تــجــــليـــــات [الأرشيف] - منتدى سماعي للطرب العربي الأصيل

ناصر دويدار

18/07/2009, 23h27

تجلـــيــــــات 1156822
وشى ميدان واسع
دكاكين عيونى المفتوحين
طالع بخور منها
وسورة الرحمن
بصوت محمد رفعت
بتكنس أسفلت روحى العريض
وبتدفى الزقاق من برد فبراير
نافورة قلبى
بتنيم تراب الشوارع
برشرشة الصباح
تحت رجلين البنات
السيدة زينب على دراعى اليمين
وع الشمال مبدورين البياعين ع الرصيف
مناديل حريمى وطرح
شربـــــــــــات فرح
قلل قناوى
حب العزيز
بهارات بتتعارك مع المناخير
طاولة لمون
كحل العيون
تـــــــــــــــــّوك
حُلقان
شموع سبوع مولود
تماثيل جدود
راس نفرتيتى بتبص على سيدنا الحسين
جناحين الميكرفون طارت من مدنة الجامع
بتغطى المكان بصوت الأدان
المغربية بتلم دراويش الميدان
سدرى أتملى عيون
أتزحلقت دموعها من فوق رخام المقام
عمرى ماكنت إمام
لكن سكوتى متعبى كلام
وحصالة دماغى أتملت دنانير
حطها سيدنا عمر
وشى أتملى خرابيش سمك شفايفى
بتتعارك عليه القطط
وتفتش فى جورنال ودانى
عن صورة للنيل
غطانى كف الليل
طفيت ميدان وشى
وسبت نور البلكونات للولاد والبنات
سبت وناسة فى مدخل قلبى
يمكن يعدى غريب
يمكن البرد اللى فى الشارع
يخش يتدفى ف دماغى
يمكن ولد فى اللفة
أمـــه راح ترميه
قلبى يحتويـــــــه
( هتف البعيد )
عايز تشوف نفسك بحق وحقيق
أقلع هدوم روحك وطير
هتشوفها عريانة بدون تفاصيل
على شجرة جزورين
نايم ف حضن النيل
( هتف القريب )
عايز تشوف نفسك بجد
أقلع قميصك
من صدر بحرك
طلِِّع ملايكة حزنك الشفاف
أفتح ميدان روحك الواسع
هتلاقى وش أبوك
قبل ما يموت بســـــاعة
يوم 4 رمضـــــان
وقت اما قالك
عايز تشوف نفسك بجد
أعرف بأنك
ضئيـــــــــــــــــــل
تافـــــــــــــه
قلــــــيـــــل
عايز تشوف نفسك
ولعّ فى وناسة روحك
شموع المستحيل
قناديل وعيش زى خلق الله
درويــــــــــــــــــــــــــــــــش 0

تجلـــيــــــات2
رنة صجات العرقسوس
بترّقص الشمعة ف أزاز فانوس
شعر الكنافة بيستوى ع النار
ويطير على ورقة الجورنال
اللى أنكتب فيها ببنط عريض
عــــــبرنــــــــا القنـــــــــــــــال
أم الخلول منوّرة فى سوق الخضار
خد القطايف بالزبيب لوّن
بهارات ع الرف تتشون
قلم كوبية
من ع الودان بيطير
ع السطر بيدون
حساب الصجات
الحاجة بتنادى من الشباك
ع الولد محروس
يطلّع العيش
أخوه رجع م الجيش
وفاضل ع الأدان
مافيـــــــــــش
الواد سعيد صبى المكوجى
مستشوى شلن بقشيش
ويقول ف سره
ولية قرشانة
أم لطفى بتشتكى جوز بنتها للناس
شوضلى وضلالى وبلطجى
واخد فلوسها
والبنت بتحبه
موكوسة زى أمها
يلا أهى عيشة والسلام
عنتر ندا بيأكد أسامى الولاد
وأرقام البيوت
فكرية بتنادى عليه من التالت
أكتب عمر عندك
مولود من أمبارح
مع أول خطوة عسكرى مصرى
دخــــل سيـــــنـــــــا
وأكتب كمان مينا
وشقة 6 حمو وأخوه خالد
ياااااااااااااااااااااااااااااااااااااه
رمضان مخلى الجو صافى
هنااااااااااا القاهرة
مدفع الأفطار ضرب
أدان المغربية
بيوّحد اللمة
وتتجمع على الطبلية
كل الأمـــــة
أبويا كان ساكت من زمان
ما قالشى ولا كلمة
الراديو والع من مدة ع الفوازير
مين اللى خلى الصغير كبير
ومين اللى خلى الخدش
جرح خطير
أبويا مات
ولسه الراديو والع ع الفوازير
ورغم ده رمضان بيفضل
أجـــــــمــــــل
(موضوع تعبيـــر)

تجـــليــــــــات3
مافيش نبى عاطل
وّلا الملايكة بتطلع تونس ديابة
مافيش حق باطل
والدنيا ف الأخر
رايحة رايحة
للغلابة

عمر زهران

19/07/2009, 01h36

يا ع الروعة
يا ع الأبداع
يا ع الجمــــــال يا عم ناصر
أنا من ساعة ما قرأت التجليات وأنا ف حالــــــة تجلى من العذوبة والصور التى تملأ التجليات وتمس صميم الوجدان من الداخـــــل

ناصر دويدار

19/07/2009, 06h50

شكراً يا عم عمر على التجلى اللى ف كلامك وأتمنى أن أكون فتحت مساحة تجلى فى وجدانك

Tarek Elemary

19/07/2009, 07h22

علاء قدرى

19/07/2009, 14h52

شاعر التجليات المدهشة
والصورة البكر فى التعبير
الصدق مصاحبك
ومقاسمك ملامحك
ما اجمل مفرداتك الخاصة ؛ وصوتك الطفولى (الرشيد)
لا تفارقك صور و روائح الماضى الجميل
(انسان ظاهرتى بكل ما تحمل الكلمه من حلم)
ليتنا بقينا صغارا
وبقيت لنا دهشة العصافير
:emrose:ونقاء احلامهم:emrose:

