سؤاااااال مهم ليا للاستاذ الالاتي او الدكتور هشام

[حسن عبد العليم]

السلام عليكم

احب التوجه بخالص الحب ليكم انتم الاتنين جدااا وعندي سؤال بسيط جداااا وهحط تقدمه شخصيه ليك بذكر اسماء

دلوقتي لما الواحد مننا يتعلم يلحن كويس وجه مثلا يلحن اغنيه جديده وبيعلب علي البيانو اجزاء منها
كده فوجد ان فيها جمله فيها هتعجب الناس بس مش هتعجب بعض الملحنين اللي ذيه لانه هوه شاف انهم
لقوها جمله سهله مفيش فيها جذب ولكن الناس هيشفوها جمله جذابه
هوه هنا ياخد برأيه زملائه ولا ارااء الناس
علي الفرض ان الاغنيه لسه منزلتش اصلا ان هوه حاسس ان الملحنين اذانهم السماعيه عاليه جداا عن باقي مستوي الاحساس والسمع عند الناس وعشان كده بسمعوا من مستوي عالي واحساس عالي بردوا فيبقي لازم الحاجه اللي تتعمل تعجبهم اولا عشان تعيش مع الناس حتي لو معجبتهمش في الاول ......

وانا تحت هنا رافع جمله علي سبيل المثال انا حاسس ان هيه تسعد الناس بس في نفس الوقت حاسس ان هيه مش تسعد الملحنين او اللي بيفهموا مزيكا كويس هيقولوا كان ممكن يتعمل منها احسن من كده ولا بكتير ولا بأكتر وأكتر ...........بالرغم من اني انا حاسس ان دي اخر حاجه عندي فيها مين اللي صح انا ولا هما ولا الناس

المثال الدكتور هشلم عمل جمله في لحن معين وبيسمعها كده قبل مما ينزال اللحن ينزل يسمعها من اذن الاستاذ الالاتي ولا من اذن الاستاذ عادل صمؤئيل ولا .......ولا من تذان الناس اللي ممكن تحبها

[الألآتى]

وعليكم السلام ورحمة الله وبركاته

أستاذ حسن ..

بداية .. العنوان فيه ظلم لباقى الأخوة الموسيقيين فى المنتدى .. فهذا السؤال عام ..
ومن حق كل شخص أن يدلى برأيه فيه ..

سؤالك ياصديقى ليس جديداً .. ولا يخص الموسيقى والتلحين فقط .. وإنما يشمل كل أنواع الفنون ..

فتجد فناناً ينتج مايعجب الجمهور .. لزوم الإنتشار والشهرة والمال أيضاً ..

وتجد فناناً أخر ينتج مايقتنع به بغض النظر عما إذا كان يعجب الجمهور أم لا ..

لذا تجد أفلاماً سينمائية تحصد الجوائز فى المهرجانات والمسابقات .. ولا تجد لها جماهيرية كافية .. والعكس صحيح ..

أما الجمع بين الإثنان .. فهذا صعب جداً ونادر الوجود ..

وبالنسبة للموسيقى والألحان .. فالساحة مليئة بالألحان الهشة التى تجد إنتشاراً واسعاً ..
واللحن الجيد غالباً مايجد صعوبة فى الوصول للجمهور ..

إذن المسألة تخضع لقوانين السوق كأى سلعة ..

وحلاً لمشكلتك .. يجب أن تعرف الجانب الذى توجه إليه لحنك .. هل هو الجمهور العادى أم المتخصص .

[حسن عبد العليم]

تعقيبا علي اجابه حضرتك

بتقول ان من النادر ان يتعمل حاجه تعجب الناس والموسيقين علي فرض اننا بنتكلم في مجال المزيكا
والموسيقي قواعد والشاطر اللي يعرف يوظف القانين دي للحن مستصاغ كويس ومدام استصاغه ملحن
ليه مش هيجب الناس

لو العكس كنا قولنا ماشي لان الموسيقين اكيد ليهم وجه نظر اعم واشمل يعني لو عجب النلس جايز يعجب الموسيقين
وجايز لا لكن لو عجب الموسيقين علي حسب القاعده كده المفروض يعجب مش كل الناس ولكن نسبه عاليه
وان لم يعجبهم في البدايه ومثل تاني يعني لو لحن اتفقت في الرأي انت عليه والدكتور هشام والاستاذ صمؤئيل ومجموعه من باقي عمالقه المنتدي دل في احتماليه انو مش يعجب الناس ؟؟؟؟ بليز جوابني

وليه اللحن الجيد غالبا ما يجد صعوبه ... ايه السبب ؟؟؟؟

[الألآتى]

الرد بسيط جداً ياسيدى

التسويق .. التسويق ..

