوى
شِرْعَةُ العشاقِ من فجر الهـوى
ما تكابده ضريبة من غــــــوى

Tarek Elemary
06/07/2009, 18h05
حبلى الصبية فى الولد
على شوق سنين
مستنياه كل البلد
و الغلبانين
بيقولوا مش لازم يكون
بشعر أصفر
أو ببشرة لونها كيت
و كيت و كيت
و لا حتى فارق عندهم ...
لون العنين
بس المهم يكون ولد
متربى ع الجوع و الجَلَد
حاسس بجرح المجروحين
لفحت جبينه الشمس
مَرْقِى من الحَسَد
وعنده دم و عنده دين
و الحَمْلْ طال
بس الظواهر كلها
بتقول خلاص
حان المعاد
و البنت توضع حملها
و ييجى الخلاص
البطن منفوخة
و ماشية البنت
تتعكز على كل الجيران
باين على عنيها التعب
بتلف على كل الببان
تطلب مدد
خطوتها مكتوفة
و كات بتهز خطوتها
يميل كل الشبيبة و الشباب
حتى جمال الوش غاب
ماشية تجرجر فى الهزال
و عودها كان أيام زمان
و لا غصن بان
و الكل يخطب ودها
و العاشقين الملهوفين
تحت الخطاوى قدَّروا حتى التراب
و توبها كان ... ماهو كله كان
فوق جسمها .. زان رسمها
روضة بيضحك وردها
بستان أمان
و القطف طاب
بكرة تقومى بالسلامة يا صبية
و ترجعى ست البنات
أم الولد
هايشد عودك من جديد
و يكون شديد و يكون أسد
الغابة مليانة بوحوش
شالوا الوشوش
الغابة محتاجة الأسد
و إنت حامل فى الولد
و الله حامل
فى الولد

Tarek Elemary
06/07/2009, 18h06
الخلق تاهت فى السكك ...


و أنا وسطهم تايه كمان


عينى على كل الطرق ...


ماهى خطوتى مالهاش مكان


و من الشمال زى اليمين ...


كل الطرق مافيهاش أمان


و الحيرة فى السكة رفيق


طول الطريق ..


غير اللجان


و الناس عنيها مغمضة ..


بينفسوا عن كبتهم بالفضفضة


و المضمضة ...


بكلام يعبر عن ألم


و عن المهانة و الهوان


و الناس يفرحها أمل ..


يادوب أمل


يستقووا بيه على المرض


و على الزمان


بس الأمل فى بلدنا دايما يتسرق


و العشق قلبه يتحرق


و إن يوم غرق


تنهش فى لحمة كل أنواع الحيتان


و إن يوم صبر عاللى حصل
بيبقى صبر بدون أمل ...


زى الجمل


مجبر على شيل الحمول


و الصبر ده طبع الإبل


و البال طويل


لحد لما يفيض بدال الكيل


فى عمره ألف كيل


ينفض بكل الهمة


من فوق الكتاف


حمل الهوان


و الأصل و المعدن يبان


و مدد يا صوت الشعب


يا لحن الخلود
مدد يا ناس ...


يا معجونين بالطين


من الأرض الولود


آن الأوان


فينك بقى


يا حلم أحلام الصبايا


الفلاحات و العاملات
حتى بنات الجامعات


حتى البغايا


فينك بقى


يا زينة الجدعان


يا أسمر م الشقى


إظهر بقى


كل البلد تنده عليك


كل البنات حالفة ما تفرد شعرها


إلا فى يوم الملتقى


حتى عصافير الشجر


نسيت نشيد الشقشقة


إظهر بقى ... فوق الحصان


صدقنى كل الناس


بتصرخ فى الفضا ...


بعد الزمان اللى إنقضى ... آن الأوان


يا رب يا رب القضا ... إئذن بقى


إنه يكون آن الأوان

Tarek Elemary
06/07/2009, 18h26
أنا كنت داخل هنا و هدفى كان غنوة
لقيتكوا صحبة زهور متنسقة و حلوة
ياسمين و فل و ورود و كلهم حلوين
فاتحين قلوبكم سكن دخلت على سهوة
====
أبوزهدة فرد الجناح رائد فتح بابه
سمعجى فاتنا وراح د أنس جابه
ناهد يا بلسم و طيف بلقيس بتنادى
يرد سعد بنشيد و كوراله أصحابه
====
لما الآلاتى عزف أبودينا قام غنى
سرحت عيون المها رسمت عفاف جنة
إسلام مع الماردة شاوروا على غازى
كشك الجميل م الشوق ماقدرش يستنى
====
من أرض طه النبى جه المصطفى فارس
علاء يس بالحراب واقف عليه حارس
أبوقدرى شايل كتب موهوب و متربى
مندور ونعم الرجال ماهو للعلوم دارس
====
ثروت و من غير لقب هوه اللقب زينه
هوه اللى زان اللقب شايلينه فى عنينا
محمود كمان دكتور قنديل و مشعل نور
قالوا نسيت الزمنطر قلت الختام لينا
====
يوسف يا مسك وعود واحشانى أعمالك
روح هات ف إيدك منال و لفها بشالك
و فوت على الملغوم وإسأل عليه ماله
دا كان طريقه نغم على القلوب سالك
====
عصفور و طاير و حاير و فى القلوب عشه
أبو طل بدر وطل ما أحلى إبتسام وشه
عم السويفى ياناس بلبل جميل صداح
و من السودان حمدى لاح سلامونى بيناغشه
====
يحى و آل عامر و المعجونين بالشوق
عادل و منعم و رايا أصل الأدب و الذوق
هامو و فؤش أبوزهرة و الأسدى عم الجميع
و كل أهل السماعى من غير ما اسيب مخلوق