علاء قدرى

19/07/2009, 15h11

منك لله يا علاء يا قدرى

الدماهرة دخلوا القلوب من أوسع الأبواب
مش سايبين مكان لإيتاى البارود مع إنها فركة كعب
****
باب المغارة انفتــــح يا عــم يادويـــــدار
بستان كلامك طـرح ثورة بــــــلون الـنار
و قليبى لما انجرح عمـــــلت قلــــبك دار
قام انتشى و انشرح و فرش لنـا الـــدوار
فخار ماعونك نضح بالدهشة مش أشعار
صادق كلامك صبح سلوانا ليل و نـــهار

***

تقبل تحياتى

الشاعر الرقيق ؛ جميل الشعر و الصورة
اخى طارق:emrose:
لانك شاعررائع ؛ و مثقف مستنير ؛ كان محتم ان يصلك صدق القصيدة ؛ و جمال الصورة ؛ فانت رائد فى هذا المجال
وحديقة الشعر غناء بالزهور و الرياحين ؛ كل يختار منها ما يوافق فطرته ؛ وذائقته ؛ وخبرته ؛ واحببت ان اهدى المنتدى احد عاشقى الشعر واثقا من قدراته و ادواته ؛ كى اضيف الى بستان المنتدى زهرة لها خصوصية التمردعلى الزيف؛ وعشق الجمال اينما ووجد
اما اختنا ايتاى البارود فيكفى انك واحد منها اسعدنا ؛ و ابهجنا ؛ و اطربنا بشعره الجميل ؛ و اخلاقه الرفيعة
نتعلم منه كيف نحب كل شئ ابدعته يد الخالق
فخور انا بمعرفة شخص له مثل ما للزهور من عبق اينما حل ؛ و ارتحل

abuzahda

20/07/2009, 02h07

تجلـــيــــــات 1156822

وشى ميدان واسع
دكاكين عيونى المفتوحين
طالع بخور منها
وسورة الرحمن
بصوت محمد رفعت
بتكنس أسفلت روحى العريض
وبتدفى الزقاق من برد فبراير
نافورة قلبى
بتنيم تراب الشوارع
برشرشة الصباح
تحت رجلين البنات
السيدة زينب على دراعى اليمين
وع الشمال مبدورين البياعين ع الرصيف
مناديل حريمى وطرح
شربـــــــــــات فرح
قلل قناوى
حب العزيز
بهارات بتتعارك مع المناخير
طاولة لمون
كحل العيون
تـــــــــــــــــّوك
حُلقان
شموع سبوع مولود
تماثيل جدود
راس نفرتيتى بتبص على سيدنا الحسين
جناحين الميكرفون طارت من مدنة الجامع
بتغطى المكان بصوت الأدان
المغربية بتلم دراويش الميدان
سدرى أتملى عيون
أتزحلقت دموعها من فوق رخام المقام
عمرى ماكنت إمام
لكن سكوتى متعبى كلام
وحصالة دماغى أتملت دنانير
حطها سيدنا عمر
وشى أتملى خرابيش سمك شفايفى
بتتعارك عليه القطط
وتفتش فى جورنال ودانى
عن صورة للنيل
غطانى كف الليل
طفيت ميدان وشى
وسبت نور البلكونات للولاد والبنات
سبت وناسة فى مدخل قلبى
يمكن يعدى غريب
يمكن البرد اللى فى الشارع
يخش يتدفى ف دماغى
يمكن ولد فى اللفة
أمـــه راح ترميه
قلبى يحتويـــــــه
( هتف البعيد )
عايز تشوف نفسك بحق وحقيق
أقلع هدوم روحك وطير
هتشوفها عريانة بدون تفاصيل
على شجرة جزورين
نايم ف حضن النيل
( هتف القريب )
عايز تشوف نفسك بجد
أقلع قميصك
من صدر بحرك
طلِِّع ملايكة حزنك الشفاف
أفتح ميدان روحك الواسع
هتلاقى وش أبوك
قبل ما يموت بســـــاعة
يوم 4 رمضـــــان
وقت اما قالك
عايز تشوف نفسك بجد
أعرف بأنك
ضئيـــــــــــــــــــل
تافـــــــــــــه
قلــــــيـــــل
عايز تشوف نفسك
ولعّ فى وناسة روحك
شموع المستحيل
قناديل وعيش زى خلق الله
درويــــــــــــــــــــــــــــــــش 0

تجلـــيــــــات2
رنة صجات العرقسوس
بترّقص الشمعة ف أزاز فانوس
شعر الكنافة بيستوى ع النار
ويطير على ورقة الجورنال
اللى أنكتب فيها ببنط عريض
عــــــبرنــــــــا القنـــــــــــــــال
أم الخلول منوّرة فى سوق الخضار
خد القطايف بالزبيب لوّن
بهارات ع الرف تتشون
قلم كوبية
من ع الودان بيطير
ع السطر بيدون
حساب الصجات
الحاجة بتنادى من الشباك
ع الولد محروس
يطلّع العيش
أخوه رجع م الجيش
وفاضل ع الأدان
مافيـــــــــــش
الواد سعيد صبى المكوجى
مستشوى شلن بقشيش
ويقول ف سره
ولية قرشانة
أم لطفى بتشتكى جوز بنتها للناس
شوضلى وضلالى وبلطجى
واخد فلوسها
والبنت بتحبه
موكوسة زى أمها
يلا أهى عيشة والسلام
عنتر ندا بيأكد أسامى الولاد
وأرقام البيوت
فكرية بتنادى عليه من التالت
أكتب عمر عندك
مولود من أمبارح
مع أول خطوة عسكرى مصرى
دخــــل سيـــــنـــــــا
وأكتب كمان مينا
وشقة 6 حمو وأخوه خالد
ياااااااااااااااااااااااااااااااااااااه
رمضان مخلى الجو صافى
هنااااااااااا القاهرة
مدفع الأفطار ضرب
أدان المغربية
بيوّحد اللمة
وتتجمع على الطبلية
كل الأمـــــة
أبويا كان ساكت من زمان
ما قالشى ولا كلمة
الراديو والع من مدة ع الفوازير
مين اللى خلى الصغير كبير
ومين اللى خلى الخدش
جرح خطير
أبويا مات
ولسه الراديو والع ع الفوازير
ورغم ده رمضان بيفضل
أجـــــــمــــــل
(موضوع تعبيـــر)