نحن فى زمن التسويق ..

من الممكن أن تبدع لحناً جميلاً يعجب النقاد والمتخصصين .. لكن كيف توصله للناس ؟

بالتأكيد هناك من يسمع ومن يتذوق .. بدليل عدد أعضاء هذا المنتدى ..

لكن هل تستطيع نشر لحنك على المستوى العام ؟

صديقى :

اللحن الذى يعجب النقاد والمتخصصين له شروط .. واللحن الذى يعجب المنتجين له شروط مختلفة

على إعتبار أن المنتج اليوم هو وسيلة الوصول للجمهور العادى ..

فإذا إستطعت أن تجمع بين هذه الشروط وتبدع لحناً يعجب الطرفين .. فأنت حللت المعادلة الصعبة .

[عادل صموئيل]

الأخ العزيز
ممكن اشترك معاكم فى المناقشة ؟
ممكن اقول مثل من الحياة الفنية فى السينما انت شفت فيلم باب الحديد بتاع يوسف شاهين وفيلم اسكندرية ليه مثاً تلاقى الفيلم الأول ينال اعجاب من الجميع بنسبة 100 % يعنى الجمهور والفنانين والنقاد لكن الفيلم التانى ممكن فيه صناعة سينما عالية جدا ويحصد جوائز لكن بالنسبة للجمهور العادى باب الحدي اكتر طبعاً بكتير
ولو جينا للموسيقى لو دققت فى الجمل الموسيقية فى الزمن الجميل تلاقى قيمة الجملة انها تكون متفردة يعنى مالهاش اخت شبهها وقوة الجملة انها تعيش على مدى الزمن يعنى تتساوى الجملة السهلة والجملة الصعبة يعنى مثلا اغنية ذهب الليل بتاعة محمد فوزى شوف سهلة اد ايه ؟ لكن شوف عاشت كام سنة ؟ واقصد جملة المذهب بالذات
وزمان كانت الجملة مسؤولة عن نفسها يعنى عشان تتحسب على الملحنين ملحن لازم تعمل لحن لو فيه عشر جمل موسيقية لازم العشر جمل يكونوا حلوين يعنى ماتجيش جملة ضعيفة فى النص بتوقع اللحن كله ليه ؟ لأن زمان ماكانش فيه توزيع واتوزيع بيغطى على ضعف الجملة طبعاً بالإضافة الى الهبد الرقع فى الإيقاع , لكن زمان كانت الجملة بتتكلم عن نفسها وزمان كان فيه حاجة خطيرة لازم تحطها فى تفكيرك كانت الفرقة الموسيقية كلها وترية والوتريات بتكشف الجملة يعنى لو جملة حلوة بتتطلع فى الوتريات زى العسل ولو جملة وحشة بيبان انها وحشة , ولو جبت اكتر واحد تحس ان ملحن النهاردة وعايز تختبره خليه يلحن لحن يتعزف على فرقة وتريات زى بتوع زمان وحيبان المستخبى , او بمعنى مثلاً الملحن لو بيلحن على العود تسمع منه الجملة وتقيمها لما يعزفها لك على العود مش على الاورج والإيقاعات والزحمة المصاحبة , مع اطيب تحياتى

[حسن عبد العليم]

الاستاذه الافاضل اشكركم علي ردودكم ولكن ليه اسفسار كلام الاستاذ عادل نبهني ليه وهوه
سبب اختفاء اغاني الان من الالات الوتريه هوه لان الالات الوتريه عايزه زمن كبير ولا ايه السبب الحقيقي
لاختفاء الالات الوتريه من اغاني اليوم مع ان فيه جمل كتيير ما تتقالش الا بها وبعدين الاله الوتريه يمكن دا
الشئ الوحيد اللي بيفرقنا عن الغرب وهوه الربع تون والاحساس العالي في تذوق الموسيقي
ليه اختفت الاالت الوتريه او ان صح التعبير ندره استخدامها .؟؟؟؟
سيادتك ربط كلمه توزيع مع ايقاع االي هوه دم وتك ولا تقصد ايه بالتوزيع زمان ودلوقت لان في اغاني
زمان فيها دم وتك بس مش بصوره دلوقتي ...,,؟؟؟ بليز وضح اكتر

وعاجز عن الشكر ليكم استاذتي الكبار ....