Tarek Elemary
06/07/2009, 18h26
أنا كنت داخل هنا و هدفى كان غنوة
لقيتكوا صحبة زهور متنسقة و حلوة
ياسمين و فل و ورود و كلهم حلوين
فاتحين قلوبكم سكن دخلت على سهوة
====
أبوزهدة فرد الجناح رائد فتح بابه
سمعجى فاتنا وراح د أنس جابه
ناهد يا بلسم و طيف بلقيس بتنادى
يرد سعد بنشيد و كوراله أصحابه
====
لما الآلاتى عزف أبودينا قام غنى
سرحت عيون المها رسمت عفاف جنة
إسلام مع الماردة شاوروا على غازى
كشك الجميل م الشوق ماقدرش يستنى
====
من أرض طه النبى جه المصطفى فارس
علاء يس بالحراب واقف عليه حارس
أبوقدرى شايل كتب موهوب و متربى
مندور ونعم الرجال ماهو للعلوم دارس
====
ثروت و من غير لقب هوه اللقب زينه
هوه اللى زان اللقب شايلينه فى عنينا
محمود كمان دكتور قنديل و مشعل نور
قالوا نسيت الزمنطر قلت الختام لينا
====
يوسف يا مسك وعود واحشانى أعمالك
روح هات ف إيدك منال و لفها بشالك
و فوت على الملغوم وإسأل عليه ماله
دا كان طريقه نغم على القلوب سالك
====
عصفور و طاير و حاير و فى القلوب عشه
أبو طل بدر وطل ما أحلى إبتسام وشه
عم السويفى ياناس بلبل جميل صداح
و من السودان حمدى لاح سلامونى بيناغشه
====
يحى و آل عامر و المعجونين بالشوق
عادل و منعم و رايا أصل الأدب و الذوق
هامو و فؤش أبوزهرة و الأسدى عم الجميع
و كل أهل السماعى من غير ما اسيب مخلوق

Tarek Elemary
09/07/2009, 10h07
و تاخدنا الدنيا و تِلهِينا
و لا يوم على بر ترسينا
و رفعنا شراع مليان أوجاع
يمكن مولاك يلطف بينا
***
يا طريق مفروش غربة و توهان
طيفك بياخدنا لكل مكان
و لا نور فى الضلمة بيهدينا
و لا حضن يخفف م الأحزان
***
على فين يا زمان يا مفرقنا؟
و رامينا لحرقة أشواقنا
تِعِبِت أيامنا و ليالينا
حتى الكلمات مالهاش معنى
***
و نسينا الحب و حبايبنا
و نسينا السبب اللى تاعِبنا
و خَدِتنا الدنيا و أوهامها
و كاسها المر إحنا شرِبنا
***
من يوم ما الأحباب فارقونا
و أملنا يادوبك يلاقونا
و نعيد الأيام من تانى
و لا نبعد لو يوم شنقونا

Tarek Elemary
12/07/2009, 18h35
الحلو اللى جرحنى برمشه
و فات قلبى و راح
يا ما نفسى ف يوم يرجع عِشُّه
و نقيم أفراح
يا أبو رمش آزانى
شكله نسانى ... و نسى عنوانى
و لا عاد بيفكر يوم فيَّا
و لا نار الشوق اللى كوانى
الحلو اللى جرحنى برمشه
يا ما نفسى ف يوم يرجع عشه
يا نجوم الليل السهرانه ... شايفه عذابى
يا قمر يا منور فى سمانا ... و عارف بابى
و النبى دله ... روحله و قولله
إننا ماعرفنا ف يوم راحة إلا ف ضله
و إننا رغم الجرح القاسى
شاريين وِدُّه و مآمنينله
الحلو اللى جرحنى برمشه
ياما نفسى ف يوم يرجع عشه

Tarek Elemary
13/07/2009, 17h40
الكلمتين اللى إحنا قلناهم سوا
على ضفة النهر الحزين
كانوا مؤلمين ..
و كانوا تأبين للهوى
اللى إنكوى
لما إنتهى بينَّا الحنين
نقطة فـ نهاية سطور قصة
كتبها بالدموع قلبين
هى قصة كل عاشق
حَبْ يمشى بمركبه ضد السنين
و الشراع يادوب أمل
و الأمل مخنوق و مكتوف الإيدين
والدفة فى يَّد الزمن
و الزمن بينى و بينه شويتين
الزمن ما بيبتسمشى للأمل
الزمن عايز اللى جاهز بالثمن
و الثمن كان أغلى مِ الِّلى فِـ الإيدين
أو يبتسم لللى يعافر فيه و يصبر
بس فين الصبر فين؟
***
كان طموحك فوق خيالى
والحقيقة ...
أنا كنت عاجز حبتين
و إنت صبرك كان قليل
ماقدرش على طول الليالى
و إلتقيتك واقفة فى صف الزمن
و النظرة من عينك رصاص
زى مسجونه بتترجى الخلاص
و العجز حالى
و اللوم يا ريته كان كلام
بعنيكى قلتى
اللى حروف كل اللغات تعجز تقوله
ليل بطوله يا ليالى
عينى سهرانه و عقلى بيبتسم
قاللى ياما قلتلك
الأمل راح يقتلك
سمعت صوت قلبك و غمضت العنين
دلوقتى راجع بالأنين
***
أنا مش بالومك
يا اللى كنتى فـ يوم حبيبتى
كان طموحك أقوى من أملك فى بكره
و من وعود قلبك هربتى
الزمن ده مش زمان التضحيات
بس أنا خسرت الرهان
و إنت أبدا ما كسبتى
إحنا الإثنين خسرانين
أنا خسران الرهان على حب ضاع
و إنت خسرانه المشاعر
و إنت خسرانه السكن بين ضفتين
و النهر قلبى اللى جرى فيه الحنين
و الكلمتين اللى إحنا قلناهم سوا
كانوا تأبين للهوى
و اللى إنتهوا
كالعادة برضه بدمعتين

Tarek Elemary
14/07/2009, 11h15
رسالة إلى الوالى


========


حضرة جناب الوالى


أغلى الناس يا غالى


يا اللى ساكن فى العلاللى


يا اللى حالك من قديم الدهر


كان و كأنه حالى


كنت تمشى فى الشوارع زيِّنا


و تلبس ملابس زيِّنا


و تجوع و تعطش


و الهوى ...