تجـــليــــــــات3
مافيش نبى عاطل
وّلا الملايكة بتطلع تونس ديابة
مافيش حق باطل
والدنيا ف الأخر
رايحة رايحة
للغلابة

تجلى عليك الموْلى
يا :emrose:أستاذ ناصر:emrose:

يا ذلك المَيْدان

عصفور طاير

21/07/2009, 01h23

يا نهار أبيض يا ولاد.. ناصر دويدار!!!

أي ريح طيبة

يا ألف خطوة عزيزة.. أشرقت الأنوار وازدانت الديار في عالم الأشعار
والله واحشني جدا على المستوى الشخصي وعلى مستوى تمرداتك الشعرية، أو تجلياتك كما سميتها أنت.

إن شاء الله نلتقي قريبا على مقاهي المحروسة، أو دمنهور أيهما أيسر.. وأنا شايف إن الكراسي عندك كتير -حسب الصورة- يعني تساع من الحبايب ألف. :mdr:

أنا عصفور طاير (صو صو صو).. على رأي عم سيد أبوزهدة زينة شعراء الشطر الغربي من كوكب الأرض.. واسمي الحركي جمال.. أكيد علاء حايكون قال لك المجموعة كلها.

عموما ألف مرحبا، وأغدق علينا من ابداعاتك وتجلياتك وتمرداتك.. داحنا مشتاقين دوي دوي يا دميل ;)

Islam Eidrisha

21/07/2009, 07h31

الأستاذ ناصر دويدار
ما أبدع الصورة في عفويتها ومصريتها ودفئها وما أروعك في رسمها وصياغتها على طريقة السهل الممتنع
لقد كان لي في يوم أشبه بالحلم الجميل شرف الدردشة مع عمنا سمعجي وبصحبته الأستاذ علاء قدري في إحدة مقاهي دمنهور حيث أنني إسكندراني المنشأ دمنهوري الهوى بحكم النظرية الجحوية العتيقة ثم دفعتنا أمواج الحديث على شاطئيكما دفعا (عصفور طاير وناصر دويدار) وكم كانت الرمال ناعمة على الشاطئ الصافي النقي الرقراق وكم كنت أود وقتها أن يكون لي بكما سابق معرفة لأشاركهما التقطيع في فروتكما:mdr:
لقد أدركت الآن أن لي في دمنهور عزوة ما أحلاها وصحبة ما أوفاها
دمتم لنا وسلمكم الله مثنى وفرادى من كل سوء

د أنس البن

21/07/2009, 09h24

:emrose:الشاعر الأصيل ناصر دويدار:emrose:
هنا القاهره
وحلت البركه فى سماعى
وأقول لأخى إسلام
ياما انتو متهنيين يا اهل البندر :crazy:

ناصر دويدار

25/07/2009, 00h14

عايز أعترف لكم إعتراف أنا كانت علاقتى بالنت محدودة جــداَ جــداً وكانت قاصرة على دخولى على مواقع رياضية لمعرفة الأخبار ومعلومات عن لعيبة الكورة لاستخدامهم فى برنامج اسبوعى على شبكة الشباب والرياضة أو لاستخدامها فى تدعيم الجريدة التى اقوم بإدارة تحريرها وهى عشاق الأهلى لكن اتصل بى صديق عمرى علاء قدرى وكلمنى على هذا الموقع فورطنى فى محبتكم جميعاً بلا أستثناء الشاعر الفنان طارق العمرى وصديقى الشاعر الكبير كمال عبد الرحمن وعمنا دكتور أنـــس البن والفنان المبدع سيد ابو زهدة وحبيبى جمال دربك العصفور الطاير وإســـــــــــــــــلام أبن منطقتى الجديد والتلقائى عمر زهران وحمدى السمر بصراحة شديدة انا أتورطت فى محبتكم وأرجو أن تديم محبتنا جميعاً لأن أنا لاقيتلى أهل نتاويين فا أقبلوا منى محبتى وتقديرى وامتنانى وشكرى أيها الفنانيين والشعراء الكبار .
أخوكم الصغنن ...
ناصـر دويـــدار

Tarek Elemary

25/07/2009, 06h35

الجريدة التى اقوم بإدارة تحريرها وهى عشاق الأهلى
طارق العمرى وصديقى الشاعر الكبير كمال عبد الرحمن و دكتور أنـــس البن والفنان المبدع سيد ابو زهدة وحبيبى جمال دربك العصفور الطاير وإســـــــــــــــــلام أبن منطقتى الجديد والتلقائى عمر زهران وحمدى السمر بصراحة شديدة انا أتورطت فى محبتكم وأرجو أن تدوم محبتنا
أخوكم الصغنن ...
ناصـر دويـــدار
يا سيدى صغنن ايه بس و انت مولود كبير بموهبتك و بصحبتك لفطاحل الثقافة و الشعر الدمنهورى المعجون بصميم تراب الوطن الجميل
محبتنى لشعرك لا علاقة لها بالكبير ين كمال بك و علاء بك قدرى و لكنها فرضتك و فرضت حبك و فرضت مكانتك بيننا فأهلا بك

عصفور طاير

26/07/2009, 11h25

دفعتنا أمواج الحديث على شاطئيكما دفعا (عصفور طاير وناصر دويدار) وكم كانت الرمال ناعمة على الشاطئ الصافي النقي الرقراق وكم كنت أود وقتها أن يكون لي بكما سابق معرفة لأشاركهما التقطيع في فروتكما:mdr:
لقد أدركت الآن أن لي في دمنهور عزوة ما أحلاها وصحبة ما أوفاها
دمتم لنا وسلمكم الله مثنى وفرادى من كل سوء

يا سيدي نورت دمنهور وأجاويرها من مصنع الزيت لأرض أدمون.. ومن شبرا لأبوالريش.. وإن شاء الله يكون لنا لقاء آخر في اسكندرية أو دمنهور فكلاهما موطني.