[Hisham Khala]

يا أهلاً يا حسن
أنا لسه شايف سؤالك حالاً و أعذرني لأني اليومين دول مشغول جداً و طبعاً بعد رد الأساتذة العظام: أ.محمد الالاتي و أ. عادل صموئيل ما عنديش حاجة أضيفها و لكن فكرت بسرعة إني أرد عليك رد عملي و في وقت قياسي كتبت لك لحن مشهور و يعتبر لحن مبتذل مش ها أقول أسمه (يعني القماشة مش قد كده) و لكن وزعته و أضفت له من عندي و ولدت من الجملة اللحنية جمل آخري بحيث أصبح قصيد سيمفوني (طبعاً لأ ، لا قصيد سيمفوني و لا حاجة) و لكن اللحن بعد التوزيع أصبح حاجة ثانية و أعتقد أنه بقي حلو ، و الرأي لكم
و أنا بأعتذر عن ذكر اسم اللحن و لا أقصد به سوء و لكن لتوضيح الفكرة.
http://www.sama3y.net/forum/showthread.php?p=341379#post341379

[عادل صموئيل]

الاستاذه الافاضل اشكركم علي ردودكم ولكن ليه اسفسار كلام الاستاذ عادل نبهني ليه وهوه
سبب اختفاء اغاني الان من الالات الوتريه هوه لان الالات الوتريه عايزه زمن كبير ولا ايه السبب الحقيقي
لاختفاء الالات الوتريه من اغاني اليوم مع ان فيه جمل كتيير ما تتقالش الا بها وبعدين الاله الوتريه يمكن دا
الشئ الوحيد اللي بيفرقنا عن الغرب وهوه الربع تون والاحساس العالي في تذوق الموسيقي
ليه اختفت الاالت الوتريه او ان صح التعبير ندره استخدامها .؟؟؟؟
سيادتك ربط كلمه توزيع مع ايقاع االي هوه دم وتك ولا تقصد ايه بالتوزيع زمان ودلوقت لان في اغاني
زمان فيها دم وتك بس مش بصوره دلوقتي ...,,؟؟؟ بليز وضح اكتر

وعاجز عن الشكر ليكم استاذتي الكبار ....