يمكن يسهَّرَك الليالى


و بكره كان همَّك كما كان هَمِّنا


أيه جرالك؟


و لا يمكن أيه جرالى؟


مابقاش يهِمَّك أى حاجة تهِمِّنا


ما بقيتش أبداً زيِّنا


وبقيت خيالى


أوهموك ولا إنت حابب تتوهم


بيخدعوك و لا إنت حابب تتخدع


مابقاش فى جوفك أى عضو بيتوِجِع


بص فْـ عيون الناس و حِسْ


شايف القَهْر اللى ممكن يبقى عُهْرْ؟


شايف الجوع اللى أدى للخنوع؟


شايف الصبر اللى هوه نفسه قبر؟


بُص شوف العيون مليانه خوف


و المهانة فى الطابور


دمعة المظلوم تطيَّر من عنيك النوم


لو لسه فيه عندك شعور


و الأسى فِـ عْنين مريض بدموع تفيض


تروى اللى ساكن فى القبور


و اللى غرق فى البحر الاحمر حقه فين؟


بلعه السمك فى الليل


ماشافت عينه نور


و اللى باعه كان على كرسى الحصانة


وبالأمانة جه بصندوق كله زور


و فص ملح وداب و فاتهم فى الضباب


أهل اللى ماتوا تاهوا فى الدواوين


و تعبوا من شهور


أوهموك إن الجياع بيغنوا ع المحمول


و بيصرفوا ملايين على الرنات


و اللوجوهات وبشكل مش معقول


و هوه أيه معقول؟


و إحنا فـ زمن إتلخبطت فيه العقول


ما فيهوش قِيَمْ مافيهوش مبادئ أو أصول


نفسى تفوق ...


قبل ما تطلع عنده فوق


و هناك مافيش حاشية و خلق بيخدعوك


مافيش هناك إصبر يا سيدنا الوالى


بكره راح تروق


هناك حساب على اللى مكتوب فى الكتاب


فى يوم ماتعرفله غروب و شروق


و هاتتسئِل ع اللى إنتهى عمره فى بحر التيه


و اللى غِرق ...


و اللى فى قطر المحرومين


شاف الهوان


و برضه مات محروق


نفسى تفوق


و لسه فيه فرصه لإيدك مدها


تلقى فـ إيدينا للنجاة الطوق


بس إنت فوق

Tarek Elemary
14/07/2009, 11h27
زيارة السير أوباما
*
*
*
هاهنا (http://www.sama3y.net/forum/showthread.php?t=68676)

Tarek Elemary
14/07/2009, 13h39
حالة العشق المحالة
*
*
*
هاهنا (http://www.sama3y.net/forum/showthread.php?t=70253)

Tarek Elemary
15/07/2009, 10h18
حضرة جناب الوالى
أغلى الناس يا غالى
يا اللى ساكن فى العلاللى
يا اللى حالك من زمان
كان زىّْ حالى
زىّْ حالنا كلِّنا
كنت تمشى فى الشوارع زيِّنا
و تلبس هدومك زيِّنا
و تجوع و تعطش
و الهوى ...
يمكن يسهَّرَك الليالى
و بكره كان همَّك عشان دا هَمِّنا
أيه جرالك؟
و لا يمكن أيه جرالى؟
مابقاتشى بتهِمَّك حاجات بتهِمِّنا؟
ما بقيتش أبداً زيِّنا
وبقيت خيالى
أوهموك ولا إنت حابب تتوهم
بيخدعوك و لا إنت حابب تتخدع
مابقاش فـ جوفك أى عضو بيتوِجِع
بص فْـ عيون الناس و حِسْ
شايف القَهْر اللى ممكن يبقى عُهْرْ؟
شايف الجوع اللى أدى للخنوع؟
شايف الصبر اللى هوه نفسه قبر؟
بُص شوف العيون مليانه خوف
و المهانة فى الطابور
دمعة المظلوم تطيَّر من عنيك النوم
لو لسه فيه عندك شعور
و الأسى فِـ عْنين مريض بدموع تفيض
تروى اللى ساكن فى القبور
و اللى غِرِقْ فِـ البحر لَحْمَرْ حقه فين؟
بلعه السمك فى الليل
ماشافت عينه نور
و اللى باعه كان على كرسى الحصانة
وبالأمانة جه بصندوق كله زور
و فص ملح وداب و فاتهم فى الضباب
أهل اللى ماتوا تاهوا فى الدواوين
و تعبوا من شهور
ولما طال الإنتظار
و إنتهى بينَّا الحوار
و إكتشفنا فجأة إن الدنيا عتمة
و إتسرق منَّا النهار
و السحابة السودة سكنت فى العيون
و الرمال زحفت على لون الخضار
و الضياع على كل حيطة بيترسم
و هوه ده بكره بتاع كل الصِغار
جَىّْ تسأل و ببراءة و بجراءة
فين ضمير الناس؟
و حب الجار لجار؟!
جَىّْ تسأل أيه اللى خللى العيشة نار؟
قوللى إنت يا اللى فى إديك القرار:
أيه اللى خللى الحق زور؟
و الحلال بقى مستحيل؟
و الغلابة إستبدلوه من عجزهم
بحرام و عار؟
مش لاجل متعة أو فجور
لأ كمان لاجل سقف
و هدمة تحمى جسمهم م البرد
الغلابة فى إنتظار شمس النهار
و ياما ناس غلابة
دمهم قوت للديابة
و لحمهم من غير ثمن
بيعانوا قسوة لِ إنكسار
و الديابة بمكرهم
أوهموك إن البلد مافيهاش جياع
و بيصرفوا الملايين على الرنات
و اللوجوهات وبشكل مش معقول
طب هوه أيه معقول؟
و إحنا فـ زمن إتلخبطت فيه العقول
ما فيهوش قِيَمْ مافيهوش مبادئ أو أصول
نفسى تفوق ...
قبل ما تطلع عنده فوق
و هناك مافيش حاشية و خَلْقْ هَيِخدعوك
مافيش هناك واحد يقولك
إصبر إنت وبكره كله يروق
هناك حساب على كل كلمة فى الكتاب
فى يوم ماتعرفلوش نهاية أو شروق
و هاتِتْسِئِل ع اللى إنتهى عمره
فى بحر التيه غريق
و جُوَّهْ القلب شوق
لِلِّى فى قطر المحرومين
شاف الهوان
و برضه مات محروق
نفسى تفوق
لسه فيه فرصه لإيدك مِدَّها
هانشِدَّهَا
تلقى فـ إيدينا للنجاة
ييجى ألف طوق
بس إنت فوق

Tarek Elemary
16/07/2009, 09h40
تعليقاً على رائعته ((حاضر))
==============

*
*
منك إنت الشعر يهرب؟!!
أمال إحنا نعمل أيه؟
دا الخيال منك بيشرب
يرتوى و تعطف عليه
إنت توّْحى و هوَّ يكتب
تصرخ الدهشه فـ عنيه
و الحروف تنزل تسرسب
لحن أيْه و شعر أيْه!!
عمر شِعْرَك يوم ما يِغْلَب
لو شَرَد إنت تناديه
ييجى خجلان لما تِعْتِب
يطلب سماح و تفيض عنيه