بس انتو كنتم قاعدين على قهوة ايه؟ :rolleyes:

Islam Eidrisha

26/07/2009, 13h16

بس انتو كنتم قاعدين على قهوة ايه؟ :rolleyes:
ربنا يسلمك يا سيدنا
أسئلتك معقربة أوي يا أستاذ جمال
يسئل في ذلك عم كمال سمعجي فأهل دمنهور أدرى بشعابها
هي كانت قهوة كبيرة قديمة جنب مسجد التوبة
محسوبك مستجد

عصفور طاير

26/07/2009, 14h56

هي كانت قهوة كبيرة قديمة جنب مسجد التوبة

دي قهوة مظهر يابشا.. من قهاوي دمنهور التاريخية.. كانت تسمى "بورصة مظهر".. وكان صاحبها طبيبا، يبدو أن له أصول غير مصرية، وكان يجلس عليها في الماضي طبقة الأفنديات والبرجوازية الصغيرة.
لها طراز خاص يشبه طرز المقاهي الكبرى في ذلك الوقت.. مثل "السلطان حسين" في الاسكندرية، و"الحرية" في باب اللوق بالقاهرة، وقهوة "المحطة" في طنطا.. والكثير من المقاهي الأخرى الشهيرة في مصر التي تنتمي لنفس المرحلة، وترتادها نفس الطبقة..
القهوجي اللي كان بيشتغل في قهوة مظهر زمان اسمه محمود وشهرته حودة.. واللي على النصبة اسمه خميس، والزباين بيقولوا له "ميسو".. وأحيانا ميسو يعمل أيضا كقهوجي في حالة غياب "حودة"، ولكنه عصبي ولا يجيد التعامل مع الأنواع المختلفة من الزبائن.. يعني ما ينفعش قهوجي..
ولكن حودة الآن ترك قهوة مظهر، واستقر منذ سنوات في قهوة "جابر" اللي في ميدان النافورة، جنب محل راشد "أحلى محل يعمل سندوتش كبدة في منطقة شمال غرب الدلتا للنقل السريع :crazy:

لازم أعزمك عنده :mdr:

نورت دمنهور

سعدالشرقاوى

26/07/2009, 15h10

علاء قدرى

26/07/2009, 15h33

عمىالشاعر سعد الشرقاوى :emrose:
اولا حمد لله على سلامتك
ثانيا الشاعر ناصر دويدار:emrose: من قاطنى القاهرة من 25 سنة ؛ بجانب عمله فى الاذاعة و التلفزيون
يعنى حطب فى دمنهور موش حتلاقية :mdr:لكن ممكن تظبطة فى القاهرة ؛ وانا عارف الخن يتاعة
بس شرف انت و نورنا
الف حمد لله على السلامة

علاء قدرى

26/07/2009, 15h42

دي قهوة مظهر يابشا.. من قهاوي دمنهور التاريخية.. كانت تسمى "بورصة مظهر".. وكان صاحبها طبيبا، يبدو أن له أصول غير مصرية، وكان يجلس عليها في الماضي طبقة الأفنديات والبرجوازية الصغيرة.

نورت دمنهور
اخى و حبيبى جيمى:emrose:
اخى و حبيبى اسلام :emrose:
نعم هى قهوة مظهر ؛ وكانت كما وصفها صاحبى جمال كذلك ؛ لكنها الان اصابها ما اصاب كثير من الاماكن من فساد الامكنة ؛ على فكرة كانت المقهى الوحيدة التى لا تقدم الشيشه؛ وكان الى وقت قريب بها حامل للطرابيش ؛ ولوحة رائعة من الزجاج لامراتين من الزنوج ؛ كانت اللوحة مدهشة الى حد ؛ انى كنت اجلس احيانا بالساعات ولا افارقها
الان يا صديقيئ كل شئ تغير بموت الدكتور صاحب المقهى ؛ و اصبحت صورة مكررة لما نراه فى كل مكان
و اسفاه

ناصر دويدار

26/07/2009, 18h07

إيه الجمال ده وإيه حالة الونس الجميلة دى
اللى بين شباب زى الفل انا مبسوط جـــداً من حالة الدفا الأنسانى الموجودة مع كل الناس وألف مرحب بالمبدع
سعـد الشرقاوى ورائد عبد السلام وانا بعتبر علاء قدرى عامل زى محمد أبو تريكة فى الكورة (هو تاجر السعادة بتاع الموقع ده) أما طارق العمرى فا عندى إحساس جامد إنه زى فلافيو أى ربع فرصة لازم يجيب منها جون
وأبن جهتى إسلام هنتقابل هنتقابل وطول ما انت ورا كمال عبد الرحمن وجمال هيلففوك كل قهاوى مصر المحروسة من الفيشاوى للقهوة العالية لقهوة الحبروك لان كمال عبد الرحمن جنينة فى شكل بنى أدم وألف شكر لكم جميــعـــــــــاً
أخوكم الصغنن....
ناصر دويــــــدار

Islam Eidrisha

26/07/2009, 19h08

دي قهوة مظهر يابشا.. من قهاوي دمنهور التاريخية.. كانت تسمى "بورصة مظهر".. وكان صاحبها طبيبا، يبدو أن له أصول غير مصرية، وكان يجلس عليها في الماضي طبقة الأفنديات والبرجوازية الصغيرة.
لها طراز خاص يشبه طرز المقاهي الكبرى في ذلك الوقت.. مثل "السلطان حسين" في الاسكندرية، و"الحرية" في باب اللوق بالقاهرة، وقهوة "المحطة" في طنطا.. والكثير من المقاهي الأخرى الشهيرة في مصر التي تنتمي لنفس المرحلة، وترتادها نفس الطبقة..