الأخ العزيز
انا اشتغلت مع العمالقة اكتر من 20 سنة ولذلك اكتسبت منهم وجهة نظرهم واحاول قدر الإمكان اشرحها لنأخذ مثلاً انت عايز تغنى لحن للأستاذ عبد الوهاب انت تعطيه الكلام لكن اوعا تسأله اللحن حايخلص إمتى حايرمى الكلام على طول او كل كام يوم تتصل بيه وتسأله عملت ايه فى اللحن حايقول لك انا مش فاضى ويرد لك الكلمات لأن عبد الوهاب كان بيلحن اللحن ممكن فى شهر او فى سنة او اكتر يعنى حسب الإلهام وبعد مايعمل الجملة ممكن يعدل فيها 100 مرة لحد ماتطلع اولا مش شبه اى جملة وثانياً تكون احلى مايمكن يعنى ما تتغيرش اكتر من كده والنتيجة طبعاً إفحص اى لحن لعبد الوهاب تشوف قيمته الفنية اد إيه وازاى عاش خمسين سنة ويعيش اكتر اما اليوم الملحن نفسه يجى له زبون عايزه يلحن له 7 أغانى ويديه العربون وييجى ياخد ال 7 الحان بكره الصبح وطبعاً الملحن ده لو عمل 100 لحن بيطلعوا كلهم شبه بعض او مفيش اى قيمة لأى لحن منهم وعمر اللحن بينتهى بعد اسبوع
واهم شرط فى الجملة الموسيقية انها تكون حلوة جدا وجديدة مالهاش شبه وفيها فكرة يعنى الملحن عشان يوصل لجملة كده لازم ياخد وقته فيها وممكن يعدل ويبدل لحد ماتوصل لمستوى الكمال وراجع كل مقدمات ام كلثوم مثلاً لأى ملحن جملة جملة والجملة الحلوة دى الآلات الوترية بتظهرها عرف لما تجيب قماش غالى جدا وفاخر جدا وتروح لترزى يعمل لك بدلة ؟ اكيد جمال القماش حايظهر مع شطارة الترزى يعنى الجملة الحلوة المتكلفة الآلات الوترية بتظهر حلاوتها 100 مرة لأن الجملة الحلوة بتسلطن العازف ويدى اجمل ماعنده , اما جمل اليوم الهزيلة زى ماقلت التوزيع واتوزيع الأكثر من اللازم مع الإيقاع العالى بيضيع وحاشتها , زى فى المطبخ لما تدى طباخ شاطر احلى خضار واحلى لحم يعمل لك احلى طبيخ لكن لو اديت طباخ خضار ردىء ولحم مش حلو او فاسد بيضطر يملى الاكل فلفل اسود وبهارات وشطة وكاتشب وهوت صوص يعنى كل ما يمكن ان يغطى على ريحة اللحمة اللى مش حلوة صح ؟
ونيجى للإيقاع : الإيقاع يا اخى مش دوم وتك ولكن الإيقاع الشرقى الأصيل عبارة عن عشرات التراكيب بتستخدم الدوم والتك والسكتات يعنى عندك الوحدة الكبيرة والسماعى والأقصاق والدويك يعنى عشرات الإسماء انا عايزك مثلاً تسمع اغنية الحب كله لأم كلثوم شوف كمية وصعوبة وتنوع الإيقاعات اللى فيها وشوف الحاجات دى حد بيستعملها دلوقت ؟ لأ طبعاً
ونتكلم اخطر موضوع عن التوزيع : كان زمان فيه موزعين عمالقة مش حايتكرر زيهم تانى منهم اندريه رايدر وبيبى المانزا وعبد الحليم نويرة وفؤاد الظاهرى ولكن التوزيع ده شىء امتى قيمته تبان ؟ للناس اللى دارسة موسيقى مش عامة الشعب يعنى فى اوروبا لما بيسمعوا توزيع السيمفونية 11 صوت ماشيين مع بعض اللى بيسمعوا كلهم دارسين موسيقى وبيميزوا كل صوت يعنى بيحسوا بكل سطر فى التوزيع بيقول ايه مش زحمة وخلاص يعنى التوزيع ده مش طبق بيتزا تتاكله وانت مش عارف معمول من إيه ولكن طبق بيتزا مشكل اوى لكن المتذوق بيبقى عارف كل ذرة فيه معمولة من إيه بالضبط , وعشان تعرف هلى التوزيع ناجح ولا فاشل هات اغنية من بتوع دلوقتى وهات عشرة شباب من اللى بيسمعوها وقول لهم غنوا لى التوزيع لحن لحن مش حايعرفوا انا خبير وعارف بقول ايه وهنا يصبح اتوزيع شىء خايب وفاشل لأنه بقى شىء الناس بتسمعه وهى مش حاسة بتسمع إيه ونأتى لأخطر نقطة وهى ان الموع لما بيكون عارف ان الناس مش بتميز توزيعه تلاقيه بيكرر التوزيع فى كذا لحن ( لأن ماحدش حياخد باله ) لأن اللى بيسمعوا مش بيفهموا الموضوع والخبراء مش بيسمعوا الأغانى الحديثة لكن تعالى لزمان الموزعين العظام كانوا بيعملوا ايه فى كل عشرريرن اغنية لعبد الوهاب كان بيختار جملة واحدة بتكون نغماتها طويلة يعنى فيها فراغات تخليك تحس بالتوزيع واللى يستحسن يبقى خط واحد عشان يوصل للناس اتمنى ان تكون وجهة نظرى وصلت وانا مش بتضايق من الشرح لأنى اصلاً مدرس موسيقى واحب اتناقش بمنتهى الحياد فى اى موضوع مع اطيب تحياتى

[fakhri alaa]