Tarek Elemary
22/03/2010, 13h51
هواكى خلاَّنى ف حيرة
مليان غيرة
من العيون المشتاقة
للتأشيرة
يا ريت بإيدى أخبيكى
و أنهى السيرة
دانا قلبى قصرك مفتوحلك
و إنتى أميرة
أبيع سنينى و تلينى
و أفك بس التكشيرة
يا ساكنة فى الأشواق قلبى
و حيكم أول جيرة
إن كنت حاسَّه صارحينى
أو سامحينى
ماقدرش على فَضّّها سيرة
العمر بتعدى سنينه
و العين بأشواقها بصيرة
بس الإيدين عاجزة و خايفة
هى اليدين اللى قصيرة

Tarek Elemary
22/03/2010, 13h53
هوه إحنا مين؟
السؤال لو يِتْسِئِل
الجواب ييجى مالوهشى دعوة بيه
و الأمور لو تِتْعِقِلْ
تلقى نفسك ويَّا كل الناس فى تيه
مين و ليه و إزاى و فين؟
و الجواب ياخد سنين
و إحنا ماشيين تعبانين
و إحنا نايمين تعبانين
نومنا بيغُط فى أنين
مجروحين ... مدبوحين
و عنينا بِتْبُصْ بأسى
و رجاء حزين
يا رب إرحم ضعفنا
نَجِّينا من قسوة إيدين السجانين
اللى نسُّونا بتعذيبهم لنا
هوه إحنا مين؟

د أنس البن
22/03/2010, 18h02
نورت بيتك ومطرحك يا طارق :emrose:
أولا .. مكانك لم يشغله أحد , كان مشتاقا إليك :emrose:
ثانيا .. واخد جنب ليه
ثالثا .. راجع ليه بعتاب وسؤال ملوش جواب
رابعا .. كل حى منه لله .. مش دى كلمتك برضه
خامسا .. يا ريت تنادى على باقى الأحباب .. من باب .. الونس يعنى .... :emrose:

Tarek Elemary
23/03/2010, 08h47
عهد الجوار
=========
لما دمك هوه دمى
و إنت جارى و إبن عمى
ليه ترجعلى ضنايا
جوه دمه مستحمى؟
=======
هوه ده عهد الجوار؟
و اللى ها يفك الحصار؟
و للا ده هوه اللى صار؟
لما جَرُّوك مِستِغمى؟
!!!!

عبدالحميد عليوي
31/03/2010, 02h58
جرأة وابداع ببساطة مالها حدود
اشكركم من الجزيرة السورية
Posted via Mobile Device

Tarek Elemary
21/07/2010, 07h15
جرأة وابداع ببساطة مالها حدود
اشكركم من الجزيرة السورية
Posted via Mobile Device
أستاذ / عبدالحميد
الله يشرف مقدارك و يزيدك رفعة و تواضح
اشكر لك مجاملتك و مرورك الكريم و يا رب أكون أستحق هذا
تحياتى المتواصلة و لو تأخرت

محمد الحمد
21/07/2010, 12h00
أنا كنت داخل هنا و هدفى كان غنوة

وانا كنت داخل هنا والهدف فُرجة

لقيت نفسي متاخذ لأقصى درجة

سلمت الأنامل والحس العالي والمفرات الرقيقة حتى في عز العتاب والشجن والألم

تابع يا استاذ طارق هذا المسير وسأكون ممتنا لو أتحفتنا بقصيدة فصحى جديدة

شكرا لأنك أمتعتني شكرا
:emrose:

Tarek Elemary
24/07/2010, 10h02
وانا كنت داخل هنا والهدف فُرجة



لقيت نفسي متاخذ لأقصى درجة

سلمت الأنامل والحس العالي والمفرات الرقيقة حتى في عز العتاب والشجن والألم

تابع يا استاذ طارق هذا المسير وسأكون ممتنا لو أتحفتنا بقصيدة فصحى جديدة

شكرا لأنك أمتعتني شكرا
:emrose:

الرائع ... محمد الحمد
شرفت بك هاهنا و سعدت أيما سعادة بشخصك و قدرك و تعليقك و روحك المرحة و كرمك الفياض
أعرف قدرك يا صديقى ... و لذا سعادتى بكلماتك طبعت على نفسى الزهو و الفخار و غمرتنى الغبطة
علاوة على حبى و تقديرى الكبيرين لجدة و أهل جدة على وجه الخصوص

Tarek Elemary
25/07/2010, 11h21
هنا
مجرد معايدة (http://www.sama3y.net/forum/showthread.php?t=83882)

Tarek Elemary
25/07/2010, 11h23
هنا
.
.
.

لا أنا سياسى ... و لا غاوى وجع راسى (http://http://www.sama3y.net/forum/showthread.php?t=83408)

Tarek Elemary
07/08/2010, 09h46
عيونك شايفة كمّْ الحب ف عيونى


و قلبك حس كمّْ هوايا و جنونى


و بين إيدك و بين إيدى يدوب مترين


و مش قادر على لمسك بقالى سنين


عذابى و سلوتى قربك


و صوتك عشق للودنين


و أمد إيديا و أتردد


و كل شجاعتى تتبدد


و أخاف من قسوة اللايمين


بيجمعنا المكان أحيان


و أشوف فى عنيكى كل حنان


و نظرة غيرة م التانيين


و ألف سؤال فى نظرتهم


عيونى بسرعة جاوبتهم


بنظرة شوق غلافها حنين


و موش ساكتين


مابين همسة و لوم لايم


و نظرتهم فراش حايم


و حتى الحيطة ليها عنين


و لا يهمك يا روح قلبى


و لا تدارى و لا تخبى


مادام أرواحنا متفاهمين

Tarek Elemary
27/08/2010, 00h38
هاهنا
*
*
*
*
رمضانيات (http://www.sama3y.net/forum/showthread.php?t=84993)