ياما أحلى تجلياتك يا عم ناصر اللي جمعت الحبايب
اللهم اجعله خير يارب
أتذكر يا أستاذ جمال منذ تسع سنوات كنت مقيم بشارع الهرم بالقاهرة وعندما يجن الظلام تشتاق النفس تلقائيا للحرية, لم تستهويني ما تسمى بالكافتيريا السوبر ولا جلسات الفنادق الكبرى, كنت أترك نفسي وما تحب, حتى يستقر بي المقام لقهوة كبيرة عتيقة تحت كوبري الأزهر بالعتبة بها عربة كبدة وبجوارها رجل يقف أمامه عدة قوارير ملونة بالأحمر والأصفر والأخضر يقال بأنه عصير, كانت قمة متعتي هي الجلوس بجوار عشرة طاولة حامية الوطيس والاستماع بتمعن وتمعنن لفنون اللعن والتبكيت التي تحل بالخاسر.

yosry_at

26/07/2009, 19h15

كلام جميل وصور اجمل
فوالهى انها لتجليات رائعه وما اجملها كلمات التجلى وساعات التجلى وايام التجلى
فسير على بركه الله ونحن فى انتظار المزيد
يسرى عطيه سليمان

ناصر دويدار

27/07/2009, 22h57

شكراً يا فنان على المجاملة اللطيفة وأتمنى منك مزيد من أشعارك الجميلة بجد
يا يسرى يا فنان

عفاف سليمان

03/08/2009, 11h48

تجلـــيــــــات 1156822

وشى ميدان واسع
دكاكين عيونى المفتوحين
طالع بخور منها
وسورة الرحمن
بصوت محمد رفعت
بتكنس أسفلت روحى العريض
وبتدفى الزقاق من برد فبراير
نافورة قلبى
بتنيم تراب الشوارع
برشرشة الصباح
تحت رجلين البنات
السيدة زينب على دراعى اليمين
وع الشمال مبدورين البياعين ع الرصيف
مناديل حريمى وطرح
شربـــــــــــات فرح
قلل قناوى
حب العزيز
بهارات بتتعارك مع المناخير
طاولة لمون
كحل العيون
تـــــــــــــــــّوك
حُلقان
شموع سبوع مولود
تماثيل جدود
راس نفرتيتى بتبص على سيدنا الحسين
جناحين الميكرفون طارت من مدنة الجامع
بتغطى المكان بصوت الأدان
المغربية بتلم دراويش الميدان
سدرى أتملى عيون
أتزحلقت دموعها من فوق رخام المقام
عمرى ماكنت إمام
لكن سكوتى متعبى كلام
وحصالة دماغى أتملت دنانير
حطها سيدنا عمر
وشى أتملى خرابيش سمك شفايفى
بتتعارك عليه القطط
وتفتش فى جورنال ودانى
عن صورة للنيل
غطانى كف الليل
طفيت ميدان وشى
وسبت نور البلكونات للولاد والبنات
سبت وناسة فى مدخل قلبى
يمكن يعدى غريب
يمكن البرد اللى فى الشارع
يخش يتدفى ف دماغى
يمكن ولد فى اللفة
أمـــه راح ترميه
قلبى يحتويـــــــه
( هتف البعيد )
عايز تشوف نفسك بحق وحقيق
أقلع هدوم روحك وطير
هتشوفها عريانة بدون تفاصيل
على شجرة جزورين
نايم ف حضن النيل
( هتف القريب )
عايز تشوف نفسك بجد
أقلع قميصك
من صدر بحرك
طلِِّع ملايكة حزنك الشفاف
أفتح ميدان روحك الواسع
هتلاقى وش أبوك
قبل ما يموت بســـــاعة
يوم 4 رمضـــــان
وقت اما قالك
عايز تشوف نفسك بجد
أعرف بأنك
ضئيـــــــــــــــــــل
تافـــــــــــــه
قلــــــيـــــل
عايز تشوف نفسك
ولعّ فى وناسة روحك
شموع المستحيل
قناديل وعيش زى خلق الله
درويــــــــــــــــــــــــــــــــش 0

تجلـــيــــــات2
رنة صجات العرقسوس
بترّقص الشمعة ف أزاز فانوس
شعر الكنافة بيستوى ع النار
ويطير على ورقة الجورنال
اللى أنكتب فيها ببنط عريض
عــــــبرنــــــــا القنـــــــــــــــال
أم الخلول منوّرة فى سوق الخضار
خد القطايف بالزبيب لوّن
بهارات ع الرف تتشون
قلم كوبية
من ع الودان بيطير
ع السطر بيدون
حساب الصجات
الحاجة بتنادى من الشباك
ع الولد محروس
يطلّع العيش
أخوه رجع م الجيش
وفاضل ع الأدان
مافيـــــــــــش
الواد سعيد صبى المكوجى
مستشوى شلن بقشيش
ويقول ف سره
ولية قرشانة
أم لطفى بتشتكى جوز بنتها للناس
شوضلى وضلالى وبلطجى
واخد فلوسها
والبنت بتحبه
موكوسة زى أمها
يلا أهى عيشة والسلام
عنتر ندا بيأكد أسامى الولاد
وأرقام البيوت
فكرية بتنادى عليه من التالت
أكتب عمر عندك
مولود من أمبارح
مع أول خطوة عسكرى مصرى
دخــــل سيـــــنـــــــا
وأكتب كمان مينا
وشقة 6 حمو وأخوه خالد
ياااااااااااااااااااااااااااااااااااااه
رمضان مخلى الجو صافى
هنااااااااااا القاهرة
مدفع الأفطار ضرب
أدان المغربية
بيوّحد اللمة
وتتجمع على الطبلية
كل الأمـــــة
أبويا كان ساكت من زمان
ما قالشى ولا كلمة
الراديو والع من مدة ع الفوازير
مين اللى خلى الصغير كبير
ومين اللى خلى الخدش
جرح خطير
أبويا مات
ولسه الراديو والع ع الفوازير
ورغم ده رمضان بيفضل
أجـــــــمــــــل
(موضوع تعبيـــر)