بعد اذنك أستاذ عادل انقل اليك راي الاستاذ أحمد الجوادي...
تحياتي..
علاء

الأخ العزيز
انا اشتغلت مع العمالقة اكتر من 20 سنة ولذلك اكتسبت منهم وجهة نظرهم واحاول قدر الإمكان اشرحها لنأخذ مثلاً انت عايز تغنى لحن للأستاذ عبد الوهاب انت تعطيه الكلام لكن اوعا تسأله اللحن حايخلص إمتى حايرمى الكلام على طول او كل كام يوم تتصل بيه وتسأله عملت ايه فى اللحن حايقول لك انا مش فاضى ويرد لك الكلمات لأن عبد الوهاب كان بيلحن اللحن ممكن فى شهر او فى سنة او اكتر يعنى حسب الإلهام وبعد مايعمل الجملة ممكن يعدل فيها 100 مرة لحد ماتطلع اولا مش شبه اى جملة وثانياً تكون احلى مايمكن يعنى ما تتغيرش اكتر من كده والنتيجة طبعاً إفحص اى لحن لعبد الوهاب تشوف قيمته الفنية اد إيه وازاى عاش خمسين سنة ويعيش اكتر اما اليوم الملحن نفسه يجى له زبون عايزه يلحن له 7 أغانى ويديه العربون وييجى ياخد ال 7 الحان بكره الصبح وطبعاً الملحن ده لو عمل 100 لحن بيطلعوا كلهم شبه بعض او مفيش اى قيمة لأى لحن منهم وعمر اللحن بينتهى بعد اسبوع
واهم شرط فى الجملة الموسيقية انها تكون حلوة جدا وجديدة مالهاش شبه وفيها فكرة يعنى الملحن عشان يوصل لجملة كده لازم ياخد وقته فيها وممكن يعدل ويبدل لحد ماتوصل لمستوى الكمال وراجع كل مقدمات ام كلثوم مثلاً لأى ملحن جملة جملة والجملة الحلوة دى الآلات الوترية بتظهرها عرف لما تجيب قماش غالى جدا وفاخر جدا وتروح لترزى يعمل لك بدلة ؟ اكيد جمال القماش حايظهر مع شطارة الترزى يعنى الجملة الحلوة المتكلفة الآلات الوترية بتظهر حلاوتها 100 مرة لأن الجملة الحلوة بتسلطن العازف ويدى اجمل ماعنده , اما جمل اليوم الهزيلة زى ماقلت التوزيع واتوزيع الأكثر من اللازم مع الإيقاع العالى بيضيع وحاشتها , زى فى المطبخ لما تدى طباخ شاطر احلى خضار واحلى لحم يعمل لك احلى طبيخ لكن لو اديت طباخ خضار ردىء ولحم مش حلو او فاسد بيضطر يملى الاكل فلفل اسود وبهارات وشطة وكاتشب وهوت صوص يعنى كل ما يمكن ان يغطى على ريحة اللحمة اللى مش حلوة صح ؟
ونيجى للإيقاع : الإيقاع يا اخى مش دوم وتك ولكن الإيقاع الشرقى الأصيل عبارة عن عشرات التراكيب بتستخدم الدوم والتك والسكتات يعنى عندك الوحدة الكبيرة والسماعى والأقصاق والدويك يعنى عشرات الإسماء انا عايزك مثلاً تسمع اغنية الحب كله لأم كلثوم شوف كمية وصعوبة وتنوع الإيقاعات اللى فيها وشوف الحاجات دى حد بيستعملها دلوقت ؟ لأ طبعاً
ونتكلم اخطر موضوع عن التوزيع : كان زمان فيه موزعين عمالقة مش حايتكرر زيهم تانى منهم اندريه رايدر وبيبى المانزا وعبد الحليم نويرة وفؤاد الظاهرى ولكن التوزيع ده شىء امتى قيمته تبان ؟ للناس اللى دارسة موسيقى مش عامة الشعب يعنى فى اوروبا لما بيسمعوا توزيع السيمفونية 11 صوت ماشيين مع بعض اللى بيسمعوا كلهم دارسين موسيقى وبيميزوا كل صوت يعنى بيحسوا بكل سطر فى التوزيع بيقول ايه مش زحمة وخلاص يعنى التوزيع ده مش طبق بيتزا تتاكله وانت مش عارف معمول من إيه ولكن طبق بيتزا مشكل اوى لكن المتذوق بيبقى عارف كل ذرة فيه معمولة من إيه بالضبط , وعشان تعرف هلى التوزيع ناجح ولا فاشل هات اغنية من بتوع دلوقتى وهات عشرة شباب من اللى بيسمعوها وقول لهم غنوا لى التوزيع لحن لحن مش حايعرفوا انا خبير وعارف بقول ايه وهنا يصبح اتوزيع شىء خايب وفاشل لأنه بقى شىء الناس بتسمعه وهى مش حاسة بتسمع إيه ونأتى لأخطر نقطة وهى ان الموع لما بيكون عارف ان الناس مش بتميز توزيعه تلاقيه بيكرر التوزيع فى كذا لحن ( لأن ماحدش حياخد باله ) لأن اللى بيسمعوا مش بيفهموا الموضوع والخبراء مش بيسمعوا الأغانى الحديثة لكن تعالى لزمان الموزعين العظام كانوا بيعملوا ايه فى كل عشرريرن اغنية لعبد الوهاب كان بيختار جملة واحدة بتكون نغماتها طويلة يعنى فيها فراغات تخليك تحس بالتوزيع واللى يستحسن يبقى خط واحد عشان يوصل للناس اتمنى ان تكون وجهة نظرى وصلت وانا مش بتضايق من الشرح لأنى اصلاً مدرس موسيقى واحب اتناقش بمنتهى الحياد فى اى موضوع مع اطيب تحياتى