سيد الموجى
09/10/2010, 12h07
متغربين عنك يا مصر .... و عن عيونك محرومين



و الزمن واقف ما مر .... و الساعات بتفوت سنين


مش بنملك غير خيال .... نسرح و ف عنينا الدموع


نفوق و ف بالنا سؤال .... آمته هايكون الرجوع


و عواطفى ف قلبى دفينة .... ما يدرى بيها الجيران


و انت ف عينى سفينة .... مرساها بر الأمان


أركب و أرمى حمولى .... و أقول بلاش العتاب


أسمع ما انتى تقولى .... أحضن و ابوس التراب


يا غربتى لا تطولى .... دى مصر الطعام و الشراب


و انا سمكة ف بحر الكنانة .... لو اطلع منه أموت


و القصر بره الكنانة .... ف عيونى قبر و تابوت


أرجع ياغربة أمانة .... قبل العمر ما يفوت


و ألاقى الغربة بتكدب .... و بعدى عنك يطول


و مهما القلب يتعذب .... ما يوم عنك ها يتحول


ف نار البعد أتقلب .... يزيد حبى عن الأول



يزيد حبى عن الأول

الشاعر الجميل / طارق العمرى
أعادت قصيدتك الجميلة إلى ذاكرتى إحدى رباعياتى التى اعتز يها كثيرا
الغربة مش إحساس ببُعد المكان
الغربة إحساس باحتياج الأمان
فيه ناس بتتغرب فى حضن الوطن
وناس بتلقى وطن فى لمسة حنان !
0000
دمت مبدعا

Tarek Elemary
13/11/2010, 09h23
أنا العاشق ها هنا (http://www.sama3y.net/forum/showthread.php?t=86871)

Tarek Elemary
13/11/2010, 09h29
ودَّعت خوفى ها هُنا (http://www.sama3y.net/forum/showthread.php?p=481845#poststop)

Tarek Elemary
13/11/2010, 09h30
مكتوب علينا ها هُنا (http://www.sama3y.net/forum/showthread.php?p=482960#post482960)

Tarek Elemary
13/11/2010, 09h36
لسة ناوى ع الرحيل؟ (http://www.sama3y.net/forum/showthread.php?t=86982)
ها هُنا (http://www.sama3y.net/forum/showthread.php?t=86982)

سيد الموجى
27/12/2011, 13h31
الله عليك يا شاعر يا جميل
تسلم ويسلم لنا الوطن الحبيب

Tarek Elemary
14/05/2012, 20h17
مصر بتعيش أحلى حالة،
مصر بيئة لسة صالحة للقوالة
برغم خناقات الأحبة
مصر للنور مُشْرَأِبة
و اللى مش عاوز يغور
يبتعِد أو يستخَبَّى
برغم أفكار الجهالة
و الميول و الإستمالة
مصر بتعيش أحلى حالة

... بنختلف علشان عيونها
نفسنا ف واحد يصونها
يبقى قد المرحلة
دى الآمال مترحلة
مش هانرضى بأى واحد
مش هانقبل مين يخونها

اللى إحنا فيه ده، إندفع فى سبيله دم
ياما ناس إتحملت إزلال و هَمْ
و إنتفض شعبى الأبى .. شعبى الأشَمْ
إتنفست كل الشوارع و الحارات
إتزينت كل البنات
إتحررت كلمة بحبك يا بلدنا
من السكات
إترحمت أم الشهيد على نور عنيها
و هان عليها، و قالت إن الناس أهَمْ

مصر بتعيش أحلى حالة
مصر طلعت للوسع
من بعد حبستها الطويلة
ف أوضة مالهاش حتى صالة
جاية تسكر بالبراح و لا تختشى
و هاتنتشى حتى الثمالة
مصر بتعيش أحلى حالة

Tarek Elemary
14/05/2012, 20h21
إفتحى الشباك و بصى ع الشجر و الطير و غنى للحياة،
إروى شجر الشوق و خلى العشق يوصل منتهاه،
عمرنا أيام قليلة، و مالنا حيلة ف قلبنا،
لما بيدق بهوى، يبقى الدوا نمشى وراه
إفتحى الشباك و شوفى الشمس بتغنى لنا
حتى موج البحر بيدندن و يحضن رمل شطه
و يغسله من حزن ليله اللى سهر يملاه دموع
و المراكب كلها لنسيم هوانا إتحركت فردت قلوع
ياللا بينا نعيش معاها عمرنا على جزيرة لوحدنا
رحلة العشق إبتدت و ما فيش رجوع
... إفتحى الشباك و شوفى قلبى واقف يبتسم
على ناصية البيت اللى جنبك منتظر
كف إيدك يرمى وردة ف ليلة قايدة بالشموع
إرمى حزنك و إهربى من سجن غيرك
إنشرى ع الكون عبيرك
قلبى قلبك روحى روحك
حتى طيرى هوه طيرك
دانتى لو تتنهدى باسمع صدى جوه الضلوع

Tarek Elemary
14/05/2012, 20h24
قُربِى مِنك،
ده النعيم اللى حِلِم بيه قلبى من يوم التلاقى،
و الكلام عاجز يعبَّر عن حنينى و إشتياقى،
أعمل أيه ؟
أعمل أيه و أنا عينى شايفاكى
و قلبى بينحرق،
و إنتى جاية تقولى لازم نفترق
هوه أنا قربت منك؟!
هوه ده صح اللى باقى!!
فكرى قبل القرار، قلبى مَلْ الإنتظار
و البعاد مش راح يحل المشكلة،
ده إن كان صحيح فيه مشكلة؟
يا حبيبتى ...
هاتى هِمِّك و يَّا هَمِّى، نقسم الأحزان سوا،
... مين هايشعر بيكى غيرى،
عندى أنا بس الدوا
النيران ما يحس بيها زى جلد اللى إكتوى
و الفرح هانقسِّمه و إن خلص راح نرسمه
بابتسامة فوق وشوشنا، بنظرة مليانة هوى
إمسحى الأحزان بكفى
عشقى ليكى راح يكفى
نعاند العمر المعاند
نهزمه و ننسى التَشَفى

Tarek Elemary
14/05/2012, 20h26
لما شوفتِك ... الكلام عندى إختلفْ
و الحروف بدأت تعانى
إتلخبطت فيها المعانى
و الدقايق و الثوانى، وِقفوا صَفْ
و الحروف على كُترها
فقدت جمالها و سِحرها
مابقيتش راضى بأى حَرفْ
طب أيه وظيفة الكلام
بعد التحية و السلام
غير إنه يبقى رسول
...بيحمل ليكى وصف
و لو هايعجز؟
يبقى يهرب من كسوفه
يختفى مش عايز أشوفه
هاخترع بدال حروفه
ألف حرف