تجـــليــــــــات3
مافيش نبى عاطل
وّلا الملايكة بتطلع تونس ديابة
مافيش حق باطل
والدنيا ف الأخر
رايحة رايحة
للغلابة

بعد مساء الخير على حضرتك وعلى اهل سماعى الكرام
بالله عليك لا تحرمنا من هذه التجليات:)
راااائعه والله جميله:emrose:
تشبيهات جميله ومقام السيده والحسين
ورمضان وكل اللى فيه جميل
حتى الراديوا والفوازير
بصراحه جمال ما شفت مثله جمال انك تعبر بوشك انه ميدان
وكل ما قلت جميل من تجليات
لك خالص التحيه والتقدير:emrose:
ولك وللجميع اسعد الاوقات
اختكم عفاف

ناصر دويدار

03/08/2009, 22h45

بصراحة انتى جبتينى من ميدان الساقطين على السيدة زينب وسيدنا الحُسين زى ما بيقولوا على ملى وشى
لكن انا مبسوط جداً أن حضرتك شرفتينى فى السيدة زينب ومبسوط أكتر أن التجليات عجبتك ورمضان كريم وكل سنة وانتى طيبة وان شاء الله معزومة ع السحور أنتى والحبايب كلهم وكل سنة وحضرتك بخير
أخوكى
ناصر دويدار

سمعجى

21/08/2009, 06h05

تجليـــات
ناصر دويدار

( 1 )

بعيداً عن النمطيّة و القوالب الجاهزة ، و الجُمَلة الشِعرية الذهنيّة ، و قريباً من التلقائيّةِ و الدفءِ و الشجَن ،، يقف ناصر دويدار

إنه يطرح رؤيته الواضحة ، دون أغلفةٍ أو حواجز ، و دون أن يلقِي بالاً لزخرفةِ القصيدة ، أو زركشةِ المعاني ،،
و هو ما يعطي لصوته هذه الألفة َ و الحميميّة ، التي يستشعرها القاريء أو المستمع ، منذ السطر الأول ..

فهو شاعرٌ بسيط ٌ إلى درجة " السهل " ،، و عميق الموهبةِ إلى درجةِ " الممتنع "

التفاصيل الصغيرة ،، نمنمات الوقت ،،، صخب الحياة ،،، إصطياد الرتوش العابرة ،،، إلتقاط " دبّة النملة " في حركة " اليَومي " ... هذا التنوع المثير ، نجده في " تجليّات "

و الشِعرُ يا سادة ،، لم يعُد عريضاً فخيماً مُجلجلاً بالتقريرية أو الشعارات " المقتولةِ سلفاً " ،، فَ " الأبّهة " الكلاميّة ، هي أبعد ما تكون عن الصِدق ،

و النـَّفـَسُ الشِعري ، حين يكون متمرساً و عميقاً و أصيلاً ،، يصبحُ فطرة الشاعر ، و رصيداً حاضراً في كل انفعالاته

أنت مع ناصر " تـُبحلِق " ،، لأن المشهدَ المُتلاحِق ، يجذب الدهشة في طاقتك البصرية
أنت مع ناصر ،، تفتحُ وجدانك على مصراعيه ،، لأن عنصرَ " التلقائية " حاضرٌ بقوة

و الشاعر يا سادتي ،، ليس ذلكَ الذي يجلس في بهو الفندق المكيف ،، و يشحذ رأسه الكريمة ، في سبيل " القوافي " والكلماتِ الرنانة ،، و سجعٍ و جَرسٍ " ربما استهلكته ألعابُ البلاغةِ البهلوانيّة " ،، بقدر ما هو " حالة ٌ أو طيفٌ أو تـَجَلٍّ " شديد الصِّدق ، مسبوق بموهبةٍ خلاَّقةٍ ، و تجربةٍ حياتيّةٍ ثريّة ..

و شعر العامية بطبيعته ، هو الأكثر قدرة " مقارنة ً بالفصحى " على التعبير عن المجتمع و الواقع المُعاش ، لأنه يعبر عنه بنفس لغته ، و يخاطبه على نفس المستوى التعبيري و الإنفعالي

سمعجى

21/08/2009, 06h19

( 2 )

و قصيدتنا " تجليات " ، إعتمدت بناء ً تشكيلياً وصفيّاً ، يقوم على إستدعاء مفردات " الشارع " المرئيّة و المحسوسة ،، و التي تستطيع أن تلمسها أو تشمها أو تتذوقها ،، و التي تألفها في ميادين مصر و شوارعها الحيّة الصاخبة،، فالمتلقي يقرأ " بعينيه " من خلال القصيدة ،،،

يقول :

وشي ميدان واسع : الأنا / الذات / الشعور ،، يمتزجُ بالكليِّ الآسر ، بالآخر الحَميم ، بمفردات الواقع الحَىّ ،،
إنه امتزاجٌ يُوَحِّدنا بتجليات الحارة و الشارع و الميدان ،،

وشي ميدان واسع ،، في هذا التشبيه " البليغ " الذي لا يفصل بين المشبه و المشبه به ، أداة تشبيه و يستدعي إلى الذهن ، المفهوم الصوفي القائل " بالاتحادِ و الحلول " عند المتصوفة ،، نجدُ أنَّ الذات ، هي عضوٌ في جسم هذا الكرنفال البشري ، و هي الجِسم أيضاً ،،

هذا الإنصهار " بين ذات الشاعر و تجليات الواقع " هو الفكرة المفصلية التي تقوم عليها القصيدة ،،

و التعامل مع " جسد " القصيدة ، و الذي يستنفرُ حواس المتلقي ،،
يدفعنا إلى رصد تجليات " التجليات " ، و منها : الصوت / السمع :