الأستاذ عادل صموئيل المحترم
قرأت مقالك الذي أرسله لي صديقي الأستاذ علاء وأنقل لك وبأمانة ردي وهو:
فعلا استمتعت كثيرا بما كتبت وكان غاية في الجمال وما كتبته يكاد يتطابق تطابقا تاما مع مفهومي الشخصي أنا وأنا أيضا قد عاصرت وعملت مع الكثيرين جدا من العمالقة ابتداءا من موسيقار الأجيال حيث عملت معه أربع مرات حينما كنت طالبا في كونسيرفتوار القاهرة في السبعينات من القرن المنصرم، كل كلمة كتبتها عبارة عن درس وكأنك كنت تكتب ما أريد أو ما يدور في خلدي.
بالنسبة لي أنا فموسيقار الأجيال أعتبره أبي الروحي وأقتدي به باستمرار.
نعم أنا من الناس حينما يأتيني شخص ويطلب مني أن أوزع له عملا وسألني بعد يومين أو ثلاثة ماذا حصل مع التوزيع أرد: أنا مش فاضي، وصدقني بأن هذا حصل معي قبل أقل من شهر حيث أتاني مطربا لن أقول من أين هو لكنه مطرب معروف نسبيا وله كليبات في تلفزيون بلده العربي وطلب مني أن أعمل له عدة أغاني وحينما بدأ يتكلم عن المادة أحسست بأنه يريد (كما نسميه بلغة الموسيقيين سلق بيض) وطلبت منه أكثر من مرة و (بلطف) أن يتصل بي لاحقا لعله يستطيع أن يفهم بأنني لا أرغب بعمل التوزيع له وبعد إصرار منه قلت له وبالحرف: أرجوك إبحث عن موزع غيري.
أنا حينما أكتب عملا أحب أن أترك فراغا زمنيا بين كل عمل وآخر لئلا يأتي تشابها بين العملين بدون قصد، أحيانا تأتيني فكرة أو لحن وأنا جالس في انتظار المترو وأحيانا تأتيني فكرة وأنا أسير في الشارع وأحيانا لا يأتيني أي شيء لفترة طويلة فأمتنع عن الكتابة.
نعم أنا معك بأن أغلب ما يحصل الآن هو ما نسميه نحن (سلق بيض)، بصراحة لقد كان هناك نوع من (سلق البيض) زمان لكنه كان نادرا جدا وكان شيئا غير محترم بل ومنبوذا لكن مع الأسف في يومنا هذا فهذا هو المحترم والشائع، أعرف ملحنا من بلد عربي مشهورا في بلده وهو أيضا معروف ب (سلق البيض) كان يقول: حينما تأتيني الكلمات أسأل المغني أو كاتب الكلمات أي مقام يريد فأذهب للبرميل وأدخل الكلمات في البرميل المخصص لتخرج ملحنة جاهزة، حيث أنه يوجد لدي في البيت عدة براميل واحد للراست والثاني للبيات والثالث للصبا والرابع للهزام والخامس للنهاوند وهكذا، هذه قصة حقيقية سمعتها من الملحن نفسه والذي أرفض حتى أن أقول من أي بلد عربي هو تجنبا للإحراج.
نعم أسؤأ ما في العمل الموسيقي هو حينما يكرر الموسيقي نفسه والأسوأ من ذلك هو عدم مراعاة النخبة ممن نسميهم نحن السميعة الجيدين أو الأناس المتذوقين للموسيقى بطريقة عالية (أي عدم احترام الذوق العالي).
ذكرت في مقالك الجميل عن التوزيع أيام زمان وذكرت أندريه رايدر وغيره (بالمناسبة أنا عملت مرات عديدة مع الموسيقار فؤاد الظاهري حينما كنت طالبا في القاهرة)، من ذكرتهم كانوا دارسين للموسيقى دراسة مستفيضة لكن ما يحصل الآن هو أن أي شخص يتمكن من عزف الأورج يقوم بتوزيع الأعمال وطبعا يساعده هذا الجهاز كثيرا وأغلب من يقومون بالتوزيع اليوم هم من الجهلة موسيقياً (عذرا لهذا التعبير القاسي لكنها الحقيقة) لكنني طبعا لا يمكن أن أتناسى موسيقيين مبدعين رائعين أمثال زميلي وصديقي وأخي الحبيب الموسيقار يحيى الموجي وزميل الدراسة الموسيقار عمر خيرت وغيره من جيلي والأجيال السابقة واللاحقة لجيلي (الموجي يصغرني بحوالي خمسة أو ستة سنوات على ما أذكر).