لما لاح المُنتهى
و حورية طلَّت و إنتهى
كل اللى فيها يُشتَهى
خطفتنى من بين البشر
لو كان بإيدى خطفتها
غلِّفتها، بَروزتَها،
ما بين رموش العين
يا عين سكَّنتها

بس أنا بَختى قليل
و الكلام عاجز بخيل
القمر سكن الأصيل
و الضحى بقى عِز ليل
حرفى مش لاقى المعانى
و الهوى عايز دليل

بيكى هاتهَجى الحروف
بيكى هانسى أى خوف
و المعانى بالألووف
راح تتولد من فوق لسانى
لمَّا تتخطى الكسوف
بكرة تتأكد عيونك
بكرة قلبك راح يشوف

Tarek Elemary
15/05/2012, 10h05
لسة صوتك
لما ودنى بتسمعه بتتهز ليه،
أيوة لسة باعشقة و باحِن ليه،
مِش بخاطرى أعمل أيه،
رغم إنى عارف إن طريقى أصعب،
حتى يمكن مستحيل،
بس صوتك لسة ودنى بتشتهيه
خطوتك، صوت مشيتك،
كعب رجلك ع البُساط،
حاجة بتخلينى آخر إنبساط
بابقى بينى و بينى حالف إنى أتوب،
مستحيل يفضل هوايا من الذنوب،
و ألقى روحى إتلهفت لعبير مرورك،
و أبقى نفسى أبعت عيونى
يادوب تزورك،
تستحمى من جمالك،
تغتسل من نهر نورك،
أعمل أيه؟
الهوى اللى عشت عُمرى أعرفه
يطلع خيال
و الهوى اللى سكن ف روحى
صحَّى آهاتى و جروحى
يبقى ليه صعب المنال؟
يعنى هافضل عمرى كله
بدون إجابة على السؤال!
و إن هزمت المستحيل، يطلع محال
قلبى بيدق بخطاكى بيعشقك
بقى حالى حال

Tarek Elemary
15/05/2012, 14h51
أنا باشعر بلذة فى الكلام ليكى،
و باحكى بدون حساب و حدود
و لا بيشغلنى ترتيب الكلام أبدأً
و لا الألفاظ
و لا مستنى حتى ردود،
و لا طمعان فى شئ ملموس
و لا محسوس و لا فِى وعود،
أنا بالقانى وياكى
و باعرفنى إذا طل الأمان منى
و غلِّف بالحنان روحى
و سالت منى كلماتى بدون حسبان
و ألفاظى بلا بروتوكول
و فن القول
تعبر عن صريح مكنونى و جنونى
و أحلامى و أوهامى
و أنا فعلاً معاكى باكون،
و بانسى حتى كل الكون ... أنا مجنون.
صحيح أصل الكلام .... تعبير،
و له تأثير
و تزويقه و تنميقه و تشويقه
يأثَّر فى الحقيقة كتير،
لكن عندى الكلام حالة،
و مكنة عرض شغالة،
و فيلم بيحكى من جوة
لكن أبداً ما هوش آلة
و لا فيها زرار يبدأ، و لا يطفى
دى نبتة فى قلبى مزروعة ولها أوراق،
بتفرح لو مزاجى راق
و أزهارها تفتح فى اللُقا دايما
و تدبل لما أقول يا فراق
و لما بالنسيم بتميل
بتبعت فى الهوى أشواق

كلامى معاكى خلانى
ألاقى نفسى من تانى
و ريحنى و مرجحنى
و قربنى و جابنى لمَّا وَدَّانى،
و يمكن يبقى ده إستعجال
أو إستهبال
بإنى أصنَّفه بكلمة
و صوت العقل بيقوللى
و أيه هايغيَّر التصنيف؟
أنا مبسوط و ده كافى
و إنتى أمانة ما تخافى
أنا إنسان
ما ابيعش ف مرة أخلاقى
فى قربى زى فى فراقى
أمين و العهد أنا صاينه
يموت الحب ده ممكن
و يفضل عهدنا باقى

Tarek Elemary
16/05/2012, 10h32
لسة صوتك
لما ودنى بتسمعه بتتهز ليه،
أيوة لسة باعشقة و باحِن ليه،
مِش بخاطرى أعمل أيه،
رغم إنى عارف إن طريقى صعب،
وحتى يمكن مستحيل،
بس صوتك لسة ودنى بتشتهيه
خطوتك، صوت مشيتك،
كعب رجلك ع البُساط،
حاجة بتخلينى آخر إنبساط
بابقى بينى و بينى حالف إنى أتوب،
مستحيل يفضل هوايا
كأنه ذنب من الذنوب،
و ألقى روحى إتلهفت لعبير مرورك،
و أبقى نفسى أبعت عيونى
يادوب تزورك،
تستحمى من جمالك،
تغتسل من نهر نورك،
أعمل أيه؟
الهوى اللى عشت عُمرى أعرفه
يطلع خيال
و الهوى اللى سكن ف روحى
صحَّى آهاتى و جروحى
ألتقيه صعب المنال؟
يعنى هافضل عمرى كله
بدون إجابة على السؤال!
و إن فرضنا ف يوم هزمت المستحيل،
يطلع محال
قلبى بيدق بخطاكى بيعشقك
بقى حالى حال
ياما قررت إنى أطوى صفحتك
و أمشى ف طريقى
و أقول لنفسى
ياما قالوا إن الزمن أكبر مداوى
و ألقى قلبى طرح سؤال
قد أيه حبك يساوى؟
و أسهر ليالى أكلم الليل و الشجر
و ألقانى غاوى
أرجع أصبر نفسى مرات بالأمل
أو بالنعيم المحتمل
أولمسة الإيد اللى للأحزان تداوى
و القى صوتك شدنى
و كأنه حاوى

Tarek Elemary
17/05/2012, 13h32
سيدتى ...
رِسْلُكِ سيدتى
فأنا ... ما كنتُ لأختارك
قدرك أو قدرى لا أدرى
لكن سؤالى ما الفارق؟
إن جاز الوصف أنا صدفة
أنا إحدى عجائب أقدارك
أنا لا أستاء من الصدفة
أو حتى ألوم على قدرى
دعكِ من سئِ أفكارك
أنا أسعَدُ كائن فى الدنيا
أن أحظى يوماً بلقائك
فأنا فى أعمق أعماقى
أنتظر لقاءك من فترة
كى أعزف لحنى بأوتارك
و أكرر أكثر من مرة
قدرى أو قدرك؟
ما الفارق؟