وسورة الرحمن
بصوت محمدرفعت

جناحين الميكرفون طارت من مدنة الجامع
بتغطى المكان بصوت الأدان

رنة صجات العرقسوس

الحاجة بتنادى منالشباك
ع الولدمحروس

فكرية بتنادىعليه من التالت

مدفع الأفطار ضرب
أدان المغربية

الراديو والع من مدة عالفوازير

نماذج بشريّة في مشاهد حيّة ،، مما يمنح القصيدة ثراءَها الحَرَكي الدرامي ، في مهرجان تشكيلي ، يعبر عن واقع " الشارع المصري " بجدارة :

وع الشمال مبدورين البياعين عالرصيف
المغربية بتلم دراويش الميدان
تحت رجلين البنات
وسبت نور البلكونات للولادوالبنات
الحاجة بتنادى منالشباك
ع الولدمحروس
يطلّعالعيش
أخوه رجعمالجيش

الواد سعيد صبى المكوجى
مستشوى شلن بقشيش
ويقول ف سره
ولية قرشانة
أم لطفى بتشتكى جوز بنتها للناس
شوضلى وضلالى وبلطجى
واخد فلوسها
والبنت بتحبه

موكوسة زى أمها

عنتر ندا بيأكد أسامى الولاد
وأرقامالبيوت
فكرية بتنادىعليه من التالت
أكتب عمرعندك

إستعراض الواقع الساخن ، دون إغفال العمق العقائدي و التراثي و الفلكلوري و العاداتي ، في لوحتِهِ الشديدةِ الحياة :

طالع بخور منها
وسورة الرحمن
بصوت محمدرفعت
السيدة زينب على دراعى اليمين
مناديل حريمىوطرح
حب العزيز
قلل قناوى
راس نفرتيتى بتبص على سيدنا الحسين
نايم ف حضن النيل
رنة صجات العرقسوس
خد القطايف بالزبيب لوّن
مدفع الأفطار ضرب
أدان المغربية
بيوّحد اللمة
وتتجمع على الطبلية
الراديو والع من مدة عالفوازير

إستدعاء الذاكرة الرمضانيّة :

أزعمُ أن وجهَ البسيطةِ ، محرومٌ من ذائقةٍ و طعمٍ ، لو عرفه الخلق لتقاتلوا عليه ،، إنها " نكهة " شهر رمضان " المصرية " ،، و التي تمتد رائحتها " الخاصة الحميمية " منذ العصرِ الفاطمي ، إلى عصرنا هذا ،،

و حين يستدعي ناصر دويدار " الحالة الرمضانية " ، فهو يراهن على ألفةٍ و حنينٍ مضمون :

رنة صجات العرقسوس
بترّقص الشمعة ف أزاز فانوس
شعر الكنافة بيستوى عالنار
ويطير على ورقةالجورنال

خد القطايف بالزبيب لوّن
بهارات ع الرفتتشون

حسابالصجات
وفاضل عالأدان
مافيـــــــــــش

الراديو والع من مدة عالفوازير

رمضان مخلى الجو صافى
هنااااااااااا القاهرة
مدفع الأفطار ضرب
أدان المغربية
بيوّحد اللمة
وتتجمع على الطبلية
كل الأمـــــة

سمعجى

21/08/2009, 06h32

( 3 )

و الشِعر عند ناصر دويدار ،، و الذي تمتدُ معرفتي به إلى سنواتٍ طوال ، له رائحة الشوارع و البيوتِ و الناس ،، و ينحاز " للفقراء ، مِلح الأرض " : والدنيا ف الأخر ،، رايحة رايحةللغلابة

و الصوت الذي تبناه في " تجليات 3 " صيغَ في خطابٍ رؤيويٍ مباشر ، يشبه صوت الحِكمةِ التي لا يأتيها الباطل ،، و لها مذاقُ " المُغادَرة " ، مغادرة " الحالة الشعورية و الإنفعالية في القصيدة "

فيما يشبه " دنيا و فيها كلِّ شِيِ ،، و كل مِن جاها مِشيِ " في الزوجة الثانية ،، و يشبه " زحمة يا وِلداه ،، كام عَيِّل تاه " في الليلة الكبيرة ،، و هذا العبور " السِلمي " ، من الخطاب " الوصفي " ، إلى الخطاب الفلسفي ، لم يصنع فجوة ً في روح العَمَل ،، فهو يشبه " توقيع الشاعر " في الركن الأقصى من اللوحة ،

ما ألاحظه " إجمالاً " في أعمال ناصر الشعرية ، أن منطلقه الفكري هو محاربة " الزيف " أيـََاً كان لونُ قِناعِه،، ..
و ما يبدو لي أيضاً ،، أن هذا المنطلق ، امتدَ ليشملَ العناصر الشكلية أو الخارجية للشِعر عنده ! فالصنعة في الشِعر ، و التكلف " الشكلي الزخرفي " هو نوعٌ من الزيف ،، و التشكيل الجَمالي ، يجب أن ينبعَ من الوشائج الداخلية للعمل ،،

أمّا بعد ،،،

ناصر دويدار ، كان رمزاً للتمرّد و السخط في "شِلـَّتِنا " القديمة ،، و التي احترنا في تسميتها ، بـِنِيّةِ الترميز أو تأكيد التمايز ، و أذكر واحدة ً من المسميات : " ذوي الياقات المتسخة " :mdr:

كنا نشعلُ ندوة الأربعاء في قصر الثقافة ،، و كان يسعى إلينا جمهورٌ عريض ، يتذوق الشِعرَ و يتعاطى مع الإبداع ،، هذا الجمهورُ الذي انحسَرَ فيما بعد ، بعد انتشار وباء الحداثة و " المحدثين " ، و انصرافِ مجموعتِنا إلى مشاغلها اليومية ،، أو إلى " السعى البغيض " على رأىّ الشاعر عادل عزت

أكلتنا الشوارع ، و مكتبة البلدية ، و دواوين الشعر ، و البنات ، و مقهى الحبروك ، و حزب توتو ، و الأتيليه ، و البحر ، و أمل دنقل ، و صلاح عبد الصبور ، و محمود درويش ، و عفيفي مطر ، و فؤاد حداد ، و صلاح جاهين ، و الأبنودي

و نموت " قريباً جداً " تاركينَ خدوشاً على " سَمْتِ الأميرِ الأنثويِّ الصَّبوح " يا ناصر :rolleyes: ، دون أن نستعيرَ " حالة " الشِعر ،،
نحن شِعرٌ يمشي على قدمين !