التوزيع الموسيقي هو ذوق وقبل أن يكون علم، ذكرت كلاما هام جدا وهو عن كثافة التوزيع الموسيقي، أنا معك تماما بأنه لا يجب أن يكون كل التوزيع أو العمل الموزع مكتوب بحيث أن الموسيقى أن تكون محشوة بهارموني ثقيل من البداية للنهاية فهذا يترك أثرا سلبيا ومزعجا للغاية لدى السامع، حتى كبار المؤلفين الكلاسيكيين أمثال دفورجاك وماهلر وديبوسي تجد في أعمالهم يوجد الكثير من الأماكن تكاد تخلو من أي هارموني وتجد بأن الأوركسترا كله تقريبا يعزف اللحن نفسه لكن على طبقات أو أوكتافات مختلفة، وكثيرا ما تعزف الكمانات أو الشيللوات على سبيل المثال لحنا واحدا وبدون أي هارموني وبدون حتى أي أوكتاف، أو أن يعزف الفلوت والكلارينيت والأوبوا على سبيل المثال لحنا واحدا وبدون أي إضافة هارمونية، ليست الشطارة في كثرة إدخال الهارموني والكونتربوينت وأن تعزف الآلات كلها في نفس الوقت من البداية للنهاية وهم يعزفون هارموني ثقيل فهذا شيء محبط للغاية بل ومنفر أحيانا، لكن الشطارة في أين ومتى نستخدم الهارموني والكونتربوينت أو حتى الأوكتافات، ومتى يجب أن يكون الهارموني خفيفا ومتى يكون ثقيلا (أو كما نسميه ثخينا) ومتى يستحسن أو يجب أن يكون اللحن من ميلودي أو لحن واحد وبدون هارموني أو كونتربوينت.
أما ما كنت قد ذكرته في مكان آخر عن الحليات الشرقية (أو لنحدد الحليات العربية) فأنا أيضا معك تماما بأن جمال موسيقانا وثراءها هو التمايز والاختلاف في الحليات حينما تعزف من قبل عدد من العازفين حيث كل منهم يعزف حلياته الخاصة، هذا يعطي رونقا وبهاءا للموسيقى الشرقية وبالمناسبة فإن الأوروبيين يتذوقون موسيقانا كثيرا جدا بل وقسم منهم يعشقونها، وأنا هنا في أوروبا حينما يكون لدي محاظرة عن الموسيقى الشرقية أتطرق لهذا الموضوع وأهتم به اهتماما خاصا جدا وأركز عليه وأجلب لهم أو أعزف لهم نماذج على ذلك، لكنني أختلف معك في شيء واحد وهو أن الأوربيين ممكن أن يعزفوا موسيقانا، أنا جربت ذلك وجلعت أوركسترا سويدي في المعهد العالي للموسيقى أن يتمكنوا من عزف موسيقى شرقية وفعلا وخلال ساعة ونصف استطاعت هذه الأوركسترا عزف موسيقى زينة لموسيقار الأجيال محمد عبد الوهاب بعد أن قمت بتوزيعها وحينما تسمع عزفهم يخال لك بأنه عرب حيث أنهم كانوا يعزفون ربع التون والحليات العربية، لكنني ولكي أكون صريحا فقد كتبت لهم كل ما أريد لكي أستطيع أن أحصل على هذه النتيجة المرجوة وفي زمن قصير جدا أي ساعة ونصف فقط، مع شديد الأسف فقد قمت بتسجيل ما تسمى بورشة العمل أو (Workshop) التي عزفوا فيها موسيقى زينة في جهاز ال أم بي 3 الذي كان معي لكني حينما كنت في طريقي للبيت اكتشفت بأن الجهاز لم يسجل أي شيء! أنا لا أفعل ذلك كثيرا أي أنني لا أحاول أن أجعل الأوركسترا الأوروبي يعزف موسيقانا (بسبب أن الموضوع يحتاج لدعم مادي) لكنني كثيرا ما أكتب أعمالا أو أغاني عربية للأوركسترا فقط لكي أنقل موسيقانا للمستمع الأوروبي ومن خلال ذلك يعرفون بأننا أناس متحضرين يوجد بيننا أطباء ومهندسين من مستوى عالي ويوجد لدينا موسيقيين أيضا يستطيعون الكتابة للأوركسترا (مثلهم)، هذا بالإضافة إلى أنني أحيانا كثيرة أختار أغنية عربية معينة لكي أوصل للمستمع الأوروبي فكرة وهي أننا لسنا أناس نركب الجمال حينما نتجول في شوارع القاهرة أو بغداد أو دمشق أو تونس أو غيرها (كما يتصور البعض منهم)، مثلا مرة اخترت أن أوزع أغنية يازهرة في خيالي وكان هدفي في اختياري لهذه الأغنية هي أن أوصل رسالة للمستمع الأوروبي هي أننا في بلادنا العربية كنا نستخدم إيقاع التانجو في أغانينا في نفس الوقت الذي كان شائعا في أوروبا والغرب وكنت حريصا في كل مرة أعزف فيها هذه الأغنية مع الأوركسترا أن أقول هذا الكلام.