غموض الحالة يغمرنى
توقيت الصدفة يبهرنى
خوفى من نفسى ينهانى
و يهز كيانى ينهرنى
و أنا لا آبه بكلامى
و كأنى لا أملك أمرى

عجباً ...
وا عجبى .. ما هذا؟
أسطورة مثل الإلياذة
إيزيس تجئ مع القاربِ
بمفاتنِ سحرٍ أخَّاذة
و تمدُ يديها لأشلائى
بحروفِ الحاءِ مع الباءِ
طوقُ الإنقاذِ كما يبدو
يجتثُ الباقى من لائى
فأرانى بهما أتعلق
و أسير بلا أن أتحقق
فأنا أسلمت مقاليدى
و إلى أحضانِك أتَحَرَّق

Tarek Elemary
18/05/2012, 12h00
بداية قصتى حرمان
و شوق للشوق، و لهفة طوق
و حضن أمان
و كلمة تهِز أركانى، أقول تانى
و حدوتة و كان يا ما كان
و أنا الشاطر،
و ست الحسن ولهانة
و حبى أغلى م التيجان
و ألاقى دنيتى معاندة
و متوصِّية بالحرمان
و بعد ماقلبى قاللى خلاص
مافيش فايدة
ما فيش فى الحظ لينا مكان
و أعيش راضى
بدنيتنا اللى مقسومة
و خطاوينا اللى مرسومة
بدون ألوان
و أصحى ف ليلى على طيفك
يدواى الجرح و الأحزان
لكن يا خسارة آخرة صبرى صادفته
و يفصلنا مكان و زمان
و أنا المشتاق لضمة صدر
تجنى شوق أوانه آن
أشوف الشهد لما يسيل
على فيكى و أنا العطشان
و انا باحتاجه يروى شراق أيامى
و لو يروى ........
بيروى قيراط ف كام فدان
و كل الورد لو فتَّح
على خدودك يبات دبلان
و أمِد إيديا ما تطولشى
و كلمة تبقى ف لسانى و ماتتقالشى
و أنا برضه ف طريقى أمشى بدون عنوان
و اراجع قصتى بحالها
و أنا باضحك من الإنسان
نهاية القصة محسومة
و مرسومة و برضه بتنتهى بحرمان

Tarek Elemary
19/05/2012, 16h32
هذا أنا الصحراءُ
فى عطشٍ لماء
إياك أن تتخيلى
أنى سيكفينى إرتواء
أنا موحش الصدر،
و متَّقِدُ الغريزة
لا ماء يطفئ
نار بحر الإشتهاء
أخشى عليك حبيبتى
إذا إبتدى حضنٌ
و ليس له إنتهاء
أخشى على جسدٍ رقيقٍ
من لهيب الإصطلاء
أنا فى الهوى لا أرعوى
لا أعترف بأى حدٍ لإكتفاء
هذا أنا
بلا رتوشٍ أو خُدع
إمَّا أكون من النِعَمْ
أو قد أكونُ الإبتلاء

Tarek Elemary
26/05/2012, 17h54
أشعار صوتية

Tarek Elemary
15/06/2012, 14h44
يعنى أيه كلمة مشاعر؟
يعنى أيه إحساس بحب؟
إسألوا أيُتها شاعر
أى قلب ف مرة حَبْ
يعنى قلبك يبقى جامع
عمره ما يقفل ببانُه
عمره ما يسِد المسامع
عمره ما يحسب حنانُه
يعنى يبقى كمان حنون
عمره ما يعرف يخون
عمره ما بيغلط لسانه

Tarek Elemary
21/06/2012, 08h55
.
نعيش بالوهم ف ريادة
و نشربها كمان سادة
رضينا بِمُرَّها و عايشين
عبيد مملوكة للسادة
.
يدوس ع الشعب كالعادة
غشيم فى هيئته بيادة
و أحلامنا تضيع دايماً
و تبقى عشانه سِجَّادة
.
و مصر ف عُرفهم دادة
و بقرة حلوب و ولَّادة
و لا كانت ف يوم ليلى
و لا ممكن تكون غادة
.
يعوزوا ؟ رقابنا سدَّادة
نجود بالدم و زيادة
و يكفينا ساعة ما نموت
نفوت الدنيا بشهادة
.

Tarek Elemary
21/06/2012, 08h58
الحَالَتَيْن سِيَّان
=======
صَبَح الصَبَاح زعلان
أبْكَم مافَيهْشِ أدان
و بَلَدْنا مِتْبَعْتَرة
حَبَّة فِ كل مِيدَان

يا هَلْتَرَى مَهْرَها
مُمْكِن يِكُون قَهْرَها؟
وَلَّا يكون سِرّْها
مَغْلوُبة عَلى أمْرَها
مِنْ قِلِّة الجِدْعَان؟

زِيِنْة الصَبَايَا بَهِّيّْة
بِيْجَوِّزُهَا لْهَفِيّْة
أحْسَن ما تِبْقَى بَغِّيّة
وِ المُعْضِلَة هَيَّة هِيَّة
فى الحَالَتَيْن سِيَّان!!

Tarek Elemary
12/07/2012, 00h16
ما عاد مقبولاً بأن تترددى (http://www.sama3y.net/forum/showthread.php?p=597323#post597323)

Tarek Elemary
12/07/2012, 00h20
أنتِ النســــاء (http://www.sama3y.net/forum/showthread.php?p=597325#post597325)

Tarek Elemary
10/10/2013, 07h57
لو قُلت للشجر اللى حاسُّه ناحيِتِك
يمكن يطير
و إن قُلته للبدر ف سماه
يمكن يغير
حتى النسيم لو يوم سمعنى باوصِفِك
هايقوللى أيه؟ ... مالهاش نظير؟
و إن قُلتُه للشمس اللى خيطها
بلون دهب زى الحرير
هاتقول كتير
و أنا أقولَّها لو تسمعيها بالكلام
هاتقولى عاوزة شكسبير
و إن كل اللى إنكتب فى وصفها
مهما كِتِر تقصير

Tarek Elemary
10/10/2013, 08h01
صديقى اللى سافر
==================
كلام نفسى أقوله لصاحبى اللى سافر
و سابنى لوحدى .. أجاهد و أعافر
ما بين رزق أهلى و قوت العيال
و حد يناكفنى فى أم الجدال
مابين إنى مؤمن و بين إنى كافر