ناصر دويدار

21/08/2009, 11h26

يااااااااااااااااااااه
يا أبو كمال
أنت عصرتنى ورجعتنى وفكرتنى
انا بعد ما قريت كلامك
قعدت مبحلق ساعة كاملة
فى البعيد
انا مش هتكلم عن الإبداع النقدى
بتاعك
لكن حسيت كلامك
بيتعصر حنية
كعادتك
وأن الأزمة الوجودية اللى بيعيشها الفنان
المبدع اللى بجد زيك
بتخلق إبداع تانى
وهو التحدى للقبح والرزالة وقلة الزوق وقلة الأنسانية
والدور اللى أنت بتمارسه مع المبدعين هنا
ده رزق من عند ربنا ليك
بتفرقه على مخاليق الله الغلابة
أمثالنا
ويا جماعة عايز أقولكم حاجة مهمة عن كيمو
هو زى النوارس البيضا اللى لما تخش فى أى مساحة ألوان
تخليها تنور وتبرق لأنه بنى آدم
براه زى جواه
عشان كده هو مبدع بجد انا فاكر ان كمال قرف فترة
من الشعر والشعرا
وأختفى لكن مااختفاش أحساسه وإبداعه وإنسانيته
وكرامة البنى آدميين جواه
ويا عم كمال أحنا حنفضل نرازى فى البلد
والبلد ترازى فينا
ونلعن أبو اللى جابها ونحبها ونموت فى ترابها ونشم
ريحتها من على بُعد آلاف الأميال
أنا السنة اللى فاتت روحت أمريكا
وكنت عايز أخلع للأبد
تخيل قعدت كام يوم
15 يوم
ولقيت شغل ولقيت صحبى شاريلى فيلا
لكن أنت عارف
أنا فقرى
والفقر عارف صحابه
يعنى أحنا اللى عارفيين مصر
بجد
وعارفين عبقرية البنى آدم المصرى
لكن زى ما قولتلك هنفضل نرازى فى بعض
لحد ما نقولها ما عشقتش حد لحد ما خد قلبى وعينى
بلدى يا بلدى
وأنا مش هقولك كلامك عمل فيا إيه لأن عيب أوى
أن واحد زى حالاتى جامد وقوى يقول ان كلامك
خلانى أعيّط
عياط سخن وعيب واحد زى حالاتى يصرح أن كلامك خلانى أسكت ساعة كاملة مش عارف أقول إيه !
أنا بشكرك لأنك بنى آدم بجد قبل
ما تكون شاعر بجد
وعايزين بقى
نروح المنتزه وناخد جيركن (عصير عنب) بس بعد رمضان
وكل سنة وأنت وعيالك وأسرتك بكل خير
يا كيمو يا حبيبى

سعدالشرقاوى

21/08/2009, 13h21

ياسلام على لقاءات القمّه
وخاصة لما تكون تحت الاضواء الكاشفه
والجو ممتع وطراوه

abuzahda

21/08/2009, 14h07

نروح المنتزه وناخد جيركن (عصير عنب)

هوَّ :emrose:انت:emrose: اخترت خط احمر ، قصدك إنك بتحب العنب الأحمر بتاع جناكليز ؟

معلش ، ياريت تحدد

إنت بتحبُّه أبيض و لاَّ احمر ؟

يمكن عمنا :emrose:سعد الشرقاوي:emrose: ، مخبيله عنباية جنب التوتة

يا حلو تحت التوتة ، بحري البلد بشويّة
كانت لنا حدوتة تحكي عليك و عليا

إيه ؟! ، بغنـّي ، فيه حاجة ؟

سمعجى

26/08/2009, 04h08

وكل سنة وأنت وعيالك وأسرتك بكل خير

يا كيمو يا حبيبى
[/QUOTE]

ربنا يخليك ليّا يا عم ناصر يا فنـّان

إيه رأيك في الصُحبة الدافية اللي هِنا ؟!

" حَرِّيفة شِعر " و بيكتبوا مِن " جُوّة " ،، مش " بلاستيك " زىّ البُعَدَة بتوع الأتيليه :mdr:

و لاّ عمِنا الكبير سيد ابو زِهدة ،،،،
فوَّضت أمري فيه إلى الله

:rolleyes:

خصيمك النبي يا شيخ ،، أما تنزل دمنهور ،،
إبقى طـُلّ عَليّا :emrose:

abuzahda

26/08/2009, 06h20

وكل سنة وأنت وعيالك وأسرتك بكل خير

يا كيمو يا حبيبى

ربنا يخليك ليّا يا عم ناصر يا فنـّان

إيه رأيك في الصُحبة الدافية اللي هِنا ؟!

" حَرِّيفة شِعر " و بيكتبوا مِن " جُوّة " ،، مش " بلاستيك " زىّ البُعَدَة بتوع الأتيليه :mdr:

و لاّ عمِنا الكبير سيد ابو زِهدة ،،،،
فوَّضت أمري فيه إلى الله

:rolleyes:

خصيمك النبي يا شيخ ،، أما تنزل دمنهور ،،
إبقى طـُلّ عَليّا :emrose:[/QUOTE]

يا عم ، يا بختـُه ده أنيسَك
تنوّر لـُه ْ بفوانيسَك
و نورك ، قبلها ، بيدور

على دمنهور ،
يارب أزُور ،

و اكون مسرور مجاليسك