هذا مثال بسيط لما أقوله عن الحليات الشرقية (لكني في محاظراتي أتكلم طويلا جدا عن هذا الموضوع وأدعمه بالكثير من الأمثلة وأذكر تماما مثلما ذكرت بأنه من المعيب على العازف أو المطرب حينما يعزف أو يغني جملة مرتين أو ثلاثة أو أكثر من المعيب عليه أن يغنيها بالضبط كما هي بل عليه أن يغنيها بطريقة مختلفة في كل مرة)
http://www.nagam.org/showpost.php?p=35214&postcount=6 (http://www.nagam.org/showpost.php?p=35214&postcount=6)
عذرا لأن ملف الحليات الشرقية كان قد سقط سهوا أثناء وضعي للموضوع لكنني قمت بوضعه في مشاركة لاحقة وهذا هو الملف الصوتي
http://www.nagam.org/attachment.php?attachmentid=1118&stc=1&d=1247701393 (http://www.nagam.org/attachment.php?attachmentid=1118&stc=1&d=1247701393)

أخيرا لنا لقاءات أخرى إنشاء الله وشكرا جزيلا لصديقي الأستاذ علاء لنقله كلماتي هذه لكم ونقله مواضيعكم الشيقة لي أحيانا.
لك مني كل الحب والتحية وحبي لمصر المحروسة
أحمد الجوادي

[armendo]

اخى الأستاذ علاء صباح الخير
برجاءنقل هذا التعليق الى الأستاذ احمد الجوادى.
اخى الأستاذ القدير احمد الجوادى تحية عاطرة وتقدير واحترام كبير لما تبذلة من جهد فى سبيل تعريف وايصال موسيقانا الى اذان المستمع الغربى وقد استمعت يا اخى احمد الى الملف الصوتى الذى يتضمن معزوفة الاستاذ عبد الوهاب زينة من عزف
الفرقة السويدية وقد كانت النتيجة مرضية جدا وممتازة ولكنى ارجع الفضل هنا الى النوتة التى كتبتها انت متضمنة لكل الحليات الشرقية وهم كعازفين محترفون ينفذون ماكتبتة بدون زيادة او نقصان وهنا اود ان اشير الى اهم نقطة بالموضوع وهو الأحساس
واريد ان اسأل هنا هل لو تصدى الأستاذ احمد الجوادى لعزف تلك المقطوعة هل سنجد
اختلاف؟بالتاكيد سنحس بهذا الأختلاف فستعطيها يا استاذ احمد من روحك وحسك الشرقى الذى تربيت علية والأجواء الشرقية التى ترعرعت فيها والتى كونت ثقافتك الموسيقية اذن المسألة ليست هل يستطيعون عزف موسيقانا ام لا.
واخيرا لك منى كل الحب والتحية كما ارجو ان اتشرف بالتعليق على مداخلتى كما اشكر صديقى الأستاذ علاء على نقل هذة المداخلة.
ارمندو