سامحنى يا صاحبى بتبكى عيونك
و عمَّال بتشكى يادوب إن كونك
مفارق حبايبك و ريحة الحوارى
و توصف آلامك و لا مرة دارى
بأن اللى عايش فى وطنه مسافر
و بيعانى مر العذاب الأليم
كأنه ف جهنم و شيطان رجيم
و عايش بيحفر بسن الضوافر

لأن اللى حاكمه بجهله اللى سافر
و لا هوه فاهم ولا هوه قادر
و لا هوه حامد و لا هوه شاكر
و لا هوه سامح و لا هوه غافر
و لا هوه سامع أنين الغلابة
و لا هوه يعرف يحوش الديابة
و بانت ف وشه بلاء البشاير

يا صاحبى سامحنى و إحمد و إشكر
لأن اللى فيها ما لوهش إنه يشخر
بينده حسين اللى ناب عن جنابه
و هوه يفرقع يادوب من جِنابه
و بين كل لحظة و قمم الشوارع
ما بين فعل ماضى و فعله المضارع
بيندم و يشكى و يصرخ يا ساتر


يا صاحبى اللى فايت حبايبك هِنا
هاترجع تلاقى اللى كان عندِنا
فارقنا و غايب و أصبح تاريخ
و كل اللى باقى شبه أو مسيخ
بيحكى ألمنا صور ع الجدار
و تسمع أنينه ما بين كل دار
و يجبر بناتنا تِفُك الضفاير
عشان عملة صعبة ف جيب الشِقيق
و فقر الغلابة أكيد شيء خنيق
و برضه الندالة ف شقيقنا اللى زاير
هاننكر لآمته و نقعد نكابر
دا مهما يكون صبر قلبى اللى صابر
ما يقواش يقاوم حياة المقابر
سامحنى يا صاحبى
يا سعده اللى سافر
يا ريت حظى يضرب و أعرف أهاجر

Tarek Elemary
12/10/2013, 07h16
و بتمر السنين
و إنتى اللي ساكنه الروح
وِ تِسحِرنى إبتسامتِك
مهما كان حالى
و يحلالى الكلام
فى أي شيئ عنِّك
و لو مِنِّك يادوب كلمة
تداوى جروح
سحرتينى
و أشوف منك
كلام بالعين
و حرف أخرس
على شِفَّة كواها حنين
و إيدِك لمَّا تِلمِسنى بتِحبِسنى
ما بين حاجتين
يا أطير بيكى
و أهرب من عيون الناس
يا أكتِم شوقى
و أتدَّارى من اللايمين
و يكفينى إن قلبك
حس بمشاعرى
و لو حتى باشوفِك
تِهرَبى و تِجرى
و أنا لو حتى طال صبرى
أنا معاكى لآخر آخر المشوار
أكيد بعد الليالى نهار
و لُقياكى أدان فَجرى

Tarek Elemary
12/10/2013, 07h21
وحشتينى
.
.
.
.
هاهُنــــــا (http://www.sama3y.net/forum/showthread.php?p=641493#post641493)

Tarek Elemary
12/10/2013, 07h56
أمى
.
.
.
.
ها هُنـــــــــــــا (http://www.sama3y.net/forum/showthread.php?p=641496#post641496)

Tarek Elemary
18/10/2014, 08h21
ريحة البُن بتجنِّنى رغم إني
ما ليش فى الكيف و موش حريف
كما الرجَّالة من سِنى
لكن باشعر بأنها حالة
بتخلينى باتنَشَّق على قْوَالَة
كلام عكس اللي بتظُنِّى
و أعمل أيه بقى ف إنى
ريحة البُن ف المكتب ..... تجَنِّنِي

Tarek Elemary
18/10/2014, 08h22
فى الدنيا دى .... نادر تنول
و صدقونى القصة موش قصة عقول
و لا حظ ولا كُتر الحُمول
الدنيا دى ... ممكن تقول
لعبة و لمَّا بتِتْلِعِب .... مالهاش أصول
و مافيش قواعد أو حكم
و كتير و حوالينا و أَكَمْ
يخسر جسور ... و ينول خجول
الدنيا دى ... مالهاش حلول
يا تفوتها كاره للحياة
يا تعيشها غول
و مع الأسف ... نادر تنول

Tarek Elemary
18/10/2014, 08h24
إسمك لوحده بيهدى كل الحيرانين
إشمعنى أنا بيملانى بالشوق و الحنين
و عيونك المليانة سحر
و عشق للناس و الحياة
بخلانة على قلبى و عينيَّا بنظرتين
الأولى تحيينى و تملى الروح أمل
و التانية توعدتى ببكرة لو إكتمل
و تردلى ثقتى ف دنيا العاشقين
إسمك لوحده بيرسموه لوحة فنون
و يلونوه ييجى ألف لون
و يعلقوه على كل جدران البلد
و أنا الولد
اللي أكيد لما إتولد
وعدوه بقلبك أو يعانى من الجنون
و لقيتنى مجنون نطق إسمك بالغُنى
و باشوف حروفه بجد تتويج أو منى
أما الأمانى الحلوة ترقص ع الأغانى
بانسى مع اللحن الجميل كل الضنى

Tarek Elemary
18/10/2014, 08h26
و تهرب حروفك ماليها الكسوف
و تفرد ستارة من الحمرة خوف
و بعد السؤال اللي فاقد جوابه
و أيه اللي ودَّاه و مين اللي جابه
بيخرج رسول منى بيكى يطوف
و تشهد جوارحى و يشهد ألوف
بأنى ف مشاعرى باتوه ف الحروف
و يفضل حنانك مالوش ف العزوف

واحشنى وجودك يادوب ف الفضا
مراية و إطار و الحوار فضفضة
و بهجة حضورك بتغزل بنورك
جدايل خمايل مشاعر رضا
واحشنى حنانك و عظمة إيمانك
بإن اللي خالقك خلقنى عشانك
و إن اللي حاصل ظروف عارضة
واحشنى وجودك يادوب ف الفضا

فاضل كانار
23/01/2015, 23h30
كلمات جميلة جدا ومعاني قمة الروعة
ممكن تحريك الكلمات الصعبة حتى يبان الوزن الصحيح
شعر بديع

احمد محمد مصطفي
01/03/2015, 09h42
بسم الله ما شاء الله

بارك الله فيك